ᑐᓴᕋᑦᓴᖅ
ᑰᑦᔪᐊᖅ, ᓄᓇᕕᒃ – ᐁᕆᓕ 29, 2025 – ᒪᑭᕝᕕᒃᑯᑦ ᓂᕆᐅᓂᖃᑦᓯᐊᖁᑦ ᓂᕈᐊᕐᑕᐅᔪᕕᓂᕐᓂ 2025ᒥ ᑲᕙᒪᑐᖃᒃᑯᑦ ᓂᕈᐊᕐᓂᖃᕐᑎᓗᒋᑦ ᐅᐱᒍᓲᑦᔨᓱᑎᓗ ᓂᕈᐊᕐᑕᐅᒐᓱᑦᑐᕕᓂᓕᒫᓂᑦ ᓂᕈᐊᕐᑕᐅᒋᐊᓪᓚᑐᓂᕐᓂᓗ ᐃᑭᓐᓂᓴᐅᑦᓱᑎᑦ ᑲᕙᒪᐅᔪᓂᑦ ᓕᐳᕋᓪᑯᓂᑦ. ᐱᓇᓱᖃᑎᖃᖏᓐᓇᓂᐊᕐᓂᑎᓐᓂᑦ ᕿᓚᓈᕐᖁᒍᑦ ᑲᕙᒪᒥᒃ ᓯᕗᒧᐊᑦᑎᓯᓗᑕ ᐱᐅᓂᕐᓴᒧᑦ ᐃᓄᖁᑎᖏᓐᓄᑦ ᓄᓇᕕᐅᑉ ᐊᒻᒪᓗ ᐃᓄᐃᑦ ᓇᒻᒥᓂᖅ ᑐᑭᑖᕈᓐᓇᓂᕐᒥᒃ ᐱᓇᓱᑦᑕᐅᔪᒥᒃ ᓯᕗᒧᐊᑦᑎᓯᓂᕐᒥᒃ. ᐱᔭᕆᐊᑐᔪᑲᓪᓚᓂᑦ ᐱᓇᓱᐊᕆᐊᖃᓚᖓᒐᑦᑕ ᓯᕗᓂᑦᑎᓂ: ᓇᒻᒥᓂᖅ ᑐᑭᑖᕈᓐᓇᓂᖅ, ᐃᓪᓗᓕᕆᓂᖅ, ᐃᓅᓱᑦᑐᐃᑦ ᓴᐳᒻᒥᔭᐅᓂᖏᑦ ᐊᒻᒪᓗ ᑯᕈᓪ ᐊᖏᖃᑎᒌᒍᑎᖓ (Croll Agreement) ᐃᑭᑦᑐᓂᑦ ᐊᓪᓚᑐᐃᓐᓇᖁᒍᑦ.
ᐊᕐᕌᒍᕐᓂᑦ ᐊᓂᒍᕐᑐᓂᑦ, ᓕᐳᕋᓪ ᑲᕙᒪᖓ ᐊᓪᓗᕆᐊᕈᑎᒻᒪᕆᓂᑦ ᐊᓪᓗᕆᐊᕈᑎᖃᖃᑦᑕᓯᒪᓕᕐᒪᑦ ᓴᐳᑦᔨᓱᑎᑦ ᐊᔪᐃᓐᓇᕈᑎᕗᓐᓂᑦ, ᐃᓚᐅᑎᓪᓗᒋᑦ ᐅᑎᕐᑎᓯᒐᓱᓐᓂᖅ ᐅᖃᐅᓯᕐᒥᒃ, ᐃᓪᓗᒪᕆᓂᑦ, ᓇᒻᒥᓂᖅ ᑐᑭᑖᕈᓐᓇᓂᕐᒥᓗ. ᓂᕆᐅᓐᓂᖃᑦᓯᐊᖁᒍᑦ ᑖᓐᓇ ᓄᑕᐅᓯᓕᕐᑕᐅᓂᖓ ᑎᓕᔭᐅᒪᒍᑎᐅᑉ ᓄᐃᑦᓯᓂᐊᕐᓂᖓᓂᒃ ᑐᖕᖓᕕᒻᒥᒃ ᐊᒻᒪᓗ ᑐᓂᒪᑦᓯᐊᓂᖏᑦ ᓄᐃᒋᐊᓪᓚᓗᑎᑦ ᑐᑭᖃᑦᓯᐊᑐᒥᒃ ᐱᕙᓪᓕᐊᑎᑕᐅᓗᑎᑦ ᓄᓇᕕᒻᒥ ᐃᓄᖁᑎᖏᑦ.
ᒪᑭᕝᕕᑯᑦ ᐅᐱᒍᓱᒃᑯᑦ ᒫᓐᑎ ᑲᓪ-ᒪᔅᑎ-ᒥᒃ, ᓂᕈᐊᕐᑕᐅᖃᒻᒥᒃ ᑲᕙᒪᒥ ᑲᑎᖕᖓᔨᖏᓐᓄᑦ ᓄᓇᖁᑎᑦᑎᓂ ᐱᒍᑦᔨᓱᓂ.
ᐊᓕᐊᓱᒃᑯᒍᑦ ᑕᑯᒋᐊᒥᒃ ᓄᓇᖃᕐᖄᓯᒪᔪᒥᒃ ᐊᕐᓇᒥᒃ ᓂᕈᐊᕐᑕᐅᔪᒥᒃ ᑭᒡᒐᑐᕐᓂᐊᑐᒥᒃ ᓄᓇᖁᑎᑦᑎᓂᑦ ᐋᑐᒑᒥ” ᐅᖃᕐᑐᕕᓂᖅ ᒪᑭᕝᕕᑯᑦ ᐊᖓᔪᕐᖄᖓ ᐱᑕ ᐋᑕᒥ. “ᒫᓐᑎ ᑯᓪ-ᒫᔅᑎ ᑐᑭᓯᒪᔪᖅ ᐊᑑᑎᓪᓚᕆᑦᑕᖏᓐᓂᑦ ᓄᓇᓕᕗᓐᓂ, ᓇᑯᕐᒦᓱᑕᓗ ᓄᓇᕕᓕᐊᕈᓐᓇᓯᓚᐅᔪᒻᒪᑦ ᓂᕈᐊᕐᑕᐅᑎᒐᓱᓐᓂᒥᓂ. ᐱᒻᒪᕆᐅᕗᑦ ᐅᖃᐅᓯᑦᓴᕗᑦ ᑐᓴᕐᑕᐅᓗᑎᑦ ᑲᕙᒪᒃᑯᑦ ᑲᑎᖕᖓᕕᖓᓂ ᐃᓄᒻᒧᑦ ᐊᑑᑎᓯᒪᔭᕗᓐᓂᑦ ᐊᑑᑎᓯᒪᒻᒥᔪᒧᑦ. ᓂᕈᐊᕐᑕᐅᓂᖓ ᓄᐃᑦᓯᔪᖅ ᐊᓪᓗᕆᐊᕈᑎᒻᒪᕆᒻᒥᒃ ᓯᕗᒧᑦ ᓄᓇᖁᑎᑦᑎᓄᑦ, ᐱᓇᓱᖃᑎᖃᕐᓂᐊᓂᑦᑎᓂᑦ ᓂᕆᐅᑦᓯᐊᖁᒍᑦ. “
ᒪᑭᕝᕕᑯᑦ ᖁᓅᒻᒥᒋᕗᑦ ᑲᒪᒋᔭᐅᖑᓯᕕᓂᖓᓂᒃ ᓂᕈᐊᕐᓃᑦ ᓄᓇᕕᒻᒥ ᓂᕈᐊᕐᑐᓕᕆᔨᖏᓐᓄᑦ ᑲᓇᑕᒥ. ᖃᐅᔨᓐᓂᕋᑦᑕ ᓂᕈᐊᕐᓃᑦ ᐅᒃᑯᐃᖔᕐᓂᖏᑦ ᑫᕙᓪᓚᒍᓯᖏᑦ ᑲᔪᓯᑦᓯᐊᓂᖕᖏᒪᑕ ᐊᒥᓱᓂᑦ ᓄᓇᓕᓐᓂᑦ, ᐃᓱᒫᓗᓐᓇᑐᐹᓘᑦᓱᓂᓗ, ᐃᓚᖏᑦ ᓄᓇᓖᑦ ᓂᕈᐊᕈᓐᓇᓂᖕᖏᒪᑕ. ᑕᒪᓐᓇ ᓈᒻᒪᓈᖕᖏᑐᖅ 2025ᒥ. ᐊᒥᓱᐃᑦ, ᓄᓇᕕᒻᒥᐅᑦ ᓂᕈᐊᕈᓐᓇᐅᑎᖏᑦ ᐱᒍᓐᓇᕆᐊᓕᖏᑦ ᑲᔪᓯᑎᑕᐅᒍᓐᓇᓂᖕᖏᒪᑕ ᑕᒡᒐᓂ ᓂᕈᐊᕐᓇᒥ.
ᒪᑭᕝᕕᑯᑦ ᓂᕈᐊᕐᑐᓕᕆᔨᖏᓐᓂᑦ ᑲᓇᑕᐅᑉ ᖃᐅᔨᖁᔨᕗᑦ ᖃᓄᐃᓕᖓᓐᓂᒪᖔᑕ ᖃᓄᕐᑐᕈᑎᖃᑦᓴᐅᑎᒋᖁᔨᑦᓱᑎᓗ ᐃᓄᖁᑎᓕᒫᖏᑦ ᓄᓇᕕᒻᒥ ᐊᑦᔨᒋᔭᐅᑦᓯᐊᑐᓂᑦ ᓂᕈᐊᕈᓐᓇᖁᑦᓱᒋᑦ ᓯᕗᓂᕐᒥ ᓂᕈᐊᕐᓂᐅᓛᕐᑐᓂᑦ. ᓄᓇᕕᒻᒥ ᐃᓄᖏᑦ, ᑲᓇᑕᒥᐅᓕᒫᑎᑐᑦ, ᐱᒍᓐᓇᐅᑎᖃᕆᐊᖃᕐᖁᑦ ᓂᐱᖏᑦ ᑐᓴᕐᑕᐅᓗᑎᑦ, ᑲᓇᑕᒥ ᓂᕈᐊᕐᑎᓯᔨᖏᓪᓗ ᑲᔪᓯᑎᑦᓯᒋᐊᖃᕐᓱᑎᑦ ᑌᒃᑯᐊᓗ ᓂᕈᐊᕐᑐᓕᕆᔩᑦ ᓄᓇᖁᑎᑎᑦᑎᓂ ᓂᕈᐊᕆᐊᕐᑐᒍᓐᓇᑎᕆᐊᖃᕐᓱᑎᑦ ᐊᑦᔨᒋᔭᐅᑎᑕᐅᑦᓯᐊᓗᑎᑦ – ᓇᓪᓕᐊᓂᑐᐃᓐᓇᖅ ᓄᓇᒦᒐᓗᐊᕈᑎᑦ.
ᒪᑭᕝᕕᒃ ᑐᓂᒪᑦᓯᐊᖏᓐᓇᖁᖅ ᐱᒍᑦᔨᓂᕐᒥᓄᑦ ᐱᒍᓐᓇᐅᑎᖏᓐᓂᑦ ᓯᕗᓪᓕᐅᔭᐅᖁᔭᖏᓐᓂᓗ ᓄᓇᕕᒻᒥᐅᑦ ᐃᓄᖏᓐᓂᑦ ᐳᕐᑐᓕᕆᕐᑐᓂᑦ ᑲᕙᒪᒥ.
– 30 –
ᖃᐅᔨᒋᐊᕐᕕᐅᒍᓐᓇᑐᖅ:
ᑲᕐᓴᓐ ᑕᒍᓐᓇ
ᑐᑭᒧᐊᑦᑎᓯᔨᒃ ᑐᓴᕋᑦᓴᓕᕆᕕᒻᒥ
ᒪᑭᕝᕕᒃ
ctagoona@makivvik.ca
www.makivvik.ca
ᒪᑭᕝᕕᒃ ᓄᓇᑖᕐᓂᒧᑦ ᑎᒥᖕᖑᑐᕕᓂᖅ ᑎᓕᔭᐅᒪᑦᓱᓂ ᐊᐅᓚᑦᓯᓂᐊᕐᓱᓂ ᓄᓇᑐᖃᒥᑦᑕ ᑮᓇᐅᔭᖁᑎᖏᓐᓂᑦ ᐃᓄᖁᑎᖏᓐᓂᑦ ᓄᓇᕕᒻᒥ ᓄᐃᑕᕕᓂᕐᓂᑦ ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓᓄᑦ. ᒪᑭᕝᕕᑯᑦ ᑲᒪᒋᔭᑦᓴᔭᖏᓐᓂᑦ ᐅᑯᐊᖑᕗᑦ ᐊᐅᓚᑦᓯᓂᖅ ᑮᓇᐅᔭᓕᐅᕆᐊᓪᓚᒐᓱᓪᓗᓂᓗ ᑖᒃᑯᓂᖓ ᑮᓇᐅᔭᓂᑦ ᐊᒻᒪᓗ ᑮᓇᐅᔭᓂᑦ ᐱᕈᕐᑎᓯᒋᐊᓪᓚᓂᕐᒧᑦ ᐃᑲᔪᕐᓯᓂᒃᑯᑦ ᓄᐃᑦᓯᓂᒃᑯᑦ ᐃᓄᓐᓄᑦ ᐊᐅᓚᑕᐅᔪᓂᑦ ᒪᑭᑕᒐᓱᐊᕈᑎᓂᑦ ᓄᓇᕕᒻᒥ. ᒪᑭᕝᕕᑯᑦ ᐊᓯᐅᑐᐃᓐᓇᑎᑦᓯᑌᓕᔨᐅᔪᑦ ᐃᓄᐃᑦ ᐃᓗᕐᖁᓯᖓᓂᒃ ᐅᖃᐅᓯᖓᓂᓗ ᐃᓗᓯᕐᓱᓯᐊᕆᐊᖃᕐᓂᖏᓐᓂᓗ, ᖃᓄᐃᖕᖏᖑᓯᐊᕐᓂᖏᓐᓂᑦ, ᐃᑲᔪᕐᓯᓗᑎᑦ ᐊᔪᕐᓴᑐᓂᑦ, ᐃᓕᓐᓂᐊᑎᑕᐅᓂᖏᓐᓂᓗ ᐃᓄᐃᑦ ᓄᓇᓕᓐᓂᑦ.