Makivik Job Opportunity
ᐃᓗᕐᖁᓯᕐᓂᐅᑎᓄᑦ ᑐᑦᑕᕕᒃ/ᖃᐅᔨᒪᔨ
Job Description:
ᒪᑭᕝᕕᒃ ᒪᑭᑕᑦᓯᕗᖅ ᐱᕙᓪᓕᐊᑎᑦᓯᒍᑎᓂᒃ ᓄᑖᒥᒃ ᐋᓪᓂᐊᒋᔭᓕᓐᓂᒃ-ᖃᐅᔨᒪᔪᒥᒃ, ᐃᓗᕐᖁᓯᕐᒧᑦ ᐊᑦᑕᓇᖕᖏᑐᒥᒃ, ᐃᓄᓐᓅᓕᖓᑐᐃᓐᓇᑐᒥᒃ ᐃᑎᑦᕕᓴᒥᒃ ᐊᕐᓇᓄᑦ ᐱᐊᕋᕐᓄᓗ ᕿᒫᔪᓄᑦ ᐊᓂᕐᕋᒥ ᐊᓐᓂᑎᕆᔪᒥᒃ. ᐃᓂᖃᕐᓱᓂ ᒪᓐᑐᔨᐊᓪ ᕿᑎᖓᓂ, ᐃᑎᕐᕕᒃ ᑐᕌᕐᑐᖅ ᑲᒪᒋᐊᓚᖓᑦᓱᓂ ᐃᑉᐱᓇᓪᓚᕆᑦᑐᓂᒃ ᓱᖕᖏᓗᐊᕈᑎᓂᒃ ᐃᓄᐃᑦ ᐊᑕᐅᓯᐅᓈᕐᑎᑐᑦ ᖃᐅᔨᓲᖏᓐᓂᒃ ᐱᒐᓱᐊᓕᕋᒥᒃ ᐊᑦᑕᓇᖕᖏᑐᓂᒃ ᐊᒻᒪᓗ ᐊᓯᑦᔨᑕᖕᖏᑐᓂᒃ ᐃᓪᓗᓂᒃ ᑲᑉᐱᐊᓇᕐᑐᑰᓕᕋᒥᒃ.
ᑖᓐᓇ ᐃᑎᕐᕕᒃ ᓄᐃᑕᑦᓯᓚᖓᔪᖅ ᓱᓇᒥᑦᑐᓂᒃ ᐱᒍᑦᔨᒍᑎᓂᒃ ᓵᖕᖓᓚᕆᓪᓗᓂ ᐊᑦᑕᓇᖕᖏᓂᕐᒥᒃ, ᒪᒥᑉᐸᓕᐊᓂᕐᒥᒃ, ᐊᒻᒪᓗ ᐱᑐᒋᐊᑦᓯᐊᓂᕐᒥᒃ ᐃᓗᕐᖁᓯᕐᒧᑦ ᐊᒻᒪᓗ ᓄᓇᕐᖃᑎᓄᑦ.
ᑕᒪᑐᒧᖓ ᐱᒋᐊᕈᑎᒧᑦ ᐃᓚᐅᑎᓪᓗᒍ, ᓄᑖᖅ ᖄᖏᕐᓂᑯᓕᐅᕐᑎᐅᖏᑦᑐᖅ ᑎᒥᒃ ᒪᑭᑕᐅᑐᐃᓐᓇᕆᐊᖃᓚᖓᔪᖅ ᑲᒪᔨᐅᓂᐊᕐᓗᓂ ᐃᑎᕐᕕᒥᒃ ᐊᒻᒪᓗ ᓯᕗᓂᕐᒥ ᐃᓪᓗᒐᓴᓕᓐᓂ ᐱᒍᑦᔨᒍᑎᑦᓴᓂᒃ. ᐃᑉᐱᒍᓱᒋᑦᓯ ᐃᑎᕐᕕᐅᑉ ᐱᓇᓱᑦᑎᖏᑦ ᐃᓚᐅᓯᑐᐃᓐᓇᕆᐊᖃᕐᒪᑕ ᑖᑦᓱᒧᖓ ᓄᑖᒧᑦ ᑎᒥᖕᖑᑕᐅᔪᒧᑦ ᒪᑭᕝᕕᐅᑉ ᐊᑖᓂ.
ᐊᖓᔪᕐᖄᖃᕐᓱᓂ: ᐃᑎᕐᕕᒥᒃ ᑐᑭᒧᐊᑦᑎᓯᔨᒥᒃ
Responsibilities:
- ᐱᕙᓪᓕᐊᓂᖅ ᐊᒻᒪᓗ ᐃᑲᔪᕐᑐᓂᖅ ᐃᓗᕐᖁᓯᕐᒧᑦ ᑐᖕᖓᔪᓂᒃ ᐱᓂᐊᕈᑎᓂᒃ ᐃᓕᖓᔪᓂᒃ ᐊᕐᓇᓄᑦ ᐊᒻᒪᓗ ᐱᐊᕋᕐᓄᑦ
- ᐱᑎᑦᓯᓂᖅ ᐃᓄᑑᖃᑎᖃᕐᓗᓂ, ᐃᓗᕐᖁᓯᕐᒥᒃ ᖃᐅᔨᒪᔫᑉ ᐃᑲᔪᕐᓂᖓᓂᒃ ᐃᑎᕐᕕᒥᒃ ᐃᓪᓗᓕᓐᓄᑦ
- ᐃᓚᔨᓂᖅ ᐃᓗᕐᖁᓯᕐᓯᐅᑎᓂᒃ ᐃᓗᓕᕐᓂᒃ ᐊᒻᒪᓗ ᐱᓇᓱᒍᓯᕐᓂᒃ ᐊᑕᐅᓯᐅᓈᕐᑎᑐᓂᒃ ᐃᑲᔪᕈᑏᑦ ᐸᕐᓇᓯᒪᐅᑎᖏᓐᓄᑦ (ISPs)
- ᐱᑎᑦᓯᓂᖅ ᑕᓯᐅᕐᓯᓂᕐᒥᒃ ᐊᒻᒪᓗ ᐃᓱᒪᓕᐅᕐᓂᒥᒃ ᐱᓇᓱᑦᑎᓄᑦ ᐊᑦᑐᐊᔪᕐᑎᒍᑦ ᐃᓗᕐᖁᓯᕐᒥ ᐊᑦᑕᓇᖕᖏᑐᓂᒃ ᐊᒻᒪᓗ ᓂᒫᓪᓚᕈᐊᕐᑐᓂᒃ ᐱᐅᓯᖃᕐᓂᒧᑦ
- ᐃᑲᔪᕐᑐᓂᖅ ᐃᓚᒋᓕᐅᑎᔪᓂᒃ ᐊᒻᒪᓗ ᐃᓕᓐᓂᐊᑎᑦᓯᓂᖅ ᐊᑦᑐᐊᔪᓂᒃ ᐃᓄᐃᑦ ᐃᓗᕐᖁᓯᖓᓄᑦ, ᐋᓐᓂᐊᒋᔭᖃᕐᓂᒧᑦ, ᐊᒻᒪᓗ ᓄᓇᓖᑦ ᖃᓄᐃᓕᖓᓂᖓᓄᑦ
- ᐃᑲᔪᕐᓂᖅ ᐱᓇᓱᑦᑎᓯᐅᕐᓂᒥᒃ ᐊᒻᒪᓗ ᐃᓚᒋᓕᐅᑦᔨᓂᕐᒥᒃ ᐃᓄᓐᓂᒃ ᐱᓇᓱᑦᑎᓂᒃ
- ᖃᐅᔨᒪᑎᑦᓯᓂᖅ ᓯᕗᓕᕐᑎᓂᒃ ᐃᓗᕐᖁᓯᕐᒧᑦ ᓂᒫᓪᓚᕈᐊᕐᑐᑦ ᒪᓕᒉᑦ, ᐱᐅᓯᖃᕈᑏᑦ ᐊᒻᒪᓗ ᐱᒍᑦᔨᓂᕐᒥᒃ ᑐᓂᔨᑦᓯᐊᓚᖓᓗᓂ ᐱᕐᕈᓰᑦ ᒥᑦᓵᓄᑦ
- ᐃᓚᐅᓂᖅ ᑲᒪᒍᑕᐅᔪᑦ ᑲᑎᒪᐅᑕᐅᓕᕐᐸᑕ ᐃᓗᕐᖁᓯᕐᒥᒃ ᖃᐅᔨᒪᔨᒥᒃ ᐱᑕᖃᕆᐊᖃᕐᑎᓗᒍ
- ᓴᓇᓂᖅ ᐊᒻᒪᓗ ᒪᑭᑕᑦᓯᓂᖅ ᑲᒪᒋᐅᑎᒍᑎᓂᒃ ᐃᓚᖃᕐᓗᓂ ᐃᓄᐃᑦ ᓄᓇᓕᖏᑦᑕ ᑎᒥᖏᓐᓂᒃ ᒪᓐᑐᔨᐊᒥ, ᓄᓇᕕᒻᒥ, ᐊᒻᒪᓗ ᓇᓂᓕᒫᖅ ᑕᕐᕋᒥ
- ᐃᑲᔪᕐᑐᓂᖅ ᐃᓚᒋᓕᐅᑎᒋᐊᑦᓯᐊᓂᕐᒥᒃ ᐊᒻᒪᓗ ᓴᖑᕙᓪᓕᐊᓂᕐᒥᒃ ᐸᕐᓇᕈᑎᖏᓐᓂᒃ ᐊᕐᓀᑦ ᐅᑎᓯᔪᑦ ᓄᓇᓕᓐᓄᑦ
- ᓱᕐᖁᐃᓂᖅ ᐃᑎᕐᕕᐅᑉ ᐊᕙᑎᖓ ᓄᐃᑕᑦᓯᒋᐊᖓᓂᒃ ᐊᒻᒪᓗ ᓲᓱᑦᓴᕆᐊᖓᓂᒃ ᐃᓄᐃᑦ ᐃᓗᕐᖁᓯᖏᓐᓂᒃ ᐊᒻᒪᓗ ᐱᒻᒪᕆᐅᓕᑦᓯᒍᑎᖏᓐᓂᒃ
- ᓇᓗᓀᕐᓯᓂᖅ ᐊᒻᒪᓗ ᐋᕐᕿᓱᐃᓂᖅ ᐃᓚᑰᒍᑎᓂᒃ ᐊᑦᑐᐊᔪᓂᒃ ᐃᓗᕐᖁᓯᕐᒧᑦ ᐊᑦᑕᓇᖕᖏᓂᕐᒥᒃ ᐱᒍᑦᔨᔩᑦ ᐃᒻᒧᐊᓂ
- ᓄᐃᑕᑦᓯᓂᖅ ᐊᑌᓐᓇᑐᒥᒃ ᑕᓯᐅᕐᑎᖃᕐᓂᒥᒃ ᐃᓗᕐᖁᓯᕐᒧᑦ ᓂᒫᓪᓚᕈᐊᕐᑐᓂᒃ ᐱᒍᑦᔨᓂᕐᒥᒃ ᑐᓂᔨᒍᑎᖃᕐᓂᐅᑉ ᒥᑦᓵᓄᑦ
- ᒪᑭᑕᑦᓯᓂᖅ ᓈᒻᒪᓈᕐᓯᒪᑦᓯᐊᑐᓂᒃ ᐊᓪᓚᖁᑎᓂᒃ ᒪᓕᓪᓗᓂ ᐃᑎᕐᕕᐅᑉ ᒪᓕᒐᖏᓐᓂᒃ ᐊᒻᒪᓗ ᐱᕐᕈᓯᖏᓐᓂᒃ
- ᐃᑲᔪᕐᓯᓂᖅ ᐊᓪᓚᓂᕐᒥᒃ ᑐᓴᕐᑎᓯᒍᑎᓂᒃ ᐃᓗᕐᖁᓯᕐᒧᐊᓕᖓᔪᑦ ᐱᓂᐊᕈᑏᑦ ᓄᐃᑕᖏᓐᓂᒃ ᐊᒻᒪᓗ ᓱᕙᓪᓕᓇᕐᓂᖏᓐᓂᒃ
- ᐅᖃᖃᑕᐅᓂᖅ ᓯᕗᓂᓕᐅᕐᓗᓂ ᐸᕐᓇᕈᑎᓂᒃ, ᐱᕐᕈᓯᕐᓂᒃ ᕿᒥᕐᕈᒍᑎᓂᒃ ᐊᒻᒪᓗ ᑌᒪᖕᖓᓕᒫᖅ ᐱᕙᓪᓕᕆᐊᕐᓂᒥᒃ ᐊᔪᐃᓐᓇᕈᑎᓂᒃ
- ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ;
- ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.
Qualifications:
- ᐳᕐᑐᓂᕐᓭᑦ-ᑭᖑᓂᖓᓂ ᐃᓕᓐᓂᐊᓯᒪᓂᖅ ᐃᓄᓕᕆᓂᕐᒥᒃ, ᓄᓇᖃᕐᖄᓯᒪᔪᑦ ᐃᓕᓐᓂᐊᕈᑎᖏᓐᓂᒃ, ᓄᓇᓕᒻᒥ ᐱᕙᓪᓕᐊᑎᑦᓯᓂᕐᒥᒃ, ᐅᕝᕙᓘᓐᓃᑦ ᐊᑦᑐᐊᒥᔪᒥᒃ ᐱᓇᓱᒐᕐᒥᒃ ᐱᔪᓇᕈᑎᑎᑐᑦ ᐃᓱᒪᒋᔭᐅᔪᑦ
- ᐊᑭᑦᓯᓱᓂ ᐃᓅᓯᕐᒥ ᐱᓇᓱᓕᓂᐅᓂᖅ, ᐱᐅᓯᑐᖃᕐᓯᐅᑎᓂᒃ ᖃᐅᔨᒪᓂᖅ ᐊᒻᒪᓗ ᑕᑯᑦᓴᕈᐃᓯᒪᓂᖅ ᓄᓇᓕᒻᒥ ᓯᕗᓕᖃᑕᐅᓂᕐᒥᒃ ᐱᒍᒪᔭᒻᒪᕆᐅᔪᑦ
- 4–6 ᐊᕐᕌᒍᓂ ᒥᑦᓯᓕᒻᒥᒃ ᐱᓇᓱᑦᓯᒪᓂᖅ ᓄᓇᓕᒻᒦᑐᓂᒃ, ᐃᓗᕐᖁᓯᓕᕆᔪᓂᒃ, ᐅᕝᕙᓘᓐᓃᑦ ᐃᓄᓕᕆᔪᓂᒃ ᐃᓂᖃᕐᓗᓂ
- ᑐᑭᓯᒪᑦᓯᐊᓂᖅ ᐊᒻᒪᓗ ᐊᒥᒐᖕᖏᑐᒥᒃ ᖃᐅᔨᒪᓂᖅ ᐃᓄᐃᑦ ᐱᐅᓯᑐᖃᒃᑯᑦ ᖃᐅᔨᒪᐅᓯᖏᓐᓂᒃ
- ᑐᑭᓯᒪᓪᓚᕆᓐᓂᖅ ᐃᓄᐃᑦ ᐃᓗᕐᖁᓯᖓᓂᒃ, ᐱᐅᓯᑐᖃᖏᓐᓂᒃ, ᐱᒻᒪᕆᖁᑎᖏᓐᓂᒃ, ᐊᒻᒪᓗ ᓄᓇᓕᓐᓂ ᐱᐅᓯᖏᓐᓂᒃ
- ᐱᒃᑲᑐᖕᖏᓂᖅ ᒥᑦᓯᖃᕐᑎᓗᒋᑦ ᐃᓚᒋᓕᐅᑦᔨᓂᕐᒥᒃ ᐃᓄᐃᑦ ᖃᐅᔨᒪᔭᑐᖃᖏᑦᑕ (IQ) ᑐᑭᖏᓐᓂᒃ ᐃᓕᓐᓂᐊᕈᑎᓄᑦ ᐊᒻᒪᓗ ᐱᒍᑦᔨᓂᕐᒥᒃ ᑐᓂᔨᒍᑎᓄᑦ
- ᑐᑭᓯᒪᑦᓯᐊᓂᖅ ᑭᖑᕚᕇᑎᒍᑦ ᐋᓐᓂᐊᒋᔭᖃᕈᑎᓂᒃ ᑕᒪᒃᑯᐊᓗ ᓱᒻᒣᒍᑎᖏᓐᓂᒃ
- ᐋᓐᓂᐊᒍᑎᖃᕐᓂᒥᒃ-ᖃᐅᔨᒪᔪᒥᒃ, ᐃᓗᕐᖁᓯᕐᒧᑦ ᑐᖕᖓᔪᒥᒃ ᐱᐅᓯᖃᓲᖑᓂᖅ ᐃᑲᔪᕐᓯᒍᑎᑎᒍᑦ
- ᖃᐅᔨᒪᓂᖅ ᐊᕐᓇᐅᓂᕐᒧᑦ-ᑐᖕᖓᔪᓂᒃ ᐋᓐᓂᑎᕆᐅᑎᓂᒃ ᓄᓇᓕᐅᑉ ᐃᓗᐊᓂ
- ᐱᓇᓱᓕᓂᐅᓂᖅ ᐃᑲᔪᕐᓂᒥᒃ ᐊᕐᓇᓂᒃ ᐊᒻᒪᓗ ᐱᐊᕋᕐᓂᒃ ᐊᑦᑐᑕᐅᓯᒪᔪᓂᒃ ᐋᓐᓂᑎᕆᓂᕐᒧᑦ
- ᑲᒪᒋᐅᑎᓂᕐᒥᒃ-ᓴᓇᓂᒃᑯᑦ ᐊᒻᒪᓗ ᓄᓇᓕᒻᒥᐅᓂᒃ ᑲᒪᑎᑦᓯᓂᒃᑯᑦ ᐱᓯᑎᐅᓂᖅ
- ᐱᓇᓱᓚᐅᕐᓯᒪᓂᖅ ᓄᓇᓕᒻᒦᑐᓂᒃ ᐱᓇᓱᐊᕈᑎᓂᒃ ᐊᒻᒪᓗ ᐃᓗᕐᖁᓯᕐᑎᒍᑦ ᐃᑲᔪᕐᓯᒪᔨᐅᓂᕐᒥᒃ
- ᓴᓇᒍᓐᓇᓂᖅ ᑲᔪᓯᑎᑦᓯᓗᓂᓗ ᐊᑕᖏᕐᑐᑦ ᑲᑎᒍᑎᖏᓂᒃ ᐊᒻᒪᓗ ᐃᓗᕐᖁᓯᕐᓯᐅᑎᓂᒃ ᓱᓇᓐᓂᐊᕈᑎᓂᒃ
- ᐃᑲᔪᕐᓯᒍᓐᓇᓂᖅ ᑕᓯᐅᕐᓯᓗᓂᓗ ᐃᓅᒐᑎᒃ ᐱᓇᓱᑦᑎᓂᒃ ᐃᓗᕐᖁᓯᕐᒧᑦ ᐊᑦᑕᓇᖕᖏᑐᑦ ᐱᐅᓯᕆᓗᒋᑦ ᒥᑦᓵᓄᑦ
- ᐅᖄᓂᒃᑯᑦ ᐊᓪᓚᓂᒃᑯᓗ ᐅᖃᕐᓯᑎᒻᒪᕆᐅᓂᖅ
- ᐱᓇᓱᖃᑕᐅᒍᓐᓇᓂᖅ ᐱᕙᓪᓕᓇᕐᓗᓂ ᐃᓄᓐᓂᒃ ᑲᒪᕐᖄᓂᕐᐹᓂᒃ ᐃᑎᕐᕕᒥ ᐱᓇᓱᑦᑎᓂᒃ ᐊᒻᒪᓗ ᐊᒥᓱᐃᓂᒃ ᐱᓇᓱᒐᓕᓐᓂᒃ ᐱᓇᓱᖃᑎᒌᓂᒃ
- ᖃᕆᑕᐅᔭᒥᒃ ᐊᑐᕈᓐᓇᓂᖅ ᐊᒻᒪᓗ ᐊᓪᓚᓯᒪᔪᓕᐅᕐᓂᒥᒃ ᐱᒍᓐᓇᓂᖅ
- ᑯᑕᖕᖏᓂᖅ ᐅᖄᓗᓂ ᐃᓄᒃᑎᑐᑦ ᐱᑕᖃᕆᐊᓕᒃ
- ᐱᓂᕐᓗᑐᕕᓂᐅᓂᕐᒧᑦ ᐃᕐᖃᑐᐃᕕᑎᒍᕐᓯᒪᖕᖏᓗᓂ.
Benefits:
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs