Makivik Job Opportunity
ᐃᕐᖃᑐᐃᒍᑎᓄᑦ ᑲᑎᒪᔨᐊᐱᓐᓂᒃ ᓴᖑᐊᑦᓯᔨ
Job Description:
ᒥᓇᕋᕐᕕᖓ: ᓯᑦᔭᖃᑎᒌᓂ ᐃᕐᖃᑐᐃᒍᑎᓄᑦ ᑲᑎᒪᔨᐊᐱᓐᓂᒃ ᓴᖑᐊᑦᓯᔨ ᐃᕐᖃᑐᐃᓂᓕᕆᓂᕐᒥᒃ ᐱᓇᓱᕝᕕᒥ
Responsibilities:
- ᓄᐃᑦᓯᑲᑦᑕᓂᖅ ᐃᓗᕐᖁᓯᕐᒥᒃ ᐊᑐᕐᑐᓂᒃᓂᒃ ᐱᕐᕈᓯᕐᓂᒃ ᐅᑎᕐᑎᓯᓂᕐᒧᑦ ᓭᒪᐅᑎᓂᕐᒥᒃ ᓄᓇᓕᐅᑉ ᐃᓗᐊᓂ ᑐᖕᖓᕕᖃᕐᓗᓂ ᐃᓄᐃᑦ ᐱᖁᔭᖏᑎᒍᑦ ᐱᐅᓯᑐᖃᕐᓂᒃ;
- ᖃᐅᔨᒪᔨᐅᓂᖅ ᐃᓄᐃᑦ ᐱᐅᓯᑐᖃᖏᓐᓂᒃ ᐃᓗᕐᖁᓯᖓᓂᓪᓗ ᑲᒪᒍᑎᑎᒍᑦ ᐃᕐᖃᑐᐃᕕᓐᓂᒃ ᐊᐅᓚᑦᓯᔨᓂᒃ ᐊᒻᒪᓗ ᐃᕐᖃᑐᐃᕕᖃᕈᑕᐅᔪᑦ ᐃᓗᐊᒍᑦ ᖃᓄᑐᐃᓐᓇᖅ ᑌᒣᓘᖁᔭᐅᓕᕈᓂ ᐃᕐᖃᑐᕐᓂᓕᕆᓂᕐᒧᑦ ᑲᑎᒪᔨᐊᐱᓐᓂᒃ ᓴᖑᐊᑦᓯᔨᒧᑦ;
- ᑲᑎᓯᖃᑦᑕᓂᖅ ᐃᓄᓐᓂᒃ ᑕᑯᔪᑦᓴᓕᐊᖑᓯᒪᔪᓂᒃ ᐃᕐᖃᑐᐃᓂᓕᕆᓂᕐᒧᑦ ᑲᑎᒪᔨᐊᐱᓐᓂᒃ ᐊᒻᒪᓗ ᓄᐃᑕᑦᓯᓂᖅ ᐃᓗᕐᖁᓯᕐᒧᑦ ᒥᑦᓯᓕᒻᒥᒃ ᐃᑲᔪᕐᓯᒪᓂᕐᒥᒃ ᑌᒣᒋᐊᖃᓕᕈᓂ;
- ᑲᒪᒍᑎᓂᒃ ᐊᐅᓚᑦᓯᓂᖅ: ᑎᑭᑕᐅᑦᑕᓂᖅ ᐃᓄᓐᓂᒃ ᓄᓇᓕᐅᑉ ᐃᓗᐊᓂ ᑕᑯᓂᐊᕐᑎᑕᐅᔪᓂᒃ ᐃᕐᖃᑐᕐᔨᒃᑯᓄᑦ ᐊᒻᒪᓗ ᐊᐅᓚᑦᓯᓂᖅ ᐊᓪᓚᓕᕆᐅᑕᐅᓂᖓᓂᒃ ᐱᔭᕇᖕᖏᓂᓕᒫᖓᓂ;
- ᐊᓪᓚᕕᒻᒥ ᐱᓇᐊᑦᓭᑦ: ᐊᓪᓚᓂᖅ ᑭᓯᒍᑎᓂᒃ, ᑭᐅᓂᖅ ᐅᖃᓕᒪᐅᑎᒥᒃ ᐊᒻᒪᓗ ᖃᕆᑕᐅᔭᒃᑯᑦ ᐊᓪᓚᑖᕈᑎᓂᒃ, ᓱᕐᖁᐃᓂᖅ ᐊᓪᓚᕕᒃ ᓈᒻᒪᑐᓂᒃ ᐱᖁᑎᖃᕆᐊᖓ ᐅᖃᖃᑦᑕᓗᓂ ᓄᓇᓕᓕᒫᑦ ᐊᓪᓚᕕᖓᓄᑦ, ᐊᓪᓚᖃᑦᑕᓗᓂᓗ ᓇᐅᑐᐃᓐᓇᓂᒃ ᐊᑐᕆᐊᓕᓐᓂᒃ ᐊᓪᓚᕕᑦᓴᓂᒃ ᐊᖓᕗᕐᖄᖓᑕ ᐱᓇᓱᖃᑎᖏᑕᓘᓐᓃᑦ ᐱᒋᐊᓕᖏᓐᓂᒃ;
- ᐸᕐᓇᓂᖅ ᐊᒻᒪᓗ ᐋᕐᕿᓱᐃᓂᖅ “ᒪᙯᑦᑎᓯᒍᑎᓂᒃ ᓄᓇᒥ” ᐊᓯᖏᓐᓂᓘᓐᓃᑦ ᐱᐅᓯᑐᖃᕐᒥᒃ ᐊᑑᑎᒍᑎᑦᓴᓂᒃ ᑭᒡᒐᑐᕐᑕᐅᔪᓄᑦ ᐃᓚᐅᑎᓪᓗᑎᑦ ᑲᑎᒪᔨᐊᐱᓯᓗ ᐃᓚᐅᑎᓪᓗᒋᑦ;
- ᐸᕐᓇᓂᖅ ᐊᒻᒪᓗ ᐋᕐᕿᓱᐃᓂᖅ ᐊᒻᒪᓗ ᑲᔪᓯᑎᑦᓯᓂᖅ ᐃᓗᕐᖁᓯᕐᒥᒃ ᐃᓕᓐᓂᐊᕈᑎᑦᓴᓂᒃ ᑭᒡᒐᑐᕐᑕᐅᔪᓄᑦ ᐃᓚᐅᑎᓪᓗᑎᑦ ᑲᑎᒪᔨᐊᐱᓯᓗ ᐃᓚᐅᑎᓪᓗᒋᑦ;
- ᒪᓂᔨᓂᖅ ᓰᒥᒑᖑᓂᕐᒥᒃ ᐅᕝᕙᓘᓐᓃᑦ ᐹᕐᓯᖓᐅᑎᔪᒥᒃ ᐋᕐᕿᓱᐃᔨᐅᓂᕐᒥᒃ ᐊᑯᓐᓂᒥ ᑭᒡᒐᑐᕐᑕᐃᔪᒧᑦ ᐊᒻᒪᓗ ᓱᕐᕋᑕᐅᓯᒪᔪᓄᑦ ᐃᓄᓐᓄᑦ ᐊᒻᒪᓗ ᐃᑲᔪᕐᓗᒋᑦ ᒪᒥᑉᐸᓕᐊᓂᖓᑎᒍᑦ ᐅᕝᕙᓘᓐᓃᑦ ᐅᑎᕐᑎᓯᓂᒃᑯᑦ ᓭᒻᒪᐅᑎᕙᓪᓕᐊᓂᐅᑉ ᐊᑐᕐᑕᐅᓂᖓᓂᒃ;
- ᐊᑐᐃᓐᓴᖑᓂᖅ ᐊᐅᓪᓚᖃᑦᑕᓚᖓᓗᓂ, ᑌᒣᖁᔭᐅᓕᕈᓂ;
- ᐱᓇᓱᖃᑦᑕᓂᖅ ᐊᓯᖏᓐᓂᒃ ᐊᑦᑐᐊᒥᔪᓂᒃ ᐱᔭᑦᓴᓂᒃ ᐃᓂᖓᑕ ᐃᓗᐊᓂ ᐅᕝᕙᓘᓐᓃᑦ ᑎᓕᔭᐅᒍᑎᒥᓂᒃ ᐊᖓᔪᕐᖄᓯᒡᒥᓄᑦ.
Qualifications:
- ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐃᓕᓐᓂᐊᕇᕐᓯᒪᐅᑎ ᐅᕝᕙᓘᓐᓃᑦ ᒥᑦᓯᓕᒻᒥᒃ ᐱᓇᓱᓚᐅᕐᓯᒪᖅ;
- ᐅᖃᖃᑎᖃᕈᓐᓇᓯᐊᕐᓂᖅ ᐃᑭᓐᓂᐹᖓᓄᑦ ᒪᕐᕈᐃᓄᑦ (2) ᐅᑯᐊ ᐱᖓᓱᑦ (3) ᐅᖃᐅᓰᑦ ᐃᓚᖏᓐᓄᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓘᓐᓃᑦ ᐅᐃᒍᐃᑎᑐᑦ;
- ᖃᐅᔨᒪᑦᓯᐊᓂᖅ ᖃᕆᑕᐅᔭᕈᑎᓂᒃ: Microsoft Suite (Excel, Word, PowerPoint, ᐊᓯᖏᓐᓂᓗ);
- ᐃᓄᓐᓂᒃ ᐊᒻᒪᓗ ᐃᓗᕐᖁᓯᖓᓂᒃ ᖃᐅᔨᒪᓂᖅ ᐊᒻᒪᓗ ᑐᑭᓯᒪᓂᖅ, ᐱᑕᖃᕆᐊᓕᒃ;
- ᓴᐳᑦᔨᒍᒪᓪᓚᕆᓐᓂᖅ ᐃᑲᔪᕐᓗᓂᓗ ᐃᓅᖃᑎᓂᒃ ᐱᒍᓐᓇᖁᓗᒋᑦ ᐃᓗᕐᖁᓯᕐᒧᑦ ᓈᒻᒪᑐᓂᒃ ᐱᓂᐊᕐᓂᖃᕈᑎᓂᒃ ᐊᒻᒪᓗ ᐃᑲᔪᕐᑕᐅᒍᑎᓂᒃ;
- ᐱᓇᓱᓕᓂᐅᓂᖅ ᐃᓄᒻᒪᕆᓐᓂᒃ ᑲᒪᒋᒋᐊᓕᓐᓂᒃ;
- ᐱᓇᓱᓕᓂᐅᓂᖅ ᑲᒪᒍᑕᐅᔪᑦ ᐊᐅᓚᑕᐅᓂᖓᓂᒃ;
- ᑕᑯᑎᑦᓯᓂᖅ ᐃᒻᒥᓂᕿᓗᓂ ᐱᓇᓱᒍᓐᓇᓂᕐᒥᒃ ᐊᒻᒪᓗ ᐱᓇᓱᖃᑎᒌᓂ ᐱᓇᓱᑦᓯᑎᐅᓂᕐᒥᒃ;
- ᐱᓇᓱᑦᑎᒋᓗᒍ ᓂᑲᓇᖕᖏᓂᖓ ᖃᐅᔨᓴᕐᑕᐅᒋᐊᓕᒃ.
ᐱᒋᐅᕐᓴᐅᑎᖃᕐᓂᐊᑐᖅ ᐃᓚᐅᔪᓄᑦ JBNQA-ᒥ ᓂᐳᕐᑎᓯᒍᓐᓇᓂᐊᕐᒪᑕ ᐱᔪᓐᓇᕆᐊᓕᖏᓐᓂᒃ ᐱᓇᓱᑦᑎᑖᖑᒌᕈᑦᓯ.
Benefits:
ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:
| § ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ | § ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500 |
| § ᐊᒥᓱᐃᓄᑦ ᐃᒻᒪᖃᐅᑎᑦ | § ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500 |
| § ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ | § ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000 |
| § ᖃᓂᒪᓂᕐᒧᑦ: 15 ᐅᓪᓗᐃᑦ | § ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000 |
| § ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800ᓂᑦ |
ᒪᑭᕝᕕᒃ ᑐᕌᕐᑐᖅ ᓂᕈᐊᕐᓯᒪᓂᕐᓴᐅᓚᖓᓗᓂ ᑫᓪᓗᐊᓚᖓᓗᓂᓗ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ ᐃᓚᐅᔪᓂᒃ JBNQA-ᒥ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᒪᔪᓕᒫᓂᒃ.
ᐱᒍᒪᐅᑎᓖᑦ ᐊᐱᕐᓱᕈᒪᒪᓗᒋᑦ ᓇᓗᓀᕐᑕᐅᔪᑦ ᐅᖃᕐᕕᑑᓚᖓᔪᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs