Makivik Job Opportunity
ᐊᓂᕐᕋᖃᕐᑎᑕᐅᕕᖕᒥ ᐱᓇᓱᑦᑎ
Job Description:
ᐊᖓᔪᕐᖄᖃᕐᓱᓂ: ᐃᑎᕐᕕᒥᒃ ᑐᑭᒧᐊᑦᑎᓯᔨᒥᒃ
Responsibilities:
ᐊᓂᕐᕋᖃᓚᐅᕐᑐᑐᓂᒃ ᓴᐳᑦᔨᓯᒪᓃᑦ ᐱᓂᕐᓗᓂᖃᓂᖃᕐᑌᓕᓃᓪᓗ
- ᐱᓇᓱᖃᑦᑕᓗᓂ ᐃᑎᕐᐸᓕᐊᔪᑦ ᐊᒃᓚᖁᑎᑦᓴᖏᓐᓂᓗ ᓴᐳᒻᒥᔭᐅᒍᑎᑦᓴᖏᓐᓂᓗ ᓯᕗᓪᓕᐹᓂᒃ ᐱᓂᕐᓗᑌᓕᓂᕐᒨᓕᖓᔪᓂᒃ ᐸᕐᓇᕈᑎᓂᒃ
- ᑲᒪᓇᓱᖃᑦᑕᓗᓂ ᐊᓂᕐᕋᖃᕐᑎᓯᕕᒻᒥ ᐱᓂᕐᓗᑐᖃᓕᖕᖏᑲᓗᐊᕐᒪᖔᑦ ᐱᓂᕐᓗᑐᖃᕐᐸᓗ ᑲᒪᔨᒋᔭᐅᓗᓂ
- ᐃᑉᐱᓂᐊᕐᓂᖏᑎᒍᑦ ᓴᐳᑦᔨᓯᒪᒍᑎᓂᒃ ᐱᑕᖃᕐᑎᓯᔨᐅᓗᓂ ᐊᓂᕐᕋᖃᕐᑎᓯᕕᒻᒥᐅᓂᒃᓗ ᐃᑲᔪᕐᓯᒪᔨᐅᓗᓂ
- ᐊᓂᕐᕋᖃᕐᑎᑕᐅᕕᒻᒥᐅᓂᒃ ᓴᐳᑦᔨᓯᖃᑦᑕᓗᑎᒃ ᑲᒪᒋᔭᐅᒍᑎᒋᒋᐊᓕᒻᒥᓄᑦ ᐅᐸᐅᑎᒋᐊᖃᓕᕐᐸᑕ, ᐱᑦᓴᑕᕐᕕᓴᕐᓯᐅᓕᕐᐸᑕ ᐃᑯᓄᖕᖓᓗᑎᕐᑕᐅᒍᑎᑖᓯᒪᓕᕐᐸᑕᓗ.
- ᑭᓪᓕᖃᑦᓯᐊᑐᓂᒃᓗ ᑐᑭᖃᑦᓯᐊᑐᓂᒃᓗ ᐃᓱᓕᑦᑕᕕᓐᓂᒃ ᑲᔪᓯᑎᑦᓯᓂᖃᕐᓗᓂ
ᐱᐊᕋᕐᓂᒃ/ᑲᒃᑲᓛᓂᒃ ᓴᐳᑦᔨᓯᒪᒍᑏᑦ
- ᐱᐊᕃᑦ/ᑲᒃᑲᓛᑦ ᐱᓂᕐᓗᓂᖃᕐᓂᒧᑦ ᑎᑭᐅᑎᑎᑦᑌᓕᓗᒋᑦ, ᓱᖏᐅᓯᓴᕐᑕᐅᒪᒍᑎᖏᓐᓂᓗ ᐃᓂᓪᓚᖓᑦᓯᐊᑐᓂᒃᓗ ᐱᓂᐊᕐᓂᖃᕐᑎᖃᑦᑕᓗᒋᑦ
- ᑲᒪᓇᓱᖃᑦᑕᓗᒋᑦ ᐱᐊᕃᑦ/ᑲᒃᑲᓛᑦ ᖃᓄᐃᖕᖏᓯᐊᕐᓂᖃᕋᓗᐊᕐᒪᖔᑕ ᐃᓱᒫᓗᓐᓇᓕᕐᐊᑕᓗ ᐃᓄᓕᕆᔨᖏᑦ ᑐᓴᕐᑎᖃᑦᑕᓗᒋᑦ
- ᐊᓈᓇᒋᔭᐅᔪᑦ ᐃᑲᔪᕐᓯᒪᖃᑦᑕᓗᒋᑦ ᕿᑐᕐᖓᒥ ᑭᖕᒍᒪᒋᓕᕐᑕᖏᑎᒍᑦ ᓴᐳᑎᓯᒪᓗᒋᑦ
ᐊᓐᓇᒋᐊᕐᕕᐅᑉ ᐃᖏᕐᕋᑎᑕᖏᑕ ᐅᓪᓗᑕᒫᕐᓯᐅᑎᖏᑦ
- ᑲᔪᓯᓂᖃᕐᑎᓯᓯᑦᓯᐊᓗᓂ ᑲᑉᐱᐊᓇᖕᖏᑐᒥᒃ, ᑐᖕᖓᓇᕐᑐᒥ ᐃᓂᓪᓚᖓᑦᓯᐊᑐᒥᓪᓗ ᐃᓅᓗᓂ ᓴᕐᕿᔮᕐᕕᒥᒃ
- ᓴᐳᒻᒥᔭᖃᑦᓯᐊᓗᓂ ᓂᕆᓐᓇᓕᕐᐸᑦ ᐊᑕᐅᑦᓯᑯᕐᑎᓯᒍᑎᓂᒃ ᐊᓂᕐᕋᖃᕐᑎᑕᐅᕕᒻᒥᓂᒃᓗ ᑲᒪᑦᓯᐊᓂᖃᕐᓂᓂᒃ
- ᐊᒃᓚᖁᑎᓂᒃ ᐱᔭᕇᕐᓯᒪᑦᓯᐊᖃᑦᑕᓗᓂ, ᐱᓂᕐᓗᑐᖃᕐᓂᐸᓪᓗ ᑐᓴᕐᑕᐅᑎᑦᓯᒍᑎᓂᒃ ᐊᓯᖏᓐᓂᓗ ᐊᓂᕐᕋᖃᕐᑎᑕᐅᔪᑦ ᐊᒃᓚᑕᐅᓯᒪᒍᑎᖏᓐᓂᒃ ᐊᒃᓚᓯᐊᖃᑦᑕᓗᓂ
- ᐃᓚᐅᖃᑦᑕᓗᓂ ᐱᓇᓱᒌᕐᓗᓂ ᐊᒃᓚᖁᑎᓂᒃ ᕿᒪᓯᔭᒥᓂᒃ ᑐᑭᓯᔭᐅᑎᑦᓯᓯᐊᕐᖃᖃᑦᑕᓗᓂ ᐃᓚᐅᖃᑦᑕᒥᓗᓂᓗ ᐱᓇᓱᖃᑎᒌᑦᑐᑦ ᑲᑎᖕᖓᓕᕐᐸᑕ
- ᐱᓇᓱᖃᑕᐅᓂᕐᓗ ᐃᓗᕐᖁᓯᕐᒨᓕᖓᔪᓂᒃᓗ ᐊᕙᑎᖃᕐᓃᑦ
- ᖃᓂᑕᕆᓗᒍ ᐱᓇᓱᖃᑎᖃᕐᓗᓂ ᐃᓗᕐᖁᓯᕐᒨᓕᖓᔪᓂᒃᕐ ᑐᑦᑕᕕᐅᓂᕐᒥᒃ ᐱᓇᓱᑦᑎᒥᒃ ᓴᐳᑦᔨᓯᒪᖃᑕᐅᓗᓂ ᐃᓗᕐᖁᓯᕐᒨᓕᖓᑦᓱᑎᒃ ᖃᓄᐃᓘᕈᑎᐅᓕᕐᑐᓂᒃ
- ᖁᕝᕙᑎᕆᕙᓪᓗᓂ ᐃᓗᕐᖁᓯᕐᒥᒃ ᓲᓱᒋᔭᖃᕈᑎᐅᑦᓱᑎᒃ ᖃᓄᐃᓘᕈᑎᐅᓕᕐᑐᓂᒃ ᐊᓂᕐᕋᖃᕐᑎᓯᕕᒻᒥ ᐱᔪᓐᓇᐅᑎᓕᓐᓂᒃ ᐱᓇᓱᑦᑐᓄᑦ
- ᒪᓕᑦᓯᐊᓗᓂ ᓈᓚᑦᓯᐊᓗᓂᓗ ᐅᖃᔭᐅᑎᐅᒋᐊᖃᖕᖏᑐᓄᑦ ᒪᓕᒐᖃᕐᑎᓯᒍᑎᓂᒃ ᐱᓇᓱᑦᓯᐊᓂᕐᒥᓗ ᒪᓕᒐᖁᑎᓂᒃ
- ᐃᓚᐅᖏᓐᓇᓯᐊᖃᑦᑕᓗᓂ ᐱᓇᓱᒐᕐᒥᓂᒃ ᐱᒍᓐᓇᓯᒋᐊᓪᓚᑎᑕᐅᔪᓄᑦ
- ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ;
- ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.
Qualifications:
- ᐃᓕᓐᓂᐊᕆᕐᓯᒪᒍᑎᖃᕐᓗᓂ ᐅᕝᕙᓘᓐᓃᑦ ᐃᓄᓕᕆᔨᐅᓂᕐᒥᒃ ᐃᓕᓐᓂᐊᕆᕐᓯᒪᒍᑎᖃᕐᓗᓂ, ᐃᓄᓕᕆᓂᕐᒥᓗ, ᐃᓅᖃᑎᒌᓂᒃᓗ ᑲᒪᒋᐊᕈᓐᓇᓂᖃᕐᓗᓂ ᐅᕝᕙᓘᓐᓃᑦ ᑕᒪᒃᑯᓄᖕᖓᓕᖓᔪᓂᒃ ᐱᓇᓱᓕᓂᐅᓗᓂ (ᐱᒍᒪᔭᐅᓂᕐᓴᖅ) ᓇᓪᓕᖁᐊᖏᓐᓂᒃ ᐱᓇᓱᓚᐅᕐᓯᒪᓗᓂ ᐅᕝᕙᓘᓐᓃᑦ ᐃᓅᖃᑕᐅᓯᒪᓂᖃᕐᓗᓂᓗ ᐱᒋᐅᕐᓴᔭᐅᖑᑎᖃᕐᓯᒪᓗᓂᓗ ᐊᑐᕐᓂᖃᑦᓯᐊᑐᓂᒃ ᐃᓱᒪᒋᔭᐅᒐᔭᕐᑐᓂᒃ
- ᑐᑭᓯᒪᔭᖃᕐᓗᓂ ᖁᐊᑦᓴᓯᒪᓇᕐᑐᑯᕐᓯᒪᔪᑦ-ᑐᑭᓯᒪᒋᐊᓕᖏᓐᓂᒃ ᐱᓇᓱᒍᑎᓂᒃ
- ᐱᔪᓐᓇᓂᖃᕐᓗᓂ ᑲᒪᒋᔭᖃᕆᐊᕈᓐᓇᓂᕐᒥᒃ ᐅᐃᒻᒪᖓᒍᓐᓀᓗᓂᓗ ᐊᑑᑎᖃᑦᓯᐊᑐᓂᒃᓗ ᑲᑉᐱᐊᓇᕐᑐᓯᐅᕐᑐᖃᓕᕐᑎᓗᒍ
- ᖃᐅᔨᒪᔭᖃᕐᓗᓂ ᑲᑉᐱᐊᓇᕐᑐᓯᐅᓕᕐᑐᓂᒃ ᑲᒪᒋᔭᖃᕆᐊᕈᑎᓂᒃ ᓄᓪᓚᑎᑦᓯᒋᐊᕈᑎᓂᒃᓗ
- ᐱᓇᓱᒐᖃᓚᐅᕐᓯᒪᒍᓂ ᐊᕐᓇᓂᒃᓗ ᕿᑐᕐᖓᖏᓐᓂᓗ ᓱᕐᕋᑕᐅᒪᔪᓂᒃ ᐱᓗᑲᑦᑕᐅᓂᕐᓄᑦ ᐱᐅᓂᕐᓴᐅᒐᔭᕐᒥᔪᖅ
- ᐊᑑᑎᔭᖃᓚᐅᕐᓯᒪᓗᓂ ᐃᓄᓕᕆᓂᕐᒥᒃ, ᐊᓐᓇᒋᐊᕐᕕᓕᕆᓂᕐᒥᒃ, ᑲᑉᐱᐊᓇᕐᑐᓯᐅᓕᕐᑐᑦ ᐱᑦᔪᔭᐅᕕᖓᓂᒃ ᐅᕝᕙᓘᓐᓃᑦ ᓄᓇᓕᓐᓂ-ᑐᖕᖓᕕᓕᓐᓂᒃ ᐱᓇᓱᓚᐅᕐᓯᒪᒍᓂ ᐱᔭᐅᔪᒪᓂᕐᓴᐅᒐᔭᕐᒥᔪᖅ
- ᐃᓗᕐᖁᓯᕐᒥᒃ ᑐᑭᓯᒪᓇᓱᓐᓂᖃᕐᓗᓂ ᐱᓇᓱᒍᓐᓇᓯᐊᕐᓗᓂᓗ ᐃᓄᑐᐃᓐᓀᑦ ᑐᖕᖓᕕᖏᓐᓂᒃ ᑐᖕᖓᕕᓕᕐᑐᓯᒪᔪᓂᒃ
- ᐱᔪᓐᓇᓂᖃᑦᓯᐊᓗᓂ ᐃᓅᓐᓂᒃ ᐅᖃᖃᑎᖃᕈᓐᓇᓂᕐᒥᓗ ᑭᓪᓕᒋᔭᐅᓂᐊᕐᑐᓂᒃᓗ ᐋᕐᕿᓱᐃᒍᓐᓇᓂᖃᕐᓗᓂ
- ᐃᓄᑑᓗᓂ ᐱᓇᓱᒍᓐᓇᓂᖃᑦᓯᐊᓗᓂ ᐁᑉᐹᒍᓪᓗ ᑫᕙᓪᓚᒍᓯᕐᓂ 24-ᓂ/ᐅᒃᓗᓂ 7-ᓂ ᐱᓇᓱᖃᑎᒌᑦᑐᓄᑦ ᐱᓇᓱᖃᑕᐅᒍᓐᓇᓂᖃᑦᓯᐊᓗᓂ
- ᑲᒃᑲᓛᓂᒃ/ᐱᐊᕋᕐᓂᒃ ᐱᓇᓱᖃᑕᐅᕕᖃᓚᐅᕐᓯᒪᒍᓂ ᐱᓇᓱᒐᕐᑕᕋᓱᓐᓂᖓ ᐃᑲᔪᕐᓯᔭᐅᒐᔭᕐᒥᔪᖅ
- ᖃᕆᑕᐅᔭᓂᒃ ᐊᑐᕈᓐᓇᓂᖃᑦᓯᐊᓗᓂ
- ᐃᓄᒃᑎᑐᑦ ᐅᖃᐅᓯᕐᒥᒃ ᐅᖄᒍᓐᓇᕈᓂ ᐱᓇᓱᒐᕐᑕᕋᓱᓐᓂᖓ ᐃᑲᔪᕐᓯᔭᐅᓪᓚᕆᒐᔭᕐᒥᔪᖅ
- ᐃᓱᒫᓗᓐᓇᓂᐅᔭᕋᔭᖕᖏᑲᓗᐊᕐᒪᖔᑦ ᖃᐅᔨᓴᕐᑕᐅᖃᕋᔭᕐᑐᖅ
- ᑐᑭᓯᒪᖃᑎᖃᕈᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᓐᓂᒃ ᐅᖃᐅᓰᑦ ᐱᖓᓱᐃᖑᑎᓪᓗᒋᑦ (3): ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓐᓃᑦ ᒍᐃᒍᐃᑎᑐᑦ;
- ᖃᕆᑕᐅᔭᒥᒃ ᐊᑐᕈᓐᓇᓯᐊᕐᓗᓂ: Microsoft Suite (Excel, Word, PowerPoint, ᐊᓯᖏᓪᓗ.);
- ᐱᓂᕐᓗᑐᕕᓂᐅᓂᕐᒧᑦ ᐃᕐᖃᑐᐃᕕᑎᒍᕐᓯᒪᖕᖏᓗᓂ.
Benefits:
ᐱᕙᓪᓕᖁᑎᓕᒫᓂᒃ ᐊᑐᐃᓐᓇᐅᑎᑕᐅᔪᓂᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓇᓗᓀᕐᑕᐅᒪᔪᓂᒃ ᒪᑭᕝᕕᑯᑦ ᐱᓇᓱᑦᑎᓄᑦ ᒪᓕᒐᓕᐊᕆᓯᒪᔭᖏᑦ
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs