ᓯᓚᕐᔪ ᐊᒥ ᖃᓂᒪᓇᕐᑐᖅ coronavirusᒍᓂᕋᕐᑕᐅᔪᖅ ᐃᕐᐸᑐ ᐊᓘᒻᒪᑦ 2020 ᐊᕐᕌᒍᖓ ᐱᒋᐅᕐᖃᒥᐅᑎᓪᓗᒍ ᓄᓇᕐᔪ ᐊᓕᒫᓂ ᓄᓇᓕᓕᒫᓂᓗ ᐃᓅᖃᑎᒌᑦᓴᔭᐅᖕᖏᑐᐃᑦ ᓯᓚᕐᔪ ᐊᓕᒫᒥ ᐊᐅᓚᕐᖃᔦᕐᒪᑕ, ᓄᓇᕕᒃ ᑌᒣᖃᑕᐅᓚᐅᔪᒋᕗᖅ. ᓇᑦᓯᓕᐅᑦ (ᒫᑦᓯᐅᑉ) ᑕᕐᕿᖓᑕ ᕿᑎᖓᓂ ᓄᓇᕕᒃ ᐅᐸᑦᑕᐅᖃᔦᕐᑎᑕᐅᓚᐅᔪᕗᖅ ᐊᐅᓪᓚᕕᐅᕐᖃᔦᑦᓱᓂᓗ ᐊᐅᓚᑲᑦᑕᓲᓄᑦ.
ᐱᓇᓱᕝᕕᐅᑦᓱᑎᒃ ᐊᓪᓚᕖᑦ, ᑮᓇᐅᔭᓕᐅᕋᓱ ᐊᕐᕖᑦ, ᐃᓕᓴᕐᕖᑦ ᑐᑦᓯ ᐊᕕᓪᓗ ᐅᒃᑯ ᐊᑕᐅᓚᐅᔪᑦ. ᐃᓄᓕᒫᓪᓗ ᐊᓂᕐᕋᓯᒪᑐᐃᓐᓇᖁᔭᐅᓕᕐᓱᑎᒃ, ᐊᒡᒐᒥᓂᓪᓗ ᐃᕐᕈᑐᖃᑦᑕᖁᔭᐅᓕᕐᓱᑎᒃ ᐅᓪᓗᑕᒫᑦ ᐊᒥᓱᕕᒐᓛᓪᓗᑎᒃ, ᐃᓅᖃᑎᒌᑦᑐᐃᓗ ᐱᖓᓲᔪᑦᑐᓄᑦ ᐃᑎᒐᓐᓄᑦ ᐅᖓᓯᑦᑕᖃᖃᑦᑕᖁᔭᐅᓕᕐᓱᑎᒃ, ᐊᒻᒪᓗ ᑕᒪᓐᓇ ᐱᕙᓪᓕᐊᑐᐃᓐᓇᒪᑦ, ᑭᓇᕐᐸᓯᒪᖃᑦᑕᖁᔭᐅᓯᓚᐅᔪᒻᒥᔪᑦ ᓇᐅᓕᒫᓄᑦ ᓇᔪᕐᑕᐅᓲ ᓃᓕᑐ ᐊᕈᑎᒃ ᐃᓪᓗᔪ ᐊᓂ/ᐃᓪᓗᕈ ᐊᓂ, ᐅᑦᑑᑎᒋᓗᒋᑦ ᑯ ᐊᐸᑦᑯᓂ.
ᓇ ᐅᓕᒫᑦ ᐊᓂᕐᕋᓯᒪᑐᐃᓐᓇᓕᕐᑎᓗᒋᑦ, ᐱᓇᓱ ᐊᕐᓃᑦ ᓱᓕ ᑲᔪᓯᔭ ᐅᒍᓐᓇᓚᐅᔪᑦ, ᐃᓕᓴᕐᓃᓗ ᑲᔪᓯᖏᓐᓇᓚ ᐅᔪᒻᒥᔪᑦ, ᐃᓄᐃᑦ ᓂᕿᑖᕆ ᐊᕐᑐᒋ ᐊᖃᕋᒥᒃ ᐊᓂᖃᑦᑕᖏᓐᓈᓚ ᐅᔪᒐᓗ ᐊᑦ, ᐊᒻᒪᓗ ᑐᑦᓯ ᐊᕕᓐᓂ ᐱᖓᓲᔪᕐᑐᐃᑦ ᐃᑎᒉᑦ ᒥᑦᓯᑎᒎᖕᖏᑐᖅ ᐅᖓᓯᑦᑕᕆᖃᑦᑕᒋ ᐊᖃᓯᑦᓱᑎᒃ! ᓱᓕᔪᕆᔭ ᐅᖕᖏᑑᒐᓗ ᐊᖅ ᐃᓚᖏᓐᓄᑦ, ᑭᓯ ᐊᓂ ᖃᕆᑕ ᐅᔭᑎᒍᑦ ᐱᑐᑦᓯᒪ ᐅᑏᑦ ᐊᑐᕐᓂᖃᓪᓚᕆᖃᑦᑕᑐᑦ, ᐱᓇᓱᑦᑏᑦ ᐊᓂᕐᕋᒥᓂ ᐱᓇᓱ ᐊᒍᓐᓇᖃᑦᑕᒪᑕ, ᐃᓕᓵᓪᓗ ᐃᓕᓴᕐᕕᒥᓄᑦ ᐱᑐᑦᓯᒪᒍᓐᓇᖃᑦᑕᓱᑎᒃ ᖃᕆᑕ ᐅᔭᑎᒍᑦ. ᑕᒪᒃᑯ ᐊ “ᐃᓅᖃᑎᒌᓄᑦ ᑐᓴᖃᑦᑕ ᐅᑎᒍᓐᓇᐅᑏᑦ” ᐊᑐᕐᓂᖃᕐᓂᐸ ᐅᓕᕋᑕᕐᑐᑦ, ᖃᓂᒪᓇᕐᑐᖅ ᓄᓇᕐᔪ ᐊᒥ ᓯ ᐊᒪᓯᒪᔪ ᐊᓘᓕᕐᓂᖓᓄᑦ ᓱᒃᑰᒍᑎᓪᓚᕆ ᐅᓕᕐᑎᓗᒍ ᐊᒻᒪᓗ ᓇ ᐅᓕᒫᑦ “ ᐊᓂᕐᕋ ᓯᒪᑲᓪᓚᑐ ᐃᓐᓇᓕᕐᑎᓗᒋᑦ”, ᐊᑐᕐᓂᖃᓪᓚᕆᓕᕐᑐᑦ ᖃᕆᑕ ᐅᔭᓄᑦ ᐱᑐᑦᓯᒪ ᐅᑏᑦ.
ᖃᓂᒪᓇᕐᑐᖃᓕᕐᑎᓗᒍ COVID19ᒍᓂᕋᕐᑕᐅᔪᒥᒃ ᓄᓇᕕᒻᒥ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᑎᒍᑦ ᐱᒍᑦᔨᓂᖅ ᓄᐃᑕᑎᑦᓯᓚᕆᖃᑦᑕᖁᖅ ᐊᑐᕐᓂᖃᓪᓚᕆᒋ ᐊᖏᑦ ᐱᒍᑦᔨᒍᑎᐅᑦᓱᑎᒃ ᖃᕆᑕᐅᔦᑦ. ᓄᓇᕕᓕᒫᒥ ᖃᕆᑕᐅᔭᑎᒍᑦ ᐱᑐᑦᓯᒪᐅᑎᓕᕆᔩᑦ ᑕᒫᓂᒃᑯᑦ, ᐊᐅᓚᑕᐅᑦᓱᑎᒃ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᓄᑦ 2003ᒥᓂᑦ ᐊᑐᕐᓂᖃᓪᓚᕆᖃᑦᑕᓕᕐᑐᑦ.
ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᑦ ᖃᐅᔨᒪᑦᓯ ᐊᑐᑦ ᒫᓐᓇᐅᑎᓪᓗᒍ/ᑕᒐᑕᒐᐅᑎᓪᓗᒍ ᖃᕆᑕᐅᔭᑎᒍᑦ ᐱᑐᑦᓯᒪᐅᑎᖏᑦ ᓈᒻᒪᖏᒋ ᐊᖏᑦ ᑌᒫᑎᒋᒃ ᐊᑐᕐᑕᐅᓕᐅᒥᓯᒪᑦᓱᑎᒃ ᐊᒥᓲᓂᕐᓴᓄᑦ ᐊᑐᕐᑕᐅᓕᕐᒪᑕ ᐱᑐᑦᓯᒪᖃᑎᒌᒍᑎᐅᑦᓱᑎᒃ. ᖃᓪᓗᓈᑦ ᓄᓇᖓᓂ ᖃᕆᑕᐅᔭᑎᒍᑦ ᖃᕆᑕᐅᔭᒧᑦ ᐃᓕᐅᕐᙯᒍᓐᓇᓂᖃᓲᒍᑎᓪᓗᒋᑦ 50 megabyesᓂᒃ (Mbps) ᐊᑐᕐᓱᑎᒃ ᓯᕿᖕᖑᔭᖅ/ᓯᕿᓂᖁᑎᒃ ᑎᓪᓕᑖᕆ ᐊᑕᒫᑦ, ᐊᑕᐅᓯᕐᒥᒃ ᑕᕐᕋᓕᔮᒥᒃ/ ᐊᐅᓚᔫᓂᒃ ᖃᕆᑕᐅᔭᒧᑦ ᐃᓕᔨᒌᔭᕈᑎᓂᒃ.
ᒪᑭᕝᕕᑯᑦ ᐊᖓᔪᕐᖄᖓᑕ ᐊᓪᓚᕕᖓᓂ ᑐᑭᒧ ᐊᕐᑎᓯᔨ ᔮᓐ ᑐᐳᐃ (Jean Dupuis), ᖃᐅᔨᑎᑦᓯᒍᑎᖃᓚᐅᔪᖅ ᖃᕆᑕᐅᔭᑎᒍᑦ ᐃᓕᓗᒍ ᐊᑐᕐᑕᐅᒍᓐᓇᑐᒥᒃ ᖃᕆᑕᐅᔭᖅ ᐊᑐᕐᑕᐅᔪᖅ ᖃᓄᓪᓗ ᐊᑎᒋᒃ ᓱᑲᓐᓂᖃᕐᒪᖔᑦ ᖃᐅᔨᒍᓐᓇᐅᑎᒃ ᐃᓕᔭᐅᓯᒪᒍᓐᓇᓂᖓᓂᒃ. ᐃᒫᒃ ᐅᖃᓚᐅᔪᖅ; ᒪᓐᑐᔨ ᐊᓪᒥᑦ ᒫᓐᓇ/ᑕᒐᑕᒐ 50 Megsᓂᒃ ᓲᖑᓂᓕᒻᒥᒃ ᐊᑐᖃᑦᑕᓂᕋᕐᓱᓂ ᖃᕆᑕᐅᔭᒧᑦ ᐃᓕᔭᐅᒍᓐᓇᑐᒥᒃ, ᖃᓄᑐᐃᓐᓇᓯ ᐊᖅ ᐊᑐᕐᑕᐅᒍᓐᓇᑐᖅ. ᑰᑦᔪ ᐊᒥ, ᐱᒍᓐᓇᕕᓕᒫᓕᑐ ᐊᕐᒪᑦ 5 Megsᓂᒃ ᐊᑐᕈᓐᓇᓂᖃᕐᑎᓗᒍ.
ᔮᓐ ᑐᐳᐃ ᒪᑭᕝᕕᑯᓐᓄᑦ ᑭᒡᒐᑐᕐᑎᒋᔭᐅᓲᖅ ᑲᕙᒪᑐᖃᒃᑯᑦ ᐃᓄᐃᓪᓗ ᐱᓇᓱᐊᖃᑎᒋᑉᐸᑐᐃᑦ ᑲᑎᒪᔨᖏᓐᓄᑦ ᐃᓚᒋᔭᐅᑦᓱᓂ, ᐃᓄᐃᑦ ᓯᕗᓕᕐᑎᖏᑦ ᑲᓇᑕᓕᒫᒥ ᑲᕙᒪᑐᖃᒃᑯᓂ ᑐᕐᖃᑕᕐᕕᓂᒃ ᑲᓇᑕᐅᓪᓗ ᐊᖓᔪᕐᖄᒪᕆᖓᓂᒃ ᑲᑎᒪᑦᓯᓲᑦ. ᑖᓐᓇ ᔮᓐ ᑐᐳᐃ ᑕᒪᒃᑯᓂᖓ ᐃᓂᓪᓚᑎᕆᒍᑎᐅᔪᓂᒃ ᐱᓇᓱ ᐊᕐᖃᑎᒌᑦᑐᓄᑦ ᑲᑎᒪᔨᐅᖃᐅᓲᖅ, ᖃᐅᔨᒐᓱ ᐊᖃᑎᒌᓕᕐᓱᑎᓪᓗ ᑲᑎᒪᔨᐅᖃᑎᒌᑦ ᐅᑭᐅᕐᑕᑑᑉ ᖁᑦᓯᑐᖓᓂ ᖃᓄᓪᓗᐊᑎᒋᒃ ᓲᖑᓂᓕᓐᓂᒃ ᖃᕆᑕᐅᔭᑎᒍᑦ ᐱᑐᑦᓯᒪᐅᑎᖃᕈᓐᓇᒪᖔᑕ.
ᖃᐅᔨᖕᖏᓂᐅᔭᓛᕈᓐᓀᑐᑦ ᓄᓇᕕᒻᒥ, ᓴᖕᖐᓗ ᐊᕐᑐᓂᒃ ᐊᑭᑐᔪ ᐊᓗᑦᓱᑎᓪᓗ ᖃᕆᑕᐅᔭᑎᒍᑦ ᐱᑐᑦᓯᒪᐅᑎᖃᕐᓂᖏᓐᓂᒃ ᐊᒻᒪᓗ ᑕᒪᒃᑯ ᐊ ᖁᒻᒧ ᐊᑎᑕᐅᓯᒪᔪᐃᑦ ᐊᑯᓂᓂᑕᖕᖑᐸᓪᓕ ᐊᓂᖏᓐᓂᒃ ᐱᑐᑦᓯᒪᐅᑎᖃᕋᑦᑕ ᖃᕆᑕᐅᔭᑎᒍᑦ. ᓱᒃᑫᑑᓕᕆᕐᓱᑎᒃ ᓱᒃᑫᓗ ᐊᕐᓂᖃᕐᐸᒥᔪᑦ 1.5 ᓯᕿᖕᖑᔭᖅ/ᓯᕿᓂᖁᑎᒃ ᑎᓪᓕᑖᕆ ᐊᑕᒫᑦ. ᐃᒥ ᐊᔪᑲᓪᓚᑐᐃᓐᓇᓂᒃ ᖃᓄᐃᑦᓴᖏᑦᑐᓄᑦ ᖃᓄᐃᒍᓇᐅᕐᖂᖏᑦᑑᒐᓗ ᐊᑦ, ᑭᓯ ᐊᓂ ᑕᒪᓐᓇ ᐱᐅᒐᓛᑦᔭᖏᒻᒥᔪᖅ.
ᒫᓐᓇ/ᑕᒐᑕᒐ ᑕᒫᓂᒃᑯᑦ ᐱᑐᑦᓯᒪᐅᑎᖏᑦ ᐊᑐᕐᑕᐅᓲᑦ ᐋᕐᕿᒋ ᐊᑦᓯ ᐊᑕᐅᓚᐅᕐᓯᒪᔪᑦ 2015 ᐊᕐᕌᒍᖓᓂ ᐊᑯᓂᓂᑕᐅᓗ ᐊᓕᕆᕐᓱᑎᓪᓗ ᐊᒻᒪᓗ ᑌᒪᖕᖓᓂᑦ ᖃᓂᒪᓇᕐᑐᖅ ᓯᓚᕐᔪ ᐊᓕᒫᒥ ᓯ ᐊᒪᓯᒪᓂᕋᕐᑕᐅᓯᓚᐅᔪᑎᓪᓗᒍ. ᐊᑐᕐᑕᐅᒍᓐᓇᒫᕐᓂ ᐊᓯᒪᑦᔭᖏᑦᑐᑦ ᐃᓕᓵᓄᑦ ᐃᓕᓴᕐᕕᒥ ᐱᑐᑦᓯᒪᐅᑎᓄᑦ, ᐊᖓᔪᕐᖄᒋᔭᐅᔪᐃᓪᓘᓃᑦ ( ᐊᑖᑕᒃᑯᔪᐃᑦ ᐊᓈᓇᒃᑯᔪᐃᑦ) Zoomᕈᓐᓇᐅᑎᑎᒍᑦ ᐊᓂᕐᕋᒥ ᐊᑐᕈᓐᓇᔭᒐᑎᒃ ᓴᖕᖐᓗᐊᕐᒪᑕ ᑌᒣᑦᑐᓄᑦ ᐊᑐᕐᑕᐅᒐᔭᕈᑎᒃ, ᐊᒻᒪᓗ ᐊᓪᓚᑕᐅᓯᒪᔪᓂᒃ ᑐᔫᑎᖃᖃᑦᑕᐅᑎᒍᑎᐅᕐᖃᔭᕋᑎᒃ ᓴᖕᖏᓗ ᐊᕐᒪᑦᑕ ᑕᒫᓂᒃᑯᑦ ᖃᕆᑕᐅᔭᑎᒍᑦ ᐱᑐᑦᓯᒪᐅᑎᖏᑦ.
ᑕᒫᓂᒃᑯᑦ ᖃᕆᑕᐅᔭᓕᕆᔨᖏᑦ ᓲᖑᓰᒋ ᐊᕈᑎᓂᒃ ᐱᓗᑎᒃ ᑭᓯ ᐊᓂᐅᓕᕋᒥᒃ ᑌᒣᓚᐅᔪᑦ ᖃᓂᒪᓇᕐᑐᖅ ᓯᓚᕐᔪ ᐊᒥ ᓯ ᐊᒻᒪᐸᓪᓕ ᐊᔪ ᐊᓗᑐᐃᓐᓇᐅᓂᕋᕐᑕᐅᓕᕐᒪᑦ ᐱᓇᓱ ᐊᕐᑏᑦ ᐃᓕᓵᓪᓗ ᐊᓂᕐᕋᒥᓂ ᐱᓇᓱ ᐊᕆ ᐊᖃᓕᕐᓂᖏᓐᓄᑦ ᖃᕆᑕᐅᔭᑎᒍᑦ, ᑌᒫᓪᓗ ᐊᓭᓐᓇᖅ ᑲᓇᑕᓕᒫᒥ ᖃᕆᑕᐅᔭᑎᒍᑦ ᓲᖑᓂᖃᕐᑐᓂᒃ ᑭᖑᕙᕐᓯᒪᒐᓗ ᐊᕐᓱᑎᒃ ᐊᕐᕌᒍᓄᑦ ᐊᒥᓱᓪᓗ ᐊᖏᑦᑑᒐᓗ ᐊᓄᑦ. ᓄᓇᕕᒻᒥᐅᓄᑦ ᑭᖑᓯᖏᓐᓈᓚᐅᔪᒻᒥᔪᑦ ᐱᖕᖑᐊᕈᑎᓄᑦ ᓇᓂᑐᐃᓐᓇᖅ ᐃᓚᐅᖃᑦᑕᕈᓐᓇᐅᑎᓂᒃ ᑕᒫᓂᒃᑯᑦ ᓱᒃᑫ ᐃᓗ ᐊᕐᓂᖏᓐᓄᑦ ᐱᑐᑦᓯᒪᐅᑎᖏᑦᑕ.
ᐊᒥᕋᐃᔭᐅᑦ (ᓯᑉᑎᒻᐱᕆᐅᑉ) ᑕᕐᕿᖓᓂ 2018ᒍᑎᓪᓗᒍ, ᑲᕙᒪᑐᖃᒃᑯᑦ ᐱᓇᓱ ᐊᖃᑎᖃᕐᓱᑎᒃ ᑯᐯᒃᑯᑦ ᑲᕙᒪᒃᑯᖏᓐᓂᒃ ᑮᓇᐅᔦᕈᑎᖃᓚᐅᔪᑦ $125.2 ᒥᓕ ᐊᓐᓂᒃ ᓱᑲᓐᓂᓴᐅᓗᑎᒃ ᖃᕆᑕᐅᔭᑎᒍᑦ ᐱᑐᑦᓯᒪᐅᑎᑦᓴᓂᒃ. ᐃᒪᑎᒍᑦ ᖁᒻᒧᐊᑎᑕᐅᓯᒪᔪᒃᑰᖏᑦᑐᖅ ᐱᑐᑦᓯᒪᐅᑎᐅᓛᓕᕐᑐᑦ ᓄᓇᕕᒻᒥ ᑕᓪᓕᒪᓂ ᓄᓇᓕᓐᓂ ᑕᓯᐅᔭᕐᔪ ᐊᒥ, ᐊᒻᒪᓗ ᑰᑦᔪ ᐊᒥ ᐅᖓᕙᐅᑉ ᓯᓈᓂ. ᓯᕗᓪᓕᐹᒥ ᐱᒋ ᐊᖕᖓᕈᑏᑦ ᖃᐅᔨᒐᓱ ᐊᕐᓂᐅᓛᕐᑐᑦ ᓯᓵᓯᐱᒥᑦ ᐳᕕᕐᓂᑐᒧᑦ ᖃᓄᐃᒐᔭᕐᒪᖔᑕ. ᑕᒪᒃᑯᐊ ᓱᑲᑦᑑᓱᑎᒃ ᐆᓇᕐᓯᓰᒍᑎᓄᑦ ᐱᑐᒍᓐᓇᐅᑏᑦ, ᐅᕝᕙᓘᓐᓃᑦ ᓄᓇᐅᑉ ᖄᖓᑎᒍᑦ ᐱᑐᑦᓯᐅᒪᑎᐅᑦᓱᑎᒃ ᑐᓴᖃᑦᑕᕈᓐᓇᐅᑏᑦ, ᐱᑐᑦᓯᒪᐅᑎᐅᒐᔭᕐᑐᑦ ᑰᒃᔪ ᐊᒥᑦ ᓴᕙᕕ ᐊᓪᒧ
ᐃᓗᐃ ᑲᓚᒫ (́Éloi Clément), ᑲᑎᕕ ᓄᓇᓕᓕᒫᑦ ᑲᕙᒪᒃᑯᖏᑦᑕ ᑐᑭᒧ ᐊᕐᑎᓯᔨᖓᑕ ᐃᑲᔪᕐᑎᖓ ᑕᒫᓂᒃᑯᑦ ᖃᕆᑕᐅᔭᑎᒍᑦ ᐱᑐᑦᓯᒪᐅᑎᓕᕆᔨᖏᑦᑕ ᐱᒍᑦᔨᕕᖓᓐᓂ, ᐅᖃᓚᐅᔪᖅ ᑕᒪᓐᓇ ᐊᖏᓂᕐᐸᐅᓂᕋᕐᓱᒍ ᑲᓇᑕᓕᒫᒥ ᑐᓴᐅᒪᖃᑦᑕᐅᑎᓕᕆᓂᕐᓄᑦ ᐱᓇᓱ ᐊᕐᑕᐅᔪᖅ.
ᐃᓗᐃ ᑲᓚᒫ ᐅᖃᓚᐅᔪᖅ ᐃᒫᒃ: “ᑕᒪᓐᓇ ᐊᖏᔪ ᐊᒻᒪᕆ ᐊᓗᕋᑕᖅ ᐱᓇᓱ ᐊᕐᕋᓱ ᐊᕐᓱᒍ, ᐱᓇᓱ ᐊᓚᐅᕐᓯᒪᔭᕋᓗ ᐊᑦᑎᓂᑦ ᐊᖏᓂᕐᐹᖅ.” ᐊᓕ ᐊᓱᒻᒪᕆᓐᓂ ᕋᓚᐅᔪᖅ, ᐱᔭᑦᓴᓕᒻᒪᕆ ᐊᓘᓕᕋᓗ ᐊᕐᓱᓂ, ᐱᒍᑦᔨᒍᑎᒋᒋ ᐊᓕᒻᒥᓂᒃ ᐱᓇᓱ ᐊᖏᓐᓈᓱᓂᓪᓗ ᐱᒍᑦᔨᒍᑎᒋᒋ ᐊᖃᓲᑐᖃᕐᒥᓂᒃ ᖃᕆᑕᐅᔭᑎᒍᑦ ᐱᒍᑦᔨᒍᑎ ᐅᓲᓂᒃ ᑭᓯ ᐊᓂ ᒫᓐᓇᐅᑎᓪᓗᒍ/ᑕᒐᑕᒐᐅᑎᓪᓗᒍ ᖃᓂᒪᓇᕐᑐᖅ COVID19 ᐊᑑᑎᔪ ᐊᓗᓕᕐᑎᓗᒍ ᐱᓇᓱᒋ ᐊᖃᕐᐸᒥᔪᖅ ᐊᖏᔪᕐᓚᐅᑎᒻᒪᕆ ᐊᓗᓐᓂᒃ ᐱᓇᓱᒐᑦᓴᓂᒃ ᓄᑖᓂᒃ. ᑕᒫᓂᒃᑯᑦ ᐊᑐᐃᓐᓇᕈᕐᑎᐸᓪᓕ ᐊᖃᑦᑕᒥᔪᑦ ᐃᒪᑎᒍᑦ ᖃᕆᑕᐅᔭᓄᑦ ᐱᑐᑦᓯᒪᐅᑎᑦᓴᓂᒃ ᓄᓇᕕᐅᑉ ᓄᓇᓕᖏᓐᓂ.
ᐃᒫᑎᒍᑦ ᖃᕆᑕ ᐅᔭᓄᑦ ᐱᑐᑦᓯᒪ ᐅᑎᑦᓭᑦ ᓄᓇᕕᒻᒥ ᐊᑐᕐᓂᖃᒻᒪᕆᓚᖓᔪᑦ ᑲᓇᑕᒥᐅ ᓄᑦ ᓈᓚᐅ ᑎᓕᕆᔨᓄᑦ ᑕᓚᕖᓴᒃᑯᓗ ᑐᓴᐅ ᒪᖃᑦᑕᐅ ᑎᓕᕆᔩᑦ ᑭᓪᓕᓯᓂᐊᕐᑎᒪᕆᔨᖏᓐᓄᑦ ᓯᓚᕐᔪ ᐊᒥ ᐱᒍᑦᔨᓲᑦ ᑐᕌᒍᒪᔭᖏᓐᓂᒃ ᑐᓴᕐᑎᓯᒍᑎᒋᓚᐅᕐᓯᒪᒻᒪᖏᑦ 2016ᒥ. ᑐᓴᕐᑎᓯᒍᑎᒋᓯᒪᔭᖏᑦ ᐃᒣᓕᓯᔪᕐᑕᓖᑦ, “ᑲᓇᑕᒥ ᐅᑦ ᓄᓇᓕᕐᓚᒪᕇᑦ, ᓯᓚᑖᓂᒥ ᐅᒍᓂᕐᓭᓗ ᐊᒻᒪᓗ ᑎᑭᑕ ᐅᑐᐃᓐᓇᑲᓪᓚᖃᔭᖕᖏᑐᒥ ᐅᑦ ᑐᓴᕐᑕ ᐅᖃᑦᑕᕈᓐᓇᓯᓛᕐᒥᔪᑦ ᖃᕆᑕ ᐅᔭᑎᒍᑦ ᐱᒍᑦᔨᓂᖃᕈᓐᓇᓯᑉᐸᑦ 50 Mbpsᓂᒃ ᓲᖑᓂᓖᑦ ᒥᑦᓯᑎᒍᑦ ᐊᒻᒪᓗ 10 Mbpsᓂᒃ ᓲᖑᓂᓖᑦ ᐅᖓᑖᓄᑦ ᑕᒪᕐᒥᒃ ᐃᓱ ᐊᕐᓂᓴ ᐅᓕᕐᑎᑕ ᐅᓯᒪᓕᕐᐸᑕ ᐊᒻᒪᓗ ᐅᖄᓚ ᐅᑎ ᐊᐲᑦ ᓇᔪᕐᑎᒋᔭ ᐅᒍᓐᓇᓲᑦ ᐱᑐᑦᓯᒪᖃᑕ ᐅᒍᓐᓇᓯᑎᓪᓗᒋᑦ.”
ᐊᑐᕈᓐᓇᓯᖕᖏᓂᖏᓐᓂ, ᓄᓇᕕᒥᒃ ᓲᖑᓂᖏᑦ 5Mbps ᖃᕆᑕᐅᔭᒨᕐᙯᒍᓐᓇᓂᖏᑦ ᓲᖑᓂᓕᓐᓂᒃ ᐊᑐᑦᓴᓗᓂ ᑭᓯ ᐊᓂᐅᓚᐅᑲᓐᓂ ᐊᑐᖅ. ᑌᒣᓐᓂᑯᖓᓄᑦ ᑎᒥᐅᔪᓕᒫᑦ ᓄᓇᓕᓕᒫᑦ ᓱᕐᕋᑕᐅᒪᕙᑦᑐᑦ, ᐊᒻᒪᓗ ᓱᒃᑫᐃᓕᑎᕆᒍᑎᐅᑦᓱᑎᒃ ᓄᓇᕕᐅᑉ ᐱᕙᓪᓕ ᐊᒍᓐᓇᓂᖓᓂᒃ. ᑑᒪᓯ ᒪᖏᐅᖅ ᖃᕆᑕᐅᔭᑎᒍᑦ ᐊᓪᓚᖑ ᐊᕐᓯᒪᔪᓕᐅᓲᖅ ᐊᒻᒪᓗ ᓄᕝᕕᑎ ᐃᓕᓐᓂ ᐊᕕᒻᒥ ᑲᒪᔨᒻᒪᕆᐅᑦᓱᓂ ᐃᕗᔨᕕᒻᒥ. ᐅᖃᓚᐅᔪᖅ ᐃᒫᒃ: “ᑕᑯᓐᓇᕋᑦᓴᓕᐅᓲᖑᕗᖓ, ᖃᕆᑕᐅᔭᒨᕐᖃᒐᓱᒋ ᐊᒥᒃ ᐱᔭᕐᓃᑐᒻᒪᕆᐅᓲᑦ ᓱᒃᑫᑐᓗ ᐊᕐᓂᖏᓐᓄᑦ ᐱᑐᑦᓯᒪᐅᑎᕗᑦ. ᐱᓕᐅᑦᔨᖃᑕᐅᕐᖃᔭᖕᖏᓚᕿᔪᖓ ᐊᓯᒃᑲᓄᑦ.” ᐅᖃᓚᐅᔪᖅ ᓄᓇᕕᒻᒥᓂᑕᓂᒃ ᓄᐃᑕᕕᓂᕐᓂᒃ ᐱᑕᖃᕐᖃᔭᖕᖏᓗ ᐊᓚᕿᔪᖅ. “ᑭᓯᐊᓂ ᐱᐅᓯᑐᖃᕐᑎᓄᑦ ᐃᓕᖓᔪᓂᒃ ᓄᐃᑦᓯᒍᓐᓇᕋᓗ ᐊᕐᓱᑕ. ᐊᐅᓪᓚᑎᒐᓱ ᐊᒋ ᐊᖏᑦ ᐊᕐᓱᕈᓐᓇᑑᓲᖅ, ᑭᖑᕙᕐᓯᒪᓪᓚᕆᒻᒪᑕ ᖃᕆᑕᐅᔭᑎᒍᑦ ᐱᓇᓱ ᐊᕈᑎᒋᓲᕗᑦ.” ᑐᑭᓯᓇᕐᑎᓯᓚᐅᔪᖅ ᑕᑯᓐᓇᕋᑦᓴᓕ ᐊᕕᓂᖓ ᓯᕗᑐᓂᓕᒃ 5minutesᒥ (ᒥᓂᑦᓯᒥ) 800 megabytesᓂᒃ ᐊᑐᕆ ᐊᖃᕋᔭᕐᑐᖅ, ᐱᔭᕐᓃᑐᓪᓚᕆᐅᓲᖅ ᐊᐅᓪᓚᑎᑦᓯᒐᓱᒋ ᐊᒥᒃ.
ᐃᓕᓐᓂ ᐊᑎᒥᓂᒃ, ᑕᑯᑎᑦᓯᒍᓐᓇᕈᒪᒐᓗ ᐊᕐᓱᓂ ᑕᑯᓐᓇᕋᑦᓴᓕᐅᕈᓯᕐᓂᒃ ᓯᓚᕐᔪ ᐊᒥ ᓇᓂᑐᐃᓐᓇᖅ ᐱᓯᒪᔪᓂᒃ, ᐃᓕᓐᓂ ᐊᕕᐅᒻᒥᔪᐃᑦ ᐊᓯᖏᑦ ᑌᒣᒍᓐᓇᓯ ᐊᓲᒍᒻᒪᑕ, ᑭᓯ ᐊᓂ ᑌᒣᕐᖃᔭᖕᖏᑐᒍᑦ ᓄᓇᕕᒻᒥ. “ᐅᑦᑐᕋᐅᑎᐅᒍᓐᓇᒥᔪᖅ, ᐃᓕᓐᓂ ᐊᑏᒃ ᒪᕐᕉᒃ ᖃᖓᑦᑕᔪᕆᐅᕐᓴᐅᑎᒥᒃ ᐊᓕ ᐊᒋᔭᖃᕐᒪᓃᒃ. ᐊᑕᐅᓯᖅ ᐃ ᐊ ᐃᓄᐃᒃᑯᓄᑦ ᓇᓗᓀᕐᑕᐅᓯᒪᔪᖅ ᖃᖓᑦᑕᔪᕐᑎᐅᒍᓐᓇᓯᑐᐃᓐᓇᕆ ᐊᖃᕐᓂᖓ. ᐊᑯᓂ ᐊᓗᒃ ᖃᖓᑦᑕᔪᕆᐅᕐᓴᐅᑎᐅᑉ ᖃᕆᑕᐅᔭᖓ ᖃᕆᑕᐅᔭᒧᑦ ᐃᓕᒐᓱ ᐊᒋ ᐊᖃᓚᐅᔪᔭᕗᑦ,” ᑌᒣᓕᑦᓱᓂ ᑑᒪᓯ ᐅᖃᓚᐅᔪᖅ.
ᓄᓇᕕᒻᒥ ᖃᐅᔨᓴᕐᕕᒥ ᑐᑭᒧ ᐊᕐᑎᓯᔨ ᑰᑦᔪ ᐊᒥ ᐃ ᐊᓕᓐ ᐊᕙᑦ (Ellen Avard) ᐅᖃᓚᐅᔪᖅ ᖃᕆᑕᐅᔭᒃᑯᑦ “ ᐊᐅᓪᓚᑎᑦᓯᒍᑎᒃ” ᓇᕐᓂᑕᐅᓗᑭᓲᒍᓂᕋᕐᓱᒍ ᐅᓐᓄ ᐊᓕᒫᖅ ᐊᐅᓪᓚᑎᑕᐅᒐᓱ ᐊᕐᓂ ᐊᑎᓪᓗᒋᑦ ᐊᐅᓪᓚᑎᑕᐅᒋ ᐊᓖᑦ ᐅᓪᓛᑯᑦ ᐊᑐᐃᓐᓇᖁᔭᐅᑐ ᐊᕈᑎᒃ. “ᖃᕆᑕᐅᔭᓄᑦ ᐱᑐᑦᓯᒪᐅᑏᑦ ᐃᒪᑎᒍᕐᑐᐃᑦ ᐊᑐᓯᕋᑕᕐᐸᑕ ᐊᕐᓱᕉᓕᖓᖃᑦᑕᕈᓐᓀᕋᔭᕐᑐᒍᑦ. ᑌᒫᓪᓗ ᐊᓭᓐᓇᖅ ᖃᓪᓗᓈᓂᑦᓱᑎᒃ ᐱᓇᓱᑦᑎᐅᖃᑎᑦᑎᓄᑦ ᖃᕆᑕᐅᔭᑎᒍᑦ ᐱᑐᑦᓯᒪᐅᑎᖏᑦᑕ ᓇᓪᓕᖁ ᐊᖏᓐᓂᒃ ᐱᖃᕈᒥᓇᕐᐸᒪᑦ” ᑌᒣᓕᑦᓱᓂ ᐃ ᐊᓕᓐ ᐅᖃᓚᐅᔪᖅ.
ᑯᔦᑯ ᑭ ᐊᓪᐳᑦ (Gregor Gilbert), ᒪᑭᕝᕕᐅᑉ ᐊᕙᑎᓕᕆᓂᕐᒧᑦ ᐆᒪᔪᓕᕆᓂᕐᒧᓗ ᐊᒻᒪᓗ ᖃᐅᔨᓴᕐᕕᐅᑉ ᐊᓪᓚᕕᖓᓂ ᑐᑭᒧ ᐊᕐᑎᓯᔨᒋᔭᐅᓕᕐᑐᖅ ᐊᖏᕐᓯᒪᒐᒥ ᑐᑭᒧᐊᕐᑎᓯᔨᐅᓂᕐᒥᓂᒃ.
“ ᐊᓪᓚᓯᒪᔪᓂᒃ ᐊᖏᔪᕐᓚᐅᓈᕐᑎᑐᕋᑕᕐᓂᒃ ᑲᒪᒋᔭᖃᓲᒍᒐᑦᑕ, ᐅᑦᑑᑎᒋᑦᓱᒋᑦ ᓄᓇᖕᖑ ᐊᓂᒃ. ᐊᖏᔪᕐᓚᐅᓈᕐᑎᑐᓂᒃ ᐊᓪᓚᓯᒪᔪᓂᒃ ᐊᐅᓪᓚᑎᑦᓯᒐᓱᒋ ᐊᒥᒃ ᐊᐅᓪᓚᑎᑦᓯᕙᓪᓗᒍᑎᐅᓲᓂᒃ ᐱᕐᖃᔭᖕᖏᑲᓴᑦᓯ ᐊᓲᒍᕗᒍᑦ. ᑌᒣᒻᒪᑦ, ᐊᓯ ᐊᒍᑦ ᐱᕕᑦᓴᓯᐅᒋ ᐊᖃᕐᓯᒪᒐᑦᑕ DropBoxᒍᓂᕋᕐᑕᐅᔪᒥᒃ ᐊᑐᕐᐸᑐᒍᑦ ᐊᖏᔪᕐᓚᐅᑎᓂᒃ ᖃᕆᑕᐅᔭᑎᒍᑦ ᐊᐅᓪᓚᑎᑦᓯᒋ ᐊᖃᓕᑐ ᐊᕋᑦᑕ.”
ᐃᓱᒪᒃᑯᑦ ᑕᑯᓐᓇᖑ ᐊᕐᓗᒋᑦ ᐃᓄᐃᑦ ᐅᐃᕆᓯᒪᐅᑎᒋᔭᒥᓂᒃ ᐊᕐᓱᕉᑎᖃᓲᑦ. ᐊᑕᐅᓯᑐᐃᓐᓇᐅᑎᓪᓗᒍ ᐃᑲᔪᕐᓯᔭᐅᕕᑦᓴᖅ ᓄᓇᕕᒻᒥ – ᐃᓱ ᐊᕐᓯᕕᒃ – ᑰᑦᔪ ᐊᒥ. ᑏᕕ ᕗ ᐊᕆᔅ (Dave Forest), ᐅᖃᕐᑎᒋᔭᐅᔪᖅ ᐃᓱ ᐊᕐᓯᕕᐅᑉ ᑲᑎᒪᔨᖏᓐᓄᑦ ᐅᖃᓚᐅᔪᖅ ᐃᓱ ᐊᕐᓯᕕᒻᒦᑐᕕᓃᑦ ᐱᔭᕆᕐᓯᒪᓕᕐᒪᑕ ᑭᖑᓂᖓᒍᑦ ᑕᓯᐅᕐᑕᐅᒋᐊᒃᑲᓂᓲᒍᓂᕋᕐᓱᒋᑦ ᖃᕆᑕᐅᔭᑎᒍᑦ Facebookᑯᑎᒍᑦ.
“ᑲᒪᒋᓲᕗᑦ, ᐊᔭᐱᕐᕕᓴᖃᕐᑎᒐᓱ ᐊᓲᕗᑦ ᐃᑲᔪᕐᑕᐅᒍᒪᓕᕈᑎᒃ ᓵᕝᕕᓴᖃᕐᑎᒐᓱᐊᕐᓱᒋᑦ. ᖃᕆᑕᐅᔦᑦ ᓱᒃᑫᓗ ᐊᕐᑐᒪᕆᐅᑎᓪᓗᒋᑦ. ᐃᑲᔪᕐᑕᐅᒍᒪᓕᕐᑐᐃᑦ ᓵᕝᕕᓴᕐᓂᒃ ᐊᑐᐃᓐᓇᖃᖕᖏᑐ ᐊᕐᒪᑦ, ᕿᓄᐃᓵᕐᖃᔦᓐᓇᓲᑦ.” ᑏᕕ ᕗ ᐊᕆᔅ ᓂᐅᕕᕐᕕᖁᑎᒥᓂᒃ ᐊᐅᓚᑦᓯᓲᒍᒻᒥᔪᖅ. ᐊᒥᓱᑲᓪᓛᓗᐃᑦ ᓇᒻᒥᓂᖅ ᑮᓇᐅᔭᓕᐅᕋᓱ ᐊᕈᑎᒋᔭᒥᓂᒃ ᐊᐅᓚᑦᓯᔪᐃᑦ ᐃᒻᒪᖃᐅᑎᖃᓲᒍᒻᒪᑕ ᐊᑯᓂᓂᑕᐅᓂᕐᓴᒪᕆᐅᑦᓱᑎᒃ ᓲᕐᓗ ᐊᑖᑕᑦᓯ ᐊᕆᔭᐅᓕᕐᑐᓂᒃ ᖃᕆᑕᐅᔭᕈᑎᐅᕐᖄᖃᑦᑕᓯᒪᔪᓂᒃ ᐃᒻᒪᖃᐅᑎᖃᓲᒍᒻᒥᔪᖅ Xplornetᑐᖃᕐᓂᒃ ᐴᒍᑕᐅᔮᓗᓐᓂᒃ. ᓄᓇᕕᒻᒥ ᓂᐅᕕ ᐊᑦᓴᐅᓲᒍᑦᔭᒍᓐᓀᑐᓂᒃ, ᑕᑯᑦᓴᐅᓲᒍᐃᓐᓈᑐᑦ ᐱᒍᓐᓀᓇᕐᓲᒍᒻᒪᑕ.
ᐊᓯᖏᑦ ᖃᕆᑕᐅᔭᓂᒃ ᐊᑐᓲᒍᓂᕐᐸᐅᖃᑕᐅᔪᑦ. ᐃᓗᐃ ᑲᓚᒫ, ᑑᒪᓯ ᒪᖏᐅᖅ, ᑏᕕ ᕗ ᐊᕆᔅᓗ ᐃᓘᓐᓇᑎᒃ ᐅᖄᔪᐃᓐᓇᐅᓚᐅᔪᑦ ᐊᑦᓱᐃᑐᒻᒪᕆᖕᖑᓯᒪᔪᒥᒃ ᓄᐃᑕᐅᓚᐅᕐᓯᒪᖕᖏᑐᓂᒃ ᓄᐃᑦᓯᓯᒪᓂᕐᒥᓄᑦ ᐃᓗᓐ ᒪᔅᒃᒥᒃ (Elon Muskᒥᒃ) ᐸᕐᓀᓯᒪᓂᕋᐃᓚᐅᔪᑦ ᖁᒻᒧ ᐊᑎᑕᐅᒃᑫᒍᒫᕐᓂ ᐊᓂᕋᕐᓯᒪᒻᒪᑦ ᓇᕿᓈᕐᓯᒪᓗᓂ Starlinkᒥᒃ. Tesla founderᑯᑦ ᓴᐅᓴᐅᓈᕐᑎᑐᓂᒃ ᒥᑭᔪᕐᓚᐅᓗᑎᒃ ᖁᒻᒧᐊᑎᑕᐅᓯᒪᔪᕐᑎᒍᑦ ᖃᕆᑕᐅᔭᓂᒃ ᐱᑐᑦᓯᒪᐅᑎᑦᓴᓂᒃ ᕿᓚᒻᒥ ᐊᑭᑐᔪ ᐊᓗᖕᖏᑐᓂᒃ ᓱᑲᑦᑑᑎᑦᓯᒍᓐᓇᓯᒐᔭᕐᑐᓂᒃ ᖃᕆᑕᐅᔭᓂᒃ ᑎᑭᑕᐅᑐᐃᓐᓇᖃᔭᖕᖏᑐᓂ ᓄᓇᓕᓐᓂ ᓯᓚᕐᔪ ᐊᓕᒫᒥ. ᑑᒪᓯ ᒪᖏᐅᖅ ᑕᒪᑐᒥᖓ ᕿᓚᓈᕆᔭᖃᑦᓯ ᐊᓂᕋᓚᐅᔪᖅ ᓄᓇᒦᓪᓗᓂ ᖃᕆᑕᐅᔭᕈᓐᓇᓯᒍᒪᒧᑦ. ᑏᕕ ᕗ ᐊᕆᔅ ᐅᖃᓚᐅᔪᒻᒥᔪᖅ ᐃᒫᒃ: “ ᐊᒥᓱᒻᒪᕆ ᐊᓘᒐᓗ ᐊᑦ ᖁᒻᒧ ᐊᑎᑕᐅᓯᒪᔪᐃᑦ, ᑭᓯ ᐊᓂ ᓱᒃᑲᑦᑐᓂᒃ ᐊᑐᕈᓐᓇᓯᑐ ᐊᕈᑦᑕ ᐊᓯᑦᔨᑕᐅᑦᓯ ᐊᕋᔭᕐᑐᒍᑦ.” ᐃᓗᐃ ᑲᓚᒫ ᐅᖃᓚᐅᔪᖅ ᐃᓗᓐ ᒪᔅᒃᒥᒃ (Elon Muskᒥᒃ) ᓇᕿᓈᕐᓯᒪᔪᒥᒃ ᖁᒻᒧ ᐊᑎᑦᓯᒍᒪᓂᖓ ᖃᕆᑕᐅᔭᓂᒃ ᓱᑲᑦᓯᐅᒥᑎᑦᓯᒐᔭᕐᑐᓂᒃ ᑲᖐᓱ ᐊᒍᑎᖃᕐᓂᕋᕐᓱᓂ ᐅᖃᓚᐅᔪᖅ, ᑭᓯ ᐊᓂ ᐊᑯᓂᐅᓗ ᐊᖏᓐᓈᓚᖓᔪᖅ. “ᓄᓇᕕᒻᒥ ᐊᑐᐃᓐᓇᐅᒍᓐᓇᓯᑦᓴᕋᑕᕋᔭᕐᒪᑕ ᐊᕐᕌᒍᒃ ᒪᕐᕉᒃ ᓈᑐ ᐊᕐᐸᓃᒃ ᑭᓯ ᐊᓂ.”
ᓄᑖᒍᑦᓱᑎᒃ ᐃᓱᕐᕉᑎᐅᕙᓕᕐᑐᐃᑦ ᐃᓅᖃᑎᒌᑦᑐᓄᑦ ᐱᑐᑦᓯᒪᖃᑦᑕᐅᑎᒍᑏᑦ ᐊᒻᒪᓗ ᑕᑯᓐᓇᖃᑦᑕᐅᑎᒍᓐᓇᐅᑏᑦ ᐊᑐᕈᓐᓇᕕᒻᒥᑎᒍᑦ ᐊᑐᕐᑕᐅᒍᓐᓇᑐᐃᑦ ᐊᑐᕐᓂᖃᓕᐅᒥᓪᓚᕆᓯᓚᐅᔪᕗᑦ ᖃᓂᒪᓇᕐᑐᖅ ᓯᓚᕐᔪ ᐊᒥ ᐃᑉᐸᑐ ᐊᓘᓕᕐᒪᑦ, ᖃᕆᑕᐅᔦᑦ ᓇᔪᕐᑕᑎᓐᓂ ᓱᒃᑫᑑᒐᓗ ᐊᕐᑎᓗᒋᑦ.
ᑳᓴᓐ ᑕᒍᓐᓈᖅ ᑐᑭᓯᓇᕐᑎᓯᓚᐅᔪᖅ ᖃᓄᖅ ᐊᑐᕐᑕᐅᓲᒍᒻᒪᖔᑕ. “ᑕᒪᒃᑯᐊ ᐊᒥᓱᐃᑦ ᐱᕕᑦᓴᐅᒍᓐᓇᑐᐃᑦ ᓇᓪᓕᑳᕐᕕᐅᒍᓐᓇᑐᓂᒃ ᓱᑲᑦᑑᓂᖏᑦ ᑕᑯᓐᓇᕋᑦᓴᓂᒃ ᖃᕆᑕᐅᔭᒧᕐᙯᒍᑎᓂᒃ.” ᑕᑯᓐᓇᖃᑦᑕᐅᑎᓗᓂ ᖃᕆᑕᐅᔭᒃᑯᑦ ᐅᖄᖃᑦᑕᕈᓐᓇᐅᑎᒃ Zoomᒍᓂᕋᕐᑕᐅᔪᖅ ᐅᑦᑑᑎᒋᓗᒍ, ᑌᒣᑦᑐᒥᒃ ᐊᑐᕐᕈᓐᓇᑐᐃᑦ ᓄᓇᕕᒻᒦᑐᑦ, ᑭᓯ ᐊᓂ ᑕᑉᐲᓕᑦᑕᑐᐃᓐᓇᒧᓲᑦ.
ᐃᓄᓕᒫᑦ ᓇᒧᑐᐃᓐᓈᖃᔦᕐᑎᑕᐅᕐᖃᒥᐅᑎᓪᓗᒋᑦ, ᑲᑎᒪᓂᐅᓚᖓᓚᐅᔪᑦ ᐱᒻᒪᕆᕋᑌᑦ ᓄᕐᖃᑎᑕᐅᒋ ᐊᖃᓚᐅᔪᑦ ᑭᖑᕙᕆ ᐊᕐᑎᑕᐅᑦᓱᑎᓪᓘᓃᑦ. ᐃᓚᒋᔭᐅᓚᐅᔪᑦ ᑌᒣᓕᔭᐅᔪᓄᑦ ᐅᑯ ᐊ; ᒪᑭᕝᕕᑯᑦ ᐊᕐᕌᒍᑕᒫᕐᓯᐅᑎᒋᑦᓱᓂᐅᒃ ᑲᑎᒪᓂᒻᒪᕆᖓ, ᐊᑑᑎᔭᐅᒍᒫᓐᓂ ᐊᓚᐅᔪᖅ ᓇᑦᓯᓕᐅᑦ (ᒫᑦᓯᐅᑉ) ᑕᕐᕿᖓᓂ 23ᓂᑦ 26ᒧᑦ ᐊᑑᑎᔭᐅᓚᖓᓚᐅᔪᖅ ᐊᑯᓕᕕᒻᒥ. ᑭᖑᓂᖓᒍᑦ ᒪᑭᕝᕕᐅᑉ ᑲᑎᒪᔨᖏᑦ ᑕᒃᑯᒨᑎᖕᖏᑲᓗ ᐊᕐᓱᑎᒃ ᑲᑎᒪᓂᖃᓚᐅᔪᑦ ᑐᕓᔮᕈᑦ (ᔪᓓ) ᑕᕐᕿᖓᑕ ᕿᑎᖓᓂ ᖃᕆᑕᐅᔭᒃᑯᑦ ᑕᑯᓐᓇᖃᑦᑕᕈᓐᓇᐅᑎᑎᒍᑦ Cisco Webexᑯᑦ ᑕᑯᓐᓇᑎᑦᓯᒍᓐᓇᐅᑎᖓᑎᒍᑦ, Zoom ᐊᑦᔨᑲᓵᑦᓯ ᐊᑐᐃᓐᓇᖓ ᑖᓐᓇ ᒪᑭᕝᕕᑯᑦ ᐊᑐᓚᐅᔪᔭᖓ. ᒪᑭᕝᕕᒃᑯᑦ ᐊᖓᔪᕐᖄᖓ, ᓵᓕ ᒍ ᐊᑦ, ᐳᕐᑐᓂᕐᓴᐅᖃᑎᒥᓂᒃ ᐃᓚᖃᕐᓱᓂ, ᑮᓇᐅᔭᓕᕆᔨᒻᒪᕆᒻᒥᒃ ᔮᔨ ᐴᑎᒥᒃ ᐊᒻᒪᓗ ᐋᑕᒥ ᑎᓕᓪ ᐊᓚᑯᒥᒃ ᒪᑭᕝᕕᐅᑉ ᐊᓪᓚᕕᖓᓃᓚᐅᔪᑦ ᑰᑦᔪ ᐊᒥ ᑲᑎᒪᓂᒻᒪᕆᖃᕐᑎᓗᒋᑦ ᒪᑭᕝᕕᐅᑉ ᑲᑎᒪᔨᖏᑦ. ᐊᓯᓕᒫᖏᑦ ᑲᑎᒪᓂᕐᒧᑦ ᐃᓚᐅᔪᐃᑦ ᐃᓚᒋᔭᐅᓚᐅᔪᑦ ᑲᕙᒫᐱᒃᑯᑦ ᐊᓪᓚᕕᖏᓐᓃᓱᑎᒃ ᓄᓇᓕᓕᒫᓂ. ᑐᓵᔨᖃᓚᐅᔪᒻᒥᔪᑦ ᐅᖄᒍᑎᒃᑰᑐᓂᒃ ᑐᓵᔨᖃᒋᐊᓕᓐᓂᒃ ᐅᖄᓚᐅᑎᒦᖃᑎᖃᕐᓱᑎᒃ ᐊᒻᒪᓗ ᐱᒍᓐᓇᕕᓖᑦ ᑕᑯᓐᓇᕈᓐᓇᓚᐅᔪᒻᒥᔪᑦ YouTubeᑯᑦ ᑕᑯᓐᓇᕈᓐᓇᑎᑦᓯᒍᓐᓇᐅᑎᖓᒍᑦ.
ᑕᑯᓐᓇᖑ ᐊᕐᖃᔭᑦᓴᓂᐅᔭᖕᖏᒧᑦ ᐃᓱᒪᓇᕐᓯᒪᖕᖏᑐᕐᓘᓃᑦ ᑕᒃᑯᒨᕋᑎᒃ ᑲᑎᒪᓂᖃᕈᒫᒋ ᐊᖓ ᐊᕐᕌᒍᑕᒫᕐᓯᐅᑎᐅᑦᓱᓂ ᑲᑎᒪᓂᒻᒪᕆᖃᕋᔭᕐᒪᖔᑦ, ᑎᒥᐅᔪᓕᒫᑦ ᑲᑎᒪᓂᖃᕐᑎᓗᒋᑦ, ᐅᕝᕙᓘᓐᓃᑦ ᐊᒥᓱᓄᑦ ᑲᑎᒍᑎᐅᖃᑦᑕᕆ ᐊᓖᑦ ᐱᓂ ᐊᕐᓂᓕᕆᓂᕐᒨᓕᖓᔪᐃᑦ, ᐃᓅᖃᑎᒌᓐᓂᒨᓕᖓᔪᐃᑦ, ᑮᓇᐅᔭᑎᒍᑦ ᒪᑭᑉᐸᓕᐊᒐᓱᕐᑎᓯᓅᓕᖓᔪᐃᑦ ᓄᓇᕕᒻᒥ. ᑕᒃᑯᒧᑦ ᐅᖓᑖᓄ ᐊᓗᒃ ᑲᑎᖃᑦᑕᕈᓐᓇᖏᓐᓈᖁᒍᑦ ᐱᓇᓱᐊ ᕈᓯᓕᒫᒥ ᑲᑎᒪᒐᓗᐊ ᕈᑦᑕ ᐱᓂᐊ ᕐᓂᓕᕆᐅᑎᒋᔭᑦᑎᓂᒃ. ᑲᑎᒪᓪᓚᕆᑦᓱᑕ ᑕᒃᑯᒧᑦ ᐁᕙᐅᑎᓇᓲᖅ, ᐃᔪᕿᑕᖃᑎᒌᓲᒍᑦᓱᑕᓗ, ᕿ ᐊᖃᑎᒌᖃᑦᑕᓱᑕᓗ, ᓂᕆᖃᑎᒌᖃᑦᑕᓱᑕᓗ ᓇᔫᑎᑦᓱᑕ, ᐊᒻᒪᓗ ᐃᓱᖃᖕᖏᑐᒧᑦ ᐅᓂᒃᑳᖃᑎᒌᒍᓐᓇᓱᑕ ᑲᑎᒪᓂᑦᑎᓂ, ᑌᒣᓐᓂᑯᖓᓄᑦ ᑕᒪᒃᑯ ᐊ ᖃᕆᑕᐅᔦᑦ ᓵᒻᒥᐅᑕᕆᕙᑦᑕᕗᑦ, ᖃᕆᑕᐅᔮᐱᐅᒐᓗ ᐊᕈᑎᒃ ᐅᖄᓚᐅᑎᐅᒐᓗ ᐊᕈᑎᓪᓘᓃᑦ ᐃᓅᖃᑎᒌᒍᓯᑦᑎᓂᒃ ᐃᓇᖐᒍᓐᓇᔭᖏᑦᑐᑦ.
ᑲᖏᕐᓱᒥ, ᓯᐱᓰᒃᑯᑦ ᓈᓚᐅᑎᒃᑯᑦ ᐅᖃᐅᓯᑦᓴᕆᔭᒥᓂᒃ ᐅᖄᔨᐅᓲᖅ ᔦᐱᑎ ᓄᖕᖓᖅ ᐅᓂᒃᑲᐅᓯᑦᓴᓕ ᐊᕕᓂᕐᒥᓂᒃ ᖃᓂᒪᓇᕐᑑᑉ COVID19 ᐱᑦᔪᑎᒋᑦᓱᒍ ᐅᓂᒃᑲᐅᓯᖃᖃᑦᑕᓚᐅᔪᒻᒥᔪᖅ. ᐅᖃᕐᑌᓕᑦᔭᒐᓂ ᐅᖃᑦᓯ ᐊᑐᐃᓐᓇᓚᐅᔪᒻᒥᔪᖅ “ᖃᕆᑕᐅᔭᑎᒍᑦ ᓂᐅᕕᕋᓱ ᐊᕆᐅᕐᓴᒋ ᐊᖃᓯᓂᕕᓂᕐᒥᓂᒃ” ᓂᐅᕕᕈᒥᓇᕐᑎᑕᐅᒐᒥ ᐱᒍᒥᓇᕐᑐᓂᒃ ᖃᕆᑕᐅᔭᑎᒍᑦ Facebookᑎᒍᑦ. ᐅᖃᓚᐅᔪᒻᒥᔪᖅ ᐃᓄᐃᑦ ᐃᓅᓯᖏᑦ ᐊᔪᒉᓪᓕᓂᕋᕐᓱᒋᑦ, ᐳᓚᕋᐅᑎᓲᒍᑦᓱᑎᒃ ᑌᒣᒍᓐᓀᓯᓚᐅᔪᓂᖏᓐᓂᒃ.
ᑭᓯ ᐊᓂ ᔦᐱᑎ ᐅᖃᐅᓯᑦᓴᕆᔭᒥᓂ ᐅᖄᑦᓱᓂ ᐅᖃᓱᖓᕈᑎᖃᓚᐅᔪᖅ ᐃᒣᓕᑦᓱᓂ; “ᓲᖑᓂᕆᔭᐅᓲᑦ ᓄᕐᖃᑎᑕᐅᓂᕋᕐᓱᒋᑦ” ᖃᓂᒪᓇᕐᑐᖅ ᐃᕐᐸᑐᐊᓘᒻᒪᑦ ᓯᓚᕐᔪ ᐊᓕᒫᒥ ᐃᑯᒪᐅᑎᑎᒍᑦ, ᐱᑐᑦᓯᒪᐅᑎᑎᒍᓪᓗ ᐅᖄᖃᑦᑕᕈᓐᓇᐅᑎᓪᓗ ᐊᒻᒪᓗ ᑕᑯᓐᓇᖃᑦᑕᕈᓐᓇᐅᑎᓪᓗ ᐅᖓᑖᓄ ᐊᓗᒃ ᓲᖑᓂᖃᕈᑕᐅᕙᑦᑐᒐᓗ ᐊᑦ ᓱᓇᐅᒍᓐᓀᓯ ᐊᓚᐅᔪᑦ ᐱᑐᑦᓯᒪᐅᑎᒋᕙᑦᑕᕗᑦ ᐃᓅᖃᑎᒌᓐᓂᑯᑦ ᐊᓯᑦᔨᑐ ᐊᓗᒻᒪᑕ.
ᔦᐱᑎ ᐅᖃᓚᐅᔪᖅ ᐃᒫᒃ; “ᖃᓂᒪᓇᕐᑐᖅ COVID19 ᐃᓄᓕᒫᑦᓯ ᐊᓂᒃ ᐊ ᓂᕐᑎᕆᔪᓕᒫᓂᒃ ᓄᕐᖃᑎᑦᓯᓚᕆᓚᐅᔪᕗᖅ, ᐊ ᒻᒪᓗ ᐃᓱᒪᑦᓴᓯᐅᕐᑎᓯᓚᕿᑦᓱᓂ ᐃᓄᓕᒫᓂᒃ ᖃᓄᖅ ᓄᓇᕐᔪ ᐊᒥᒃ ᑲᒪᒋᔭᖃᑦᓯ ᐊᒪᖔᑦᑕ, ᓄᓇᕐᔪ ᐊᑉ ᐱᐅᓯᕐᓱᕈᓯᒐᓴᖓᓂᒃ, ᐊᒻᒪᓗ ᐃᓅᖃᑎᒌᒍᓯᑦᑎᓂᒃ…” ᑕᒪᒃᑯ ᐊ ᓯᓚᑐᔪᕋᑕᐅᑦᓱᓂ ᐅᖃᐅᓯᕆᓚᐅᔪᔭᖏᑦ.
