ᖃᐅᔨᒪᔭᐅᒋᐊᓕᒃ
ᒫᑦᔨ/ᒫᑦᓯ 25, 2020
ᐃᑲᔪᕐᓯᒪᒐᓱᐊᒧᑦ ᐃᕐᐸᑎᑕᐅᑦᑌᓕᑎᓪᓗᒍ ᓄᕙᓐᓇᕐᔪᐊᖅ-19, ᑯᐯᒃᒥᐅᑦ ᐃᕐᖃᑐᐃᕕᖓᑦ ᒫᓐᓇᐅᓂᖓᓂ ᑕᒐᑕᒐᐅᓂᖓᓂ ᕿᑲᕐᑎᓯᑫᓐᓇᓚᖓᕗᖅ ᓄᓇᕕᓕᐊᑲᑕᓐᓂᕆᕙᑦᑕᒥᓐᓂᒃ ᐱᒋᐊᕐᓗᑎᒃ ᒫᑦᔨ/ᒫᑦᓯ 16-ᒥᑦ ᑎᑭᓪᓗᒍ ᒣ 4, 2020 ᑕᒐᑕᒐᓗ ᐅᐃᒪᓇᕐᑐᓂᒃ ᑭᓯᐊᓂ ᐱᓱᐊᖃᑦᑕᐳᖅ. ᐅᐃᒪᓇᕐᑐᑦ ᐃᕐᖃᑑᑕᐅᒋᐊᓖᑦ ᐊᑑᑎᔭᐅᖃᑦᑕᓚᖓᔪᑦ ᐁᒪᔅᒥᑦ ᐊᕐᖁᑎᖃᕐᓗᑎᒃ ᐅᖄᓚᐅᑎᓂᓪᓗ ᐊᒻᒪᓗ ᑕᑯᓐᓇᖃᑎᒌᒍᑎᓂᒃ.
ᐅᑯᐊ ᑭᖑᓪᓕᐅᓱᑎᒃ ᐊᓪᓚᑕᐅᓯᒪᔪᑦ ᑕᑯᒋᐊᕈᓐᓇᑕᑎᑦ ᐊᐱᕆᒍᑎᑦᓴᖃᑐᐊᕈᕕᑦ ᐃᓕᖓᔪᓂᒃ ᐃᕐᖃᑐᐃᕕᐅᑉ ᕿᑲᑫᓐᓇᑎᑕᐅᓂᖓᓄᑦ:
- ᐊᓪᓚᓯᒪᔪᕐᑕᑎᑕᐅᓐᓂᕈᕕᑦ ᐅᕝᕙᓗᓐᓃᑦ ᐃᕐᖃᑐᐃᕕᓕᐊᖁᔭᐅᓯᒪᒍᕕᑦ ᒣ 4 ᓯᕗᓂᖓᓂ, ᐅᖄᓚᒋᐊᖃᕐᐳᑎᑦ ᐱᖁᔭᓕᕆᔨᖁᑎᓐᓄᑦ ᖃᓄᑐᐃᓐᓇᖅ ᐊᐱᕆᒍᑎᑦᓴᖃᕐᕕᒋᑐᐊᕈᕕᐅᒃ.
- ᐱᖁᔭᓕᕆᔨᖁᑎᖃᖕᖏᑯᕕᑦ ᐱᖁᔭᓕᕆᔨᖃᕈᒪᑦᓱᑎᒃ, ᐅᖃᓕᒪᒋᐊᖃᕐᖁᑎᑦ ᒪᑭᕝᕕᐅᑉ ᐃᕐᖃᑐᐃᕕᒻᒥ ᐱᓇᓱᑦᑎᖏᑕ ᐱᑦᔪᔨᕕᖓᓄᑦ ᑰᒃᔪᐊᒦᑦᑐᒧᑦ (819-964-2881) ᐅᕝᕙᓘᓐᓃᑦ ᑰᒃᔪᐊᕌᐱᖕᒧᑦ (819-929-3336) ᓂᐱᓕᐅᕐᓗᑎᓪᓗ ᐅᖃᐅᓯᕆᒋᐊᓕᑎᓐᓂᒃ. ᐃᕐᖃᑐᐃᕕᒻᒥ ᐱᓇᓱᑦᑎᒧᑦ ᑭᐅᔭᐅᒐᔭᕐᑐᑎᑦ ᐃᑲᐅᕐᓃᑦ/ᑫᕙᓪᓚᒍᓰᑦ 24 ᐊᓂᒍᓚᐅᕐᑎᓇᒋᑦ. ᖃᕆᑕᐅᔭᒃᑯᑦ ᐊᓪᓚᖃᑦᑕᐅᑎᒍᑎᖓᓐᓄᑦ ᐊᓪᓚᒍᓐᓇᒥᔪᑎᑦ ᐅᕗᖓ ᑐᕌᕐᑎᓗᒋᑦ courtworker@makivik.org
- ᐱᖁᔭᓕᕆᖃᕈᒪᖕᖏᑐᐊᕈᕕᑦ ᑭᓯᐊᓂᓗ ᑐᑭᓯᒋᐊᒃᑲᓂᕈᒪᓐᓂᕈᕕᑦ ᐅᖃᓕᒪᕕᖃᕈᓐᓇᖁᑎᑦ ᐃᕐᖃᑐᐃᕕᓕᕆᓂᕐᓅᓕᖓᔪᓂᒃ ᐱᑦᔪᔨᕕᒻᒧᑦ ᐅᕗᖓ ᐅᖄᓚᓗᑎᑦ 1-866-699-9729.
- ᐃᕐᖃᑐᐃᕕᓐᓂ ᐱᑦᔪᔨᔨᓄᑦ ᐅᖃᓕᒪᒍᒪᒍᕕᑦ ᐅᕗᖓ ᐅᖄᓚᒍᓐᓇᖁᑎᑦ 1-866-226-9860, ᓵᖓᓃᑦᑑ ᑭᓯᑦᔪᑎᖓ 64992.
- ᐃᕐᖃᑐᕐᑕᐅᔪᒥᒃ ᑕᑯᓐᓇᑎᕕᓂᐅᓗᑎᑦ ᐃᕐᖃᑐᐃᕕᒻᒦᒋᐊᖃᑐᐊᕈᕕᑦ ᐊᓪᓚᓯᒪᔪᕐᑕᑎᑕᐅᒪᓗᑎᓪᓗ ᐃᕐᖃᑐᐃᕕᓕᐊᖁᔨᒍᑎᓂ ᒣ 4 ᓯᕗᓂᖓᓂ ᐊᑑᑎᒋᐊᓕᑎᓐᓂᒃ ᐅᖄᓚᒋᐊᖃᕐᐳᑎᑦ ᐅᕗᖓ 819-964-2497 ᐅᕝᕙᓘᓐᓃᑦ ᐅᕗᖓ 819-444-5345.
ᐊᓯᒋᐊᓪᓚᖏᓐᓂᒃ ᐊᐱᕆᒍᑎᑦᓴᖃᑐᐊᕈᕕᑦ ᐅᕝᕙᓗᓐᓃᑦ ᐃᓗᓐᓈᒍᑦ ᑐᑭᓯᒋᐊᒃᑲᓂᕈᒪᒍᕕᑦ ᐅᖃᓚᒍᓐᓇᖁᑎᑦ ᐃᕐᖃᑐᐃᕕᒻᒥ ᐱᓇᓱᑦᑎᒧᑦ ᐅᑯᐊ ᐅᖄᓚᐅᑏᑦ ᓇᓪᓕᑐᐃᓐᓇᖓᓄᑦ ᐅᖄᓚᓗᑎᑦ: ᑰᒃᔪᐊᒥ (819-964-2881) ᐅᕝᕙᓘᓐᓂᑦ ᑰᒃᔪᐊᕌᐱᖕᒥ (819-929-3336)
ᓇᑯᕐᒦᒃ ᕿᓄᐃᓵᕈᓐᓇᓂᑦᓯᓄᑦ ᐅᓪᓗᓂ ᐅᖁᒣᓪᓕᐅᓇᕐᑐᓃᑎᓪᓗᑕ.