Makivik Job Opportunity
ᐃᓗᓯᕐᓱᕈᑎᓂᒃ ᐊᑕᓇᕇᒃᑯᑎᓂᓪᓗ ᓴᖑᐊᑦᓯᔨ
Job Description:
ᐃᓪᓗᓕᐅᕐᑏᑦ ᒪᑭᕝᕕᑯᓂ ᑎᒥᐅᔪᖅ ᖄᖏᕐᓂᑯᓕᐅᕐᑎᐅᒐᓂ ᑲᒪᒋᔭᑦᓴᔭᓕᒃ ᑲᔪᓯᓕᕐᑎᑕᐅᓂᖏᓐᓂᒃ ᐃᓄᓐᓄᑦ ᐃᓪᓗᓕᐅᕐᓂᓂ ᓄᓇᕕᒻᒥ. ᑐᕌᒐᒋᕙᓪᓗᑕᖓ ᐃᓪᓗᓕᐅᕐᓗᑎᒃ ᐱᐅᔪᓂᒃ ᐃᓪᓗᓂᒃ ᐱᒍᓐᓇᕕᓕᒫᖓᒍᑦ ᐱᓇᓱᕝᕕᓴᓕᐅᕐᓗᑎᒃ ᐃᓄᓐᓄᑦ, ᐃᓕᓐᓂᐊᑎᑦᓯᓱᑎᑦ ᐊᒻᒪᓗ ᓄᓇᓕᒻᒥᒃ ᑮᓇᐅᔭᓕᐅᕈᓐᓇᓯᑎᑦᓯᓗᑎᒃ ᐱᒍᓐᓇᕕᓕᒫᖓᒍᑦ.
ᐊᖓᔪᕐᖄᓕᒃ: ᓴᓇᒍᑎᓂᒃ ᐱᓇᓱᕝᕕᐅᑉ ᑐᑭᒧᐊᑦᑎᓯᔨᖓ ᐊᖓᔪᕐᖄᑉ ᐊᓪᓚᕕᖓᓂ
ᐱᓇᓱᓐᓂᐅᑉ ᐃᓂᓪᓚᕈᑎᖏᑦ: ᐱᓇᓱᒐᖓ ᑲᔪᓯᑎᑕᐅᔪᖅ ᓴᓇᕕᐅᔪᑦ ᓇᔪᕐᑕᖏᓐᓂ ᓄᓇᕕᐅᑉ ᐃᓗᐊᓂ ᐊᒻᒪᓗ ᐅᓪᓗᓯᐅᑎᑎᒍᑦ ᓇᓪᓕᑭᑕᕈᑕᐅᑦᓱᓂ 28-ᓂᒃ ᐅᓪᓗᓂᒃ ᑕᕐᕋᒦᑦᓱᓂ ᒪᓕᑦᑎᖃᕐᑎᓗᒋᑦ 14-ᓂᒃ ᐅᓪᓗᓂᒃ ᓯᕿᓂᕐᒦᓂᕐᒥᒃ. ᐊᐅᓪᓚᕈᑏᑦ, ᑐᔪᕐᒥᐅᕖᑦ ᐊᒻᒪᓗ ᓂᕆᑦᔪᑏᑦ ᐃᓘᓐᓇᑎᒃ ᐱᓇᓱᕝᕕᐅᑉ ᐱᑕᖃᕐᑎᓚᖓᔭᖏᑦ.
Responsibilities:
- ᐸᕐᓇᖃᕐᑕᓗᓂ, ᓴᖑᐊᑦᓯᖃᑦᑕᓗᓂ ᐊᒻᒪᓗ ᒪᓕᖃᑦᑕᓗᓂ ᐱᓂᕐᓗᑌᓕᒪᓂᐅᑉ ᑲᒪᒋᔭᐅᒍᑎᖏᓐᓂᒃ ᓴᓇᕕᓐᓂ ᓄᓇᕕᐅᑉ ᐃᓗᐊᓂ;
- ᑲᔪᓯᖃᑦᑕᓗᓂ ᐊᑯᓓᑦᑐᒥᒃ ᕿᒥᕐᕈᖃᕐᑕᓂᕐᒥᒃ ᐱᓇᓱᑦᑕᐅᔪᓂᒃ, ᒫᓐᓇᓯᐅᑎᓂᒃ ᒪᑭᑕᐅᓯᒪᔪᓂᒃ ᐊᒻᒪᓗ ᓴᓇᕕᐅᔪᑦ ᐃᓂᖏᓐᓂᒃ ᓇᓗᓀᕐᓯᓗᓂ ᐊᑦᑕᓇᕐᓂᐅᔭᔪᑦ ᖃᓄᐃᓕᖓᓂᒐᓚᖏᓐᓂᒃ;
- ᓱᕐᖁᐃᑎᑦᓯᖃᑦᑕᓗᓂ ᐱᓂᕐᓗᕇᒃᑯᑏᑦ ᐊᑐᕐᑎᑕᐅᓂᖏᓐᓂᒃ, ᐊᑦᑕᓇᖕᖏᑐᓂᓪᓗ ᐱᐅᓯᖃᕐᓂᖏᓐᓂᒃ ᐱᓇᓱᓐᓂᒥᓂ ᐊᒻᒪᓗᑦᑕᐅᖅ ᒪᓕᒉᑦ ᓂᐳᕐᑎᒋᐊᓕᖁᑎᖏᓐᓂᒃ ᐊᑦᑐᐊᔪᓂᒃ ᓴᓇᕕᐅᔪᑦ ᐃᓂᖏᓐᓄᑦ;
- ᐃᓚᐅᖃᑦᑕᓗᓂ ᐅᒃᑯᐃᓯᓂᕐᒧᑦ ᐱᓇᓱᑦᑕᐅᓚᖓᔪᑦ ᐃᓂᖏᓐᓂᒃ, OHS-ᓗ ᐊᓪᓚᖏᓐᓂᒃ ᐃᑉᐱᒋᔭᖃᕐᓗᓂᓗ ᐊᒻᒪᓗ ᑲᔪᓯᑎᑦᓯᖃᑕᐅᓗᓂ ᐱᓂᕐᓗᕇᒃᑯᑎᓂᒃ ᐊᒻᒪᓗ ᓇᐅᒐᓚᓐᓄᑦ ᐃᓚᐅᕕᐅᒋᐊᓕᓐᓂᒃ;
- ᐱᓇᓱᖃᑕᐅᓗᓂ ᐱᓇᓱᐊᑦᓴᓂᒃ ᑲᒪᔨᒻᒪᕆᓐᓄᑦ, ᐱᓇᓱᑦᑐᑦ ᐊᖓᔪᕐᖄᖏᓐᓄᑦ, ᑑᒃᑲᓄᑦ ᐱᓇᓱᑦᑎᒐᕐᓄᑦ ᑎᒥᓕᕐᕿᐅᑎᓄᑦ ᐊᒻᒪᓗ ᐱᓇᓱᑦᑎᓄᑦ ᓱᕐᖁᐃᖃᑎᒋᓗᒋᑦ ᓂᑲᓇᖏᑐᒥᒃ ᐊᑦᑕᓇᕐᓂᐅᔭᔪᑦ ᐊᐅᓚᑕᐅᓂᖓᓂᒃ;
- ᐃᓚᐅᖃᑦᑕᓗᓂ ᓱᓂᒐᓚᓐᓂᒃ ᐊᒻᒪᓗ ᐱᓂᕐᓗᕈᑎᓂᒃ ᑭᓪᓕᓯᓂᐊᕈᑎᓄᑦ ᐊᒻᒪᓗ ᑐᑭᓯᓂᐊᕈᑎᓄᑦ ᐊᒻᒪᓗ ᓱᕐᖁᐃᓗᓂ ᐋᕐᕿᒋᐊᕈᑎᖏᑦᑕ ᑲᔪᓯᑎᑕᐅᓂᖏᓐᓂᒃ;
- ᐃᓂᖃᕐᑎᓯᓗᓂ OHS-ᓄᑦ ᑲᑎᒪᓂᕐᓂᒃ, ᐃᑉᐱᒍᓱᓕᕐᑎᓯᒋᐊᖃᑦᑕᓗᓂ ᐊᒻᒪᓗ ᑐᖕᖓᓱᑦᑎᓯᖃᑦᑕᓗᓂ ᐱᓇᓱᑦᑎᓂᒃ ᓄᑖᓂᒃ;
- ᓱᕐᖁᐃᖃᑦᑕᓗᓂ ᒪᓕᒐᒃᑰᓂᖏᓐᓂᒃ ᐃᓅᑉ ᐊᑐᓂ ᐊᑦᑕᓇᕐᑌᓕᒍᑎᖏᑦᑕ, ᐱᔪᓐᓇᐅᑎᒋᒋᐊᓕᓐᓂᒃ ᐊᒻᒪᓗ ᐅᐃᒪᓇᕐᑐᖃᕐᐸᑦ ᐱᐅᓯᐅᒋᐊᓕᓐᓂᒃ ᓴᓇᕕᐅᔪᓂ;
- ᓄᐊᑦᓯᖃᑦᑕᓗᓂ ᑭᓯᒍᑎᓂᒃ , ᓄᐃᑦᓯᖃᑦᑕᓗᓂᓗ OHS-ᓂᒃ ᑐᓴᕐᑎᓯᒍᑎᓂᒃ ᐊᒻᒪᓗ ᑫᒥᑦᓯᖃᑦᑕᓗᓂ ᓇᐅᒃᑯᑐᐃᓐᓇᖅ ᑲᔪᓯᖏᓐᓇᑐᒥᒃ ᐱᕙᓪᓕᕆᐊᕐᕕᐅᒍᓐᓇᑐᓂᒃ ᐋᕐᕿᓯᒪᑎᓪᓗᒋᑦ ᑕᕐᕋᒥ ᐱᐅᓯᓪᓚᕆᓐᓄᑦ;
- ᐊᐅᓪᓚᑲᑦᑕᕈᓐᓇᓗᓂ;
- ᐱᓇᓱᓪᓗᓂ ᐊᓯᖏᓐᓂᒃ ᐱᓇᓱᒐᕐᒥᓄᓕᖓᔪᓂᒃ ᐅᕝᕙᓗᓐᓃᑦ ᑎᓕᔭᐅᒍᓂ ᐊᖓᔪᕐᖄᒥᓄᑦ.
Qualifications:
- ᐱᓪᓚᕆᒃ ᐱᔪᓐᓇᕈᑎ ᐃᓗᓯᕐᓱᓂᕐᒥᒃ ᐊᒻᒪᓗ ᐋᓐᓂᑌᓕᒪᓂᕐᒥᒃ ᓴᖑᐊᑦᓯᔨᒧᑦ ᐱᓯᒪᔪᖅ CNESST-ᑯᓂᒃ (Ahuntsic College);
- ᖃᐅᔨᒪᑦᓯᐊᓂᖅ ᒪᓕᒐᕐᓂᒃ ᐊᑐᕐᑐᓴᓂᒃ ᓴᓇᔨᓄᑦ ᑯᐯᒻᒥ ᐊᒻᒪᓗ ᖃᓄᖅ ᐊᐅᓚᑦᓯᒋᐊᒥᒃ ᓯᕗᕐᖏᓂᓯᒪᐅᑎᓂᒃ ᐃᓂᓂ ᐱᓇᓱᕝᕕᐅᔪᓂ;
- ᐱᓇᓱᓕᓂᐅᓂᖅ ᐱᓇᓱᕝᕕᓂ ᐅᖓᓯᑦᑐᓂᒃ ᐃᓂᓕᓐᓂ ᐅᕝᕙᓘᓐᓃᑦ ᑕᕐᕋᒥ ᓄᓇᓂ, ᐅᕝᕙᓘᓐᓃᑦ ᖃᖓᑦᑕᔫᒃᑯᑦ ᑭᓯᐊᓂ ᑎᑭᑕᑦᓴᓂ/ᐊᐅᓪᓚᕕᑦᓴᓂ;
- ᖃᐅᔨᒪᓂᖅ ᑎᑭᐅᑎᒋᐊᓕᓐᓄᑦ, ᓯᓚᒧᓪᓗ ᐊᒻᒪᓗ ᐱᓇᓱᓐᓂᒧᑦ ᐱᔭᕆᐊᑐᔫᒍᑎᓂᒃ ᓄᓇᕕᒻᒥ;
- ᑯᑕᖕᖏᓂᖅ ᐅᖄᓗᓂ ᐊᓪᓚᓗᓂᓗ ᐅᐃᒍᐃᑎᑐᑦ; ᖃᓪᓗᓈᑎᑑᒍᓐᓇᒐᓚᓪᓗᓂ;
- ᖃᕆᑕᐅᔭᒧᑦ ᐊᑐᕈᓐᓇᓂᖅ ᐅᑯᓂᖓ: Microsoft Suite (Excel, Word, PowerPoint, ᐊᓯᖏᓐᓂᓗ);
- ᓯᕗᓕᕈᓐᓇᓂᖅ, ᑐᑭᖃᑦᓯᐊᓂᖅ, ᐃᒻᒥᓂᕿᒍᓐᓇᓂᖅ ᐊᒻᒪᓗ ᐱᕙᓪᓕᑎᑦᓯᒍᓐᓇᓂᖅ ᐱᓂᕐᓗᑌᓕᓂᐅᑉ ᐱᐅᓯᐅᓂᖓᓂᒃ;
- ᐱᓯᑎᐅᓂᖅ ᑐᓴᐅᒪᖃᑎᒌᓐᓂᒥᒃ, ᑲᑎᒪᑎᑦᓯᓂᕐᒥᒃ ᐊᒻᒪᓗ ᐱᓇᓱᖃᑎᒌᓕᐅᕐᓂᒥᒃ;
- ᐃᑉᐱᒍᓱᓐᓂᖅ ᐃᓗᕐᖁᓯᕐᑎᒍᑦ ᓱᓪᓕᑎᓂᒃ ᐊᒻᒪᓗ ᒪᑭᑦᓯᒍᓐᓇᓂᖅ ᓲᓱᒋᐅᑎᓗᓂ ᐱᓇᓱᑦᑐᑦ ᑲᒪᒋᐅᑎᖃᑎᖃᕐᓂᖓᓂᒃ ᓄᓇᓕᓐᓂᒃ ᐊᒻᒪᓗ ᓄᓇᓕᒻᒥᐅᓂᒃ ᐱᓇᓱᖃᑎᒌᓂᒃ;
- ᐱᖁᔭᓂᒃ ᓱᒃᑯᐃᓚᐅᕐᓯᒪᖕᖏᑑᒋᐊᓕᒃ.
Benefits:
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs