ᔨᐊᓂᕗ ᒪᐃ ᓯᓚᐹᓕᐊᒥᓂᒃ ᓵᓚᓐᓃᒍᑎᖃᕐᓂᖁᖅ ᐱᐅᒋᔭᐅᓂᕐᐸᐅᓂᕐᒪᑦ ᒪᑭᕝᕕᒃ ᓯᓚᐹᓕᐅᕐᑎᓂᒃ ᐱᓕᐅᑦᔨᑎᑦᓯᑎᓪᓗᒍ ᒪᑭᕝᕕᒃ ᑐᓴᕐᑕᐅᑎᑦᓯᒋᐊᖕᖓᑎᓪᓗᒍ ᓯᓚᐹᓕᐅᕐᓯᑎᐅᓕᐅᑦᔨᓂᐅᓛᕐᑐᒥᒃ ᐊᕐᕌᒍᑦᑕ ᐱᒋᐊᖕᖓᓂᖓᓂ, ᔨᐊᓂᕗ ᒪᐃ ᑕᑯᑦᓱᓂ Facebookᑎᒍᑦ ᐱᓕᐅᑦᔨᓂᐅᒐᔭᕐᑐᒥᒃ ᐆᑦᑐᕈᒪᓯᓐᓂᖁᖅ. ᒥᕐᓱᓲᒍᒐᒥ ᐃᓅᓱᑦᑐᕈᓕᕐᓂᕋᒥᓂᑦ ᐱᓕᐅᑦᔨᖃᑕᐅᒍᒪᓯᑦᓱᓂᓗ ᒥᕐᓱᓗᓂ ᐱᕐᖁᓯᑐᖃᕐᑎᑐᑦ ᒥᕐᓱᒍᓯᕐᒥᓂᒃ ᐃᓚᑐᐃᓐᓇᓗᒍ ᐱᓕᐊᕆᓚᖓᔭᖓ. “ᐊᓕᐊᒋᔭᖃᕐᑐᖓ ᑕᕐᓴᓕᐅᕆᐊᒥᒃ ᒥᕐᓱᕆᐊᒥᓪᓗ.” ᐅᖃᕐᑐᕕᓂᖅ. “ᑌᒣᒻᒪᑦ ᐱᓕᐅᑦᔨᖃᑕᐅᒍᒪᓯᓚᐅᔪᕗᖓ.”
ᐱᓕᐅᑦᔨᓂᖅ ᐱᓪᓚᕆᐅᓚᐅᔪᕗᖅ ᐊᑑᑎᔭᐅᒋᐅᕐᓱᓂ. ᓄᓇᕕᒻᒥᐅᑦ ᐊᖑᑏᑦ ᐃᕙᒃᑲᑐᓄᑦ ᓱᑲᓕᐅᑎᓲᒍᒻᒪᑕᓕ ᐊᕐᕌᒍᐃᑦ 2000ᒦᑦᑐᑦ ᐱᒋᐊᖕᖓᓂᖏᓐᓂᒥᑦ, ᒪᑭᕝᕕᒃ ᑐᑭᑖᓚᐅᔪᒻᒪᑦ ᓄᑖᒥᒃ ᓄᐃᑦᓯᒍᒪᑦᓱᓂ ᐊᕐᓀᑦ ᒥᕐᓱᓯᑎᐅᓂᖏᓐᓂᒃ ᐱᓕᐅᕐᓯᑎᐅᓂᖏᓐᓂᓗ ᖁᕕᐊᓲᑎᐅᒐᔭᕐᑐᒥᒃ. ᐅᖄᒍᑕᐅᕐᖄᑐᕕᓂᖅ ᒪᑭᕝᕕᐅᑉ ᑲᑎᒪᔨᖏᓐᓄᑦ ᑎᓯᒻᐸ 2025ᒥ ᐊᖏᕈᑕᐅᓚᐅᕋᒥ ᑲᔪᓯᑎᑕᐅᓂᑦᓴᖓ.
ᐱᓕᐅᑦᔨᓂᖅ ᕕᐳᐊᕆ 2026ᒥ ᐊᑐᐃᓐᓇᐅᑎᑕᐅᔪᕕᓂᖅ. ᑐᓴᕐᑎᓯᒍᑕᐅᑦᓱᓂ ᓄᓇᕕᓕᒫᒧᑦ ᓈᓚᐅᑎᒃᑯᑦ, ᖃᕆᑕᐅᔭᒃᑯᑦ ᓄᓇᓕᓐᓂᓗ ᒪᑭᕝᕕᐅᑉ ᑲᑎᒪᔨᖏᓐᓄᑦ. ᐃᓚᐅᒍᒪᔪᑦ, ᐃᓚᐅᒍᑎᖃᕆᐊᖃᕐᑎᓗᒋᑦ ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᒧᑦ, ᐃᓚᐅᓚᖓᔪᐃᓪᓗ 18ᓂᒃ ᐅᑭᐅᖃᕆᐊᖃᕐᑎᓗᒋᑦ, ᐊᕐᓇᓯᐅᑎᒥᒃ ᐊᖑᑎᓯᐅᑎᒥᓪᓗ ᓯᓚᐹᓕᐅᕆᐊᖃᕐᓱᑎᒃ. ᒪᑭᕝᕕᒃ ᓴᓪᓗᓄᑦ ᑎᑭᑎᑕᐅᒍᑎᖏᑦᑕ ᓯᓚᐹᓕᐊᕕᓃᑦ ᑎᒻᒥᔫᒃᑯᑦ ᐊᑭᖓᓂᒃ ᐊᑭᓖᓂᐊᕐᑎᓗᒋᑦ ᒥᕐᓱᑐᕕᓃᑦ ᐊᐅᓪᓚᑎᑕᖏᓐᓂᒃ.
ᑐᓴᕐᕕᒋᑦᓱᒍ ᒪᑭᕝᕕᐅᑉ ᐱᓇᓱᑦᑎᖓ ᑭᑎ ᑯᐊᑕ, 96ᒍᓐᓂᖁᑦ ᐱᓕᐅᑦᔨᒍᑏᑦ ᑎᑭᑎᑕᐅᔪᑦ. ᓯᑕᒪᐅᔪᕐᑐᑦ ᐲᕐᑕᕕᓃᑦ ᒪᓕᑦᑕᐅᒋᐊᓕᑎᒍᑦ ᒥᕐᓱᒪᓐᓂᖏᒻᒪᑕ, ᑌᒪ 88ᒍᓕᕐᓂᖁᑦ ᕿᒥᕐᕈᔭᐅᔪᑦᓭᑦ. ᒪᑭᕝᕕᐅᑉ ᐊᕐᕌᒍᑕᒫᕐᓯᐅᑎᖓᓂᒃ ᑲᑎᒪᓂᒻᒪᕆᖓᓂ ᓴᓪᓗᓂ, ᑎᓕᔭᐅᓯᒪᔪᑦ ᓇᓪᓕᑳᕐᖄᓂᕐᖁᑦ ᐊᕙᑎᓂᒃ ᓂᕈᐊᓚᐅᕋᑎᒃ ᖁᓕᐅᖕᖏᒐᕐᑐᓂᒃ ᓵᓚᓐᓃᒍᑕᐅᔪᓂᒃ. ᐱᖓᓱᑦ ᓵᓚᓐᓃᒍᑕᐅᔪᑦ ᓇᒻᒥᓂᕐᑖᕆᔭᐅᓐᓂᖁᑦ ᒪᑭᕝᕕᒧᑦ, ᐊᓯᖏᓪᓗ ᓵᓚᓐᓃᒍᑕᐅᖕᖏᑐᓂᒃ ᓯᓚᐹᓕᐅᕐᑐᕕᓃᑦ ᓂᐅᕐᕈᑎᖃᕈᓐᓇᑎᑕᕕᓂᐅᑦᓱᑎᒃ ᐊᕐᕌᒍᑕᒫᕐᓯᐅᑎᒥᒃ ᑲᑎᒪᓂᒻᒪᕆᒻᒥ ᐅᑎᕐᑎᑕᐅᑦᓱᑎᓪᓘᓃᑦ ᐱᓕᐅᕐᑐᕕᓂᕐᓄᑦ ᐅᑎᕐᑎᓱᒋᑦ.
ᔨᐊᓂᕗ, ᐃᓱᒪᑦᓴᓯᐅᕈᑎᖃᕐᖄᓯᐊᕐᑐᕕᓂᖅ ᓯᓚᐹᓕᐊᕆᓚᖓᔭᒥᓂᒃ. ᑕᕐᓴᓕᐅᕐᓯᒪᒍᒪᓐᓂᕋᒥ ᓲᓱᑦᓴᓯᐊᕐᓗᓂ ᐃᓄᐃᑦ ᐱᕐᖁᓯᑐᖃᖓᑎᒍᑦ ᒥᕐᓱᓯᒪᔪᓂᒃ ᐃᓱᒪᒋᔭᒥᓂᒃ ᐃᓚᑐᐃᓐᓇᓗᒍ. “ᐊᑯᓂ ᑐᑭᑖᕋᓱᐊᓚᐅᔪᕗᖓ ᑕᕐᓴᓴᖏᓐᓂᒃ ᐱᕐᖁᓯᑐᖃᕐᑎᒍᑦ ᒥᕐᓱᓯᒪᖁᑦᓱᒋᑦ ᐃᓚᓗᒋᑦ ᐃᓱᒪᑖᕆᓯᒪᔭᕐᓂᒃ,” ᐅᖃᕐᑐᕕᓂᖅ.
ᐱᓕᐅᑦᔨᓂᖅ ᕕᐳᐊᕆ 2026ᒥ ᐊᑐᐃᓐᓇᐅᑎᑕᐅᔪᕕᓂᖅ. ᑐᓴᕐᑎᓯᒍᑕᐅᑦᓱᓂ ᓄᓇᕕᓕᒫᒧᑦ ᓈᓚᐅᑎᒃᑯᑦ, ᖃᕆᑕᐅᔭᒃᑯᑦ ᓄᓇᓕᓐᓂᓗ ᒪᑭᕝᕕᐅᑉ ᑲᑎᒪᔨᖏᓐᓄᑦ. ᐃᓚᐅᒍᒪᔪᑦ, ᐃᓚᐅᒍᑎᖃᕆᐊᖃᕐᑎᓗᒋᑦ ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᒧᑦ, ᐃᓚᐅᓚᖓᔪᐃᓪᓗ 18ᓂᒃ ᐅᑭᐅᖃᕆᐊᖃᕐᑎᓗᒋᑦ, ᐊᕐᓇᓯᐅᑎᒥᒃ ᐊᖑᑎᓯᐅᑎᒥᓪᓗ ᓯᓚᐹᓕᐅᕆᐊᖃᕐᓱᑎᒃ. ᒪᑭᕝᕕᒃ ᓴᓪᓗᓄᑦ ᑎᑭᑎᑕᐅᒍᑎᖏᑦᑕ ᓯᓚᐹᓕᐊᕕᓃᑦ ᑎᒻᒥᔫᒃᑯᑦ ᐊᑭᖓᓂᒃ ᐊᑭᓖᓂᐊᕐᑎᓗᒋᑦ ᒥᕐᓱᑐᕕᓃᑦ ᐊᐅᓪᓚᑎᑕᖏᓐᓂᒃ.
ᑐᓴᕐᕕᒋᑦᓱᒍ ᒪᑭᕝᕕᐅᑉ ᐱᓇᓱᑦᑎᖓ ᑭᑎ ᑯᐊᑕ, 96ᒍᓐᓂᖁᑦ ᐱᓕᐅᑦᔨᒍᑏᑦ ᑎᑭᑎᑕᐅᔪᑦ. ᓯᑕᒪᐅᔪᕐᑐᑦ ᐲᕐᑕᕕᓃᑦ ᒪᓕᑦᑕᐅᒋᐊᓕᑎᒍᑦ ᒥᕐᓱᒪᓐᓂᖏᒻᒪᑕ, ᑌᒪ 88ᒍᓕᕐᓂᖁᑦ ᕿᒥᕐᕈᔭᐅᔪᑦᓭᑦ. ᒪᑭᕝᕕᐅᑉ ᐊᕐᕌᒍᑕᒫᕐᓯᐅᑎᖓᓂᒃ ᑲᑎᒪᓂᒻᒪᕆᖓᓂ ᓴᓪᓗᓂ, ᑎᓕᔭᐅᓯᒪᔪᑦ ᓇᓪᓕᑳᕐᖄᓂᕐᖁᑦ ᐊᕙᑎᓂᒃ ᓂᕈᐊᓚᐅᕋᑎᒃ ᖁᓕᐅᖕᖏᒐᕐᑐᓂᒃ ᓵᓚᓐᓃᒍᑕᐅᔪᓂᒃ. ᐱᖓᓱᑦ ᓵᓚᓐᓃᒍᑕᐅᔪᑦ ᓇᒻᒥᓂᕐᑖᕆᔭᐅᓐᓂᖁᑦ ᒪᑭᕝᕕᒧᑦ, ᐊᓯᖏᓪᓗ ᓵᓚᓐᓃᒍᑕᐅᖕᖏᑐᓂᒃ ᓯᓚᐹᓕᐅᕐᑐᕕᓃᑦ ᓂᐅᕐᕈᑎᖃᕈᓐᓇᑎᑕᕕᓂᐅᑦᓱᑎᒃ ᐊᕐᕌᒍᑕᒫᕐᓯᐅᑎᒥᒃ ᑲᑎᒪᓂᒻᒪᕆᒻᒥ ᐅᑎᕐᑎᑕᐅᑦᓱᑎᓪᓘᓃᑦ ᐱᓕᐅᕐᑐᕕᓂᕐᓄᑦ ᐅᑎᕐᑎᓱᒋᑦ.
ᔨᐊᓂᕗ, ᐃᓱᒪᑦᓴᓯᐅᕈᑎᖃᕐᖄᓯᐊᕐᑐᕕᓂᖅ ᓯᓚᐹᓕᐊᕆᓚᖓᔭᒥᓂᒃ. ᑕᕐᓴᓕᐅᕐᓯᒪᒍᒪᓐᓂᕋᒥ ᓲᓱᑦᓴᓯᐊᕐᓗᓂ ᐃᓄᐃᑦ ᐱᕐᖁᓯᑐᖃᖓᑎᒍᑦ ᒥᕐᓱᓯᒪᔪᓂᒃ ᐃᓱᒪᒋᔭᒥᓂᒃ ᐃᓚᑐᐃᓐᓇᓗᒍ. “ᐊᑯᓂ ᑐᑭᑖᕋᓱᐊᓚᐅᔪᕗᖓ ᑕᕐᓴᓴᖏᓐᓂᒃ ᐱᕐᖁᓯᑐᖃᕐᑎᒍᑦ ᒥᕐᓱᓯᒪᖁᑦᓱᒋᑦ ᐃᓚᓗᒋᑦ ᐃᓱᒪᑖᕆᓯᒪᔭᕐᓂᒃ,” ᐅᖃᕐᑐᕕᓂᖅ.
ᑕᕐᓴᓕᐅᕐᓱᓂ ᓯᓚᐹᓕᐊᒥᓂᒃ ᑕᕐᓯᑐᓚᖓᔭᒥᓂᒃ ᐃᓕᔨᕐᖄᑐᕕᓂᖅ ᓯᓚᐹᑦᓴᒧᑦ ᐆᓇᕐᑐᒧᑦ ᐃᓯᑦᑎᕈᑎᒧᑦ ᒪᑭᕝᕕᐅᑉ ᓇᓗᓀᒃᑯᑕᖏᓐᓂᒃ ᑕᐅᑦᑐᖃᕐᑎᓯᐊᕋᓱᐊᕐᓱᒋᑦ. ᐊᑯᓂᐅᓂᕐᓴᖅ ᐊᖑᑎᓯᐅᑎᒥᒃ ᑕᕐᓯᑐᐃᔪᕕᓂᖅ.
“ᐊᑯᓂᐅᓂᕐᓴᖅ ᐊᖑᑎᓯᐅᑎᑦᓴᒥᒃ ᓯᓚᐹᓕᐅᕈᒪᓚᐅᔪᕗᖓ ᓇᓗᓇᕐᓂᓴᐅᓲᒍᒻᒪᑦ ᐊᖑᑎᓯᐅᑎᒥᒃ ᑕᕐᓯᑐᐃᒋᐊᒥᒃ ᐊᕐᓇᓯᐅᑎᑦᓴᖅ ᓇᓗᓇᖕᖏᓂᕐᓴᐅᑎᓪᓗᒍ,” ᐅᖃᕐᑐᕕᓂᖅ. ᔨᐊᓂᕗ ᓵᓚᓐᓃᓂᐊᕐᑐᕆᓚᐅᔪᖕᖏᑐᖅ. “ ᓵᓚᓐᓃᓂᕋᕐᑕᐅᒐᒪ, ᐅᑉᐱᓚᐅᔪᖕᖏᑐᖓ ᕿᐊᓯᑐᐃᓐᓇᓱᖓ, ᐊᐅᓚᔨᔪᖅ ᑕᒪᑐᒥᖓ. “ᐅᐱᒍᓱᓕᕇᓚᐅᔪᒐᒪᓕ ᐊᕙᑎᓄᑦ ᓇᓪᓕᑳᔭᐅᖃᑦᑕᑐᓄᑦ ᐃᓚᐅᒋᐊᒥᒃ, ᑕᒐᓕ ᖁᐊᕐᓵᓯᐊᓚᐅᔪᕗᖓ ᓵᓚᓐᓃᓂᕋᕐᑕᐅᒐᒪ.”
ᑕᒪᓐᓇ ᓵᓚᓐᓃᓂᕕᓂᖓ ᑭᖑᓂᖃᑦᓯᐊᓕᓚᐅᔪᒻᒥᔪᖅ. ᐱᓕᐅᑦᔨᓂᖃᕇᕐᓯᒪᓕᕐᑎᓗᒍ, ᔨᐊᓂᕗ ᐊᓯᐊᓂᒃ ᓯᓚᐹᓕᐅᓕᕐᓂᒥᔪᖅ ᐁᑦᑑᑎᐅᔪᕕᓂᕐᒥᒃ ᑲᓇᑕᒥᐅᑦ ᐊᖓᔪᕐᖄᖓᓄᑦ ᒫᒃ ᑳᓂᒧᑦ ᑰᑦᔪᐊᓕᐊᕐᖃᒥᓚᐅᔪᒻᒪᑦ, ᓯᓚᐹᓕᐊᕕᓂᖓᓗ ᔨᐊᓂᕗ ᐃᓕᑕᕆᔭᐅᓂᕐᑖᕆᐊᓪᓚᓱᓂ.
ᖁᓕᐅᖕᖏᒐᕐᑐᑦ ᓂᕈᐊᕐᑕᕕᓃᑦ ᑕᑲᒃᑯᐊᒍᕗᑦ:
ᔨᐊᓂᕗ ᒪᐃ ($15,000)
ᐃᒦᓕ ᓴᓪᓗᐊᓗᒃ ($10,000)
ᑲᔅᑏᓇ ᐊᖕᖕᒫᖅ ($5,000)
ᕉᐱ ᒪᓂᕋᔭᖅ ($1,000)
ᐅᓛᔪ ᐱᖕᖑᐊᑐᖅ ($1,000)
ᐅᐃᓂᕗᕆᐊᑦ ᓄᖕᖓᖅ ($1,000)
ᓕᓐᑕ ᐅᙯᑦᑐᖅ ($1,000)
ᑖᓚᓯ ᓴᐸ ($1,000)
ᓂᑮᑕ ᐃᑦᑐᖅ ($1,000
iPadᒥᒃ ᓵᓚᓐᓃᒍᑎᑖᕐᑐᕕᓂᖅ: ᑭᑎ ᒫᑭ ᐊᕐᓇᑐᖅ
ᐃᓄᐃᑦ ᖃᖓᑦᑕᔫᖏᑎᒍᑦ ᐃᑭᒍᑎᑖᕐᑐᕕᓂᖅ: ᐁᓖᓐ ᐃᒪᕐᓚᖅ
