ᕕᕗᐊᕆᒥ 1995-ᖑᑎᓪᓗᒍ, ᕃᒃᓚᓐ ᐊᖏᖃᑎᒌᓐᓂᖅ ᐊᑎᓕᐅᕈᑎᐅᓯᒪᔪᖅ ᕃᒃᓚᓐ ᐅᔭᕋᓐᓂᐊᕕᒻᒥᒃ ᐊᐅᓚᑦᓯᔨᓄᑦ, ᒪᑭᕝᕕᒧᑦ ᐃᓄᐃᓪᓗ ᓄᓇᓕᖏᓐᓄᑦ ᓴᓪᓗᐃᑦ ᐊᒻᒪᓗ ᑲᖏᕐᓱᔪᐊᖅ. ᓄᐃᑕᓂᖓ ᑲᓇᑕᒥ ᓯᕗᓪᓕᐸᐅᖃᑎᐅᓯᒪᑦᓱᓂ ᐊᖏᖃᑎᒌᒍᑎᓂᑦ “ᓱᕐᕋᑕᐅᒍᑎᓄᑦ ᐱᕙᓪᓕᖁᑎᑖᓄᑦ ᐊᖏᖃᑎᒌᓐᓂ”ᓂᑦ (IBAs) ᐅᔭᕋᓐᓂᐊᓂᕐᒥᒃ ᑎᒥᐅᔪᒧᑦ ᐃᓄᓐᓄᓗ ᐱᓇᓱᖃᑎᒌᑦᑐᓄᑦ ᑐᕃᓐᓇᕕᒌᑦᓱᑎᒃ ᐊᖏᖃᑎᒌᒍᑎᐅᓯᒪᔪᖅ.
ᑖᓐᓇ ᐊᖏᖃᑎᒌᓐᓂᖅ ᓄᓇᕕᒻᒥ ᐅᔭᕋᓐᓂᐊᑐᑦ ᐱᔪᓐᓇᐅᑎᑖᕐᑎᑕᐅᓂᐅᑉ ᐊᓯᒋᐊᓪᓚᖏᓐᓂᒃ ᐱᑕᖃᕆᐊᖃᕐᓂᖏᓐᓂᒃ ᐃᓕᑕᕐᓯᓂᕐᒥᒃ ᑐᖕᖓᕕᖃᕐᓯᒪᔪᖅ, ᐅᑉᐱᕈᓲᑎᑦᓯᐊᓂᕐᒧᑦ ᐱᕈᕐᑎᑕᐅᓯᒪᔪᓂᒃ ᐱᓇᓱᐊᖃᑎᒌᓐᓂᑕᖃᕆᐊᖃᕐᒪᑕ, ᐃᓄᐃᑦ ᐃᓗᕐᕈᓯᖓᓂᒃ ᓲᓱᒋᔭᖃᑦᓯᐊᕆᐊᖃᕐᓱᑎᒃ, ᐱᓇᓱᑦᑕᐅᒋᐊᓕᓐᓂᓗ ᑲᒪᒋᔭᖃᖃᑎᒌᓐᓂᑕᖃᕆᐊᖃᕐᓱᑎ. ᐱᑕᖃᕐᑎᓯᒍᑎᒋᓗᐊᖕᖑᐊᑕᖏᑦ ᐃᓚᖃᕐᓯᒪᔪᑦ ᐃᓄᐃᑦ ᐱᓇᓱᑦᑎᑖᕆᔭᐅᓂᕐᒥ ᓯᕗᓪᓕᐅᑎᑕᐅᓂᕆᖃᑦᑕᓂᐊᕐᑕᖏᓐᓂᒃ ᖃᓂᓐᓂᓴᓂᑦ ᓄᓇᓕᓐᓂᑦ, ᐃᓄᓐᓄᑦ-ᓇᖕᒥᓂᕆᔭᐅᔪᑦ ᖃᖏᕐᓂᑯᓕᐅᕐᑏᑦ ᓯᕗᓪᓕ-ᐅᑎᑕ ᐅᖃᑦᑕᓂᕆᓂᐊᕐᑕᖏᓐᓂᒃ, ᐊᒻᒪᓗ ᐊᕙᑎᒥᒃ ᑲᒪᓇᓱᒍᑎᑕᖃᕐᓱᑎᒃ ᐃᓄᐃᑦ ᐱᓇᓱᐊᕐᑎᑕᐅᑎᓪᓗᒋᑦ. ᖄᖏᕐᓂᑯᕈᑎᓂᒃ-ᐱᖃᑎᐅᖃᑦᑕᕈᑎᑦᓭᑦ ᐋᕐᕿᓱᕐᓯᒪᒍᓰᑦ ᐊᓪᓚᑕᐅᖃᑎᐅᓐᓂᒥᔪᑦ ᐊᒻᒪᓗ ᑲᑎᖕᖓᔩᑦ ᐋᕐᕿᑕᐅᒻᒥᓱᑎᒃ, ᕿᑎᕐᖃᖏᑦ ᐃᓄᐃᑦ, ᕿᑎᕐᖃᒋᐊᓪᓚᖏᑦ ᖄᖏᕐᓂᑯᓕᐅᕐᑎᓂᒃ ᑭᒡᒐᑐᕐᑏᑦ, ᐃᓘᓐᓇᖓᓂᒃ ᐊᖏᖃᑎᒌᓐᓂᐅᑉ ᑲᔪᓯᑎᑕᐅᓂᖓᓂᒃ ᑲᒪᓂᐊᕐᑐᓂᒃ.
ᐊᕐᕌᒍᓂ ᐊᕙᑎᑦ ᖁᓕᓪᓗᓂᑦ ᖄᖏᕐᑐᓂ ᕃᒃᓚᓐ ᐊᖏᖃᑎᒌᓐᓂᖅ ᐊᖏᔪᕐᓚᖑᐊᓂᒃ ᓄᐃᑦᓯᓯᒪᔪᖅ:
• ᐃᓄᐃᑦ ᐱᓇᓱᑦᑏᑦ ᐅᓄᕐᑐᕈᕐᓯᒪᔪᑦ ᐱᓇᓱᑦᑎᖏᓐᓂᑦ.
• ᐃᓄᓐᓄᑦ-ᓇᖕᒥᓂᕆᔦᑦ ᖄᖏᕐᓂᑯᓕᐅᕐᑏᑦ ᐅᓪᓗᒥ ᐱᑕᖃᕐᑎᓯᓲᑦ ᐅᔭᕋᓐᓂᐊᕕᒥᒃ ᐱᓇᓱᓐᓂᒧᑦ ᐊᖏᕐᓯᒪᐅᑎᑎᒍᑦ ᐱᒍᑦᔨᐅᑏᑦ
25%-ᖏᓐᓃᑐᓂᒃ, ᓄᓇᓕᒻᒥ ᒪᑭᑕᒐᓱᐊᕐᓂᒥᒃ ᓄᓇᕕᒻᒥ ᐱᕈᕐᑎᓯᔪᓂᒃ.
• ᐊᖏᖃᑎᒌᒍᑎᐅᑉ ᐱᕙᓪᓕᑎᑦᓯᓂᖓᑦ ᓄᓇᓕᒻᒥ ᐱᕙᓪᓕᐊᑎᑦᓯᒍᑎᐅᓯᒪᒻᒥᔪᖅ, ᐃᓕᓐᓂᐊᑎᓂᒃ ᐃᑲᔪᕐᓯᒍᑏᑦ ᐊᕐᖁᑎᒋᑦᓱᒋᑦ (ᓲᕐᓗ ᐊᒃᑭᕕᒃ ᑮᓇᐅᔭᖁᑎᖓ), ᐃᓕᓐᓂᐊᑎᑦᓯᓂᕐᒥ ᐱᓇᓱᐊᕐᑌᓗ ᐆᑦᑐᕋᐅᑎᒋᑦᓱᒍ ᑕᒪᑐᒪᓂ, ᐊᒻᒪᓗ ᓯᕗᓂᕐᒥ-ᐊᕗᖓᒋᐊᓪᓚᒃ ᐸᕐᓀᒍᑎᓕᐅᕐᓃᑦ ᐅᔭᕋᓐᓂᐊᕕᐅᑉ
ᑕᒡᒐᓂ ᔫᓂᒥ, ᒪᑭᕝᕕᐅᑉ ᐊᖓᔪᕐᖄᖓ ᐱᑕ ᐋᑕᒥ ᐊᒻᒪᓗ ᐊᕙᑎᓕᕆᓂᕐᒥ, ᐆᒪᔪᓕᕆᓂᕐᒥ, ᖃᐅᔨᓴᕐᓂᒥᓪᓗ ᐊᖓᔪᕐᖄᑉ ᑐᖓᓕᖓ ᐋᑕᒥ ᑎᓖᓪ-ᐊᓚᑯ, ᙯᖁᔭᐅᓯᒪᔪᓂᒃ ᐃᓚᖃᕐᓱᑎᒃ, ᐅᔭᕋᓐᓂᐊᕕᒻᒥ 30-ᓂᒃ ᐊᕐᕌᒍᓂᒃ ᓇᓪᓕᐅᓂᕐᓯᐅᓂᕐᒥᒃ ᐱᓂᐊᕐᓂᖃᕐᑎᓯᔪᓂ ᐁᓯᒪᔪᕕᓃᒃ.
