ᑯᕆᒃᑯ ᓯᕗᓕᕐᑎᖓ ᒫᓐᑎ ᑲᓪ-ᒫᔅᑎ ᓵᓚᓕᒃ ᑲᕙᒪᑐᖃᒃᑯᑦ ᓂᕈᐊᕐᓂᖓᓂ
ᐊᓪᓚᑐᖅ ᓯᑎᕙᓐ ᕿᓐᑎᕆ
ᑲᕙᒪᓕᕆᔪᓂᒃ ᑕᑯᓐᓇᕆᐊᒥᒃ ᐊᓕᐊᒋᔭᓖᑦ ᐸᑉᑯᐊᓐᓂᒃ ᓄᖒᑦᓯᑲᓴᓚᐅᕐᖁᑦ ᑕᑯᓐᓇᓱᑎᒃ ᑲᕙᒪᒋᓐᓂᒃ ᑲᓇᑕᐅᑉ ᐊᒥᐊᕆᑲᒥᓗ ᑕᕐᕿᓂᒃ ᐱᖓᓲᔪᕐᑐᓂᒃ ᐊᑯᓐᓂᖏᓐᓂ ᓄᕕᒻᐱᕆ 2024 ᐊᒻᒪᓗ ᒣ 2025. ᓂᕈᐊᕐᑕᐅᓂᕕᓂᖓ ᑖᓄᓪ ᑐᕋᒻ ᐊᖓᔪᕐᖄᕈᕐᓱᓂ ᐊᒥᐊᕆᑲᓄᑦ, ᐃᓚᐅᑎᓪᓗᒋᒃ ᐅᖃᑲᑦᑕᓂᖏᑦ ᑲᓇᑕ ᐊᒥᐊᕆᑲᓄᑦ ᐃᓚᒋᔭᐅᓂᐊᓕᕐᑎᓗᒍ 51-ᒋᔭᐅᓗᓂ ᓄᓇᖁᑎᖏᓐᓂ ᐊᕕᑦᑐᓯᒪᔪᓂ, ᐊᒻᒪᓗ ᐊᑭᑦᑐᕆᐊᕆᓂᕆᓚᐅᕐᑕᖓ ᑲᓇᑕᒥᐅᓄᑦ ᓂᐅᕕᐊᑦᓴᓕᓐᓄᑦ ᓱᕐᕃᓯᒪᕗᖅ ᑲᕙᒪᑐᖃᒃᑯᑎᓐᓂᒃ.
ᕿᑎᖕᖑᒃ 2024ᖑᒋᐊᕕᑦᑎᓗᒍ. Conservative-ᑯᑦ 25ᓗᐊᓂᒃ ᑭᓯᑦᓯᒍᑎᓂᒃ ᓯᕗᓕᕐᓂᖁᑦ Liberals-ᑯᓐᓂᑦ ᑲᓇᑕᒥ. ᕿᑎᕐᖃᖏᓐᓂᒃ ᐅᓄᕐᓂᓴᐅᔪᓂᒃ Conservative-ᑯᑦ ᑲᕙᒪᖕᖑᓂᐊᕐᑑᔮᓕᕐᓱᑎᒃ ᓯᕗᓕᕐᑕᐅᓗᑎ ᐱᐊᕐ ᐳᐊᓕᐊᕝ-ᒧᑦ ᑲᔪᓯᓚᖓᔫᔮᓕᕐᓱᑎᒃ. ᑕᒪᓐᓇ ᐊᓯᑦᔨᓯᒪᔪᖅ ᐱᒋᐊᕐᓂᖓᓂ ᔭᓄᐊᕆ 2025 ᔭᔅᑎᓐ ᑐᕈᑐ ᐅᖃᕐᑎᓗᒍ ᓄᕐᖃᓯᓂᕐᒥᓂᒃ ᔭᓄᐊᕆ 6ᒥ. Liberals-ᑯᑦ ᐱᓇᓱᐊᕈᓯᕐᓂᒃ ᐱᖓᓲᔪᕐᑐᓂᒃ ᓯᕗᓕᕐᑎᐅᓂᕐᒧᑦ ᓂᕈᐊᕐᑕᐅᑎᒐᓱᓐᓂᒦᑦᓱᑎᑦ ᓵᓚᖃᕐᓱᑎᒃ ᑲᕙᒪᐅᑉ ᓯᓚᑖᓂ ᐱᓯᒪᔪᖅ ᓂᕈᐊᕐᑕᐅᑎᒐᓱᑦᑎᓗᒍ ᒫᒃ ᑳᕐᓂ, ᑲᓇᑕᒧᑦ ᐊᖓᔪᕐᖄᑕᕆᔭᐅᑦᓱᓂ ᒫᑦᔨ 14, 2025ᒥ. Trump ᐱᓇᓱᐊᕈᓯᖅ ᓈᓯᒪᓕᕐᑎᓗᒍ ᓂᕈᐊᕐᓂᖃᓛᕐᑎᓗᒍ ᐅᖃᕐᓱᓂ ᐁᕆᓕ 28, 2025ᒥ, ᐱᓕᐅᑎᓗᐊᖕᖑᐊᓱᑎᒃ ᑭᓇ ᐊᖏᖃᑎᒌᓐᓂᖃᕋᓱᓐᓂᐊᓂᖓᓂᒃ ᑖᓄᓪᑦ ᑐᕋᒻᑉᓗ ᑕᐅᕐᓰᓂᕐᒧᓕᖓᔪᓂᒃ.
ᕿᑎᖕᖑᖅ 2024 ᖑᒋᐊᕕᑦᑎᓗᒍ, Conservatives-ᑯᑦ 25ᓗᐊᓄᑦ ᑭᓯᑦᓯᒍᑎᓄᑦ ᓯᕗᓕᕐᓂᖁᑦ Liberals-ᑯᓂᒃ ᑲᓇᑕᒥ.
ᒫᒃ ᑳᕐᓂ ᓯᕗᓕᕐᑎᕈᕐᖃᒥᐅᑎᓪᓗᒍ, Liberals-ᑯᑦ ᓱᖑᑎᑦᓯᑲᓪᓚᓚᐅᔪᕗᑦ Conservatives-ᑯᓄᑦ, ᑕᑯᓐᓇᑎᓪᓗᒋᑦ 25ᓄᑦ ᓯᕗᓕᕐᑐᕕᓂᐅᑦᓱᑎᒃ ᐊᓯᐅᑐᐃᓐᓇᑐᓂᒃ ᐅᐱᕐᖓᓴᒥ ᓂᕈᐊᕐᓂᖃᕐᑎᓗᒍ. ᓱᕐᕋᑕᐅᒻᒪᕆᓐᓂᖁᖅ ᓄᓇᕕᒻᒧᓕᖓᔪᓂᒃ ᑲᑎᖕᖓᔨᐅᕕᒃ – ᐊᐱᑎᐱ-ᐯ-ᔦᒻᔅ-ᓄᓇᕕᒃ-ᐃᔪ- ᐊᓯᑦᔨᓂᖃᓪᓗᑐᕐᓯᒪᒋᕗᖅ. Bloc Québécois-ᑯᓂᒃ ᑭᒡᒐᑐᕐᑎᖃᕐᓯᒪᔪᒃ ᒪᕐᕉᓂᒃ ᓂᕈᐊᕐᓈᓂᒃ, 2019-ᒥᓂ. ᓯᓪᕕ ᐱᕈᐱ, ᕙᓪ-ᑐᐊᒥ ᑭᒡᒐᑐᕐᑎᑕᐅᓚᐅᕐᑐᖅ ᑲᕙᒪᒥ ᑲᑎᖕᖓᔨᖏᓐᓂ.
ᑭᒡᒐᑐᕐᑎᕈᕐᓱᓂ ᒫᓐ ᑲᓪ-ᒫᔅᑎ, ᐊᖓᔪᕐᖄᖓ ᑲᑎᖕᖓᔨᖏᑦ ᐊᓪᓓᑦ ᑯᔩᑦ (GCC-ᖑᓂᕋᕐᑕᐅᔪᖅ). ᑎᑭᑎᑦᓯᕕᐅᔪᕕᓂᖅ ᐊᓪᓚᑕᕐᕕᑎᒍᑦ 2025ᒥ ᐅᓪᓗᖁᑎᖏᓐᓂᒃ Bloc Québécois ᑭᒡᒐᑐᕐᑎᖓᓄᑦ. “ᓄᓇᖃᕐᖄᓯᔪᓂᒃ ᑭᒡᒐᑐᕐᓂᖃᕐᓂᖏᑦᓚᖅ ᓂᕈᐊᕐᑕᐅᒪᕕᖓᓂᒥᐅᓂᒃ, ᓱᓇᒥ ᓱᓇᒥᑭᐋᖅ ᐱᑦᔪᑎᖃᕐᓱᖓ ᐅᕙᓐᓄᑦ ᑎᑭᐅᑎᓪᓚᕆᓚᐅᔪᖅ,” ᐅᖃᕐᑐᕕᓂᖅ. “ᖁᓖᖓᓂᒃ ᐃᒪᓕᐅᕐᑎᐅᑉ Camel-ᖑᓂᕋᕐᑕᐅᔫᑉ ᓱᒃᑯᐃᓂᔪᕐᑎᑐᑦ ᐱᐅᓯᖃᕐᓂᖁᖅ.” ᐊᓪᓚᓚᕿᑦᓱᓂ Liberals-ᑯᓄᑦ ᐅᖃᐅᑦᔨᓱᓂ ᑭᒡᒐᑐᕐᑎᕈᒍᒪᓂᕐᒥᓂᒃ ᓄᓇᒥᓂ. “ᑭᒡᒐᑐᕐᑎᓯᐊᕈᖔᕐᓱᓂ”
ᐃᓱᒪᒋᑦᓱᒍ ᓱᑲᑦᑐᒥᒃ ᐊᓯᑦᔨᓂᕕᓂᖓ ᑲᕙᒪᖓᓂ ᑲᓇᑕᐅᑉ ᐱᒋᐊᕐᖃᒥᐅᑎᓪᓗᒍ 2025, ᒫᓐᑎ ᑲᓪ-ᒫᔅᑎ ᓂᕆᐅᒋᔭᖃᕐᓯᒪᔪᖅ ᐃᓱᓕᓂᐊᕐᓂᖓᓂᒃ ᓂᕈᐊᕐᑕᐅᒪᕕᖓ GCC-ᖑᓂᕋᕐᑕᐅᔪᒧᑦ ᓂᕈᐊᕐᑕᐅᑎᒐᓱᓪᓗᓂᓗ ᐅᑭᐊᖓᓂ 2025ᒥ. ᑌᒣᓕᖓᖕᖏᑐᖅ. ᐅᐱᕐᖓᓴᒥ ᓱᑲᑦᑐᒥᒃ ᓂᕈᐊᕐᓂᖃᓚᐅᔪᖅ. ᑲᓪ-ᒫᔅᑎ ᓂᕈᐊᕐᑕᐅᑎᒋᐊᓪᓚᒐᓱᓐᓂᖏᑦᑐᖅ ᐊᖓᔪᕐᖄᖑᓂᕐᒧᑦ. ᑭᓯᐊᓂ Liberal-ᑯᑦ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᖓ ᓂᕈᐊᕐᑕᐅᑎᒐᓱᓐᓂᕃᖏᓐᓇᓂᕐᖁ, ᓇᐅᓕᒫᓄᑦ ᖃᐅᔨᔭᐅᑦᓱᓂᑕᒐ. GCC-ᑯᑦ ᓂᕈᐊᕐᑕᐅᑎᒋᐊᓪᓚᒐᓱᖁᔨᒻᒪᕆᓐᓂᖁᑦ, ᐅᓪᓗᓂᒃ ᐱᖓᓱᓂᒃ ᑲᑎᖕᖓᓂᖃᕆᕐᑎᓗᒋᑦ ᑐᑭᑖᕈᑎᒥᒃ ᐊᓂᒍᕐᑎᓯᓐᓂᖁᑦ ᓴᐳᑦᔨᓂᕃᑦᓱᑎᒃ ᑖᑦᓱᒥᖓ.
ᓄᓇᓕᒃ ᐊᓂᕐᕋᖓ ᒐᔅᒐᓂᐱ. ᑰᑦᔪᐊᕌᐱᒻᒥᐅᖑᓯᒪᔪᖅ ᐊᖑᑎᖓᓗ!” ᐊᓂᕐᕋᖃᕐᓱᑎᓗ ᓯᐳᑲᒧ-ᒥ. ᐃᔪᕐᓵᑐᖅ, “ᖁᓕᐅᖕᖏᒐᕐᑐᖂᕐᑐᓂᒃ ᐊᐅᓪᓚᑲᑦᑕᓱᖓ ᓂᕈᒥᐊᒐᕐᒥᒃ ᐊᑐᖏᓐᓇᓕᒫᕐᓱᖓ!”
ᑕᑯᓐᓇᓱᑕ ᓄᓇᕕᒻᒥᑐᒍᑦ, ᒪᑭᕝᕕᑯᒃ ᐊᖓᔪᕐᖃᖓ ᐱᑕ ᐋᑕᒥ ᓴᐳᑦᔨᔪᖅ ᑲᓪ-ᒫᔅᑎ ᓂᕈᐊᕐᑕᐅᑎᒐᓱᓐᓂᖓᓂᒃ, ᓄᐃᑕᑦᓯᐊᑐᒥᒃ ᓄᓇᕕᒻᒥᐅᓂᒃ ᓂᕈᐊᖁᔨᑦᓱᓂ ᐁᕆᓕ 28, 2015ᒥ ᑲᕙᒪᑐᖃᒃᑯᑦ ᓂᕈᐊᕐᓂᖃᕐᑎᓗᒋᑦ. ᑲᑎᓯᔪᕕᓂᖅ ᓂᕈᐊᕐᑕᐅᑎᒐᓱᑦᑎᓗᒍ ᓄᓇᕕᓕᐊᕐᑎᓗᒍ ᑰᑦᔪᐊᒧᑦ. “ᐅᓪᓛᕈᒥᑕᖃᑎᒋᑦᓱᒍ ᕿᑎᕋᓕᒥ ᓂᕆᖃᑎᒋᓚᐅᔭᕋ. ᑐᖁᑕᐅᕕᐊᑉ ᐱᓇᓱᐊᕈᓯᖓᐅᓚᐅᔪᖅ. ᑖᓐᓇᑑᓚᐅᔪᖅ ᐅᕙᑦᑎᓂᒃ ᐅᖄᕕᖃᕐᓱᓂ ᐊᐱᕆᑦᓱᓂᓗ ᑭᖕᖒᒪᒋᔭᕗᑦ ᓱᓇᐅᒻᒪᖔᑕ,” ᐅᖃᕐᑐᕕᓂᖅ ᐱᑕ. ᐊᑦᔨᐸᓱᒌᓂᒃ ᐱᓀᓗᑕᓂᒃ ᐊᑑᑎᒐᑦᑕ ᐊᓪᓓᓗ ᑯᔩᑦ, ᐱᓇᓱᖃᑎᒋᖃᑦᑕᓯᒪᒻᒥᔭᕋ ᓯᕗᓂᐊᒍᑦ, ᖃᐅᔨᒐᓱᑦᓱᑕ ᓇᒻᒥᓂᖅ ᑭᒡᒐᑐᕐᑎᑖᕈᓐᓇᒪᖔᕐᑕ ᐃᓄᓐᓄᓕᖓᔪᒥᒃ, ᐊᓪᓚᓄᑦ ᑯᔩᓄᑦ, ᓇᔅᑳᐱᒃᑯᓄᓗ.”
ᓂᕈᐊᕐᓇᐅᑉ ᐅᓪᓗᖓᓂ, ᒫᓐᑎ ᑲ-ᒫᔅᑎ ᓵᓚᖃᕐᓂᖁᖅ 2,400 ᐅᖔᑕᓄᑦ ᓂᕈᐊᕐᑕᐅᓂᖓ ᐅᓄᕐᓂᓴᐅᑦᓱᑎᒃ ᑐᖓᓕᐊᓄᑦ ᓂᕈᐊᕐᑕᐅᑎᒐᓱᑦᑐᒧᑦ ᓯᓪᕕ ᐱᕈᐱ-ᒧᑦ. ᓈᒻᒪᓴᖕᖏᓂᖃᕐᓂᖁᑦ ᓄᓇᕕᒻᒥ ᐃᓚᖏᑦ ᓂᕈᐊᕐᑎᓯᔩᑦ ᑲᓇᑕᒥ ᓂᕈᐊᕐᓂᖓᓂ ᐊᓂᑲᐱᓐᓂᒪᑕ ᐃᓚᖏᓐᓂ ᓄᓇᕕᒻᒥ ᓄᓇᓕᖏᓐᓂᒃ, ᓂᕈᐊᕐᓀᑦ ᐅᒃᑯᐊᕕᒋᒋᐊᓕᖓᐅᓚᐅᕐᑎᓇᒍᑦ ᐅᓐᓄᓴᒃᑯᑦ 9-ᖑᒥ ᐁᕆᓕ ᐊᖓᔪᕐᖄᖓ ᐱᑕ ᐋᑕᒥ ᐊᓪᓚᓂᕐᖁᖅ ᓈᒻᒪᓵᖕᖏᓂᕐᒥᓂᒃ. “ᐃᓚᖏᑦ ᐃᓄᐃᑦ ᓂᕈᐊᕐᓂᖏᒻᒪᑕ ᐊᑑᑎᔪᕕᓂᖅ ᐱᑦᔪᑎᒋᑦᓱᒍ, ᐊᓕᐊᓇᓚᐅᔪᖕᖏᑐᖅ ᑐᓴᕐᓱᓂ ᐊᑦᔨᒋᖕᖏᑐᓂᒃ ᐱᑦᔪᑎᒋᔭᐅᓂᕋᕐᑕᐅᔪᓂᒃ.”
ᓂᕈᐊᕐᑐᓕᕆᔩᑦ ᑲᓇᑕᒥ ᐱᓀᓗᑕᒥᒃ ᐃᓛᓂᐅᖕᖏᑑᕈᑎᖃᕐᓂᖁᑦ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᑎᒍᑦ. ᐊᖓᔪᕐᖄᖓ ᓂᕈᐊᕐᑐᓕᕆᓂᕐᒥ ᓯᑎᕙᓐ ᐱᕈ ᐅᖃᕐᑐᕕᓂᖅ, “ᐃᓛᓂᐅᖕᖏᑑᓪᓚᕆᕐᖁᖓ ᐃᓚᖏᑦ ᓂᕈᐊᕐᑏᑦ ᓄᓇᕕᒻᒥ ᓂᕈᐊᕈᓐᓇᓯᓐᓂᖏᒻᒪᑕ. ᑖᒃᑯᓄᖓ, ᐃᓛᓂᐅᖕᖏᑑᕐᖁᖓ.” ᐅᖃᕐᑕᖏᑦ ᐃᒣᓗᕐᓂᖁᑦ, “ᓂᕈᐊᕐᓂᓕᕆᔩᑦ ᑲᓇᑕᒥ ᕿᒥᕐᕈᓂᐊᕐᖁᑦ ᖃᓄᐃᓕᖓᓂᕕᓂᕐᒥᒃ ᑕᒪᑦᓱᒧᖓ ᑎᑭᐅᑎᓚᕿᔪᒧᑦ, ᖃᓄᐃᓗᕈᑎᐅᓗᑎᓗ ᑕᒡᒐᓂ ᓂᕈᐊᕐᓇᒥ ᐱᐅᓯᐅᒥᑎᑦᓯᒋᐊᕐᓂᒧᑦ ᓂᕈᐊᕐᕕᖏᓐᓂᑦ ᓄᓇᖃᕐᖄᓯᒪᔪᐃᑦ ᓂᕈᐊᕐᑎᖏᓐᓄᑦ. ᑐᓴᕐᑕᐅᑎᑦᓯᓂᐊᕐᖁᒍᑦ ᖃᐅᔨᒍᑎᕕᓂᕐᓂᒃ.”
ᓂᕈᐊᕐᑐᓕᕆᔩᑦ ᑲᓇᑕᒥ ᐱᓀᓗᑕᒥᒃ ᐃᓛᓂᐅᖕᖏᑑᕈᑎᖃᕐᓂᖁᑦ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᑎᒍᑦ. ᐊᖓᔪᕐᖄᖓ ᓂᕈᐊᕐᑐᓕᕆᓂᕐᒥ ᓯᑎᕙᓐ ᐱᕈ ᐅᖃᕐᑐᕕᓂᖅ, “ᐃᓛᓂᐅᖕᖏᑑᓪᓚᕆᕐᖁᖓ ᐃᓚᖏᑦ ᓂᕈᐊᕐᑏᑦ ᓄᓇᕕᒻᒥ ᓂᕈᐊᕈᓐᓇᓯᓐᓂᖏᒻᒪᑕ. ᑖᒃᑯᓄᖓ, ᐃᓛᓂᐅᖕᖏᑑᕐᖁᖓ.” ᐅᖃᕐᑕᖏᑦ ᐃᒣᓗᕐᓂᖁᑦ, “ᓂᕈᐊᕐᓂᓕᕆᔩᑦ ᑲᓇᑕᒥ ᕿᒥᕐᕈᓂᐊᕐᖁᑦ ᖃᓄᐃᓕᖓᓂᕕᓂᕐᒥᒃ ᑕᒪᑦᓱᒧᖓ ᑎᑭᐅᑎᓚᕿᔪᒧᑦ, ᖃᓄᐃᓗᕈᑎᐅᓗᑎᓗ ᑕᒡᒐᓂ ᓂᕈᐊᕐᓇᒥ ᐱᐅᓯᐅᒥᑎᑦᓯᒋᐊᕐᓂᒧᑦ ᓂᕈᐊᕐᕕᖏᓐᓂᑦ ᓄᓇᖃᕐᖄᓯᒪᔪᐃᑦ ᓂᕈᐊᕐᑎᖏᓐᓄᑦ. ᑐᓴᕐᑕᐅᑎᑦᓯᓂᐊᕐᖁᒍᑦ ᖃᐅᔨᒍᑎᕕᓂᕐᓂᒃ.”
ᓂᕈᐊᕐᑕᐅᖃᒻᒥᖅ ᐊᖓᔪᕐᖄᖓ ᑲᓇᑕᐅᑉ ᒫᒃ ᑳᕐᓂ, ᐃᑭᓐᓂᓴᒻᒪᕆᐅᑦᓱᑎᒃ ᑲᑎᖕᖓᔨᓕᒫᖑᔪᓂ ᑲᕙᒪᕈᕐᓂᖁᑦ, ᐅᖃᑦᓴᐅᑎᒋᓐᓂᖁᖅ ᓄᑖᒥᒃ ᑲᕙᒪ-ᑐᖃᒃᑯᓄᑦ ᑲᑎᖕᖓᔨᕈᕐᑐᓂᒃ. ᒫᓐᑎ ᑲᔾ-ᒫᔅᑎ ᐃᓚᐅᓐᓂᖁᖅ ᑖᒃᑯᓄᖓ 28ᓄᑦ ᑭᒡᒐᑐᕐᑎᕈᕐᖃᒥᓄᑦ. ᐊᑑᑎᓚᐅᕐᓯᒪᖕᖏᑐᒥᒃ ᐊᑑᑎᓐᓂᖁᑦ ᐅᓪᓛᖓᓂ ᒣ 13, 2025ᒥ ᑲᓪ-ᒫᔅᑎ ᐊᖏᕐᑎᑕᐅᑎᓪᓗᒍ ᓄᓇᖃᕐᖄᖃᓯᒪᔪᓕᕆᓂᕐᒧᑦ “ᓄᓇᖃᕐᖄᓯᒪᔪᐃᑦ ᐱᒍᑦᔨᒍᑎᖏᓐᓂᑦ ᑲᓇᑕᒥ” ᒥᓂᔅᑕᕈᕐᑎᑕᐅᑦᓱᓂ. ᐅᐱᒍᓱᑦᓱᓂ ᓂᑯᕐᕋᓚᐅᔪᖅ ᓴᓂᓪᓕᖃᕐᓱᓂ ᑲᕙᓇ ᔨᓂᕋᓪᒥᒃ ᒥᐊᕆ ᓭᒪᓐᒥᒃ, ᐊᖓᔪᕐᖄᖓᓂᒃ ᑲᓇᑕᐅᑉ ᒫᒃ ᑳᕐᓂᒥᒃ ᐊᑦᔨᓕᐅᕐᑕᐅᓱᑎᑦ, ᐊᑎᓕᐅᕐᑎᑕᐅᑦᓱᓂ ᐊᖏᕐᓂᕃᒍᑎᒍᑦ ᐊᓪᓚᖁᑎᖏᓐᓂ, ᐃᓚᒋᔭᐅᑦᓱᓂᓗ ᑭᒡᒐᑐᕐᑎᕈᕐᖃᒦᑦ ᐊᑦᔨᓕᐅᕐᑕᐅᑎᓪᓗᒋᑦ ᐊᒥᓱᐃᖑᑦᓱᑎᑦ.
ᑌᑲᓂ ᐅᓐᓄᓴᖓᓂ ᐃᓄᐃᑦ ᑕᐱᕇᑦ ᑲᓇᑕᒥ ᐊᕐᕌᒍᑕᒫᕐᓯᐅᑎᖓᓄᑦ ᐁᓚᐅᔪᖅ ᑌᔭᐅᔪᒧᑦ ᑕᐱᕇᑦ. ᑖᓐᓇ ᑕᑕᑦᓯᐊᓱᓂ ᓱᖃᑦᓯᓂᐅᔪᖅ ᐱᒻᒪᕆᐅᔪᖅ ᐅᖄᖃᑎᒌᕝᕕᓴᑦᓯᐊᖑᑦᓱᓂ ᐃᓄᓐᓄᑦ ᓯᕗᓕᕐᑎᓄᑦ ᐃᓄᐃᑦ ᓄᓇᖓᓂᒥᐅᓄᑦ, ᓂᕈᐊᕐᑕᐅᒪᔪᓂ ᓯᕗᓕᕐᑎᓄᑦ, ᑐᓴᕋᑦᓴᓕᕆᔨᓄᑦ, ᑲᕙᒪᓕᕆᓂᕐᒥ ᑕᑯᓐᓇᑎᓄᑦ, ᐃᓄᐃᑦ ᓄᓇᓕᖏᓐᓂᓗ.
ᐃᓄᐃᑦ ᑕᐱᕇᑦ ᑲᓇᑕᒥᒃᑯᑦ ᐊᖓᔪᕐᖄᖓᑦ ᓇᑕᓐ ᐅᐱᐊᑦ, ᑕᑯᓐᓇᕆᐊᕐᑐᕕᓂᖅ ᑭᒡᒐᑐᕐᑏᑦ ᐊᖏᕐᑎᑕᐅᓂᖏᓐᓂᒃ Rideau Hall-ᒥ ᑌᑦᓱᒪᓂ ᐅᓪᓛᖓᓂ ᐅᖃᕈᑎᖃᓚᐅᔪᖅ ᑲᓪ-ᒫᔅᑎᐅᑉ ᓂᕈᐊᕐᑕᐅᓂᖓ ᑎᒡᒍᐊᑕᐅᓂᖓᓗ ᑲᑎᖕᖓᕕᒻᒧᑦ. “ᐋᑐᒑᓕᐊᕐᓱᓂ ᐱᓇᓱᒋᐊᕐᑐᓱᓂ, ᓄᑖᖑᒐᓗᐊᕐᓱᓂ ᐱᓇᓱᒐᕆᓕᕐᑕᒥᓄᑦ, ᑲᕙᒪᓕᕆᓂᕐᒥᒃ ᐱᓇᓱᒋᐅᖕᖏᓚᖅ, ᐱᓇᓱᒋᐅᕋᓂᓗ ᓄᓇᖃᕐᖄᓯᒪᔪᓂᒃ ᐱᒍᑦᔨᓂᕐᒥᓄᑦ ᑲᕙᒪᓐᓂᐊᓂᕐᓂ.” ᐅᖃᕐᑐᕕᓂᖅ ᐅᐱᐊᑦ. “ᑲᑎᒋᐊᖕᖓᓯᒪᔭᕋ ᑲᑐᓕᒃᑯᑦ ᑐᑦᓯᐊᕕᕐᔪᐊᖓᓂ ᕉᒪᒦᑦᑐᒥ, ᒫᑦᔨ 2022ᒥ. ᐱᓇᓱᖃᑎᒋᓂᐊᕆᐊᖓ ᕿᓚᓈᕐᖁᖓ ᖃᐅᔨᒪᑦᓱᖓ ᑐᕐᖃᑕᕐᕕᐅᓂᖓᓂᒃ ᓲᖑᔪᑦᓯᐊᖑᓗᓂ.”
ᐱᒍᑦᔨᕕᖓ ᐅᓄᕐᓂᐸᐅᖃᑎᐅᔪᓂᒃ ᑲᓇᑕᒥ ᑮᓇᐅᔭᕐᑑᑎᑦᓴᖃᕐᖁᖅ. 2024-2025ᒥ $32 ᐱᓕᐊᓐᒐᓚᐅᓐᓂᖁᑦ, ᐅᓄᕐᓯᒋᐊᕐᓱᑎᑦ $27.7 ᐱᓕᐊᓐᕕᓂᐅᑦᓱᑎᒃ 2023-2024ᒥ. ᓄᐃᑕᕕᓂᖅ 2017ᒥ ᑎᓕᔭᐅᒪᒍᑎᑎᒍᑦ ᐱᒍᑦᔨᕕᖓᓂ ᑲᒪᒋᔭᖃᕆᐊᕐᓱᑎᒃ ᐃᓄᕐᓴᕈᑎᐅᔪᓂᒃ ᐃᓅᖃᑎᒌᓐᓂᑎᒍᑦ-ᑮᓇᐅᔭᓕᕆᓂᕐᑎᒍᓗ, ᐱᒍᓐᓇᓯᑎᑦᓯᓱᑎᑦ ᓄᓇᖃᕐᖄᓯᒪᔪᐃᑦ ᓄᓇᓕᖏᓐᓂᒃ ᐱᒍᑦᔨᒍᓐᓇᓂᐊᕐᒪᑕ ᓇᒻᒥᓂᖅ ᐱᒍᑦᔨᒍᑎᒥᓂᒃ, ᓯᕗᒧᐊᑦᑎᓯᒋᐊᕐᓗᑎᓗ ᓇᒻᒥᓂᖅ-ᑐᑭᑖᕈᓐᓇᓂᕐᒥᒃ.
ᐃᓄᒃᔪᐊᒥ ᒣ 1, 2025. © Miriam Dewar/Makivvik
ᐱᒋᐊᕐᑎᑕᐅᔪᕕᓂᖅ ᑐᕈᑐ ᑲᕙᒪᖓᓄᑦ 2015ᒥ ᐃᓄᐃᑦ ᐊᑕᓂᕐᓗ ᐱᓇᓱᖃᑎᒌᓐᓂᖏᓐᓂᒃ ᑲᑎᖕᖓᔨᖏᑦ (ICPC-ᖑᓂᕋᕐᑕᐅᔪᖅ). ᐳᕐᑐᓂᕐᓴᓂ ᑲᑎᖕᖓᕕᒃ ᑲᓱᕐᑎᓯᑦᓱᓂ ᓂᕈᐊᕐᑕᐅᒪᔪᓂᒃ ᐃᓄᓐᓂᒃ ᓯᕗᓕᕐᑎᖏᓐᓂᒃ ᓯᑕᒪᓂᒃ ᓄᓇᑖᕐᓂᒧᑦ ᐊᖏᖃᑎᒌᒍᑎᓕᓐᓂᒃ ᑎᒥᐅᔪᓂᒃ, ᐃᓄᐃᑦ ᑕᐱᕇᑦ ᖃᓇᑕᒥ, ᐃᓄᐃᑦ ᐅᑭᐅᕐᑕᑐᒥ ᑲᑎᖕᖓᔨᖏᑦ ᑲᓇᑕᒥ, ᐸᐅᒃᑑᑏᑦᓗ. ᑕᓐᓇ ᑲᓲᒪᓂᐅᓲᖅ ᐱᐅᓕᐊᕐᑕᐅᔪᖅ, ᑲᑎᓯᒋᐊᖕᖓᓱᑎᑦ ᐊᖓᔪᕐᖄᖓᓂᒃ ᑲᓇᑕᐅᑉ ᒫᒃ ᑳᕐᓂᒥᒃ ᐃᓅᕕᒻᒥ ᔪᓓ 24, 2025ᒥ. ᑲᑎᖕᖓᓂᕐᒥ ᐊᖑᒻᒪᑎᑎᑦᓯᒋᐊᕐᓂᖁᑦ ᑲᓇᑕᐅᑉ ᖃᓄᐃᓗᕆᐊᕈᑎᑦᓴᖏᓐᓂᒃ ᑲᒪᒋᐊᕐᓗᑎᑦ ᓲᖑᓯᐅᒥᑎᑦᓯᒍᑎᑦᓴᓂᒃ ᓇᒻᒥᓂᖅ ᑮᓇᐅᔭᑎᒍᑦ ᐱᕙᓪᓕᐊᑎᑦᓯᓂᕐᒥᒃ ᒫᓐᓇᐅᑎᓪᓗᒍ ᐊᑑᑎᖃᑦᑕᑐᓂ ᐊᒻᒪᓗ ᑲᕙᒪ ᐊᑦᑕᓇᕐᑐᒦᑦᑎᑕᐅᒐᓱᑦᑎᓗᒋ ᐊᒥᐊᕆᑲᒃᑯᓄᑦ. ᐅᓄᕐᓂᓭᑦ ᐃᓪᓗᓕᐅᕐᓂᓄᑦ ᐱᓇᓱᑦᑕᐅᔪᑦᓴᑦ ᐅᖄᖑᑎᐅᓐᓂᖁᑦ, ᐃᓚᒋᔭᐅᑦᓱᑎᒃ ᑲᓇᑕᒥ ᖃᓄᐃᓗᕈᑎᑦᓴᓕᐊᖑᔪᑦᓴᓄᑦ.
ᐁᑎᑫ-ᑯᑦ ᑐᓴᕋᑦᓴᓂᑦ ᑐᓴᕐᑎᓯᒍᑎᖏᑦ, ᑲᓇᑕᐅᑉ ᐊᖓᔪᕐᖄᖓᓂ ᑳᕐᓂ ᐅᖃᕐᓂᖁᖅ, “ᐅᓪᓗᒥ ICPC-ᑯᑦ ᑲᑎᖕᖓᓂᕆᕐᖃᐅᔭᖓ ᓄᐃᑦᓯᓗᑕ ᑖᒃᑯᐊᖑᑦᓱᑕ ᓯᕗᓂᑦᓴᑎᓐᓂᒃ ᐃᓄᐃᑦ ᓄᓇᖓᓂᓗ ᑮᓇᐅᔭᑎᒍᑦ ᒪᑭᑕᒐᓱᐊᕐᓂᓄᑦ ᑎᑭᐅᑎᒍᓐᓇᕋᔭᕐᑐᓂᒃ. ᐱᓇᓱᖃᑎᒌᓐᓂᑯᑦ, ᐃᓄᐃᑦ ᑲᕙᒪᑐᖃᒃᑯᓗ ᐊᖏᔪᑲᓪᓚᓂᒃ ᐱᓇᓱᐊᕐᑕᐅᔪᑦᓴᓂᒃ ᐱᓇᓱᐊᕐᓂᐊᖁᑦ ᐱᑐᑦᑎᓯᔪᓂᒃ ᐊᓯᑦᔩᒋᐊᕐᓂᐅᔪᓂᓗ ᑮᓇᐅᔭᑎᒍᑦ ᒪᑭᑕᒐᓱᐊᕐᓂᓂᒃ, ᑲᔪᓯᑦᓯᐊᓂᕐᓴᒥᒃ ᐱᕕᑦᓴᓯᐊᓂᓗ, ᓲᖑᓂᕐᓴᐅᓂᐊᕐᒪᑦ ᑲᓇᑕ.”
ᓄᓇᕕᒻᒥ ᐱᑕ ᐋᑕᒥ ᓂᕆᐅᓂᖃᑦᓯᐊᑐᖅ ᐱᒻᒪᕇᑦ ᐱᓀᓗᑌᑦ ᑲᒪᒋᔭᐅᒋ-ᐊᕐᓂᐊᓕᕐᑎᓗᒋᑦ ᒫᓐᓇ ᑭᒡᒐᑐᕐᑎᖓ ᓄᓇᕕᐅᑉ ᑲᑎᖕᖓᔨᐅᖃᑎᐅᒻᒪᑦ, ᑭᓯᐊᓂᓗ ᑐᕐᖃᑕᕐᕕᐅᓱᓂᓘᕐᒪᑦ. “ᓈᓚᒍᓐᓇᓂᐊᕐᑐᒥᒃ ᐱᓀᓗᑕᕗᓐᓂᒃ, ᑐᕐᖃᑕᕐᕕᐅᒐᒥ. ᑕᒐ, ᐅᖃᕐᕕᖃᕈᓐᓇᓂᐊᕐᑐᖅ ᐱᓀᓗᑕᓂᒃ ᐊᑦᔨᒌᖕᖏᑐᓂᒃ, ᐃᓪᓗᓕᕆᓂᐅᐸᑦ, ᐃᓅᒐᓱᐊᕐᓂᒧᑦ ᐊᑭᖏᐅᑉᐸᑕ, ᐅᕝᕙᓗᓐᓃᑦ ᐅᓄᕐᓂᖏᑦ ᑲᑎᖕᖓᕕᒻᒥ ᑲᑎᖕᖓᔨᖏᑦ, ᑲᕙᒪᒥ ᑲᔪᓯᑎᑦᓯᒍᒪᑉᐸᑕ, ᐊᓯᑦᔩᒋᐊᕈᓐᓇᓂᐊᕐᖁᑦ.”
ᐱᖓᓲᔪᕐᑐᐃᑦ ᑕᕐᖀᑦ ᓈᓚᐅᕐᑎᓇᒋᑦ, ᓄᓇᕕᒃ ᑭᒡᖓᑐᕐᑎᖃᕐᓯᒪᔪᖅ ᐃᑦᓯᕙᑐᐃᓐᓇᑐᒥᒃ ᐊᕕᒍᒪᔪᒥᒃ ᑭᒡᒐᑐᕐᑎᖃᕐᓱᑎᒃ ᐃᓄᐃᑦ ᓄᓇᓕᖏᓐᓅᓯᐊᓚᐅᕐᑎᓯᒪᖕᖏᑐᒥᒃ ᐃᓚᐅᔪᖅ ᑲᓇᑕᒥ ᐅᓄᕐᓂᐹᓄᑦ ᑐᖓᓕᕆᔭᐅᔪᖅ ᓂᕈᐊᕐᑕᐅᒪᔪᓂ ᑲᓇᑕᒥ, ᓄᓇᖃᕐᖃᓯᒪᔪᒥᒃ ᑭᒡᒐᑐᕐᑎᑖᕐᓱᑎᒃ ᑲᑎᖕᖓᔨᒻᒪᕆᓄᑦ ᐃᓚᒋᔭᐅᔪᖅ ᑮᓇᐅᔭᕐᑐᕈᑎᑦᓴᑖᕐᓯᒪᔪᒥᒃ $30 ᐱᓕᐊᓐ ᑖᓚᓂᒃ. ᐊᕐᕌᒍᖃᓕᕐᓂᖓᓄᑦ 50ᓂᒃ ᐊᓕᐊᓱᒍᑎᖃᕐᑎᓗᒋᑦ ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓ ᐃᕐᖃᐅᒪᑦᓯᒍᑎᐅᓂᐊᕐᖁᖅ, ᓂᕆᐅᓐᓂᖃᑦᓯᐊᒍᑎᐅᑦᓱᓂ ᓯᕗᒧᐊᓐᓂᓴᖓᓂᒃ ᓄᓇᕕᒃ.
