ᑐᓂᔭᐅᔪᑦ ᖃᕐᔪᐃᑦ ᐅᕕᒃᑫᑦ ᑲᑎᒪᔨᖏᓐᓄᑦ
ᔭᓄᐊᕆ 27-ᒥᑦ 29 ᑎᑭᑦᓱᒍ 2025- ᒥ, ᐃᓄᑦᔪᐊᖅ ᐃᓄᒋᐊᑦᓯᓯᒪᑫᓐᓇᓚᐅᔪᕗᖅ ᕿᑦᑌᖓᔮᑦᑐᓯᐊᓄᑦ ᐃᓄᑐᐃᓐᓇᓄᑦ ᐅᕕᒃᑲᓄᑦ ᓯᕗᓕᕐᑎᓄᑦ ᑎᑭᑕᐅᒪᑦᓱᓂ ᐊᑐᐃᓐᓇᐅᓯᐊᕐᑐᓄᑦ ᐱᔭᑦᓴᖃᕐᑎᑕᐅᒍᑎᒥᓄᑦ ᐊᓂᕐᕋᒥᓐᓄᑦ ᖃᓂᑦᑐᒧᑦ—ᓇᒻᒥᓂᖅ ᐊᐅᓚᑦᓯᒍᓐᓇᓯᒍᒪᓂᕐᒧᓗ ᓄᓇᒨᓕᖓᔪᓂᒃᓗ ᐱᔪᓐᓇᐅᑎᖃᕐᑎᑕᐅᒍᑎᓄᑦ.ᓄᓇᕕᒻᒥ ᐊᖏᕈᑎᓕᐅᕐᓂᒧᑦ ᓇᒻᒥᓂ-ᑐᑭᑖᕆᖃᑦᑕᕋᔭᕐᓂᒥᒃ ᐆᑦᑐᕋᐅᑎᖃᕐᓱᑎᒃ ᐊᑑᑎᑎᓚᐅᔪᔭᒥᓐᓂᒃ ᐅᕕᒃᑫᑦ ᓄᓇᖁᑕᐅᔪᓕᒫᒥᑦ ᐱᓯᒪᑦᓱᑎᒃ ᐃᓕᑦᓯᒋᐊᕐᑐᓚᐅᔪᒐᒥᒃ, ᐱᓇᓱᖃᑎᒌᒋᐊᕐᑐᓱᑎᒃ, ᑕᐅᑐᕐᖂᖃᑎᒌᒋᐊᕐᑐᓱᑎᒃᓗ ᐃᓄᑐᐃᓐᓇᑎᒍᑦ ᐊᐅᓚᑦᓯᔨᐅᓂᕆᓛᕐᑕᒥᓐᓂᒃ ᓯᕗᓂᑦᓴᒥᓂ.
ᐸᕐᓇᑕᐅᓯᒪᑦᓱᓂ ᖃᕐᔪᐃᑦ ᐅᕕᒃᑫᑦ ᑲᑎᒪᔨᖏᓐᓄᑦ, ᒪᑭᕝᕕᒧᓪᓗ Gordon Foundation/ᑯ ᐊᑕᓐ ᑐᖕᖓᕕᒻᒧᓗ, ᑕᒪᑐᒪ ᐊᑐᑎᔭᐅᓂᖓ ᑐᕌᖓᓚᐅᔪᕗᖅ ᓄᓀᑦ ᐱᖁᔭᖁᑎᖏᓐᓄᑦ—ᐱᓪᓗᑯᒋ ᐊᖃᒻᒪᕆᑦᓱᓂ ᐊᑐᑎᔭᐅᓗᓂᓗ ᑭᓯ ᐊᓂᐅᑦᓱᓂ ᐃᓄᑐᐃᓐᓀᑦ ᓇᒻᒥᓂᖅ-ᑐᑭᑖᕐᑐᐃᖃᑦᑕᓂᑦᓴᖏᓐᓅᓕᖓᑦᓱᓂ. ᑲᑎᒪᓂ ᐊᕈᓯᖃᕐᓂᑐᐃᓐᓇᐅᓚᐅᔪᖕᖏᑐᑦ ᑲᑎᖕᖓᓂᑐᐃᓐᓇᐅᒐᑎᒃᓗ—ᐱᓇᓱᑦᑕᖃᕐᓂᐅᓚᐅᔪᒐᒥ ᐅᑎᕐᑎᓯᒋ ᐊᕐᓂᒥᒃ ᖃᐅᔨᒪᓂᕐᒥᒃ, ᓂᐱᖃᕐᓂᒥᒃ, ᐅᕕᒃᑲᓂᒃᓗ ᓯᕗᓕᕐᑎᐅᓂᑦᓴᖏᓐᓄᑦ ᐱᔪᓐᓇᓂᕐᑕᕆᓇᓱᓐᓂᒥᒃ.
ᐱᔪᓐᓇᓂᕐᑕᖃᒻᒪᕆᑦᑐᒥᒃ ᐱᕙᓪᓕ ᐊᓯᓂᖃᕐᓂᖅ
ᑖᒃᑯ ᐊ ᖃᓄᐃᓘᕐᓂᐅᔪᑦ ᐱᕙᓪᓕ ᐊᓂᖃᓯᓚᐅᔪᕗᑦ ᐊᑦᑐᑕᐅᓐᓇᑐᒥᒃ ᐅᒃᑯᐃᓯᒍᑎᖃᕐᓱᓂ ᑐᑦᓯ ᐊᓂᖃᕐᑎᓗᒍ ᐃᓄᑐᖃᕆᔭᐅᓚᐅᔪᖅ ᓗᐃᓴ ᑯᑭ-ᐳᔭᐅᓐ, ᑐᖕᖓᓂᓖᒋ ᐊᒃᑲᓂᕐᓂᖃᕐᓱᓂ ᐃᓘᓐᓇᖏᓐᓂᒃ ᐃᓄᑐᐃᓐᓇᑎᒍᑦ ᐃᒃᓕᓇᕐᑐᖁᑎᐅᔪᓄᑦ ᓇᒻᒥᓂᕐᓗ-ᑐᑭᑖᕆᒍᓐᓇᓯᒍᒪᓂᕐᒧ. ᑕᒪᑐᒥᖓ ᐱᒻᒪᕆ-ᐊᓘᑦᓱᓂ ᐱᔪᖃᓚᐅᕐᑎᓗᒍ, ᐅᕕᒃᑫᑦ ᑐᓵᑎᑕᐅᓕᓚᐅᔪᒋᕗᑦ ᐲᑕ ᐃᓄᑉᐸᒧᑦ, ᐊᑎᓕᐅᖃᑕᐅᓯᒪᔪᒧᑦ ᔦᒥᓯ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖏᓐᓂᒃ ᑕᒐᑕᒐᓗ ᐃᓄᑦᔪ ᐊᒥ ᓯᕗᓕᕐᑎᒋᔭᐅᑦᓱᓂ. ᐊᖏᖃᑎᒌᒐᓱᓐᓂᐅᓚᐅᕐᓯᒪᔪᒥᒃ ᔦᒥᓯ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖏᓐᓂᒃ ᐃᕐᖃᐅᒪᒋᔭᒥᓂᒃ ᐅᖄᑎᓪᓗᒍ ᐅᕕᒃᑫᑦ ᐊᑐᑎᓪᓚᕆᑦᓯᒪᔪᒥᑦ ᐅᓂᒃᑲᐅᔭᐅᓚᐅᔪᕗᑦ ᓄᓇᕕᐅᑉ ᐊᖏᕈᑎᑕᕆᓯᒪᔭᖓᓂᒃ
ᖃᓄᐃᓘᕆ ᐊᖃᕆ ᐊᒥᒃ ᐃᓕᑦᓯᑎᑕᐅᒍᑏᑦ
ᐅᒃᓗᓂ ᐱᖓᓱᓂ, ᐃᓚᐅᖃᑎᒌᔭᕐᑐᓯᒪᔪᑦ ᐃᓚᐅᓚᐅᔪᕗᑦ ᐱᓇᓱᖃ-ᑎᒌᖃᑦᑕᓱᑎᒃᓗ ᑲᑎᒪᓂ ᐊᕈᓯᕐᓂ ᐱᒋᐅᕐᓴᔭᐅᓂᖃᕐᓂᓂᓗ ᐱᓇᓱᖃᑎᖃᕐᓱᑎᒃ ᐊᑑᑎᔭᖃᓚᐅᕐᓯᒪᑦᓱᑎᒃ ᐊᔪᖀᒋ ᐊᕈᓐᓇᑐᓂᒃ, ᑖᒃᑯ ᐊ ᐅᕕᒃᑲᓂᒃ ᑕᓯᐅᕐᓯᖃᑦᑕᓚᐅᔪᑦ ᐊᑑᑎᓪᓚᕆᑦᓯᒪᔪᓂᒃ ᐊᖏᖃᑎᒌᒐᓱᓐᓂᒥ ᐱᓇᓱᒍᑎᓂᒃ. ᑖᒃᑯ ᐊ ᑲᑎᒪᖃᑎᒌᓐᓂᐅᖃᑦᑕᑐᑦ ᐃᑲᔪᕐᓯᓚᐅᔪᕗᑦ ᐅᕕᒃᑲᓂᒃ ᑐᑭᓯᑎᑦᓱᒋᑦ ᖃᓄᐃᓘᕐᓗᑎᒃ ᐃᓱᒪᑦᓴᓯᐅᖃᑦᑕᑐᑦᓴᐅᒪᖔᑕ, ᑐᑭᓯᔭᐅᑎᑦᓯᓂᖃᑦᓯ-ᐊᖃᑦᑕᓂᕐᒥᒃ ᑐᕌᕐᑕᐅᒐᓱᑦᑐᓂᒃ, ᖃᓄᐃᓕᒋ ᐊᕆ ᐊᖃᓕᕐᒪᖔᕐᒥᓗ ᐱᓪᓗᑯᒋ-ᐊᓕᓐᓂᒃ ᐱᓂ ᐊᕐᓂᓕᕆᒍᑎᓂᒃ ᐅᖃᖃᑎᒌᒍᑎᖃᕐᓂᓂ—ᐱᔭᕆᐅᕐᑕᐅᓯᒪᓂᑦᓴᖏᑦ ᐱᑕᖃᓪᓚᕆᒋᖃᕐᒪᑕ ᐃᓄᑐᐃᓐᓀᑦ ᓯᕗᓕᕐᑎᒋᓛᑕᖏᓐᓄᑦ ᐊᑐᕐᑕᐅᔪᑦᓴᐅᓗᑎᒃ.
ᑲᑐᑦᔨᓱᑎᒃ, ᖃᐅᔨᓴᖃᑎᒌᓚᐅᔪᑦ ᐱᑦᔪᑎᐅᓗ ᐊᖕᖑ ᐊᑐᓂᒃ ᓲᕐᓗ ᑲᒃᑯᓂᖓ:
• ᐃᓄᑐᐃᓐᓇᐅᓂᕐᒧᑦ ᖃᓄᑎᒋᒃ ᓄᓀᑦ ᑐᑭᖃᕐᒪᖔᑕ
• ᐃᓄᑐᐃᓐᓇᐅᒍᓐᓀᑎᑕᐅᒐᓱᓐᓂᐅᓯᒪᓂᐅᑉ ᑲᔪᓯᔪᒥᒃ ᓱᕐᕃᓯᒪᖏᓐᓇᓂᖏᑦ
• ᐱᖁᔭᑎᒎᕐᑐᑎᒍᓪᓗ ᐃᓗᕐᖁᓯᑎᒎᕐᓂᖏᑎᒍᓪᓗ ᓇᓗᓇᕐᓂᖏᑦ ᔦᒥᓯ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖏᑕ
ᓄᓇᓗ, ᓯᓚᓗ ᐱᔭᑦᓴᖁᑎᖃᕐᑎᑕᐅᒍᑏᓪᓗ
ᓄᑭᓕᒻᒪᕆᒃ ᐱᑦᔪᑕᐅᔪᖅ ᓄᐃᑕᐅᕗᖅ: ᓄᓇᕗᑦ ᓯᕗᓂᑦᓴᕆᕙᕗᑦ. ᐅᕕᒃᑫᑦ ᐅᖄᒍᑎᖃᓚᐅᔪᕗᑦ ᐅᖄᓪᓚᕆᑦᓯ ᐊᑐᐃᓐᓇᓱᑎᒃ ᖃᓄᖅ ᓯᓚ ᐊᓯᑦᔨᓂᖃᕐᓯᒪᓕᕐᒪᖔᑦ, ᐱᑦᓴᖁᑎᐅᔪᓪᓗ ᓄᓇᒥᑦ ᐅᔭᕋᓐᓂ ᐊᓱᒋᑦ ᑎᒍᓚᔭᐅᑦᓱᑎᒃ, ᐱᕙᓪᓕ ᐊᑎᑦᓯᒍᑎᐅᔪᓪᓗ ᓱᕐᕃᓂᖃᓕᕐᓂᖏᑦ ᓄᓇᓕᖕᓂᒃ. ᐅᕕᒃᑫᑦ ᓂᑦᔮᒍᑎᖃᓚᐅᔪᑦ ᓄᑭᖃᕆ ᐊᕐᓂᓴᐅᓗᑎᒃ ᐃᓄᑐᐃᓐᓇᓄᑦ-ᓯᕗᓕᕐᑕᐅᔪᑦ ᓄᓇᐅᑉ ᐊᕙᑎᖓᓂᒃ ᑲᒪᒋᔭᖃᕈᑏᑦ ᐊᑑᑎᔭᐅᖁᓕᕐᓱᓂᒋᑦ, ᐅᖃᐅᓯᖃᕆ ᐊᓪᓚᒪᕆᒻᒥᓱᑎᒃᓗ ᐱᑕᖃᕆ ᐊᓕᓐᓂᒃ ᓇᓪᓕᖁ ᐊᕇᑎᑦᓯᓂᕐᓂᒃ ᒪᑭᑕᒐᓱᒍᑎᓂᒃ ᐅᓇᒻᒥᓱᒍᑎᐅᔪᓂᒃ ᓲᓱᒋᔭᖃᕐᓗᑎᒃ ᓄᓇᒥᒃ ᓯᕗᓂᑦᓴᒥᓗ ᑭᖑᕚᖑᓛᕐᑐᓂᒃ.
ᐊᖏᖃᑎᒌᒐᓱ ᐊᕐᓂᓂᒃ ᐊᑑᑎᔭᖃᖕᖑ ᐊᓃᑦ
ᑕᑯᑦᓴᐅᓚᕆᓚᐅᕐᑐᖅ ᖃᓄᐃᓘᕐᓂᐅᔪᓂ ᐊᑐᑎᔭᖃᖕᖑ ᐊᓂᖅ ᐊᖏᖃᑎᒌᒐᓱᖃ-ᑎᖃᕐᓂᓂᒃ—ᐱᒐᓱᒍᑎᖃᕈᒪᑦᓯ ᐊᑐᑦ, ᐊᑐᑎᖕᖑ ᐊᖃᑎᒌᓚᐅᕐᒪᑕ ᑭᒡᒐᑐᕐᑎᖏᓪᓗ ᑯᐯᒃ ᑲᕙᒪᐅᑉ ᐃᓄᑐᐃᓐᓀᓗ. ᐅᕕᒃᑫᑦ ᐊᕕᑦᑐᓯᒪᓚᐅᔪᑦ ᐱᓇᓱᖃᑎᒌᔪᕐᑐᓱᑎᒃ, ᑕᓯᐅᕐᓯᔭᐅᑦᓱᑎᒃ ᐊᔪᖀᒋ ᐊᕐᑎᓄᑦ, ᐊᑑᑎᔭᖃᓕᓚᐅᔪᕗᑦ ᖃᓄᐃᓘᕐᑎᐅᒍᑎᖏᓐᓂᒃ ᐊᖏᖃᑎᒌᒐᓱᓲᑦ ᑕᒪᖏᓐᓂ ᓲᕐᓗ ᑲᕙᒪᒃᑯᓂᓪᓗ ᐊᖏᖃᑎᒌᒐᓱᑦᑏᑦ ᐃᓄᑐᐃᓐᓀᓗ ᐊᖏᖃᑎᒌᒐᓱᑦᑎᖏᑦ
ᐊᑑᑎᔭᖃᓕᓚᐅᔪᑦ ᐃᓕᓐᓂ ᐊᑎᑕᐅᒍᑎᒋᕋᑕᕐᑕᒥᓐᓂᒃ ᐱᔪᓐᓇᓂᕐᑕᕆᓚᐅᕐᑕᒥᓂᒃ ᐊᑭᓴᕐᑐᕆ ᐊᖃᕐᑕᓂᑎᒍᑦ, ᐱᓇᓱᑦᑕᐅᔪᑦᓴᓕᐅᕐᓂᑯᑦ, ᐱᓇᓱᖃᑎᖃᕐᓂᑯᓪᓗ—ᓱᓕᖕᖑ-ᐊᕈᑎᖃᕐᓱᑎᒃ ᐊᖏᕈᑎᓂᒃ ᐊᖏᖃᑎᒌᒐᓱᒍᑎᖃᕐᓂᓂᒃ ᐊᑑᑎᔭᖃᓕᓂᖕᖑᓴᕐᓱᑐᒃᓗ ᐱᕕᑭᑦᑐᒥ ᐱᔭᕇᕋᓱᓐᓂᐅᒋ ᐊᖃᓲᓂᒃ ᓇᓗᓇᕐᓯᕙᑦᑐᓂᒃᓗ ᓴᐳᑦᔨᓯᒪᓇᓱᒍᑎᐅᑦᓱᑎᒃ ᓄᓇᓕᒻᒥ ᐱᔪᓐᓇᐅᑎᖏᓐᓂᒃ.
ᑕᒪᑐᒥᖓ ᐊᑑᑎᔭᖃᖕᖑ ᐊᓂᕐᒥᒃ ᐱᕙᓪᓕ ᐊᑎᑦᓯᓂᕐᒥ ᓯᕗᓂᖓᓂ, ᐅᕕᒃᑫᑦ ᐃᓗᕐᖁᓯᕐᒥᒍᑦ ᑐᖕᖓᓱᑦᑎᓯᓂᕐᒥᒃ ᐊᑑᑎᔭᖃᓚᐅᔪᕗᑦ ᑲᑕᑦᔭᓂᒃᑯᓗ ᕿᓚᐅᑦᔭᓂᒃᑯᓗ, ᑐᖕᖓᓂᓖᒋ ᐊᒃᑲᓂᕈᑎᒋᑦᓱᒋᑦ ᖃᓄᐃᓘᕐᓂᓂᒃ ᐃᓄᑐᐃᓐᓀᑦ ᐃᒃᓕᓇᕐᑐᖁᑎᖏᓐᓂᒃ ᓄᓇᒥᓂᒃᓗ ᓲᓱᒋᔭᖃᑦᓯ ᐊᓂᕐᒥᓂᒃ. ᑌᒪᓗᑦᑕᐅᖅ ᑕᒪᓐᓇ ᐊᑑᑎᔭᖃᖕᖑ ᐊᓂᖅ ᐃᓱᓕᓂᖃᓚᐅᔪᖕᖏᑲᓗ ᐊᕐᑎᓗᒍ ᐊᖏᖃᑎᒌᒍᑎᑖᕐᓂᒥ, ᐱᑎᑦᓯᒍᑎᖃᓚᐅᔪᕗᖅ ᑌᒫᑦᓭᓇᖅ ᐃᒃᓕᓇᕐᑐᖃᑎᒥᓂᒃ: ᑐᑭᓯᔭᖃᕐᓂᒥᒃ ᓱᓇᓂᒃ ᐊᓯᐅᔨᑐᐃᓐᓇᕆ ᐊᖃᕐᓂᒥᒃ—ᖃᓄᐃᓘᕐᑕᐅᒋ ᐊᖃᕐᓂᖏᓐᓂᓗ—ᓯᕗᒧ-ᐊᒍᑎᐅᓂᑦᓴᖏᑎᒍ ᓇᒻᒥᓂᖅ- ᐊᐅᓚᑦᓯᒍᓐᓇᓯᓂᐅᒐᓱᑦᑑᑉ.
ᑭᖑᒧᑦ ᕿᕕ ᐊᕐᓂᖅ—ᓯᕗᒧᓪᓗ ᑕᑯᓴᕐᓂᖅ
ᖃᓄᐃᓘᕐᓂᐅᔪᖅ ᐃᓱᓕᓯᑎᓪᓗᒋᑦ, ᐃᓚᐅᔭᕐᑐᖃᑎᒌᑦᓯᒪᔪᑦ ᑲᑎᐅᑎᓚᐅᔪᕗᑦ ᐅᒃᑯ ᐊᓯᓂᖃᓯᑦᓯᑎᒃ ᐊᒻᒪᓗᑭᑕᐅᓕᖓᑦᓱᑎᒃ ᐃᓕᑦᓯᑎᑕᐅᒍᑎᒥᓐᓂᒃ ᐅᖄᒋ-ᐊᕐᑐᓱᑎᒃ. ᐊ ᒥᓱᑦ ᐃᑉᐱᓂᐊ ᕐᓂᖃᓚᐅᔪᑦ ᓄᑭᑖᕐᔪᒥᓂᖃᕐᓂᒥᒃ, ᐱᑐᖃᑎᖃᕐᓂᒥᒃ, ᖁᕕ ᐊᓱ ᐊᓕᕐᓱᑎᒃᓗ ᓯᕗᓂᑦᓴᒥᓄᑦ.
ᐃᖏᕐᕋᓂᖃᕐᓂᖅ ᑲᔪᓯᕗᖅ
ᑖᒃᑯ ᐊ ᐊᑑᑎᔭᖃᖕᖑ ᐊᓃᑦ ᓯᕗᓪᓕᐹᑐᐃᓐᓇᐅᕗᑦ. ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᑦ ᐸᕐᓇᓕᕇᕐᒥᔪᑦ ᑭᖑᓪᓕᐅᓗᓂ ᓱᔪᖃᕐᓂᐅᓛᕐᑐᒥᒃ, ᑐᕌᒐᖃᕐᓗᓂ ᓄᑖᓄᑦ ᖃᓄᐃᓘᕈᑎᓕᐅᓛᓕᕐᒥᔪᓄᑦ ᐃᓕᖓᓂᖃᕐᓗᑎᒃ ᓄᓇᕕᐅᑉ ᐊᑯᓂ- ᐊᑑᑎᔭᐅᔪᑦᓴᐅᑎᓪᓗᒍ ᓇᒻᒥᓂᖅ- ᐊᐅᓚᑦᓯᓂᑦᓴᓄᑦ ᑐᕌᖓᑎᓪᓗᒋᑦ.
ᐅᕕᒃᑲᐅᔪᓯ ᐃᓘᓐᓇᓯ ᓂᐱᓯ ᑐᓵᕙᕗᑦ: ᑕᑯᓐᓇᐸᑦᓯᒋᑦ, ᑐᓵᕙᑦᓯᒋᑦ, ᑕᒐᑕᒐᓗ ᐱᕕᑦᓴᓯ ᒫᓐᓇᐅᓕᕐᖁᖅ. ᐃᓚᐅᖃᑕᐅᑦᓯ ᐊᖏᓐᓇᖃᑦᑕᕆᑦᓯ, ᐱᔪᕆᒪᓂᖃᑦᓯ ᐊᕆᑦᓯᓗ. ᓇᒻᒥᓂᖅ ᓯᕗᓂᑦᓴᓯᓐᓂᒃ ᑎᒍᒥ ᐊᕋᑦᓯ. ᓱᓕᐁ ᙯᒻᒪᑕ—ᓈᓚᒐᓱᖏᓐᓇᖃᑦᑕᑎᒍᑦ!
