ᑰᑦᔪᐊᒥᑦ, ᓄᓇᕕᒻᒥᑦ – ᕕᐳᐊᕆ 6, 2026-ᒥ – ᒪᑭᕝᕕᒃ ᐅᐱᒋᑦᓱᒍ ᖃᐅᔨᒪᔭᐅᑎᑦᓯᕗᖅ ᓂᕈᐊᕈᑎᕕᓂᕐᓂᒃ 2026-ᒥ ᑐᓴᕐᑕᐅᑎᑦᓯᓱᑎᓪᓗ ᔮᔨ ᐴᑎᐅᑉ ᓂᕈᐊᕐᑕᐅᒋᐊᓪᓚᓂᕕᓂᖓᓂᒃ ᒪᑭᕝᕕᒧᑦ ᑮᓇᐅᔭᓕᕆᔨᒻᒪᕆᐅᓂᕐᒧᑦ. ᑕᕝᕙᓂ ᐊᕐᕌᒍᕐᒥ, ᐱᖓᓲᑉᐸᑕ ᓄᓇᕕᒻᒥᐅᑦ ᐊᑕᐅᓯᖅ ᓂᐸᖃᕈᑎᖃᕐᓂᒪᑦ ᒪᑭᕝᕕᐅᑉ ᓂᕈᐊᕐᑎᓯᓂᕆᓲᖓᓂᒃ.
ᔮᔨ ᐴᑎ ᓂᕈᐊᕐᑕᕕᓂᖅ 1136-ᓄᑦ (33%) ᓂᕈᐊᕐᑕᐅᓱᓂ, ᔦᓴᓐ ᐋᓇᖃᑕᖅ 1007-ᓄᑦ (29.3%) ᓂᕈᐊᕐᑕᐅᑎᓪᓗᒍ, ᐋᓐᑎ ᐲᕐᑎ 907-ᓄᑦ (26.4%) ᓂᕈᐊᕐᑕᐅᑎᓪᓗᒍ, ᔮᓇᓴᓐ ᐃᐳ 377-ᓄᑦ (11%) ᓂᕈᐊᕐᑕᐅᑎᓪᓗᒍ. ᑲᑎᑦᓱᑎᒃ ᓂᕈᐊᕈᑏᑦ 13 (0.4%) ᓱᒃᑯᑐᕕᓂᐅᑎᓪᓗᒋᑦ.
ᑕᕝᕙᓂ ᐊᕐᕌᒍᕐᒥ, 10415-ᒍᑎᓪᓗᒋᑦ ᓂᕈᐊᕈᓐᓇᑐᑦ 3440 ᓂᕈᐊᕐᓂᖁᑦ, 33.03% ᓂᕈᐊᕆᐊᕐᑐᑐᕕᓃᑦ, ᐊᕐᕌᓂᐅᓚᐅᔪᒻᒪᑦ ᐅᓄᕐᓂᓴᕕᓃᑦ 19.42%-ᒍᓐᓂᒪᑕ ᓂᕈᐊᕐᑐᕕᓃᑦ ᐊᕐᕌᓂ. ᑖᒃᑯᓇᖕᖓᑦ ᓂᕈᐊᕐᑐᕕᓂᕐᓂᑦ, 21.3%-ᒍᑎᓪᓗᒋᑦ ᖃᕆᑕᐅᔭᒃᑯᑦ ᓂᕈᐊᕐᑐᕕᓃᑦ. ᒪᑭᕝᕕᒃ ᐅᐱᒍᓱᑦᑐᒪᕆᐅᕗᖅ ᓂᕈᐊᕐᑕᐅᒐᓱᐊᕐᑐᕕᓂᓕᒫᓂᒃ ᓂᕈᐊᕐᓂᖃᕐᑎᓗᒍ ᓇᑯᕐᓴᓱᑎᓪᓗ ᓯᕗᓕᕈᒪᓂᕆᓯᒪᔭᖏᓐᓂᒃ ᑐᓂᒪᓂᖏᓐᓂᓗ ᓄᓇᕕᒻᒥ ᓄᓇᓕᓐᓄᑦ.
ᓂᕈᐊᕆᐊᕐᑐᕖᑦ ᐅᒃᑯᐊᑐᕕᓃᑦ 6:00-ᖑᕐᑎᓗᒍ ᐅᓐᓄᓴᒃᑯᑦ, ᓯᑕᒻᒥᑐᓂ, ᕕᐳᐊᕆ 5, 2026-ᒥ. ᒪᑭᕝᕕᒃ ᓇᑯᕐᓴᐳᖅ ᓂᕈᐊᕆᐊᕐᑐᑐᕕᓂᕐᓂᒃ ᐃᓚᐅᓐᓂᒪᑕ ᐃᑲᔪᕐᓯᓱᑎᓪᓗ ᑕᕝᕙᓂ ᓂᕈᐊᕆᐊᕐᑐᓯᐊᕐᑐᕕᓂᕐᓂᒃ. ᒪᑭᕝᕕᒃ ᑐᓂᒪᒍᑎᙯᓐᓇᓚᖓᕗᖅ ᐱᓇᓱᐊᕐᓂᐊᓗᓂ ᐱᒍᒪᔭᖏᓐᓂᒃ ᓄᓇᕕᒻᒥᐅᑦ ᑲᑎᒪᔨᖏᑦᑕᓗ ᒪᑭᕝᕕᐅᑉ, ᐊᔪᐃᓐᓇᓂᕗᑦ ᑭᖕᖒᒪᒋᔭᐅᔪᓅᓕᖓᑦᓯᐊᖁᒧᑦ ᐱᒍᒪᓯᒪᔭᖏᓐᓄᓗ ᐃᓅᖃᑎᑦᑕ.
ᑭᑎᑦᔪᑎᓂᒃ ᑕᑯᒍᒪᔪᑦ, ᒪᑭᕝᕕᐅᑉ ᑐᓴᕋᑦᓴᖃᕐᕕᖓᓄᑦ ᑕᑯᒋᐊᕈᓐᓇᐳᑦ (ᖃᓄᐃᓕᖓᓐᓂᒪᖔᑕ ᖃᕆᑕᐅᒃᑯᑦ ᓂᕈᐊᕐᓂᕕᓃᑦ ᓂᕈᐊᕐᕕᓄᓪᓗ ᓂᕈᐊᕆᐊᕐᑐᑐᕕᓃᑦ ᓄᓇᓕᓐᓂ ᐊᑐᓂ, ᑖᓐᓇ ᑕᑯᒋᐊᕐᕕᓴᖅ “CLICK HERE FOR DETAILED TABLE” link):
https://www.makivvik.ca/2026-universal-election-results-treasurer/
–30 –
ᐅᖄᕕᐅᒍᓐᓇᑐᖅ:
Katharine Morrill
ᑐᓴᐅᒪᖃᑎᒌᑦᑎᓯᓂᕐᓂᒃ ᑐᑭᒧᐊᑦᑎᓯᔨ, ᒪᑭᕝᕕᑯᓐᓂ
ᖃᕆᑕᐅᔭᑎᒍᑦ ᑐᕌᒍᑎᖓ ᐊᓪᓚᕕᐅᒍᒪᑐᐊᕈᓂ: kmorrill@makivvik.ca
ᖃᕆᑕᐅᔭᑎᒍᑦ ᑕᑯᒐᓱᐊᕐᑕᐅᒍᓐᓇᒥᔪᑦ ᐅᕘᓇ: www.makivvik.ca
ᒪᑭᕝᕕᒃ ᓄᓇᕕᒻᒥᐅᑦ ᐃᓄᐃᑦ ᓄᓇᑖᕐᓯᒪᓂᖓᓄᑦ ᑎᒥᖁᑎᒋᔭᐅᕗᖅ ᑎᓕᔭᐅᒪᐅᑎᖃᕐᓱᓂ ᑮᓇᐅᔭᕐᑖᕆᔭᐅᓯᒪᔪᓂᒃ ᑲᒪᔨᐅᑦᓱᓂ ᐃᓄᐃᑦ ᓄᓇᕕᒻᒥᐅᑦ ᑮᓇᐅᔭᕐᑖᕕᓂᖏᓐᓂᒃ ᐊᖏᖃᑎᒌᓐᓂᐅᓯᒪᔪᖅ ᔦᒥᔅ ᐯᒥ ᑯᐯᒃᓗ ᑕᕐᕋᐊᓂ ᑮᓇᐅᔭᕐᑖᕈᑕᐅᓚᐅᕐᓯᒪᒻᒪᑦ. ᒪᑭᕝᕕᒃᑯᑦ ᑮᓇᐅᔦᑦ ᐊᐅᓚᑕᐅᓂᖏᓐᓂᒃ ᑮᓇᐅᔭᓕᐅᕋᓱᐊᕈᑎᓂᓪᓗ ᑲᒪᒋᔭᖃᓲᑦ ᐊᒻᒪᓗ ᐱᕈᕐᓭᒐᓱᐊᕐᓱᑎᒃ ᐃᓄᓐᓄᑦ ᐊᐅᓚᑕᐅᓗᑎᒃ ᑮᓇᐅᔭᓕᐅᕋᓱᐊᕈᑎᖏᓐᓂᒃ, ᐊᔪᕐᓴᑐᓂᓪᓗ ᐃᑲᔪᕐᓯᒪᐅᑎᖃᕋᓱᐊᓱᒍᑦᓱᑎᒃ , ᐊᒻᒪᓗ ᐃᓕᓐᓂᐊᑎᑦᓯᒐᓱᐊᕐᐸᓱᑎᒃ ᐃᓄᓐᓂᒃ ᓄᓇᓕᓐᓂ.