ᐅᖓᓗᒃ ᐊᑦᑕᓇᖕᖏᓂᕐᓴᓂᒃ ᓄᓇᓕᖃᕐᑎᓯᓂᐅᑉ ᐱᓂᐊᕐᓂᑕᖓ ᒪᑭᑕᐅᓯᒪᔪᖅ ᕕᕈᐊᕆ 2007-ᒥ ᑭᖑᓂᐅᑦᓱᓂ ᓴᓇᕐᕈᑎᒃ ᐊᖏᖃᑎᒌᓐᓂᒧᑦ ᑯᐯᒃᑯᑦ ᑲᕙᒪᖓᑕ ᑐᓂᓯᒪᔭᖓᓄᑦ ᒪᑭᕝᕕᒧᑦ ᐊᒻᒪᓗ ᑲᑎᕕᒃ ᓄᓇᓕᒫᑦ ᑲᕙᒪᖓᓄᑦ (KRG). ᒪᑭᕝᕕᒃ ᐅᓪᓗᒥᐅᑎᓪᓗᒍ ᑕᒪᑐᒪ ᐱᓂᐊᕐᓂᑕᖓᓂᒃ ᐊᐅᓚᑦᓯᔪᖅ. ᐅᖓᓗᒃ ᐃᓄᒃᑎᑐᑦ ᐅᖃᐅᓯᐅᔪᖅ ᓯᕗᓪᓕᐹᓄᑦ ᓴᕕᐅᔭᕐᑐᐊᓄᑦ ᐃᓪᓗᕕᒐᐅᑉ ᑐᖕᖓᕕᖏᓐᓄᑦ, ᓯᕗᓪᓕᐸᐅᑦᓱᓂᓗ ᐃᓄᓐᓄᑦ-ᐊᐅᓚᑕᐅᑦᓱᓂ ᐱᓂᕐᓗᖓᐅᑎᓂᒃ ᓯᕗᕐᖏᓂᓐᓂᒥᒃ ᐱᓂᐊᕐᓂᖃᕈᑕᐅᑦᓱᓂ.
ᐅᖓᓗᒃ ᐊᑦᑕᓇᖕᖏᓂᕐᓴᓂᒃ ᓄᓇᓕᖃᕐᑎᓯᓂᕐᒥᒃ ᐱᓂᐊᕐᓂᖓ ᐅᒃᑯᐃᖔᓕᕐᒥᔪᖅ ᑎᒍᓯᒍᓐᓇᓱᓂ ᐱᓇᓱᒍᒪᐅᑎᓂᒃ 2017/2018-ᒥ ᑮᓇᐅᔭᓕᕆᓂᐅᑉ ᐊᕐᕌᒍᖓᑕ ᐃᓗᐊᓂ. ᑕᒪᓐᓇ ᐅᒃᑯᐃᖔᕐᓂᖅ ᐱᓇᓱᐊᑦᓴᓂᒃ ᑲᔪᓯᑎᑦᓯᒍᒪᔪᓄᑦ ᐅᒃᑯᐊᓛᕐᑐᖅ ᓯᑉᑎᒻᐱᕆ 2, 2016-ᒥ 5:00-ᖑᑐᐊᕐᐸᑦ ᐅᓪᓗᑯᑦ. ᓇᐅᑐᐃᓐᓀᑦ ᑐᑦᓯᕋᐅᑏᑦ ᑎᑭᑦᑐᑦ ᑖᑦᓱᒪ ᐅᓪᓗᖓᑕ ᓯᕿᕐᖑᔭᖓᑕᓗ ᑭᖑᓂᖓᓂ ᐃᓱᒪᒋᔭᐅᓛᖕᖏᑐᑦ. ᑐᑭᑖᕐᓂᖅ ᐱᓇᓱᐊᑦᓴᓂᒃ ᐊᖏᕐᑕᐅᓚᖓᔪᓂᒃ ᐋᕐᕿᑕᐅᓛᕐᑐᖅ ᑎᓯᒻᐱᕆ ᐱᒋᐊᕋᑖᕐᑎᓗᒍ 2016-ᒥ.
ᐊᒥᐊᒃᑯᖃᖏᓐᓇᐸᑦ ᑮᓇᐅᔭᓂᒃ ᐊᑐᕋᑦᓴᓂᒃ ᑕᒪᑐᒪ ᐅᒃᑯᐃᖔᕐᓂᐅᑉ ᑭᖑᓂᖓᓂ, ᑐᖓᓕᐊᓂᒃ ᐅᒃᑯᐃᕙᓪᓕᓂᖃᓛᕐᑐᑦ ᔭᓄᐊᕆ 2017-ᒥ.
ᑌᒣᒐᓗᐊᕐᑎᓗᒍ, ᐱᐅᓂᕐᓴᐅᕗᖅ ᑐᑦᓯᕋᐅᑎᓕᐅᕈᒪᔪᑦ ᑎᑭᑎᑦᓯᐸᑕ ᐱᓇᓱᕈᒪᔭᓂᒃ ᑕᒡᒐᓂ ᐅᒃᑯᐃᖔᕐᓂᐅᑉ ᓯᕗᓪᓕᖓᓂ.
ᐊᖏᕐᑕᐅᑐᐊᕈᑎᒃ,ᐱᓇᓱᐊᑦᓭᑦ ᑮᓇᐅᔦᕐᕕᐅᔪᑦ ᐅᖓᓘᑉ ᐊᑖᒍᑦ ᐱᒋᐊᕈᓐᓇᓯᓛᕐᑐᑦ ᖃᖓᑐᐃᓐᓇᖅ ᔭᓄᐊᕆ 1 ᐊᒻᒪᓗ ᑎᓯᒻᐱᕆ 31, 2017 ᐊᑯᓐᓂᖓᓂ.
ᑐᑦᓯᕋᒍᒪᒍᑦᓯ ᐅᖓᓗᒃ ᐊᑦᑕᓇᖕᖏᓂᕐᓴᓂᒃ ᓄᓇᓕᖃᕐᑎᓯᓂᐅᑉ ᐱᓂᐊᕐᓂᖓᓂᒃ, ᑐᑦᓯᕋᐅᑎᓕᐅᕐᓗᓯ ᖃᕆᑕᐅᔦᑦ ᐱᑐᑦᓯᒪᐅᑎᕕᖓᓂ ᒪᓕᓪᓗᓯᓗ ᑎᓕᔨᒍᑎᓂᒃ ᓄᐃᑕᔪᓂᒃ ᐅᖓᓘᑉ ᖃᕆᑕᐅᔭᓄᑦ ᒪᑐᐃᖕᖔᕕᖓᓂ ᐅᕙᓂ:
http://www.makivik.org/ungaluk-program/
ᑐᑦᓯᕋᐅᑎᓕᐅᖕᖏᓂᓯᓐᓂ, ᐊᑐᐊᕐᓯᓯᐊᕐᓗᓯ ᑐᑭᒧᐊᑦᑎᓯᒍᑎᓂᒃ ᐊᒻᒪᓗ ᐱᓂᐊᕐᓂᖓᑕ ᖃᐅᔨᒪᔭᑦᓴᖁᑎᖏᓐᓂᒃ ᐅᖓᓘᑉ ᖃᕆᑕᐅᔭᓄᑦ ᒪᑐᐃᖕᖔᕕᖓᓂ ᐊᑐᐃᓐᓇᓂᒃ.
ᐅᖓᓗᒃ ᒪᑉᐱᕕᖃᓕᕐᒥᔪᖅ Facebook-ᒥ, ᐅᕙᑦᑎᓂᒃ ᑕᑯᒍᓐᓇᑐᓯ ᕿᓂᕐᓗᓯ ᐆᒥᖓ: ᐅᖓᓗᒃ ᐊᑦᑕᓇᖕᖏᓂᕐᓴᓂᒃ ᓄᓇᓕᖃᕐᑎᓯᐅᑉ ᐱᓂᐊᕐᓂᖓ (Ungaluk Safer Communities program).
ᐅᖃᐅᓯᑦᓴᖃᕈᓯ ᐊᐱᕆᐅᑎᑦᓴᖃᕈᑦᓯᓘᓐᓃᑦ, ᐅᖃᕐᓗᓯ ᐅᕗᖓ ungaluk@makivik.org ᐅᕝᕙᓘᓐᓃᑦ ᐅᖓᓘᑉ ᐱᓇᓱᑦᑎᖏᑦᑕ ᓇᓪᓕᐊᓄᑦ:
ᓯᐊᔭ ᐁᕈ – ᐱᓂᐊᕐᓂᓕᕆᓂᕐᒥᒃ ᑐᑭᒧᐊᑦᑎᓯᔨ, ᑲᒪᔪᖅ ᓄᓇᓕᓕᒫᓅᓕᖓᔪᑦ ᐱᓇᓱᑦᑕᐅᒍᑎᖏᓐᓂᒃ ᐊᓪᓚᑖᕐᕕᖓ 119 ᑲᖏᕐᓱᒃ, ᑯᐯᒃ
J0M 1A0
ᐅᖃᓕᒪᐅᑎᖓ: (819) 935 4790
ᓱᑲᑦᑐᑰᕈᑎᖓ: (819) 935 4760
ᖃᕆᑕᐅᔭᒃᑯᑦ: sairo@makivik.org
ᓯᖁᐊᖅ ᑕᕐᕿᐊᐱᒃ – ᐱᓂᐊᕐᓂᖃᕈᑎᒥᒃ ᑲᒪᔨ ᐅᖓᕙᐅᑉ ᓯᑦᔭᖓᓂ
ᐊᓪᓚᑖᕐᕕᖓ 179 ᑰᔾᔪᐊᖅ, ᑯᐯᒃ
J0M 1C0
ᐅᖃᓕᒪᐅᑎᖓ: (819) 964 2925
ᓱᑲᑦᑐᑰᕈᑎᖓ: (819) 964 2613
ᐊᑭᖃᖕᖏᑐᖅ: 1 877 625 4845
ᖃᕆᑕᐅᔭᒃᑯᑦ: stukkiapik@makivik.org
ᓲᓯ ᓴᑭᐊᒐᖅ – ᐱᓂᐊᕐᓂᖃᕈᑎᒥᒃ ᑲᒪᔨ ᐃᑭᕋᓴᕐᔪᐊᑉ ᓯᑦᔭᖓᓂ
ᐊᓪᓚᑖᕐᕕᖓ 369 ᓴᓪᓗᐃᑦ, ᑯᐯᒃ
J0M 1S0
ᐅᖃᓕᒪᐅᑎᖓ: (819) 255 8148 ext. 111
ᓱᑲᑦᑐᑰᕈᑎᖓ: (819) 255 8001
ᖃᕆᑕᐅᔭᒃᑯᑦ: s_sakiagak@makivik.org
ᕖᐱ ᐊᑕᒍᑦᑖᓗᒃ – ᐱᓂᐊᕐᓂᖃᕈᑎᒥᒃ ᑲᒪᔨ ᑕᓯᐅᔭᕐᔪᐊᑉ ᓯᑦᔭᖓᓂ
ᐊᓪᓚᑖᕐᕕᖓ 69 ᐃᓄᒃᔪᐊᒃ, ᑯᐯᒃ
J0M 1M0
ᐅᖃᓕᒪᐅᑎᖓ: (819) 254-1173
ᓱᑲᑦᑐᑰᕈᑎᖓ: (819) 254-1040
ᖃᕆᑕᐅᔭᒃᑯᑦ: paculiak@makivik.org