ᑯᐸᐃᒻᒥ ᐊᑕᓐᓂᐅᕈᑎᓂᒃ ᐃᕐᖃᑐᐃᕕᒃ ᓴᐳᑦᔨᕗᖅ ᑯᔩ, ᐃᓄᐃᑦ ᐊᒻᒪᓗ ᓇᔅᑳᐲᑦ ᐊᖏᖃᑎᒌᓐᓂᑎᒍᑦ ᐱᔪᓐᓇᓂᖃᕈᑎᖏᓐᓂᒃ
ᑯᔩ, ᐃᓄᐃᑦ ᐊᒻᒪᓗ ᓇᔅᑳᐲᑦ ᐱᒻᒪᕆᐊᓗᒻᒥᒃ ᓵᓚᖃᕈᑎᖃᓚᐅᔪᕗᑦ ᐊᐅᒡᒍᔅᑎ 4, 2014-ᒥ, ᑯᐸᐃᒻᒥ ᐊᑕᓐᓂᐅᕈᑎᓂᒃ ᐃᕐᖃᑐᐃᕕᒃ ᑯᐸᐃᒃᑯᑦ ᑲᕙᒪᖓᓂᒃ ᐱᓂᕐᓗᐃᔪᕕᓂᐅᓂᕋᐃᓕᕐᒪᑦ ᐱᔪᓐᓇᓂᖃᕈᑎᖏᓐᓂᒃ ᐋᕐᕿᓱᐃᓂᕐᒥᓄᑦ ᐊᑭᓕᕐᑐᐃᔪᑦ ᑐᒃᑐᓂᒃ ᐆᒪᔪᕐᓂᐊᑏᑦ ᖃᑦᓯᓂᒃ ᐆᒪᔪᕈᓐᓇᓂᖓᓂᒃ ᐊᒻᒪᓗ ᖃᖓ ᐆᒪᔪᕐᓂᐊᕈᓐᓇᓂᖓᓂᒃ ᑯᐸᐃᒃ ᑕᕐᕋᖓᑕ ᓄᓇᖓᓂ 2011-2012ᒥ ᒪᙯᓐᓇᑎᓪᓗᒍ.
ᑲᕙᒪᐅᔪᑦ ᓲᓱᑦᓴᖏᑐᐊᕐᐸᑕ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ 9ᔪᕼᓇᒋᒍ0 ᐊᑦᑐᐊᔪᒥᒃ ᑯᔩᓄᑦ ᐊᒻᒪᓗ ᐃᓄᓐᓄᑦ ᐅᕝᕙᓘᓐᓃᑦ ᑯᐯᒃ ᑕᕐᕋᖓᑕ ᑲᓐᓇᖓᓂ ᐊᖏᖃᑎᒌᓐᓂᒥᒃ 9ᓇᕆᒋᒍ0 ᐊᑦᑐᐊᔪᒥᒃ ᓇᔅᑳᐱᓄᑦ × ᓄᓇᑖᕈᑕᐅᑦᓱᑎᒃ ᐊᖏᖃᑎᒌᒍᑕᐅᓯᒪᔫᓐᓂᒃ 1975-ᒥ ᐊᒻᒪᓗ 1978-ᒥ × ᑐᑭᑖᕕᓂᖏᑦ ᑌᒪᙵᐅᓂᕐᓴᖅ ᑲᑕᑦᑎᑕᐅᕙᓐᓂᐊᑐᑦ, ᑌᒫᒃ ᑖᒃᑯᐊ ᑯᐯᒻᒥ ᐃᕐᖃᑐᐃᔩᑦ ᐳᕐᑐᓂᕐᐹᖏᑦ ᑐᑭᑖᓚᐅᔪᔪᑦ.
“ᑕᒪᓐᓇ ᑕᒐ ᐊᑭᒋᔭᐅᓚᖓᔪᖅ ᐱᐅᓕᑦᓯᓚᖓᓗᓂ ᐊᑕᓂᐅᑉ ᓱᓕᔪᕐᓇᓂᖓᓂᒃ ᑲᔪᓯᑎᑦᓯᓂᖓᑎᒍᑦ ᐊᖏᖃᑎᒌᒍᑎᓂᒃ ᐊᒻᒪᓗ ᑕᒪᓐᓇ ᐃᓚᒋᔭᐅᕗᖅ ᐊᖏᖃᑎᒌᒍᑎᒃᑯᑦ ᐱᔪᓐᓇᓂᕆᔭᐅᔪᑦ ᓴᐳᒻᒥᔭᐅᓂᕐᒥᒃ ᐱᐅᓯᖃᕐᓂᖓᓄᑦ,” ᐃᕐᖃᑐᐃᔨ ᐱᐊ ᑖᓪᕗᓐᑦ ᑌᒫᒃ ᐊᓪᓚᓚᐅᔪᔪᖅ ᐊᖏᖃᑎᒌᑦᑐᐃᓇᕐᓂᒃ ᐃᕐᖃᑐᐃᔨᓂᒃ ᐅᖃᕈᑦᔨᓱᓂ.
ᒫᑦᔨ 2011-ᒥ, ᑯᐯᒃᑯᑦ ᒥᓂᔅᑕᖓᑦ ᓯᓚᒥ ᐱᑦᓴᓕᕆᓂᕐᒧᑦ ᐅᖃᓚᐅᔪᔪᖅ ᐊᓯᑦᔨᑐᐃᓛᕐᓂᒥᓂᒃ ᐊᑭᓕᕐᑐᐃᔪᑦ ᐆᒪᔪᕐᓂᐊᑏᑦ ᒪᙯᓐᓇᓯᐅᕐᕕᖓᓂᒃ ᐃᓕᖓᔪᒥᒃ ᑰᒑᓘᑉ ᑐᒃᑐᖏᓐᓄᑦ ᐊᒻᒪᓗ ᐋᕐᕿᑎᑦᓯᓛᕐᓂᒥᓂᒃ ᖃᑦᓯᓂᒃ ᐆᒪᔪᕈᓐᓇᓂᖏᓐᓂᒃ ᑲᖏᕐᓱᐊᓗᒃᔪᐊᑉ ᑰᖓᑕ ᑐᒃᑐᖏᓐᓂᒃ ᔪᕼᓇᒋᒍ-ᒧᑦ ᖃᓗᔭᐅᒪᔪᓂ ᓄᓇᓂ ᑕᒪᑐᒨᓇ ᐅᑕᕐᕿᖏᒻᒪᕆᓪᓗᓂ ᐆᒪᔪᕐᓂᐊᓂᕐᒥᒃ, ᐃᖃᓗᓐᓂᐊᓂᕐᒥᒃ ᐊᒻᒪᓗ ᒥᑭᒋᐊᕐᓂᐊᓂᕐᒥᒃ ᑐᑭᒧᐊᑦᑎᓯᓂᕐᒧᑦ ᑲᑎᒪᔩᑦ ᐃᓱᒪᓕᐅᕈᑎᖏᓐᓂᒃ, ᑖᒃᑯᐊ ᖃᐅᔨᒪᔨᐅᑦᓱᑎᒃ ᑎᒥᐅᑎᓪᓗᒋᑦ ᔪᕼᓇᒋᒍ ᐊᑖᒍᑦ ᐱᙳᑎᑕᐅᓯᒪᑦᓱᑎᒃ ᓄᓇᖃᖅᑳᓯᒪᔪᑦ ᐊᑦᑐᐊᔭᐅᔪᑦ ᐊᒻᒪᓗ ᑯᐯᒃᑯᑦ ᑲᕙᒪᒃᑯᖏᑦ ᐃᓪᓗᒌᓂᒃ ᑭᒡᒐᓖᓐᓇᐅᑎᓪᓗᒋᑦ.
ᑐᒃᑐᐃᑦ ᐱᒻᒪᕆᐊᓘᑦᓱᑎᒃ ᐆᒪᔪᕐᑎᒍᑦ ᐱᔭᑦᓴᖁᑎᒋᐅᕗᑦ ᔪᕼᓇᒋᒍ-ᒧᑦ ᖃᓗᐃᔭᐅᒪᔪᒥ ᓄᓇᒥ ᐊᒻᒪᓗ ᑖᒃᑯᐊ ᑯᔩ, ᐃᓄᐃᑦ ᐊᒻᒪᓗ ᓇᔅᑳᐲᑦ ᐃᓘᓐᓇᑎᒃ ᑖᒃᑯᓂᖓ ᐊᑐᕐᓗᑎᒃ ᑭᓯᐅᓂᐅᕗᑦ. ᑕᒪᖏᑦ ᑰᒑᓘᑉ ᑐᒃᑐᖏᑦ ᑲᖏᕐᓱᐊᓗᒃᔪᐊᓗ ᑰᖓᑕ ᑐᒃᑐᖏᑦ ᐅᓪᓗᒥ ᐃᑭᓕᕙᓪᓕᐊᕗᑦ ᐊᒻᒪᓗ ᓄᓇᖃᖅᑳᓯᒪᔪᑦ ᐊᑦᑐᐊᔭᐅᔪᑦ ᑯᐯᒃᑯᓂᒃ ᐅᒃᑯᐊᑕᐅᖁᔨᓚᐅᔪᕗᑦ ᐃᑯᓪᓚᑎᓯᓗᑎᓪᓘᓃᑦ ᐊᑭᓕᕐᑐᐃᔪᑦ ᑐᒃᑐᓂᐊᕐᓂᖓᓂᒃ.
ᐊᑕᓐᓂᐅᕈᑎᓂᒃ ᐃᕐᖃᑐᐃᕕᒃ ᐅᖃᓚᐅᔪᔪᖅ ᒥᓂᔅᑕᐅᑉ ᑐᑭᑖᕐᓂᕕᓂᖓ ᐱᐅᓯᐅᒋᐊᓕᓐᓂᒃ ᐅᖃᕐᑕᐅᓯᒪᔪᓂᒃ JBNQA ᒥ ᐊᕐᖁᓭᓐᓇᓚᖓᑦᓱᓂ ᐱᑦᔪᑎᖃᕐᓯᒪᒋᐊᖓᓂᒃ ᐊᐅᓚᒋᐊᓕᒻᒥᒍᑦ ᓯᕗᓪᓕᐅᔨᒍᑎᖏᓐᓂᒃ ᐊᒻᒪᓗ ᐃᑲᔪᕈᒪᓂᕐᒥᒃ ᒪᙯᑦᑎᓯᔨᓂᒃ ᓄᓇᖃᖅᑳᓯᒪᙱᑐᓂᒃ ᒪᙯᑎᓯᓲᓂᒃ. ᑭᓯᐊᓂ ᐃᕐᖃᑐᐃᕕᒃ ᐅᖃᓚᐅᔪᔪᖅ ᐃᒫᒃ, JBNQA ᐊᖏᖃᑎᒌᓐᓂᖓᑕ ᐊᑖᒍᑦ, ᑐᑭᓯᓐᓇᓯᐊᕆᐊᖓᓂᒃ ᓄᓇᖃᖅᑳᓯᒪᔪᑦ ᐃᓅᓯᑐᖃᖓᑦ ᓯᕗᓪᓕᐅᔨᒋᐊᖃᕐᑎᓗᒍ ᐊᑭᓕᕐᑐᐃᔪᑦ ᐆᒪᔪᕐᓂᐊᓂᖓᓂᒃ.
“ᒪᑭᕝᕕᒃ ᐱᐅᑦᓴᑐᒻᒪᕆᐅᕗᖅ ᐊᑕᓐᓂᐅᕈᑎᓂᒃ ᐃᕐᖃᑐᐃᕕᒃ ᓲᖑᔪᒥᒃ ᐅᖃᕆᐊᓪᓚᓯᒪᓕᕐᒪᑦ ᑲᕙᒪᑐᖃᒃᑯᑦ ᑯᐯᒃᑯᓗ ᑲᔪᓯᒍᑎᒋᒋᐊᓕᖏᓐᓂᒃ ᐆᒪᔪᕐᓂᐅᓂᕐᒧᑦ, ᐃᖃᓗᓐᓂᐊᓂᕐᒧᓗ ᐊᒻᒪᓗ ᒥᑭᒋᐊᕐᓂᐊᓂᕐᒧᑦ ᐋᕐᕿᓯᒪᒍᑕᐅᔪᑦ ᐱᑦᔪᑎᒋᓗᒋᑦ,” ᑌᒫᒃ ᒪᑭᕝᕕᐅᑉ ᐊᖓᔪᖅᑳᒪᕆᖓᑕ ᑐᖓᐊᒃ ᓄᑕᐅᓯᓕᕈᓐᓇᑐᓂᒃ ᐱᑦᓴᓕᕆᓂᕐᒧᑦ, ᐋᑕᒥ ᑎᓕᓪ-ᐊᓚᑯ ᐅᖃᓚᐅᕐᑐᖅ. “ᑐᒃᑐᓂᐊᕐᓂᖅ ᓄᐃᑕᑦᓯᕗᖅ ᐅᐊᕈᑎᒻᒪᕆᐊᓗᒻᒥᒃ ᐱᐅᓯᑐᖃᕐᑎᒍᑦ ᐅᓪᓗᒥᐅᓕᕐᑐᓗ ᐃᓄᐃᑦ ᐃᓅᒡᒍᑎᖏᓐᓄᑦ ᐊᒻᒪᓗ ᓴᐳᒻᒥᔭᐅᑦᓯᐊᕆᐊᖃᕐᖁᖅ.”
“ᑯᔩ ᓄᓇᕐᔪᐊᓕᖓᑦ ᑐᙵᓱᑦᑎᓯᕗᖅ ᑕᒪᑐᒥᖓ ᐊᑕᓐᓂᐅᕈᑎᓂᒃ ᐃᕐᖃᑐᐃᕕᐅᑉ ᑐᑭᓯᓐᓇᓯᐊᕐᑎᓗᒍ ᐅᖃᕆᐊᓪᓚᓂᖓᓂᒃ ᑯᔩ, ᐃᓄᐃᑦ ᐊᒻᒪᓗ ᓇᔅᑳᐲᑦ ᐊᖏᖃᑎᒌᒍᑎᒃᑯᑦ ᐱᔪᓐᓇᓂᖃᕐᓂᖏᑦᑕ ᓲᖑᓂᕐᐸᐅᓂᖓᓂᒃ. ᑕᒪᓐᓇ ᓄᐃᑦᓯᕗᖅ ᑲᕙᒪᒃᑯᑦ ᓲᓱᑦᓴᕆᐊᖃᕐᓂᖓᓂᒃ ᐊᖏᖃᑎᒌᒍᑎᒃᑯᑦ ᐅᖃᕐᓯᒪᔭᒥᓂᒃ. ᐃᓕᑕᕐᓯᒍᑕᐅᕗᖅ ᓄᓇᖃᖅᑳᓯᒪᔪᑦ ᐃᓄᖏᑦᑕ ᐆᒪᔪᕐᓂᐊᓂᒃᑯᑦ, ᐃᖃᓗᓐᓂᐊᓂᒃᑯᑦ ᐊᒻᒪᓗ ᒥᑭᒋᐊᕐᓂᐊᓂᒃᑯᑦ ᐱᔪᓐᓇᕈᑎᖏᓐᓂᒃ ᓯᕗᓪᓕᐅᔨᒋᐊᖃᕐᓂᒥᒃ ᓄᓇᖃᖅᑳᓯᙱᑐᑦ ᐊᑭᓕᕐᑐᐃᔪᑦ ᐆᒪᔪᕐᓂᐊᓂᖓᓄᑦ ᐊᒻᒪᓗ ᐊᐅᓚᑦᓯᖃᑎᒌᒋᐊᖃᕐᓂᒥᒃ ᐆᒪᔪᕐᑎᒍᑦ ᐱᑦᓴᓂᒃ ᑯᐯᒃ ᑕᕐᕋᖓᓂ. ᑖᓐᓇ ᑐᑭᑖᖑᔪᖅ ᓇᓗᓀᕐᓯᕗᖅ ᑕᑯᑦᓴᓯᐊᒥᒃ ᐊᕐᖁᑎᑦᓴᒥᒃ ᓲᓱᒋᔭᐅᑎᑦᓯᓂᕐᒧᑦ ᔭᐃᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ ᐊᕐᕌᒍᓂ ᙯᔪᓂ”, ᑌᒫᒃ ᕈᑭ. ᒫᓯᐅ ᑰᓐ ᑲᒻ ᐅᖃᓚᐅᕐᑐᖅ, ᐊᖓᔪᖅᑳᒪᕆᒃ ᑯᔩ ᑲᑎᒪᔨᕐᔪᐊᖏᓐᓄᑦ (ᐄᔫ ᐃᔅᑦᓰ).
“ᓇᔅᑳᐲᑦ ᓄᓇᕐᔪᐊᖓᑦ ᑳᒍᐊᒍᐊᓯᑲᒪᒃᒥ ᑐᙵᓱᑦᑎᕗᖅ ᐊᑕᓐᓂᐅᕈᑎᓂᒃ ᐃᕐᖃᑐᐃᕕᐅᑉ ᑐᑭᑖᖓᓂᒃ ᑕᒪᓐᓇ ᓱᓕᙱᓂᕋᕐᑕᐅᒍᓐᓇᕋᓂ ᐃᓕᑕᕐᓯᒍᑕᐅᒻᒪᑦ ᓇᔅᑳᐲᑦ ᐱᔪᓐᓇᓂᖏᑦᑕ ᐱᖁᔭᕐᔪᐊᓄᑦ ᓴᐳᒻᒥᔭᐅᓂᖓᓂᒃ ᑯᐯᒃ ᑕᕐᕋᖓᑕ ᑲᓐᓇᖓᓂ ᐊᖏᖃᑎᒌᓐᓂᐅᑉ ᐊᑖᒍᑦ. ᑲᖏᕐᓱᐊᓗᒃᔪᐊᑉ ᑰᖓᑕ ᑰᒑᓘᓪᓗ ᑰᖓᑕ ᑐᒃᑐᖏᑦ ᐱᒻᒪᕆᐅᓂᕐᒥᒍᑦ ᐊᖏᓂᕐᐹᓯᐊᖑᕗᑦ ᐃᓗᕐᖁᓯᑦᑎᓂ ᐊᒻᒪᓗ ᐱᐅᓯᑐᖃᑦᑎᓂ ᐊᒻᒪᓗ ᐊᔪᐃᓐᓇᖏᓐᓇᓂᐊᕐᐳᒍᑦ ᓱᕐᖁᐃᕋᓱᓪᓗᑕ ᓴᐳᒻᒥᔭᐅᓂᖏᓐᓂᒃ,” ᓄᐊ ᓯᒍᐊᐱ, ᐊᖓᔪᖅᑳᖅ ᓇᔅᑳᐱᒃᑯᑦ ᓄᓇᕐᔪᐊᖓᓂ ᑳᒍᐊᒍᐊᑦᓯᑲᒪᒃᒥ ᑕᐃᒣᓕᑦᓱᓂ ᐅᖃᕐᓚᐅᕐᑐᖅ.
Judgment: Corporation Makivvik c. Québec (Procureure générale), 2014 QCCA 1455
PDF version of the Press Release Please click here
Information:
Makivvik Communications
William Tagoona
819-964-2925
wtagoona@makivik.org
Naskapi Nation of Kawawachikamach
Chief Noah Swappie
(418) 585-2686
nswappie@naskapi.ca
Grand Council of