ᒪᑭᕝᕕᒃ ᑌᔭᐅᒍᑎᑦᓴᓕᐅᕋᓱᐊᕐᒪᑦ ᐃᒻᒥᓂᒃ-ᐊᐅᓚᑦᓯᒍᓐᓇᓂᕐᒧᑦ ᐱᓇᓱᐊᕐᑕᐅᔪᒥᒃ ᓄᓇᕕᒻᒥᐅᒍᖃᑎᑦᑎᓄᓪᓗ ᐃᓄᓐᓄᑦ ᐃᑲᔪᕐᑕᐅᒍᒪᑦᓱᑎᒃ !
ᑕᒐᑕᒐ ᐃᒻᒥᓂᒃ-ᐊᐅᓚᑦᓯᒍᓐᓇᓂᕐᒧᑦ ᐱᓇᓱᐊᕐᑕᐅᔪᖅ ᑐᕌᒐᖃᕈᑕᐅᕗᖅ ᓄᐃᑦᓯᒍᒪᓂᕐᒥᒃ ᓇᒻᒥᓂᖅ-ᑲᕙᒪᑦᓴᒥᒃ ᑐᖕᖓᕕᖃᕐᑐᒥᒃ ᐃᓄᐃᑦ ᐃᓪᓕᕆᔭᖏᓐᓂᒃ, ᐱᕐᖁᓯᑐᖃᖏᓐᓂᒃ, ᐅᖃᐅᓯᖓᓂᓪᓗ. ᐅᖄᖃᑎᖃᖃᑦᑕᑐᒍᑦ ᑯᐯᒃᑯᑦ ᑲᕙᒪᖓᓂᒃ ᑲᕙᒪᑐᖃᒃᑯᓂᓪᓗ ᐊᖏᖃᑎᒌᒐᓱᐊᖃᑎᒋᒍᒪᑦᓱᒋᑦ ᓇᒻᒥᓂᖅ-ᑲᕙᒪᖃᕐᓂᒧᑦ ᐊᖏᖃᑎᒌᒍᑎᒥᒃ ᐅᖃᐅᓯᕐᑕᓕᒻᒥᒃ ᓄᑭᖃᕐᕕᒋᒍᓐᓇᓛᕐᑕᖏᓐᓂᒃ ᐊᐅᓚᒍᓐᓇᓛᕐᑕᖏᓐᓂᓗ ᓯᕗᓂᕐᒥ ᐃᓄᐃᑦ ᑲᕙᒪᑦᓴᖓᑕ.
ᑌᔭᐅᒍᓯᐅᖁᔭᐅᔪᖅ ᐃᓱᒪᒋᓕᐅᑎᓯᒪᒍᑕᐅᒋᐊᓕᒃ ᓄᓇᕕᒻᒥ ᐊᑑᑎᔭᐅᖃᑦᑕᓯᒪᔪᓂᒃ ᐃᓕᕐᖁᓯᕆᖕᖏᑕᒥᓂᒃ ᐃᓕᕐᖁᓯᕐᑖᑎᑕᐅᕙᓪᓕᐊᒐᓱᐊᕐᑎᓗᒋᑦ, ᐃᓕᑕᕐᓯᒪᓂᕐᑕᖃᕐᓗᓂ ᐃᓚᒌᑦ ᐊᕕᐅᑎᓚᐅᕐᓯᒪᓂᖏᓐᓂᒃ ᓄᓇᓖᓪᓗ ᑲᕙᒪᒃᑯᓄᑦ ᐊᐅᓚᑕᐅᓪᓚᕆᓕᕐᓂᒥᓄᑦ. ᐃᒻᒥᓂᒃ-ᐊᐅᓚᑦᓯᒍᓐᓇᓂᕐᒧᑦ ᐱᓇᓱᐊᕐᑕᕗᑦ ᑐᑭᖃᕐᐳᖅ ᓄᓇᕕᒻᒥᐅᒍᑦᓱᑕ ᐃᓄᑦᑎᒍᑦ ᐊᑕᐅᑦᓯᑯᑦ ᓯᕗᒻᒧᕆᐊᕈᒪᓂᑦᑎᓂᒃ ᓄᓇᑦᑎᓂᒃ ᐅᑎᕐᑎᓯᒍᒪᓂᕐᒧᑦ ᐃᓅᓯᑦᑎᓂᓪᓗ. ᑐᑭᖃᑦᓯᐊᖁᔭᕗᑦ ᐃᓅᖃᑎᒌᑦᓱᑕ ᓯᕗᒻᒧᕆᐊᖃᑎᒌᑉᐸᓕᐊᒐᑦᑕ ᐃᓱᐊᕐᓂᓴᒧᑦ, ᐊᑕᐅᑦᓯᑯᑦ ᓲᖑᓂᕐᓴᐅᓕᕐᓗᑕ. ᑌᔭᐅᒍᑎᑦᓴᖓ ᐱᓇᓱᐊᕐᑕᑎᓐᓅᓕᖓᑦᓯᐊᕆᐊᓕᒃ, ᐊᓯᖏᓐᓄᑦ ᑌᔭᐅᒍᓯᐅᓕᕇᕐᑐᒥᒃ ᑌᔭᐅᒍᓯᖃᕐᓂᐊᖏᒻᒪᑦ.
ᓄᓇᕕᒻᒥ ᐃᓚᐅᒍᑎᖃᕈᕕᑦ, ᑌᔭᐅᒍᑎᑦᓴᓕᐅᕈᒪᒍᕕᓪᓗ ᒪᓂᒍᒪᔭᕐᓂᒃ, ᐅᕙᖕᖓᑦ ᐊᓪᓚᕕᑦᓴᑖᕈᓐᓇᐳᑎᑦ Makivvik.org/Contest
ᓱᑲᑦᑐᑰᕐᑎᓯᒍᑎᒃᑯᓘᓐᓃᑦ ᐅᕗᖓ > 514-745-3700
Submissions must include your:
ᐊᓪᓚᓯᐊᕐᓗᒋᑦ ᒪᑯᐊ:
- ᐊᑏᑦ ᐊᑎᑐᙯᓪᓗ
- ᖃᕆᑕᐅᔭᒃᑯᑦ ᑐᕌᕈᑏᑦ ᐅᖄᒪᐅᑎᑉᐱᓘᓐᓃᑦ ᑭᑎᑦᔪᑎᖓ
- ᑌᔭᐅᒍᓯᓕᐊᕕᓃᑦ
- ᑐᑭᖓᓗ ᐊᓪᓚᓗᒍ ᓱᒧᑦ ᓇᓪᓕᑳᕐᓂᒪᖔᕐᐱᐅᒃ ᑌᔭᐅᒍᓯᓕᐊᕕᓃᑦ.
ᑌᔭᐅᒍᓯᓕᐊᕕᓃᑦ ᓇᓪᓕᑳᕐᑕᐅᓂᖏᑦ
ᑌᔭᐅᒍᓯᓕᐊᕕᓃᑦ ᓇᓪᓕᑳᕐᑕᐅᓛᕐᑐᑦ ᒪᕐᕉᓂᒃ ᒪᓕᒐᖃᕐᑎᑕᐅᓗᑎᒃ.
- ᓈᒻᒪᕈᓇᐅᒻᒪᖔᑦ ᐅᖃᐅᓯᖅ ᑕᒐᑕᒐᓗ ᐃᒻᒥᓂᒃ-ᐊᐅᓚᑦᓯᒍᓐᓇᓂᕐᒧᑦ ᐱᓇᓱᐊᕐᑕᐅᔪᓅᓕᖓᒻᒪᖔᑦ
- ᐱᑦᔪᑎᖓᓗ ᓱᒧᑦ ᓇᓪᓕᑳᕐᓂᒪᖔᕐᒥ ᑌᔭᐅᒍᓯᑦᓴᓕᐊᒥᓂᒃ ᑐᑭᓯᓇᕐᑎᓯᒍᑎᕕᓂᖓᓗ.
*ᒪᓂᔭᐅᓯᒪᔪᑦ ᑕᑯᔭᐅᑎᑕᐅᓛᕐᑐᑦ ᒪᑭᕝᕕᐅᑉ ᑲᑎᒪᔨᖏᑦ ᑲᑎᒪᓕᕐᒥᐸᑕ.
ᓵᓚᖃᐅᑎᑖᕈᑕᐅᓛᕐᑐᑦ !
ᑌᔭᐅᒍᓯᓕᐊᕕᓂᖓ ᓇᓪᓕᑳᕐᑕᐅᔪᖅ ᓵᓚᖃᐅᑎᑖᓛᕐᑐᖅ $500.00-ᓂᒃ
ᑐᖓᓕᖓᓗ, ᐱᖓᔪᒋᔭᐅᔪᕐᓗ.
- ᑐᖓᓕᖓ – $300.00
- ᐱᖓᔪᒋᔭᐅᔪᖅ – $200.00
*ᑌᓐᓇ ᓵᓚᓐᓃᔪᕕᓂᐅᑉ ᑌᔭᐅᒍᓯᓕᐊᕕᓂᖓ ᓇᓪᓕᑳᕐᑕᑑᓛᕐᑐᖅ ᑌᔭᐅᒍᓯᐅᓚᖓᓯᓗᓂ ᐃᒻᒥᓂᒃ-ᐊᐅᓚᑦᓯᒍᓐᓇᓂᕐᒧᑦ ᐱᓇᓱᐊᕐᑕᑎᓐᓂᒃ.