ᒣᑯ ᑯᐋᓐ
ᒥᓯᐊᓪ ᑯᒍᐅᒃ (ᐋᓐᓂᐊᓯᐅᕆᓂᕐᒥ ᑎᒥᐅᑉ ᓴᐴᓗᑕᖏᓐᓄᐊᖓᔪᓕᕆᔨ ᐊᒻᒪᓗ ᑎᒥᐅᑉ ᖁᓄᒋᓕᕐᑕᑕᖏᓐᓂᒃ ᑲᒪᔨ, ᒥᑭᐅᓪ ᐃᓕᓐᓂᐊᕕᕐᔪᐊᒨᓕᖓᔪᖅ ᐋᓐᓂᐊᕕᒃ)
ᓄᐊ ᐳᕈᓲ (ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓ, ᓄᓇᕕᒻᒥ ᖃᐅᔨᓴᕐᕕᒃ)
ᓄᓇᕕᒻᒥ ᐊᕐᕌᒍᑉ ᐃᓗᐊᓂ ᑎᒥᖓᑕ ᐱᔭᑦᓴᔭᕆᖕᖏᑕᖏᑦ
ᐃᕝᕕᓗᑐᖅ ᐃᓄᓪᓗᓃᑦ ᐃᓓᑦ ᐊᕐᕌᒍᑉ ᐃᓗᐊᓂ ᓱᕐᕋᑕᐅᓲᖑᕙ ᑎᒥᖓᑕ ᐱᔭᑦᓴᔭᕆᖕᖏᑕᖓᓄᑦ (ᓄᕙᑦᑐᑎᑐᑦ), ᐃᑉᐱᒍᓱᑦᓯᒪᑐᐃᓐᓇᕆᐊᖃᕐᑐᑎᑦ ᖃᓂᖓ ᑯᒥᑦᑎᓗᒍ, ᐃᒡᒋᐊᖓ ᐅᖏᓚᑦᑐᖅ, ᐅᕝᕙᓗᓐᓃᑦ ᖃᓂᕐᓂ ᑲᑭᓪᓛᑕᑦᓯᔪᒥᒃ ᓂᕆᓚᐅᕐᓱᑎᑉ ᐃᓚᖏᓐᓂᒃ ᐱᕈᕐᑐᔭᓂᒃ, ᐱᕈᕐᑐᔭᓂᒃ ᓰᕐᓇᑐᓂᒃ, ᐅᕝᕙᓗᓐᓃᑦ ᓯᑎᔪᓂᒃ ᓂᕿᑲᓪᓚᓂᒃ ᖃᖁᐊᒐᐅᓂᕋᕐᑕᐅᔪᓂᒃ. ᑕᒪᒃᑯᐊ ᒪᓗᓐᓇᐅᑎᐅᑐᐃᓐᓇᕆᐊᓖᑦ ᑎᒦᑦ ᐱᔭᑦᓴᔭᖃᖕᖏᑑᓂᖓᓂᒃ ᓱᐳᑕᐅᔭᓂᒃ-ᓂᕿᓂᒃ ᐃᓕᑕᕐᓇᐅᑎᖏᑦ (PFAS-ᖑᓂᕋᕐᑕᐅᔪᖅ). PFAS-ᖑᓂᕋᕐᑕᐅᔪᖅ ᓄᐃᓚᕐᓲᖅ ᑎᒥᐅᑉ ᓴᐴᓗᑕᖏᑦ ᓇᓗᓀᕐᓯᑐᐊᕐᒪᑕ ᓱᐳᑎᐅᔪᕆᑦᓯᓱᓂ ᐃᓚᖏᓐᓂᒃ ᓂᕿᓂᒃ ᓱᐳᑎᒦᓱᑦᓴᔭᓂᒃ, ᑲᓱᑐᐊᕐᒪᑕ ᑎᒥᐅᑉ ᐱᔭᑦᓴᔭᕆᖕᖏᑕᖓᓂᒃ ᖃᓄᐃᒍᑎᖏᑦ ᓄᐃᓚᕿᑦᓱᑎᒃ. ᐊᒥᓲᓂᕐᓴᑎᒍᑦ, ᖃᓄᐃᒍᑎᐅᔪᑦ ᑌᒫᕌᓗᖕᖏᓚᑦ, ᑭᓯᐊᓂ ᐊᒥᓲᓪᓗᐊᖏᑦᑐᑎᒍᑦ, ᐱᒻᒪᕆᒍᓐᓇᖁᑦ, ᓱᕐᕋᑕᐅᓪᓚᕆᓗᓂᐊᓪᓛᑦ ᑎᒥᖓ. ᐋᓐᓂᐊᓯᐅᕐᑎᒪᕆᒃ ᒥᓯᐊᓪ ᑯᒐᒃ, ᑎᒥᐅᑉ ᐱᔭᑦᓴᔭᕆᖕᖏᑕᖏᓐᓄᓕᖓᔪᓂᒃ ᐱᓇᓱᑦᑎᒃ ᐊᒻᒪᓗ ᑎᒥᐅᑉ ᓴᐴᓗᑕᖏᓐᓄᓕᖓᔪᓂᒃ ᒥᑭᐊᓪ ᐃᓕᓐᓂᐊᕕᕐᔪᐊᖓᓂ ᐊᓐᓂᐊᕕᒻᒥ, ᓄᓇᕕᒻᒥ ᓄᓇᓕᖏᓐᓄᖃᑦᑕᓯᒪᔪᖅ ᑕᑯᖃᑦᑕᓯᒪᑦᓱᓂ ᐊᒥᓱᓂᒃ ᐋᓐᓂᐊᓯᐅᕐᑕᒥᓂᒃ ᑲᒪᒋᔭᐅᑦᑦᓯᐊᖏᑦᑐᓂᒃ ᐃᐱᓂᐊᕐᓂᖏᓐᓂᒃ ᐊᒻᒪᓗ PFAS-ᖑᓂᕋᕿᑕᐅᔪᒥᒃ ᒪᓗᓐᓇᐅᑎᓕᓐᓂᒃ. ᐃᓚᐅᒋᔭᐅᒻᒥᑎᓪᓗᒋᑦ ᓱᐳᑎᓄᑦ, ᐋᓐᓂᐊᓯᐅᕐᑎᒪᕆᒃ ᑯᐋᓐ ᒪᓗᒍᓱᑦᑐᖅ ᐅᖁᕐᒥᒃ, ᖁᐱᕐᕈᐊᕈᓯᕐᓂᒃ, ᐊᓯᖏᓐᓂᓗ ᐊᓂᕐᑎᕆᔭᒥᒃ ᐱᓯᒪᔪᓂᒃ ᐱᓕᐅᒥᑎᑦᓯᒍᓐᓇᑐᓂᒃ ᐃᐱᓂᐊᕐᓂᓂᒃ ᐊᒻᒪᓗ ᑎᒥᐅᑉ ᐱᔭᑦᓴᔭᕆᖕᖏᑕᖏᓐᓄᑦ ᓱᕐᕋᑕᐅᒍᑎᓂᒃ ᒪᓗᓐᓇᐅᑎᖏᓐᓂᒃ ᓄᓇᖁᑎᖓᓂ. PFAS-ᖑᓂᕋᕐᑕᐅᔪᖅ ᐳᕐᑐᓂᕐᒥᓯᒪᕙᓗᑦᑐᖅ ᓄᓇᕕᒻᒥ, ᑭᓯᐊᓂ ᓄᓇᓕᒻᒥ ᓱᐳᑎᓂᒃ ᐃᑉᐱᒋᔭᖃᕐᓂᒧᑦ ᖃᐅᔨᓴᕐᑕᐅᒍᑎᓂᒃ ᓄᐊᑕᐅᓯᒪᖕᖏᑎᓪᓗᒋᑦ, ᐊᒥᓱᐃᑦ ᖃᓄᐃᒍᑎᓖᑦ ᖃᐅᔨᔭᐅᖕᖏᑑᖃᑦᑕᖁᑦ ᐅᕝᕙᓗᓐᓃᑦ ᐋᓐᓂᐊᓯᐅᕐᑕᐅᒍᑎᒋᒋᐊᓕᒥᓂᒃ ᐋᓐᓂᐊᓯᐅᕐᑕᐅᒍᑎᖃᖃᑦᑕᕋᑎᒃ.
ᖃᓪᓗᓈᑦ ᓄᓇᖓᓂ ᖃ ᐅᔨᓴᕐᓃᑦ ᓄᐃᑦᓯᓂᕐᖁᑦ ᐅᕐᖂᓂᕐᓴ ᐅᓕᕐᓂᖓᓄᑦ ᓯᓚ ᐅᑉ ᐅᕐᖂᓯ ᐅᒥᓂᑯᖓᓄᑦ ᓱᐳᑏᑦ ᓄᐃᑕᓂᕆᓲᖏᑦ ᐊᑯᓂᕐᓂᓴ ᐅᓕᕐᓂᖏᓐᓂᒃ, ᓯᓚᒥ ᐊᓂᕐᑎᕆᔭᖅ ᓱᐳᑎᖃᕐᓂᓴ ᐅᓕᕐᓱᓂ ᑎᒥ ᐅᑉ ᐱᔭᑦᓴᔭᕆᖕᖏᑕᖏᓐᓄᑦ ᓱᕐᕋᑕ ᐅᓂᕐᓴ ᐅᓱᑎᑦ. ᐃᓄᐃᑦ ᓄᓇᕕᒻᒥ ᓱᕐᕋᑕ ᐅᓂᕐᓴ ᐅᒍᓐᓴᖁᑦ ᑖᒃᑯᓄᖓ ᐊᓯᑦᔨᓂ ᐅᔪᓄᑦ, ᑌᑦᓱᒪᓂ, ᐊᕐᕌᒍᑉ ᐃᓗ ᐊᓂ ᑎᒥ ᐅᑉ ᓱᕐᕋᑕ ᐅᒍ ᑎᒋᒍᓐᓇᑕᖏᓐᒃᓂ ᐱᑕᖃᖕᖏᓂᕐᓴ ᐅᖃᑦᑕᓯᒪᒻᒪᑦ ᐅᐱᕐᖔᖅ ᓀᓐᓂᓴ ᐅᖃᑦᑕᓯᒪᒻᒪᑦ ᐅᑭ-ᐅᖑᖃᑦᑕᓯᒪᑦᓱᓂᓗ ᐊ ᑯᓂᕐᓂᓴᒥᒃ, ᑌᒫᒃ ᓱᐳᑎᒥᒃ ᐱᑕᖃᖕᖏᓂᕐᓴ ᐅᖃᑦᑕᓯᒪᔪᖅ. ᐅᕐᖂᓯ ᐅᒥᓯᒪᓂᑯᖓᓄᑦ ᑕᕐᕋᒥ ᐱᕈᕐᑐᐃᑦ ᓄᐃᑕᖃᑦᑕᓯᒪᖕᖏᑐᐃᑦ ᓱᐳᑎᖃᓲᑦ ᑕᕐᕋᒥ ᓄᐃᕙᓪᓕ ᐊᑐᐃᓐᓇᕆ ᐊᖃᕐᖁᑦ ᑎᒥ ᐅᑉ ᐱᔭᑦᓴᔭᕆᖕᖏᑕᖏᓐᓂᒃ ᐱᑕᓕᓐᓂᒃ ᓇᐹᕐᑐᓂᒃ ᓄᐃᑕᖃᑦᑕᓯᒪᖕᖏᑐᓂᒃ ᑕᕐᕋᒥ. ᑐᑭᓯᓪᓚᕆᒋ ᐊᖃᕐᖁᑦ ᓱᐳᑎᒃ ᖃᓄᖅ ᐊᓯᑦᔨᓯᒪᒻᒪᖔᑦ ᑲᒪᒋ ᐊᕈᓐᓇᓂ ᐊᕈᑦᑕ ᑎᒥ ᐅᑉ ᐱᔭᑦᓴᔭᕆᖕᖏᑕᖏᓐᓂᒃ ᐅᑭ-ᐅᕐᑕᑐᒥ. ᑭᓯ ᐊᓂ ᒫᓐᓇ ᐅᑎᓪᓗᒍ, ᐊᓂᕐᑎᕆᔭᒦᑦᑐᓂᒃ ᓱᐳᑎᓂᒃ ᖃ ᐅᔨᓴᕐᑕ-ᐅᒪᒍᑎᓂᒃ ᐊᓪᓚᓯᒪᔪᖃᖕᖏᑐᖅ ᐊᒥᓲᓂᕐᓴᑎᒍᑦ ᑲᓇᑕ ᐅᑉ ᐅᑭ ᐅᕐᑕᑐᖓᓂᒥ ᐅᓂᒃ — ᑕᒐ ᑎᒥᐅ ᑉ ᐱᔭᑦᓴᔭᕆᖕᖏᑕᖓᓄᑦ ᓱᕐᕋᑕᐅ ᒍᑎᒥᒃ ᐋᓐᓂ ᐊᓯᐅ ᕆᑦᓯ ᐊᓂᖅ ᐱᔭᕆ ᐊᑐᔫᑦᓱᓂ.
ᓱᐳᑎᓂᒃ ᐃᑉᐱᒋᔭᖃᕐᓂᖅ ᓄᓇᕕᒻᒥ
ᑖᓐᓇ ᐱᓇᓱᑦᑕᐅᒐᓱᑦᑐᖅ ᓯᕗᓪᓕᐹᒥᒃ ᐳᑦᑐᕋᕐᓂᐅᒐᓱᑦᑐᖅ ᐃᑉᐱᒋᔭᖃᕐᓂᒥᒃ ᓱᐳᑎᓂᒃ ᑰᑦᔪᐊᒥ ᐊᕐᕌᒍᓕᒫᑉ ᐃᓗᐊᓂ, ᑐᑭᓯᒐᓱᑦᓱᑎᒃ ᖃᓄᖅ ᓱᐳᑎᐅᑉ ᐅᓄᕐᓂᖏᑦ ᐊᓯᑦᔨᓲᖑᒻᒪᖔᑕ ᐊᕐᕌᒍᑉ ᐃᓗᐊᓂ ᑕᕐᕿᖏᓐᓂᒃ ᐊᑦᔨᒋᖕᖏᑐᓂᒃ. ᖃᐅᔨᓴᕐᑕᐅᒍᑎᓂᒃ ᓄᐊᑕᐅᔪᑦᓴᓂᒃ ᐱᑕᖃᓪᓚᕆᒋᐊᖃᕐᖁᖅ ᓱᓕᔪᕐᓇᐅᑎᓂᒃ-ᑐᖕᖓᔨᖃᕐᓱᑎᒃ ᖃᓄᐃᓗᕈᑎᑦᓴᓕᐅᕐᓂᐊᒪᑕ ᑎᒥᐅᑉ ᐱᔭᑦᓴᔭᕆᖕᖏᑕᖏᓐᓂᒃ ᐊᐅᓚᑦᓯᒍᑎᓕᐅᕐᓂᒧᑦ ᐋᓐᓂᐊᓯᐅᕐᑕᐅᒍᑎᐅᓂᐊᕐᑐᓂᓗ. ᑖᓐᓇ ᑲᑐᑦᔨᖃᑎᒌᒍᑎᐅᑦᓯᐊᑐᖅ ᐃᓗᓯᓕᕆᓂᕐᒥ ᐱᓇᓱᑦᑎᓂᒃ, ᓱᑯᐃᔦᓂᕐᒥ ᐱᓇᓱᑦᑎᓂᒃ, ᐃᓄᐃᑦ ᓄᓇᓕᖏᓐᓂᓗ. ᑖᓐᓇ ᐱᓇᓱᑦᑕᐅᔪᑦᓴᖅ ᑲᔪᓯᑎᓪᓗᒍ, ᐃᓄᐃᑦ ᖃᐅᔨᒪᒍᓯᑐᖃᖏᑦ ᓄᓇᓕᓐᓂ ᐱᕈᕐᑐᖏᓐᓂᒃ ᐃᓚᐅᓪᓚᕆᒋᐊᖃᕐᓂᐊᑐᖅ ᑕᑯᓗᒋᑦ ᖃᓪᓗᓈᑦ ᓄᓇᖓᓂ ᐱᕈᕐᑐᐃᑦ ᐱᓯᒪᔪᐃᑦ ᑕᕐᕋᓕᐊᕐᐸᓕᐊᓂᖏᓐᓂᒃ — ᐃᓚᖏᑦ ᑎᒥᒧᑦ ᐱᔭᑦᓴᔭᕆᖕᖏᑕᖏᐅᑐᐃᓐᓇᕆᐊᖃᕐᓱᑎᒃ. ᑖᓐᓇ ᐱᓇᓱᑦᑕᐅᔪᑦᓴᖅ ᓇᐅᓕᒫᑦ ᐃᓗᓯᕐᓱᓯᐊᕆᐊᖃᕐᓂᖏᓐᓄᓕᖓᒻᒪᑦ, ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᖏᑦ ᐃᓚᒋᔭᐅᑦᓯᐊᖁᑦ. ᖃᐅᔨᒍᑎᕕᓃᑦ ᑐᓴᕐᑎᓯᒍᑎᐅᓛᕐᖁᑦ ᑕᒃᑯᓄᖓ — ᑰᑦᔪᐊᒥᐅᓄᓗ — ᑐᓴᕐᑎᓯᒍᑎᐅᑦᓴᐅᑎᒋᓗᑎᒃ.
ᓄᐊᑦᓯᒍᑎᒃ ᓱᐳᑎᓂᒃ ‘rotorod-ᒥᒃ’ ᑌᔭᐅᔪᖅ’ ᐋᕐᕿᑕᐅᓐᓂᖁᖅ ᓄᓇᒥ ᒪᓂᕋᕐᓂᒥ ᙯᑐᕈ-ᑯᐯᒃ ᐃᑯᒪᓕᐅᕐᕕᐅᑉ ᓴᓂᐊᓂ ᑰᑦᔪᐊᒥ ᒣ 2025 ᕿᑎᖓᓂ ᐊᑯᓂᕐᑐᒥᒃ ᓄᐊᑦᓯᓂᐊᕐᑎᓗᒍ ᐊᓂᕐᑎᕆᔭᓂᒃ ᓱᐳᑎᓂᒃ ᖁᐱᕐᕈᐊᕈᓯᕐᓂᓗ ᖃᐅᔨᓴᕈᑎᐅᓗᓂ. ᐋᓐᓂᐊᓯᐅᕐᑎᒪᕆᒃ ᒣᑯᓪ ᑯᒐᓐ, ᐃᑲᔪᕐᑕᐅᓱᓂ ᐋᓐᓂᐊᓯᐅᕐᑎᒪᕆᒃ ᓄᐊ ᐳᕈᓱᒧᑦ ᓄᓇᕕᒻᒥ ᖃᐅᔨᓴᕐᕕᒥ, ᑲᒪᒋᔭᖃᖃᑦᑕᖂᒃ ᐅᓪᓛᑕᒫᑦ ᖃᐅᔨᓴᕈᑎᒥᒃ ᓄᐊᑕᐅᔪᓂᓗ ᖃᐅᔨᓴᕐᑕᐅᔪᑦᓴᓂᒃ. ᓯᓚᐅᑉ ᖃᓄᐃᓕᖓᓂᖏᑦ—ᐅᑦᑑᑎᒋᓗᒍ ᓯᓚᑉ ᐅᕐᖂᓂᖓ, ᐊᓄᕆᐅᑉ ᓱᑲᓐᓂᖓ ᓇᑭᖕᖔᒪᖔᓗ, ᐁᔪᖓᓂᖓ ᐊᒻᒪᓗ ᓱᕈᔪᓐᓂᖓᓂᒃ —ᐊᓪᓚᑕᐅᕗᑦ ᖃᐅᑕᒫᑦ. ᑖᒃᑯᐊ ᖃᓄᐃᓕᖓᓂᐅᔪᑦ ᓱᕐᕃᕗᑦ ᖃᓄᐃᓪᓗᐊᑐᒥᒃ ᓱᐳᑎᒥᒃ ᖃᓄᐃᓪᓗᐊᑐᐃᓗ ᖁᐱᕐᕈᐊᕈᓰᑦ ᐊᓂᕐᑎᕆᔭᒥᒻᒪᖔᑕ. ᑕᕐᕿᑕᒫᑦ, ᖃᐅᔨᓴᕐᑕᐅᔪᑦᓭᑦ ᐊᐅᓪᓚᑎᑕᐅᖃᑦᑕᖁᑦ Aerobiology Research Labs Inc.-ᑯᓄᑦ, ᐋᑐᒑᒥ ᓇᓗᓀᕐᓯᒍᑎᐅᓂᐊᕐᓱᑎᒃ ᑭᓯᓗᑎᓗ ᓱᐳᑎᓂᒃ ᖁᐱᕐᕈᐊᕈᓯᕐᓂᓗ ᓄᐊᑕᕕᓂᕐᓂᒃ.
ᑌᔭᐅᔪᖅ ‘rotorod-ᒥᒃ’ ᓱᐳᑎᓂᒃ ᓄᐊᑦᓯᒍᑎᒃ ᐊᑐᕐᑕᐅᓲᖑᕗᖅ ᐊᓂᕐᑎ-ᕆᔭᓂᒃ ᖃᐅᔨᓴᕐᒥ. ᐊᖏᓂᖓ ᓴᓂᒧᕐᑐᒃ ᑕᑭᓂᓕᒃ 12-cm ᑫᕕᑦᑐᒥᒃ ᐃᑦᓯᕕᐊᐱᐅᑉ ᑭᑭᐊᑦᓴᔭᐅᑦᓱᓂ ᐊᑖᓂᑦᑐᒥᒃ ᐊᐅᓚᔪᕐᑕᖃᕐᓱᓂ ᑭᓯᒍᑎᖃᕐᓱᓂᓗ. ᐊᑐᓂ ᓴᓂᒨᕐᑑᒃ ᐃᓱᒋᓐᓂ ᐲᕈᓐᓇᑐᒥᒃ ᕿᓪᓕᑐᐅᑦᓱᓂ ᑎᒍᒻᒥᕕᖓᓂ ᒥᖑᐊᕐᓯᒪᑦᓱᑎᒃ ᐅᕐᓱᕈᑎᖓᓄᑦ ᓯᓕᑯᓐ, ᓄᐊᑦᓯᒍᑎᐅᑦᓱᓂ ᐊᓂᕐᑎᕆᔭᒥᒃ ᐱᔪᒥᒃ ᓱᐳᑎᒥᒃ. ᑎᒍᒻᒥᕕᖓᓂ ᑫᕕᑦᑑᒃ ᓱᑲᑦᑐᒪᕆᒻᒥᒃ(2400 rpm) ᕿᑎᖓᓃᑦᑐᖅ ᐃᑯᒪᓕᐅᕐᑕᐅᓱᓂ ᐊᐅᓚᔪᒧᑦ. ᐊᓂᕐᑎᕆᔭᒥᒃ ᓱᐳᑏᑦ ᖁᐱᕐᕈᐊᕈᓰᓪᓗ ᓂᐱᑦᓱᑎᒃ ᓯᓕᑯᓐ ᐅᕐᓱᕈᑎᖓᓄᑦ ᕿᓪᓕᑐᔭᒦᑦᑐᒧᑦ ᑎᒍᒻᒥᕖᓐᓄᒃ ᐲᕐᖃᔦᕐᓱᑎᑦ. ᑕᓐᓇ ᓄᐊᑦᓯᒍᑎᒃ ᐃᓂᕐᕋᓲᖅ 24/7, ᑫᕕᑦᓱᓂ ᐊᑕᐅᓯᕐᒥᒃ ᑕᕐᓵᐱᒻᒥᒃ ᑕᒐ ᓄᕐᖃᖓᑦᓱᓂ ᖁᓕᐅᖕᖏᒐᕐᑐᓂᒃ ᑕᕐᓵᐱᓐᓂᒃ ᐊᑐᕆᐊᓯᓐᓂᑕᒫᒥᓂ. ᑖᓐᓇ ᓄᐊᑦᓯᒍᑎᐅᓂᐊᕐᑐᖅ ᓱᐳᑎᓂᒃ ᑫᕙᓪᓚᒍᓯᕐᓂᒃ ᑫᕙᓪᓚᑐᒥᒃ. ᕿᑲᓚᐅᕐᑐᓂᖓᓂ, ᐃᓪᓓᒍᑎᑦᓴᔮᒃ ᑎᒍᒻᒥᕕᖓᓃᑦᑑᒃ ᐃᓗᐊᓅᓲᒃ ᓱᕈᔪᓕᕐᐸᑦ ᖃᐅᓯᓕᓂᐊᖕᖏᒪᑕ, ᑲᑕᑦᑎᓯᒍᓐᓇᑐᐃᑦ ᓄᐊᑕᕕᓂᕐᓂᒃ ᓱᐳᑎᓂᒃ ᑯᐱᕐᕈᐊᕈᓯᕐᓂᓗ. ᐅᓪᓛᑕᒫᑦ ᑕᒪᒋᒃ ᐃᓪᓓᒍᑎᑦᓴᔮᒃ ᐅᕐᓱᕈᑎᐊᕐᓯᒪᔫᒃ ᑎᒍᒻᒥᕖᒃ ᐊᓯᑖᕐᑕᐅᖃᑦᑑᒃ ᓴᓂᕐᕙᑕᐅᑦᓱᑎᓗ ᒪᑐᓕᒻᒧᑦ ᕿᓪᓕᑐᔭᒧᑦ ᐴᕐᒧᑦ ᖃᐅᔨᓴᕐᑕᐅᒍᑎᑦᓴᖏᑦ ᓱᒃᑯᖁᓇᒋᑦ. ᐋᑐᒑᒥ ᖃᐅᔨᓴᕐᕕᖓᓂ, ᑎᒍᒻᒥᕖᒃ ᑕᐅᑦᑐᐊᑕᐅᑦᓱᑎᑦ ᖃᐅᔨᓴᕐᑕᐅᓲᖑᕗᑦ ᒥᑭᔪᐊᐱᓐᓂᒃ ᑕᑯᓐᓇᕈᑎᒧᑦ ᓇᓗᓀᕐᑕᐅᓱᑎᒃ ᑭᓯᑕᐅᑦᓱᑎᓗ ᓱᐳᑏᑦ ᖁᐱᕐᕈᐊᕈᓰᓪᓗ. ᖃᓄᐃᓪᓗᐊᑐᒥᒃ ᐊᓂᕐᑎᕆᔭᒥᒃ ᑎᒍᒻᒥᕕᑎᒍᕐᑐᒥᒃ ᖃᐅᔨᒪᔭᐅᒻᒪᑦ ᖃᐅᑕᒫᑦ, ᖃᑦᓯᐅᓂᖏᑦ ᓱᐳᑏᑦ ᐊᒥᐊᒃᑯᖏᑦ ᖁᐱᕐᕈᐊᕈᓰᓪᓗ ᓯᒃᑭᑕᓪᓗᐊᓂᒃ ᒦᑕ-ᓂᒃ ᐊᓂᕐᑎᕆᔭᐅᔪᒦᑦᑐᐃᑦ ᓱᓕᑦᓯᐊᑐᒥᒃ ᑭᓯᑕᐅᒍᓐᓇᖁᑦ.
ᓱᒐᒥ ᑖᓐᓇ ᐱᓇᓱᑦᑕᐅᒐᓱᑦᑐᖅ ᐊᑐᕐᓂᖃᕐᓂᖓ
ᐅᖃᕐᑕᐅᓂᕐᒪᑦ ᐋᓐᓂᐊᓯᐅᕐᑎᒪᕆᒃ ᒣᑯᓪ ᑯᐋᓐᒧᑦ, ᑲᔪᓯᔪᒥᒃ ᐊᑯᓂᕐᑐᒥᒃ ᓱᐳᑎᓂᒃ ᐃᑉᐱᒋᔭᖃᕐᓂᖅ ᓄᓇᕕᒻᒥ ᑐᑭᓯᓪᓚᕆᒍᑎᐅᓂᐊᕐᑐᖅ ᐊᑑᑎᓪᓚᕆᑦᑎᓗᒍ ᐊᑯᓃᕐᑐᒥᓗ ᐊᓂᕐᑎᕆᔭᓂᒃ ᖃᐅᔨᓴᕐᓂᒥ ᓄᐊᑕᐅᔪᓂᒃ. “ᑖᓐᓇ ᓯᕗᓪᓕᐹᖑᔪᖅ ᐊᑯᓂᕐᑐᒥᒃ ᖃᐅᔨᓴᕐᓂᒥᒃ ᐊᓂᕐᑎᕆᔭᓂᒃ ᓱᐳᑎᓕᓐᓂᒃ ᓄᓇᕕᒻᒥ,” ᐅᖃᕐᑐᕕᓂᖅ ᐋᓐᓂᐊᓯᐅᕐᑎᒪᕆᒃ ᑯᒐᓐ. “ᖃᐅᔨᒪᑦᓱᓂ ᓱᓇᑕᖃᕐᒪᖔᑦ ᐊᓂᕐᑎᕆᔭᕐᒥ, ᖃᖓᓗ ᐱᑕᖃᓗᐊᖕᒪᖔᑦ, ᐃᑲᔪᕐᓯᓂᐊᕐᖁᖅ ᐃᓗᓯᓕᕆᓂᕐᒥ ᐱᓇᓱᑦᑎᓂᒃ ᐋᓐᓂᐊᓯᐅᕆᒍᑎᓂᒃ ᓈᒻᒪᓈᕐᑐᓂᒃ ᐋᓐᓂᐊᓯᐅᑎᑖᕐᑎᓯᓗᑎᑦ ᐃᒫᙰᕐᓗᑎᓗ ᐃᓄᓐᓄᑦ ᑎᒥᒥᒍᑦ ᐱᔭᑦᓴᔭᕆᖕᖏᑕᖏᓐᓄᑦ ᓱᕐᕋᑕᐅᔪᓂᒃ ᐃᐱᓂᐊᓲᓄᓗ.”
ᓱᐳᑎᓂᒃ ᐃᑉᐱᒋᔭᖃᕐᓂᖅ ᓄᓇᕕᒻᒥ ᐃᑲᔪᕐᓯᓂᐊᕐᑐᖅ ᐅᑯᑎᒎᓇ: (1) ᑐᑭᓯᑦᓯᐊᓕᐅᒥᓂᖅ ᑎᒥᐅᑉ ᐱᔭᑦᓴᔭᕆᖕᖏᑕᖏᓐᓂᒃ ᖃᐅᔨᓂᕐᑎᒍᑦ, ᓱᐳᑏᑦ ᖃᓄᐃᓪᓗᐊᓂᖏᓐᓂᒃ ᐊᕐᕌᒍᑉ ᐃᓗᐊᓂ ᖃᓄᐃᒍᑎᖃᕐᓂᐅᓲᓄᑦ ᖃᐅᔨᒍᑎᐅᓗᑎᑦ; (2) ᐱᐅᓯᐅᒥᑎᑦᓯᓂᖅ ᐃᐱᓂᐊᕐᑐᓂᒃ ᐋᓐᓂᐊᓯᐅᕆᓂᕐᓂᒃ, ᐃᓚᐅᑎᓪᓗᒍ ᐋᓐᓂᐊᓯᐅᕐᑕᐅᑲᐱᓗᑎᒃ ᓱᐳᑏᑦ ᐅᓄᕐᓂᐹᖏᓐᓃᓚᐅᕐᑎᓇᒋᑦ; (3) ᓇᓗᓀᕐᓯᓂᖅ ᐳᕐᑐᔪᒥᒃ ᐊᑦᑕᓇᕐᑐᒦᒍᑎᐅᒍᓐᓇᑐᓂᒃ ᖃᖓᐅᓂᖏᓐᓂᒃ ᐃᑲᔪᕐᓯᓗᓂ ᐋᓐᓂᐊᓯᐅᕐᑕᐅᔪᐃᑦ ᓯᕗᕐᖐᒐᓱᒍᑎᒍᓐᓇᓂᐊᕐᒪᑕ; (4) ᑲᐳᕐᑕᐅᓗᑎᒃ ᑎᒥᖏᑦᑕ ᐱᔭᑦᓴᔭᕆᖕᖏᑕᖏᓐᓄᓕᖓᔪᓂᒃ (ᓴᐴᓗᑕᓂᒃ ᓲᖑᓯᑎᑦᓯᓂᖅ) ᐃᓚᖏᓐᓄᑦ ᓱᐳᑎᓄᑦ, ᐅᑦᑑᑎᒋᓗᒍ ᓇᐹᕐᑐᖅ, ᖃᓂᑕᖃᕐᓱᓂ ᓱᕐᕋᑕᐅᑉᐸᑦ ᓇᓗᓀᕐᓗᒍ; (5) ᐊᑯᓃᕐᑐᒥᒃ ᐃᑉᐱᒋᔭᖃᕐᓂᖅ ᖃᓄᖅ ᓯᓚᐅᑉ ᐊᓯᑦᔨᓂᖓ ᐊᓯᑦᔩᓂᖓᓂᒃ ᓱᐳᑏᑦ ᖃᓄᐃᓕᖓᓂᕆᓲᖏᓐᓂᒃ ᐅᑭᐅᕐᑕᑐᒥ, ᓇᐅᓕᒫᑦ ᐃᓗᓯᓕᕆᔭᐅᓂᖏᓐᓄᓕᖓᔪᓂᒃ ᐱᖁᔭᓕᐅᕐᓂᓂᓗ ᐃᓚᐅᑎᓗᒋᑦ.
ᐊᒥᓲᓂᕐᓭᑦ ᐃᓄᐃᑦ ᓄᓇᕕᒻᒥ ᓱᕐᕋᑕᐅᖃᑦᑕᑎᓪᓗᒋᑦ PFAS-ᖑᓂᕋᕐᑕᐅᔪᒥᒃ, ᐊᕐᕌᒍᑉ ᐃᓗᐊᓂ ᑎᒥᐅᑉ ᐱᔭᑦᓴᔭᕆᖕᖏᑕᖏᓐᓂᒃ, ᐃᐱᓂᐊᕐᓃᓗ, ᐊᒻᒪᓗ ᓄᓇᓕᒻᒥ ᓱᐳᑎᓕᕆᓂᕐᒥᒃ ᖃᐅᔨᓴᕐᑕᐅᒍᑎᓂᒃ ᐱᑕᖃᖕᖏᓱᓂ, ᓄᐃᑦᓯᒋᐊᖃᕋᑦᑕ ᐃᑉᐱᒋᔭᖃᕐᓂᒧᑦ ᖃᐅᔨᓴᕈᑎᓂᒃ ᓄᐃᑦᓯᓗᑕ ᓱᓕᔪᕐᓇᐅᑎᓂᒃ ᑐᖕᖓᕕᐅᓂᐊᕐᑐᓂᒃ ᑎᒥᐅᑉ ᐱᔭᑦᓴᔭᕆᖕᖏᑕᖏᓐᓂᒃ ᐋᓐᓂᐊᓯᐅᕆᒍᓯᐅᓂᐊᕐᑐᓂᒃ ᐊᕙᑎᒥᓗ ᖃᐅᔨᓴᕐᓂᒥᒃ ᓄᓇᖁᑎᖓᓂ. ᑖᓐᓇ ᐱᒋᐊᕐᑎᑕᐅᔪᖅ ᖃᐅᔨᒪᔭᐅᖕᖏᑐᓂᒃ ᐃᓄᕐᓴᕈᑎᐅᔪᓂᒃ ᖃᐅᔨᒍᑎᐅᓂᐊᕐᑐᖅ, ᐱᐅᓯᐅᒥᑎᑦᓯᓗᓂ ᐋᓐᓂᐊᓯᐅᕐᑕᐅᔪᐃᑦ ᑲᒪᒋᔭᑦᓯᐊᓂᖏᓐᓂᒃ, ᓄᐃᑦᓯᓗᓂᓗ ᐊᑯᓂᕐᑐᒥᒃ ᖃᐅᔨᓴᕐᓂᒥᒃ ᓯᓚᐅᑉ ᐊᓯᑦᔨᓂᖓᓂᒃ ᐊᒻᒪᓗ ᑎᒥᐅᑉ ᐱᔭᑦᓴᔭᕆᖕᖏᑕᖏᓐᓂᒃ ᓄᐃᖃᑦᑕᑐᓂᒃ ᐅᑭᐅᕐᑕᑐᒥ ᓄᓇᖃᕐᖄᓯᒪᔪᐃᑦ ᓄᓇᓕᖏᓐᓂ.
ᖃᐅᔨᒋᐊᕈᓐᓇᖁᑎᑦ ᑎᒥᐅᑉ ᐱᔭᑦᓴᔭᕆᖕᖏᑕᖏᓐᓄᑦ ᓱᕐᕋᑕᐅᒍᑎᓂᒃ ᐋᓐᓂᐊᓯᐅᕆᒍᓯᕐᓂᒃ ᑲᓇᑕᐅᑉ ᐅᑭᐅᕐᑕᑐᖓᓂ, ᑕᑯᓂᐊᕐᓗᒍ (https://www. allergistonwings.org/). ᐊᓐᓂᐊᓯᐅᕐᑎᒪᕆᒃ ᑯᒐᒃ ᐱᓇᓱᖃᑎᐅᓐᓂᒥᔪᖅ Connexion Nordique-ᑯᓄᑦ ᐃᑲᔪᕐᓯᓱᓂ ᐃᓄᕐᓴᕈᑎᓂᒃ ᑎᒥᐅᑉ ᐱᔭᑦᓴᔭᕆᖕᖏᑕᖏᓐᓄᑦ ᓱᕐᕋᑕᐅᒍᑎᓕᕆᓂᕐᒥᒃ ᐱᒍᑦᔨᒍᑎᓂᒃ ᓄᓇᓕᖏᓐᓂ ᐅᑭᐅᕐᑕᑐᖓᓂ ᑯᐯᒃ. (https://www.connexionnordique.com/).
