ᑕᓯᐅᔭᖅ, ᑯᐯᒃᒥ (ᒫᑦᓯ 24-ᒍᑎᓪᓗᒍ , 2017-ᒥ) – ᒪᑭᕝᕕᑯᑦ ᐅᐱᒍᓱᑦᓱᑎᒃ ᑐᓴᕐᑕᐅᑎᑦᓯᕗᑦ ᐱᒋᐊᕐᑎᓚᖓᔭᒥᓂᒃ ᐊᑎᓕᐅᓕᐅᑦᔨᓂᕐᒥᒃ ᐱᓕᐅᑦᔨᑎᑦᓯᓚᖓᓕᕐᓂᒥᓂᒃ ᓄᑖᒍᑦᓱᓂ ᑮᓇᐅᔭᑎᒍᑦ ᐱᕙᓪᓕᐊᑎᑦᓯᒐᓱᐊᕐᓂᒧᑦ ᑯᐊᐳᕇᓴᐅᓛᕐᑐᒥᒃ ᑕᒐᑕᒐFᒫᓐᓇ ᐊᑦᔨᕋᕐᑕᐅᒍᑎᖃᓚᐅᕐᑐᑐᒥᒃ ᕈᕆ?ᕋO-ᒍᓂᕋᕐᓱᒍ.
Devco-ᑯ ᑎᒥᖕᖑᓛᕐᑐᖅ ᑮᓇᐅᔭᑎᒍᑦ ᐱᕙᓪᓕᐊᑎᑦᓯᒐᓱᐊᕐᕕᐅᓛᕐᓱᓂ ᒪᑭᕝᕕᒧᑦ ᑕᓕᕆᔭᐅᓯᓗᓂ. Devco ᑐᕌᒐᖃᓛᕐᑐᖅ ᐊᐅᓚᑦᓯᔨᒋᔭᐅᓛᕐᓗᓂ ᐃᑉᐱᒍᓱᑦᑎᐅᓛᕐᓗᓂᓗ ᒪᑭᕝᕕᐅᑉ ᐱᒍᒪᔭᖏᓐᓂᒃ ᑕᒐᑕᒐFᒫᓐᓇ ᓄᐃᑕᓕᕐᓱᑎᒃ ᑎᒥᐊᕈᖁᑎᖏᓐᓂᒃ ᓯᕗᓂᕐᒥᓗ ᑎᒥᐊᕈᖁᑎᖃᖃᑎᑦᓴᖏᓐᓂᒃ ᐊᒻᒪᓗ ᐃᑲᔪᕐᑎᒋᒍᑎᐅᓗᑎᒃ ᑮᓇᐅᔭᓕᐅᕋᓱᐊᕈᑎᐅᔪᓂᒃ ᐱᒐᓱᐊᖃᑦᑕᓗᑎᓪᓗ ᓄᑖᒍᓗᑎᒃ ᑮᓇᐅᔭᓕᐅᕋᓱᐊᕈᑎᑦᓴᓂᒃ ᒪᑭᕝᕕᒃ ᐱᒍᑦᔨᓗᒍ ᐱᒍᓐᓇᕕᓕᒫᒥᒍᓪᓗ ᐱᓇᓱᒐᕐᓂᒃ ᐱᕕᑦᓴᑖᕐᑎᓯᒐᓱᐊᖃᑦᑕᓗᓂ ᑮᓇᐅᔭᑎᒍᓪᓗ ᒪᑭᑕᒐᓱᐊᕈᑎᑦᓴᓕᐅᕐᑎᓯᒐᓱᐊᕐᓗᓂ ᓄᓇᕕᓕᒫᒥ.
ᐱᓕᐅᑦᔨᓂᖅ ᐅᒃᑯᐃᖔᓚᖓᔪᖅ ᐃᓚᐅᔪᓕᒫᓄᑦ ᐱᕙᓪᓕᖁᑎᑦᓴᑖᕐᓯᒪᔪᓕᒫᓄᑦ ᔦᒥᔅ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᓐᓂᐅᓯᒪᔪᒧᑦ 13-ᓂᒃ ᐅᑭᐅᓖᑦ ᐅᖓᑖᓄᓪᓗ ᐃᓚᐅᒍᓐᓇᓚᖓᔪᑦ ᐱᓕᐅᑦᔨᓂᕐᒧᑦ, ᐃᓄᒃᑎᑐᑦ ᐊᑎᓕᐅᓕᐅᑦᔨᓗᑎᒃ ᑖᑦᓱᒧᖓ ᑎᒥᖕᖑᓛᕐᑐᒧᑦ ᓄᑖᒧᑦ ᐊᑎᑦᓴᐅᒐᔭᕐᑐᒥᒃ Devco-ᒧᑦ. ᐊᑎᑦᓯᐊᖑᒍᓇᐅᓂᕐᐹᒥᒃ ᓄᐃᑦᓯᔪᖅ $700 ᑖᓚᓂᒃ ᓴᓚᓐᓃᒍᑎᑖᓛᕐᑐᖅ, ᑐᖓᓕᐊ $200 ᑖᓚᓂᒃ, ᐊᒻᒪᓗ ᐱᖓᔪᐊ $100 ᑖᓚᓂᒃ.
ᐊᑏᑦ ᙯᑕᐅᔪᕕᓃᑦ ᕿᒥᕐᕈᔭᐅᓛᕐᑐᑦ ᖃᐅᔨᓴᕐᑕᐅᓗᑎᓪᓗ ᐊᔪᒉᑦᑐᖑᐊᒍᒻᒪᖔᑕ; ᓄᓇᕕᒻᒧᓗ ᐊᑑᑎᓯᒪᔭᖏᓐᓄᑦ ᐃᓕᖓᑦᓯᐊᒪᖔᑕ, ᐃᓗᕐᕈᓯᖏᓐᓄᓗ ᐃᓅᒍᓯᖏᓐᓄᓗ, ᐱᐅᓯᑐᖃᖏᓐᓄᓗ ᓄᓇᕕᒻᒥᐅᑦ ᐃᓕᖓᑦᓯᐊᕋᓗᐊᕐᒪᖔᑕ ᖃᐅᔨᓴᕐᑕᐅᖃᑦᑕᓛᕐᑐᑦ; ᓄᓇᕕᐅᓪᓗ ᓄᓇᖁᑎᖓᓄᑦ ᐃᓕᖓᑦᓯᐊᕋᓗᐊᕐᒪᖔᑕ; ᐊᒻᒪᓗ ᒪᑭᕝᕕᐅᑉ ᑮᓇᐅᔭᑎᒍᑦ ᐱᕙᓪᓕᐊᑎᑦᓯᒐᓱᐊᕐᓂᒧᑦ ᐱᓇᓱᐊᕈᒪᔭᖏᓐᓄᑦ ᓯᕗᓂᕐᒥ ᐃᓕᖓᑦᓯᐊᕋᓗᐊᕐᒪᖔᑕ ᕿᒥᕐᕈᔭᐅᖃᑦᑕᓛᕐᒥᔪᑦ.
ᐱᓕᐅᑦᔨᓂᖅ ᐅᒃᑯᐃᓛᕐᑐᖅ ᓂᕿᑦᓯᑐᓂ, ᒫᑦᓯ 24, 2017-ᒥ ᐊᒻᒪᓗ ᐅᒃᑯᐊᑕᐅᓛᕐᓱᓂ ᓂᕿᑦᓯᑐᓂ, ᒪᐃ 5, 2017-ᒥ (ᑲᓇᑕᐅᑉ ᓄᓇᕐᔪᐊᖓᓂ ᓯᕿᓂᐅᑉ ᓄᐃᕕᖓᓂ ᓯᕿᓂᖁᑎᒃ (ᓯᕿᙳᔭᖅ) ᑐᙵᕕᒋᓗᒍ)
ᙯᑕᐅᔪᕕᓃᑦ ᐊᑏᑦ ᕿᒥᕐᕈᔭᐅᓛᕐᑐᑦ ᓇᓪᓕᑳᑎᓄᑦ ᐅᑯᓄᖓ ᒪᑭᕝᕕᐅᑉ ᐳᕐᑐᓂᕐᓴᖏᓐᓄᑦ ᐱᓇᓱᑦᑎᖏᓐᓄᓗ ᐊᒻᒪᓗ ᑭᖑᓪᓕᐹᒥ ᓵᓚᖃᓚᖓᔪᐃᑦ ᓂᕈᐊᕐᓂᑯᑦ ᓇᓪᓕᑳᕐᑕᐅᓛᕐᓱᑎᒃ ᒪᑭᕝᕕᐅᑉ ᑲᑎᒪᔨᖏᓐᓄᑦ ᑲᑎᒪᓕᑐᐊᕐᐸᑕ ᔫᓂᐅᓕᕐᐸᑦ 2017-ᒥ. ᓵᓚᖃᕐᑐᐃᑦ ᑭᓇᒃᑰᒪᖔᑕ ᑐᓴᕐᑎᓯᒍᑎᐅᓛᕐᑐᑦ ᓇᐅᓕᒫᓂᒃ ᐅᓪᓗᐃᑦ ᑕᓪᓕᒣᑦ (5) ᐊᓂᒍᓚᐅᕐᑎᓇᒋᑦ ᑲᑎᒪᔩᑦ ᑲᑎᒪᔪᕕᓂᐅᑎᓪᓗᒋᑦ.
ᑐᑭᓯᒋᐊᕐᓯᐊᕈᒪᔪᐃᑦ ᐱᓕᐅᑦᔨᓂᐅᑉ ᒪᓕᒐᖏᑦᑕ ᐱᖁᔭᖏᑦᑕᓗ ᒥᑦᓵᓄᑦ, ᑕᑯᒐᓱᐊᕈᓐᓇᑐᑦ ᒪᑭᕝᕕᐅᑉ ᖃᕆᑕᐅᔭᒥᑦᑎᓯᕕᖓᓐᓂ www.makivik.org ᐱᓕᐅᕐᔨᓂᕐᒧᑦ ᒪᓕᒐᕐᓂᒃ ᐱᖁᔭᕐᓂᓗ ᐃᓗᓐᓇᖏᓐᓂᒃ ᐊᓪᓚᓯᒪᒻᒪᑕ ᑌᑲᓂ; ᐊᒻᒪᓗ ᐃᓚᐅᒐᓱᐊᕈᑏᑦ ᐊᓪᓚᕕᑦᓭᑦ ᑌᑲᓃᓚᖓᒻᒥᓱᑎᒃ.
ᑐᑭᓯᒋᐊᑦᓯᐊᕈᒪᔪᐃᑦ ᑕᑯᒐᓱᐊᕈᓐᓇᑐᑦ ᐱᓕᐅᕐᔨᓂᕐᒧᑦ ᒪᓕᒐᕐᓂᒃ ᐱᖁᔭᕐᓂᓗ ᐅᕝᕙᓗᓐᓃᑦ ᑭᓇᒃᑯᓂᒃ ᐅᖄᓚᕕᖃᕈᓐᓇᒪᖔᕐᒥᒃ ᖃᐅᔨᒍᒪᔪᐃᑦ ᐆᒥᖓ devcocontest@makivik.org ᖃᕆᑕᐅᔭᑎᒍᑦ ᑕᑯᒐᓱᐊᕈᓐᓇᑐᑦ ᐅᕝᕙᓗᓐᓃᑦ ᐅᖄᓚᕕᖃᕈᓐᓇᓱᑎᒃ ᐆᒥᖓ ____.
-30-
ᐅᖄᓚᕕᐅᒍᓐᓇᑐᖅ ᖃᕆᑕᐅᔭᑎᒍᓪᓗ ᐊᓪᓚᕕᐅᒍᓐᓇᓱᓂ:
Participation Form: to download a .PDF file of the Contest Participation Form.
Contest Rules: to download a .PDF file of the Contest Rules.
ᒍᐃᓕᐊᒻ ᑕᒍᓐᓈᖅ
ᑐᓴᕈᑎᓕᕆᕕᒻᒥ ᑐᑭᒧᐊᕐᑎᓯᔨ ᐊᒻᒪᓗ ᑐᓴᕋᑦᓴᓕᕆᔨᐅᑦᓱᓂ ᒪᑭᕝᕕᒃ ᑯᐊᐳᕇᓴᒃᑯᓂ
wtagoona@makivik.org
www.makivik.org
ᒪᑭᕝᕕᒃ ᓄᓇᑖᕈᑕᐅᓯᒪᔪᓂᒃ ᑲᒪᔨᐅᑦᓱᓂ ᑎᒥᐅᕗᖅ ᑎᓕᔭᐅᒪᐅᑎᖃᕐᓱᓂ ᐃᓄᐃᑦ ᓄᓇᕕᒻᒥᐅᑦ ᑮᓇᐅᔭᕐᑖᕆᓯᒪᔭᖏᓐᓂᒃ ᑲᒪᔨᐅᓂᐊᕐᓱᓂ ᔦᒥᔅ ᐯᒥ ᑯᐯᒃ ᑕᕐᕋᖓᓂᓗ ᐊᖏᖃᑎᒌᓐᓂᐅᓯᒪᔪᒧᑦ ᓄᐃᑕᐅᓯᒪᔪᓂᒃ. ᒪᑭᕝᕕᐅᑉ ᑲᒪᔨᐅᓂᖓ ᐃᓚᖃᕐᒥᔪᖅ ᐊᐅᓚᑦᓯᔨᐅᓂᐊᕐᓱᓂ ᑮᓇᐅᔭᓕᐅᕈᑎᖃᕋᓱᐊᕐᓂᐊᓗᓂᓗ ᑖᒃᑯᓂᖓ ᑮᓇᐅᔭᓂᒃ ᐊᒻᒪᓗ ᑮᓇᐅᔭᑎᒍᑦ ᐊᒥᓱᖕᖑᑎᑦᓯᒐᓱᐊᕐᑎᐅᒍᒫᕐᓂᐊᓯᒪᑦᓱᓂ ᐃᑲᔪᕐᓗᒋᑦ ᐃᓄᓐᓄᑦ ᐊᐅᓚᑕᐅᓚᖓᓗᑎᒃ ᑮᓇᐅᔭᓕᐅᕋᓱᐊᕈᑎᐅᓂᐊᕐᑐᓂᒃ ᓄᓇᕕᒻᒥ. ᒪᑭᕝᕕᒃ ᐃᓄᐃᑦ ᐃᓗᕐᕈᓯᖏᓐᓂᒃ ᐅᖃᐅᓯᖏᓐᓂᓗ ᐱᐅᓕᑦᓯᓯᒪᒐᓱᐊᕈᒫᕐᓂᐊᓯᒪᒻᒥᔪᖅ ᐊᒻᒪᓗ ᐃᓄᐃᑦ ᐃᓗᓯᕐᓱᓯᐊᕐᑎᒐᓱᐊᕐᓗᒋᑦ ᖃᓄᐃᖕᖏᓯᐊᕐᑎᒐᓱᐊᕐᓗᒋᓪᓗ, ᐃᓅᓯᖃᑦᓯᐊᑎᒐᓱᐊᕐᓂᐊᓗᒋᓪᓗ, ᐊᔪᕐᓴᕈᓐᓀᑎᒐᓱᐊᕐᓗᒋᑦ ᐊᒻᒪᓗ ᐃᓕᓐᓂᐊᓯᒪᓂᕐᑖᑎᒐᓱᐊᕐᓂᐊᓗᒋᓪᓗ ᐃᓄᐃᑦ ᓄᓇᓕᒻᒥᐅᑦ.
…
ᒪᑭᕝᕕᒃ ᑯᐊᐳᕇᓴ
ᓀᑦᑑᑎᓪᓗᒍ ᐱᒍᒪᔭᐅᑎᑦᓯᒐᓱᐊᕈᑎᖓ
Devco-ᒥᒃ ᐊᑎᓕᐅᕐᑎᓯᒐᓱᐊᕐᓂᒧᑦ ᐱᓕᐅᑦᔨᑎᑦᓯᓂᖓ – ᒪᑭᕝᕕᒃ ᑯᐊᐳᕇᓴᐅᑉ
ᒪᑭᕝᕕᒃ ᑯᐊᐳᕇᓴᐅᑉ ᓄᑖᒍᑦᓱᓂ ᑮᓇᐅᔭᑎᒍᑦ ᐱᕙᓪᓕᐊᑎᑦᓯᒐᓱᐊᕐᓂᒧᑦ ᑯᐊᐳᕇᓴ, ᑕᒐᑕᒐFᒫᓐᓇ ᐊᑦᓯᕋᕐᑕᐅᒍᑎᖃᓚᐅᕐᑐᑐᖅ ᕈᕆ?ᕋO-ᒥᒃ ᓄᑖᒥᒃ ᐊᑎᕐᑖᕆᐊᖃᕐᒪᑦ.
Devco ᑮᓇᐅᔭᓕᐅᕐᑎᓯᒐᓱᐊᕐᕕᐅᓂᐊᕐᑐᖅ ᑕᓕᕐᑖᕆᔭᐅᓗᓂ ᓄᓇᕕᒻᒧᑦ. ᐃᓗᓐᓇᓯᐊᖓ ᐃᓄᓐᓄᑦ ᓇᒻᒥᓂᕆᔭᐅᓚᖓᔪᖅ ᑐᕌᒐᖃᓚᖓᓗᓂ ᐱᐅᓯᐅᒥᑎᑦᓯᒐᓱᐊᕐᓂᐊᓗᓂ ᑮᓇᐅᔭᑎᒍᑦ ᐱᕙᓪᓕᐊᑎᑦᓯᒐᓱᐊᕈᑎᐅᒍᓐᓇᑐᓂᒃ ᓄᓇᕕᒻᒥᐅᓂᒃ, ᐱᓇᓱᒐᕐᓂᒃ ᓄᐃᑦᓯᒐᓱᐊᖃᑦᑕᓂᐊᕐᓗᓂ ᔦᒥᔅ ᐯᒥ ᑯᐯᒃ ᑕᕐᕋᖓᓂᓗ ᐊᖏᖃᑎᒌᓐᓂᐅᓯᒪᔪᒧᑦ ᐱᕙᓪᓕᖁᑎᑦᓴᑖᕐᓯᒪᔪᓂᒃ (ᐃᓚᐅᔪᓂᒃ) ᐊᒻᒪᓗ ᑮᓇᐅᔭᓕᐅᕋᓱᐊᕐᑎᓯᓂᕐᓂᒃ ᐱᒋᐊᕐᑎᓯᒋᐊᓚᖓᓗᓂ ᓄᓇᓕᓕᒫᓂ.
ᓯᕗᓪᓕᐹ ᓵᓚᓐᓃᔪᖅ $700-ᓂᒃ
ᐱᓛᕐᑐᖅ ᑐᖓᓕᐊ $200-ᓂᒃ
ᐱᖓᔪᐊ $100-ᓂᒃ
ᐃᓱᓕᓛᕐᑐᖅ ᒪᐃ 5-ᒍᓕᕐᐸᑦ, 2017-ᒥ 5-ᖑᑎᓪᓗᒍ (ᑲᓇᑕᐅᑉ ᓄᓇᖁᑎᖓᓂ ᓯᕿᓂᐅᑉ ᓄᐃᕕᖓᓂ ᓯᕿᓂᖁᑎᒃ (ᓯᕿᙳᔭᖅ) ᑐᙵᕕᒋᓗᒍ)
ᐅᒃᑯᐃᖔᓚᖓᔪᖅ ᔦᒥᔅ ᐯᒥ ᑯᐯᒃ ᑕᕐᕋᖓᓂᓗ ᐊᖏᖃᑎᒌᓐᓂᐅᓯᒪᔪᒧᑦ ᐱᕙᓪᓕᖁᑎᑦᓴᑖᕐᓯᒪᔪᓄᑦ (ᐃᓚᐅᔪᓄᑦ) ᐅᑭᐅᖏᑦ 13 ᐅᖓᑖᓄᓪᓗ ᐅᑭᐅᓕᓐᓄᑦ. ᐊᑑᑎᔭᐅᒋᐊᓖᑦ ᐊᓯᖏᑦ ᐊᑐᕐᑎᑕᐅᑐᐃᓐᓇᕆᐊᖃᕐᒥᔪᑦ, ᖃᕆᑕᐅᔭᑎᒍᑦ ᖃᐅᔨᒋᐊᑦᓯᐊᑕᐅᒍᓐᓇᑐᑦ ᐱᓕᐅᑦᔨᓂᕐᒧᑦ ᒪᓕᑦᑕᐅᒋᐊᓖᑦ ᐊᒻᒪᓗ ᐃᓚᐅᒐᓱᐊᕈᑏᑦ ᐊᓪᓚᕕᑦᓭ ᐊᑐᐃᓐᓇᐅᓱᑎᒃ ᐅᕙᓂwww.makivik.org.