ᓵᓕ ᐊᕐᓇᑐᒃᑯᒃ ᕿᒧᑦᓯᖃᑎᖓᓗ ᔮᑲᕃᔭ ᓵᓐᑕ, ᑕᒪᕐᒥᒃ ᑕᓯᐅᔭᕐᒥᐅᒃ, ᓵᓚᖃᓚᐅᔪᕘᒃ ᐃᕙᒃᑲᓱᑎᒃ ᕿᒧᑦᓯᓄᑦ ᓱᑲᓕᐅᑎᔪᓂ ᐃᖏᕐᕋᓂᖃᓚᐅᔪᕘᓪᓗ ᑲᑎᑦᓱᑎᒃ 26-ᓂᒃ ᑫᕙᓪᓚᒍᓯᕐᓂ ᐃᓚᖃᕐᑎᓗᒋᑦ 23 ᒥᓇᑦᓯᓂᒃ. ᓱᑲᓕᐅᑎᕕᒃ ᓯᕕᑐᓂᖃᓚᐅᔪᖅ 328 ᑭᓚᒦᑕᓂᒃ, ᐊᐅᓪᓚᑎᕆᐊᖕᖓᖃᕐᓱᑎᒃ ᑲᖏᕐᓱᐊᓗᒃᔪᐊᒥᒃ ᕕᕈᐊᕆ 26-ᖑᑎᓪᓗᒍ ᐃᓱᓕᑦᓱᑎᒃᓗ ᓴᓚᓖᒃ ᓄᓇᓕᖓᓂ ᒫᑦᔨ 6-ᒥ.
ᐊᕐᓇᑑᑉ ᕿᒧᑦᓯᕈᑎᖏᑦ 14 ᒥᓇᑦᓯᓄᑦ ᓯᕗᓪᓕᐅᓚᐅᔪᑦ ᑕᓯᐅᔭᕐᒥᐅᖑᖃᑎᒥ ᓱᑲᓕᐅᑎᖃᑎᒋᑦᓱᒍᓗ ᒍᐃᓕ ᑮᓐ ᓄᑲᕐᓯᐅᓗ ᑖᒥᓴ ᓵᓐᑕᐅᓪᓗ ᕿᒧᑦᓯᖏᓐᓂᑦ. ᑌᒪᓕ ᒍᐃᓕ ᑮᓐ, ᓄᑲᕐᓯᖅ ᑎᑭᐅᑎᕐᖃᓂᕐᓴᐅᓚᐅᔪᒐᓗ ᐊᕐᓱᓂ ᑫᕙᓪᓚᒍᓯᑎᒍᑦ ᑭᓯᑕᐅᓕᕋᒥᒃ ᐊᕐᓇᑐᒃᑯᒃ ᓵᓐᑕᒃᑯ ᓱᑲᓐᓂᓴᕕᓂᐅᓚᐅᔪᒃ. ᔮᓐ-ᒪᕇ ᐳᐆᓐᓗ ᔮᑯᓯ ᐊᒫᒪᑦᑐ ᐊᓗ ᐳᕕᕐᓂᑐᕐᒥᐅᒃ ᐱᖓᔪᒋᔭᐅᓚᐅᔫᒃ, ᐃᖏᕐᕋᓂᓕᕕᓂᐅᑦᓱᑎᒃ 27-ᓂᒃ ᑫᕙᓪᓚᒍᓯᕐᓂᒃ ᐃᓚᖃᕐᑎᓗᒋᑦ 23 ᒥᓇᑦᓯᓂᒃ.
ᓱᑲᓕᐅᑎᓂᖅ ᐱᒋ ᐊᕈᒫᕐᓂ ᐊᓯᒪᓚᐅᔪᖅ ᕕᕈ ᐊᕆ 24-ᒥ ᑭᓯ ᐊᓂ ᐅᒃᓘᓄᑦ ᒪᕐᕉᓄᑦ ᑭᖑᕙᕆ ᐊᕐᓯᒪᓚᐅᔪᖅ ᓯᓚᑦᓯ ᐊᖑᖕᖏᑐᒧᑦ ᐱᔭᐅᑦᓱᓂ. “ᐅᒃᓗᓴᓕᐅᕐᓯᒪᓚᐅᔪᔭᕗᑦ ᕕᕈ ᐊᕆ 24-ᒥᒃ. ᑭᓯ ᐊᓂ ᓯᓚᐅᑉ ᐱᐅᑦᓯ ᐊᖏᓐᓂᖓᓂᒃ ᐱᑦᔪᑎᖃᕐᓱᑕ ᑭᖑᕙᕆ ᐊᓚᐅᔪᔭᕗᑦ ᕕᕈ ᐊᕆ 26-ᒧᑦ,” ᐅᖃᓚᐅᔪᖅ ᓕ ᐊᓐ ᒧ ᐊᖃᐅᔅ, ᐃᓅᑦᔪᓯᓕᕆᓂᕐᓄᓗ-ᒪᑭᑕᒐᓱᒍᑎᓕᕆᓂᕐᓄᓗ ᐱᑦᔪᔨᕕᖓᓂ ᒪᑭᕝᕕᐅᑉ ᑲᒪᔨᒻᒪᕆᒋᔭᐅᔪᖅ ᓯᕗᓕᕐᑎᐅᓱᓂᓗ ᐊᑐᐃᓐᓇᕈᕐᑎᑕᐅᓂᖓᓂᒃ ᐃᕙᒃᑲᑐᑦ ᓱᑲᓕᐅᑎᓂᑦᓴᖏᑕ.
ᓱᑲᓕᐅᑎᓂᓕᒫᖏᓐᓂ ᓯᓚ ᐱᐅᑦᓯ ᐊᖏᑦᑐᖏᓐᓇᓕᒫᓚᐅᔪᖅ. ᕿᒧᑦᓯᑐᑦ ᐊᑑᑎᒋ ᐊᖃᖃᑦᑕᓚᐅᔪᑦ ᕿᐅᔭᓇᕐᑐᒪᕆᒻᒥᒃ -30-ᒦᒍᑦᔭᐅᖃᑦᑕᓱᑎᒃ, ᑐᑦᔭᐱᓐᓇ-ᑐᒃᑰᓱᑎᒃ, ᐊᑦᓱᕈᕆ ᐊᓕᓐᓂᓗ ᓵᖕᖓᔭᑦᓴᖃᖃᑦᑕᓱᑎᒃ ᑲᖏᕐᓱ ᐊᓗᒃᔪ ᐊᓗ ᑰᒃᔪ-ᐊᓗ ᐊᑯᓐᓂᖓᓂ. “ᐅᒃᓗᐃᑦ ᐃᓚᖓᓐᓂ ᐃᖏᕐᕋᓯᓚᖓᓕᕋᒥᒃ ᐸᕐᓇᓕᕐᓱᑎᒃ, ᐅᖃᕐᑐᖃᓕᓚᐅᔪᖅ ᓯᓚ ᖃᑯᕐᑕᐅᓱᓂ ᐊᑦᔨᒌᓕᓂᖃᕆ ᐊᖓ, ᐱᕐᓯᒐᓚᑦᓱᓂ, ᑌᒣᓐᓂᑯᖓᓄᑦ ᑕᒻᒫᑎᕆ ᐊᓪᓚᒋ ᐊᖃᓕᓚᐅᔪᑦ,” ᐅᖃᕐᑐᖅ ᒧ ᐊᖃᐅᔅ.
ᓱᑲᓕᐅᑎᔪᑦ ᐊᕐᖁᓯᓂᑦᓴᖓᑦ ᑕᒃᑲᓂ ᐊᕐᕌᒍᒥ ᒪᓂᕐᖃᓴᕐᑕᐅᒋ ᐊᖃᓚᐅᔪᖅ ᑌᒣᓘᕈᑎᐅᖏᓐᓇᓱᖑᖕᖏᑐᒥᒃ, ᐅᖃᓚᐅᔪᖅ 2024-ᒥ ᐃᕙᒃᑲᑎᓪᓗᒋᑦ ᑐᕙᐅᑉ ᖃᓄᐃᓐᓂᖓᓂᒃ ᑲᒪᒋᔭᑐ ᐊᖃᕆ ᐊᖃᕐᓯᒪᑦᓱᑎᒃ ᐊᓯᖏᓐᓂ ᐱᓇᓱᒋ ᐊᑐᓚᐅᔪᖕᖏᑐᑦ.
2025-ᒥ ᐃᕙᒃᑲᑐᓂᒃ ᐃᑲᔪᕐᑎᐅᓂᕐᒥᒃ ᐱᓇᓱᖃᑎᒌᒍᑎᓖᑦ ᐱᓇᓱᑦᑎ-ᑕᖑᓯᒪᓚᐅᔪᕗᑦ ᐱᖓᓲᔪᕐᑐᓂᑦ ᓄᓇᓕᓐᓂᑦ ᐅᑯᓇᖕᖓᑦ: ᖁᐊ ᕐᑕᖅ, ᑕᓯᐅᔭᖅ, ᐊᐅᐸᓗᒃ, ᑰᒃᔪ ᐊᖅ, ᑲᖏᕐᓱ ᐊᓗᒃᔪ ᐊᖅ ᑲᖏᕐᓱᔪ ᐊᕐᓗ. ᓱᑲᓕᐅᑎᔪᑦ ᕿᖕᒥᖏᑕ ᐋᓐᓂ ᐊᓯᐅᕐᑎᒪᕆᖓᑦ ᑎᑭᑎᑕᐅᓚᐅᔪᒻᒥᔪᖅ ᑯᐯᒃ ᓯᑎᒥᑦ. ᓱᑲᓕᐅᑎᔪᑦ ᐊᕐᖁᑎᖓᑦ ᑲᖏᕐᓱ ᐊᓗᒃᔪ ᐊᓗ ᑰᒃᔪ ᐊᓗ ᐊᑯᓐᓂᖓᓃᑦᑐᖅ ᒪᔪᕐᖃᐅᓚᐅᔪ ᐃᓚᖓᓗ ᓇᐹᕐᑐᖃᕐᓱᓂ. “ᐱᑦᔪᑎᖃᕐᓱᑎᒃ ᐊᕐᖁᓯᓂᐅᑉ ᖃᓄᐃᑦᑐᓂᖓᓂ, ᖃᕐᖃᒥᓪᓗ, ᒪᔪᕋᕆ ᐊᖃᕐᓂᒥᓪᓗ ᖃᕐᖃᒥᒃ, ᐱᓇᓱᑦᑎᑕᕆ ᐊᓪᓚᒋ ᐊᖃᓚᐅᔪᒍᑦ ᕿᒧᑦᓯᑐᑦ ᐱᐅᒃᑯᑎᖏᓐᓂᒃ ᐅᓯᔪᑦᓴᓂᒃ,” ᐅᖃᕐᑐᖅ ᒧ ᐊᖃᐅᔅ.
ᕿᒧᑦᓯᑐᑦ ᑕᒃᒐᓂ ᐊᕐᕌᒍᒥ ᐁᑉᐸᖃᕆᐊᖃᓚᐅᔪᑦ, ᑕᒪᓐᓇ ᕿᒧᑦᓯᑏᑦ ᑐᑭᑕᕈᑎᒋᓯᒪᓚᐅᔪᔭᖓ. “ᑕᒃᒐᓂ ᐊᕐᕌᒍᒥ ᑕᒪᓐᓇ ᐁᑉᐸᖃᕐᓂᖓᑦ ᓈᒻᒪᓯ ᐊᓚᐅᔪᖅ ᐱᑦᔪᑎᖃᕐᓱᓂ ᐊᕐᖁᑎᒥᒃ ᐊᑑᑎᒋ ᐊᓕᖓᓐᓂᒃ, ᓇᐹᕐᑐᓂᒃ, ᒪᔪᕋᑲᑦᑕᓂᕐᓂᓗ ᓯᑐᑲᑕᓐᓂᓂᓪᓗ,” ᐅᖃᕐᑐᖅ ᒧ ᐊᖃᐅᔅ.
11-ᖑᓚᐅᔪᑦ ᕿᒧᑦᓰᑦ ᓱᑲᓕᐅᑎᖃᑎᒌᑦᑐᑦ, 16 ᐃᓚᐅᓛᕈᒪᑦᓱᑎᒃ ᐊᒃᓚᓯᒪᔪᖕᖑᐃᓯᒪᓚᐅᔪᒐᓗ ᐊᕐᑎᓗᒋᑦ, ᐃᓚᖏᑦ ᐊᑐᐃᓐᓇᐅᖏᓗ ᐊᕋᒥᒃ ᓄᕐᙯᓇᓚᐅᔪᑦ ᐃᓚᖏᓪᓗ ᕿᖕᒥᒥᓂᒃ ᐊᐅᓚᑦᓯᖃᔭᑦᓯ ᐊᖏᓗ ᐊᕋᒥᒃ ᐃᓚᐅᒍᓐᓀᓚᐅᔪᑎᓪᓗᒋᑦ.
ᐊᑐᓂᑦ ᓄᓇᓖᑦ ᕿᒧᑦᓯᑐᓄᑦ ᐊᕐᖁᓵᕐᑕᐅᔪᑦ ᑐᖕᖓᓱᑦᑎᓯᖃᑦᑕᓚᐅᔪᑦ ᓂᕆᒻᒫᓂᖃᕐᓱᑎᒃ, ᐃᓚᐅᑎᓪᓗᒋᒃ ᐅᒃᓘᒃ ᒪᕐᕉᒃ ᑰᒃᔪ ᐊᒥ ᕿᖕᒥᓂᒃ ᑕᙯᕐᓯᑎᑦᓯᓂᐅᓚᐅᔫᒃ. “ᐃᓄᐃᑦ ᖁᕕ ᐊᓱ ᐊᒍᑎᖃᖏᓐᓇᓲᑦ ᕿᓚᓈᕐᓱᑎᒃᓗ ᕿᒧᑦᓯᑐᓄᑦ ᑎᑭᑕᐅᓚᖓᓂᕐᒥᓂᒃ. ᐅᐃᒻᒪᓂᐅᔭᕈᓱᓕᓲᑦ,” ᐅᖃᕐᑐᖅ ᒧ ᐊᖃᐅᔅ.
ᐊᕐᓇᑐᒃ ᓯᕗᓪᓕᐹᒥ ᐃᕙᒃᑲᓱᑎᒃ ᓱᑲᓕᐅᑎᔪᓂ ᓵᓚᖃᕆᐅᓚᐅᔪᖅ. “ᓵᓚᖃᕆᐅᓚᐅᔪᖅ ᑕᒃᒐᓂ ᐊᕐᕌᒍᒥ ᓄᓇᓕᒻᒥᓄᑦ ᑎᑭᐅᑎᑦᓱᓂᓗ. ᐅᕙᓐᓄᑦ ᑲᑭᓪᓚᑑᔭᕐᓇᓚᕿᓚᐅᔪᖅ,” ᐅᖃᕐᑐᖅ ᒧ ᐊᖃᐅᔅ.
ᑕᒃᒐᓂ ᐊᕐᕌᒍᒥ ᓵᓚᖃᐅᑎᑖᕐᑎᓯᒍᑏᑦ ᑮᓇᐅᔭᑎᒍᑦ ᐅᓄᕐᓂᖃᓚᐅᔪᑦ $187,000-ᓂᒃ ᓱᑲᓕᐅᑎᖃᑎᒌᑦᑐᕕᓂᕐᓂᒃ ᐊᕕᖃᑎᒌᑎᑦᓯᒍᑏᑦ, ᐃᓚᖃᕐᓱᑎᒃ ᖃᖓᑦᑕᐅᑎᑦᓴᔭᓂᒃ ᑐᓂᕐᕈᑎᒋᓚᐅᔪᔭᖏᓐᓂᒃ ᐃᓄᐃᑦᑯᓗ ᑲᓀᑎᐋᓐ ᓄᐋᑦᑯᓗ, ᐊᓯᒋ ᐊᓪᓚᖏᓐᓂᒃ ᑮᓇᐅᔭᓂᓪᓗ ᖃᖓᑦᑕᐅᑎᑦᓴᔭᓂᓪᓗ ᐃᓚᖃᕐᒥᓱᑎᒃ ᓇᓗᓀᕐᑕᐅᒍᑎᑕᓚᐅᔪᒧᑦ ᕿᒧᑦᓯᑯᑦ ᓱᑲᓕᐅᑎᖃᑎᐅᒋᐅᕐᑐᒧᑦ ᑕᒃᒐᓂ ᐊᕐᕌᒍᒥ (ᑫᐅᓪ ᐊᐃᑦᓯᓴᓐᒧᑦ), ᐱᖕᖑ ᐊᖃᑕᐅᑦᓯ ᐊᓂᕐᒨᓕᖓᔪᕐᓗ ᓇᓗᓀᕐᑕᐅᒍᑎᑕᖑᑦᓱᓂ (ᐃᑦᓴᔭ ᐊᕐᓇᑐᒻᒧᑦ) ᐱᐅᓯᑐᖃᕐᒥᓗ ᑕᑯᑦᓴᐅᑎᑦᓯᓂᕐᒨᓕᖓᔪᖅ ᓇᓗᓀᕐᑕᐅᒍᑎ ᑐᓂᔭᐅᑦᓱᓂ (ᑯᓗ ᑐᑲᓚᒻᒧᑦ). ᐃᓚᒌᓴᖅ ᑐᓂᔨᓚᐅᔪᒻᒥᔪᖅ ᑐᓂᕐᕈᑎᒻᒪᕆᓐᓂᒃ ᓂᐅᕕᕈᑎᑦᓴᔭᓂᒃ ᑐᓂᓚᐅᔪᔭᒥᓂᒃ ᑕᒃᒐᓂ ᐊᕐᕌᒍᒥ ᓵᓚᓕᓐᓄᑦ/ᓵᓚᓐᓃᔪᓄᑦ.
ᒪᑭᕝᕕᐅᑉ ᓄᓇᓕᓐᓂ ᑭᒡᒐᑐᕐᑎᐅᓂᕐᒧᑦ ᑲᑎᖕᖓᔨᖏᑦ ᐅᑭ ᐊᒥ ᑲᑎᖕᖓᒌᕐᓯᒪᓕᑐ ᐊᕐᐸᑕ. ᐸᕐᓇᓃᑦ ᐃᓱᓕᒍᑎᖏᑦ ᐃᓕᖓᓛᕐᑐᑦ 2026-ᒥ ᐃᕙᒃᑲᓗᑎᒃ ᕿᒧᑦᓯᑯᑦ ᓱᑲᓕᐅᑎᓂᐅᓛᕐᑐᒧᑦ ᐊᑐᑎᑎᑕᐅᒋ ᐊᓯᓛᕐᐳᑦ.
ᑭᓇᑐᐃᓐᓇᖅ ᐃᓚᐅᖃᑕᐅᓛᕈᒪᔪᖅ ᕿᒧᑦᓯᓗᓂ ᐅᕝᕙᓘᓐᓃᑦ ᓴᐳᑦᔨᓯ-ᒪᔨᓄᑦ ᐱᓇᓱᖃᑕᐅᓛᕈᒪᒍᓂ ᑐᓴᕐᑕᐅᑎᒋᐊᖃᕐᐳᖅ ᑐᕃᓐᓇᕕᒋᓗᒍ ᓕᐊᓐ ᐅᕙᓂ lmoorhouse@makivvik.ca ᐅᕝᕙᓘᓐᓃᑦ ᓈᓇᓯ ᒍᐁᑦᒧᑦ ᑐᕌᕐᑎᓗᒋᑦ ᐅᕗᖓ nwhite@makivvik.ca.
