ᑐᓴᕋᑦᓴᓂᐅᑎᑎᒍᑦ ᑐᓴᕐᑕᐅᑎᑦᓯᒍᑏᑦ
ᑰᒃᔪᐊᖅ, ᓄᓇᕕᒃ – ᒫᑦᔨ 17 – 2015 – ᐋᑕᒥ ᑎᓖᓪ ᐊᓚᑯ, ᐊᖓᔪᕐᖄᑉ ᑐᖓᓕᖓ ᑲᒪᔨᒋᔭᐅᑦᓱᓂ ᓄᑕᐅᓯᓕᕈᓐᓇᓱᑎᒃ ᐱᑦᓴᖑᕈᓐᓇᑐᓂᒃ ᐱᕙᓪᓕᐊᑎᑦᓯᕕᖓᓄᑦ ᒪᑭᕝᕕᐅᑉ, ᑎᓕᔭᐅᓚᐅᕐᖁᖅ ᐃᓚᐅᓂᐊᓕᕐᑎᓗᒍ ᑲᑎᖕᖓᔨᖏᓐᓄᑦ ᑯᐸᐃᒃ ᑲᕙᒪᒃᑯᑦ ᑕᕐᕋᒥᒃ ᐸᕐᓇᑎᖏᓐᓄᑦ. ᑖᒃᑯᐊ ᑲᑎᖕᖓᔩᑦ ᑎᓕᔭᐅᒪᒍᑎᖃᕐᑐᑦ ᑲᒪᔨᐅᓂᕐᒥᒃ ᐱᕙᓪᓕᐊᑎᑕᐅᒍᑎᖏᓐᓂᒃ ᑕᕐᕋᒥᒃ ᐸᕐᓇᕈᑕᐅᔪᑦ.
ᑖᓐᓇ ᑎᒃᑯᐊᑕᐅᓂᖓ ᑭᐅᑦᔪᑎᐅᔪᖅ ᔫᐱ ᑕᕐᕿᐊᐱᐅᑉ, ᒪᑭᕝᕕᐅᑉ ᐊᖓᔪᕐᖄᒪᕆᖓᑕ
ᐊᓪᓚᓚᐅᔪᔭᖏᓐᓂᒃ ᐆᒃᑐᐱᕆ 28, 2014 – ᒥ ᐊᓪᓚᓱᓂ ᐱᐋᕐ ᐋᕐᖄᓐᒧᑦ, ᑐᕐᖃᑕᕐᕕᒧᑦ ᖃᐅᒻᒪᖁᑎᓕᕆᓂᕐᓄᓗ ᐱᐅᓯᕐᓱᑐᓂᓪᓗ ᐱᑦᓴᖑᕈᓐᓇᑐᓄᑦ ᑐᕐᖃᑕᕐᕕᐅᕕᖃᕐᒥᓱᓂᓗ ᑲᒪᔪᑦᓴᐅᓱᓂ ᑕᕐᕋᒧᑦ ᐸᕐᓇᕈᑎᓂᒃ.
ᑖᓐᓇ ᐋᑕᒥᐅᑉ ᑎᒃᑯᐊᑕᐅᕕᖓ ᓱᕐᖁᐃᑐᒥᒃ ᓄᓇᕕᒻᒥᐅᓂᒃ ᐃᓄᑐᐃᓐᓇᓂᒃ ᑭᒡᒐᑐᕐᑕᐅᑎᑦᓯᓯᐊᕐᓂᐅᓂᐊᕐᑐᖅ ᑲᑎᖕᖓᔩᑦ ᐳᕐᑐᓂᕐᐹᖏᓐᓂ. ᐋᑕᒥ ᑎᓖᓪ ᐊᓚᑰᑉ ᑲᑎᖕᖓᕕᒻᒥ ᓴᕐᕿᔮᖃᑕᐅᓂᖓ ᓱᕐᖁᐃᑐᒥᒃ ᐃᓄᐃᑦ ᑕᐅᑐᖕᖑᐊᑕᖏᓐᓂᓗ ᐃᓱᒻᒪᓯᖏᓐᓂᓗ ᑐᑭᒧᐊᑦᑎᑕᐅᖁᔭᖏᓐᓂᓗ ᐊᓯᖏᓐᓂᓗ ᐱᔭᑦᓴᐅᔪᓂᒃ ᐊᓪᓚᑕᐅᒪᑦᓱᑎᒃ 2010 -ᒥ ᐊᓪᓚᖑᕐᑕᐅᔪᕕᓂᕐᓄᑦ ᓄᓇᕕᒻᒥᐅᑦ ᐸᕐᓇᕈᑎᖏᓐᓄᑦ ᐊᒻᒪᓗ 2014 – ᒥ ᐸᕐᓇᓯᒪᐅᑎᒃᑯᑦ ᑐᑭᓯᓂᐊᕐᓂᖃᕐᓂᕕᓂᕐᒥᓂᒃ ᑐᓴᕐᑎᓯᒍᑎᖏᓐᓂ ᐊᓪᓚᑕᐅᒪᔪᓂᒃ ᐃᓱᒪᖃᖃᓯᐅᑦᔨᑎᑦᓯᓂᐅᖃᑦᑕᓛᕐᖁᖅ.
ᕖᐅᐱᒍᓱᑉᐳᖓ ᑎᒃᑯᐊᑕᐅᓂᕆᓚᐅᕐᑕᕋᓂ ᕿᓚᓈᕐᐳᖓᓗ ᑲᑎᓯᓂᕆᓛᕐᑕᕋᓂᒃ ᑲᑎᖕᖓᔨᐅᖃᑎᒃᑲᓂᒃ ᐃᓂᓪᓚᐃᖃᑎᒋᓗᒋᑦ ᐱᓇᓱᖃᑎᒌᓐᓂᑯᑦ ᐃᓅᖃᑎᒌᒍᑎᑦᓴᑎᓐᓂᒃ ᓱᓕᔪᒥᒃ ᐱᕙᓪᓕᐊᑎᑕᐅᔪᑦ ᓄᓇᕕᒻᒥ ᐱᑕᖃᕐᑎᓯᖃᑦᑕᓛᖁᓪᓗᒋᑦ ᓄᓇᕕᒻᒥᐅᑦ ᐃᓄᑐᐃᓐᓇᐃᑦ ᐱᕙᓪᓕᑕᐅᒍᑎᑦᓴᖏᓐᓂᒃ ᓄᓇᐅᓪᓗ ᐊᕙᑎᖓᓂᒃ ᐃᓄᐃᓪᓗ ᐃᓅᑦᔪᓯᖏᓐᓂᒃ ᑲᔪᓯᑎᑦᓯᓂᖃᑦᓯᐊᓗᑎᒃ ᐱᓇᓱᑦᑕᐅᖃᑦᑕᓛᖁᓪᓗᒋᑦ” ᐅᖃᕐᑐᖅ ᐋᑕᒥ ᑎᓖᓪ ᐊᓚᑯ”
ᐅᑯᐊ ᑲᑎᖕᖓᔨᐅᖃᑕᐅᒻᒥᔪᑦ ᒥᓯᐋᓪ ᐲᕌᓐ, ᑐᑭᒧᐊᑦᑎᓯᔨ ᔭᐃᒥᓯ ᐸᐃᒥ ᐃᓕᓐᓂᐊᓂᓕᕆᔨᒃᑯᓂ ᑭᓯᐊᓂᓕ ᑎᒃᑯᐊᑕᐅᒪᑦᓱᓂ ᐃᒻᒥᒎᕐᓱᓂ ᐊᒻᒪᓗ ᐋᓐᑐᔫ ᐸᕆᐴᐅ, ᑲᑎᖕᖓᔨᐅᖃᑕᐅᓯᒪᔪᖅ ᐊᓪᓚᐃᑦ ᑯᔩᑦ ᑲᑎᖕᖓᔨᕐᔪᐊᖏᓐᓄᑦ ᑕᒐᑕᒐᓕ ᓄᓇᓕᑐᖃᐃᑦ ᐊᐅᓚᑕᐅᓂᖏᑕ ᑲᒪᔨᖏᓐᓄᑦ ᐃᒫᖓᐃᕆᐊᕐᑎᐅᓕᕐᑐᖅ.
ᑐᑭᓯᒋᐊᒃᑲᓂᕈᒪᔪᑦ ᖃᐅᔨᒋᐊᕐᕕᖃᕈᓐᓇᑐᑦ
ᒍᐃᓕᐋᒻ ᑕᒍᕐᓈᒥᒃ
ᑐᓴᖃᑦᑕᐅᑎᒍᑎᓕᕆᓂᕐᓄᑦ ᐊᑕᐅᑦᓯᑯᕐᑎᓯᔨᒥᒃ ᑐᓴᕋᑦᓴᓂᐊᕐᑐᓕᕆᔨᐅᑦᓱᓂᓗ
wtagoona@makivik.org
819-964-2925
to download the .PDF file of this document.ᒪᑭᕝᕕᒃ ᐱᕙᓪᓕᐊᑎᑦᓯᓂᕐᓄᑦ ᐱᓇᓱᕝᕕᖁᑎᐅᕗᖅ ᑎᓕᔭᐅᒪᒍᑎᖃᕐᓱᓂ ᑲᒪᔨᐅᓂᐊᕐᓂᒥᓂᒃ ᕿᒻᒪᖁᓯᐅᑎᐅᑦᓱᑎᒃ ᑮᓇᐅᔭᖁᑎᑖᕆᓯᒪᔭᖏᓐᓂᒃ ᓄᓇᕕᐅᑉ ᐃᓄᑐᐃᓐᓇᖏᑕ ᐱᑕᖃᕐᑎᑕᐅᒍᑎᖃᕐᓱᑎᒃ ᔭᐃᒥᓯ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᑕ ᐊᖏᖃᑎᒌᒍᑎᖏᓐᓂᑦ. ᒪᑭᕝᕕᐅᑉ ᐱᔭᑦᓴᖁᑎᖏᑦ ᐃᓚᖃᕐᐳᑦ ᐊᐅᓚᑦᓯᔨᐅᓂᕐᒥᒃ ᑮᓇᐅᔭᓕᐅᕋᓱᒍᑎᖃᕐᓂᒥᓪᓗ ᑖᒃᑯᓂᖓ ᑮᓇᐅᔭᓂᒃ ᖁᕝᕙᑎᕆᔨᐅᑦᓱᓂᓗ ᑮᓇᐅᔭᑎᒍᑦ ᒪᑭᑕᒐᓱᒍᑎᓂᒃ ᐱᕙᓪᓕᐊᑎᑦᓯᒍᑎᓂᒃ.