ᐃᓕᓐᓂᐊᓂᖅ

ᐁᑦᓯᓂᕈᕕᑦ ᒪᑭᕝᕕᑯᑦ ᐱᓇᓱᑦᑎᖏᑦᑕ ᐱᕙᓪᓕᖁᑎᖏᓐᓂᑦ PDF-ᒥᒃ, ᐃᑉᐱᒋᔭᖃᕐᓯᒪᑐᐃᓐᓇᕆᐊᖃᕐᖁᑎᑦ ᐃᑦᓯᕕᒥᒃ ᐊᖏᔪᒥᒃ ᐊᓪᓚᓯᒪᔪᕐᑕᓕᒻᒥᒃ “ᐃᓕᓐᓂᐊᓂᖅ ᐱᓇᓱᒐᕐᒥᓗ ᐱᕙᓪᓕᐊᑎᑦᓯᓂᕐᒧᑦ ᐱᕕᑦᓴᓯᐊᑦ” ᐊᓪᓕᖓᓃᑦᑐᓂᑦ ᓴᐅᒥᐊᓂ ᒪᑉᐱᕋᐅᑉ. ᐃᓱᒪᒋᔭᖃᕐᖁᒍᑦ ᐱᕙᓪᓕᖁᑎᒥᒃ ᐱᓂᕐᓴᐅᓂᖓᓂᒃ. ᐃᓚᒋᔭᐅᔪᖅ ᐱᓇᓱᑦᑎᐅᓂᕐᒧᑦ ᒪᑭᕝᕕᑯᓂ, ᐃᑲᔪᕐᓯᒍᓐᓇᒪᑦ ᐱᒍᓐᓇᑕᐅᒋᐊᓕᓐᓂᑦ ᐱᒍᓐᓇᓯᑎᑦᓯᒍᑎᐅᓗᓂ ᐱᑕᖃᖕᖏᑯᕕᑦ ᑕᒪᒃᑯᓂᖓ, ᐃᑲᔪᕐᓯᓗᓂᓗᓐᓃᑦ ᐃᓕᓐᓂᐊᓂᕐᒥᒃ ᑭᓯᑦᓯᒍᑎᑖᕐᓂᓂᑦ ᐱᓇᓱᒐᕐᓂᒃ ᐳᕐᑐᓂᕐᓴᒨᕈᑎᒋᓗᒍ.

ᐃᓕᓐᓂᐊᓂᖅ

ᒪᑭᕝᕕᑯᑦ ᐃᓕᓐᓂᐊᑎᑦᓯᓂᕐᓂᑦ ᐊᑐᐃᓐᓇᐅᑎᑦᓯᓲᖑᕗᑦ ᐱᓇᓱᑦᓱᑎ ᐃᓕᓐᓂᐊᕈᒪᔪᓂᑦ. ᐃᓕᓐᓂᐊᕕᓐᓂᑦ ᐱᓇᓱᖃᑎᖃᕐᓱᑕ ᐅᑦᑑᑎᒋᓗᒍ ᒥᑭᐊᓪ ᐃᓕᓐᓂᐊᕕᕐᔪᐊᖓ. ᐃᓄᐃᑦ ᐃᓚᐅᔪᐃᑦ ᒪᑭᕝᕕᑯᓄᑦ ᐃᓕᑕᕆᔭᐅᒍᑎᑖᕈᓐᓇᖁᑦ ᓇᐅᓕᒫᓂᑦ ᑐᑭᑖᕈᓐᓇᓂᕐᒥᒃ ᐊᐅᓚᑦᓯᓂᕐᒥᓗ ᐃᓕᓐᓂᐊᑕᐅᔪᒥᒃ, ᐃᓕᓐᓂᐊᕕᒻᒥ ᐳᕐᑐᓂᕐᓴᓂ ᐱᔭᕇᕈᑎᑖᕐᓯᒪᖕᖏᑲᓗᐊᕈᑎᑦ.
ᐃᓄᐃᑦ ᐱᓇᓱᑦᑏᑦ ᐊᑦᔨᒌᖕᖏᑐᓂᑦ ᐃᓕᓐᓂᐊᓂᕐᒥᒃ ᐱᕕᑦᓴᖃᕐᑎᑕᐅᕗᑦ ᑕᒪᒋᓐᓂ ᐱᒍᔨᕕᐅᑉ ᐃᓗᐊᓂ, ᑲᑐᑦᔨᖃᑎᖃᕐᓱᑎᓗ ᑎᒥᐅᔪᓂᑦ ᐆᑦᑑᑎᒋᓗᒍ ᐃᓕᓇᐹᖅ, ᐱᔪᓐᓇᖁᖓ, Lester B. Pearson ᐃᓕᓐᓂᐊᕕᒃ ᒥᑭᐊᓪ, ᐊᒻᒪᓗ ᐃᓕᓐᓂᐊᕕᕐᔪᐊᖓ ᓚᕚᓪ.