ᐊᓪᓚᑐᑦ Armelle Decaulne/ᐊᕐᒥᐋᓪ ᑕᑰᐅᓐ, Najat Bhiry/ᓃᔮᑦ ᐯᕆ, Fabienne Joliet/ᕚᐱᐋᓐ ᔮᓕ, Laine Chanteloup/ᓖᓐ ᓵᓐᑎᓘ, Thora Herrmannᑑᕋ ᖂᒪᓐ, Bruno Persat/ᐳᕈᓄ ᐳᓵᑦ, Daniel Germain/ᑕᓂᐊᓪ ᔪᕐᒣᓐ, Orsane Rousset/ᐅᕐᓭᓐ ᕈᔅᓯᐊᑦ.
ᐅᖃᕐᑕᐅᔪᖅ ᑐᑭᓯᒃ (ᑐᑭᓯᒐᓱᐊᖃᑎᒌᑦ: ᑐᑭᓯᒪᖃᑎᒌᑦ) ᓱᑯᐃᔦᓂᐅᑦᓱᓂ ᐱᓇᓱᒍᑎᐅᕗᖅ, ᑲᔪᓯᓂᖃᓕᕐᑐᖅ 2014-ᖑᓕᓚᐅᔪᒻᒪᓂ, ᐱᑦᔪᑎᖃᕐᐳᓗ ᐃᓄᐃᓪᓗ-ᐊᕙᑎᐅᓪᓗ ᐃᓚᑦᓲᑎᓂᖏᓐᓂᒃ, ᐱᒋᐊᓪᓚᑎᑦᓯᒍᑎᐅᑦᓱᓂ ᐱᑐᑦᓯᒪᐅᑎᓂᖏᓐᓂᒃ ᓱᑯᐃᔦᔩᓪᓗ ᐊᒥᓱᑲᓪᓓᓗ ᓄᓇᓖᑦ.
ᓄᒃᑮᒋᐊᕈᑎᐅᓇᓱᑦᓱᓂ ᐱᓇᓱᖃᑎᒌᓐᓂᓴᓂᒃ ᐊᒻᒪᓗ ᐱᔭᖃᓕᕐᑎᓯᓇᓱᒍᑎᐅᑦᓱᓂ ᐊᖏᖃᑎᒌᓐᓂᑕᓕᓐᓂᒃ ᐃᓕᓐᓂᐊᑕᖃᕐᓂᒥᒃ ᐊᑯᕐᖓᓂ ᓱᑯᐃᔦᔩᓪᓗ ᑕᕐᕋᒥᓗ ᓄᓇᕕᒻᒥ ᓄᓇᓖᑦ, ᓄᑖᑦ ᑐᑭᓯᒃ-ᒥᒃ ᐊᑦᓯᕋᐅᑎᓖᑦ ᐱᓇᓱᒍᑎᑦᓴᓕᐊᖑᒪᔪᑦ ᐱᒋᐊᕐᑎᑕᐅᒪᓕᕐᖁᑦ, ᐊᑦᓯᕋᐅᑎᑖᕐᑕᐅᓱᑎᒃ ᑕᑯᔪᖅ-ᒥᒃ (“ᐊᖑᑎ/ᐊᕐᓇᖅ ᑕᑯᕗᖅ”). ᑕᑯᔪᖅ ᓯᕗᓂᖃᕈᑎᐅᕗᖅ ᓱᑯᐃᔭᕐᑕᐅᓱᑎᒃ ᐱᓇᓱᑦᑕᐅᔪᓂᒃ ᑕᑯᑦᓴᕈᕐᑕᐅ ᑎᑦᓯᖃᑦᑕᕋᔭᕐᓂᒥᒃ ᐊᓪᓚᖑᐊᕐᓯᒪᔪᑎᒍᑦ, ᑌᒣᓘᕐᓗᒋᑦ ᐱᕙᓪᓕ-ᐊᓂᖃᓕᕐᑎᓯᒐᔭᕐᑎᓗᒋᑦ ᓄᑖᓂᒃ ᑐᑭᓯᒪᖃᑎᒌᒍᑎᑦᓴᓂᒃ ᓱᑯᐃᔭᕐᓯᒪᔪᓂᒃ ᑕᑯᖃᑦᑕᓗᒋᑦ ᐊᓪᓚᖑᐊᕐᓯᒪᓕᕐᑎᓗᒋᑦ. ᑐᕌᕐᑕᐅᔪᑦ ᑭᖑᓪᓕᐹᖃᕐᑎᓗᒋᑦ ᐱᑕᖃᕐᑎᓯᒍᑎᖃᕐᓂᓴᓂᒃ ᑐᑭᓯᔭᐅᔪᓂᒃ ᓄᓇᓕᓐᓂᑦ ᓅᑕᐅᓛᖕᖏᑐᓂᒃ, ᑲᔪᖏᕐᓭᒍᑎᑦᓴᐅᓗᑎᒃ ᑕᕐᕋᒥ ᓄᓇᓯᒪᔪᓂᒃ ᐃᓚᐅᓯᒐᔭᕐᓂᖏᓐᓄᑦ ᓱᑯᐃᔦᔩᑦ ᐱᓇᓱᑦᑕᖏᓐᓄᑦ, ᑌᒣᓕᖓᓗᑎᒃ ᐱᒍᓐᓇᓯᒐᔭᕐᒪᑕ ᑐᑭᓯᒪᒍᑎᑦᓴᓂᒃ ᐱᑎᑕᐅᑦᔪᑎᑐᐊᖃᕈᓐᓀᓗᑎᒃ ᓱᑯᐃᔭᕐᓯᒪᒍᑎᑎᒍᑦ ᑐᓴᕐᑎᓯᒍᑎᓕᐊᖑᒪᔪᓂᒃ. ᖃᐅᔨᒪᒐᑦᑕ ᑐᓴᕐᑎᓯᒍᑏᑦ ᐱᒐᓱᐊᕈᒥᓇᕐᓯᑎᑦᓯᓱᖑᖕᖏᒪᑕ, ᐃᓚᖓᓂᓪᓗᐊᓛᑦ ᐊᓕᐊᓱᖕᖏᓕᕐᓇᓱᑎᒃ, ᐃᓚᖏᓪᓕ ᓱᑯᐃᔦᔩᑦ ᐱᓇᓱᒍᑎᖏᑦ ᖃᐅᔨᔭᖏᓪᓗ ᓄᑖᖑᓲᖑᒐᓗᐊᕐᑎᓗᒋᑦ ᐊᓪᓛᑦ ᑐᕃᓐᓇᑐᒥᒃ ᓱᕐᕃᓂᖃᕐᐸᓱᑎᒃ ᓄᓇᓖᑦ ᐱᕙᓪᓕᐊᑎᑕᐅᒍᑎᖏᓐᓂᒃ. ᐅᑦᑑᑎᒋᓗᒋᑦ ᓂᕿᑦᓴᓂᒃ ᐱᕈᕐᓯᕖᑦ, ᐱᕙᓪᓕᖁᑎᐅᔪᑦ ᐱᔭᐅᒪᔪᑦ ᖃᐅᔨᓴᕐᑐᓂᑦ ᓄᓇᒥᓪᓗ ᐆᒻᒪᖁᑎᑦᓴᓂᓪᓗ; ᑰᑦ ᐃᕐᖃᖏᑦ ᐱᕙᓪᓕᖁᑎᑕᖃᓲᖑᒋᕗᑦ ᖃᐅᔨᔭᐅᒍᑎᖏᓐᓂᒃ ᐃᒪᑦᓯᐊᒍᒋᐊᖏᑦ ᐃᖃᓗᖃᕆᐊᖏᓪᓗ; ᓯᑐᕐᙯᑦ ᖃᓄᐃᓕᖓᓂᖏᑕ ᖃᐅᔨᓴᕐᑕᐅᒍᑎᖏᑦ ᓄᐃᑦᓯᓱᖑᒻᒥᑎᓪᓗᒋᑦ ᓯᑑᕝᕕᐅᑐᐃᓐᓇᕆᐊᓕᓐᓂᒃ ᓄᓇᓕᓐᓄᑦ ᑲᑉᐱᐊᓇᕐᑐᒧᕈᑎᐅᑐ-ᐃᓐᓇᕆᐊᖃᕐᓱᑎᒃ; ᐃᓄᑐᐃᓐᓀᑦ ᓄᓇᖁᑎᑦᓴᖏᓐᓂᒃ ᐃᓱᒪᒋᔭᖃᕐᓂᖅ ᓴᐳᒻᒥᒍᑎᐅᒻᒪᑦ ᓇᒻᒥᓂᖅ ᑐᑭᑖᕐᑐᐃᕕᒋᒍᓐᓇᑕᒥᓂᒃ ᓄᓇᖁᑎᑖᕐᓂᒧᑦ. ᑕᒪᒃᑯᐊᑕᒃᒐ ᑐᑭᓯᒃ ᐱᓇᓱᑦᑕᖏᑦᑕ ᐃᓚᒋᔭᖏᑦ.
ᑕᑯᔫᑉ ᐱᓇᓱᑦᑕᐅᒍᑎᖏᓐᓂ, ᐊᓪᓚᐅᑎᒧᑦ ᐊᓪᓚᖑᐊᕐᑕᐅᓱᑎᒃ ᐊᑦᔨᖑᐊᓕ-ᐊᒍᓯᒪᔪᑦ ᓄᕐᖃᑕᕐᕕᖃᖕᖏᓚᑦ ᐊᓪᓚᖑᐊᕐᓯᒪᔪᑎᒍᑦ ᓴᕐᕿᑎᑕᐅᓂᕐᓂᒃ ᓱᑯᐃᔭᕐᓯᒪᔪᓂᒃ ᓱᓕᓕᕐᑎᓯᓂᑐᐃᓐᓇᐅᓇᑎᒃ. ᑕᑯᔪᖅ ᐱᓇᓱᑦᑕᐅᒍᑎᖏᑦ ᐊᕗᖓᐅᓕᒋᐊᕐᓂᓴᐅᒍᒪᒻᒪᑕ: ᑕᑯᑦᓴᓴᓂᒃ ᐊᓪᓚᖑᐊᕐᓂᖅ ᑖᒃᑯᓇᓂ ᐱᓇᓱᒍᑎᐅᔪᓂᒃ ᐃᓱᒪᒋᔭᐅᓂᖃᕐᒪᑦ ᐱᕙᓪᓕᐊᑎᑦᓯᓂᐅᑎᓪᓗᒍ ᓄᑖᓂᒃ ᐱᓇᓱᒍᑎᓂᒃ, ᓄᑖᓂᒃ ᐃᓱᒻᒪᓯᕐᓂᒃ ᐊᒻᒪᓗ ᐊᓯᒥᓂᑦ ᐱᓯᒪᖕᖏᑐᓂᒃ ᖃᐅᔨᒪᔭᒥᓂᒃ ᓄᑦᑎᕆᒍᑎᖃᕐᓂᒥᒃ.
ᑕᒪᑐᒥᖓ ᐱᓇᓱᒍᑎᖃᕐᓂᒥᒃ ᐱᕙᓪᓕᐊᑎᑦᓯᒍᑎᒋᓯᑦᓱᒍ, ᐱᓇᓱᑦᑎᓯᓯᓚ-ᐅᕐᖁᒍᑦ ᐅᕕᒃᑳᐱᒻᒥ ᐊᓪᓚᖑᐊᕐᑎᒥᒃ; ᐅᕐᓭᓐ ᕈᔅᓯᐊᑦ 17-ᓂᒃ ᐅᑭᐅᓕᒃ ᐊᓂᕐᕋᖃᕐᓱᓂ ᒍᐃᒍᐃᒻᒪᕇᑦ ᓄᓇᖓᓐᓂᒃ. ᑖᓐᓇ ᐅᕕᒃᑳᐱᒃ ᐅᓇᒻᒥᓱᑦᑐᖅ ᖃᐅᔨᒋᐊᓪᓚᒍᒪᓂᕐᒥᒃ ᓄᓇᕕᒻᒥ ᐊᒻᒪᓗ ᓄᓇᕕᒻᒥᐅᓂᒃ. ᐊᓪᓚᐅᑎᓄᑦ ᐊᓪᓚᖑᐊᕐᓱᓂ ᐱᒐᓱᓱᑐᖃᖅ ᓂᕕᐊᕐᓯᐊᓛᕋᐱᐅᓕᕐᓂᕋᒥᓂᑦ ᓯᕗᓂᖃᕐᐳᓗ ᓱᑯᐃᔦᒍᑎᐅᓯᒪᔪᓂᒃ ᐊᓪᓚᖑᐊᕐᓯᒪᔪᓕᐅᕐᑎᐅᓂᑦᓴᒥᓂᒃ: ᓱᑯᐃᔭᕐᓯᒪᔪᓂᒃ ᐊᓪᓚᖑᐊᕐᓂᒥᒍᑦ ᑕᑯᒥᓇᕐᓯᑎᑦᓯᓂᖅ ᐱᒻᒪᕆᐅᒻᒪ ᐱᓇᓱᑦᑕᖏᓐᓂ. ᐅᖃᖃᑎᒋᖃᑦᑕᓯᒪᓕᕐᑕᕗᑦ ᖃᐅᔨᓴᕐᓯᒪᔭᑦᑎᓅᓕᖓᔪᓂᒃ, ᐃᓱᒪᒋᔭᑦᑎᓂᓪᓗ ᐊᒥᕐᖃᖃᑎᒌᒍᑎᖃᖃᑦᑕᓱᑕ, ᖃᐅᔨᔭᖃᖃᑦᑕᓱᑕᓗ ᓄᓇᕕᐅᑉ ᓄᓇᖓᓂᒃ ᐊᑦᔨᖑᐊᓂᑦ ᐊᑦᔨᓕᐊᕆᖃᑦᑕᓯᒪᔭᑦᑎᓂᑦ ᓄᓇᑎᒍᑦ ᐊᕐᕕᑕᕐᓂᖃᕐᓱᑕ. ᑕᒪᒃᑯᐊ ᑐᖕᖓᕕᒋᑦᓱᒋ, ᐅᕐᓭᓐ ᐱᕙᓪᓕᐊᑎᑦᓯᒍᑎᖃᕐᓯᒪᓕᕐᖁᖅ ᐊᒥᓱᑲᓪᓚᓂᒃ ᐊᓪᓚᖑ-ᐊᕐᓯᒪᔪᓂᒃ ᖃᐅᔨᓴᕐᕕᐅᖃᑦᑕᓯᒪᔪᓂᑦ, ᓲᕐᓗ, ᑲᖏᕐᓱᐊᓗᒃᔪᐊᑉ ᑯᒑᓗᐊᑕ ᓯᓈᖓ, ᑕᑯᑦᓴᐅᔪᓪᓗ ᒍᐁᔮᔅᐊᑭᒥᐅᑉ ᑕᓯᖓᓂ, ᐊᒻᒪᓗ ᑕᓯᐊᐱᐅᑉ ᑰᕈᖓᓂ ᐅᒥᐅᔭᒧᑦ ᖃᓂᑦᑐᒥ.
ᑖᒃᑯᐊ ᒥᖑᐊᕈᑎᐊᕈᕐᓄᑦ ᒥᖑᐊᕐᑕᐅᓯᒪᔪᑦ ᐱᐅᓂᕐᓴᓚᕆᐅᕗᑦ ᐊᑦᔨᖑᐊᑐ-ᐃᓐᓇᓂ ᐊᑦᔨᓕᐊᖑᓯᒪᔪᓂᑦ ᓄᓇᒥ ᐊᕐᕕᑕᕐᑐᓄᑦ ᑐᑭᓯᑎᑦᓯᒍ ᑎᑦᓯᐊᖑᓂᕐᓴᐅᒐᒥ ᐃᓄᓐᓄᑦ (ᖃᐅᔨᓴᕐᑎᓄᑦ ᓄᓇᓕᓐᓂ ᐃᓚᖃᕐᓱᑎᒃ ᐊᒻᒪᓗ ᓄᓇᓕᐅᖃᑎᒌᓄᑦ ᓱᑯᐃᔦᔨᓄᑦ ᐱᓇᓱᖃᑕᐅᕙᑦᑐᓄᑦ), ᓄᐃᑕᑎᑦᓯᓯᐊᕐᓂᓴᐅᒐᒥᒃ ᐃᑉᐱᓂᐊᕐᓂᑎᒍᑦ ᖃᓄᐃᓘᖃᑎᒌᓐᓂᐅᔪᓂᒃ ᐊᑦᔨᖑᐊᑐᐃᓐᓇᑎᑐᑦ ᑕᑯᑦᓴᒍᓗᑐᐃᓐᓇᐅᒐᑎᒃ.
ᐅᕐᓭᓐ ᐱᓇᓱᖃᑦᑕᓚᐅᔪᒻᒥᔪᖅ ᐱᓇᓱᒍᑎᑦᑎᓂᒃ ᓄᓇᕕᒻᒥ ᑕᑯᓐᓇᕋᓱᖃᑕᐅᑦᓱᓂ ᓯᑐᕐᖃᓂᒃ ᐊᕐᕌᒍᓕᒫᒥ ᖃᓄᐃᓕᕙᓪᓕᐊᓂᖃᕐᒪᖔᑕ, ᓯᕗᓂᖃᕐᓱᓂ ᑕᑯᑲᓪᓚᒐᔭᕐᓂᒥᓂᒃ ᓯᑑᑦᑐᓂᒃ ᓄᓇᓕᒻᒧᑦ ᖃᓂᑦᑐᒥ, ᐅᕝᕙᓗᓐᓃᑦ ᑐᕐᓱᔫᖅ ᒥᕐᖑᐃᓯᕐᕕᒥ. ᓱᓕᑦᑕᐅᒻᒪᑦ, ᐱᐅᓂᕐᓴᐅᒋᐊᖓ ᑐᑭᓯᒪᓂᖅ ᓯᓚᐅᑉ ᐊᓯᑦᔨᓂᖓᑕ ᓱᕐᕃᒍᑎᖏᓐᓂᒃ ᐊᐳᑏᑦ ᓯᑑᓐᓂᕆᓲᖏᓐᓂᒃ ᓯᕗᓂᑦᓴᒥᓗ ᓯᑑᓐᓂᖃᓚᐅᕐᑎᓇᒋᑦ, ᖃᐅᔨᒪᔭᖃᑦᓯᐊᓂᖅ ᖃᓄᐃᓕᓱᖑᒻᒪᖔᑕ ᐱᑕᖃᓪᓚᕆᒋᐊᖃᓱᖑᓕᕐᒪᑦ ᑖᒃᑯᓇᓂ ᐅᓪᓗᒋᕙᓕᕐᑕᑎᓐᓂ. ᑌᒃᑯᐊ ᐃᒻᒥᓂᒃ ᐃᑭᑦᑕᑐᑦ ᐊᑦᔨᓕᐅᕈᑏᑦ ᓵᖕᖓᕗᑦ ᐊᐳᑎᒧᑦ ᓯᑐᕝᕕᐅᓲᓄᑦ ᓯᑐᕐᖄᓗᓐᓄᑦ ᐊᐳᑎᓗ ᓯᑑᑦᑎᓗᒍ ᐊᑦᔨᓕᐅᕐᑕᐅᖃᑦᑕᓯᒪᕗᖅ ᑖᒃᑯᓄᖓ ᐊᑦᔨᓕᐅᕈᑎᓄᑦ; ᐊᑦᔨᓕᐊᕕᓃᑦ ᓄᐊᑕᐅᓯᒪᔪᑦ ᐱᑕᖃᕐᑎᓯᕗᑦ ᑐᑭᓯᒪᒍᑎᐅᓪᓚᕆᒋᐊᓕᓐᓂᒃ ᖃᖓᐅᑎᓪᓗᒍ ᓯᑑᖃᑦᑕᓲᖑᒻᒪᖔᑕ, ᓯᑑᓕᕋᒥᓪᓗ ᓇᒧᑦ ᓄᕐᖃᓱᖑᒻᒪᖔᑕ ᓯᓚᓗ ᖃᓄᐃᑦᑑᑎᓪᓗᒍ ᓯᑑᓐᓂᖃᓱᖑᒻᒪᖔᑕ. ᑕᒪᒃᑯᐊ ᑐᑭᓯᒪᒍᑎᑖᖑᓲᑦ ᐱᑕᖃᓪᓚᕆᒋᐊᖃᕐᐳᑦ ᑐᑭᑖᕐᑐᐃᒍᑎᑦᓴᐅᓱᑎᒃ ᐱᔪᖃᕐᓂᓴᐅᓲᓂ ᐊᕐᖁᓯᓂᖏᓐᓂᒃ, ᑲᑉᐱᐊᓇᕐᑐᑕᖃᓯᑐᐃᓐᓇᕆᐊᖃᕐᓂᖏᓐᓂᓗ.
ᑕᑯᑦᓴᐅᑎᑦᓯᖃᑦᑕᓃᑦ ᒥᖑᐊᕈᑎᓄᑦ ᐊᓪᓚᖑᐊᕐᓯᒪᔪᑎᒍᑦ ᐊᒻᒪᓗ ᐊᓪᓚᖑ-ᐊᕐᓯᒪᔪᑐᐃᓐᓇᑎᒍ ᐱᐅᓂᕐᓴᓚᕆᐅᕐᖂᑐᖅ ᖃᐅᔨᓴᕐᑐᑦ ᑐᓴᕐᑎᓯᒍᑎᖏᓐᓂᒃ ᐱᕙᓪᓕ-ᐊᒍᑎ ᐅᒍᓐᓇᓯᐊᕐᓂᓴᐅᑦᓱᑎᒃᓗ ᐅᖃᖃᑎᒌᓐᓂᖃᕐᓂᓄᑦ ᐃᑲᔪᕐᓯᓂᕐᓴᓂᒃ ᖃᐅᔨᓴᕐᓂᐅᑉ ᖃᓄᐃᓕᖓᓂᑦᓴᖏᑎᒍᑦ, ᐊᓪᓚᐅᑎᓄᑦ ᐊᓪᓚᖑᐊᕐᓯᒪᔪᓕᐊᕕᓃᑦ ᐃᓄᓐᓄᑦ ᐅᖃᖃᑎᒌᒍᑎᑦᓯᐊᖑᓂᕐᓴᐅᒪᑕ ᓂᑦᔮᒍᓱᓐᓇᓂᕐᓴᐅᓱᑎᒃᓗ.
ᑕᑯᔪᖅ ᐱᓇᓱᒍᑎᓂ, ᐃᓕᓐᓂᐊᑏᑦ ᐃᓚᐅᕙᑉᐳᑦ, ᒍᐃᒍᐃᒻᒪᕇᑦ ᓄᓇᖓᓐᓂᓗ ᑲᓇᑕᒥᓗ, ᐃᓚᐅᑎᒍᒪᕙᕗᓪᓗ ᐅᓇᒻᒥᓱᐊᔪᑦ ᓄᓇᕕᒻᒥ ᐃᓕᓐᓂᐊᑏᑦ. ᐊᒥᓱᑦ ᓄᓇᕕᒻᒥᐅᑦ ᐅᕕᒃᑫᑦ ᐊᓪᓚᖑᐊᕐᓯᒪᔪᓕᐅᕐᑏᓗ ᓄᐃᑦᓯᒍᓐᓇᓯᐊᓱᖑᒻᒪᑕ ᓴᓇᒍᓐᓇᓂᕐᒥᓂᒃ. ᑭᓇᑐᐃᓐᓇᖅ ᓄᓇᕕᒻᒥᐅᖅ ᐅᓇᒻᒥᓱᒃᑯᓂ ᐱᓇᓱᒍᑎᑦᑎᓄᑦ ᐃᓚᐅᓂᖃᕐᓂᒥᒃ ᑐᖕᖓᓱᓪᓗᓂ ᐃᓚᐅᖁᓇᕐᐳᖅ. ᓄᐃᑕᑦᓯᐊᓂᕐᓴᕈᖁᓪᓗᒋᑦ ᓱᑯᐃᔭᕐᓯᒪᔪᑦ ᓄᓇᓕᓐᓂ ᐱᓇᓱᑉᐸᑕᕗᑦ, ᐃᓱᒪᕗᒍᑦ ᐊᑦᔨᒌᖕᖏᑐᓂᒃ ᐃᓱᒪᑖᖑᖃᑦᑕᑐᓂᒃ ᐊᒥᕐᖄᖃᑕᐅᒍᒪᑦᓱᑕ, ᐊᑦᔨᒌᖕᖏᑐᓂᓪᓗ ᐱᕙᓪᓕᐊᓂᖃᕐᓯᒪᓂᓕᓐᓂᒃ, ᐊᑦᔨᒌᖕᖏᑐᓂᓪᓗ ᑭᒡᒐᑐᕐᓂᒍᑎᓂᒃ, ᐅᑭᐅᖃᑎᒌᑦᑎᖏᑦᑐᓂᑦ ᐊᒻᒪᓗ ᐊᑦᔨᒌᑦᑎᖏᑦᑐᓂᒃ ᓄᓇᐅᑉ ᐊᓯᑦᔨᑲᑕᒍᑎᒋᓲᖏᓐᓂᒃ ᐱᐅᓯᒋᐊᕆᒍᑎᒋᒐᔭᕐᓗᒋᑦ ᑕᐅᕐᓯᑲᑕᐅᑎᓂᕐᓂᓗ ᐅᖃᖃᑎᒌᒍᑎᖃᖃᑦᑕᓂᕐᓂᓗ. ᐅᐱᒍᓱᒐᔭᕐᐳᒍᑦ ᐃᓚᐅᒐᔭᕈᑦᓯ. ᐃᓄᑐᐃᓐᓀᑦ ᐊᓪᓚᖑᐊᕐᑏᑦ ᐅᑭᐅᖏᑦ ᖃᑦᓯᑐᐃᓐᓀᑦ, ᐱᓇᓱᖃᑎᒋᒍᓐᓇᕋᔭᕋᑦᑎᒋᑦ.
