ᑐᓴᕋᑦᓭᑦ
ᐁᕆᓕ 23, 2021-ᒥ – ᑰᑦᔪᐊᒥᑦ, ᓄᓇᕕᒻᒥᑦ – ᒪᑭᕝᕕᐅᑉ ᐱᓇᓱᑦᑎᖏᑦ ᖃᐅᔨᓚᐅᕐᖁᑦ ᑕᕝᕙᓂ ᐱᓇᓱᐊᕈᓯᕐᒥ 2015-ᒥ ᐊᑐᐊᕋᑦᓴᓕᐊᒍᔪᕕᓂᕐᓂᒃ ᑐᓴᕋᑦᓴᓂᐊᕐᑎᓄᑦ ᓯᓓᑦᑑᓱᑎᒃ ᐊᑐᐊᕋᑦᓴᓕᐅᕐᓂᒪᑕ ᐃᓅᒍᓐᓀᖃᑦᑕᓂᕕᓂᖏᓐᓂᒃ ᓄᓇᓕᑐᙯᑦ ᑲᒃᑲᓛᑦ ᐱᐊᕃᑦ ᐅᕕᒐᕐᑐᐃᓗ ᑯᐯᒃᒥᐅᑦ, ᐊᑦᔨᖁᑎᖏᓐᓂᐊᓛᑦ ᐃᓅᒍᓐᓀᓯᒪᓕᕐᑐᑦ ᓄᐃᑕᑎᑦᓯᓱᑎᒃ ᓱᖃᓄᕐᓗ ᐃᓅᒍᓐᓀᑐᕕᓂᐅᓂᖏᓐᓂᒃ ᐊᓪᓚᓯᒪᑦᓱᑎᒃ. 144 ᐃᓄᐃᑦ ᑌᒫᒃ ᑐᓴᕋᑦᓴᓅᕐᑕᐅᓯᒪᓐᓂᖁᑦ , ᐊᑦᔨᓴᐅᑦᓱᑎᒃ ᑐᓴᕋᑦᓭᑦ ᐃᒫᒃ, “ᖃᐅᔨᕙᓪᓚᑕᐅᓯᒪᖕᖏᑐᑦ ᖃᓄᐃᑦᑐᑰᕐᓯᒪᓂᖏᑦ ᓄᓇᓕᑐᙯᑦ ᕿᑐᕐᖓᖏᑦᑕ”.
ᒪᑭᕝᕕᐅᑉ ᓯᕗᓕᕐᑎᖏᑦ ᑕᒪᑐᒥᖓ ᐊᑦᔨᒌᑦᑎᓯᖕᖏᓂᕐᒥᒃ ᐱᕙᓪᓕᖁᑎᑖᕆᒐᓱᐊᓚᖓᑦᓱᒍ ᖁᐊᕐᓵᕈᑎᖃᕐᓂᖁᑦ ᐃᓱᒫᓘᑎᖃᕐᓱᑎᓪᓗ. ᑐᓴᕋᑦᓴᓅᕐᑕᐅᓯᒪᓂᕕᓂᖏᑦ ᐲᕐᑕᐅᓯᒪᓕᕋᓗᐊᕐᑎᓗᒋᑦ, ᓱᒃᑯᑎᕆᒍᑕᐅᒌᕐᓯᒪᕗᑦ. ᖃᓄᕐᑑᕈᑕᐅᒋᐊᓪᓚᕆᐊᖃᕐᐳᑦ ᑐᓴᕐᑎᓯᒍᑎᐅᖃᑦᑕᓚᖓᔪᑦ ᑌᒣᒋᐊᓪᓚᖁᓇᒋᑦ ᐃᓚᒌᓂᒃ ᐋᓐᓂᑎᕆᒋᐊᓪᓚᕈᑎᑐᐃᓐᓇᐅᒪᑦ ᑕᒪᓐᓇ.
“ᖁᐊᕐᓵᓯᐊᓚᐅᔪᕗᖓ ᖃᐅᔨᑦᓱᖓ ᑐᓴᕋᑦᓴᓅᕐᑕᐅᓯᒪᔪᓂᒃ ᑐᓴᕋᑦᓴᓂᐊᕐᑎᖏᓐᓄᑦ La Presse. ᑕᑕᒥᓐᓇᓕᕇᕋᔭᕐᑎᓗᒍᓕ ᐊᑎᕐᓂᒃ ᐊᓪᓚᑕᐅᓯᒪᔪᓂᒃ ᑕᑯᔪᖃᕈᓂ ᖃᓄᖅ ᐃᓅᒍᓐᓀᖃᑦᑕᑐᕕᓂᐅᒻᒪᖔᑕ ᓄᓇᓕᑐᖃᐅᖕᖏᑐᑦ ᐅᕕᒐᕐᑐᐃᑦ ᐊᑎᖏᓐᓂᒃ, ᓱᒧᓪᓕᑕᒑ ᐃᓄᐃᑦ ᓄᓇᓕᖏᓐᓂᒃ ᑐᓴᕋᑦᓴᓅᕐᓯᓯᒪᓐᓂᕐᖃᑦ ᓯᓓᑦᑑᓱᑎᒃ ᖃᓄᐃᒋᔭᐅᖕᖏᑑᓂᐊᕐᑐᕆᒍᓇᑦᓴᓱᑎᒃ ? ᑭᐅᒍᓐᓇᑐᖓ ᑕᒪᓐᓇ ᓈᒻᒪᓈᖕᖏᑐᖅ. ᐊᑦᔨᒋᖕᖏᑑᑎᑦᓯᓂᕐᕆᓲᖏᓐᓂᒃ ᓄᓇᕕᒻᒥᐅᓂᒃ ᐊᓯᖏᓐᓂᓗ ᓄᓇᓕᑐᙯᑦ ᓄᓇᓕᖏᓐᓂᒃ ᓯᕿᓂᑦᑎᓂᒥᐅᑦ ᑐᓴᕋᑦᓴᓂᐊᕐᑏᑦ ᓄᐃᑕᑎᑦᓯᒍᑎᒃ, “ᐅᖃᕐᑐᕕᓂᖅ ᒪᑭᕝᕕᐅᑉ ᐊᖓᔪᕐᖄᖓ ᐱᑕ ᐋᑕᒥ.
ᓄᐃᑎᑕᐅᒋᐊᑲᓪᓚᓂᖓ ᑐᓴᕋᑦᓴᓅᕐᑕᐅᓯᒪᓂᕕᓂᖏᑦᑕ ᐃᑉᐱᒋᔭᐅᑦᓯᐊᕆᐊᓕᒻᒪᕆᓐᓂᒃ ᐊᐱᕐᓲᑎᑦᓴᑖᕐᕕᐅᔪᓂᓪᓗ ᓄᐃᑦᓯᒍᑕᐅᔪᖅ ᑭᓇᑐᐃᓐᓇᐅᑉ ᑲᖕᖑᓇᕿᕕᐅᒋᐊᖃᖕᖏᓂᖓᓂᒃ ᓱᓇᑐᐃᓐᓀᓗ ᐊᖏᕐᓯᒪᖄᕈᑕᐅᒋᐊᖃᓲᒍᓂᖏᓐᓂᒃ. ᑐᓴᕋᑦᓴᓅᕐᑕᐅᓯᒪᔪᑦ ᐃᓚᒌᑦ ᖃᐅᔨᒪᑎᓐᓇᒋᑦ ᑌᑯᖓ ᖁᐊᕐᓵᖓᓇᕐᑐᑰᕐᓯᒪᓂᕕᓂᖏᓐᓄᑦ ᐅᑎᕐᑎᑕᐅᒐᓱᐊᕐᑐᕉᔮᕐᓯᒪᒻᒥᒪᑕ.
ᑲᕙᒪᑐᖃᒃᑯᑦ ᑯᐯᒃᑯᓗ ᑲᕙᒪᖓ ᓭᒻᒪᐅᑎᒋᐊᖃᕐᓂᒥᒃ ᐊᐅᓚᑦᔭᕆᐊᖁᔨᒍᑎᖃᖃᑦᑕᑎᓪᓗᒋᑦ, ᑯᐯᒃᒥᐅᑦ ᑲᓇᑕᒥᐅᓪᓗ ᐱᑕᖃᕈᓐᓀᑎᑦᓯᕙᓪᓕᐊᖃᑕᐅᒐᓱᐊᕐᑐᓴᐅᒻᒥᒪᑕ ᓇᕐᕈᒋᔭᐅᕙᓪᓛᓂᐅᓲᓂᒃ ᐊᓯᖏᓐᓂᓗ ᐃᓄᓕᒫᓂᒃ ᐊᑦᔨᒌᑐᐃᓐᓇᐅᑎᑦᓯᓂᐅᓲᓂᒃ ᑲᓇᑕᒥ ᑐᓴᕋᑦᓴᓅᕐᑕᐅᓯᒪᕙᑦᑐᓂᒃ.
ᒪᑭᕝᕕᒃ ᑕᒪᑐᒥᖓ ᐅᖄᒍᑕᐅᓛᖁᔨᔪᖅ ᐱᓇᓱᐊᕈᓯᐅᓛᕐᑐᒥ ᐊᑯᓕᕕᒻᒥ ᑲᑎᒪᓂᒻᒪᕆᖃᓕᕈᑎᒃ. ᐊᐅᓚᑦᔭᕆᐊᕐᓂᒥᓄᑦ ᐃᓚᐅᑎᓪᓗᒍ ᒪᑭᕝᕕᒃ ᐅᓐᓂᓗᒍᑎᓕᐅᓛᕐᖁᖅ ᐅᓪᓗᓂ ᓯᕗᓂᑦᑎᓂ ᑐᓴᕋᑦᓴᓂᐊᕐᑎᓂᒃ La Presse ᐅᓐᓂᓗᒍᑎᒥᓂᒃ ᐅᑯᓂᖓᓗ le Conseil de presse, ᐃᓅᒍᓐᓀᑐᓕᕆᔩᓪᓗ ᓯᕗᓕᕐᑎᖓᓂᒃ. ᐃᓚᒌᑦ ᐃᕐᖃᑐᕋᑦᓴᓕᐅᕐᑎᒍᒪᒐᔭᕐᓱᒋᑦ ᕿᒥᕐᕈᓛᕐᒥᓱᑕ.
ᑐᓴᕋᑦᓴᓅᕐᑕᐅᓯᒪᔪᕕᓂᕐᓂᒃ ᑕᑯᕐᖃᒥᐅᓂᕐᓄᑦ ᖁᐊᕐᓵᖓᓇᕐᑐᑰᕈᑎᖃᕐᓯᒪᒍᕕᑦ, ᐃᓚᑉᐱᓘᓐᓃᑦ ᓇᓪᓕᐊ ᖁᐊᕐᓵᖓᓇᕐᑐᑰᕈᑎᖃᕐᓯᒪᓐᓂᐸᑦ, ᖃᐅᔨᒪᒋᑦ ᐃᑲᔪᕐᑎᓴᖃᕐᒪᑦ.
- ᓄᓇᕗᑦ ᑲᒪᑦᓯᐊᖅᑐᑦ ᐅᖄᓚᕕᑦᓭᑦ: 1-800-265-3333 (ᐃᓄᒃᑎᑐᑦ/ᖃᓪᓗᓈᑎᑐᑦ)
- ᐃᓄᐃᑦ ᐱᓪᓚᕆᖁᑎᖏᓐᓂᒃ ᐱᓇᓱᐊᓲᖏᓐᓂᓗ ᐊᓪᓚᕕᒃ (9:00-ᖑᒥᑦ ᐅᓪᓛᑯᑦ – 5:00-ᖑᒧᑦ ᐅᓐᓄᓴᒃᑯᑦ): 1-877-686-2845 (ᐃᓄᒃᑎᑐᑦ/ᖃᓪᓗᓈᑎᑐᑦ)
- www.facebook.com/reachoutnunavik
- ᓂᕆᐅᓐᓂᖃᕐᓂᖅ ᖃᓄᐃᖕᖏᓯᐊᕈᒪᓂᕐᒥᒃ – ᐅᖄᓚᕕᑦᓴᖓ ᐃᓄᐃᑦ ᓄᓇᓕᑐᙯᓪᓗ: 1-855-242-3310 (ᖃᓪᓗᓈᑎᑐᑦ/ᐅᐃᒍᐃᑎᑐᑦ)
- ᑲᒃᑲᓛᑦ ᐱᐊᕃᑦ ᐅᖄᓚᕕᑦᓴᖓ: 1-800-668-6868 www.jeunessejecoute.ca (ᖃᓪᓗᓈᑎᑐᑦ/ᐅᐃᒍᐃᑎᑐᑦ)
- ᐃᑲᔪᕐᑕᐅᓴᐅᑎᒋᒋᐊᖃᕈᕕᑦ, ᐅᖄᓚᓗᑎᑦ ᓄᓇᓕᑦᓯ ᐋᓐᓂᐊᕕᐊᐱᖓᓄᑦ 819-×××-9090.
- • https://www.aqps.info/ 1-866-APPELLE (277-3553)
- ᓴᐳᒻᒥᔩᑦ – Ressource d’aide pour victimes d’actes criminels
- ᐊᕐᓀᑦ ᐃᑲᔪᕐᑕᐅᕕᖓ ᑐᖕᖓᓱᕝᕕᒃ – ᑰᑦᔪᐊᒥ
- ᐊᕐᓀᑦ ᐃᑲᔪᕐᑕᐅᕕᖓ ᐃᓂᑦᓯᐊᖅ – ᓴᓪᓗᓂ 819-255-8817
- Maison ᐊᔭᐱᕐᕕᒃ ᐊᕐᓀᑦ ᐃᑲᔪᕐᑕᐅᕕᖓ – ᐃᓄᒃᔪᐊᖅ 819-254-1414
- ᐅᓈᖅ ᐊᖑᑏᑦ ᑲᑐᑦᔨᖃᑎᒌᓐᓂᖓ – ᐃᓄᒃᔪᐊᒥ
- ᖃᔭᖅ ᐱᓇᓱᖃᑎᒌᕝᕕᐅᔪᖅ – ᑰᑦᔪᐊᒥ 1-877-964-0770 ou 1-877-350-0254
-30-
ᖃᐅᔨᒋᐊᕐᑐᕕᑦᓴᖅ:
ᑳᓴᓐ ᑕᒍᓐᓈᖅ
ᑐᑭᒧᐊᑦᑎᓯᔨ ᑐᓴᐅᒪᖃᑦᑕᐅᑎᓂᕐᓂᒃ
ᒪᑭᕝᕕᒃ
ctagoona@makivik.org
ᒪᑭᕝᕕᒃᓄᓇᑖᕋᓱᐊᕐᓂᒧᑦᐱᓇᓱᕝᕕᐅᕗᖅᑎᓕᔭᐅᒪᐅᑎᖃᕐᓱᓂᐊᐅᓚᑦᓯᒋᐊᖃᕐᓂᒥᒃᑮᓇᐅᔭᖃᕐᑎᑕᐅᒍᑎᖏᓐᓂᒃᐃᓄᐃᑦᓄᓇᕕᒻᒥᐅᑦᔦᒥᓯᐯᒥᑯᐯᒃᓗᑕᖅᕋᖓᓂᐊᖏᖃᑎᒌᒍᑎᑎᒍᑦ. ᒪᑭᕝᕕᒃᐱᔭᑦᓴᖃᕐᒥᑎᓪᓗᒍᐊᐅᓚᑕᐅᓂᖏᓐᓂᒃᑮᓇᐅᔭᓕᐅᕆᐊᓪᓚᕈᑎᑦᓴᐅᓂᖏᓐᓂᓗᑖᒃᑯᐊᑮᓇᐅᔦᑦᑫᓪᓚᑐᐃᒍᑎᖃᕆᐊᖃᕐᓂᒥᓪᓗᒪᑭᑉᐸᓕᐊᒍᑎᑦᓴᐅᒋᐊᖃᕐᓂᖏᓐᓂᒃᐃᑲᔪᕐᓯᖃᑦᑕᓂᒃᑯᑦᓄᐃᑦᓯᒐᓱᐊᕐᑐᓂᒃᐃᓄᓐᓄᑦ-ᐊᐅᓚᑕᐅᔪᓂᒃᐱᓇᓱᒐᖃᕐᕕᓴᓂᒃᓄᓇᕕᒻᒥ. ᒪᑭᕝᕕᑯᑦᑫᓪᓚᑐᐃᒍᑎᖃᓲᑦᐱᐅᓕᐊᕐᑕᐅᒋᐊᖃᕐᓂᖓᓂᒃᐃᓄᐃᑦᐃᓕᕐᖁᓯᖓᑕᐅᖃᐅᓯᖓᑕᓗᖃᓄᐃᖕᖏᓯᐊᕐᑐᓴᐅᓂᖏᓐᓂᓗ, ᒪᑭᑕᑦᓯᐊᕆᐊᖃᕐᓂᖏᓐᓂᓗ, ᐊᔪᕐᓴᕈᓐᓀᕆᐊᖃᕐᓂᖏᓐᓂᓗ, ᐃᓕᓐᓂᐊᓯᒪᒋᐊᖃᕐᓂᖏᓐᓂᓗᐃᓄᐃᑦᓄᓇᓕᓐᓂ.