ᑐᓂᕐᑕᓂᐊᕐᑏᑦ ᖃᐅᔨᓯᒪᕗᑦ 4,000 ᐊᕐᕌᒍᐃᑦ ᐅᖓᑖᓅᕐᑐᓂ ᓄᓇᕕᐅᑉ ᐃᓄᑦᑕᖃᓲᒍᓯᒪᒋᐊᖓᓂᒃ. ᐅᓪᓗᒥᒧᑦ ᐃᓄᐃᑦ ᓄᓇᒥᓃᑦᑐᑦ ᐊᑐᕐᓱᒍᓗ.
1670ᒥ: ᑲᒻᐸᓂᒃᑯᑦ ᐱᖁᔭᕐᑖᑐᕕᓃᑦ ᐊᑕᓂᐊᓗᖓᓂᑦ ᐃᖕᓚᓐᒥᐅᑦ, ᓂᐅᕐᕈᓯᕐᑎᓯᔨᐅᓂᐊᓕᕐᑎᓗᒋᑦ ᓄᓇᑖᕐᑎᓱᒋᓪᓗ, ᐅᔭᕋᕐᓂᐊᕋᑦᓴᓯᐅᕈᓐᓇᓯᑎᑦᓱᒋᓪᓗ ᑕᓯᐅᔭᕐᔪᐊᑉ drainage basin, Rupert’s Land ᓚᔭᐅᔪᒥ. ᓄᓇᓕᑐᙯᑦ ᐱᒍᓐᓇᐅᑎᖏᑦ ᓇᓂᓘᓐᓃᑦ ᐅᖃᕐᑕᐅᓯᒪᖕᖏᑐᑦ. ᓄᓇ ᑲᓇᑕᐅᑉ ᑕᕐᕋᖓᓄᑦ ᑕᕐᕋᒧᑦᓂᒋᕐᒧᓗ ᐊᖏᓕᒋᐊᕐᑕᐅᓕᕐᓂᒥᔪᖅ ᑌᔭᐅᓂᖃᓚᖓᓯᑦᓱᓂ Rupert’s Landᒥᒃ.
1763ᒥ: ᐊᓯᒋᒻᒥᔭᖓ ᐃᖕᓚᓐᒥᐅᑦ ᐊᑕᓂᐊᓗᖓ ᑐᑭᒧᐊᒍᑎᑦᓴᓕᐅᕐᑐᕕᓂᖅ Royal Proclamation-ᒍᓂᕋᕐᑕᒥᒃ, Europeans-ᓄᑦ ᓄᐊᑦ ᐊᒥᐊᔨᑲ ᐃᓐᓄᑕᐅᓚᖓᓕᕐᑎᓗᒍ. ᐃᓐᓄᑕᐅᒍᓐᓇᓂᖕᖏᑐᖅ ᓄᓇᓕᑐᙯᑦ ᓴᒃᑯᓯᖕᖏᓂᖏᓐᓂ ᐱᒍᓐᓇᐅᑎᒥᓂᒃ ᓄᓇᒥ ᐊᖏᖃᑎᖃᓗᑎᒃ ᑲᕙᒪᓂᒃ.
1869ᒥ: ᑲᒻᐸᓂᒃᑯᑦ ᓂᐅᕐᕈᑎᓕᕕᓃᑦ ᓄᓇᒥᒃ Rupert’s Land ᑲᓇᑕᒥᐅᑦ ᑲᕙᒪᖓᓄᑦ $1.5-ᒥᓕᐊᓐᕌᕐᑎᓗᒍ ᐃᓪᓗᓴᓕᐅᕐᕕᓴᒥᓪᓗ ᓄᓇᒥᒃ ᐊᖏᔪᒻᒪᕆᒻᒥᒃ. ᐊᒥᐊᒥᐅᑦ United States ᐊᑭᖃᕐᑎᓯᒍᒪᔪᕕᓃᑦ ᓈᒻᒪᒍᓇᐅᓂᕐᓴᒥᒃ, ᑭᓯᐊᓂ Britishᑯᑦ ᑲᕙᒪᖓ ᑲᒻᐸᓂᒃᑯᓂᒃ ᐱᒡᒐᑕᕋᓱᐊᕐᑐᕕᓃᑦ ᑲᓇᑕᒥᒃ ᑕᕐᕋᒥᒃ ᐃᓐᓄᐃᖔᖁᔨᑦᓱᑎᒃ. ᓂᐅᕐᕈᓯᖃᑦᑕᐅᑎᑦᓱᑎᒃ ᓄᓇᓕᑐᙯᑦ ᐱᒍᓐᓇᐅᑎᖏᑦ ᓂᓪᓕᒍᑕᐅᒋᐊᓪᓚᓂᖕᖏᑐᑦ, ᑲᓇᑕᒥ ᐊᖓᔪᕐᖄᖅ John A. Macdonald ᐅᖃᕐᓯᒪᒻᒪᑦ: ᖃᐅᔨᒪᔭᑐᐊᖃᕐᐳᑦ ᑖᒃᑯᐊ ᐊᔪᕐᓴᑐᑦ ᐃᓄᐃᑦ ᑲᓇᑕᒥᐅᑦ ᓂᐅᕕᕐᑐᕕᓂᐅᓂᖏᓐᓂᒃ ᓄᓇᒥᒃ ᑲᒻᐸᓂᒃᑯᓂᑦ ᓴᐅᒐᕐᑎᑐᓪᓗ ᑐᓂᔭᐅᒍᓗᑐᐃᓐᓇᑐᕕᓂᐅᒋᐊᖅ ᐅᕙᑦᑎᓄᑦ.
1912ᒥ: ᐱᖁᔭᖅ ᐱᑦᔪᑎᓕᒃ ᑯᐯᒃ ᐃᓐᓄᓯᒪᔭᖓᑕ ᐊᖏᓕᒋᐊᕐᑕᐅᓂᖓᓂᒃ ᓄᑦᑎᕆᒍᑕᐅᕗᖅ ᓄᓇᕕᒻᒥᐅᑦ ᐃᓄᐃᑦ ᓄᓇᖓᓂᒃ ᑲᕙᒪᑐᖃᒃᑯᓄᑦ-ᐊᐅᓚᑕᐅᓂᖃᕐᑐᒥᑦ ᓄᓇᑦᓯᐊᒥᑦ ᑯᐯᒃ ᐃᓐᓄᓯᒪᔭᖓᓄᑦ “ᑯᐯᒃᑯᑦ ᐃᓕᑕᕐᓯᓂᐊᕐᐸᑕ ᐱᒍᓐᓇᐅᑎᖏᓐᓂᒃ ᐊᓪᓓᑦ ᑯᐯᒃᒦᑐᑦ” ᐊᒻᒪᓗ “ᒪᓂᑐᐃᓐᓇᕈᑎᖃᓚᖓᑉᐸᑕ ᐱᒍᓐᓇᐅᑎᓂᒃ ᑌᒣᑦᑐᓂᒃ.” ᓄᓇ ᐃᓐᓄᑕᐅᓯᒪᓂᖓ ᓄᑦᑎᑕᕕᓂᐅᒐᓗᐊᕐᒪᑦ ᑲᓇᑕᒥᐅᑦ ᓄᓇᓕᑐᖃᕐᓂᒃ ᑲᒪᔪᑦᓴᓕᐊᕕᓂᐅᕗᑦ. ᐃᕐᖃᑐᐃᕕᑎᒍᑦ ᑐᑭᑖᕈᑎᕕᓂᖅ ᐃᓄᐃᑦ “ᐊᓪᓚᐅᓂᕋᕐᑕᐅᓂᐊᕐᑎᓗᒋᑦ.”
1962ᒥ: ᐊᕐᕌᒍᓂ 50ᓂ ᓱᓇᓱᐊᕐᑐᕕᓂᐅᒐᑎᒃ, ᑯᐯᒃᑯᑦ ᑲᕙᒪᖓ ᑐᑭᑖᓕᕐᓂᖁᑦ ᐊᐅᓚᑦᓯᔨᐅᓂᐊᕐᓂᒥᓂᒃ ᐃᓄᐃᑦ ᓄᓇᖓᓂᒃ. ᑭᓯᐊᓂ ᓱᓇᓱᐊᕐᓂᖃᕐᓂᖏᑦᑐᖅ 1964 ᑎᑭᑦᓱᒍ, ᕆᓃ ᓕᕕᐊᒃ, ᑌᑰᓇ ᑐᕐᖃᑕᕐᕕᐅᓯᒪᔪᖅ ᐱᑦᓴᖑᕐᑐᓴᓕᕆᓂᕐᒧᑦ, ᑎᑭᒋᐊᖕᖓᓕᕐᑐᕕᓂᖅ.
1975ᒥ: ᑯᐯᒃ ᑕᕐᕋᖓᓂ ᐃᓄᐃᑦ ᑲᑐᑦᔨᖃᑎᒌᓐᓂᖓᑕ ᑭᒡᒐᑐᕐᑎᖏᑦ ᔦᒥᓯ ᐯᒥᐅᓪᓗ ᐊᓪᓓᑦ ᑯᔩᒃᑯᑦ ᐊᑎᓕᐅᕐᕕᖃᕐᓂᖁᑦ ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᒥᒃ. ᐱᑦᔪᑎᖃᕐᑎᓗᒍ ᐃᕐᖃᑐᐃᕕᐅᑉ ᓯᓚᑖᒍᑦ ᐃᓂᓪᓚᖃᑎᒌᓐᓂᒥᒃ, ᐊᖏᖃᑎᒌᒐᓱᐊᕈᑕᐅᑦᓱᓂ ᐱᒐᓱᐊᒻᒪᕆᖃᑎᒌᑦᑐᓄᑦ ᑯᐯᒃᑯᑦ ᐃᑯᒪᐅᑎᑦᓴᓕᕆᔨᖏᑦ Hydro Quebec ᐸᕐᓀᕈᑎᖃᕐᑎᓗᒋᑦ ᓯᒥᑦᑐᐃᒍᒪᓂᕐᒥᓂᒃ ᑕᕐᕋᒥ. ᑖᓐᓇ ᓯᕗᓪᓕᐸᐅᓯᒪᔪᖅ ᖃᒻᒥᐅᓂᕐᐹᓄᑦ ᐊᖏᖃᑎᒌᒍᑎᓄᑦ, ᐃᓄᓐᓄᓗ ᐊᓪᓚᓄᓪᓗ ᑯᔩᒃᑯᓄᑦ ᐱᔭᖃᕈᑕᐅᑦᓯᐊᓯᒪᑦᓱᓂ. ᐱᔭᖃᕐᓯᒪᓂᖓᑦ ᐱᓪᓚᕆᐅᒋᐊᓪᓚᓯᒪᔪᖅ ᐊᑎᓕᐅᕐᓂᖃᕐᓯᒪᒻᒪᑕ ᑲᓇᑕᒥ ᐱᖁᔭᒻᒪᕆᐅᑉ, 1982-ᒥ ᓯᕗᓂᖓᒍᑦ, ᑌᑰᓇ ᑲᕙᒣᑦ ᓄᑭᖃᕐᑎᓗᒋᑦ ᓴᒃᑯᓯᑎᑦᓯᒍᓐᓇᓂᕐᒥᒃ ᓄᓇᓕᑐᖃᐅᓂᕋᕈᑎᓂᒃ ᒪᓕᒐᓕᑕᕐᕋᒥ. ᑖᓐᓇ ᓯᕗᓪᓕᐸᐅᓯᒪᔪᖅ ᖃᒻᒥᐅᓂᕐᐹᓄᑦ ᐊᖏᖃᑎᒌᒍᑎᓄᑦ, ᐃᓄᓐᓄᓗ ᐊᓪᓚᓄᓪᓗ ᑯᔩᒃᑯᓄᑦ ᐱᔭᖃᕈᑕᐅᑦᓯᐊᓯᒪᑦᓱᓂ. ᐱᔭᖃᕐᓯᒪᓂᖓᑦ ᐱᓪᓚᕆᐅᒋᐊᓪᓚᓯᒪᔪᖅ ᐊᑎᓕᐅᕐᓂᖃᕐᓯᒪᒻᒪᑕ ᑲᓇᑕᒥ ᐱᖁᔭᒻᒪᕆᐅᑉ, 1982-ᒥ ᓯᕗᓂᖓᒍᑦ, ᑌᑰᓇ ᑲᕙᒣᑦ ᓄᑭᖃᕐᑎᓗᒋᑦ ᓴᒃᑯᓯᑎᑦᓯᒍᓐᓇᓂᕐᒥᒃ ᓄᓇᓕᑐᖃᐅᓂᕋᕈᑎᓂᒃ ᒪᓕᒐᓕᑎᒌᒍᑕᐅᓯᒪᔪᑎᒍᑦ ᒪᓂᒍᑎᖃᑐᐃᓐᓇᑎᑕᐅᓯᒪᔪᓄᑦ ᓄᓇᓕᑐᖃᐅᓂᕐᒥᓂᒃ ᑕᐅᕐᓯᐅᑎᐅᑎᓪᓗᒋᑦ ᐱᒍᓐᓇᐅᑎᖏᑦᑕ ᐊᖏᖃᑎᒌᒍᑕᐅᓂᖓᓄᑦ.
1978ᒥ: ᓄᓇᕕᒻᒥ ᓄᓇᒥᒃ ᑎᒍᒥᐊᕐᑏᑦ ᑲᑐᑦᔨᖃᑎᒌᓐᓂᖓ ᐱᔭᕇᕐᑐᑦ ᓄᓇᒥᒃ ᐃᓐᓄᐃᒍᑎᒥᓂᒃ, ᐃᓚᐅᒻᒥᑎᓪᓗᒍ ᓯᒃᑭᑖᐱᒃ Category Iᒥᒃ ᐊᑦᓯᑕᐅᓯᒪᔪᖅ ᓄᓇ ᐊᐅᓚᑕᐅᓂᖃᕐᑐᖅ ᐃᓄᓐᓄᑦ ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᑎᒍᑦ. ᐅᓪᓗᒥᒧᑦ, ᓄᓇᓕᓕᒫᑦ ᓄᓇᒥᒃ ᑎᒍᒥᐊᕐᑎᖃᕐᐳᑦ, ᐳᕕᕐᓂᑐᕐᒥᐅᑦ ᓄᓇᒥᒃ ᑎᒍᒥᐊᕐᑎᖃᖕᖏᑐᑑᑎᓪᓗᒋᑦ ᐃᓕᑕᕐᓯᓂᖃᕐᓯᒪᖕᖏᓇᒥᒃ ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᒥᒃ.
1982ᒥ: ᐃᓄᐃᑦ ᐱᓇᓱᐊᖃᑕᐅᓪᓚᕆᓕᕐᑐᑦ ᓄᓇᓕᑐᙯᑦ ᐱᒍᓐᓇᐅᑎᖏᑦ ᐊᖏᖃᑎᒌᒍᑎᖏᓪᓗ ᐃᓕᑕᕆᔭᐅᓂᖃᕐᑎᓗᒋᑦ ᓇᓗᓀᕐᑕᐅᓂᖃᕐᑎᓗᒋᓪᓗ ᐅᖃᐅᓯᕐᑕᖏᓐᓂ 35-ᒦᑦᑐᑦ ᓄᑖᓂ ᑲᓇᑕᒥ ᐱᖁᔭᒻᒪᕆᓐᓂ, ᑐᑭᖃᕐᓱᓂ ᐱᒍᓐᓇᐅᑎᖏᑦ ᐱᖁᔭᒻᒪᕆᑎᒍᑦ ᓴᐳᒻᒥᔭᐅᓂᖏᓐᓂᒃ ᐊᑕᐅᓰᑐᐃᓐᓇᓄᓪᓗ ᓄᖑᑎᕐᑕᐅᒍᓐᓇᕋᑎᒃ ᑲᓇᑕᒥᐅᓄᑦ.
1978-2019ᒧᑦ: ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᒃ ᐊᒥᓱᕕᑦᓱᓂ ᐊᓯᑦᔨᒋ ᐊᕐᑕᐅᓕᕐᑐᖅ, ᓄᓇᓕᒻᒥ ᓄᓇᓕᓐᓂ ᐱᓐᓀᓗᑕᐅᕙᑦᑐᑦ ᐱᓪᓗᒋᑦ ᑲᔪᓯᑎᑕᐅᓯᒪᒋ ᐊᓖᓪᓘᓃᑦ ᐋᕐᕿᓱᕐᑕᐅᒐᓱ ᐊᕐᓂᖏᓐᓄᑦ. ᔫᓂ 2019ᒥ, ᒪᑭᕝᕕᑯᑦ ᑲᓇᑕᒥᐅᓪᓗ ᑲᕙᒪᖓ ᐊᑎᓕᐅᕐᕕᖃᕐᓂᖁᑦ ᑐᑭᓯᒪᖃᑎᒌᒍᑎᑦᓴᒥᒃ ᕿᒥᕐᕈᔭᐅ ᒐᔭᕐᓂᖓᓄᑦ ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᐅᑉ. ᐊᖏᖃᑎᒌᒐᓱ ᐊᕈᑕᐅᓂᖏᑦ ᐃᓚᐅᕗᑦ ᓇᒻᒥᓂᖅ ᐊᐅᓚᑦᓯᒍᓐᓇᓯᒍᒪᒧᑦ ᐊᖏᖃ ᑎᒌᒐᓱ ᐊᕐᓂᓄᑦ ᐃᓄᐃᑦ ᓇᒻᒥᓂᖅᑲᕙᒪᑖᕈᒪᓂᕐᒥᒃ ᐱᓇᓱ ᐊᕐᐸᓕᐊᒍᒪᓂᖏᓐᓄᑦ.
