ᒪᑭᕝᕕᐅᑉ ᓂᕈᐊᓂᖓ

1. ᓇᓗᓀᕐᓯᓗᑎᑦ ᑲᒪᑦᓯᐊᕈᓐᓇᑐᖁᑎᓐᓃᕕᑦ ᓂᕈᐊᕈᑦᔨᒍᓐᓇᑐᒥᒃ ᓄᓇᓕᒻᒥ ᐊᓪᓚᑕᐅᒪᕕᓐᓃᑐᒥᒃ.
2. ᓯᑯᑦᓴᔭᕐᒨᓗᒍ ᖃᓂᖕᖏᑐᒦᑦᑐᓄᑦ ᓂᕈᐊᕈᑎᐅᑉ ᑕᑕᕐᓴᒐᖓ (www.makivik.org/iu/election) ᐅᑯᐊ ᐊᓪᓚᓗᒋᑦ:
   ᓂᕈᐊᑲᐱᓐᓂᖅ 01|28 ᓂᕈᐊᓂᖅ 02|04
   1. ᐊᑏᑦ (ᓂᕈᐊᕐᑐᖅ)
   2. ᓄᓇᓕᒃ ᐊᓪᓚᑕᐅᒪᕖᑦ (ᓄᓇᓕᐅᑉ ᐊᑎᖓ)
   3. ᐃᓕᓐᓂᒃ ᓂᕈᐊᕈᑦᔨᔪᑦᓴᖅ (ᖃᓂᖕᖏᑐᒦᑦᑐᓄᑦ ᓂᕈᐊᕈᓐᓇᐅᑎᒥ ᓇᔪᕐᑎᓕᒃ)
   4.  ᓂᕈᐊᕈᑦᔨᔫᑉ ᓄᓇᓕᖓ ᐊᓪᓚᑕᐅᒪᕕᖓ (ᓄᓇᓕᐅᑉ ᐊᑎᖓ)
   5. ᓇᓃᑦᓱᑎᑦ ᐊᑎᓕᐅᕐᕕᖃᕐᒪᖔᑉᐱᑦ.
   6. ᐊᑎᓕᐅᕐᕖᑦ (ᓭᓂᕐᕖᑦ)
3. ᓱᑲᑦᑐᑰᕈᑎᒃᑯᑦ ᐊᐅᓪᓚᑎᓗᒍ ᓄᓇᓕᒻᒧᑦ ᐊᓪᓚᑕᐅᒪᕕᑉᐱᑦ ᓂᕈᐊᕐᕕᖓᓄᑦ ᐅᕝᕙᓘᓐᓃᑦ ᓂᕈᐊᕈᑦᔨᔨᐊᕆᖕᖑᓱᑦᑕᓅᕕᑦ, ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐊᐅᓪᓚᑎᓗᒍ ᐊᑦᔨᖓ ᐊᑦᔨᖑᐊᖓᓘᓐᓃᑦ ᓂᕈᐊᕈᑦᔨᔨᐊᓄᑦ, ᓯᑯᑦᓴᔭᒨᕐᑎᓯᒍᓐᓇᕕᖃᑦᓴᓚᐅᕐᐸᑦ. ᓂᕈᐊᕐᑐᓕᕆᔨ ᐊᖏᕈᓐᓇᓛᖕᖏᑐᖅ ᖃᕆᑕᐅᔭᑎᒍᑦ ᓄᐃᑎᑕᐅᑐᐃᓐᓇᑐᓂᒃ, ᖃᓂᖕᖏᑐᒥ ᓂᕈᐊᕈᓐᓇᐅᑎ ᓯᑯᑦᓴᔭᒨᕐᓯᒪᔪᖅ ᑭᓯᐊᓂ ᐊᖏᕐᑕᐅᓛᕐᑐᑦ.
4. ᓂᕈᐊᕐᑐᓕᕆᔨ ᓇᓗᓀᕐᑕᐅᒪᔪᖅ ᓄᓇᓕᓐᓂ ᐊᖏᕈᓐᓇᓛᕐᑐᖅ ᖃᓂᖕᖏᑐᒥ ᓂᕈᐊᕈᓐᓇᐅᑎᓂᒃ ᑕᑕᕐᓴᑕᐅᒪᑦᓯᐊᑐᓂᒃ ᓯᑯᑦᓴᔭᐅᑎᓪᓗᒋᑦ. ᓂᕈᐊᕈᑦᔨᔨᐊᑦ ᓯᑯᑦᓴᔮᐱᒻᒥᒃ ᓂᕈᐊᕈᑎᒥᒃ ᑐᓂᔭᐅᓛᕐᑐᖅ ᓂᕈᐊᕈᑦᔨᓯᓗᓂ ᐃᓕᓐᓂᒃ ᑌᒪ ᐊᑏᑦ ᐊᓪᓚᑕᐅᓂᐊᓕᕐᒪᑦ ᓂᕈᐊᕐᓂᕋᕐᑕᐅᓗᓂ.

ᑐᑭᓯᒋᐊᕈᒪᒍᕕᑦ, ᐅᖃᖃᑎᒋᒍᓐᓇᑌᑦ ᓘᓯ ᑯᔩ, ᓂᕈᐊᕐᑐᓕᕆᔨ ᐅᕙᓂ elections@makivik.org.