ᐊᑐᐃᓐᓇᕈᕐᑕᐅᔪᑦ ᓵᑦᓯᒍᑎᑦᓴᑕᖃᕋᑎᒃ ᒪᑭᕝᕕᐅᑉ ᓄᓇᕕᒻᒥᐅᓂᒃ ᐱᖁᔭᑎᒎᕐᑐᑎᒍᑦ ᐱᑦᔪᔨᔨᖏᓐᓄᑦ (ᐁᕆᓕ 2019)
- ᒪᒃ ᓖᓐ ᐅᓪᓗᑯᑦ ᐃᓕᓐᓂᐊᕕᐅᕙᑦᑐᕕᓃᑦ ᐃᕐᖃᑐᐃᕕᑎᒍᑦ ᓵᑕᐅᑦᔪᑎᖏᑦ, ᐃᕐᖃᑐᐃᕕᓐᓅᑕᐅᓚᐅᔪᕗᑦ ᒫᓂᑑᐸᒥ 2009-ᖑᑎᓪᓗᒍ ᓄᑕᐅᓯᓕᔭᐅᒋᐊᓚᐅᔪᑦᓱᑎᓪᓘᑐᓂᒃ 2016-ᒥ, ᐱᑦᔪᑎᖃᕐᓱᑎᒃ ᑕᕐᕋᒥ ᖃᓄᐃᓕᖓᑎᑦᓯᓂᕕᓂᖏᓐᓄᑦ ᑲᕙᒪᑐᖃᒃᑯᑦ ᐅᓪᓗᑯᑦ ᐃᓕᓐᓂᐊᕕᖁᑎᖏᑦ ᐊᐅᓚᑕᐅᑦᓱᑎᒃ ᑲᒪᒋᔭᐅᑦᓱᑎᓪᓗ ᑲᕙᒪᑐᖃᒃᑯᓄᑦ, ᑖᒃᑯᐊᓕ ᑐᑭᖃᕐᑎᑕᐅᓂᖃᓂᐊᖏᓪᓚᑦ ᐃᓚᐅᑎᑦᓯᓂᖃᕐᑎᓗᒋᑦ ᐊᓪᓓᑦ ᐊᖏᕐᕋᖃᕐᑎᑕᐅᕕᒋᑦᓱᒋᑦ ᐃᓕᓐᓂᐊᑎᑕᐅᕕᒋᖃᑦᑕᓯᒪᔭᖏᓐᓂᒃ ᐊᒻᒪᓗ ᐃᓄᑐᐃᓐᓀᑦ ᐊᖏᕐᕋᖃᕐᑎᑕᐅᑦᓱᑎᒃ ᐃᓕᓐᓂᐊᑎᑕᐅᕕᒋᖃᑦᑕᓯᒪᔭᖏᓐᓂᒃ ᓲᕐᓗ ᓇᓗᓀᕐᑕᐅᒪᔪᑎᒍᑦ 2007-ᒥ ᐊᓪᓓ ᐊᖏᕐᕋᖃᕐᑎᑕᐅᕕᒋᑦᓱᒋᑦ ᐃᓕᓐᓂᐊᑎᑕᐅᕕᒋᓲᕕᓂᖏᓐᓅᓕᖓᑦᓱᑎᒃ ᐊᑭᓕᕐᑕᐅᒍᑎᑦᓴᑖᒥᓄᑦ ᐊᖏᖃᑎᒌᒍᑎᒋᓯᒪᔭᖏᑦ.
- ᐊᑭᓕᕐᑕᐅᒍᑎᑦᓴᓄᑦ ᐊᖏᖃᑎᒌᒍᑎᑦᓴᐅᓱᑎᒃ ᒪᓂᔭᐅᓚᐅᔪᔪᑦ ᐅᖃᐅᓯᕆᔭᐅᓚᐅᔪᕗᑦ ᒫᑦᔨ 14-ᖑᑎᓪᓗᒍ ᑲᓇᑕᐅᓪᓗ ᑲᕙᒪᖓᑕ ᐃᕐᖃᑐᐃᕕᖓᓄᑦ ᐊᖏᕐᑕᐅᔪᑦᓴᓕᐊᖑᑦᓱᑎᒃ ᐅᖃᖃᑎᒌᒍᑎᐅᓂᖃᓛᕐᐳᑦ ᐅᓪᓗᑖᕐᑕᐅᒪᕗᓪᓗ ᒣ 13-15 ᐊᑑᑎᔭᐅᓂᖃᓛᕐᓱᑎᒃ ᒍᐃᓂᐯᒃᒥ.
ᐊᖏᕐᑕᐅᑐᐊᕐᐸᑕ:
- ᑌᒃᑯᐊ ᓭᒻᒪᖃᑎᒌᒍᑎᑦᓴᐅᓱᑎᒃ ᐊᖏᖃᑎᒌᒍᑎᑦᓴᐅᑎᓪᓗᒋᑦ ᒪᓂᔭᐅᒪᔪᑦ ᐱᔪᓐᓇᕈᑎᐅᓛᕐᐳᑦ ᐊᑭᓕᕐᑕᐅᒍᑎᐅᓗᑎᒃ ᐃᓄᓐᓄᑦ ᐊᑭᓕᕐᑕᐅᔪᑦᓴᐅᓂᕋᕐᑕᐅᔪᓄᑦ ᐊᑕᐅᓯᕕᓪᓗᑎᒃ ᐊᑭᓕᕐᑕᐅᒍᑎᒋᒐᔭᕐᑕᖏᓐᓂ ᐅᖃᐅᓯᕐᓄᓗ, ᑎᒥᒃᑯᓗ ᐅᕝᕙᓘᓐᓃᑦ ᐃᑦᓯᒎᕐᓂᑯᑦ ᐃᓕᓐᓂᑏᑦ ᑲᕙᒪᑐᖃᒃᑯᑦ ᐃᓕᓐᓂᐊᕕᖏᓐᓃᓱᑎᒃ ᓱᒃᑯᔨᐊᖑᒍᑎᒋᓯᒪᔭᖏᓐᓄᑦ. ᐊᑦᔨᒌᒥᒃ ᐊᑑᑎᔭᖃᕐᓯᒪᓂᕐᒧᑦ ᐊᑭᓕᕐᑕᐅᒍᑏᑦ ᑌᒣᑦᑐᑦ ᓇᓗᓀᕐᑕᐅᓯᒪᒻᒪᑕ ᐋᕐᕿᖃᑎᒌᒍᑎᑦᓴᓂᒃ ᐊᖏᖃᑎᒌᒍᑎᓄᑦ.
- ᑮᓇᐅᔦᑦ ᐊᑭᓖᒍᑎᐅᓛᕐᐳᑦ ᑐᖕᖓᕕᐅᑎᓐᓇᒋᑦ ᐊᕐᕌᒍᐃᑦ ᐃᓕᓐᓂᐊᑎᐅᕕᕕᓃᑦ ᐅᕝᕙᓘᓐᓃᑦ ᓇᓪᓕᐊᓂ ᐃᓕᓐᓂᐊᕕᖃᕐᓂᕕᓃ, ᓵᖕᖓᔭᑐᐊᖑᓛᕐᒪᑕ ᖃᓄᑎᒋᒃ ᐊᖏᓂᓕᒻᒥ ᐱᔭᕋᓕᑎᑕᐅᓯᒪᓂᖅ, ᑐᖕᖓᕕᒋᓗᒋᑦ ᑕᓪᓕᒪᑦ (5) ᐳᕐᑐᓕᕇᒥᒃ ᑐᑭᑖᕐᑕᐅᒪᔪᑦ, ᐱᒋᐊᕐᕕᖃᕐᓗᑎᒃ $10,000-ᓂᒃ (ᑲᓇᑕᐅᑉ ᑮᓇᐅᔭᖁᑎᖏᑎᒍᑦ ᑭᓯᓯᒪᔪᑦ) ᐃᓕᖓᔪᑦ ᐋᓐᓂᑕᐅᖃᑦᑕᕈᑎᐅᓯᒪᔪᓄᑦ ᐱᑦᔪᑎᐅᑎᓪᓗᒍ ᐃᓕᓐᓂᐊᕕᒻᒧᑦ ᑭᖑᕃᓂᖅ, ᑎᑭᐅᑎᒍᓐᓇᓱᑎᒃ $200,000-ᓄᑦ (ᑲᓇᑕᐅᑉ ᑮᓇᐅᔭᖁᑎᖏᑎᒍᑦ ᑭᓯᓯᒪᔪᑦ) ᐱᒋᐊᓕᕐᕿᑖᔭᐅᑦᓱᑎᒃ ᐃᑦᓯᒎᕐᕕᐅᓂᒃᑯᑦ ᓱᒃᑯᔨᐊᖑᒍᑎᐅᓯᒪᔪᑦ ᐊᒻᒪᓗ/ᐅᕝᕙᓘᓐᓃᑦ ᑎᒥᒃᑯᑦ ᐋᓐᓂᑕᐅᖃᑦᑕᓯᒪᔪᑦ ᐊᑯᓂ ᐋᕐᕿᖃᔭᖕᖏᑐᒥᒃ ᐋᓐᓂᑕᐅᒍᑎᐅᓯᒪᑦᓱᑎᒃ.
- ᑮᓇᐅᔦᑦ ᐅᓄᕐᓂᓖᑦ $1.2 ᐱᓕᐋᓐᓂᒃ ᑐᓂᔭᐅᓛᕐᐳᑦ ᐊᑭᓕᕐᑐᐃᒍᑎᑦᓴᐅᓗᑎᒃ ᐅᓪᓗᑯᑦ ᐃᓕᓐᓂᐊᑎᐅᕙᑦᑐᕕᓂᕐᓂᒃ ᑲᓇᑕᐅᑉ ᑲᕙᒪᖓᑕ ᑐᓂᓛᕐᑕᖏᑦ, ᑖᒃᑯᐊᓗ ᓈᒻᒪᓚᖓᔫᔭᖕᖏᑐᐊᕐᐸᑕ ᐊᑭᓕᕐᑕᐅᔪᑦᓴᖑᕐᓯᒪᔪᓂᒃ ᐊᑭᓖᒍᑎᐅᓗᑎᒃ, ᑲᓇᑕᐅᑉ ᑮᓇᐅᔭᑎᒍᑦ ᐱᔭᑦᓴᑖᕆᓯᒪᔭᖏᑦ ᑎᑭᐅᑎᒍᓐᓇᓱᑎᒃ ᑮᓇᐅᔦᑦ ᐅᓄᕐᓂᖏᑦ $1.4 ᐱᓕᐋᓐᓄᑦ
- ᐅᐃᒍᖃᕐᒥᔪᑦ $200 ᒥᓕᐋᓐᓂ ᑐᓂᔭᐅᓛᕐᑐᓂᒃ ᐃᓕᖓᓚᖓᓗᑎᒃ ᖃᓄᐃᑕᐅᒪᓂᕐᓅᓕᖓᔪᓄᑦ ᑮᓇᐅᔭᖃᕐᑎᓯᒍᑎᑦᓴᓂᒃ ᑖᒃᑯᐊ ᓴᐳᑦᔨᓯᒪᒍᑎᐅᔪᑦ ᐃᕐᖃᐅᒪᑦᓯᓂᕐᓄᑦ ᐱᓇᓱᒍᑎᑦᓴᓂᒃ, ᐃᓗᓯᕐᒨᓕᖓᔪᓂᒃ ᖃᓄᐃᖕᖏᓯᐊᕐᑐᓴᐅᓂᕐᒥᓗ ᐱᓇᓱᑦᑕᐅᔪᓄᑦ, ᐊᒻᒪᓗ ᐅᖃᐅᓯᓕᕆᓂᕐᓄᓗ ᐃᓗᕐᖁᓯᕐᒨᓕᖓᔪᓂᓪᓗ ᓱᒐᓱᐊᕈᑎᖃᕐᓂᓄᑦ.
- ᓄᓇᕕᒻᒥ ᐃᓕᓐᓂᐊᕖᑦ ᖁᓕᓪᓗ ᐊᑕᐅᓯᕐᓗᐃᑦ (11) ᐊᓪᓚᑕᐅᒪᕗᑦ ᐱᔭᖃᕈᓐᓇᓂᕋᕐᑕᐅᓱᑎᒃ ᑲᕙᒪᑐᖃᒃᑯᑦ ᐅᓪᓗᑯᑦ ᐃᓕᓐᓂᐊᑎᑦᓯᕕᕕᓂᖏᓐᓂ ᒪᓂᔭᐅᒪᑦᓱᑎᒃ ᐊᑭᓕᕐᑕᐅᒍᑎᑦᓴᓂᒃ ᐊᖏᖃᑎᒌᒍᑎᑖᕐᑐᓴᐅᑎᓪᓗᒋᑦ; ᑖᒃᑯᐊ ᐊᓪᓚᓯᒪᔪᖕᖑᑕᐅᒪᔪᑦ ᐃᓱᓕᕕᐅᑎᓪᓗᒋᑦ ᑐᑭᑖᕈᑎᐅᒪᖕᖏᓚᑦ, ᐃᓕᓐᓂᐊᕕᑦᑕᖃᒻᒦᑦ ᐃᓚᐅᑎᑕᐅᓂᖏᑦ ᑭᖕᖒᒪᓇᕐᐸᑕ ᐊᖏᕐᑕᐅᓂᐅᑉ ᐅᓪᓗᖓᑕ ᓯᕗᓂᖓᓂ ᐃᓕᔭᐅᖃᑕᐅᒍᓐᓇᒪᑕ.
- ᐃᕐᖃᑐᐃᕕᒻᒨᕆᓂᕐᓄᑦ ᐃᑲᔪᕐᑏᑦ ᐱᖁᔭᓕᕆᔨᐅᑦᓱᑎᒃ Gowling WLG (Canada) LLP-ᑯᑦ ᑮᓇᐅᔭᓕᔭᐅᓛᕐᐳᑦ $55 ᒥᓕᐋᓐᓂᒃ ᐅᐃᒍᖃᕐᑎᓗᒋᑦ ᑖᒃᓯᖏᓐᓂᒃ ᐱᖁᔭᓕᕆᓂᕐᓅᓕᖓᔪᑦ ᑮᓇᐅᔭᕐᑐᕈᑎᐅᓂᖏᑕ ᐊᒻᒪᓗ ᐊᑭᓕᕐᑐᐃᒍᑎᐅᓂᖏᑕ, ᑖᒃᑯᐊᓕ ᐊᑭᓕᕐᑕᐅᓛᕐᑐᑦ ᑲᕙᒪᑐᖃᒃᑯᓄᑦ ᐊᑭᓕᕐᑕᐅᒥᑎᓪᓗᒋᑦ ᐅᓄᕐᓃᑦ ᓴᓂᕐᕙᑕᐅᒪᔪᑦ ᐱᑎᑕᐅᒍᓐᓇᑐᑦᓴᐅᓱᑎᒃ ᑮᓇᐅᔭᖁᑎᑦᓴᖏᑦ ᐃᓕᖓᔪᑦ ᓱᔪᖃᕐᓯᒪᓂᕐᓄᑦ ᑮᓇᐅᔭᖃᕐᑎᓯᒍᑎᓄᑦ ᐋᕐᕿᑕᐅᒪᓚᖓᑦᓱᑎᒃ ᑮᓇᐅᔭᕐᑖᕋᓱᑦᑐᑦ ᐃᕐᖃᑐᐃᕕᒻᒥ ᐃᑲᔪᕐᑎᖏᓐᓄᑦ ᑮᓇᐅᔭᖃᕐᑎᑕᐅᒋᐊᓪᓚᓛᕐᒥᓱᑎᒃ $7 ᒥᓕᐋᓐᓂᒃ ᐊᑭᓖᒍᑎᑦᓴᐅᓱᑎᒃ ᑮᓇᐅᔭᖃᕐᑎᓯᒍᑎᑎᒍᑦ.
- ᐊᖏᖃᑎᒌᒍᑏᑦ ᑲᔪᓯᑎᑕᐅᓂᖃᓛᕐᐳᑦ ᐊᕐᕌᒍᓂ ᓯᑕᒪᓂ (4), ᑮᓇᐅᔭᕐᑖᕋᓱᒍᒪᔪᑦ ᐱᕕᑦᓴᖃᓛᕐᑎᓗᒋᑦ ᐊᕐᕌᒍᓕᒫᒥ (1) ᐊᑐᕆᐊᓯᓗᑎᒃ ᐅᓪᓗᖓᓂ ᑲᔪᓯᑎᑕᐅᕕᖓᑕ ᑕᒃᑲᓂ ᐊᕐᕌᒍᕐᒥ ᑮᓇᐅᔭᕐᑖᕋᓱᒍᑎᑦᓴᓂᒃ ᐊᓪᓚᓯᒪᔪᓕᐅᕈᓐᓇᓂᖃᕐᓗᑎᒃ ᓴᐳᑦᔭᐅᒪᒍᑎᑖᕐᓗᒋᑦ ᑐᖕᖓᕕᒋᓗᒋᑦ ᐃᕐᖃᑐᐃᕕᒻᒨᕆᓯᒪᔪᑦ ᐃᑲᔪᕐᑏᑦ ᐱᖁᔭᓕᕆᕕᖓᓐᓂᑦ.
ᐊᖏᕐᑕᐅᓂᖏᑕ ᓯᕗᓂᖓᓂ:
- ᖃᓄᐃᓘᕋᓱᒍᑎᖃᕆᐊᑐᖕᖏᓚᑎᑦ ᐊᖏᑐᐊᕈᕕᑦ ᒪᓂᔭᐅᔪᓂᒃ ᐊᑭᓕᕐᑕᐅᒍᑎᑦᓴᐅᓱᑎᒃ ᐊᖏᖃᑎᒌᒍᑎᓂᒃ ᑌᒣᒐᓗᐊᕐᓗᑎᑦ ᐊᐅᓪᓚᑎᑦᓯᒍᒪᑐᐃᓐᓇᕆᐊᖃᕆᕗᑎᑦ ᐊᓪᓚᓯᒪᔪᓂᒃ ᓴᐳᑦᔨᓯᒪᒍᑎᑎᓐᓂᒃ ᐃᕐᖃᑐᐃᕕᓕᐊᕐᑎᓯᔪᓂᒃ ᑕᒪᓐᓇᓗ ᐱᓂᐊᕐᓂᕆᒍᓐᓇᓱᒍ ᒣ 3. 2019 ᐅᓪᓗᖓ ᓇᓪᓕᐅᑎᓚᐅᕐᑎᓇᒍ.
- ᐱᔪᓐᓇᐅᑎᖃᕐᐳᑎᑦ ᐊᖏᖃᑎᐅᖕᖏᑐᐊᕈᕕᑦ ᒪᓂᔭᐅᔪᓄᑦ ᐊᑭᓕᕐᑕᐅᒍᑎᑦᓴᐅᓱᑎᒃ ᐊᖏᖃᑎᒌᒍᑎᑦᓴᐅᑎᓪᓗᒋᑦ ᑕᒪᓐᓇᓗ ᑐᓴᕐᑕᐅᑎᒍᓐᓇᐯᑦ ᐃᕐᖃᑐᐃᕕᒃᑰᑎᑦᓯᓂᕐᒥᒃ ᐃᑲᔪᕐᑎᓄᑦ ᐊᓪᓚᓯᒪᔪᖕᖑᐃᒍᑎᒋᓗᒋᑦ ᐊᑐᕐᓗᑎᑦ ᐊᖏᖃᑕᐅᖕᖏᑐᑦ ᐊᓪᓚᓯᒪᔪᖕᖑᐃᕕᑦᓴᔭᖓᑦ ᑕᒪᓐᓇᓗ ᐱᓂᐊᕐᓂᕆᒍᓐᓇᒥᔦᑦ ᒣ 3, 2019 ᐅᓪᓗᖓᑕ ᓯᕗᓂᖓᓂ.
- ᐊᑕᓐᓂᐅᕈᑎᖃᕈᓐᓇᐳᑎᑦ ᐊᕗᖓᐅᓕᓂᕐᓴᓂᒃ ᑐᑭᓯᑎᑕᐅᑦᔪᑎᖃᕈᒪᑐᐊᕈᕕᑦ ᐃᕐᖃᑐᐃᕕᑎᒍᑦ ᓵᑦᓯᒍᑎᓂᒃ ᐃᑲᔪᕐᓯᒪᒍᑎᖃᕈᓐᓇᑐᓂᑦ ᐅᕙᓂ ᐊᓪᓚᕕᒋᓗᒋ5at indiandayschools.com ᐅᕝᕙᓗᓘᓐᓃᑦ ᐅᖄᓚᕕᒋᓗᒋᑦ ᐅᕗᖓ 1 (844) 539-3815.
- ᐃᓕᓐᓂᐊᕕᒻᒥᒃ ᐃᓚᐅᖁᔭᕐᓂᒃ ᐅᓪᓗᑯᑦ ᐃᓕᓐᓂᐊᑎᑦᓯᕕᕕᓂᕐᒥᒃ ᓄᓇᕕᒻᒥ ᐊᓪᓚᑕᐅᓯᒪᖃᑕᖕᖏᑐᒥᒃ ᐊᓪᓚᑕᐅᖁᔨᒍᓐᓇᐳᑎᑦ ᐊᑭᓕᕐᑕᐅᒍᑎᑦᓭ ᐊᖏᖃᑎᒌᒍᑎᑦᓴᖏᓐᓂ ᐅᖄᒍᑎᒋᓗᒍ ᐃᕐᖃᑐᐃᕕᓕᐊᕐᑎᓯᓂᕐᓄᑦ ᐃᑲᔪᕐᑎᓂᒃ ᖃᕆᑕᐅᔭᒃᑯᑦ ᐊᓪᓚᕕᒋᓗᒋᑦ ᐅᕗᖓ ᑐᕌᕐᑐᓂᒃ (lessard@gowlingwlg.com) ᐅᕝᕙᓘᓐᓃᑦ ᐅᕗᖓ ᐅᖄᓚᓗᑎᑦ 1 (844) 539-3815.
ᐊᖏᕐᑕᐅᔪᐃᓐᓇᐅᓯᒪᓕᕐᐸᑕ ᐊᒻᒪᓗ ᐱᒋᐊᑦᓯᐊᑐᕐᑕᖃᕐᓂᐸᑦ, ᑐᑭᑖᖑᓗᑎᒃ:
- ᖃᓄᐃᓕᖓᒍᑎᐅᔪᑦ ᐊᓪᓚᑕᐅᓯᒪᒍᑎᖏᑦ ᐃᓕᖓᔪᑦ ᐊᓪᓚᓯᒪᔪᖕᖑᐃᒍᑎᐅᒋᐊᖃᕐᓱᑎᒃ ᐊᑭᓕᕐᑕᐅᒍᑎᑦᓴᓂᒃ ᐊᑕᖏᕐᓗᑎᒃ ᖃᐅᔨᔭᐅᑦᓯᐊᓕᑌᓐᓇᓛᕐᐳᑦ, ᐃᓄᓕᒫᓄᓪᓗ ᑐᓴᕐᑕᐅᑎᑕᐅᓗᑎᒃ ᖃᒻᒥᑯᑦ ᓯᕗᓂᑦᓴᑎᓐᓂ.
- ᐊᓪᓚᓯᒪᔪᖕᖑᐃᒍᑎᑦᓴᔦᑦ ᑮᓇᐅᔭᕐᑖᕋᓱᒍᑎᐅᑦᓱᑎᒃ ᑲᔪᓯᓛᕐᐳᑦ ᐃᒣᑉᐸᑕ ᑭᓯᐊᓂ.
- ᐃᕐᖃᑐᐃᕕᐅᑉ ᐃᒣᓕᖓᓚᖓᓕᕐᖁᓰᕈᑎᖏᑦ ᑐᑭᑖᖑᓛᕐᑐᑦ ᒣ 13 – 15 ᐅᓪᓗᖏᓐᓂ ᐃᓘᓐᓇᖏᓐᓂᒃ ᐃᕐᖃᑐᐃᕕᑎᒍᑦ ᓵᑦᓯᒍᑎᓕᓐᓂ ᐃᓚᐅᖕᖏᑑᒍᒪᓯᒪᖕᖏᑐᓂᒃ ᐱᓂᐊᕐᓂᐅᓕᕐᑐᓄᑦ ᓲᕐᓗ ᐃᓂᕐᓯᒍᑎᐅᓛᕐᐳᑦ. ᐃᓚᐅᒍᒪᖕᖏᓇᒫᕈᑎᑎᒍᑦ ᑭᓯᐊᓂ ᐃᓄᒃ ᐃᓕᒃᑰᓗᓂ ᑲᓇᑕᐅᑉ ᑲᕙᒪᖓᓂᒃ ᓵᑦᓯᒍᓐᓇᐳᖅ ᐱᓗᑲᑦᑕᐅᒍᑎᕕᓂᕐᒥᓄᑦ ᐃᓕᓐᓂᐊᑎᐅᑦᓱᓂ ᐅᓪᓗᑯᑦ ᐃᓕᓐᓂᐊᑎᑦᓯᕕᓐᓂ. ᐃᓚᐅᖕᖏᑐᒍᓐᓇᓂᖅ ᐊᑭᓕᕐᑕᐅᒍᑎᐅᓛᕐᓗᑎᒃ ᐊᖏᖃᑎᒌᒍᑎᑖᖑᔪᓄᑦ ᐊᑑᑎᔭᐅᒍᓐᓇᓛᕐᖁᖅ ᒣ 2019 ᑭᖑᓂᖓᓂ ᐊᖏᕐᑕᐅᑎᓪᓗ ᑲᕙᒪᑐᖃᒃᑯᑦ ᐃᕐᖃᑐᐃᕕᖁᑎᖓᓐᓄᑦ.
ᐊᑭᓕᕐᑐᐃᓂᖅ ᐊᓂᒍᕐᓯᒪᓕᕐᑎᓗᒍ ᐊᒥᐊᒃᑯᕕᓂᕐᓅᓕᖓᔪᓂᒃ ᑐᑭᓯᓂᐊᕈᑎᖃᕈᓐᓇᐳᓯ ᒣᓕᐊᓐ ᓚᕆᕕᐋᕐᒥᑦ ᐅᕗᖓ ᐊᓪᓚᕕᒋᓗᒍ
ᒪᑭᕝᕕᑉ ᐱᖁᔭᓕᕆᓂᕐᓄᑦ ᐱᑦᔪᔨᕕᖓᓂ mlariviere@makivik.org, ᐅᕝᕙᓘᓐᓃᑦ ᐅᖄᓚᕕᒋᓗᒍ ᐅᕙᓂ 418-522-2224 ᑭᓯᑦᔪᑎᐊᐱᖓ 4
Federal Day Schools List
PROVINCE SCHOOL NAME NAME VARIANTS OPENING DATE CLOSING OR
TRANSFER DATELOCATION RELIGIOUS
AFFILIATION
Arctic Quebec Fort Chimo Fort Chimo Anglican Mission
schoolOctober/November
19491978/80* Fort Chimo, Qc Anglican Church
Arctic Quebec George River George River Seasonal School
Government School George River
Port-Nouveau-QuébecJuly 10, 1959 June 30, 1978* At. George River, Qc Anglican Church
Arctic Quebec Great Whale River
SchoolPoste de la Baleine
Great Whale federal Day SchoolMarch 12, 1958 September 1, 1978 Eastern Coast of Hudson
Bay in QuebecAnglican Church
Arctic Quebec Inuyivik (sic) Ivayuvik
Ivuyivik
Notre-Dame d’Ivugivik Aschool
IvujivikSeptember 22, 1960 1982/83* At Inujivik, Qc (sic)
Arctic Quebec Koartac School Koartak
Notre-Dame de Koartac SchoolOctober 11, 1960 1976* Koartak, Qc
Arctic Quebec Maricourt school Wakehan (sic) 1964* 1972* South shore of Hudson
Strait, Qc
Arctic Quebec Payne Bay Bellin School September * 1960 September 1, 1978 Payne Bay, Qc Protestant
Arctic Quebec Port Harrison Inocedjouac School
InoudjouacJanuary 1950* June 1973* Port Harrison, Qc
Arctic Quebec Povungnituk Povungnetuk 1958 September 1, 1972 Povungnetuk, Qc Anglican Church
Arctic Quebec Sugluk Saglouc October 1957* July 1, 1978 Sugluk, 66 15N 73 30W, on
Hudson Strait, QcRoman Catholic
Arctic Quebec Wakeham Bay Wakeham Bay Government School September 26, 1960 June 30, 1978* Wakeham Bay Anglican
Church