ᓂᕆᓚᐅᕐᓇᒍ ᖃᐅᔨᓴᕐᑕᐅᑎᕐᖄᖃᑦᑕᓗᒍ
1992-ᒥᓂᑦ, ᓄᓇᕕᒻᒥ ᖁᒻᒥᑌᓕᒋ ᐊᖃᕐᓂᒧᑦ ᐱᓇᓱ ᐊᕐᑕᐅᔪᑦ ᐊᐅᓚᑕᐅᓂᖃᕐᓯᒪᕗᑦ ᒪᑭᕝᕕᑯᑦ ᓄᓇᕕᒻᒥ ᖃᐅᔨᓴᕐᕕᖓᓂ.
ᖁᒻᒥᓲᒍᕗᑦ ᓄᓇᕕᒻᒥ ᒥᑭᒐᕐᑐᑐᕕᓂᐅᑐ ᐊᕋᒥᒃ ᐁᕕᕕᓂᕐᒥᒃ ᖃᓂᒻᒪᕈ ᑎᒋᑦᓱᒍ ᐆᓇᓯᑦᓱᓂ, ᓈᖕᖑᓕᕐᓱᓂ, ᐊᓇᑭᑕᑐᐃᓐᓇᕆ ᐊᖃᕐᓱᓂ (ᐃᑎᑦᑕᓯᑐᐃᓐᓇᕆ ᐊᖃᕐᓱᓂ) ᒥᕆ ᐊᑎᒋᑐᐃᓐᓇᕆ ᐊᖃᕐᓱᓂ, ᐅᕕᓂᒃᑯᑦ ᐅᖏᓚᖃᑦᑕᓕᕐᓱᓂ, ᑮᓇᒃᑯᑦ ᐳᓪᓕᓕᕐᓱᓂ ᓴᓐᓂᖃᑦᑕᓕᕐᓱᓂᓗ. ᐅᓪᓗᐃᑦ ᖁᓖᑦ ᓈᑉᐸᑕ ᖁᓕᓪᓗ ᓯᑕᒪᓪᓗᐃᓘᓐᓃᑦ ᓈᕐᐸᑕ ᑖᒃᑯᓂᖓ ᒪᓗᓐᓇᐅᑎᖃᕐᐸᓕ-ᐊᓯᒐᔭᕐᑐᖅ ᐅᓪᓗᐃᑦ ᐱᖓᓱᑦ ᓈᑎᓪᓗᒋᑦ ᒪᓗᓐᓇᓯᒍᓐᓇᒥᑦᓱᓂ ᐅᓪᓗᐃᓘᓐᓃᑦ ᐊᕙᑎᑦ ᖁᓕᓪᓗ ᓈᑎᓪᓗᒋᑦ ᓂᕆᔪᕕᓂᐅᓗᓂ ᖁᒻᒥᓇᕐᑐᑕᓕᒻᒥᒃ.
ᓄᓇᕕᒻᒥ ᖁᒻᒥᑌᓕᒋ ᐊᖃᕐᓂᒧᑦ ᐱᓇᓱ ᐊᕐᑕᐅᔪᑎᒍᑦ ᐅᒥ ᐊᓕᑦᑕᖅ ᑲᕙᒫᐱᒃᑯᓗ ᐊᑕᐅᑦᓯᑰᕐᑎᓯᔨᖓ ᖁᒻᒥᑌᓕᒋ ᐊᖃᕐᓂᒧᑦ ᐱᓇᓱ-ᐊᕐᑕᐅᔪᓂᒃ ᓇᓗᓀᒃᑯᓰᑦᓯ ᐊᕆ ᐊᖃᕐᐳᑦ ᐱᓚᑦᑕᐅᓯᒪᔪᒥᒃ ᐁᕕᕕᓂᕐᒥᒃ ᖃᐅᔨᓴᕋᑦᓴᑖᒍᓚᖓᔪᓂᒃ, ᐅᖃᓕᒫᖓᓂᓪᓗ ( ᐊᑕᕕᒐᓚᖓᓂᒃ). ᖃᐅᔨᓴᕋᑦᓭᑦ ᓂᓪᓕᒪᔪᖃᐅᑎᒦᑦᑎᓗᒋᑦ ᓂᓚᑦᑕᓕᒻᒥ ᓯᕗᓪᓕᐹᒧᑦ ᖃᖓᑦᑕᔫᒧᑦ ᑰᑦᔪ ᐊᓕ-ᐊᓚᖓᔪᒧᑦ ᐅᓯᔭᐅᒋ ᐊᓖᑦ, ᓄᓇᕕᒻᒥ ᖃᐅᔨᓴᕐᕕᒃ ᑰᑦᔪ ᐊᒦᒻᒪᑦ.
ᓇᓗᓀᒃᑯᓯᕐᑕᐅᓯᒪᑦᓯ ᐊᕆ ᐊᓖᑦ ᓂᕆᔭᐅᑎᑕᐅᑦᑌᓕᑦᓯ ᐊᓗᑎᓪᓗ ᐁᕕᕕᓃᑦ ᖃᐅᔨᓴᕐᑕᐅᒌᖕᖏᓂᓕᒫᒥᓂ ᓄᓇᕕᒻᒥᐅᑦ ᐊᑦᑕᓇᕐᓯᖁᓇᒋᑦ ᖁᒻᒥᓇᕐᑐᒧᑦ, ᐅᑯ ᐊᑕᒐ ᑐᑭᒧ ᐊᒍᑎᑦᓭᑦ ᖁᒻᒥᑌᓕᒋ ᐊᖃᕐᓂᒧᑦ.
ᑐᑭᒧᐊᒍᑎᑦᓭᑦ ᑲᕙᒫᐱᒃᑯᓄᑦ ᑲᒪᖃᑕᐅᔪᓄᑦ
ᑐᓴᕐᑎᓯᒍᑎ
ᑖᒃᑯᐊ ᑐᑭᒧᐊᒍᑎᑦᓴᓕᐊᕕᓃᑦ ᒪᙯᑦᑏᑦ ᐃᑲᔪᕐᓯᔭᐅᕕᖏᓐᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐊᐅᓚᑕᖏᓐᓂ, ᓄᓇᕕᒻᒥ ᖃᐅᔨᓴᕐᕕᒥ ᒪᑭᕝᕕᑯᑦ ᐊᐅᓚᑕᖓᓂ ᓄᓇᕕᒻᒥᓗ ᐃᓗᓯᓕᕆᓂᕐᒧᑦ ᑲᑎᒪᔩᑦ ᐊᓪᓚᕕᖓᓂ ᓇᐅᓕᒫᑦ ᖃᓄᐃᖕᖏᓯᐊᕐᑐᓴᐅᓂᖏᓐᓄᑦ. ᐃᑲᔪᕐᓯᒍᑎᑦᓴᐅᓱᑎᒃ ᓄᓇᕕᒻᒥ ᑲᕙᒫᐱᒃᑯᓂᒃ ᐁᕕᕕᓃᑦ ᖁᒻᒥᓇᕐᑐᑕᖃᖁᓇᒋᑦ ᒥᑭᒐᕐᑐᑐᖃᖃᑦᑕᓂᐊᕐᐸᑦ.
1) ᓇᓗᓀᒃᑯᓯᕐᑐᐃᓂᖅ
ᓱᒨᑦ ? ᖃᐅᔨᒍᒪᒧᑦ ᓇᐅᒃᑯᑦ ᖁᒻᒥᓇᕐᑐᑕᖃᕐᒪᖔᑦ ᐁᕕᕕᓂᖅ ᖃᐅᔨᓴᕐᑕᕕᓂᐅᓗᓂ ᐃᓚᖓ ᖁᒻᒥᓇᕐᑐᑕᖃᕐᑐᕕᓂᐅᑉᐸᑦ. ᓇᓗᓀᒃᑯᓯᕐᑐᑕᐅᓯᒪᑦᓯᐊᖏᑐ ᐊᕈᑎᒃ, ᖃᐅᔨᓴᕐᑕᐅᒍᓐᓇᖏᑦᑐᑦ.
ᖃᓅᖅ ? ᓂᕿᑐᐃᓐᓇᒥᒃ ᑲᐳᕈᑎᒧᑦ (ᓄᓇᕕᒻᒥ ᖃᐅᔨᓴᕐᕕᒥᑦ ᐱᔭᐅᒍᓐᓇᑐᑦ) ᓇᓗᓀᒃᑯᓯᖃᑦᑕᓗᒋᑦ ᓂᕿᑐᐃᓐᓀᑦ ᓇᓪᓗᓯᒪᔪᑦ, ᐆᒻᒪᑎᖓᓗ ᑎᖑᖓᓗ (ᐆᑦᑐᕋᐅᑎᒐ, 25ᒍᑉᐸᑕ ᓇᑲᑎᕐᑕᐅᓯᒪᓂᖏᑦ, 25ᓂᒃ ᓇᓗᓀᒃᑯᑕᑦᓴᖃᕆᐊᓖᑦ). ᐴᑦ ᐊᑐᓂ ᓇᓗᓀᒃᑯᑕᕐᑕᓖᑦ ᐃᓗᐃᑦᑐᒧᑦ ᐁᕕᕐᒧᑦ ᓈᒻᒪᑐᓂᒃ. ᐴᖓ ᓄᓇᓕᐅᑉ ᓇᓪᓕᐊᓂᑦ ᐱᓯᒪᒻᒪᖔᑦ ᐊᓪᓚᓯᒪᔪᕐᑕᖃᕆᐊᓕᒃ, ᐁᕕᕕᓂᐅᓪᓗ ᑭᑎᑦᔪᑎᖓᓂᒃ ᐴᕐᓯᒪᔫᓪᓗ ᑭᑎᑦᔪᑎᖓᓂᒃ ᖃᖓᓗ ᐁᕝᕙᑕᐅᓐᓂᒪᖔᑦ (ᐊᕐᕌᒍᖓ/ᑕᕐᕿᖓ). ᐁᕝᕙᑕᕕᓂᖅ ᑐᓴᕐᑎᓯᒍᑎᓕᐅᕈᑎᒋᓗᒍ ᐊᓪᓚᕕᒋᓗᒍᓗ ᖃᑦᓯᐅᓂᕐᒪᖔᑕ ᐊᓐᓂᑐᕐᑕᕕᓃᑦ, ᐊᖑᑕᐅᒻᒪᖔᑦ ᐊᕐᓇᐅᒪᖔᑦ ᐅᑭᐅᖏᓪᓗ ᖃᑦᓯᐅᒪᖔᑕᓗ ᓇᓪᓗᓯᒪᔪᑦ. ᓇᓗᓀᒃᑯᓯᕐᑐᐃᒍᑎᐅᓯᒪᔪᖅ ᐊᓯᐊᓂᒃ ᓂᕿᒥᒃ ᓇᓗᓀᒃᑯᓯᕐᑐᐃᒍᑎᒋᖃᑦᑕᕈᓐᓀᓗᒍ. ᐊᑐᕐᑕᐅᒣᑦᑐᐃᑦ ᓇᓗᓀᒃᑯᑌᑦ ᐃᒋᖃᑦᑕᓗᒋᑦ ᓇᓗᓕᕈᑕᐅᓂᐊᖕᖏᒪᑕ.
ᑭᓇᒃᑯᑦ ? ᐅᒥᐊᓕᑦᑕᖅ ᐊᑕᐅᑦᓯᑰᕐᑎᓯᔨᓗ ᖁᒻᒥᑌᓕᒋᐊᖃᕐᓂᒧᑦ ᐱᓇᓱᐊᕐᑕᐅᔪᓂᒃ ᑲᒪᒋᔭᑦᓴᓖᑦ ᐁᕕᕕᓂᓕᒫᑉ ᓇᓗᓀᒃᑯᓯᕐᑕᐅᓯᐊᕆᐊᖃᕐᓂᖓᓂᒃ. ᐊᑕᐅᑦᓯᑰᕐᑎᓯᔨ ᖁᒻᒥᑌᓕᒋᐊᖃᕐᓂᒧᑦ ᐱᓇᓱᐊᕐᑕᐅᔪᓂᒃ ᒪᙯᑦᑎᐅᓱᓂ ᑎᒃᑯᐊᑕᐅᓯᒪᔪᖅ ᑲᕙᒫᐱᒃᑯᓄᑦ ᐊᑕᐅᑦᓯᑰᕐᑎᓯᔨᐅᓚᖓᓗᓂ ᑲᔪᓯᑎᑦᓯᔨᐅᓗᓂᓗ ᐱᓇᓱᐊᕐᑕᐅᔪᓂᒃ. ᓄᓇᕕᒻᒥ ᖃᐅᔨᓴᕐᕕᒥ ᐱᒋᐅᕐᓴᑎᑕᐅᓂᖃᓲᖅ ᐊᑕᐅᑦᓯᑰᕐᑎᓯᔨ ᖁᒻᒥᑌᓕᒋᐊᖃᕐᓂᒧᑦ ᐱᓇᓱᐊᕐᑕᐅᔪᓂᒃ ᖃᓄᖅ ᑲᔪᓯᑎᑦᓯᒍᓐᓇᒪᖔᑦ ᐱᓇᓱᐊᕐᑕᐅᔪᓂᒃ.
2) ᖃᐅᔨᓴᕋᑦᓴᓂᒃ ᑲᑎᕐᓱᐃᓂᖅ
ᓱᒨᑦ ? ᐁᕕᕕᓂᖅ ᖁᒪᕐᑕᖃᑐᐊᕋᒥ ᓄᑭᖏᑦᑕ ᐃᓚᖏᑦ ᐱᑕᖃᕐᓂᐸᐅᓲᑦ. ᐁᕕᕕᓂᐅᑉ ᐅᖃᖓ ᖁᒪᕐᑕᖃᕐᓂᐸᐅᓲᖅ. ᐅᖃᖓ ᖃᐅᔨᓴᕐᑕᐅᒋᐊᖃᓲᖅ ᐁᕕᕕᓂᓕᒫᑉ ᖁᒪᕐᑕᖃᖕᖏᓂᖓᓂᒃ ᖃᐅᔨᒍᑕᐅᓚᖓᑦᓱᓂ.
ᖃᓅᖅ ? ᐅᖃᓕᒫᖓ (ᐊᑕᕕᒐᓚᖓ) ᑎᒍᓗᒍ. ᐴᕐᓗᒍ ᓇᓗᓀᒃᑯᑕᓕᒻᒧᑦ. ᐴᖓ ᓄᓇᓕᐅᑉ ᓇᓪᓕᐊᓂᑦ ᐱᓯᒪᒻᒪᖔᑦ ᐊᓪᓚᓯᒪᔪᕐᑕᖃᕆᐊᓕᒃ, ᐁᕕᕕᓂᐅᓪᓗ ᑭᑎᑦᔪᑎᖓᓂᒃ ᖃᖓᓗ ᐁᕝᕙᑕᐅᓐᓂᒪᖔᑦ (ᐊᕐᕌᒍᖓ/ᑕᕐᕿᖓ).
ᑭᓇᒃᑯᓅᑦ ? ᐊᑕᐅᑦᓯᑰᕐᑎᓯᔨᒧᑦ ᖁᒻᒥᑌᓕᒋᐊᖃᕐᓂᒧᑦ ᐱᓇᓱᐊᕐᑕᐅᔪᓂᒃ ᒪᙯᑦᑎᒧᓪᓘᓃᑦ ᐱᒋᐅᕐᓴᔭᐅᓯᒪᔪᒧᑦ ᐊᑕᐅᑦᓯᑰᕐᑎᓯᔨᒧᑦ ᖁᒻᒥᑌᓕᒋᐊᖃᕐᓂᒧᑦ ᐱᓇᓱᐊᕐᑕᐅᔪᓂᒃ.
3) ᐱᐅᓕᐊᕐᑕᐅᓂᖏᑦ ᖃᐅᔨᓴᕋᑦᓭᑦ
ᖃᐅᔨᓴᕋᑦᓭᑦ ᓂᓪᓕᒪᔪᒦᒋᐊᓖᑦ (24° C) ᐅᒥᐊᕐᒥ. ᓄᓇᓕᒻᒥᓗ, ᖃᐅᔨᓴᕋᑦᓭᑦ ᓂᓪᓕᒪᔪᖃᐅᑎᒦᑦᑎᑕᐅᓗᑎᒃ, ᓂᓚᒻᒦᓗᑎᒃ, ᖃᐅᔨᓴᕐᕕᒧᑦ ᐊᐅᓪᓚᑎᑕᐅᓚᐅᕋᑎᒃ.
4) ᐊᐅᓪᓚᑎᑕᐅᓂᖏ
ᐊᑕᐅᑦᓯᑰᕐᑎᓯᔨ ᖁᒻᒥᑌᓕᒋᐊᖃᕐᓂᒧᑦ ᐱᓇᓱᐊᕐᑕᐅᔪᓂᒃ ᐃᑉᐱᒋᔭᖃᕆᐊᓕᒃ ᖃᐅᔨᓴᕋᑦᓭᑦ ᐊᐅᓪᓚᑎᑕᐅᒋᐊᖃᕐᓂᖏᓐᓂᒃ ᓂᓚᓕᒻᒥ ᓂᓪᓕᒪᔪᖃᐅᑎᒦᓪᓗᑎᒃ ᓯᕗᓪᓕᐹᑦᓯᐊᒧᑦ ᖃᖓᑦᑕᔫᒧᑦ ᑰᑦᔪᐊᓕᐊᓯᔪᒧᑦ ᐅᓯᔭᐅᓚᖓᑎᓪᓗᒋᑦ, ᓄᓇᕕᒻᒥ ᖃᐅᔨᓴᕐᕕᒧᑦ ᑐᕌᕐᑎᓗᒋ ᐅᕗᖓ:
Nunavik Research Centre P.O. Box 179
Kuujjuaq, Quebec.
J0M lC0
ᓄᓇᕕᒻᒥ ᖃᐅᔨᓴᕐᕕᒥ ᐱᓇᓱᑦᑏᑦ ᖃᐅᔨᑎᓗᒋᑦ ᖃᐅᔨᓴᕐᑕᐅᔪᑦᓭᑦ ᑎᑭᑎᑕᐅᓛᕐᓂᖏᓐᓂᒃ, ᖃᐅᔨᑎᓗᒋᑦ ᓱᑲᑦᑐᑰᕐᑎᓯᒍᑎᒃᑯᑦ (8199642230) ᐅᖄᓚᕕᒋᓗᒋᓪᓘᓃᑦ (8199642951), ᖃᖓᑦᑕᔫᒃᑰᕈᑎᖏᑦᑕ ᑭᑎᑦᔪᑎᖓᓂᒃ ᖃᐅᔨᑎᓗᒋᑦ ᑭᑎᑦᔪᑎᖏᓐᓂᓗ ᐅᓯᔭᐅᒍᑎᖏᑦᑕ.
5) ᓂᕆᔭᐅᑦᑌᓕᑫᓐᓇᕆᐊᖃᕐᓂᖏᑦ
ᓱᒨᑦ ? ᓂᕆᔭᐅᑦᑌᓕᑫᓐᓇᕆᒋᐊᖃᓲᖅ ᖁᒻᒥᓇᕐᑐᑕᖃᑐᐃᓐᓇᕆᐊᓕᒻᒥᒃ ᐁᕕᕕᓂᕐᒥᒃ ᓂᕆᔭᐅᖁᔨᖕᖏᓇᑦᑕ. ᐸᔪᒍᑕᐅᓐᓂᐸᑦ ᐁᕕᕕᓂᖅ ᖃᐅᔨᓴᕐᑕᐅᒍᑎᕕᓂᖏᑦ ᐱᔭᐅᓚᐅᕐᑎᓇᒋᑦ ᖁᒻᒥᓇᕐᑐᑕᓕᒃ ᓇᕝᕚᑕᐅᒍᓐᓇᖏᑐᐃᓐᓇᕆᐊᖃᕐᒪᑦ.
ᖃᓅᖅ ? ᐸᔪᒍᑎᒋᑦᑌᓕᑦᓯᐊᓗᒍ ᐁᕕᕕᓂᖅ ᓇᒧᓪᓘᓃᑦ ᑎᓕᔭᐅᖕᖏᓂᓕᒫᕐᓂ ᓄᓇᓕᒻᒥ ᓯᕗᓕᕐᑎᒧᑦ ᐅᕝᕙᓘᓐᓃᑦ ᐊᑕᐅᑦᓯᑰᕐᑎᓯᔨᒧᑦ ᖁᒻᒥᑌᓕᒋᐊᖃᕐᓂᒧᑦ ᐱᓇᓱᐊᕐᑕᐅᔪᓂᒃ. ᐁᕕᕕᓂᖅ ᓂᓪᓕᒪᔪᒦᒋᐊᓕᒃ ᐊᑕᐅᑦᓯᑰᕐᑎᓯᔨ ᖁᒻᒥᑌᓕᒋᐊᖃᕐᓂᒧᑦ ᐱᓇᓱᐊᕐᑕᐅᔪᓂᒃ ᑐᓴᕐᑎᑕᐅᖕᖏᓂᓕᒫᖓᓂ ᖃᐅᔨᓴᐅᑎᕕᓂᕐᓂᒃ. ᐊᑕᐅᑦᓯᑰᕐᑎᓯᔨ ᖁᒻᒥᑌᓕᒋᐊᖃᕐᓂᒧᑦ ᐱᓇᓱᐊᕐᑕᐅᔪᓂᒃ ᑐᓴᕐᑎᑕᐅᒐᔭᕐᑐᖅ ᑎᑭᑎᑕᕕᓂᐅᓗᑎᒃ 48 ᐃᑲᐅᕐᓃᑦ ᓈᓚᐅᕐᑎᓇᒋᑦ ᖃᐅᔨᓴᕋᑦᓭᑦ ᓄᓇᕕᒻᒥ ᖃᐅᔨᓴᕐᕕᒧᑦ.
ᓄᓇᕕᒻᒥ ᖃᐅᔨᓴᕐᕕᒥ ᐱᓇᓱᑦᑏᑦ ᑐᓴᕐᑎᓯᒐᔭᕐᑐᑦ ᖃᐅᔨᓴᐅᑎᕕᓂᕐᓂᒃ ᑐᕃᓐᓇᕕᖃᕐᓗᑎᒃ ᓇᐅᓕᒫᑦ ᖃᓄᐃᖕᖏᓯᐊᕐᑐᓴᐅᓂᖏᓐᓄᑦ ᐊᓪᓚᕕᒻᒥ ᐱᓇᓱᑦᑎᓂᒃ, ᑐᓴᕐᑎᓯᑦᓴᐅᑎᒋᓂᐊᓕᕐᒪᑕ ᓄᓇᓕᒻᒥ ᓯᕗᓕᕐᑎᒥᒃ ᐊᑕᐅᑦᓯᑰᕐᑎᓯᔨᒥᓪᓗ ᖁᒻᒥᑌᓕᒋᐊᖃᕐᓂᒧᑦ ᐱᓇᓱᐊᕐᑕᐅᔪᓂᒃ. ᖃᐅᔨᓴᐅᑎᕕᓃᑦ ᒪᓕᓪᓗᒋᑦ, ᓇᐅᓕᒫᑦ ᖃᓄᐃᖕᖏᓯᐊᕐᑐᓴᐅᓂᖏᓐᓄᑦ ᐊᓪᓚᕕᒻᒥ ᐱᓇᓱᑦᑏᑦ ᐅᓐᓂᑑᑦᔨᓂᐊᓕᕐᒪᑕ ᖃᓄᖅ ᐁᕕᕕᓂᖅ ᓂᕆᔭᐅᔪᑦᓴᐅᒪᖔᑦ ᐊᑦᑕᓇᕐᓯᒍᑕᐅᓂᐅᔭᕈᓐᓀᓗᓂ.
