ᓅᕕᒻᐱᕆ 10, 2016- ᑰᒃᔪᐊᖅ ᓄᓇᕕᒃ-ᒪᑭᕝᕕᐅᑉ ᐊᖓᔪᕐᖄᖔ ᔫᐱ ᑕᕐᕿᐊᐱᒃ, ᒪᑭᕝᕕᒥ ᑐᑭᑖᕐᑎᐅᖃᑎᖏᑦ, ᐋᑕᒥ ᑎᓖᓪ ᐊᓚᑯ,ᐋᓐᑎ ᒧᐊᖃᐅᔅ, ᐋᓐᑎ ᐲᕐᑎ, ᐋᑕᒥ ᐹᑦᓚᔮᕐᓗ, ᒪᑭᕝᕕᐅᑉ ᑲᑎᖕᖓᔨᖏᑦ ᐃᒫᙰᕐᑎᖏᓪᓗ ᑐᑭᑖᕆᒋᐊᕐᓂᒧᑦ, ᓄᓇᕕᒻᒥᐅᓕᒫᓂᒃ ᑯᕕᐊᓱᖁᔨᕗᑦ ᐃᓅᖃᑎᒌᑦᓯᐊᓗᑎᓪᓗ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑕᐅᓯᒪᓂᖓᑕ ᐅᓪᓗᓯᐅᕈᑕᐅᓂᖓᓂᒃ ᓂᕿᑦᓯᕕᒻᒥ ᓅᕕᒻᐱᕆ 11
ᐊᕐᕌᒍᐃᑦ 41 ᐊᓂᒍᕐᑐᑦ, ᑌᑦᓱᒪᓂᐅᑎᓪᓗᒍ ᐃᓄᑐᐃᓐᓀᑦ ᐅᕕᒃᑲᐅᓱᑎᒃ ᓯᕗᓕᕐᑏᑦ ᐊᑎᓕᐅᕈᑎᖃᓚᐅᕐᓯᒪᕗᑦ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑕᐅᓂᖓᓂᒃ (JBNQA) ᐅᓐᓄᐊᕋᓘᓕᕐᑎᓗᒍ ᑯᐯᒃ ᓄᓇᓕᒻᒪᕆᖓᓂ ᐊᕐᕌᒎᓐᓂ ᒪᕐᕉᓂ ᐱᐅᑦᔭᖏᓪᓚᕆᑦᑐᑰᕈᑎᒋᑦᓱᒍ ᐊᑯᓂᕆᔪᐊᓘᑦᓱᓂᓗ ᐊᖏᖃᑎᒌᒑᓱᐊᕈᑕᐅᓂᖓ ᐃᕐᖃᑐᐃᕕᒃᑰᕈᑕᐅᓂᖓᓗ ᖃᓪᓕᕌᕆᓂᑐᐃᓐᓇᐅᒐᓱᐊᕐᓱᓂ.
ᑕᕐᕋᓕᔮᒐᖅ ᐅᓂᒃᑲᐅᓯᓕᒃ ᑕᒪᑦᓱᒥᖓ , ᓇᐸᒍᓐᓇᖁᓪᓗᓯ ᐊᕐᕌᓂ ᓇᓪᓕᐅᓂᕐᓯᐅᕈᑕᐅᑎᓪᓗᒍ ᐊᕐᕌᒍᕐᑐᓯᒪᓕᕐᓂᖓ 40ᓂᒃ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑕᐅᓯᒪᓂᖓᑕ. ᐅᓂᒃᑲᐅᓯᓕᒃ ᓱᓇᓂᒃ ᐃᓄᑐᐃᓐᓀᑦ ᐊᑑᑎᓐᓂᒪᖔᑕ ᐊᑎᓕᐅᕈᑎᒋᓐᓂᐊᕐᓱᒍ ᓯᕗᓪᓕᐸᐅᑎᓪᓗᒍ ᑲᓇᑕᐅᑉ ᐊᑑᑎᒋᐊᓕᒻᒥᑎᒍᑦ ᓄᓇᑖᕐᓂᒧᑦ ᐊᖏᖃᑎᒌᒍᑎ ᐊᑑᑎᓯᒪᔭᖓ.
ᑌᒪᖕᖓᓂᑦ ᓄᐃᑕᐅᓚᐅᔪᑎᓪᓗᒍᓂᒃ ᑰᒃᔪᐊᒥ, ᑕᕐᕋᓕᔮᒐᖅ ᑕᑯᑦᓴᐅᑎᑕᐅᖃᑦᑕᓯᒪᓕᕐᑐᖅ ᓄᓇᓕᓕᒫᓂ ᓄᓇᕕᒻᒥ, ᐊᒻᒪᓗ ᑕᑯᓐᓇᑕᐅᑎᑕᐅᓯᒪᒻᒥᓱᓂ ᑯᐯᒃ ᑲᕙᒪᑐᖃᐅᓪᓗ ᐱᓇᓱᑦᑎᖏᓐᓄᑦ ᑯᐯᒃᒦᑦᓱᑎᒃ, ᒪᓐᑐᕆᐊᓪᒥ, ᐊᑐᕗᐊᒥᓗ.
“ᑌᑦᓱᒪᓂ ᓱᓕᔫᓗᓂ ᑲᑎᑎᑦᓯᒋᐊᓪᓚᓂᕐᒧᑦ ᑲᑎᒪᔩᑦ ᐱᖁᔨᒍᑎᖃᓚᐅᔪᒻᒪᑕ ᑲᓇᑕᒥᐅᑦ ᖃᐅᔨᒪᐅᓯᕐᑖᖁᑦᓱᒋᑦ ᖃᓄᐃᑦᑐᑯᑦ ᐃᓅᓯᖃᕐᓯᒪᒻᒪᖔᑕ ᓄᓇᓕᑐᙯᑦ- ᐊᑑᑎᓯᒪᓂᖅ ᐊᖏᔪᕐᔪᐊᖑᑦᓱᓂ ᐅᓂᒃᑲᐅᑕᐅᓚᐅᕐᓯᒪᖕᖏᑐᖅ- ᑖᓐᓇᑕᒐ ᑕᕐᕋᓕᔮᒐᖅ ᐃᓘᓐᓇᖏᓐᓄᑦ ᑲᓇᑕᒥᐅᓄᑦ ᑕᑯᔭᑦᓴᐅᔪᕆᔭᕗᑦ, ᓚᓯᒪᔪᖅ ᔫᐱ ᑕᕐᕿᐊᐱᒃ.
ᑕᒃᒐᓂ ᐱᓇᓱᐊᕈᓯᕐᒥ ᑕᑯᓐᓇᑕᐅᓚᐅᕐᑐᖅ ᐊᒥᓱᓄᑦ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ ᔮᓐ ᐊᐸᑦᒥ ᐃᓂᖃᕐᓱᓂ ᓰᓐ ᐋᓐ ᑐ ᐱᐊᓪᕗ,ᐃᓄᑐᐃᓐᓀᑦ ᐃᕕᒃᑫᑦ ᐃᓕᓐᓂᐊᕆᐊᕐᓯᒪᕕᒋᓲᖓᓂ. ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑎᖓᓂᒃ ᐊᑎᓕᐅᕐᑎᐅᖃᑕᐅᓯᒪᔪᖅ ᔦᐱᑎ ᓄᖕᖓᖅ, ᐊᒻᒪᓗ ᐊᐱᕐᓱᑎ ᔦᓴᓐ ᐋᓇᖃᑕᒃ, ᐃᓚᖃᕐᒥᓱᑎᒃ ᑕᕐᕋᓕᔮᓕᐅᕐᑎᓂᒃ ᑐᑭᒧᐊᑦᑎᓯᔨᓂᓪᓗ ᐅᐸᐅᑎᓯᒪᓚᐅᔪᒻᒥᔪᑦ ᓴᐳᒻᒥᓯᒪᒋᐊᕐᑐᓱᑎᒃ ᑕᑯᓐᓇᑐᓂᒃ , ᐊᒻᒪᓗ ᐊᐱᕆᔭᐅᖃᑦᑕᓱᑎᒃ ᐃᓕᓐᓂᐊᑎᓄᑦ ᐊᒻᒪᓗ ᓇᐅᑐᐃᓐᓇᓄᑦ ᑕᕐᕋᓕᔮᕆᐊᕐᓯᒪᔪᓄᑦ.
“ᐅᐱᒍᓱᑉᐳᖓ ᐅᖃᕈᓐᓇᕆᐊᒥᒃ ᔦᐱᑎ ᓂᑯᕕᒍᑕᐅᑦᓱᓂ ᐸᑎᒐᕈᑕᐅᓚᐅᔪᒻᒪᑦ ᑕᑯᓐᓇᕆᐊᕐᓯᒪᔪᓄᑦ ᑕᕐᕋᓕᔮᕆᐊᕐᓯᒪᔪᓄᑦ ᐱᖓᔪᐊᓐᓂ ᐅᓐᓄᑯᑦ-ᑐᑭᓯᑎᑦᓯᒍᑕᐅᓪᓚᕆᑦᓱᓂ ᑕᑯᑦᓱᒋᑦ ᑕᕐᕋᓕᔮᕆᐊᕐᓯᒪᔪᑦ ᖃᓄᐃᓕᓂᖏᑦ ᑭᖑᓂᖓᒍᑦ, ᐅᓂᒃᑲᐅᓯᐅᑦᓱᓂ ᐅᓂᒃᑲᐅᑕᐅᓂᖏᓐᓂᒃ ᑌᕕᑎᐅᓪᓗ ᑯᓕᐊᑎᐅᓪᓗ, ᐃᓘᓐᓇᑕᓗ ᑕᒪᓐᓇ ᖃᐅᔨᒪᔭᕗᑦ ᐅᓂᒃᑲᐅᓯᖅ ᑲᔪᓯᒋᐊᖓ, 2016ᖑᓕᕋᑕᕐᑎᓗᒍ. ᓚᓚᐅᔪᔪᖅ ᔫᐱ ᑕᕐᕿᐊᐱᒃ.
ᐊᓱᐃᓛ ᐊᑎᓕᐅᕐᑕᕕᓂᐅᓕᕐᑎᓗᒍ ᐊᖏᖃᑎᒌᒍᑎ, ᐃᓄᑐᐃᓐᓀᑦ ᐱᔭᑦᓴᒪᕆᐊᓘᑦᑖᓚᐅᕐᓯᒪᔪᑦ ᐊᑐᓯᑎᑦᓯᒋᐊᖃᓯᑦᓱᑎᒃ ᑖᑦᓱᒥᖓ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑕᐅᓂᖓᓂᒃ. ᐊᕐᕌᒍᓂ 41ᓂ ᑌᒪᖕᖓᓂᑦ ᐊᖏᖃᑎᒌᒍᑎ ᐊᑎᓕᐅᕐᑕᐅᓚᐅᕐᓯᒪᑎᓪᓗᒍᓂᑦ ᒪᑭᕝᕕᒃ ᑲᔪᓯᑎᑦᓯᓯᒪᑐᐃᓐᓇᖏᑦᑐᖅ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑕᐅᓯᒪᓂᖓᓂᒃ ᑭᓯᐊᓂᓕ ᐊᓪᓛᑦ ᐃᓚᖃᑦᓴᒪᕆᑦᑐᖅ ᑮᓇᐅᔭᒻᒪᕆᓐᓂᒃ ᐊᐅᓚᑦᓯᔨᐅᓂᕐᒥᒃ, ᐊᒻᒪᓗ ᑌᒪᖕᖓᓂᑦ ᐅᓄᕐᓯᒋᐊᕐᓯᒪᑦᓱᑎᒃ ᐊᒻᒪᓗ ᐅᖓᑖᓄᑦ 100ᒥᓕᐊᓐ ᑮᓇᐅᔦᑦ ᐁᑑᑎᐅᓯᒪᓕᕐᑐᑦ ᓄᓇᕕᒻᒥ ᓄᓇᓕᓐᓂ ᐱᒍᑎᐅᓂᐊᕐᑎᓗᒋᑦ, ᒪᑯᑎᒎᓇ ᐊᔫᕋᓱᐊᕐᑏᑦ ᕿᔪᑯᑖᓕᔭᕐᓱᑎᒃ ᐱᖕᖑᐊᓂᖏᓐᓂᑦ ( hockey) ᐃᑦᔪᔫᓂᒃ ᑯᑎᐅᑉ ᐅᖃᐅᓯᖏᓐᓂᒃ ᐃᓕᓐᓂᐊᑐᑦ ᑎᑭᑦᓱᒋᑦ.
“ᐅᐱᒍᓱᑎᖃᕈᓐᓇᓯᐊᕐᒥᔪᒍᑦ ᓄᐃᓯᒪᔭᑦᑎᓂᒃ ᑮᓇᐅᔭᓕᐅᕐᕕᐅᓂᐊᕐᑎᓗᒋᑦ ᐱᓇᓱᕝᕕᓴᓂᒃ ᐃᓄᑐᐃᓐᓀᑦ ᐱᓇᓱᕝᕕᒋᕙᓕᕐᑕᖏᓐᓂᒃ ᐊᕐᕌᒍᓂᒃ ᐊᒥᓱᓂᒃ ᐊᓂᒍᕐᑐᓂ ᐅᑦᑑᑎᒋᓗᒋᑦ ᐃᓄᐃᑦ ᖃᖓᑦᑕᔫᖁᑎᖏᑦ (Air Inuit) -ᖃᖓᑦᑕᔫᕐᑎᐅᕕᒋᓯᒪᒻᒥᔭᕋ, – ᐅᒥᐊᕐᔪᐊᑯᑦ ᐅᑦᓯᔨᓂᖅ ᑕᕐᕋᒧᑦ, ᖃᓪᓗᑎ, ᐊᒻᒪᓗ ᓄᓇᕕᒻᒥ ᐱᓕᐊᕕᓃᑦ ᑖᒃᑯᑐᐊᖑᓂᐅᔭᖏᑦᑐᒐᓗᐊᑦ ᐅᖃᕐᑕᑲ. ᑲᔪᓯᕗᒍᑦ ᐱᓇᓱᒍᑦᔨᓂᒃᑯᑦ ᐃᓘᓐᓇᒋᓐᓂᒃ ᓄᓇᕕᒻᒥᐅᓂᒃ ᐊᒻᒪᓗ ᓅᕕᒻᐱᕆ 11ᒥ ᓴᐳᒻᒥᑐᐃᓐᓇᕋᑕ ᐅᓇᑕᕐᓯᒪᔪᓂᒃ ᑐᖁᕋᓚᕿᑦᓱᑎᒃ, ᐊᖑᑏᑦ ᐊᕐᓀᓗ ᑲᓇᑕᒥ ᐅᓇᑕᕐᑏᑦ, ᑭᓯᐊᓂᓕᑦᑕᐅᖅ ᓇᓪᓕᐅᓂᕐᓯᐅᓱᑕ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐅᓪᓗᓯᐅᕈᑕᐅᓂᖓᓂᒃ. ᓇᑯᕐᒦᒃ ᐃᓄᑐᐃᓐᓀᑦ ᐊᑎᓕᐅᕈᑦᔨᓯᒪᔪᑦ ᐅᕙᑦᑎᓂᒃ.”
-30-
ᖃᐅᔨᒋᐊᓪᓚᕈᒪᑦᓴᓂᕈᕕᑦ ᑐᓴᕆᐊᕐᕕᒋᒍᓐᓇᑌᑦ:
ᕗᐃᓕᐊᒻ ᑕᒍᓐᓈᖅ
ᑐᓴᐅᒪᐅᑎᒋᐊᖃᕐᓂᒥᒃ ᐊᐅᓚᑦᓯᔨ ᑐᓴᕋᑦᓴᓂᐊᕐᑎᓂᓪᓗ ᐱᓇᓱᖃᑎᖃᕐᑎᐅᓱᓂ
wtagoona@makivik.org
819-964-2925
ᒪᑭᕝᕕᒃ ᑲᑐᑦᔨᖃᑎᒌᓐᓂᐅᓱᓂ ᐱᕙᓪᓕᐊᑎᑦᓯᒍᓐᓇᐅᑎᖃᕐᖁᖅ ᑮᓇᐅᔭᑎᒍᑦ ᑎᓕᔭᐅᒪᐅᑎᖃᕐᓱᓂ ᐊᐅᓚᑦᓯᓂᐊᕐᑎᓗᒍ ᓇᒻᒥᓂᕆᑦᓱᒋᑦ ᑮᓇᐅᔦᑦ ᑮᓇᐅᔭᖁᑎᖏᑦ ᐃᓄᑐᐃᓐᓀᑦ ᓄᓇᕕᒻᒥᐅᑦ ᐱᒍᓐᓇᓯᓯᒪᑦᓱᒋᑦ ᐊᕐᖁᑎᒋᑦᓱᒍ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑕᐅᓯᒪᓂᖓ.ᒪᑭᕝᕕᐅᑉ ᑎᓕᔭᐅᓯᒪᐅᑎᖓ ᐃᓚᖃᕐᒥᔪᖅ ᐊᐅᓚᑦᓯᓂᕐᒥᒃ ᐊᒻᒪᓗ ᐅᓄᕐᓯᑎᑦᓯᒐᓱᐊᕐᓂᒥᒃ ᑖᒃᑯᓂᖓ ᑮᓇᐅᔭᓂᒃ ᐊᒻᒪᓗ ᐱᕙᓪᓕᐊᑎᓪᓗᒋᑦ ᑮᓇᐅᔭᓕᐅᕐᕕᐅᒍᓐᓇᓯᒍᓐᓇᑐᑦ.
ᓅᕕᒻᐱᕆ 10, 2016- ᑰᒃᔪᐊᖅ ᓄᓇᕕᒃ-ᒪᑭᕝᕕᐅᑉ ᐊᖓᔪᕐᖄᖔ ᔫᐱ ᑕᕐᕿᐊᐱᒃ, ᒪᑭᕝᕕᒥ ᑐᑭᑖᕐᑎᐅᖃᑎᖏᑦ, ᐋᑕᒥ ᑎᓖᓪ ᐊᓚᑯ,ᐋᓐᑎ ᒧᐊᖃᐅᔅ, ᐋᓐᑎ ᐲᕐᑎ, ᐋᑕᒥ ᐹᑦᓚᔮᕐᓗ, ᒪᑭᕝᕕᐅᑉ ᑲᑎᖕᖓᔨᖏᑦ ᐃᒫᙰᕐᑎᖏᓪᓗ ᑐᑭᑖᕆᒋᐊᕐᓂᒧᑦ, ᓄᓇᕕᒻᒥᐅᓕᒫᓂᒃ ᑯᕕᐊᓱᖁᔨᕗᑦ ᐃᓅᖃᑎᒌᑦᓯᐊᓗᑎᓪᓗ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑕᐅᓯᒪᓂᖓᑕ ᐅᓪᓗᓯᐅᕈᑕᐅᓂᖓᓂᒃ ᓂᕿᑦᓯᕕᒻᒥ ᓅᕕᒻᐱᕆ 11
ᐊᕐᕌᒍᐃᑦ 41 ᐊᓂᒍᕐᑐᑦ, ᑌᑦᓱᒪᓂᐅᑎᓪᓗᒍ ᐃᓄᑐᐃᓐᓀᑦ ᐅᕕᒃᑲᐅᓱᑎᒃ ᓯᕗᓕᕐᑏᑦ ᐊᑎᓕᐅᕈᑎᖃᓚᐅᕐᓯᒪᕗᑦ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑕᐅᓂᖓᓂᒃ (JBNQA) ᐅᓐᓄᐊᕋᓘᓕᕐᑎᓗᒍ ᑯᐯᒃ ᓄᓇᓕᒻᒪᕆᖓᓂ ᐊᕐᕌᒎᓐᓂ ᒪᕐᕉᓂ ᐱᐅᑦᔭᖏᓪᓚᕆᑦᑐᑰᕈᑎᒋᑦᓱᒍ ᐊᑯᓂᕆᔪᐊᓘᑦᓱᓂᓗ ᐊᖏᖃᑎᒌᒑᓱᐊᕈᑕᐅᓂᖓ ᐃᕐᖃᑐᐃᕕᒃᑰᕈᑕᐅᓂᖓᓗ ᖃᓪᓕᕌᕆᓂᑐᐃᓐᓇᐅᒐᓱᐊᕐᓱᓂ.
ᑕᕐᕋᓕᔮᒐᖅ ᐅᓂᒃᑲᐅᓯᓕᒃ ᑕᒪᑦᓱᒥᖓ , ᓇᐸᒍᓐᓇᖁᓪᓗᓯ ᐊᕐᕌᓂ ᓇᓪᓕᐅᓂᕐᓯᐅᕈᑕᐅᑎᓪᓗᒍ ᐊᕐᕌᒍᕐᑐᓯᒪᓕᕐᓂᖓ 40ᓂᒃ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑕᐅᓯᒪᓂᖓᑕ. ᐅᓂᒃᑲᐅᓯᓕᒃ ᓱᓇᓂᒃ ᐃᓄᑐᐃᓐᓀᑦ ᐊᑑᑎᓐᓂᒪᖔᑕ ᐊᑎᓕᐅᕈᑎᒋᓐᓂᐊᕐᓱᒍ ᓯᕗᓪᓕᐸᐅᑎᓪᓗᒍ ᑲᓇᑕᐅᑉ ᐊᑑᑎᒋᐊᓕᒻᒥᑎᒍᑦ ᓄᓇᑖᕐᓂᒧᑦ ᐊᖏᖃᑎᒌᒍᑎ ᐊᑑᑎᓯᒪᔭᖓ.
ᑌᒪᖕᖓᓂᑦ ᓄᐃᑕᐅᓚᐅᔪᑎᓪᓗᒍᓂᒃ ᑰᒃᔪᐊᒥ, ᑕᕐᕋᓕᔮᒐᖅ ᑕᑯᑦᓴᐅᑎᑕᐅᖃᑦᑕᓯᒪᓕᕐᑐᖅ ᓄᓇᓕᓕᒫᓂ ᓄᓇᕕᒻᒥ, ᐊᒻᒪᓗ ᑕᑯᓐᓇᑕᐅᑎᑕᐅᓯᒪᒻᒥᓱᓂ ᑯᐯᒃ ᑲᕙᒪᑐᖃᐅᓪᓗ ᐱᓇᓱᑦᑎᖏᓐᓄᑦ ᑯᐯᒃᒦᑦᓱᑎᒃ, ᒪᓐᑐᕆᐊᓪᒥ, ᐊᑐᕗᐊᒥᓗ.
“ᑌᑦᓱᒪᓂ ᓱᓕᔫᓗᓂ ᑲᑎᑎᑦᓯᒋᐊᓪᓚᓂᕐᒧᑦ ᑲᑎᒪᔩᑦ ᐱᖁᔨᒍᑎᖃᓚᐅᔪᒻᒪᑕ ᑲᓇᑕᒥᐅᑦ ᖃᐅᔨᒪᐅᓯᕐᑖᖁᑦᓱᒋᑦ ᖃᓄᐃᑦᑐᑯᑦ ᐃᓅᓯᖃᕐᓯᒪᒻᒪᖔᑕ ᓄᓇᓕᑐᙯᑦ- ᐊᑑᑎᓯᒪᓂᖅ ᐊᖏᔪᕐᔪᐊᖑᑦᓱᓂ ᐅᓂᒃᑲᐅᑕᐅᓚᐅᕐᓯᒪᖕᖏᑐᖅ- ᑖᓐᓇᑕᒐ ᑕᕐᕋᓕᔮᒐᖅ ᐃᓘᓐᓇᖏᓐᓄᑦ ᑲᓇᑕᒥᐅᓄᑦ ᑕᑯᔭᑦᓴᐅᔪᕆᔭᕗᑦ, ᓚᓯᒪᔪᖅ ᔫᐱ ᑕᕐᕿᐊᐱᒃ.
ᑕᒃᒐᓂ ᐱᓇᓱᐊᕈᓯᕐᒥ ᑕᑯᓐᓇᑕᐅᓚᐅᕐᑐᖅ ᐊᒥᓱᓄᑦ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ ᔮᓐ ᐊᐸᑦᒥ ᐃᓂᖃᕐᓱᓂ ᓰᓐ ᐋᓐ ᑐ ᐱᐊᓪᕗ,ᐃᓄᑐᐃᓐᓀᑦ ᐃᕕᒃᑫᑦ ᐃᓕᓐᓂᐊᕆᐊᕐᓯᒪᕕᒋᓲᖓᓂ. ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑎᖓᓂᒃ ᐊᑎᓕᐅᕐᑎᐅᖃᑕᐅᓯᒪᔪᖅ ᔦᐱᑎ ᓄᖕᖓᖅ, ᐊᒻᒪᓗ ᐊᐱᕐᓱᑎ ᔦᓴᓐ ᐋᓇᖃᑕᒃ, ᐃᓚᖃᕐᒥᓱᑎᒃ ᑕᕐᕋᓕᔮᓕᐅᕐᑎᓂᒃ ᑐᑭᒧᐊᑦᑎᓯᔨᓂᓪᓗ ᐅᐸᐅᑎᓯᒪᓚᐅᔪᒻᒥᔪᑦ ᓴᐳᒻᒥᓯᒪᒋᐊᕐᑐᓱᑎᒃ ᑕᑯᓐᓇᑐᓂᒃ , ᐊᒻᒪᓗ ᐊᐱᕆᔭᐅᖃᑦᑕᓱᑎᒃ ᐃᓕᓐᓂᐊᑎᓄᑦ ᐊᒻᒪᓗ ᓇᐅᑐᐃᓐᓇᓄᑦ ᑕᕐᕋᓕᔮᕆᐊᕐᓯᒪᔪᓄᑦ.
“ᐅᐱᒍᓱᑉᐳᖓ ᐅᖃᕈᓐᓇᕆᐊᒥᒃ ᔦᐱᑎ ᓂᑯᕕᒍᑕᐅᑦᓱᓂ ᐸᑎᒐᕈᑕᐅᓚᐅᔪᒻᒪᑦ ᑕᑯᓐᓇᕆᐊᕐᓯᒪᔪᓄᑦ ᑕᕐᕋᓕᔮᕆᐊᕐᓯᒪᔪᓄᑦ ᐱᖓᔪᐊᓐᓂ ᐅᓐᓄᑯᑦ-ᑐᑭᓯᑎᑦᓯᒍᑕᐅᓪᓚᕆᑦᓱᓂ ᑕᑯᑦᓱᒋᑦ ᑕᕐᕋᓕᔮᕆᐊᕐᓯᒪᔪᑦ ᖃᓄᐃᓕᓂᖏᑦ ᑭᖑᓂᖓᒍᑦ, ᐅᓂᒃᑲᐅᓯᐅᑦᓱᓂ ᐅᓂᒃᑲᐅᑕᐅᓂᖏᓐᓂᒃ ᑌᕕᑎᐅᓪᓗ ᑯᓕᐊᑎᐅᓪᓗ, ᐃᓘᓐᓇᑕᓗ ᑕᒪᓐᓇ ᖃᐅᔨᒪᔭᕗᑦ ᐅᓂᒃᑲᐅᓯᖅ ᑲᔪᓯᒋᐊᖓ, 2016ᖑᓕᕋᑕᕐᑎᓗᒍ. ᓚᓚᐅᔪᔪᖅ ᔫᐱ ᑕᕐᕿᐊᐱᒃ.
ᐊᓱᐃᓛ ᐊᑎᓕᐅᕐᑕᕕᓂᐅᓕᕐᑎᓗᒍ ᐊᖏᖃᑎᒌᒍᑎ, ᐃᓄᑐᐃᓐᓀᑦ ᐱᔭᑦᓴᒪᕆᐊᓘᑦᑖᓚᐅᕐᓯᒪᔪᑦ ᐊᑐᓯᑎᑦᓯᒋᐊᖃᓯᑦᓱᑎᒃ ᑖᑦᓱᒥᖓ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑕᐅᓂᖓᓂᒃ. ᐊᕐᕌᒍᓂ 41ᓂ ᑌᒪᖕᖓᓂᑦ ᐊᖏᖃᑎᒌᒍᑎ ᐊᑎᓕᐅᕐᑕᐅᓚᐅᕐᓯᒪᑎᓪᓗᒍᓂᑦ ᒪᑭᕝᕕᒃ ᑲᔪᓯᑎᑦᓯᓯᒪᑐᐃᓐᓇᖏᑦᑐᖅ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑕᐅᓯᒪᓂᖓᓂᒃ ᑭᓯᐊᓂᓕ ᐊᓪᓛᑦ ᐃᓚᖃᑦᓴᒪᕆᑦᑐᖅ ᑮᓇᐅᔭᒻᒪᕆᓐᓂᒃ ᐊᐅᓚᑦᓯᔨᐅᓂᕐᒥᒃ, ᐊᒻᒪᓗ ᑌᒪᖕᖓᓂᑦ ᐅᓄᕐᓯᒋᐊᕐᓯᒪᑦᓱᑎᒃ ᐊᒻᒪᓗ ᐅᖓᑖᓄᑦ 100ᒥᓕᐊᓐ ᑮᓇᐅᔦᑦ ᐁᑑᑎᐅᓯᒪᓕᕐᑐᑦ ᓄᓇᕕᒻᒥ ᓄᓇᓕᓐᓂ ᐱᒍᑎᐅᓂᐊᕐᑎᓗᒋᑦ, ᒪᑯᑎᒎᓇ ᐊᔫᕋᓱᐊᕐᑏᑦ ᕿᔪᑯᑖᓕᔭᕐᓱᑎᒃ ᐱᖕᖑᐊᓂᖏᓐᓂᑦ ( hockey) ᐃᑦᔪᔫᓂᒃ ᑯᑎᐅᑉ ᐅᖃᐅᓯᖏᓐᓂᒃ ᐃᓕᓐᓂᐊᑐᑦ ᑎᑭᑦᓱᒋᑦ.
“ᐅᐱᒍᓱᑎᖃᕈᓐᓇᓯᐊᕐᒥᔪᒍᑦ ᓄᐃᓯᒪᔭᑦᑎᓂᒃ ᑮᓇᐅᔭᓕᐅᕐᕕᐅᓂᐊᕐᑎᓗᒋᑦ ᐱᓇᓱᕝᕕᓴᓂᒃ ᐃᓄᑐᐃᓐᓀᑦ ᐱᓇᓱᕝᕕᒋᕙᓕᕐᑕᖏᓐᓂᒃ ᐊᕐᕌᒍᓂᒃ ᐊᒥᓱᓂᒃ ᐊᓂᒍᕐᑐᓂ ᐅᑦᑑᑎᒋᓗᒋᑦ ᐃᓄᐃᑦ ᖃᖓᑦᑕᔫᖁᑎᖏᑦ (Air Inuit) -ᖃᖓᑦᑕᔫᕐᑎᐅᕕᒋᓯᒪᒻᒥᔭᕋ, – ᐅᒥᐊᕐᔪᐊᑯᑦ ᐅᑦᓯᔨᓂᖅ ᑕᕐᕋᒧᑦ, ᖃᓪᓗᑎ, ᐊᒻᒪᓗ ᓄᓇᕕᒻᒥ ᐱᓕᐊᕕᓃᑦ ᑖᒃᑯᑐᐊᖑᓂᐅᔭᖏᑦᑐᒐᓗᐊᑦ ᐅᖃᕐᑕᑲ. ᑲᔪᓯᕗᒍᑦ ᐱᓇᓱᒍᑦᔨᓂᒃᑯᑦ ᐃᓘᓐᓇᒋᓐᓂᒃ ᓄᓇᕕᒻᒥᐅᓂᒃ ᐊᒻᒪᓗ ᓅᕕᒻᐱᕆ 11ᒥ ᓴᐳᒻᒥᑐᐃᓐᓇᕋᑕ ᐅᓇᑕᕐᓯᒪᔪᓂᒃ ᑐᖁᕋᓚᕿᑦᓱᑎᒃ, ᐊᖑᑏᑦ ᐊᕐᓀᓗ ᑲᓇᑕᒥ ᐅᓇᑕᕐᑏᑦ, ᑭᓯᐊᓂᓕᑦᑕᐅᖅ ᓇᓪᓕᐅᓂᕐᓯᐅᓱᑕ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐅᓪᓗᓯᐅᕈᑕᐅᓂᖓᓂᒃ. ᓇᑯᕐᒦᒃ ᐃᓄᑐᐃᓐᓀᑦ ᐊᑎᓕᐅᕈᑦᔨᓯᒪᔪᑦ ᐅᕙᑦᑎᓂᒃ.”
-30-
ᖃᐅᔨᒋᐊᓪᓚᕈᒪᑦᓴᓂᕈᕕᑦ ᑐᓴᕆᐊᕐᕕᒋᒍᓐᓇᑌᑦ:
ᕗᐃᓕᐊᒻ ᑕᒍᓐᓈᖅ
ᑐᓴᐅᒪᐅᑎᒋᐊᖃᕐᓂᒥᒃ ᐊᐅᓚᑦᓯᔨ ᑐᓴᕋᑦᓴᓂᐊᕐᑎᓂᓪᓗ ᐱᓇᓱᖃᑎᖃᕐᑎᐅᓱᓂ
wtagoona@makivik.org
819-964-2925
ᒪᑭᕝᕕᒃ ᑲᑐᑦᔨᖃᑎᒌᓐᓂᐅᓱᓂ ᐱᕙᓪᓕᐊᑎᑦᓯᒍᓐᓇᐅᑎᖃᕐᖁᖅ ᑮᓇᐅᔭᑎᒍᑦ ᑎᓕᔭᐅᒪᐅᑎᖃᕐᓱᓂ ᐊᐅᓚᑦᓯᓂᐊᕐᑎᓗᒍ ᓇᒻᒥᓂᕆᑦᓱᒋᑦ ᑮᓇᐅᔦᑦ ᑮᓇᐅᔭᖁᑎᖏᑦ ᐃᓄᑐᐃᓐᓀᑦ ᓄᓇᕕᒻᒥᐅᑦ ᐱᒍᓐᓇᓯᓯᒪᑦᓱᒋᑦ ᐊᕐᖁᑎᒋᑦᓱᒍ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑕᐅᓯᒪᓂᖓ.ᒪᑭᕝᕕᐅᑉ ᑎᓕᔭᐅᓯᒪᐅᑎᖓ ᐃᓚᖃᕐᒥᔪᖅ ᐊᐅᓚᑦᓯᓂᕐᒥᒃ ᐊᒻᒪᓗ ᐅᓄᕐᓯᑎᑦᓯᒐᓱᐊᕐᓂᒥᒃ ᑖᒃᑯᓂᖓ ᑮᓇᐅᔭᓂᒃ ᐊᒻᒪᓗ ᐱᕙᓪᓕᐊᑎᓪᓗᒋᑦ ᑮᓇᐅᔭᓕᐅᕐᕕᐅᒍᓐᓇᓯᒍᓐᓇᑐᑦ.