ᖃᐅᔨᒪᔭᐅᒋ ᐊᓕᒃ ᑕᒡᒐᓂ ᐊᐱᕐᓱᑕᐅᓂᖓᓂᑦ ᐃᓱᐃᓪᓕᑕᐅᓐᓇᑐᕐᑕᖃᑐᐃᓐᓇᕆ ᐊᖃᕐᒪᑕ ᐃᓱᒪᔮᓕᕐᓇᑐᕐᑕᖃᑐᐃᓐᓇᕆ ᐊᖃᕐᓱᑎᓘᓐᓃᑦ, ᑕᒪᒃᑯ ᐊᓗ ᓄᐃᑦᓯᑐᐃᓐᓇᕆ ᐊᖃᕐᓱᑎᒃ ᖁ ᐊᕐᓵᓇᕐᑐᑰᕐᓂᕕᓂᕐᓂᒃ ᐃᕐᖃᐅᒪᓂᕐᒥᒃ ᐊᒻᒪᓗ/ᐅᕝᕙᓘᓐᓃᑦ ᐃᓱᐃᑦᑐᓂᒃ ᐃᑉᐱᓂ ᐊᕈᑎᐅᑐᐃᓐᓇᕆ ᐊᖃᕐᓱᑎᒃ
ᐊᐱᕐᓱᑕᕕᓂᖅ ᓗᐃᓴ ᑯᑭ-ᐳᕋᐅᓐ, ᐅᖄᔪᕕᓂᖅ ᑰᑦᔪᐊᕌᐱᒻᒦᓱᓂ ᐁᕆᓕ 8, 2025ᒥ
ᑲᖏᕐᓱᔪᐊᒥ ᓄᕕᒻᐱᕆ 23, 2024ᒥ, ᐊᑯᓂᓂᐊᓗᒃ -ᐅᑕᕐᕿᔭᐅᔪᖅ ᐃᓛᓂᐅᖕᖏᑑᕐᕕᐅᓂᖅ ᓄᓇᕕᒻᒥᐅᑦ ᕿᖕᒦᔭᕐᑕᐅᓂᕕᓂᖏᓐᓄᑦ ᐊᑑᑎᔭᐅᓚᐅᔪᕗᖅ. ᑕᒪᑦᓱᒪ ᑭᖑᓂᐊᒍᑦ, ᑕᕐᕋᓕᒃ ᖃᐅᔨᒋᐊᕐᕕᖃᓯᔪᕕᓂᖅ ᐃᓄᑐᖃᕐᒥᒃ ᓗᐃᓴ ᑯᑭ-ᐳᕋᐅᓐᒥᒃ ᐊᐱᕆᑦᓱᓂᐅᑉ ᐊᐅᓚᔨᔭᖏᓐᓂᒃ ᖃᓄᐃᓕᖓᓯᒪᒻᒪᖔᑦ ᐃᓅᓯᖅ ᐃᓚᒥᑦᑕ ᕿᒧᑦᓯᕈᑎᖏᑦ ᕿᖕᒦᑦ ᑐᖁᕋᕐᑖᓘᓂᖏᑦᑕ ᓯᕗᓂᐊᒍᑦ, ᑌᑦᓱᒪᓂᐅᑎᓪᓗᒍ, ᐊᒻᒪᓗ ᑭᖑᓂᐊᒍᑦ. ᐅᖄᖃᑎᒌᓐᓂᕕᓂᖏᓐᓂᑦ ᐊᓪᓚᓯᒪᔪᑦ ᑖᒃᑯᐊ ᓀᓪᓕᑎᕐᓯᒪᔪᑦ ᐊᓪᓚᒋᐊᑦᓯᐊᑕᐅᓯᒪᑦᓱᑎᓗ (ᐃᓂᓕᐅᕐᓱᒋᑦ ᑐᑭᓯᓇᕐᑎᒋᐊᕐᓱᒋᓗ).
ᑕᕐᕋᓕᒃ: ᐅᓂᒃᑳᕈᓐᓇᖀᑦ ᖃᓄᐃᓕᖓᓯᒪᒻᒪᖔᑦ ᐃᓅᓯᖅ ᑲᓇᑕᐅᑉ ᐳᓖᓯᖏᑦ ᑎᑭᓚᐅᕐᑎᓇᒋᑦ ᕿᖕᒥᓂᓪᓗ ᑐᖁᕃᓚᐅᕐᑎᓇᒋᑦ?
ᓗᐃᓴ ᑯᑭ-ᐳᕋᐅᓐᓂ: ᑲᕙᒪ ᑎᑭᓚᐅᕐᑎᓇᒍ, ᑕᓯᐅᔭᐅᑉ ᓄᓇᖁᑎᖓᓃᑦᓯᒪᕗᒍᑦ. ᓂᕿᖃᑦᓯ ᐊᓯᒪᔪᖅ, ᐳᐃᔨᕙᓪᓗᓂᒃ, ᐃᖃᓗᓐᓂᒃ, ᐃᓚᖓᓂᓗ ᑐᒃᑐᓂᒃ. ᕿᒧᑦᓯᑰᖃᑦᑕᓯᒪᕗᒍᑦ ᐃᓂᒋᓂ ᐊᓕᕐᒥᔭᕗᓐᓅᓱᑕ. ᐊᖓᔪᕐᖄᑲ, ᐊᒥᓱᐃᑦ ᐊᓯᖏᑎᑐᑦ, ᓄᓇᒥᒃ ᐱᓯᒪᔪᓂᒃ ᐃᓅᒍᑎᖃᕐᓯᒪᕗᑦ. ᐃᓅᓕᕐᓂᖁᖓ ᐊᐅᓪᓛᓕᕐᑎᓗᒋᑦ, ᐅᐱᕐᖔᓯᐅᕐᕕᒋᓚᖓᔭᒥᓅᕋᑕᖕᖏᑎᓪᓗᒋᑦ. ᓇᒻᒥᓂᖅ ᐃᓅᒍᓐᓇᓯᒪᕗᒍᑦ. ᕿᓰᑦ ᑕᐅᕐᓰᒍᑎᐅᖃᑦᑕᓯᒪᕗᑦ ᑰᑦᔪ ᐊᕌᐱᑎᒍᑦ ᑌᑲᓂ ᑲᓇᑕᐅᑉ ᐳᓖᓯᖏᑦ ᑖᕙᓃᓕᕆᕐᓯᒪᕗᑦ 1950 ᐊᕐᕌᒍᖏᓐᓂ. ᑭᖑᓂ-ᐊᒍᑦ, ᐅᖃᐅᑎᔭᐅᓯᒪᕗᒍᑦ ᐃᓄᓕᒫᑦ ᑕᑕᕐᓭᒋ ᐊᖃᕐᓂᖏᓐᓂᒃ ᓄᓇᓕᒻᒧᓗ ᓅᑦᑎᓗᑎᒃ. ᐊᒥᓱᐃᑦ ᓅᑦᑎᑌᓕᓯᒪᔪᑦ, ᐃᓚᒃᑲ ᐃᓚᐅᑎᓪᓗᒋᑦ, ᑭᓯ ᐊᓂ ᐊᓯ ᐊᒍᑦ ᐱᕕᑦᓴᖃᕐᓯᒪᖕᖏᓚᖅ. ᓅᑦᑎᓯᒪᕗᒍᑦ ᓯᑕᒪᒐᓚᓐᓂᒃ ᐅᑭᐅᖃᓕᕐᑎᓗᖓ.
ᑕᕐᕋᓕᒃ: ᖃᖓᐅᑎᓪᓗᒍ ᕿᖕᒦᔭᕐᑕᐅᓯᓐᓂᖃᑦ?
ᓗᐃᓴ: ᑰᑦᔪ ᐊᕌᐱᒻᒥ, 1963ᖑᓚᐅᕐᓯᒪᔪᖅ. 13ᓂᒃ ᐅᑭᐅᖃᕐᓱᖓ, 14 ᑖᕆ ᐊᕕᑦᓱᖓ. ᐊᑖᑕᒐ ᐳᐃᔨᓯᐅᕐᑐᕕᓂᐅᑦᓱᓂ ᐅᑎᕐᓱᓂ ᑕᖃᒪᔪᐹᓗᓯᒪᔪᖅ. ᓂᕆᒃᑫᖁᓚᐅᕐᓯᒪᕚᖓ ᕿᖕᒥᓂᒃ. 14ᓂᒃ ᐱᖃᕐᓯᒪᕗᒍᑦ. ᐊᐅᓚᔨᕗᖓ ᖁᑭᕐᕙᓛᓂᒃ ᑐᓵᒋ ᐊᒥᒃ, ᐅᐃᒻᒪᓱᖓ ᕿᖕᒥᓂᒃ ᐃᐱᕐᓯᒋ ᐊᕐᑐᓚᐅᕐᓯᒪᕗᖓ. ᑕᑯᓚᐅᕐᓯᒪᕗᖓ ᖃᓪᓗᓈᒥᒃ ᐊᖑᑎᒥᒃ ᙯᔪᒥᒃ ᐅᕙᑦᑎᓄᑦ ᖁᑭᐅᓯᔭᕐᓱᓂ. ᖃᓪᓗᓈᑎᑑᕈᓐᓇᓚᐅᕐᓯᒪᕋᑕᖕᖏᓚᖓ ᑌᑦᓱᒪᓂ ᐊᑕᐅᓯᕐᒥᒃ ᐅᖃᐅᓯᕐᒥᒃ ᑭᓯ ᐊᓂ ᖃᐅᔨᒪᓯᒪᕗᖓ: “ᐱᔭᕇᕐᑐᖅ.” ᓯᕗᕌᓂ ᓂᑯᕐᕋᓱᖓ ᐅᖃᕐᓱᒍ, ᓴᐳᒻᒥᒐᓱᑦᓱᖓ ᕿᖕᒥᓂᒃ. ᓲᓱᑦᓴᓯᒪᖕᖏᑐᖅ ᐅᕙᓐᓂᒃ. ᐱᖑᑦᓱᓂᖓ ᓄᓇᒧᑦ. ᒪᑭᑦᓱᖓ. ᖁᖁ ᐊᕐᓱᖓ “ ᐊᐅᑲ” ᐃᓄᒃᑎᑐᑦ. ᐱᖑᒋ ᐊᓪᓚᓚᐅᕐᓯᒪᕚᖓ, ᐊᕐᓱᕈᕐᓂᓴᐅᑦᓱᓂ, ᓴᓂᕋᒐᑎᒍᑦ ᐋᓐᓂᓚᐅᕐᓯᒪᕗᖓ. ᐃᒡᒋ ᐊᕋ ᐸᓂᕐᓱᓂ. ᕿ ᐊᒍᓐᓇᓯᒪᖕᖏᑐᖓ; ᖁ ᐊᕐᓵᖓᑦᓱᖓ. ᖁᑭᕐᓂᓱᓂ ᕿᖕᒥᓕᒫᓂᒃ, ᓴᐳᒻᒥᒐᓱᑦᑕᕋᓂᒃ ᐊᓪᓛᑦ ᓯᕗᓕᕐᑎᒥᒃ ᕿᖕᒥᒥᒃ.
ᐅᑎᓯᓚᐅᕐᓯᒪᕗᖓ ᐃᓪᓗᒧᑦ. ᐊᑖᑕᒐ ᕿᐱᑦᓯᒪᓯᒪᔪᖅ. ᓅᕐᖃᔭᕐᓯᒪᖕᖏᑐᖅ. ᐃᓅᑦᓴᒪᖔᓪᓗᓃᑦ ᖃᐅᔨᒪᓯᒪᖕᖏᓚᖓ. ᐅᖃᐅᑎᓯᒪᔭᕋ ᕿᖕᒥᓕᒫᑦ ᖁᑭᕐᑕᐅᒋ-ᐊᖏᓐᓂᒃ. ᐊᑐᓂ ᐊᑦᓯᓯᒪᔭᕗᑦ, ᐊᑎᖏᑦ ᕿᖕᒦᑦ ᑌᑦᓱᒋᑦ. ᐊᓈᓇᒐᓄᑦ ᓄᕐᖃᖁᔭᐅᓯᒪᕗᖓ. ᓯᓚᓕ ᐊᓯᓚᐅᕐᓯᒪᕗᖓ ᐃᓘᓐᓇᑎᒃ ᓯᕐᓕᕿᖕᖏᑲᓗ ᐊᕐᒪᖔᑕ ᑕᑯᓂ ᐊᕐᓱᖓ. ᑕᑯᑦᓱᖓ ᐊᓯᖏᑦ ᐃᓚᒌᑦ ᕿᖕᒥᖏᑦ ᖁᑭᕐᑕᐅᓂᕐᒥᔪᓂᒃ. ᐊᒃᑲᒐ/ ᐊᖓᒐ ᕿᖕᒥᒥᓂᒃ ᓄᑦᓱᒐᓱᑦᓯᒪᔪᖅ ᓯᓈᓄᑦ, ᐃᓪᓗᒥᑦᑕ ᓴᓂ ᐊᓂ ᖁᑭᕐᑕᐅᖁᔨᒐᓂ. ᖁᑭᕐᑕᐅᔪᐃᓐᓇᐅᓯᒪᒻᒥᔪᑦ. ᐊᒥᓱᓂᒃ ᐅᓪᓗᓂᒃ, ᓂᐯᑦᑑᓯᒪᕗᒍᑦ. ᖃᐅᔨᒪᓯᒪᖕᖏᑐᒍᑦ ᖃᓄᖅ ᐊᓐᓇᐅᒪᓂ ᐊᓕᕐᒪᖔᑦᑕ.
ᑌᑦᓱᒪᓂᑕᒐ ᓱᓇᓕᒫᑦ ᐊᓯᑦᔨᓚᐅᕐᓯᒪᔪᑦ. ᑎᑭᐅᑎᓯᒪᕗᒍᑦ ᖃᓄᐃᓕᖓᒍᓯᕐᒧᑦ ᑐᑭᓯᒪᖕᖏᑕᕗᓐᓄᑦ. ᐱ ᐊᕃᑦ ᑎᒍᔭᐅᓯᒪᕗᑦ ᐃᓕᓐᓂ ᐊᕕᒻᒨᑕᐅᑦᓱᑎᒃ. ᐊᖓᔪᕐᖄᖏᑦ ᐊᓯᐅᔨᓯᒪᔪᑦ ᖃᓄᐃᓘᕈᓯᕐᒥᓂᒃ ᐃᓄᐃᓪᓗ ᐃᒥ ᐊᓗᒋ-ᐊᖕᖓᓯᑦᓱᑎᒃ. ᐊᑖᑕᒐ ᐃᓪᓕᒦᑦᓯᒪᔪᖅ ᐊᒥᓱᓂᒃ ᐅᓪᓗᓂᒃ, ᑭᑦᓴᓂᕐᒦᓚᕆᑦᓱᓂ. ᑕᒐ, ᐊᑐᓂ ᐊᑎᖏᑦ ᕿᖕᒦᑦ ᐃᓄᒃᑎᑐᑦ ᐊᓪᓚᓚᐅᕐᓯᒪᔭᒃᑲ ᐊᓪᓚᕕᑦᓴᒧᑦ, ᐅᖃᐅᑎᑦᓱᒍ ᐊᑖᑕᒐ, “ᐃᓗᕕᓚᐅᕐᓚᕘᑦ.” ᑌᑲᓂ ᐊᑖᑕᒐ ᓅᒍᓐᓇᓯᒋ ᐊᓪᓚᓯᒪᔪᖅ.
ᑕᕐᕋᓕᒃ: ᕿᖕᒦᑦ ᐊᑎᖏᑦ ᐃᓗᕕᕐᓯᒪᔭᑎᑦ?
ᓗᐃᓴ: ᐋ ᐊ. ᐃᓗᕕᕐᓯᕕᒻᒨᓱᑕ ᐊᓪᓚᕕᑦᓴᖅ ᐃᓕᑦᓱᒍ. ᐊᑦᓱᓀᕐᓯᒪᔭᕗᑦ. ᐅᖃᐅᑎᓯᒪᔭᕋ, ᕿᒧᑦᓯᖃᓚᐅᕐᓯᒪᓂ ᐊᕈᓐᓀᖁᒍᑦ ᓚᑦᓱᒍ. ᐃᓅᓯᖅ ᐊᓯᑦᔨᓯᒪᓕᕐᑐᖅ.” ᑭᖑᓂ ᐊᒍᑦ, ᓅᓯᒪᔪᖅ. ᐅᖃᕐᓱᓂ, ᑕᒫᓂᕐᖃᔦᕋᒪ. ᓄᓇᓕ ᐊᓯᕗᖓ.” ᐱᓇᓱᑦᑎᐅᓯᓚᐅᕐᓯᒪᔪᖅ ᓄᓇᒥ ᐊᒥᓱᓂᓗ ᑕᕐᕿᓂᒃ ᐊᐅᓪᓚᓯᒪᑦᓱᓂ. ᐊᓈᓇᒐ ᐃᓄᑑᑦᔨᓱᓂ ᐱᕈᕐᓭᓯᒪᔪᖅ ᐱ ᐊᕋᕐᓂᒃ.
ᑕᕐᕋᓕᒃ: ᕿ ᐊᓯᒪᕖᑦ ᕿᖕᒦᑦ ᑐᖁᑕᐅᒌᕐᑎᓗᒋᑦ?
ᓗᐃᓴ: ᑕᒐᑕᒐᑦᓴᐅᑎᒋᐅᖕᖏᑐᖅ. ᐃᑉᐱᓂ ᐊᕐᓂᑲ ᐃᑉᐱᒋᕋᑕᕐᓯᒪᖏᓪᓚᑲ. ᑭᓯ ᐊᓂ ᐅᓪᓗᐃᑦ ᐃᓚᖓᓂ, ᐊᓈᓇᒐᓄᑦ ᐊᓄᓐᓂᒃ ᐁᑦᓯᖁᔭᐅᓯᒪᕗᖓ. ᑭᓗ ᐊᕐᑎᓱᒋᑦ ᑭᓗᖏᑦ, ᖁᑭᐅᑎᖃᐅᑎᓕᐅᕐᓱᓂ ᑖᒃᑯᓇᖕᖓᑦ. ᑭᓗᐃᔦᑎᓪᓗᓄᒃ, ᑐᓴᕐᓯᒪᔭᕋ ᓂᐱᑭᑦᑑᓱᓂ ᕿ ᐊᑎᓪᓗᒍ ᖃᓂᖓ ᐸᑐᒻᒥᓯᒪᑦᓱᓂ ᐃᖕᖏᒐᓚᐅᔭᑦᑎᓗᒍ. ᐃᕿᑦᓱᒍ ᑌᑲᓂᑕᒐ ᑕᒪᕗᒃ ᕿ ᐊᓯᓕᑌᓐᓇᓚᐅᕐᓯᒪᕗᒍᒃ. ᓯᕗᓪᓕᐹᒥ.
ᑕᕐᕋᓕᒃ: ᖃᓄᐃᓕᔭᐅᓐᓂᖃᑦ ᕿᖕᒥᕕᓂᓕᒫᑦ?
ᓗᐃᓴ: ᓯᓈᓄᕐᑕᐅᓚᐅᕐᓯᒪᔪᑦ ᐃᑯ ᐊᓪᓚᑕᐅᑦᓱᑎᓗ. ᐊᕙᑎᑦ ᑕᓪᓕᒪᑦ ᓕᕐᕿᑖᖑᓯᒪᔪᐃᑦ. ᒪᒣᑦᑐ ᐊᓂᐅᓯᒪᔪᖅ. ᐅᓪᓗᖓᓂ ᓄ ᐊᑕᐅᒪᓕᕐᑎᓗᒋᑦ ᕿᖕᒥᓕᒫᑦ ᐃᑯ ᐊᓪᓚᑕᐅᑦᓱᑎᓗ, ᐃᑯ ᐊᓪᓓᔫᔮᕐᓯᒪᔪᒍᑦ ᐃᓗᕐᕈᓯᓕᒫᑦᑎᓂᒃ, ᐃᓄᐃᓪᓗ ᓇᓗᓲᖑᕗᑦ ᓱᒐᒥ ᐋᓐᓂᓯᒪᓪᓗᑐᕐᒪᖔᑦᑕ. ᑭᖑᓂᐊ ᒍᑦ, ᐃᒥᐊ ᓗᒻᒥᒃ ᑕᑯᖃᑦᑕᓯᓯᒪᕗᒍᑦ, ᐹᔪᓂᒃ, ᐱᓗᑲᑦᑐᓂᓗ ᓄᓇᓕᑦᑎᓂ, ᑕᑯᓚᐅᕐᓯᒪᖕᖏᑕᑦᑎᓂ ᓄᓇᒥᐅᖑᑦᓱᑕ. ᐅᑉᐱᓂᖅ ᑎᑭᓯᓚᐅᕐᓯᒪᒻᒥᔪᖅ, ᐅᖃᐅᑎᔭᐅᑦᓱᑕ ᐃᓄᑦᓯ-ᐊᖑᖕᖏᓂᕋᕐᑕᐅᓱᑕ. ᓇᒻᒥᓂᖅ ᑕᑯᓐᓇᖃᑦᑕᓯᒪᕗᒍᑦ ᓲᖑᔫᓂᑦᑎᓂᒃ, ᐱᒍᓐᓇᓂᑦᑎᓂᒃ, ᐅᑉᐱᕈᓯᕐᓂᒃ ᐅᑉᐱᕆᔭᖃᕐᓂᒥᒃ. ᑕᒪᓐᓇ ᑎᒍᔭᐅᓯᒪᔪᖅ. ᑕᑯᖃᑦᑕᓯᑦᓱᑕ ᓯᓐᓇᓂᕐᒥᒃ, ᓴᕝᕓᓂᕐᓂᒃ ᐱᔮᕐᓱᓂᕐᒥᓗ. ᑖᕐᑐᒥᑦᓯᒪᕗᒍᑦ.
ᑕᕐᕋᓕᒃ: ᐃᓛᓂᐅᖕᖏᑑᕐᑕᐅᓂᕐᒥ ᐁᓯᒪᓚᐅᔪᒐᕕᑦ ᓄᕕᒻᐱᕆᒥ. ᐱᐅᔫᓂᖃᓚᐅᔪᕚ ᐃᓕᓐᓄ?
ᓗᐃᓴ: ᐅᒃᑯ ᐊᓯᓂᐅᓯᒪᖕᖏᑐᖅ, ᐃᑲᔪᕐᓯᒪᕆᒐᓗ ᐊᕐᓱᓂ ᐅᕙᓐᓂᒃ ᐊᒥᓱᓂᒃ ᓴᒃᑯᐃᒍᑎᒋᑦᓱᒍ; ᐊᑖᑕᒐ ᕿᖕᒦᓗ. ᐃᓛᓂᐅᖕᖏᑑᕐᑕᐅᓂᖅ ᑐᑭᓯᒍᑎᐅᒐᓚᑦᓯᒪᔪᖅ, ᑭᓯ ᐊᓂ ᐋᓐᓂᓯᒪᓂᖅ ᑲᔪᓯᖏᓐᓇᑐᖅ. ᐊᑐᓂ ᕿᖕᒦᑦ ᖃᓄᐃᓘᕈᓯᑦᓴᖃᕐᓯᒪᔪᑦ, ᐃᓄᐃᑦ ᐱᐅᓯᖏᑎᒍᑦ ᓲᖑᒻᒪᑕ. ᕿᖕᒥᖃᕐᓯᒪᕗᒍᑦ ᖃᐅᔨᒪᔪᓂᒃ ᐊᑦᑕᓇᕐᑐᒥᒃ, ᐃᓚᖏᑦ ᓯᕗᓕᕐᑎᐅᓱᑎᒃ ᐱᕐᓯᑐᒥ, ᐃᓚᖏᑦ ᐱᓇᓱᑦᑎᐅᓱᑎᒃ. ᐃᓚᖏᑦ ᐃᓕᓐᓂ-ᐊᑎᑕᐅᓯᒪᔪᑦ ᐹᒍᓐᓇᓂᐊ ᕐᓗᑎᒃ ᐊ ᒪᕈᕐᓂᒃ ᓇᓄᕐᓂᓗ. ᐆᒪᔪᑐᐃᓐᓇᐅᓯᒪᖕᖏᓚᑦ ᐃᓕᓐᓂ ᐊᑎᖃᑦᑕᓯᒪᔭᒃᑲᑦ ᓂᕆᒃᑲᓱᒋᑦ. ᐅᕙᓐᓂᒃ ᐅᐱᒋᔭᖃᕐᓯᒪᔪᐃᑦ.
ᑕᕐᕋᓕᒃ: ᓱᓇᓂᒃ ᖃᐅᔨᒪᖁᔭᑎᑦ ᐃᓄᐃᑦ ᐃᓅᓱᓐᓂᓭᑦ ᐊᑑᑎᔭᕕᓂᕐᓂᒃ ᖃᓄᕐᓗ ᐃᓄᐃᑦ ᓯᕗᒧ ᐊᒋ ᐊᕈᓐᓇᖃᑦ?
ᓗᐃᓴ: ᑭᖕᒥᓄᑦ ᐃᓅᒍᓐᓇᓯᒪᕗᒍᑦ. ᐊᑕᐅᓯᐅᒐᓗ ᐊᕐᐸᑦ ᒪᕐᕉᒍᓗ ᐊᕐᐸᑏᓪᓗᓐᓃᒃ ᕿᖕᒦᒃ ᐃᓄᐃᑦ ᐃᑲᔪᕐᑎᖃᕐᓯᒪᕗᑦ ᐊᑦᔭᓯᑎᑦᓱᒋᑦ ᓱᓇᒐᓚᓐᓂᒃ. ᒫᓐᓇᓕ ᐃᕙᒃᑲᒥ ᓱᑲᓕᐅᑎᓂᖏᓐᓂ, ᑕᑯᓲᖑᕗᖓ ᕿᖕᒥᓂᒃ, ᐊ ᑦᔨᐅᖏᑦᑐᐃᑦ ᑭᓯᐊ ᓂ. ᑖᒃᑯ ᐊ ᕿᖕᒥᑦ ᓱᑲᓕᐅᑎᒍᑏᑦ, ᐱᓇᓱ ᐊᕐᑎᐅᒐᑎᒃ ᕿᖕᒥᒋᓯᒪᔭᕗᑦᑎᑐᑦ. ᐊᓕ-ᐊᓱᑦᑐᖓ ᐱᐅᓯᑐᖃᖅ ᐅᑎᕐᐸᓕ ᐊᒻᒪᑦ ᐊᑦᔨᐅᖏᑦᑑᒐᓗ ᐊᕐᑎᓗᒍ. ᒪᙯᑦᓱᑎᒃ ᕿᒧᑦᓯᑯᑦ, ᓄᓪᓚᖓᓇᕐᑐᖅ. ᓱᕐᕙᖃᕋᓂ, ᐊᓂᕐᑎᕆᕙᓪᓛᖏᑦ ᑭᓯ ᐊᓂ ᕿᖕᒦᑦ. ᐱᑐᒍᑎᒋᑦᓱᒍ ᓯᓚᕐᔪ ᐊᒧᑦ.
ᐱᐅᓯᕆᓯᒪᔭᑦᑎᓄᑦ ᐅᑎᓚᐅᕐᓯᒪᓂ ᐊᖕᖏᓚᒍᑦ, ᑭᓯ ᐊᓂ ᐃᕐᖃᐅᒪᒍᓐᓇᖁᒍᑦ. ᕿᖕᒥᑐᐃᓐᓀᑦ ᓲᖑᔫᓯᒪᔪᑦ, ᐃᓱᒪᑕᐅᑦᓱᑎᒃ. ᒫᓐᓇᓕ, ᕿᖕᒦᑦ ᒥᑭᓂᕐᓴᐅᓕᕐᑐᑦ, ᐅ ᐊᕈᑎᒌᑦᓱᑎᓗ. ᑌᑦᓱᒪᓂ, ᐊᑕᐅᓯᕐᒥᒃ ᐆᒪᔪᖁᑎᖃᕐᑎᑕᐅᒍᓐᓇᓯᒪᕗᒍᑦ. ᐊᓯᓕᒫᖏᑦ ᕿᖕᒦᑦ ᐱᓇᓱᑦᑎᒋᔭᐅᓯᒪᔪᑦ. ᐊᒫᕐᐸᓱᑕ ᕿᖕᒥ ᐊᕋᕐᓂᒃ, ᐱᖕᖑ-ᐊᖃᑎᒋᑦᓱᒋᑦ ᓴᐳᒻᒥᓱᒋᓗ.
ᑕᕐᕋᓕᒃ: ᐃᓱᒪᒋᔭᑎᒍᑦ ᖃᓄᐃᓘᕆ ᐊᓪᓚᑐᑦᓴᐅᕙᑦ ᐃᑲᔪᕐᓯᒋ-ᐊᓪᓚᕈᑎᑦᓴᓄᑦ ᓭᒻᒪᖃᑎᒌᓐᓂᒧᑦ ᒪᒥᓴᕐᓂᒧᓗ?
ᓗᐃᓴ: ᑮᓇᐅᔭᖅ ᒪᒥᑎᑦᓯᒍᑎᐅᖕᖏᑐᖅ. ᓄᖑᑦᓴᐅᑎᒋᓲᖅ. ᒪᒥᓴᑦᓯ ᐊᓂᖅ ᐱᓯᒪᒋ ᐊᓕᒃ ᐅᖄᒍᑎᖃᕐᓂᒥ, ᐅᖃᐅᓯᖕᖑᑎᑦᓯᓂᕐᒥᒃ ᐊᑑᑎᓯᒪᔭᕗᓐᓂᒃ. ᐊᑐᓂ ᓄᓇᓖᑦ ᐱᓇᓱ ᐊᕈᓯᓕᒫᒥ ᐊᓂ ᐊᑦᓯᑎᑕᐅᔪᑦᓴᐅᕗᑦ, ᐅᖄᒍᑎᖃᕐᓗᑎᒃ ᓯᕗᓂ-ᐊᒍᑦ ᐊᑑᑎᓯᒪᔪᓂᒃ. ᐅᖄᓂᖃᕐᑎᓗᖓ ᑲᕙᒪᐅᑉ ᓵᖓᓂ ᑲᖏᕐᓱᔪ ᐊᒦᑦᓱᑕ (ᐃᓚᒋᔭᐅᑦᓱᓂ ᐃᓛᓂᐅᖕᑑᑐᕐᓂᒧᑦ), ᐱᒋ ᐊᕐᓂᑐᐃᓐᓇᐅᓯᒪᔪᖅ. ᐱᕕᑦᓴᖃᕆ-ᐊᓪᓚᕆ ᐊᖃᕐᖁᒍᑦ ᑌᒣᑦᑐᓂᒃ. ᐃᓄᑑᑦᔨᒐᑦᑕ ᑕᒪᒃᑯᓂᖓ ᐊᑯᓂᐅᓗ ᐊᕐᑐᖅ.
ᑕᕐᕋᓕᒃ: ᐃᑉᐱᒋᔭᖃᕐᖀᑦ ᒪᒥᑦᓯᒪᓕᕐᓂᓂᒃ?
ᓗᐃᓴ: ᓚᕆᖕᖏᑐᖅ. ᐃᓚᖏᓐᓂᒃ ᓴᒃᑯᐃᓯᒪᓕᕐᖁᖓ ᐅᖄᒍᑎᒋᑦᓱᒋᑦ. ᑭᓯ ᐊᓂ ᒪᒥᓴᕐᓂᓂᒃ ᐊᑑᑎᒍᒪᔪᕕᓂᐅᓇᕐᑐᖅ ᐊᑑᑎᕐᖃᒥᐅᑎᓪᓗᒋᑦ ᑕᒪᒃᑯᐊ ᒫᓐᓇᓂᑕᐅᖏᓐᓇᑎᓪᓗᒋᑦ. ᒫᓐᓇᓕ, ᐱᔭᕇᕐᓯᒪᓕᕐᑐᖅ. ᐱ ᐊᕋᐅᓯᒪᕗᒍᑦ. ᑌᒃᑯ-ᐊᓗ ᕿᖕᒦᔭᕐᑕᐅᔪᕕᓃᑦ, ᐅᖄᒍᑎᖃᕐᓯᒪᕋᑕᖕᖏᓚᑦ, ᐊᖑᑏᑦ ᐱᓗ ᐊᕐᑐᒥᒃ ᐃᓗᒻᒦᑐᐃᓐᓇᖏᓐᓇᒪᑕ. ᓴᒃᑯᐃᓂᖅ, ᒥᑭᔫᒐᓗ ᐊᕐᐸᑦ, ᕿᓚᒍᑦᔮᕆᓂᐅᔮᕐᑐᖅ ᐃᓕᓐᓃᑐᒥᒃ ᕿᓚᑦᓯᒪᔪᒥᒃ.
ᑕᕐᕋᓕᒃ: ᐱᓇᓱᖃᑎᖃᖏᓐᓇᓕᒫᓲᖑᖓᕕᑦ ᐃᓅᓱᑦᑐᓂᒃ. ᓯᕗᓂᑦᓯ ᐊᒥᒃ ᓂᕆᐅᒋᔭᖃᕐᕿᑦ?
ᓗᐃᓴ: ᐋ ᐊ, ᐃᓅᓱᑦᑐᓂᒃ ᐃᓕᒍᒪᔪᓂᒃ ᐱᑕᓕᒃ. ᓱᑲᓕᐅᑎᖃᑎᐅᒍᒪᔪᓂᒃ ᕿᖕᒥᓂᒃ ᐱᕈᕐᓭᒍᒪᑦᓱᑎᓗ. ᑭᓯ ᐊᓂ ᖃᐅᔨᒪᒋ ᐊᓖᑦ ᐱᔭᕆ ᐊᑐᔫᓂᖓᓂᒃ. ᑐᓂᒪᑦᓯ ᐊᕆ ᐊᖃᕐᒪᑕ ᑲᒪᒋᖏᓐᓇᓕᒫᕐᓗᒋᑦ. ᐅᑭᐅᒥᑐᐃᓐᓇᐅᖏᑦᑐᖅ. ᕿᖕᒦᑦ ᐊᕐᕌᒍᓕᒫᑎᒍᑦ ᑲᒪᒋᔭᐅᒋ ᐊᖃᕐᒪᑕ.
ᑕᕐᕋᓕᒃ: ᐅᖃᐅᓯᑦᓴᖃᕆ ᐊᓪᓚᖀᑦ?
ᓗᐃᓴ: ᐃᓄᓐᓂᒃ ᐱᑕᓕᒃ ᐅᖄᒍᑎᖃᓚᐅᕐᓯᒪᖕᖏᑐᓂᒃ ᐊᑑᑎᔭᐅᔪᕕᓂᕐᒥᒃ. ᐊᑕᐅᓯᖅ ᐃᓄᑐᖃᖅ ᐊᕐᓇᖅ ᕿᖕᒦᕈᕐᓯᒪᔪᖅ ᕿᔪᑦᑕᓱᓂ ᑰᑉ ᐊᑭ ᐊᓂ. ᑲᓇᑕᐅᑉ ᐳᓖᓯᖏᑦ ᓇᕝᕚᓯᒪᕙᐅᒃ ᑖᕙᓂ ᕿᖕᒥᖏᓗ ᖁᑭᕐᓱᓂᒋᑦ, ᕿᒪᑦᓱᓂᐅᒃ. ᖁ ᐊᕐᓵᖓᓪᓗᑐᕐᓱᓂ ᐅᖄᒍᓐᓇᓯᒪᖕᖏᑐᖅ ᐊᒥᓱᓂᒃ ᐅᓪᓗᓂᒃ. ᐊᓈᓇᒐᓗ ᐳᓛᕆ ᐊᕐᓯᒪᔭᕗᒃ ᐊᓂᕐᕋᓯᒪᓕᕐᑎᓗᒍ. ᑕᑯᓯᒪᖕᖏᑐᖅ ᐅᕙᑦᑎᓂᒃ, ᐅᖓᑎᑦᑎᓂᒃ ᑕᑯᓐᓇᑐᐃᓐᓇᓱᓂ. ᑭᖑᓂᐊ ᒍᑦ ᐅᓂᒃᑳᕈᓐᓇᓯᓯᒪᔪᖅ ᐊ ᑑᑎᓯᒪᔭᒥᓂᒃ. ᑭᓯᐊ ᓂ ᐊᓯᖏᑦ ᓯᒪᕋᑕᖕᖏᑐᑦ. ᐊᑕᐅᓯᖅ ᐅᖃᕆ ᐊᖓ ᐳᐃᒍᕐᑕᕕᓂᕋ: ᓂᑯᕐᕋᓱᖓ ᐊᖑᑎᐅᑉ ᓯᕗᕌᓂ (ᓴᐳᒻᒥᒐᓱᑦᓱᒍ ᓯᕗᓕᕐᑎᖓ ᕿᖕᒥᒃ ᐃᓚᖏᑦᑕ ᕿᒧᑦᓯᒍᑎᖏᓐᓂ) ᑐᖓᓕᖓᓄᑦ, ᓴᒃᑯᒧᑦ ᐅᓕᑲᑦᑕᕋ ᑭᓪᓚᑕᐅᓚᐅᕐᓯᒪᔪᖅ. ᑌᒫᒃ ᖁᑭᑲᓴᑦᓯᒪᕚᖓ. ᖃᐅᔨᒪᓯᒪᖕᖏᑐᖓ ᐅᓐᓄ ᐊᕈᕐᒪᑦ ᑭᓯ ᐊᓂ ᖃᐅᔨᑦᓱᖓ ᐊᓐᓄᕌᒃᑲᓂ ᐲᔦᓕᕋᒪ ᖃᐅᔨᓯᒪᕗᖓ, “ᐃᐃ, ᖁᑭᕐᑕᐅᑲᓴᓐᓂᖁᖓ.” ᑰᑎᒧᑦ ᐱᐅᓕ ᐊᕐᑕᐅᓯᒪᕐᖂᖁᖓ.
ᑕᕐᕋᓕᒃ: ᓇᑯᕐᒦᒃ, ᓗᐃᓵ.
ᓗᐃᓴ: ᓇᑯᕐᒦᒃ ᓈᓚᒐᕕᑦ. ᒪᒥᓴᕐᓂᒦᖏᓐᓇᖁᒍᑦ. ᑭᓯ ᐊᓂ ᐊᓐᓇᓯᒪᕗᒍᑦ. ᐊᐅᓚᔨᕗᒍᑦ.
ᑕᕐᕋᓕᒃ ᐊᑐ ᐊᒐᑦᓴᖑᖁᔨᕗᖅ ᐊᓯᖏᓐᓂᒃ ᐃᓄᑐᙯᑦ ᐊᐅᓚᔨᔭᖏᓐᓂᒃ ᕿᖕᒦᔭᕐᑕᐅᓂᕕᓂᕐᓂ ᐊᑑᑎᔭᕕᓂᕐᓂ ᓄᓇᕕᒻᒥ. ᐊᓪᓚᕕᖃᕆᑦᓯ ᐅᕗᖓ magazine@makivvik.ca.
