Makivik Job Opportunity
ᐅᐱᕐᖔᖅ ᐃᓕᓐᓂᐊᑏᑦ ᐱᓇᓱᒐᖓ – ᐃᕐᖃᑐᐃᕕᓕᕆᕕᑦ
Job Description:
ᐅᐱᕐᖔᒥ ᐱᓇᓱᑦᑎ ᐃᑲᔪᕋᔭᕐᑐᖅ ᒪᑭᕝᕕᐅᑉ ᐃᕐᖃᑐᐃᔨᓕᕆᕕᖓᑕ ᐅᓪᓗᑕᒫᕐᓯᐅᑎᖏᓐᓂᒃ, ᐃᑲᔪᕐᓯᓗᓂ ᐊᐅᓚᑦᓯᓂᓕᕆᕕᖓᓂᒃ, ᑐᑭᒧᐊᕐᑎᑕᐅᓂᖓᓂᒃ, ᐊᒻᒪᓗ ᐱᓇᓱᐊᕐᑕᐅᔪᐃᑦ ᐱᓂᐊᕐᓂᖏᓐᓂᒃ. ᑖᓐᓇ ᐱᓇᓱᒐᖅ ᐱᕕᑦᓴᖃᕐᑎᓯᔪᖅ ᐊᒡᒐᒥᓄᑦ-ᐱᓇᓱᐊᓪᓗᑐᕐᓂᒥᒃ ᐊᑑᑎᓯᒪᒍᓐᓇᓂᕐᒥᒃ ᐃᓄᐃᑦ ᐃᕐᖃᑐᐃᕕᓕᕆᒍᓯᖏᑦᑕ ᐱᓇᓱᐊᕐᑕᖏᓐᓂᒃ ᐱᕙᓪᓕᐊᑎᑦᓯᓗᓂᓗ ᐱᓇᓱᐊᕈᓯᕐᒥᒃ, ᐅᖃᖃᑎᒌᒍᓯᕐᒥᒃ, ᐊᒻᒪᓗ ᐱᓇᓱᑦᑎᐅᓕᓂᐅᓂᕐᒥᒃ ᐱᓇᓱᖃᑎᒌᓲᓂ ᐊᓪᓚᕕᒻᒥ.
ᐊᖓᔪᕐᖄᖃᕐᓱᓂ: ᐃᕐᖃᑐᐃᕕᓕᕆᕕᑦ
Responsibilities:
ᐊᐅᓚᑦᓯᓂᓕᕆᓂᕐᒥ & ᐊᐅᓚᑕᐅᔪᒥ ᐃᑲᔪᕐᓂᖅ
- ᐃᑲᔪᕐᓗᓂ ᐃᓂᓪᓚᑎᕆᓂᕐᒥᒃ, ᐊᓪᓚᕕᑦᓴᖃᐅᑎᒨᔦᓂᕐᒥ, ᐊᒻᒪᓗ ᐊᐅᓚᑦᓯᓗᓂ ᐱᓇᓱᐊᕐᑕᐅᔪᐃᑦ ᐊᓪᓚᖁᑎᖏᓐᓂᒃ ᐊᒻᒪᓗ ᐊᓪᓚᑕᐅᒪᔪᖁᑎᖏᓐᓂᒃ (ᓯᑯᑦᓴᔦᑦ ᐊᒻᒪᓗ ᖃᕆᑕᐅᔭᑎᒎᕐᑐᑦ);
- ᐃᑲᔪᕐᓗᓂ ᐊᑐᐃᓐᓇᕈᕐᑎᕆᓂᕐᒥᒃ ᐊᒻᒪᓗ ᐋᕐᕿᒋᐊᕆᓂᕐᒥᒃ ᑐᓴᕐᑎᓯᐅᑎᓕᐊᓂᒃ, ᓀᓪᓕᑎᕐᓯᒪᔪᓂᒃ ᑐᓴᕐᑎᓯᐅᑎᓕᐊᓂᒃ, ᐊᒻᒪᓗ ᐊᓪᓚᕕᒻᒥᐅᑎᒍᑦ ᐊᓪᓚᖁᑎᓂᒃ.
- ᐃᑲᔪᕐᓗᓂ ᐊᖑᒪᑦᓯᓂᕐᒥ ᐱᓇᓱᐊᕐᑕᐅᔪᐃᑦ ᓄᐊᑕᐅᒍᑎᖏᓐᓂᒃ, ᐊᓪᓚᑕᐅᒪᒍᑎᖏᓐᓂ, ᐊᒻᒪᓗ ᐱᓂᐊᕐᓂᕆᔭᐅᔪᐃᑦ ᑐᑭᓯᒪᐅᑎᖏᓐᓂ.
- ᐃᑲᔪᕐᓗᓂ ᐊᓪᓚᖁᑏᑦ ᐅᓪᓗᒥᓂᑕᖕᖑᑎᑕᐅᓯᒪᑦᓯᐊᕋᓗᐊᕐᒪᖔᑕ ᐊᒻᒪᓗ ᐊᑐᐃᓐᓇᐅᑎᑕᐅᑦᓯᐊᓗᑎᒃ ᐱᓇᓱᑦᑎᓄᑦ.
ᐱᓇᓱᐊᕐᓂᒥᒃ & ᑐᑭᒧᐊᕐᑎᓯᓂᕐᒥᒃ ᐃᑲᔪᕐᓂᖅ
- ᐃᑲᔪᕐᓗᓂ ᑐᑭᒧᐊᑦᑎᓯᓂᕐᒥᒃ ᑲᑎᒪᓂᕐᓂᒃ, ᐃᓚᐅᑎᓪᓗᒍ ᐊᑐᐃᓐᓇᕈᕐᑎᕆᓂᖅ ᐱᓇᓲᑎᑦᓭᑦ ᐊᒻᒪᓗ ᐊᓪᓚᓗᒋᑦ ᑲᑎᖕᖓᒍᑎᐅᔪᑦ.
- ᐃᑲᔪᕐᓗᓂ ᑲᔪᓯᑎᑦᓯᓂᕐᒥᒃ ᐊᐅᓚᑦᔭᕆᐊᕈᑎᐅᒋᐊᓕᓐᓂᒃ ᐊᒻᒪᓗ ᖃᐅᔨᒋᐊᕐᑕᐅᒋᐊᓕᓐᓂᒃ ᑲᑎᖕᖓᓂᐅᑉ ᑭᖑᓂᐊᒍᑦ.
- ᐃᑲᔪᕐᓗᓂ ᐃᓂᓪᓚᑎᕆᓂᕐᒥᒃ ᐱᔭᕆᐅᕐᓴᓂᕐᓂᒃ, ᑲᑎᖕᖓᓂᐊᕈᓯᕐᓂᒃ, ᐅᕝᕙᓘᓐᓃᑦ ᐱᓂᐊᕐᓂᐅᔪᓂᒃ.
- ᐃᑲᔪᕐᓗᓂ ᐊᖑᒪᑦᓯᓂᕐᒥᒃ ᑐᓴᐅᒪᔭᐅᒋᐊᓕᓐᓂᒃ ᐱᓇᓱᕝᕕᒥ ᐱᓇᓱᑦᑎᓄᑦ ᐊᒻᒪᓗ ᓯᓚᑖᓂ ᐱᓇᓱᖃᑎᐅᔪᓄᑦ ᒋᐊᖃᓕᑐᐊᕈᓂ.
ᐊᑐᐃᓐᓇᕈᐃᓂᕐᒥᒃ ᐃᑲᔪᕐᓂᖅ
- ᐃᑲᔪᕐᓗᓂ ᐱᓇᓱᑦᑎᓂᒃ ᐊᒻᒪᓗ ᐃᓚᐅᖃᑕᐅᔪᓂᒃ ᐊᑐᐃᓐᓇᕈᕐᑎᕆᖃᑕᐅᓂᕐᒥᒃ ᐊᒻᒪᓗ ᐱᔭᕇᖃᑕᐅᓂᕐᒥᒃ ᐊᐅᓚᑦᓯᓂᓕᕆᐅᑏᑦ ᑕᑕᕐᓴᒐᖏᓐᓂᒃ ᐊᒻᒪᓗ ᐊᓪᓚᖁᑎᖏᓐᓂᒃ, ᐃᓚᒋᔭᐅᑎᓪᓗᒍ ᐊᑭᓕᕐᑐᒐᑦᓭᑦ, ᑮᓇᐅᔭᕐᑑᑎᕕᓃᑦ ᐅᑎᕐᑕᐅᒍᑎᖏᑦ, ᐊᒻᒪᓗ ᐊᓯᖏᑦ ᐊᓪᓚᖁᑏᑦ.
- ᐃᑲᔪᕐᓗᓂ ᖃᖓᑦᑕᐅᑎᓕᐅᕐᓂᓂᒃ (ᐆᑦᑑᑎᒋᓗᒍ ᐊᑐᐃᓐᓇᕈᐃᓂᖅ ᐃᓂᓕᐅᕐᓂᓂᒃ, ᐊᑐᐃᓐᓇᕈᕐᓗᒋᑦ ᖃᖓᑦᑕᐅᑎᑦᓴᓚᑳᑦ) ᐱᓇᓱᖃᑎᒋᓗᒍ ᐃᑭᒍᑎᓕᐅᕐᑏᑦ.
- ᐃᑲᔪᕐᓗᓂ ᐱᓇᓱᑦᑎᓂᒃ ᐊᑐᐃᓐᓇᕈᕐᑎᕆᓂᕐᒥ ᓂᐅᕕᕈᑎᑦᓴᓕᐊᓂᒃ ᐊᒻᒪᓗ ᐱᑐᑦᓯᒪᔪᓄᑦ ᐊᓪᓚᖁᑎᖏᓐᓄᑦ.
ᐱᓇᓱᑦᑎᓕᕆᓂᕐᒥᒃ & ᐱᓇᓱᑦᑎᓂᒃ ᐃᑲᔪᕐᓂᖅ
- ᐃᑲᔪᕐᓗᓂ ᐱᓇᓱᑦᑎᑖᕐᖃᒥᕐᓅᓕᖓᔪᓄᑦ ᐱᓇᓱᑦᑕᐅᒋᐊᓕᓐᓂᒃ (ᐆᑦᑑᑎᒋᓗᒍ ᐊᑐᐃᓐᓇᕈᕐᑎᕆᓂᖅ ᐱᓇᓲᑎᓂᒃ, ᐃᓂᓪᓚᑎᕆᓂᖅ ᐊᓪᓚᕕᑦᓴᖃᐅᑎᒨᔭᕆᐊᓕᓐᓂᒃ);
- ᐃᓘᓐᓈᒍᑦ ᐃᑲᔪᕐᓗᓂ ᑲᒪᔩᑦ ᐊᒻᒪᓗ ᐱᓇᓱᑦᑏᑦ ᐅᓪᓗᑕᒫᕐᓯᐅᑎᖏᓐᓂᒃ.
ᐃᓘᓐᓈᒍᑦ ᐱᓇᓱᒋᐊᓕᖏᑦ
- ᐃᓚᐅᖃᑕᐅᓗᓂ ᑲᑎᖕᖓᔪᓂ ᑐᓵᒋᐊᕐᓯᒪᓗᓂ ᐊᒻᒪᓗ ᐃᓕᑦᓯᕕᒋᓗᒋᑦ, ᐱᕕᑦᑕᓴᖃᕐᓗᓂ ᐃᓚᐅᖃᑕᐅᓂᕐᒥᒃ ᓈᒻᒪᓈᕈᓂ.
- ᐃᓂᓪᓚᖓᑎᑦᓯᖏᓐᓇᓗᓂ ᓄᐊᑕᐅᔪᓂᒃ ᐊᑐᕐᓗᒋᑦ ᐱᓇᓲᑏᑦ ᐆᑦᑑᑎᒋᓗᒍ Microsoft Teams ᐊᒻᒪᓗ shared drives.
- ᐃᑲᔪᕐᓗᓂ ᐃᓕᕐᖁᓯᑎᒍᑦ ᓲᓱᒋᔭᐅᔪᓂᒃ ᐊᒻᒪᓗ ᓄᓇᓕᓐᓂᒃ-ᑐᓴᐅᒪᔭᖃᕐᓂᑯᑦ ᐱᓇᓱᒍᓯᖃᕐᓗᓂ ᐱᓇᓱᐊᕐᑕᒥᓂᒃ.
- ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ;
- ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.
Qualifications:
- ᒫᓐᓇ ᐃᓚᐅᖏᓐᓇᓗᓂ ᐅᕝᕙᓘᓐᓃᑦ ᐱᔭᕇᕐᖃᒥᐅᓗᓂ ᐳᕐᑐᓂᕐᓴᒥᒃ ᐃᓕᓐᓂᐊᕕᒻᒥ ᐅᕝᕙᓘᓐᓃᑦ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᐊᕕᒻᒥ.
- ᐃᓂᓪᓚᖓᔪᓪᓚᕆᐅᒍᓐᓇᓗᓂ ᐊᒻᒪᓗ ᐃᑉᐱᒍᓱᑦᓯᐊᓗᓂ ᖃᓄᐃᑦᑑᓂᓪᓗᑐᐊᐱᖏᓐᓂᒃ.
- ᐊᓪᓚᓯᐊᕈᓐᓇᓗᓂ ᐊᒻᒪᓗ ᐅᖄᑦᓯᐊᕈᓐᓇᓗᓂ.
- ᐱᓇᓱᒍᓐᓇᓗᓂ ᐃᓄᑑᓗᓂ ᐊᒻᒪᓗ ᐱᓇᓱᖃᑕᐅᑦᓯᐊᕈᓐᓇᓗᓂ.
- ᖃᕆᑕᐅᔭᕈᓐᓇᓗᓂ (Microsoft Office-ᒥᒃ, Teams-ᒥᒃ, ᖃᕆᑕᐅᔭᑎᒍᑦ ᐊᓪᓚᑖᕐᕕᒥᑦ).
- ᐅᓇᒻᒥᒋᔭᖃᕐᓗᓂ ᐃᕐᖃᑐᐃᕕᓕᕆᓂᕐᒥᒃ, ᓄᓇᓕᒻᒥ ᐱᓇᓱᓐᓂᒥ, ᐅᕝᕙᓘᓐᓃᑦ ᐃᓄᓕᒫᓂᒃ ᐱᒍᑦᔨᓂᕐᒥ ᐊᑐᕐᓂᖃᕋᔭᕐᑐᖅ.
- ᖃᐅᔨᒪᓗᓂ ᐃᓄᐃ ᐃᓕᕐᖁᓯᖓᓂᒃ, ᐅᖃᐅᓯᖓᓂᒃ, ᐊᒻᒪᓗ ᓄᓇᓕᓐᓂᒃ ᐊᑐᕐᓂᖃᕋᔭᕐᑐᖅ.
ᐱᒍᓐᓇᕆᐊᓕᒃ ᖃᓄᐃᖕᖏᑐᒥᒃ ᐱᓂᕐᓗᓯᒪᓂᕐᒧᑦ ᐊᓪᓚᑕᐅᒪᒍᑎᒥᓂᒃ ᐊᒻᒪᓗ ᐱᒍᓐᓇᓂᕐᒥᓂᒃ ᓇᐅᓕᒫᓄᑦ ᖃᐅᔨᒪᔭᐅᒋᐊᖃᖕᖏᑐᓂᒃ ᐃᑉᐱᒍᓱᑦᓯᐊᕈᓐᓇᓗᓂ ᐱᓇᓱᓕᓂᐅᕕᒻᒥ.
Benefits:
- ᖃᐅᔨᒪᔭᒥᓂᒃ ᐊᑑᑎᑎᑦᓯᓗᓂ ᐃᓄᓐᓄᑦ-ᐊᐅᓚᑕᐅᔪᒥᒃ ᐃᕐᖃᑐᐃᕕᓕᕆᓂᕐᒥ.
- ᑕᑯᓗᓂ ᐃᕐᖃᑐᐃᕕᓕᕆᒍᓯᕐᒥᒃ ᐊᒻᒪᓗ ᓄᓇᓕᓐᓄᑦ-ᐊᐅᓚᑕᐅᔪᓂᒃ ᐱᑦᔪᔨᒍᑎᓂᒃ.
- ᐱᓇᓱᓕᓂᕈᕐᓗᓂ ᐊᐅᓚᑦᓯᓂᓕᕆᓂᑎᒍᑦ, ᑐᑭᒧᐊᑦᑎᓯᓂᑎᒍᑦ, ᐊᒻᒪᓗ ᐱᓇᓱᓕᓂᐅᑉ ᑐᓴᐅᒪᖃᑎᒌᓐᓂᑎᒍᑦ.
- ᐱᕕᑦᓴᖃᕐᓗᓂ ᐃᑲᔪᕐᓯᓂᕐᒥᒃ ᐊᑑᑎᓕᒻᒥᒃ ᐱᓇᓱᐊᕐᓂᒥ ᐃᑲᔪᕐᓯᓂᕐᒥ ᓄᓇᕕᒻᒥᐅᓂᒃ
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs