Makivik Job Opportunity
ᐊᓪᓚᕕᒻᒥ ᑲᒪᔨ
Job Description:
ᐊᖓᔪᕐᖄᖃᕐᓱᓂ: ᐊᓪᓚᑎᒻᒪᕆᐅᑉ ᐱᒍᑦᔨᕕᖓᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ
Responsibilities:
- ᐊᓪᓚᕕᒻᒥ ᑲᒪᔨᐅᑉ ᐱᓇᓱᐊᒐᖓ ᐱᐅᓯᖃᓲᖅ ᐊᐅᓚᑦᓯᓂᕐᒨᓕᖓᔪᓄᑦ ᑐᖕᖓᕕᒋᔭᐅᑦᓱᓂ ᑰᒃᔪᐊᒦᑦᑐᓄᑦ ᐊᓪᓚᕕᓐᓄᑦ. ᑖᑦᓱᒪ ᖃᓄᐃᓘᕐᑎᐅᓂᖓ ᐃᑲᔪᕈᑎᓄᑦ-ᐱᓇᓱᑦᑕᐅᖄᕆᐊᓕᓐᓂᒃ ᐱᒍᑦᔨᐅᑎᓂᒃ, ᐱᓇᓱᐊᕐᕕᓭ ᐃᓃᑦ, ᐊᐅᓚᑦᓯᓂᓕᕆᓂᕐᒥ ᓴᐳᑦᔨᓯᒪᓂᕐᒥ ᖃᓄᐃᓘᕈᑏᑦ, ᑐᓴᐅᒪᖃᑎᒌᓐᓂᒧᑦ ᐋᕐᕿᓱᕐᓯᒪᒍᑏᑦ, ᑭᓯᑕᐅᒪᔪᓕᕆᒍᑎᓂᒃ ᑲᒪᒋᔭᖃᕐᓃᑦ, ᐊᒻᒪᓗ ᐱᓇᓱᕝᕕᒥ ᐊᐅᓚᑦᓯᒍᑏᑦ ᐃᓂᕐᕋᓯᐊᕈᑎᑦᓴᖏᓐᓂᒃ ᐃᓂᕐᕋᓯᐊᖏᓐᓇᕈᑎᑦᓴᖏᓐᓂᓗ ᐱᑕᖃᕐᑎᓯᓲᖅ;
- ᐱᓇᓱᐊᑦᓯᐊᓱᒋᑦ ᐱᓇᓱᑦᑎᓂᒃ ᑲᒪᒋᔭᖃᕐᓂᑯᑦ, ᐊᑕᐅᑦᓯᑰᕐᑎᓯᒍᑎᒃᑯᑦ, ᐃᓂᓪᓚᖓᑎᑦᓯᓂᒃᑯᓗ ᐊᓪᓚᕕᒻᒥ ᑲᒪᔨ ᐱᓇᓱᕝᕕᒋᔭᐅᔪᒥ ᐃᓂᕐᕋᓯᐊᕐᑎᓯᒍᑎᓂᒃ ᐃᑲᔪᓲᖅ ᓴᐳᑦᔨᔪᓂᒃ ᐅᓪᓗᑕᒫᕐᓯᐅᑎᓂᒃ ᑲᑎᖕᖓᔨᓂᒃ, ᐱᓇᓱᑦᑎᓂᒃ, ᑲᒪᔨᓂᒃ, ᐳᓛᕆᐊᕐᑐᓂᒃ, ᐊᒻᒪᓗ ᑯᐊᐳᕇᓴᓕᒫᒧᐊᖓᔪᓂᒃ ᐱᓇᓱᐊᕐᑎᓯᒍᑎᓂᒃ ᒪᑭᕝᕕᑯᓪᓗ ᐱᒍᑦᔨᓂᕐᒥ ᐱᓇᓱᑦᑎᒪᕆᐅᓂᕐᒥᓗ ᒪᓕᒐᐅᑎᑕᖏᓐᓂᒃ ᐊᑐᕐᑕᐅᑎᑦᓯᖏᓐᓇᓱᓂ;
- ᑲᒪᒋᔭᖃᕐᓗᓂ ᐱᓇᓱᖃᑎᒌᑦᑐᓂᒃ 2 ᑭᐅᔩᒃ, 1 ᑭᒡᒐᓕᕋᕐᑎ ᐊᒻᒪᓗ 3 ᓴᓗᒻᒪᓭᔩᑦ;
- ᐱᒍᑦᔨᕕᒻᒥᒃ ᐃᑲᔪᕐᓯᒪᕙᓪᓗᓂ ᐊᑦᔨᒌᖕᖏᑐᑎᒍᑦ ᐱᓇᓱᐊᕆᐊᓕᑎᒍᑦ: ᐊᑦᑕᑐᕈᑎᓂᒃ ᑲᒪᒋᔭᖃᕐᓂᖅ , ᐊᓪᓚᑖᕐᕕᑰᕐᑐᓴᓂᒃ ᐱᒍᑦᔨᐅᑏᑦ, ᐊᑦᑕᓇᕐᑌᓕᒪᒍᑏᑦ, ᐊᓪᓚᕕᒻᒥ ᐃᓂᖏᑦ, ᐅᖄᓚᐅᑎᒃᑯᑦ ᐱᒍᑦᔨᐅᑏᑦ, ᑭᐅᔨᖃᕐᓂᑯᑦ ᑭᒡᒐᓕᕋᕐᑎᖃᕐᓂᑯᓪᓗ ᐱᒍᑦᔨᐅᑏᑦ;
- ᑲᒪᒋᓗᒋᑦ ᐊᓪᓚᕕᒻᒥ ᐱᓇᓱᒍᑎᑦᓴᓂᒃ ᓄᖑᑦᑕᓲᓂᒃ, ᓴᓗᒻᒪᓭᒍᑎᓂᒃ ᓄᖑᑦᑕᓲᓂᒃ ᐅᑦᓯᔭᐅᒍᑎᒃᑰᑐᑦ ᐅᒥᐊᕐᔪᐊᑰᕐᑐᓗ ᑎᑭᓵᑦ ᑭᓯᑕᐅᒪᔪᓕᕆᔭᐅᒍᑎᖏᑦ;
- ᐃᑲᔪᕐᐸᓗᓂ ᐊᑦᔨᒌᖕᖏᑐᓄᑦ ᑯᐊᐳᕇᓴᒥ ᑲᑎᖕᖓᓂᕐᓄᑦ ᐱᓂᐊᕐᓂᖃᕈᑎᓄᓪᓗ ᐊᑐᐃᓐᓇᕈᕐᑎᒍᑎᓂᒃ ᑰᒃᔪᐊᒥ: ᐆᒃᑐᕋᐅᑎᒋᓗᒋᑦ ᐅᓪᓗᑕᒫᕐᓯᐅᑎᓕᕆᔩᑦ ᑲᑎᖕᖓᓂᖏᑦ, ᐱᓇᓱᑦᑏᑦ ᐅᓪᓗᖓ ᐊᒻᒪᓗ ᖁᕕᐊᓱᕝᕕᒥᐅᕐᓂᒧᑦ ᑲᑎᖃᑎᒌᓐᓂᖅ;
- ᑲᒪᒋᔭᖃᕆᐊᓕᒃ ᒪᑭᕝᕕᑯᑦ ᑰᒃᔪᐊᒥ ᐊᓪᓚᕕᖓᓃᑦᑐᑦ ᑐᕌᒍᑎᖏᓐᓂᒃ;
- ᐅᖄᓚᐅᑎᒥᒃ ᑭᐅᔨᒥᒃ ᓯᖏᑦᓯᓯᒪᒋᐊᖃᓕᕈᓂ ᐃᓇᖐᓯᒪᕙᓪᓗᓂ;
- ᐊᓯᒋᐊᓪᓚᖏᓐᓂᒃ ᐱᓇᓱᐊᕐᑕᐅᖁᔭᐅᔪᓂᒃ ᐅᓪᓗᑕᒫᕐᓯᐅᑎᓕᕆᔨᓄᑦ ᑲᑎᖕᖓᔨᓄᑦ ᐊᓪᓚᑎᒻᒪᕆᒻᒧᓗ ᐊᒻᒪᓗ/ᐅᕝᕙᓘᓐᓃᑦ ᐱᒍᑦᔨᕕᒻᒥ ᑐᑭᒧᐊᑦᑎᓯᔨᒧᑦ;
- ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ;
- ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.
Qualifications:
- ᐳᕐᑐᓂᕐᓴᒥ ᐃᓕᓐᓂᐊᕇᕈᑎᑖᕐᓯᒪᓗᓂ;
- ᑕᒪᒃᑯᓄᖓ ᐃᓕᖓᔪᓂᒃ Experience in a related field;
- ᑐᑭᓯᒪᖃᑎᖃᕈᓐᓇᓯᐊᕐᓗᓂ ᐃᓄᒃᑎᑐᑦ ᖃᓪᓗᓈᑎᑐᓪᓗ, ᒍᐃᒍᐃᑎᑑᕈᓐᓇᕈᓂ ᐱᐅᔫᒐᔭᕐᑐᖅ;
- ᐱᒍᓐᓇᓯᐊᕐᓗᓂ ᖃᕆᑕᐅᔭᒃᑯᑦ ᐱᓇᓱᒍᑎᓂᒃ ᐊᑐᕈᓐᓇᓯᐊᕐᓗᓂ: Microsoft Suite (Excel, Word, PowerPoint, ᐊᓯᖏᓪᓗ.);
- ᐱᓇᓱᖃᑎᒌᑦᑐᓂᒃ ᑲᒪᒋᔭᖃᕈᓐᓇᓗᓂ ᓯᕗᓕᕈᓐᓇᓗᒋᓪᓗ;
- ᑕᑎᒋᓇᑦᓯᐊᑑᓗᓂ, ᐃᓂᓪᓚᖓᑎᑦᓯᒍᓐᓇᓯᐊᕐᓗᓂ ᐃᒻᒥᓂᕐᓱᓗᓂ ᐱᓇᓱᒍᓐᓇᓯᐊᕐᓗᓂ;
- ᐊᑐᑦᓯᐊᑐᒥᒃ ᐊᖁᒍᓐᓇᐅᑎᖃᕐᓗᓂ;
- ᐱᖁᔭᒥᒃ ᓯᖁᒥᑦᓯᓯᒪᖕᖏᑑᓂᖓ ᓱᕐᖁᐃᓯᒪᒍᑎᖃᕆᐊᓕᒃ.
Benefits:
ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:
| § ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ ᐱᓇᓱᕝᕕᐅᑉ ᐃᑲᔪᕐᓯᒍᑎᖏᑦ 7% | § ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500 |
| § ᐊᒥᓱᐃᓄᑦ ᐃᒻᒪᖃᐅᑎᑦ | § ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500 |
| § ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ | § ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000 |
| § ᖃᓂᒪᓂᕐᒧᑦ: 15 ᐅᓪᓗᐃᑦ | § ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000 |
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs