Makivik Job Opportunity
ᐃᖃᓪᓕᐊᓂᓕᕆᓂᕐᒥᒃ ᑲᒪᔨᒻᒪᕆᒃ
Job Description:
ᐊᖓᔪᕐᖄᖃᕐᓱᓂ: ᑐᑭᒧᐊᑦᑎᓯᔨᖓᓂᒃ ᒪᑭᑕᒐᓱᐊᕐᓂᒧᑦ ᐱᕙᓪᓕᐊᑎᑦᓯᓂᕐᒥ ᐱᒍᑦᔨᕕᖓᓂ
Responsibilities:
- ᑲᒪᒋᔭᖃᕐᓗᓂ ᐊᐅᓚᑦᓯᓗᓂᓗ ᐃᖃᓪᓕᐊᓂᕐᒥ ᐱᓇᓱᑦᑕᐅᔪᒥᒃ ᐃᓚᐅᑎᓪᓗᒋᑦ ᐊᕐᕐᕌᒍᑕᒫᑦ ᐅᑎᕐᕕᐅᒍᑎᓂᒃ ᒪᑭᕝᕕᑯᓄᑦ ᐊᒻᒪᓗ ᐱᔭᐅᒍᓐᓇᑐᑦ ᐅᓄᕐᓂᐹᓕᐊᕕᓃᑦ ᐊᒡᒍᑐᕐᑕᐅᓂᖏᓐᓂᒃ;
- ᑐᕃᓐᓇᑐᒥᒃ ᑲᒪᒋᔭᖃᕐᓗᓂ ᖃᓄᐃᓕᖓᓕᕐᓂᖓᓂᒃ ᓄᓇᐅᑉ ᓴᓂᐊᓂ ᐃᒪᕐᐱᒥ ᐱᕙᓪᓕᐊᑎᑦᓯᓂᕐᒥᒃ ᑲᒪᔨᒻᒪᕆᒥᒃ ᐊᒻᒪᓗ ᐱᓇᓱᖃᑎᖃᕐᓗᓂ ᓇᓪᓕᑐᐃᓐᓇᖏᓐᓂᒃ ᐱᕙᓪᓕᐊᑎᑕᐅᔪᓂᒃ ᐃᖃᓪᓕᐊᓂᓕᕆᓂᕐᒥ ᓄᓇᕕᒻᒥ ᐊᒻᒪᓗ ᐊᓯᖏᓐᓂᒃ ᐱᓇᓱᖃᑎᖃᕐᓗᓂ;
- ᐱᓇᓱᖃᑎᖃᕐᓗᓂ ᒪᑭᕝᕕᑯᑦ ᐱᓇᓱᑦᑎᖏᓐᓂᒃ ᐊᒻᒪᓗ ᒪᑭᕝᕕᑯᑦ ᓇᒻᒥᓂᖁᑎᖏᓐᓂᒃ ᐱᑐᑦᓯᒪᑦᓯᐊᑎᑦᓯᓗᓂ ᐊᒻᒪᓗ ᖃᐅᔨᒪᓗᓂ ᐃᖃᓪᓕᐊᓂᓕᕆᓂᕐᒥᒃ ᐊᒻᒪᓗ ᖃᓄᐃᓕᖓᓕᕐᓂᖏᓐᓂᒃ;
- ᐱᓇᓱᖃᑎᖃᑦᓯᐊᓗᓂ ᐃᖃᓪᓕᐊᓂᕐᒥ ᐱᓇᓱᖃᑎᑦᑎᓂᒃ;
- ᐅᖄᖃᑎᖃᕐᐸᓗᓂ ᑲᕙᒪᒥ (ᐱᓗᐊᕐᑐᒥᒃ ᐃᒪᕐᐱᓕᕆᔨᒃᑯᑦ), ᐊᓯᖏᑦ ᐅᑭᐅᕐᑕᑐᒥ ᓄᓇᖁᑎᖏᓐᓂᒥᐅᓂᒃ, ᐊᒻᒪᓗ ᒪᑭᑕᒐᓱᐊᕈᑎᒧᑦ ᐱᓇᓱᖃᑎᖏᓐᓂᒃ ᐃᖃᓪᓕᐊᓂᓕᕆᓂᕐᒥ;
- ᑲᑎᖕᖓᔪᓕᐊᕐᐸᓗᓂ, ᑕᑯᑦᓴᐅᑎᑦᓯᔪᓄᑦ ᐊᒥᐊᕆᑫᑦ ᓄᓇᖓᓂ, ᑕᕆᐅᑉ ᐊᑭᐊᓂ ᐊᒻᒪᓗ ᐊᓯᐊ ᓄᓇᖓᓂ ᑕᑯᑦᓴᐅᑎᑦᓯᒋᐊᕐᑐᓗᓂ ᐃᖃᓪᓕᐊᑕᕕᓂᕐᓂᒃ ᓄᓇᕕᒻᒥ;
- ᑐᑭᓯᒪᑦᓯᐊᖃᑦᑕᓗᓂ ᖃᐅᔨᓴᕐᓂᒥᒃ ᓱᑯᐃᔦᓂᕐᒥᓗ ᖃᐅᔨᒪᒍᓯᕐᓂᒃ ᐅᑭᐅᕐᑕᑐᒥ ᐃᖃᓪᓕᐊᓂᕐᓄᓕᖓᔪᓂᒃ;
- ᑐᓴᕐᑎᓯᖃᑦᑕᓗᓂ ᐱᓇᓱᑦᑎᓂᒃ ᑕᒪᒃᑯᓄᖓᓄᓕᖓᔪᓂᒃ ᐊᒻᒪᓗ ᑲᔪᓯᑎᑦᓯᓗᓂ ᐊᖏᖃᑎᒌᒐᓱᓐᓂᓂᒃ ᐊᒻᒪᓗ ᐊᓯᖏᓐᓂᒃ ᐱᒻᒪᕆᓂᒃ ᐱᕙᓪᓕᐊᑎᑦᓯᓂᕐᒧᑦ ᐃᖃᓪᓕᐊᓂᕐᒥ ᐱᓇᓱᑦᑕᐅᔪᒥᒃ;
- ᓂᐅᕕᐊᑦᓴᖃᕐᓂᓂᒃ ᐃᑲᔪᕐᓯᒍᑎᑦᓴᓕᐅᕐᓗᓂ ᖃᐅᔨᒪᔭᐅᓂᐊᕐᒪᑕ ᓄᓇᕕᒻᒥ ᐱᓯᒪᔪᐃᑦ;
- ᐊᐅᓪᓚᑲᑦᑕᕈᓐᓇᓗᓂ ᕆᐊᖃᓕᕈᓂ;
- ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.
Qualifications:
- ᐱᔭᕆᕈᑎᖃᕐᓗᓂ ᐃᓕᓐᓂᐊᕕᒻᒪᕆᒻᒥ ᑲᒪᔨᒻᒪᕆᐅᓂᕐᒥᒃ ᐅᕝᕙᓗᓐᓃᑦ ᒪᑭᑕᒐᓱᐊᕈᑎᒥᒃ, ᐊᑦᔨᐸᓱᖓᓂᓗᓐᓃᑦ ᐱᓇᓱᑦᑎᐅᓯᒪᓗᓂ ᐃᓕᑕᕆᔭᐅᓂᐊᕐᑐᖅ;
- ᐱᔭᕆᕐᓯᒪᓗᓂ ᐃᓕᓐᓂᐊᕕᕐᔪᐊᒥᒃ ᐃᓕᓐᓂᐊᒐᕐᒥᒃ ᒪᑭᑕᒐᓱᐊᕈᑎᓂᒃ ᐊᐅᓚᑦᓯᓂᕐᒥᒃ, ᐃᓕᓐᓂᐊᓂᐊᓯᒪᓗᓂ ᐃᖃᓪᓕᐊᓂᓕᕆᓂᕐᒥᒃ ᐱᐅᔫᒐᔭᕐᑐᖅ;
- ᐃᑭᓐᓂᐹᖑᓗᑎᑦ ᐊᕐᕌᖑᐃᑦ ᑕᓪᓕᒪᑦ ᐅᓄᕐᓂᓴᓂᓗᓐᓃᑦ ᑐᕃᓐᓇᑐᒥᒃ ᐱᓇᓱᑦᑎᐅᓯᒪᓗᓂ ᒪᑭᑕᒐᓱᐊᕈᑎᒥᒃ ᐊᐅᓚᑦᓯᔨᐅᓂᕐᒥᒃ ᐊᒻᒪᓗ ᐱᓇᓱᑦᑎᐅᓯᒪᓗᓂ 3ᓂᒃ ᐊᕐᕌᒍᕐᓂᒃ ᐅᓄᕐᓂᓴᓂᓗᓐᓃᑦ ᐃᖃᓪᓕᐊᓂᓕᕆᓂᕐᒥ, ᐅᕝᕙᓗᓐᓃᑦ ᐊᑦᔨᐸᓱᖓᓂᒃ ᐱᓇᓱᑦᑎᐅᓯᒪᓗᓂ;
- ᑐᑭᓯᒪᖃᑎᒌᓐᓂᖃᕈᓐᓇᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᕐᓂᒃ ᐱᖓᓱᐃᖑᑎᓪᓗᒋᑦ (3) ᐅᖃᐅᓰᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓐᓃᑦ ᒍᐃᒍᐃᑎᑐᑦ;
- ᖃᕆᑕᐅᔭᒥᒃ ᐊᑐᕈᓐᓇᓯᐊᕐᓗᓂ: Microsoft Suite (Excel, Word, PowerPoint, ᐊᓯᖏᓐᓂᓗ.);
- ᐃᓄᐃᑦ ᐱᐅᓯᑐᖃᖏᓐᓂᒃ ᖃᐅᔨᒪᒍᓂ ᐱᐅᔫᒐᔭᕐᑐᖅ;
- ᑐᑭᓯᒪᖃᑎᒌᓐᓂᖃᕈᓐᓇᓯᐊᕐᓗᓂ ᐊᒻᒪᓗ ᕿᒥᕐᕈᒍᓐᓇᓂᖃᑦᓯᐊᓗᓂ;
- ᐱᓇᓱᖃᑎᖃᕈᓐᓇᓂᖓ ᓄᐃᑕᓗᓂ ᐃᖃᓪᓕᐊᓂᓕᕆᓂᕐᒥᒃ ᒪᑭᑕᒐᓱᐊᕈᑎᓕᕆᓂᕐᒥ ᐱᓇᓱᕝᕕᐅᔪᓂᒃ ᑲᕙᒪᒥᓗ;
- ᖃᐅᔨᐅᒪᓗᓂ ᐃᓅᖃᑎᒌᓄᓕᖓᔪᓂᒃ, ᐊᕙᑎᖓᓄᓕᖓᔪᓂᒃ, ᐊᒻᒪᓗ ᑮᓇᐅᔭᓕᐅᕋᓱᓐᓂᓄᑦ ᐱᓀᓗᑕᓂᒃ ᓱᕐᕃᔪᓂᒃ ᒪᑭᑕᒐᓱᐊᕈᑎᓂᒃ ᐅᑭᐅᕐᑕᑐᒦᑦᑐᓂᒃ ᐱᐅᔫᒐᔭᕐᑐᖅ;
- ᖃᐅᔨᒪᓗᓂ ᑯᐊᐳᕆᓴᐅᑉ ᐃᓅᖃᑎᒌᓄᓕᖓᔪᓂᒃ ᑲᒪᒋᔭᑦᓴᔭᖏᓐᓂᒃ ᐊᒻᒪᓗ ᐃᓅᖃᑎᒌᓄᓕᖓᔪᓂᒃ ᑐᖕᖓᕕᐅᔪᓂᒃ;
- ᖃᐅᔨᒪᓗᓂ ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓᓂᒃ ᐊᒻᒪᓗ ᓄᓇᕕᒻᒥ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᓂᒃ ᐱᐅᔫᒐᔭᕐᑐᖅ;
- ᐱᓂᕐᓗᓚᐅᕐᓯᒪᒻᒪᖔᑦ ᖃᐅᔨᓴᕐᑕᐅᒍᑎᒥᒃ ᐊᓂᒎᑎᒋᐊᓕᒃ.
Benefits:
ᐱᕙᓪᓕᖁᑎᓕᒫᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᕐᕌᒍᓕᒫᒧᓕᖓᔪᑦ ᐊᓪᓚᑕᐅᒪᔪᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖏᓐᓂ ᐅᑦᑑᑎᒋᓗᒋᑦ ᐅᑯᐊ:
| § ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ | § ᓂᖀᑦ ᖃᖓᑦᑕᔫᒃᑰᕈᑎᖏᑦ (ᓄᓇᕕᒃ): ᐅᓄᕐᓂᐹᖃᕐᓱᑎᑦ $6,500 |
| § ᐊᒥᓱᐃᓄᑦ ᐃᒻᒪᖃᐅᑎᑦ | § ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ (ᓄᓇᕕᒃ): ᐅᓄᕐᓂᐹᖃᕐᓱᑎᑦ $3,500 |
| § ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ | § ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000 |
| § ᖃᓂᒪᓂᕐᒧᑦ: 15 ᐅᓪᓗᐃᑦ | § ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000 |
| § ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ (ᓄᓇᕕᒃ): ᐅᓄᕐᓂᐹᖃᕐᓱᑎᑦ $20,800ᓂᑦ |
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs