ᑖᓐᓇ ᓄᓇᕕᒻᒥ ᐃᓚᐅᔪᓕᒫᓂᒃ ᑐᓴᕐᑎᓯᒍᑎᒃ ᑎᒃᑯᐊᓯᑲᑦᑕᓂᖅ ᐅᒃᑯᐊᑕᐅᓚᐅᔪᒻᒪᑦ ᑎᓯᒻᐱᕆ 1, 2016-ᒍᑎᓪᓗᒍ 5:00-ᙳᒥ ᐅᓐᓄᓴᒃᑯᑦ ᐊᖓᔪᖅᑳᑉ ᑐᖓᓕᖓᑕ, ᐱᑦᓴᖑᒋᐊᓪᓚᕈᓐᓇᑐᓕᕆᓂᕐᓄᑦ; ᐊᒻᒪᓗ ᑮᓇᐅᔭᓕᕆᔨᐅᑉ ᐃᓂᖏᓐᓄᑦ.
2017-ᒥ ᓄᓇᓕᓕᒫᓂ ᓂᕈᐊᕐᓂᐅᓛᕐᑐᒧᑦ ᒪᑭᕝᕕᒥ ᐊᖓᔪᕐᖄᑉ ᑐᖓᓕᖓᑕ ᐃᓂᖓᓄᑦ, ᐱᑦᓴᖑᒋᐊᓪᓚᕈᓐᓇᑐᓕᕆᓂᕐᓄᑦ, ᓂᕈᐊᕐᑕᐅᒍᒪᐅᑎᒥᓂᒃ ᒪᓂᔨᓯᒪᔪᑐᐊᒍᓂᕐᒥᓄᑦ ᐅᓇ ᓂᕈᐊᕋᑦᓴᑐᐊᒍᒐᒥ ᓵᓚᖃᕐᑐᖅ:
ᐋᑕᒥ ᑐᓕᓪ-ᐊᓚᑯ
2017ᒻ-ᒥᓄᓇᓕᓕᒫᓂ ᓂᕈᐊᕐᓂᖃᓕᕐᐸᑦ ᒪᑭᕝᕕᐅᑉ ᑮᓇᐅᔭᓕᕆᔨᒻᒪᕆᖓᑕ ᐃᓂᖓᓄᑦ ᓂᕈᐊᕐᑕᐅᑎᒐᓱᐊᓛᕐᑑᒃ ᐅᑯᐊ:
ᑏᕕ ᑐᐳᐃ
ᐋᓐᑎ ᐲᕐᑎ
ᓂᕈᐊᕐᓂᖃᓛᕐᑐᖅ ᖁᓛᓂ ᓇᓗᓀᕐᑕᐅᔫᓐᓄᑦ ᒪᑭᕝᕕᒥ
ᐃᓂᐅᔫᓐᓄᑦ ᓯᑕᒻᒥᑐᓂ, ᔭᓄᐊᕆ 19, 2017-ᒍᓕᑐᐊᕐᐸᑦ.
ᓂᕈᐊᕐᓇᐅᑉ ᐅᓪᓗᖓᓂ ᓂᕈᐊᕐᕖᑦ ᐅᒃᑯᐃᖔᓛᕐᑐᑦ 10:00-ᙳᒥ ᐅᓪᓛᑯᑦ ᐅᒃᑯᐊᓗᑎᒃ 6:00-ᖑᒥ ᐅᓐᓄᑯᑦ.
ᓂᕈᐊᕐᕖᑦ ᓄᓇᓕᑦᓯ ᑲᕙᒫᐱᖓᑕ ᐊᓪᓚᕕᖓᓃᓛᕐᑐᑦ. ᒪᓐᑐᔨᐊᓪᒥᐅᒍᒍᕕᑦ, ᓂᕈᐊᕆᐊᕐᑐᒍᓐᓇᑐᑎᑦ ᒪᑭᕝᕕᑯᑦ ᐊᓪᓚᕕᖓᓂ ᐅᕙᓂ: 1111, Dr. Fredrik-Philips Boulevard, 3rd Floor, Saint-Laurent.
ᓂᕈᐊᑲᐱᒍᓐᓇᕕᖃᕐᑎᑕᐅᓛᕐᑐᑦ ᓯᑕᒻᒥᑐᓂ, ᔭᓄᐊᕆ 12, 2017-ᒥ ᑲᕙᒫᐱᒃᑯᑦ ᐊᓪᓚᕕᖓᓂ ᓄᓇᓕᑦᓯᓂ (ᒪᑭᕝᕕᑯᑦ ᐊᓪᓚᕕᖓᓂ ᒪᓐᑐᔨᐊᓪᒥ ᐃᓚᐅᔫᔪᓄᑦ ᒪᓐᑐᔨᐊᓪᒥᐅᓄᑦ).
ᓂᕈᐊᑲᐱᒍᓐᓇᕕᖃᕐᑎᑕᐅᓛᕐᑐᑦ 9:00-ᙳᒥ ᐅᓪᓛᑯᑦ ᐅᒃᑯᐊᓗᑎᒃ 5:00-ᙳᒥ ᐅᓐᓄᑯᑦ.