ᑲᑎᕕᒃ ᐊᕙᑎᓕᕆᓂᕐᒧᑦ ᐊᔪᖀᒋᐊᕐᑏᑦ ᑲᑎᒪᔩᑦ
ᐊᒥᓱᕋᑌᑦ ᐱᕙᓪᓕᖁᑎᐅᒍᓐᓇᖁᑦ ᓄᓇᓕᓐᓂ ᐱᕈᕐᓯᐊᒍᓲᓂᒃ ᐱᕈᕐᓰᓂᕐᒧᑦ ᐱᕈᕐᓰᕕᖃᕐᓂᒧᓪᓗ. ᓄᓇᓕᒻᒥ ᐱᕈᕐᓯᐊᕕᓃᑦ ᐊᑐᐃᓐᓇᐅᓂᕐᓴᐅᒍᓐᓇᒪᑕ, ᑌᒣᓐᓂᑯᖓᓄᑦ ᓄᑖᒍᓂᕐᓭᑦ ᐱᕈᕐᑐᕕᓃᑦ ᓂᕆᔭᑦᓴᖑᕐᑕᐅᖃᑦᑕᕈᓐᓇᖁᑦ, ᐊᒻᒪᓗ ᑕᒪᒃᑯᐊ ᐱᕈᕐᑐᕕᓃᑦ ᓂᖏᕐᑎᓯᒌᖃᑎᐅᖃᑦᑕᕈᓐᓇᓱᑎᒃ, ᐃᓅᖃᑎᒌᓐᓂᑯᑦ ᑲᑎᒪᖃᑦᑕᐅᑎᒍᓐᓇᕈᑎᐅᑦᓱᑎᒃ, ᓄᓇᓕᒻᒥᓗ ᐱᔪᕆᐅᑎᐅᒍᓐᓇᑐᓂᒃ ᐃᑲᔪᕐᓯᒪᒍᑎᐅᕈᓐᓇᓱᑎᒃ ᐊᒻᒪᓗ ᐅᖄᖃᑎᒋᒍᑕᐅᖃᑦᑕᕈᓐᓇᓱᑎᒃ ᐃᓅᖃᑎᒌᑦᑐᓄᑦ. ᐱᕈᕐᓯᕖᑦ ᐃᓕᓭᒍᑎᑦᓯᐊᒍᕗᑦ ᑲᒃᑲᓛᓂᒃ/ᐱᐊᕋᕐᓂᒃ ᐱᕈᕐᑐᓴᓂᒃ ᐱᕈᕐᓰᒍᓯᕐᓂᒃ ᐊᒻᒪᓗ ᓇᑭᑦ ᓂᖀᑦ ᐱᓯᒪᒻᒪᖔᑕ ᐃᓕᓭᒍᑎᑦᓯᐊᒍᑦᓱᑎᒃ.
ᒪᑭᑕᒐᓱᐊᕐᓂᑯᑦ, ᓄᓇᓕᒻᒥ ᐱᕈᕐᓰᖃᑦᑕᓃᑦ ᓂᕿᓂᒃ ᐊᐅᓪᓚᑎᑕᐅᒍᑎᒋᒐᔭᕐᑕᖏᓐᓂᒃ ᐊᑭᓕᖕᖏᓚᖀᒍᑕᐅᒍᓐᓇᑐᑦ ᐊᒻᒪᓗ ᓄᓇᓕᒻᒥ ᐱᓇᓱᒐᖃᕐᑎᓯᓚᕿᒍᓐᓇᓱᑎᒃ ᐱᕈᕐᓰᕕᓐᓂ ᑲᒪᔨᓂᒃ ᐊᒻᒪᓗ ᑲᒪᒋᔭᙯᓐᓇᖃᑦᑕᓚᖓᔪᓂᒃ ᐊᑭᓕᕐᑐᑕᐅᓗᑎᒃ ᐱᓇᓱᑦᑎᖃᕆᐊᖃᕐᒪᑦ. ᐊᕙᑎᒧᓪᓕ ᐃᓕᖓᔪᐃᑦ, ᓂᐅᕐᕈᑎᖃᕐᓃᑦ ᐅᕝᕙᓘᓐᓃᑦ ᓱᒃᑯᓇᕐᑐᒥᒃ carbonᒍᓂᕋᕐᑕᐅᔪᒥᒃ ᒥᑭᓪᓕᐅᒥᑎᑦᓯᓚᕆᑦᓱᑎᓪᓗ ᐅᕙᑎᒧᕐᐸᑐᒥᒃ ᐊᐅᓚᒍᑎᓄᑦ ᐊᐅᓪᓚᑎᑦᓯᒍᑎᐅᒋᐊᓖᑦ ᐊᑐᕐᑕᐅᖏᓐᓂᓴᐅᓕᑐᐊᕐᒪᑕ ᐅᑭᐅᕐᑕᑐᒧᑦ ᑖᒃᑯᐊ ᐱᕈᕐᑐᕕᓃᑦ. ᐊᒻᒪᓗᒋᐊᓪᓚᒃ, ᐱᕈᕐᑐᕕᓃᑦ ᓂᕆᔭᑦᓴᐅᖏᓐᓂᖏᑦ ᐱᕈᕐᑐᕕᓃᑦ ᓯᕐᒥᖏᓐᓅᑐᑦᓴᓂᒃ ᐱᓇᓱᐊᕈᑎᐅᒍᓐᓇᓱᑎᒃ, ᐱᕈᕐᓰᕕᓐᓂ ᐊᑐᕐᓂᖃᕈᓐᓇᒥᒻᒪᑕ, ᐊᓯᐸᓐᓇᖏᓐᓂᓴᐅᑦᓱᓂᓗ ᓂᕿᕕᓂᕐᓂᒃ.
ᖃᐅᔨᒪᔪᐃᓐᓇᐅᖂᓕᕐᑐᓯ, ᓂᕿᓂᒃ ᐱᕈᕐᓰᒐᓱᐊᕆᐊᒥᒃ ᐅᑭᐅᕐᑕᑐᒥ ᐱᔭᕆᐊᑭᑦᑐᑐᐃᓐᓇᐅᖏᒻᒪᑦ ᐊᕐᓱᕈᓐᓇᓲᒍᓂᖓᓂᒃ. ᐅᓇ ᖃᐅᔨᒪᓇᕐᓂᐸᐅᓲᖅ ᐅᑭᐅᕐᑕᑐᒥ ᐅᓪᓗᖅ ᓯᕕᑭᓐᓂᓴᒻᒪᕆᐅᓲᒍᒻᒪᑦ ᐱᕈᕐᓯᒐᓱᐊᕐᕕᓴᐅᓂᖓᓂ, ᖃᓪᓗᓈᓂ ᓯᕕᑭᓐᓂᓴᒻᒪᕆᐅᓲᖅ. ᐅᓇᓗ ᓯᕐᒥᐅᑉ ᐱᐅᓂᖃᑦᓯᐊᖏᓐᓂᖓ, ᓯᓚᐅᓪᓗ ᐅᕐᖂᓂᖓ ᓂᓪᓕᓇᕐᓂᖓᓗ ᑌᒫᑦᓭᓇᓲᒍᑦᔭᒐᓂ, ᐊᒻᒪᓗ ᐅᓪᓗᐃᑦ ᓯᕿᓐᓂᓂᕆᓲᖏᑦ ᑌᒫᑦᓭᓇᓲᒍᑦᔭᖏᒻᒥᔪᑦ ᐱᕈᕐᓯᒐᓱᐊᕆᐊᒥᒃ ᐃᓪᓘᑉ ᐃᓗᐊᓂ ᓯᓚᒥᓘᓐᓃᑦ ᐊᕐᓱᕈᓐᓇᑑᑎᑦᓯᓲᑦ ᐱᕈᕐᓯᒐᓱᐊᒋᐊᒥᒃ.
ᓯᕿᓂᖅ (ᐃᓄᑦᑎᑐᑦ ᓯᕿᓂᐅᓂᕋᕐᑕᐅᔪᖅ) ᐱᓇᓱ ᐊᕐᓂᖅ ᓄᐃᑕᐅᓯᒪᔪᖅ ᑐᑭᓯᒐᓱᐊᓚᖓᓗᒍ ᐅᑭᐅᕐᑕᑑᑉ ᐊᕙᑎᖓ ᖃᓄᑎᒋᒃ ᐅᕐᖂᓂᖃᕐᒪᖔᑦ ᓂᓪᓕᓇᕐᓂᖃᒻᒪᖔᓪᓗ ᐊᒻᒪᓗ ᖃᓄᖅ ᐱᕈᕐᓰᕕᓐᓂᒃ ᓱᕐᕋᐃᓯᒪᓂᖃᓲᒍᒻᒪᖔᑦ. ᑖᓐᓇ ᐱᕈᕐᓰᕕᓕᕆᓂᕐᒧᑦ ᐱᓇᓱ ᐊᕐᓂᖅ ᓄᐃᑕᐅᓯᒪᔪᖅ ᑰᑦᔪ ᐊᒥ 2016 ᐊᕐᕌᒍᖓᓂ ᑐᑭᓯᖃᑎᒋᒐᓱᐊᕐᑎᓄᑦ ᓄᓇᕕᒻᒥ (OHMIᑯᓐᓄᑦ), ᖃᐅᔨᓴᕐᓂᑯᑦ ᐱᓇᓱ ᐊᕈᑎᖃᓲᑦ ᓇᔪᕐᑕᒥᓂ ᓄᓇᒥ ᖃᓄᖅ ᐊᓂᕐᑎᕆᔪᐃᑦ ᐃᓄᐃᑦ ᐃᓅᒐᓱ ᐊᕐᕕᖃᓲᒍᒻᒪᖔᑕ. ᑰᑦᔪ ᐊᒥ ᑲᕙᒫᐱᒃᑯᑦ ᑖᑦᓱᒥᖓ ᐱᓇᓱᐊᖃᑎᒋᔭᐅᓯᒪᔪᑦ ᓄᐃᑕᐅᒐᓱ ᐊᕐᑎᓗᒍ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᑦ ᐊᒻᒪᓗ ᑮᓇᐅᔭᖃᕐᑎᑕᐅᑦᓱᑎᒃ ᑯᐯᒃᑯᑦ ᑕᕐᕋᒥ ᐸᕐᓇᓯᒪᐅᑎᖏᓐᓄᑦ.
ᖃᐅᔨᓴᕐᓂᖃᕐᑐᕕᓂᐅᑎᓪᓗᒍ ᑕᒪᑦᓱᒥᖓ ᐱᕙᓪᓕ ᐊᒍᑎᐅᓚᕿᓯᒪᔪᖅ ᐊᒻᒪᓗ ᓄᐃᑕᐅᓚᕿᑎᑦᓯᒍᑎᐅᑦᓱᓂ ᐅᕐᖂᓯᓴᐅᑎᑕᓕᒻᒥᒃ ᐱᕈᕐᓰᕕᒻᒥᒃ ᐊᒻᒪᓗ ᓯᕿᓂᕐᒧᑦ ᐃᑯᒪᐅ ᑎᓕᐅᕈᑎᓂᒃ ᐅᓪᓘᓂᖓᓂ ᐅᕐᖂᓯᓴᐅᑎᓕᐅᕈᑎᖃᕐᓱᑎᒃ, ᐊᓱᐃᓛᒃ ᐅᓐᓄᐊᒍᓂᖓᓂ ᐱᕈᕐᓰᕕᒃ ᐅᕐᖂᓯᓴᐅᑎᒧᑦ ᐅᕐᖂᓯᓴᐅᑎᖃᕐᓂ ᐊᓕᕐᒪᑦ.
ᒪᕐᕉᓂᒃ ᐱᕈᕐᓰᕕᖃᓕᕐᑐᖅ ᑰᑦᔪᐊᒥ, ᐁᑉᐸᖓ ᐊᐅᓚᑕᐅᓂᖃᓕᕐᑐᖅ 1999ᒥᓂᑦ, ᐱᕙᓪᓕᐊᑐᐃᓐᓇᖏᓐᓈᓱᓂᓗ. ᐊᑐᓂ ᐊᑕᐅᓯᐅᓈᕐᑎᑐᐃᑦ ᐱᕈᕐᓰᕕᒋᓚᖓᔭᒥᓂᒃ ᒍᒪᔪᐃᑦ ᑰᑦᔪᐊᒥᐅᑦ ᓇᓚᐅᑦᓵᓂᒃᑯᑦ ᓇᓚᐅᑦᑕᐅᔪᐃᑦ ᐱᕈᕐᓰᒍᓐᓇᓚᖓᑎᓪᓗᒋᑦ ᑌᒣᓚᐅᕐᓯᒪᔪᑦ ᐊᑕᐅᓯᐊᕐᓱᑎᒃ ᐱᕈᕐᓰᓇᕐᓂᖓᓂ. ᐃᑲᔪᕐᑎᒌᒍᑎᖃᕈᒪᔪᐃᑦ ᐱᕈᕐᓰᓂᖃᓯᓚᐅᕐᓯᒪᔪᑦ, ᑌᒣᓕᑐᐊᕐᒪᑕᓗ ᐱᕈᑦᓯᐊᑦ ᐊᒥᓲᓂᕐᓭᑦ ᐱᕈᑦᓯᒪᑦᓱᑎᒃ ᐊᒻᒪᓗ ᐃᓇᖏᕐᑎᒌᖃᑦᑕᓱᑎᒃ ᑲᒪᖃᑦᑕᒪᑕ ᐃᓱᐊᕐᓂᓴᐅᓕᕐᓯᒪᔪᖅ ᐃᑲᔪᕐᑎᒋᑦᓱᑎᒃ ᐱᕈᕐᓰᔪᓄᑦ.
ᒪᑭᕝᕕᑯᑦ ᑯᐊᐳᕇᓴᖓ ᐃᓄᐃᑦ ᓂᕿᑦᓴᖃᑦᓯᐊᕆᐊᖃᕐᓂᖏᓐᓂᒃ ᑐᓂᓯᒪᐅᑎᖃᓪᓚᕆᑉᐳᖅ ᓄᓇᓕᓕᒫᓂ. ᑯᐯᒃᑯ ᑕᕐᕋᒥ ᐸᕐᓇᓯᒪᐅᑎᓕᕆᔩᑦ ᑮᓇᐅᔭᑎᒍᑦ ᓴᐳᒻᒥᒍᓐᓇᓯᒪᒻᒪᑕ, ᒪᑭᕝᕕᑯᑦ ᐱᕈᕐᓰᒐᓱᐊᕈᑎᑦᓴᓂᒃ ᓄᐃᑕᐅᑎᑦᓯᓯᒪᔪᑦ ᐱᕈᕐᓰᕕᓕᕆᔨᓄᑦ Growcer Inc.ᑯᓐᓄᑦ, ᐅᕐᓱᐊᓗᓕᐅᕐᑏᑦ ᐃᒋᑕᑦᓴᖏᓐᓂᒃ ᐅᕐᖂᓯᓴᐅᑎᑕᓲᓂᒃ. ᑕᒪᑦᓱᒥᖓ ᐱᓇᓱᐊᕐᓂᖃᓕᕐᑐᐃᑦ ᑏᓯᒻᐱᕆ 2018ᒥᓂᑦ ᐊᒻᒪᓗ ᑐᕌᒐᖃᕐᓱᑎᒃ ᐱᒋᐊᕐᑎᑕᐅᓯᒪᔪᒥᒃ ᐊᕐᕌᒍᒥ ᓯᕗᓪᓕᐹᒥ ᑮᓇᐅᔭᓕᐅᕋᓱᐊᕐᓂᑯᑦ ᐱᒋᐊᕐᑎᓯᒍᑎᒋᓚᖓᑦᓱᒍ ᓄᓇᕕᒻᒥ, ᐱᕈᕐᑐᕕᓂᕐᓂᒃ ᓄᑖᕕᓂᕐᓂᒃ ᑰᑦᔪᐊᒥᐅᓂᒃ ᐱᒍᓐᓇᓯᑎᑦᓯᓚᕿᓯᒪᔪᑦ.
ᐱᕈᕐᓯᐊᓴᕐᓂᒃ ᐱᕈᕐᓰᕕᒃ ᐊᖏᓂᓕᒃ ᐊᕙᑏᒃ ᒪᕐᕉᓂᒃ ᐃᑎᒐᓐᓂᒃ (40foot) ᐱᕈᕐᓰᕕᒃ ᐃᓪᓗᔪᐊᖅ ᐊᑦᔨᒌᑦᔭᖏᑦᑐᓂᒃ ᐱᕈᕐᓯᐊᓴᕐᓂᒃ ᓄᓇᐅᔭᓂᒃ ᐊᒻᒪᓗ ᓂᕿᓕᐊᓄᑦ ᑎᑉᐸᖁᑎᓂᒃ ᐱᕈᑦᓯᐊᕈᑎᑕᓕᒻᒥᒃ ᐃᒻᒥᑐᕐᑕᐅᖏᓐᓇᓲᓂᒃ. ᐱᕈᕐᓰᕕᐅᑉ ᐃᓚᖓᓂ ᐅᕐᓱᐊᓗᑦᑐᑐᒧᑦ ᐅᕐᖂᓯᓴᐅᑎᑕᓕᒃ. ᐅᕐᖂᓯᓴᕐᑕᐅᓲᖅ ᐅᕐᓱᐊᓗᒻᒧᑦ ᐃᒋᑕᑦᑕᐅᒐᔭᕐᑐᕕᓂᕐᒧᑦ ᐃᓘᓐᓈ ᐱᕈᕐᓯᐅᕕᐅᑉ.
ᓄᓇᓕᒻᒥᓗ ᓇᒻᒥᓂᖁᑎᒋᔭᐅᔪᖅ ᓂᐅᕕᕐᕕᒃ (Dépanneur Newviq’vi Inc.,) ᐱᕈᕐᓯᐊᓴᕐᓂᒃ ᑲᒪᒋᔭᖃᓲᖅ ᐊᒻᒪᓗ ᐱᒍᒪᔪᓄᑦ ᐱᔭᐅᓲᓂᒃ ᐱᕈᕐᓰᒍᒪᔪᓄᑦ. 70% ᐳᓴᓐᑦ ᒥᑦᓵᓂᑦᑐᐃᑦ ᓂᐅᕐᕈᑎᒋᔭᐅᓲᑦ ᓂᐅᕕᕐᕕᒧᑦ, ᐊᓯᓕᒫᖏᑦ ᓄᓇᓕᐅᑉ ᑎᒥᐅᔪᖁᑎᖏᓐᓄᑦ ᐁᑦᑑᑎᐅᓲᖑᑎᓪᓗᒋᑦ, ᐅᑦᑑᑎᒋᓗᒋᑦ ᐃᓄᑐᖃᕐᓄᑦ ᐊᓂᕐᕋᒋᔭᐅᓲᒧᑦ ᐯᕆᑦᓯᕕᓐᓄᓗ.
ᒪᑭᕝᕕᑯᑦ ᒪᑭᑕᒐᓱᐊᕐᓂᒧᑦ ᐱᕙᓪᓕᐊᑎᑦᓯᒐᓱᐊᕐᕕᖓ ᐃᓚᒋᔭᐅᑎᓪᓗᒍ ᐊᒻᒪᓗ ᑮᓇᐅᔭᖃᕐᑎᓯᑎᓪᓗᒋᑦ One Drop Foundationᑯᑦ, ᐱᕈᕐᓰᓂᕐᒧᑦ ᐱᓇᓱᐊᕐᓂᐅᔪᖅ ᐃᓄᑦᔪᐊᒥ, ᐊᕐᕌᒍᓕᒫᒥ ᐱᕈᕐᓰᕕᒻᒥ ᐱᕈᕐᓰᒐᓱᐊᕈᒫᕐᓂᐊᑐᑦ ᓯᕆᕕᒻᒥᒃ ᐱᓇᓱᐊᖃᑎᖃᕐᓗᑎᒃ ᐊᒻᒪᓗ ᐱᑐᑦᕕᒃᑯᑦ ᓄᓇᒥᒃ ᑎᒍᒥᐊᕐᑎᑯᖏᑦᑕ ᑯᐊᐳᕇᓴᖓᓂᒃ. ᑕᒪᓐᓇ ᐱᓇᓱᐊᕐᓂᖓ ᐃᓄᑦᔪᐊᒥᐅᑦ ᐱᐅᓯᑐᖃᖏᓐᓂᒃ ᐊᑐᕐᓗᑎᒃ ᐱᓇᓱᐊᕐᓂᐅᓚᖓᔪᖅ ᐊᒻᒪᓗ ᐃᓅᖃᑎᒌᑦᑐᓄᑦ ᐱᓇᓱᐊᖃᑎᒌᒍᑕᐅᓚᖓᑦᓱᓂ ᐊᒻᒪᓗ ᖃᓄᐃᖕᖏᓯᐊᕋᓱᐊᕐᓂᑯᑦ ᐃᓗᓯᕐᓱᓯᐊᕈᓯᕐᓂᒃ ᐃᒪᑦᓯᐊᖃᕋᓱᐊᕐᓂᓂᓪᓗ ᓂᕿᑦᓯᐊᓂᓪᓗ ᖃᐅᔨᔭᐅᑎᑦᓯᒐᓱᐊᖃᑦᑕᓗᑎᒃ.
ᐱᕈᕐᓰᕕᒃ ᐃᓄᒃᑎᑐᑦ ᑐᑭᖓ “ᐱᕈᕐᑐᓕᐅᕐᕕᒃ.” ᐱᕈᕐᓯᐊᓭᑦ ᓯᕐᒥᒨᖄᖃᑦᑕᓗᒋᑦ, ᓄᓇᓕᒻᒥᐅᓄᑦ ᓯᕗᓕᕐᑕᐅᓗᓂ ᐊᒻᒪᓗ ᑮᓇᐅᔭᓕᐅᒐᓱᐊᕈᑕᐅᓗᓂ, ᑐᕌᒐᓱᐊᕐᑕᒥᓄᑦ. ᐱᕈᕐᓯᕕᒻᒥ ᐱᓇᓱᐊᕋᑦᓭᑦ ᓄᓇᓕᒻᒧᑦ ᐱᓇᓱᐊᕈᑕᐅᕙᓪᓕᐊᓕᕆᕐᑐᑦ, ᐱᕈᕐᓰᕕᓕᕆᓂᕐᒥᒃ ᐱᒋᐅᕐᓴᑎᑦᓯᓂᖃᓕᕐᑐᑦ, ᐱᕈᕐᓯᕕᐅᑉ ᐃᒐᓛᑦᓴᔭᖏᑦ ᐋᕐᕿᓱᕐᑕᐅᕙᓪᓕᐊᓕᕐᓱᑎᒃ ᐊᒻᒪᓗ ᐃᓪᓘᑉ ᐃᓗᐊᓂ ᐱᕈᕐᓰᕙᓪᓕᐊᓱᑎᒃ, ᐊᕐᐱᖁᑏᑦ ᐱᕈᑦᓯᐊᕆᔭᐅᒐᓱᐊᓕᕐᒥᔪᑦ, ᐊᒻᒪᓗ ᓂᕕᖕᙰᕕᑦᓭᑦ ᐃᓕᐅᖃᑕᐅᑦᓱᑎᒃ.
ᐃᓪᓗᔪᐊᑦ ᓴᓂᖏᓐᓂ ᐱᕈᕐᓯᕈᓯᕐᓂᒃ, ᓇᒻᒥᓂᖅ ᐱᕈᕐᓰᕕᖁᑎᓕᒃ ᐊᖏᓂᓕᒻᒥᒃ 300ft2 (ᐃᑎᒉᑦ), ᓯᕿᓂᕐᒧᑦ ᐃᑯᒪᓕᐅᕈᑎᓄᑦ ᐅᕐᖂᓯᓴᐅᑎᖃᓲᒥᒃ ᐱᕈᕐᓰᓲᖅ ᐱᕈᕐᑐᕕᓂᕐᓂᒃ ᐅᑭᐊᑦᓴᖅ ᑎᑭᕋᑕᕐᓱᒍ ᐱᕈᕐᓰᒍᓐᓇᓲᖅ.
©STEVE GRASSER
ᓴᓪᓗᓂ, Steve Grasser ᐃᑲᔪᕐᑎᒋᔭᐅᔪᖅ ᐃᓪᓗᔪᐊᑦ ᓴᓂᖏᓐᓂ ᐱᕈᕐᓯᕈᓯᕐᓂᒃ, ᓇᒻᒥᓂᖅ ᐱᕈᕐᓰᕕᖁᑎᓕᒃ ᐊᖏᓂᓕᒻᒥᒃ 300ft2 (ᐃᑎᒉᑦ), ᓯᕿᓂᕐᒧᑦ ᐃᑯᒪᓕᐅᕈᑎᓄᑦ ᐅᕐᖂᓯᓴᐅᑎᖃᓲᒥᒃ ᐱᕈᕐᓰᓲᖅ ᓄᓇᐅᔭᓂᒃ ᐅᑭᐊᑦᓴᖅ ᑎᑭᕋᑕᕐᓱᒍ ᐱᕈᕐᓰᒍᓐᓇᓲᖅ. ᐱᕈᕐᓰᕕᖃᓲᖅ ᐃᓘᓐᓇᓂᐊᕐᕕᑐᖃᕐᒥᒃ ᐊᒻᒪᓗ ᐃᕐᒥᐅᑎᕕᓂᕐᓂᒃ ᐸᓂᕐᓯᐅᑎᕕᓂᕐᓂᓗ ᐊᑐᕐᓱᓂ. ᓯᕐᒥᑖᕋᓱᐊᕆᐊᒥᒃ ᐊᕐᓱᕈᓐᓇᑑᒐᓗᐊᖅ, ᐱᔭᕆᐊᑭᑦᑑᐊᐱᐅᔪᖁᑎᒋᔭᖓᓕ ᓄᓇᕕᒻᒥᐅᓕᒫᑦ ᓇᒻᒥᓂᖅ ᓂᕿᑦᓴᒥᓂᒃ ᐱᕈᕐᓰᒍᒪᔪᓄᑦ ᐊᓂᕐᕋᒥᓂ.
ᓄᑖᒍᑦᓱᓂ ᖄᖏᕐᓂᑯᓕᐅᕋᓱᐊᕐᑎᐅᒐᓂ ᑯᐊᐳᕇᓴ ᓴᓪᓗᓂ ᑮᓇᐅᔭᑖᕈᓐᓇᓯᒍᒪᒻᒥᔪᖅ ᓄᓇᓕᒻᒥ ᐱᕈᕐᓯᕕᑦᑖᒐᓱᐊᕈᑎᑦᓴᓂᒃ ᐊᐅᓚᑕᐅᒍᓐᓇᓯᒐᔭᕐᖂᓱᓂᓗ 2022 ᐊᕐᕌᒍᖓᓂ. ᐱᕈᕐᓰᕕᐅᑉ ᖁᑉᐸᓗᐊᖓ ᐃᓚᒌᑦᑐᓄᑦ ᓴᓪᓗᒥᐅᓄᑦ ᓇᒻᒥᓂᖅ ᐱᕈᕐᓰᒍᒪᔪᓄᑦ ᐱᕈᕐᓯᐅᕕᐅᒐᔭᕐᑐᖅ ᐊᒻᒪᓗ ᐱᕈᕐᓰᕕᐅᑉ ᐃᓚᖓ ᓄᓇᓕᐅᑉ ᑎᒥᐅᔪᖁᑎᖏᓐᓄᑦ ᐱᕈᕐᓰᒍᑦᔨᕕᐅᒐᔭᕐᑎᓗᒍ ᐃᓄᓐᓂᒃ ᓂᕿᑦᓭᓂᐊᑐᐃᓐᓇᕆᐊᓕᓐᓂᒃ.
©JIM STEWART
ᐱᕈᕐᓰᕕᒃ ᑲᖏᕐᓱᐊᓗᒃᔪᐊᒥ ᐱᒋᐊᕐᑎᑕᐅᓚᐅᔪᖅ 2019ᒥ ᖃᐅᔨᑎᑦᓯᒋᐊᖕᖓᐅᑎᐅᑦᓱᓂ ᑲᖏᕐᓱᐊᓗᒃᔪᐊᒥᐅᓂᒃ ᖃᓄᖅ ᐱᕈᕐᓰᓱᖑᒻᒪᖔᑕ, ᐊᐅᓚᒍᑎᓄᑦ ᑭᓯᐊᓂ ᑎᑭᑎᑕᐅᓲᓂᒃ ᖃᓪᓗᓈᑦ ᓄᓇᖓᓂ ᐱᔪᓂᒃ, ᐊᒻᒪᓗ ᓂᕿᑦᓯᐊᖑᓂᕐᓴᓂᒃ ᐱᒍᒥᓇᕐᑎᒐᓱᐊᖃᑦᑕᓱᒋᑦ.
ᐱᕈᕐᑐᕕᓂᕐᓂᒃ ᓂᕆᔭᑦᓴᐅᖏᓐᓂᖏᓐᓂᒃ ᑲᑎᕐᓱᐃᓃᑦ ᐊᒻᒪᓗ ᐱᕈᕐᓰᕕᐅᑉ ᐊᓂᕐᓂᖃᑦᓯᐊᖁᒧᑦ ᕿᖓᖃᑦᓯᐊᕆᐊᖃᕐᒪᑦ ᒫᓐᓇ/ᑕᒐᑕᒐ ᐱᕙᓪᓕᐊᔭᐅᒐᓱᐊᕐᑐᐃᑦ ᐊᒻᒪᓗ ᐅᕐᖁᓯᓴᐅᑎᖏᑦ ᐃᓕᔭᐅᕙᓪᓕᐊᓱᑎᒃ ᑰᑦᔪᐊᒥ ᐊᑐᕐᑕᐅᓲᑦ ᐊᑦᔨᖏᑦ. ᐱᕈᕐᓰᕕᑦᑖᕈᒪᕙᓪᓕᐊᑐᐃᓐᓇᒪᑕ, ᑲᖏᕐᓱᐊᓗᒃᔪᐊᒥᑦᑐᖅ ᐊᖏᓕᒋᐊᕐᑕᐅᒍᒪᓕᕐᑐᐊᓛᑦ ᐊᕐᕌᒍᓛᕐᑐᒥ.
