ᐊᑦᔨᖑᐊᑦᓯᐊᖑᓂᕐᐹᓯᐅᕐᓂᖅ
ᒪᑭᕝᕕᒃᑯᑦ ᐊᑦᔨᖑᐊᓄᑦ ᐱᓕᐅᑎᑎᑦᓯᔪᑦ ᐱᑦᔪᑎᖃᕐᑎᓗᒍ ᓄᓇᕕᒻᒥ ᓯᓚᐅᑉ ᐊᓯᑦᔨᓂᖓᓄᑦ ᐋᕐᕿᒋᐊᕐᓂᒥᒃ ᓯᕗᓂᖃᕈᑎᒥᒃ. ᑐᕌᕐᑕᐅᔪᖅ ᓯᕗᓂᖃᕈᑎᒧᑦ, ᐅᓪᓗᒥ ᐱᕙᓪᓕᐊᒍᑕᐅᔪᒧᑦ, ᐃᓕᖓᔪᖅ ᓂᑲᓀᓪᓕᑎᕆᓂᕐᒧᑦ ᓄᓇᕕᐅᑉ ᐋᕐᕿᒋᐊᕐᕕᖃᕈᓐᓇᓂᖓᓂᒃ ᓯᓚᐅᑉ ᐊᓯᑦᔨᕈᑎᖏᓐᓂᒃ ᓴᖑᐊᑦᓯᒍᑕᐅᓗᓂ ᓯᓚᐅᑉ ᐊᓯᑦᔨᓂᖓᓄᑦ ᐋᕐᕿᒋᐊᕈᑎᓂᒃ ᓄᓇᖁᑎᓕᒫᑦᑎᓂ. ᖃᒻᒥᓂᑕᐅᓂᕐᐹᑦ ᐊᓪᓚᒋᐊᖕᖓᐅᑏᑦ ᓯᕗᓂᖃᕈᑎᒥᒃ ᐱᔭᑦᓴᐅᔪᑦ ᖃᕆᑕᐅᔭᒃᑯᑦ ᐅᕙᖕᖓᑦ:
ᓂᕈᐊᕐᑕᐅᔪᑦ ᐊᑦᔨᖑᐊᑦ ᓄᐃᑕᓛᕐᑐᑦ ᑭᖑᓪᓕᐹᓂ ᒪᑉᐱᒐᓕᐊᖑᓛᕐᑐᓂ.
ᒪᑭᕝᕕᒃ ᐱᒍᒪᓚᖓᔪᖅ ᐊᑦᔨᖑᐊᓂᒃ ᐅᑯᓂᖓ ᑕᑯᑦᓴᕈᐃᔪᓂᒃ:
- ᐃᓄᐃᑦ ᐃᓗᕐᖁᓯᖓᓂᒃ ᐱᐅᓯᖏᓐᓂᓗ
- ᓄᓇᕕᒻᒥ ᓄᓇᒥᒃ, ᐃᒪᕐᒥᒃ ᐊᒻᒪᓗ ᐆᒪᔪᓂᒃ
- ᓯᓚᐅᑉ ᐊᓯᑦᔨᓂᖓᓄᑦ ᐋᕐᕿᒋᐊᕐᓂᒥᒃ ᐊᒻᒪᓗ ᐊᑐᐃᓐᓇᐅᓂᕐᒥᒃ ᓄᓇᕕᒻᒥ
- ᐃᓅᓯᕐᒥᒃ ᓄᓇᓕᓐᓂ (ᓇᑉᐸᑎᕐᓯᒪᔪᑦ, ᐱᒍᑦᔨᒍᑏᑦ, ᓱᓇᓐᓂᐊᓂᒐᓓᑦ)
ᐊᑦᔨᖑᐊᑦ ᐃᓄᒻᒥᒃ ᓄᓇᒥᐅᑕᓂᓪᓘᓃᑦ ᓄᐃᑕᑦᓯᒍᓐᓇᑐᖅ. ᐊᑐᓂ ᐃᓄᒃ ᐊᑦᔨᖑᐊᒥᓂᒃ ᓂᕈᐊᕐᑕᐅᔨᐊᓕᒃ ᐱᑎᑕᐅᓛᕐᑐᖅ $200-ᓂᒃ ᐊᒻᒪᓗ ᐃᓄᒃ ᓄᐃᑦᓯᔪᕕᓂᖅ ᐊᑦᔨᖑᐊᒥᒃ ᓂᕈᐊᕐᑕᐅᔪᒥᒃ ᓯᓚᑉᐱᐊᖓᓂ ᓄᐃᑕᓛᕐᑎᓗᒍ ᓵᓚᖃᐅᑎᖃᓛᕐᓱᓂ $750_ᓂᒃ.
ᓄᐃᑦᓯᕕᑦᓴᐅᑉ ᐃᓱᕕᓕᕕᖓ : ᓄᕕᒻᐱᕆ 1
ᑐᓂᔨᒋ ᐊᑦᔨᖑᐊᖁᑎᑎᓐᓂᒃ ᖃᕆᑕᐅᔭᑎᒍᑦ ᐅᕗᖓ communications@makivvik.ca