ᑐᓴᕋᑦᓴᓕᐊᕕᓃᑦ ᓯᑏᕙᓐ ᕿᐊᓐᑐᕆᒧᑦ
ᓄᐊᒪᓐ ᑭᕆᔅ ᓱᕈᓯᐅᑦᓱᓂ ᐅᐱᕐᖔᖑᓂᖓᓂ/ᐊᐅᔭᐅᓂᖓᓂ ᐊᖁᐃᒪᔪᕕᓂᐅᑦᓱᑎᒃ ᐅᑎᕐᑎᑕᐅᓚᐅᕐᓯᒪᔪᑦ ᔮᓂ ᒣ ᖃᖓᑦᑕᔫᖓᑎᒍᑦ, ᔮᓂ ᐊᖁᑦᑎᓗᒍ ᓴᓂᕌᓂ ᐃᑦᓯᕙᑎᑕᐅᓪᓗᑯᓚᐅᕐᓯᒪᔪᖅ ᓂᕐᓛᕋᖁᑎᑖᕕᓂᕐᒥᒃ ᓴᕐᓕᐊᓱᓂ. ᖃᖓᑕᓂᕐᒥᓂ ᔮᓂᒧᑦ ᐊᐱᕐᓱᑕᐅᓪᓗᑯᓚᐅᕐᓯᒪᒐᒥ ᖃᖓᑦᑕᔫᒥᒃ ᐊᖁᒍᒪᒻᒪᖔᑦ. ᓄᐊᒪᓐ, ᔮᓂᒧᑦ ᐅᖃᐅᑎᔭᐅᓚᐅᕐᓯᒪᔪᖅ, “ᖃᖓᑦᑕᔫᒥᒃ ᐊᖁᒍᓐᓇᓂᐅᔭᑦᔭᖏᓪᓚᑎᑦ ᓂᕐᓕᐊᕋᕐᒥᒃ ᓴᕐᓕᐊᓗᑎᑦ.” ᓚᔭᐅᓚᐅᕐᓯᒪᔪᖅ. ᐊᓱᐃᓛᒃ ᓄᐊᒪᓐ ᓂᕐᓕᐊᕋᕐᑖᕕᓂᕐᒥᓂᒃ ᑐᓄᒥᓄᑦ ᓴᒃᑯᓯᓚᐅᕐᓯᒪᔪᖅ ᐊᒻᒪᓗ ᔮᓂᒧᑦ ᖃᓄᐃᓘᕆᐊᖃᕐᒪᖔᑦ ᐅᖃᐅᑦᔪᑕᐅᑦᓱᓂ ᖃᖓᑦᑕᔫᒥᒃ ᐊᖁᑦᑎᑕᐅᓯᓚᐅᕐᓯᒪᔪᖅ ᑰᑦᔪᐊᒧᑦ ᐅᑎᓕᕐᓱᑎᒃ.
“ᑌᑦᓱᒪᓂᓂᑦ ᑌᒪᖕᖓᑦ ᖃᖓᑦᑕᔫᕐᑎᐅᒍᒪᓯᓚᐅᕐᓯᒪᔪᖓ,” ᑌᒣᓕᑦᓱᓂ ᓄᐊᒪᓐ ᐅᖃᓚᐅᔪᖅ, ᐊᕙᑎ ᐊᑕᐅᓯᕐᓗ ᖁᓕᓪᓘᓂᒃ ᓇᓪᓕᐅᓂᕐᓯᐅᕆCᑖᕐᓱᓂ ᐃᓄᐃᑦ ᖃᖓᑦᑕᔫᖏᓐᓂ ᐱᓇᓱᓯᓚᐅᕐᓯᒪᑦᓱᓂ ᑌᒪᖕᖓᓂᑦ ᔭᓄᐊᕆ 21, 2021 ᑎᑭᑦᓱᒍ. ᓱᓇᓱᐊᕐᑎᓯᒍᑎᐅᓚᐅᖕᖏᑐᖅ ᓇᓪᓕᐅᓂᕐᓯᐅᓂᖓ ᖃᓂᒪᓈᓗᒃ ᐱᑦᔪᑎᐅᑎᓪᓗᒍ, ᑭᓯᐊᓂ Christian Busch, ᐃᓄᐃᑦ ᖃᖓᑦᑕᔫᓕᕆᔨᓄᑦ ᒫᓐᓇᓯᐅᑎᐅᑦᓱᓂ ᐊᖓᔪᕐᖄᕆᔭᐅᓚᐅᕐᑐᑐᖅ ᐊᒻᒪᓗ ᐳᕐᑐᓂᕐᐹᓄᑦ ᓯᕗᓕᕐᑎᒋᔭᐅᑦᓱᓂ, ᐅᖄᓚᕕᒋᓚᐅᔪᔭᖓ ᓄᐊᒪᐅᑉ ᓇᓗᓀᕐᓯᖁᑦᓱᒍ ᓇᓪᓕᐅᓂᕐᓯᐅᓚᐅᕐᓂᖓᓂᒃ.
ᓄᐊᒪᓐ ᐅᓂᒃᑳᓚᐅᔪᖅ ᐃᓄᐃᑦ ᖃᖓᑦᑕᔪᖃᐅᑎᖓᓂ ᐁᓯᒪᖏᓐᓇᓕᒫᖃᑦᑕ-ᑐᕕᓂ ᐅᓂᕐᒥᓂᒃ ᑰᑦᔪᐊᒥ ᓱᕈᓯᐅᑦᓱᓂ, ᑌᒪᖕᖓᑦ ᑖᕙᓃᖃᑦᑕᓲᕕᓂᐅᓂᕋᓚᐅᔪᖅ, ᑎᒻᒥᔪᕐᓂᐊᕕᒻᒥᖏᓐᓇᓕᒫᕐᐸᓱᓂ. ᐊᕐᕌᒍᓐᓂ ᒪᕐᕉᓂ ᐊᐳᑌᔦᔨᒋᔭᐅᓯᒪᔪᖅ ᑲᕙᒪᑐᖃᒃᑯᑦ ᐊᐅᓚᔪᓕᕆᔨᒃᑯᖏᓐᓄᑦ, ᑎᒻᒥᔪᕐᓂᐊᕕᓕᕆᓂᕐᓂᒃ ᖃᖓᑦᑕᔫᕐᑎ-ᐅᓂᕐᓂᓗ ᐃᓕᓴᓪᓚᕆᖃᑦᑕᑐᕕᓂᖅ, ᑭᖑᓂᖓᒍᑦ ᖃᖓᑦᑕᔫᕐᑎᐅᓂᒥᒃ ᐱᒋᐅᕐᓴᒋᐊᕐᑐᓯᓚᐅᕐᓯᒪᔪᖅ.
“ᓯᕗᓪᓕᐹᒥ ᖃᖓᑦᑕᔫᕈᓐᓇᐅᑎᑖᓚᐅᕐᓯᒪᔪᖓ Laurentide Aviationᒥ ᒫᓐᑐᔨᐊᓪᒥ ᐃᓕᓐᓂᐊᓱᖓ. ᑖᕙᓂ ᐃᓕᓭᔨ ᐊᖏᕐᑎᓯᓗᑯᓚᐅᕐᓯᒪᒻᒪᑦ ᐃᓕᓴᕐᓂᓕᕆᔨᓂᒃ ᐃᓕᓐᓂᐊᑕᒃᑲᓂᒃ ᐊᑭᓕᕐᑐᐃᓲᒍᒻᒪᑕ ᐱᔭᕆᒍᓐᓇᓯᓚᕿᓚ-ᐅᕐᓯᒪᔪᖓ ᖃᖓᑦᑕᔪᕆᐅᕐᓴᓂᕐᒥᒃ ᑯᐊᓐᒍᐊᓪ, ᐋᓐᑎᐅᔨᐅᒥ,” ᑌᒣᓕᑦᓱᓂ ᓄᐊᒪᓐ ᐅᖃᓚᐅᔪᖅ. 1991ᒥ ᐱᒋᐊᕐᑎᓗᒍ, ᐃᓄᐃᑦ ᖃᖓᑦᑕᔫᖏᑦ 38ᓂᒃ ᖃᖓᑦᑕᔪᕐᑎᖃᓚ-ᐅᕐᓯᒪᔪᑦ. ᒫᓐᓇ/ᑕᒐᑕᒐ 180ᖑᓕᕐᑐᑦ, 17 ᐃᓅᑦᓱᑎᒃ ᖃᖓᑦᑕᔫᕐᑎᐅᑎᓪᓗᒋᑦ. ᐊᕐᕌᒍᓂ ᐊᕙᑎ ᐊᑕᐅᓯᕐᓗ ᖁᓕᓪᓘᓃ (30ᓂ) ᐱᓇᓱᐊᕐᓯᒪᓕᕐᓱᓂ ᓄᐊᒪᓐ ᐃᓄᐃᑦ ᖃᖓᑦᑕᔫᖁᑎᓕᒫᑲᓵᖏᓐᓂᒃ ᖃᖓᑕᑎᑦᓯᖃᑦᑕᓯᒪᔪᖅ, ᐅᑦᑑᑎᒋᓗᒋᑦ 13,000 ᑫᕙᓪᓚᒍᓰᑦ/ᐃᑲᐅᕐᓃᑦ ᐅᖓᑖᓄᑦ ᒪᕐᕈᓕᐊᕈᓐᓂᒃ ᖃᖓᑕᖃᑦᑕᓯᒪᔪᖅ, ᐊᖓᔪᕐᖄᖑᓕᕐᓱᓂ ᐊᖓᔪᕐᖄᓱᑦᓱᓂᓗ. ᖃᖓᑦᑕᔫᕌᐱᒻᒥᒃ ᐊᑕᐅᓯᓕᒻᒧᑦ ᖃᖓᑕᖃᑦᑕᓯᒪᒻᒥᔪᖅ ᐊᓕᐊᒋᓚᕿᐅᑎᒋᑦᓱᒍ ᖃᖓᑦᑕᔫᕆᐊᒥᒃ, ᔮᓂ ᒣ ᖃᖓᑦᑕᔫᖁᑎᖏᓐᓂᒃ, ᒫᓐᓇ/ᑕᒐᑕᒐ ᐃᓄᐃᑦ ᖃᖓᑦᑕᔫᖏᓐᓄᑦ ᐃᓚᒋᔭᐅᓕᕐᑐᓂᒃ. ᓄᐊᒪᓐ ᖃᐅᔨᒪᔭᐅᒻᒪᕆᑦᑐᒥᒃ ᕿᑎᖕᖑᓇᐅᓕᑐᐊᕐᒪᑦ/ᖁᕕᐊᓱᕝᕕᐅᓕᑐᐊᕐᒪᑦ ᔮᓂ ᒣ ᐸᕐᓚᑎᑦᓯᓲᒍᒻᒪᑦ ᐱᓇᓱᕝᕕᖃᕐᓯᒪᒻᒥᔪᖅ ᐊᕐᕌᒍᓂ ᖁᓕᓐᓂ, “ᐃᓚᒋᔭᐅᑦᓱᓂ ᖃᖓᑦᑕᔫᒥᑦᑐᓄᑦ” ᔪᓂᐊ ᒣᒥᒃ ᐱᓇᓱᐊᖃᑎᖃᕐᓱᓂ.
ᑌᒪᖕᖓᑦ ᐱᓇᓱᓯᓚᐅᕐᓯᒪᒐᒥ, ᓄᐊᒪᓐ ᒪᕐᕈᓕᐊᕈᕐᓂᒃ ᖃᖓᑦᑕᔪᕐᑎᓄᑦ ᐊᖓᔪᕐᖄᕆᔭᐅᓯᒐᒥ, ᑲᒪᔨᒻᒪᕆᓐᓂᓪᓗ ᐃᓂᖃᖃᑕᐅᓯᒐᒥ, ᒫᓐᑐᔨᐊᓪᒧᑦ ᓄᑦᑎᕆᐊᖃᕐᓯᒪᔪᖅ ᐃᓄᐃᑦ ᖃᖓᑦᑕᔫᖏᑦᑕ ᐊᓪᓚᕕᒻᒪᕆᖓᓂᒃ ᑐᐊᕚᓪᒥᑦᑐᒥᒃ ᖃᓂᑦᑑᒋᐊᖃᕐᓂᑯᒥᓄᑦ ᒫᓐᓇ/ᑕᒐᑕᒐ, ᐳᔪᓕᓐᓄᑦ ᖃᖓᑕᓲᒍᓕᕐᑐᖅ, ᐃᓄᐃᑦ ᖃᖓᑦᑕᔫᖏᑦᑕ ᐱᒍᑦᔨᓂᖓᑎᒍᑦ ᑕᓯᐅᔭᕐᔪᐊᒥ, ᐳᕕᕐᓂᑐᒧᑦ ᒥᑉᐸᓱᓂ.
“ᔪᓓᖑᓚᐅᔪᒥ ᐳᔪᓕᒻᒥᒃ 737-200ᓕᒻᒥᒃ ᖃᖓᑕᖃᑦᑕᓚᐅᔪᓱᖓ, ᒫᓐᓇ/ᑕᒐᑕᒐ 300ᓕᒻᒥᒃ ᖃᖓᑕᕙᓕᕐᒥᔪᖓ,” ᑌᒣᓕᑦᓱᓂ ᓄᐊᒪᓐ ᐅᖃᓚᐅᔪᖅ. ᖃᖓᑦᑕᔫᕐᑎᐅᓂᕐᒥᒃ ᐱᓇᓱᒐᖃᕐᓱᓂ ᑌᒪᖕᖓᓕᒫᖅ ᐱᒋᐅᕐᓴᕆᐊᖃᕐᓇᑐᖅ.
“ᑕᕐᖀᑦ ᐱᖓᓲᔪᕐᑐᑦ ᓈᒋᐊᑕᒫᑦ ᐳᐃᒍᕐᑌᓕᒪᑎᑦᓯᓂᕐᒧᑦ ᐱᒋᐅᕐᓴᑎᑦᓯᓂᖃᓲᖅ, (ᖃᖓᑦᑕᔫᕐᑎ ᖃᓄᓪᓗᐊᑎᒋᒃ ᐱᒍᓐᓇᓂᖃᑦᓯᐊᖏᓐᓈᒪᖔᑦ ᖃᐅᔨᒐᓱᐊᕐᑕᐅᒍᑎᒥᒃ), ᐊᕐᕌᒍᓕᒫᒥ ᐊᑐᕐᓂᖃᓲᖅ ᖃᐅᔨᒐᓱᐊᕐᑕᐅᓂᕕᓂᕗᑦ, ᑕᕐᖀᑦ ᐱᖓᓲᔪᕐᑐᐃᑦ ᐊᓂᒍᓕᕐᒥᒪᑕ ᐊᓯᐊᓂᒃ ᐱᒋᐅᕐᓴᔭᐅᓂᖃᓚᖓᒻᒥᓱᖓ ᖃᖓᑦᑕᔫᕆᐅᕐᓴᐅᑎᒥ. ᐱᓇᓱᐊᕈᓯᐅᓚᐅᔪᒥ ᐱᔭᕆᕐᖃᒥᓚᐅᕐᑐᖓ ᓄᓇᒥ ᐱᓇᓱᐊᕐᑕᐅᒋᐊᖃᕐᓱᑎᒃ ᐃᓕᓴᕐᑕᐅᓯᒪᒋᐊᓕᓐᓂᒃ. ᐊᕐᕌᒍᑕᒫᑦ ᐱᒍᓐᓇᓂᖃᑦᓯᐊᖏᓐᓇᑎᑦᓯᒍᑎᓂᒃ ᐃᓕᓐᓂᐊᓲᖑᔪᒍᑦ ᐃᓄᐃᑦ ᖃᖓᑦᑕᔫᓕᕆᓂᖏᓐᓂ, ᖃᖓᑦᑕᔫᓂᒃ ᐊᑦᔨᒋᑦᔭᖏᓐᓂᒃ, ᐊᒻᒪᓗ ᐃᓄᒻᒨᓕᖓᔪᓂᒃ.”
ᐃᓄᒻᒨᓕᖓᔪᐃᓪᓕ ᐅᑯ ᐊᖑᒻᒪᑕ, ᒪᕐᕈᓕᐊᕈᒻᒥᒃ ᖃᖓᑦᑕᔪᕐᑎ ᖃᖓᑦᑕᔫᒃᑰᓚᖓᔪᓂᒃ ᑐᓴᕐᑎᓯᒍᑎ ᐅᒋ ᐊᓕᓐᓂᒃ ᑐᓴᕐᑕ ᐅᑎᑦᓯᒋ ᐊᖃᓲᖅ ᖃᖓᑦᑕᓚ- ᐅᖕᖏᓂᕐᒥᓂ. ᐳᔪᓕᒃᑯᑦ ᑕᒪᒃᑯ ᐊ ᖃᖓᑦᑕᔫᒥ ᑭᒡᒐᓕᕋᕐᑎᓄᑦ ᑐᓴᕐᑎᓯᒍᑎᐅ ᓲᒍᑎ-ᐅᒋ ᐊᖃᓲᑦ. ᓄ ᐊᒪᓐ ᖃᖓᑦᔪᒃᑰᔨ ᐊᕆᓲᒥᓂᒃ ᐃᓅᖃᑎᖃᑦᓯ ᐊᓲᖑᖏᓐᓈᓂᕐᒥᓂᒃ ᐅᖃᓚ ᐅᔪᖅ. “ᑕᑯᓐᓈᓱᒃᑲ ᖃᖓᑦᑕᔫᑉ ᓯᓚᑖᓂ ᖃᖓᑦᑕᔫᒧᑦ ᐃᑭᒋᐊᕐᑐᑎᓪᓗᒋᑦ, ᑕᑯᓲᑦ ᐅᕙᓐᓂᒃ ᖃᖓᑦᑕᔫᑉ ᓯᕗᐊᑕ ᐃᒐᓛᖓᒍᑦ, ᓄᓗᕋᓲᑦ ᖁᖓᑦᓱᑎᓪᓗ.”
ᐊᒥᓱᒻᒪᕆᐊᓗᓐᓂᒃ ᐃᕐᖃᐅᒪᓇᕐᑐᓂᒃ ᐊᐅᓚᔨᒐᑦᓴᑖᕐᓯᒪᔪᖅ ᐊᕐᕌᒍᐃᑦ ᖁᓕᓕᕐᖀᑦ ᐅᖓᑖᓄᑦ ᖃᖓᑦᑕᔪᕐᑎᐅᓕᕐᓱᓂ. “ᐅᓪᓗᐃᑦ ᐃᓚᖏᓐᓂ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᑦ ᐊᑦᑕᑐᕐᑎᓗᒋᑦ ᓵᑕᕐᓱᑎᒃ, ᑰᑦᔪᐊᒥ, ᑕᓯᐅᔭᒧᑦ, ᐊᐅᐸᓗᒻᒧᓗ, ᖁᐊᕐᑕᒧᑦ ᓄᕐᖃᓚᖓᑦᓱᑕ. ᐊᐅᐸᓗᒻᒥ ᐊᓄᕆᔪᑲᓪᓚᐅᓚᐅᕐᓯᒪᔪᖅ, ᐊᓄᕆ ᓲᖑᔪᑲᓪᓚᐅᓱᓂ ᓴᓂᕐᖁᑐᐊᓘᑎᓪᓗᒍ, 4:30ᖑᒐᓚᒻᒥ ᐅᓪᓗᑯᑦ, ᔭᓄᐊᕆᐅᑎᓪᓗᒍ. ᐊᓄᕆ ᑐᓴᕐᓴᐅᓱᓂ ᐊᓄᕆᕙᓪᓛᓴᒻᒪᕆᑦᑎᓗᒍ, ᑕᓪᓕᒪᕕᑦᓱᑕ ᒥᒐᓱᐊᑦᓴᓚᐅᕋᓗᐊᕐᓱᑕ ᐊᑕᐅᓯᕐᕕᑦᓴᕈᑦᑕᓗ ᒪᕐᕈᕕᑦᓴᕈᑦᑕᓘᓐᓃᑦ ᐊᑦᓴᓗᐊᕗᑦ/ᐊᓴᓗᐊᕗᑦ ᒥᕝᕕᒧᑦ ᑐᑦᓴᒪᕆᖃᑦᑕᑎᓪᓗᒋᒃ, ᒥᕝᕕᐅᑉ ᓴᓂᕌᓄᖕᖑᓱᑐᐃᓐᓇᖃᑦᑕᕋᑦᑕ ᖁᔭᓈᓯᑐ-ᐃᓐᓇᓚᐅᕐᓯᒪᔪᒍᑦ ᐊᐅᐸᓗᒻᒧᑦ ᒥᕐᖃᔭᖕᖏᓇᑦᑕ, ᐊᓄᕆ ᓴᓂᕐᖁᑐᖅ ᓲᖑᔪᓗᐊᑦᓯᐊᒪᑦ. ᖃᐅᕌᓗᓛᕐᒥᒪᑦ, ᖃᐅᔨᒪᓇᕐᒪᑦ. ᐊᓱᐃᓛᒃ ᖃᐅᑐᐊᕐᒪᑦ ᐊᐅᐸᓗᒻᒥ ᐃᑭᓚᖓᔪᕕᓂᕐᓂᒃ ᐁᑦᓯᓕᓚᐅᕐᓯᒪᔪᒍᑦ ᖁᐊᕐᑕᓕᐊᕐᑎᓱᒋᑦ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᑦ ᑲᑎᒪᔨᖏᑦᑕ ᑲᑎᒪᓂᖏᓐᓄᑦ.”
ᐅᓂᒃᑳᓚᐅᔪᒻᒥᔪᖅ ᒪᕐᕈᓕᐊᕈᒃᑯᑦ ᓇᕿᑦᑑᓱᑎᒃ ᖃᖓᑕᖃᑦᑕᑐᕕᓂᐅᓂᕐᒥᓂᒃ. “1,500 ᐃᑎᒐᓐᓄᑦ ᓇᕿᑦᑑᓂᖃᕐᓱᓂ ᐆᒪᔪᕐᓂᒃ ᖃᓄᐃᑦᑐᑐᐃᓐᓇᓂᒃ ᑕᑯᓐᓈᖃᑦᑕᓯᒪᔪᖅ, ᓇᓄᕐᓂᒃ ᐅᒥᒻᒪᓂᓪᓗ, ᐊᒪᕈᕐᓂᒃ ᑐᒃᑐᓂᓪᓗ. ᑎᕆᒐᓐᓂᐊᑦ ᕿᒫᖃᑦᑕᒥᑎᓪᓗᒋᑦ. ᐅᐱᕐᖓᓴᐅᓕᑐᐊᕐᒪᑦ ᓂᕐᓕᒐᓵᓗᐃᑦ ᓇᓂᓕᒫᖅ ᑎᒻᒥᑎᓪᓗᒋᑦ, ᓇᑦᓰᓗ ᐆᑦᑐᐃᑦ ᓯᑯᓂ. ᑕᒪᒃᑯᐊ ᐃᕐᖃᐅᒪᓇᕐᑐᐃᑦ ᖃᖓᑦᑕᖃᑦᑕᓂᕆᓯᒪᔭᕐᓂ.”
ᓄᐊᒪᓐ ᐊᔪᕿᒋᐊᒍᑎᖃᕐᑐᖅ ᐃᓄᓐᓂᒃ ᐅᕕᒃᑲᓂᒃ ᖃᖓᑦᑕᔫᓕᕆᓂᕐᒥᒃ ᐱᓇᓱᒐᖃᒍᒪᒐᔭᕆᐊᒥᒃ ᐃᓱᒪᒋᔭᖃᕐᑐᓂᒃ ᑲᔪᓯᒋᐊᑦᓯᐊᑐᐃᓐᓇᖁᔨᑦᓱᓂ. ᐊᓕᐊᒋᔭᖃᕐᑐᖅ ᐱᓇᓱᕝᕕᖃᒋᐊᒥᒃ ᐃᓄᐃᑦ ᖃᖓᑦᑕᔪᓕᕆᔨᖏᓐᓂᒃ, ᒫᓐᓇ/ᑕᒐᑕᒐ ᐊᕙᑏᒃ ᒪᕐᕉᓗ ᐱᖓᓱᓂᓪᓗ (43ᓂ) ᐊᕐᕌᒍᖃᓕᕐᑐᓂᒃ. ᐱᕈᕐᓯᒪᓪᓚᕆᓕᕐᓂᖏᓐᓂᒃ ᐅᖃᓚᐅᔪᖅ ᐊᒻᒪᓗ ᑌᒪᖕᖓᓂᐊᓗᒃ ᑕᑯᓐᓈᖑᐊᕐᓱᒋᑦ ᑐᕌᒍᒪᔭᒥᓂᒃ ᐊᓯᐅᔨᓚᐅᕐᓯᒪᕋᑕᖕᖏᒪᑕ, ᐃᓄᓐᓂᒃ ᓄᓇᕕᒻᒥᐅᓂᒃ ᑲᒪᑦᓯᐊᕈᒪᑦᓱᑎᒃ. “ᐱᓇᓱᕝᕕᓯᐊᕌᓘᔪᖁᑎᒋᔭᕋ ᑎᒥᐅᔫᓂᕐᒥᒍᑦ,” ᓚᑦᓱᓂ ᐅᖃᓚᐅᔪᖅ.
