ᑰᑦᔪᐊᖅ, ᑯᐯᒃ, ᓯᑦᑎᒻᐱᕆ 4, 2019 – ᐅᕐᓱᐊᓘᑉ ᐊᑭᖓᓂᒃ ᓄᓇᕕᒻᒥ ᐅᕐᓱᐊᓗᓕᕆᔨᓄᑦ ᐋᕐᕿᑕᐅᒪᓲᑦ ᐊᑭᑭᓪᓕᒋᐊᕐᓂᖁᖅ 2 centsᓄᑦ litre-ᑕᒫᑦ ᓯᑦᑎᒻᐱᕆ 1ᒥ. ᐊᑭᕕᓂᖓ $2.03 ᐊᑭᒋᓯᑦᓱᓂᐅᒃ $2.01 litre- ᑕᒫᑦ ᓄᓇᕕᒻᒥ ᓄᓇᓕᓕᒫᖏᓐᓂ. ᐃᑲᔪᕐᓯᒍᑎᖏᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᒪᑭᕝᕕᒃ ᑯᐊᐳᕆᓴᓐᑯᓗ, ᐅᕐᓱᐊᓗᓐᓂᑦ ᐃᑲᔪᕐᓯᒍᑎᖏᑎᒍᑦ, ᐅᓄᕐᓯᐅᒥᓐᓂᖁᑦ 50 ¢-ᓄᑦ litre-ᑕᒫᑦ, ᐊᑭᑭᓪᓕᒋᐊᕐᑎᓯᑦᓱᓂ $1.51ᓄᑦ litre-ᑕᒫᑦ ᐃᓚᐅᔪᓄᑦ ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓᓄᑦ.
ᐊᑭᑐᔪᓂᕆᓲᖓ ᐅᕐᓱᐊᓗᒃ ᓄᓇᕕᒻᒥ ᐱᑦᔪᑎᓕᒃ, ᐃᓚᖓᑦ, ᐊᑭᒋᒋᐊᓪᓚᒋᓲᖏᑦ ᐅᓯᔭᐅᒍᑎᖏᓐᓄᑦ ᐅᕐᓱᐊᓘᑉ ᖃᓪᓗᓈᑦ ᓄᓇᖓᓂᑦ ᓄᓇᕕᒻᒥ ᓄᓇᓕᖏᓐᓄᑦ ᐊᒻᒪᓗ, ᐃᓚᖓᑦ, ᐊᑭᒋᒋᐊᓪᓚᓲᖏᑦ ᐃᓂᖏᑦᑕ ᐊᑭᒋᐊᓪᓚᖏᑦ ᐊᒻᒪᓗ ᑮᓇᐅᔭᕐᑑᑎᖏᑦ ᐊᕐᕌᒍᓕᒫᒥ ᐅᕐᓱᐊᓗᖃᕆᐊᖃᕐᓂᓄᑦ. ᑲᕙᒪᑐᖃᒃᑯᑦ ᑯᐯᒃᓗ ᑖᒃᓯᖏᓐᓂᑦ ᐊᑭᓖᓱᖑᕗᑦ ᐊᐅᓪᓚᑎᑕᐅᒋᕐᑐᕕᓂᐅᓕᕐᑎᓗᒋᑦ ᑮᓇᐅᔭᖃᕐᑎᓯᒍᑎᐅᓗ ᐊᑭᖏᑦ ᐃᓚᒋᐊᕐᑕᐅᓱᑎᑦ ᐊᑭᖏᓐᓄᑦ ᐊᑭᓕᕐᑕᕕᓂᕐᓄᑦ ᐅᕐᓱᐊᓗᓕᕆᔨᓄᑦ ᓄᓇᓕᓐᓂ ᐅᕐᓱᐊᓗᖃᕐᑎᓯᔨᓄᑦ.
ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ ᐃᓚᒋᔭᐅᕗᖅ ᓄᓇᓕᓕᒫᓂ ᐃᑲᔪᕐᓯᒍᑎᓂᑦ ᐃᓅᒐᓱᐊᕐᓂᒧᓕᖓᔪᓂᑦ ᖃᓄᐃᓗᕈᑎᐅᔪᓂᑦ ᑲᔪᓯᓕᕐᑎᑕᕕᓂᕐᓂᑦ 2007ᒥᓂᑦ. ᖃᓄᐃᓗᕈᑎᓕᐊᕆᔭᐅᓐᓂᒥᔪᑦ ᐅᑯᐊ ᓂᕿᓂᑦ ᑭᖕᖑᒪᓇᓪᓚᕆᑦᑐᓂᓗ ᐃᑲᔪᕐᓯᒍᑎᖏᑦ, ᖃᖓᑦᑕᔪᒃᑯᕈᑎᓂᑦ ᐊᑭᑭᓪᓕᒋᐊᕆᒍᑏᑦ, ᐱᖁᑎᒻᒪᕆᓂᑦ ᐆᒪᔪᕐᓂᐊᕈᑎᓂᓗ ᐃᑲᔪᕐᓯᒍᑏᑦ, ᓂᕿᑐᐃᓐᓇᖃᕐᑎᓯᒍᑏᑦ ᓄᓇᓕᓐᓂ, ᐊᒻᒪᓗ ᐃᓄᑐᖃᕐᓂᑦ ᐃᑲᔪᕐᓯᒍᑏᑦ. ᑐᖕᖓᕕᐅᔪᑦ ᑲᔪᓯᓕᕐᑎᑕᐅᒍᓐᓇᓂᖏᓐᓂ ᐃᑲᔪᕐᓯᒍᑎᓕᐊᕕᓂᕐᓂᑦ ᐊᓯᑦᔨᒋᐊᕐᑕᐅᒍᓐᓇᖁᑦ ᓄᕐᖃᑎᑕᐅᓗᑎᓗᓐᓃᑦ ᖃᖓᑐᐃᓐᓇᓕᒫᖅ. ᐊᕐᕌᒍᓂ ᐊᓂᒍᕐᓯᒪᔪᓂ, ᖃᓄᐃᓗᕈᑎᑦᓴᓕᐊᕕᓃᑦ ᐊᑐᕐᑕᐅᓕᐅᒥᓯᒪᕗᑦ ᓄᓇᕕᒻᒥᐅᓄᑦ.
ᑐᑭᓯᒋᐊᕈᒪᒍᕕᑦ ᐅᕐᓱᐊᓗᓐᓂᑦ ᐃᑲᔪᕐᓯᒍᑎᓄᓕᖓᔪᓂᑦ ᐊᓯᖏᓐᓄᓗᓐᓃᑦ ᐃᓅᒐᓱᐊᕐᓂᒧᑦ ᐃᑲᔪᕐᓯᒍᑎᓕᐊᕕᓂᕐᓂᑦ, ᑕᑯᓂᐊᕆᑦ ᐅᕗᖓ
https://www.krg.ca/en-CA/programs/nunavik-col
-30-
ᖃᐅᔨᒋᐊᕐᕕᓴᖅ:
ᒍᐃᓕᐊᒻ ᑕᒍᓐᓇᒃ
ᑲᒪᔨᒻᒪᕆᒃ ᑐᓴᕋᑦᓴᓕᕆᓂᕐᒥ
ᒪᑭᕝᕕᒃ ᑯᐊᐳᕆᓴᓐ
ᐅᖄᓚᐅᑎᖓ 819-964-2925
wtagoona@makivik.org
www.makivik.org
ᕆᐊᔾ ᓯᑭᖕ
ᑲᒪᔨᒻᒪᕆᒃ ᑐᓴᕋᑦᓴᓕᕆᕕᒻᒥ
ᑲᑎᕕᒃ ᓄᓇᓕᓕᒫᑦ ᑲᕙᒪᖓ
ᐅᖄᓚᐅᑎᖓ 819-964-2961, ᓃᓂᕐᓗᒍ 2358
media@krg.ca
www.krg.ca
ᒪᑭᕝᕕᒃ ᑯᐊᐳᕆᓴᓐᖕᖑᕐᓂᖁᖅ ᐊᐅᓚᑦᓯᓂᐊᕐᓱᓂ ᑮᓇᐅᔭᖏᓐᓂᑦ ᐃᓄᐃᑦ ᓄᓇᕕᒻᒥᐅᑦ ᓄᐃᑕᕕᓂᕐᓂᑦ ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓᑎᒍᑦ. ᒪᑭᕝᕕᒃ ᑲᒪᒋᔭᑦᓴᖏᓐᓂᑦ ᐃᓚᐅᔪᖅ ᐊᐅᓚᑦᓯᓂᖅ ᕿᑐᕐᖏᐅᑎᑦᓯᓂᕐᓗ ᑖᒃᑯᓂᖓ ᑮᓇᐅᔭᕐᑖᕆᔭᕕᓂᕐᓂᑦ ᑮᓇᐅᔭᑎᒍᓗ ᐱᕙᓪᓕᐊᑎᑦᓯᒐᓱᓐᓂᓂᑦ ᐃᑲᔪᕐᓯᓂᒃᑯᑦ ᐃᓄᓐᓄᑦ ᐊᐅᓚᑕᐅᔪᓂᑦ ᒪᑭᑕᒐᓱᐊᒍᑎᓂᑦ ᓄᓇᕕᒻᒥ. ᒪᑭᕝᕕᒃ ᓄᐃᑕᑎᑦᓯᕗᖅ ᐊᓯᐅᑎᑦᓯᑌᓕᒃᓱᓂᓗ ᐃᓄᐃᑦ ᐃᓗᕐᕈᓯᖓᓂᒃ ᐅᖃᐅᓯᖓᓂᓗ ᐃᓗᓯᖏᓐᓂᓗ, ᖃᓄᐃᖕᖏᓯᐊᕆᐊᖃᕐᓂᖏᓐᓂᓗ, ᐊᔪᕐᓴᕈᓐᓀᑎᑦᓯᓂᒃᑯ, ᐃᓕᓐᓂᐊᓂᖏᓐᓂᑦ ᐃᓄᐃᑦ ᓄᓇᓕᒻᒥᓂᑦ.
ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓇᐅᓕᒫᓂᒃ ᐱᒍᑦᔨᕕᐅᑦᓱᓂ ᑎᒥᐅᔪᖅ ᑎᒥᖕᖑᑎᑕᕕᓂᖅ 1978ᒥ, ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓᑎᒍᑦ. ᑎᒥᒃ ᑲᒪᒋᔭᑦᓴᔭᓕᒃ ᑯᐯᒃ ᓄᓇᖁᑎᓕᒫᑲᓴᖓᓂᑦ 55 ᐃᑰᑕᖓᑕ ᑕᕐᕋᖓᓂ ᓄᓇᓕᐊᕈᕐᓂᓕᖓᔪᓂᑦ, ᐊᐅᓚᐅᑎᓄᓕᖓᔪᓂᑦ, ᐊᕙᑎᓕᕆᓂᕐᒥᒃ, ᐱᖁᔭᓕᐅᕐᓂᒥᒃ, ᐱᓇᓱᒐᓕᕆᓂᕐᒥᒃ, ᐱᓇᓱᑦᑎᓂᑦ ᐃᓕᓐᓂᐊᑎᑦᓯᓂᕐᒥᒃ, ᐃᑲᔪᕐᓯᒍᑎᓂᑦ ᑮᓇᐅᔭᑎᒍᑦ, ᐱᐊᕋᓕᕆᓂᕐᒧᑦ ᐱᒍᑦᔨᒍᑎᓂᑦ, ᑖᕗᖓᐅᓕᒍᓐᓇᑐᓂᑦ ᐱᑦᓴᖑᕈᓐᓇᑐᓂᑦ, ᓄᓇᐅᑉ ᐊᑐᕐᑕᐅᓂᖏᓐᓂᑦ ᐸᕐᓀᓂᕐᒥᒃ, ᓇᐅᓕᒫᑦ ᐊᑦᑕᓀᑦᑐᒥᒋᐊᖃᖕᖏᓂᖏᓐᓂᑦ ᐊᒻᒪᓗ ᑮᓇᐅᔭᑎᒍᑦ ᒪᑭᑕᒐᓱᐊᕐᓂᓄᓕᖓᔪᓂᑦ.