ᑐᓴᕋᑦᓴᖅ
ᑰᒃᔪᐊᖅ, ᓄᓇᕕᒃ – ᔫᓂ 13, 2025 – ᒪᑭᕝᕕᒃ ᖁᕕᐊᒋᔭᓕᒃ ᐅᖃᐅᓯᖃᕆᐊᒥ ᐃᒫᒃ ᒪᓐᑐᔨᐊᓪ-ᑰᒃᔪᐊᖅ ᐊᕐᖁᑎᖓᓂᒃ ᐊᑐᓕᕐᓂᕆᓛᕐᑕᖓᑕ ᐅᓪᓗᓴᖓ ᓂᕆᐅᒋᔭᕕᓂᕐᒥᒃ ᓯᕗᓕᐅᕆᓯᒪᓗᓂ, ᐱᒋᐊᖔᓛᓯᓂᖓᓂᒃ ᐊᐅᒡᒍᓯ 6, 2025-ᒥ.
ᑲᓀᑎᐊᓐ ᓄᐊᑦ ᐊᐅᓚᑦᓯᓂᕐᒥᓂᒃ ᑰᒃᔪᐊᓗ ᒪᓐᑐᔨᐊᓗ ᐊᕐᖁᑎᖓᓂᒃ ᑭᖑᓪᓕᐹᒥᒃ ᖃᖓᑕᓂᖃᓛᕐᒪᑦ ᐊᐅᒡᒍᓯ 5, 2025-ᒥ. ᑕᒪᑦᓱᒧᖓ ᐊᕐᖁᑎᒧᑦ ᖃᖓᑦᑕᔫᕐᓂᐊᑎᐅᑉ ᐊᓯᑦᔨᓂᖓᑕ ᓯᕗᒧᐊᒋᐊᕐᓂᖓᓄᑦ, ᐃᓄᐃᑦ ᖃᖓᑦᑕᔫᖏᑦ ᓄᑖᔭᐅᓂᕐᓴᒥᒃ ᐳᐃᖕ (Boeing) 737-300-ᒥᓂᒃ ᐊᕐᖁᑎᖓᓂᒃ ᐊᑐᓛᕐᑐ ᐊᓯᑦᔨᕙᓪᓕᐊᓂᖓᓂ ᓄᑖᔭᒥᒃ ᐳᐃᖕ (Boeing) 737-800-ᓕᖁᑎᒥᓂᒃ ᐊᑐᕆᐊᓯᖕᖏᓂᕐᒥᓂ ᑕᒪᓐᓇ ᐅᑭᐊᑦᓴᒧᑦ ᐸᕐᓇᑕᐅᓯᒪᔪᕕᓂᐅᒻᒪᑦ.
ᒪᑭᕝᕕᑯᑦ ᐃᓄᐃᑦ ᖃᖓᑦᑕᔫᖏᓪᓗ ᐊᐅᓪᓚᓲᓕᒫᓂᒃ ᐃᓱᒫᓗᖁᔨᖕᖏᓯᐊᕐᑐᑦ ᑌᑲᓂ ᐊᐅᒡᒍᓯ 6-ᖓᓂ ᑭᖑᓂᐊᒍᓪᓘᓃᑦ ᐊᐅᓪᓚᕈᑎᑦᓴᓕᐅᕐᓯᒪᔪᓂᒃ ᑌᒃᑯᐊ ᐃᓂᓕᐅᕈᑎᒋᓯᒪᔭᖏᑦ ᑲᔪᓯᑦᓯᐊᑎᑕᐅᓛᕐᒪᑕ ᓅᑕᐅᑦᓯᐊᓗᑎᓗ ᐃᓄᐃᑦ ᖃᖓᑦᑕᔫᖏᓐᓄᑦ. ᐊᐅᓪᓚᕆᐊᓖᑦ ᐃᓄᐃᑦ ᖃᖓᑦᑕᔫᖓᒍᑦ ᐊᐅᓪᓚᕈᓐᓇᓛᕐᑐᑦ ᑌᒃᑯᓂᖓᑦᓭᓇᖅ ᐃᓂᓕᐅᕈᑎᒋᓯᒪᔭᒥᓂᒃ ᐊᑐᕐᓗᑎᒃ. ᐊᐅᓪᓚᕈᑎᑦᓴᓕᐅᕐᓯᒪᔪᓕᒫᑦ ᐃᓄᐃᑦ ᖃᖓᑦᑕᔫᖏᑎᒍᑦ ᐊᐅᓪᓚᓂᕆᒋᐊᓕᒻᒥᑕ ᐊᓪᓚᓯᒪᔪᖏᓐᓂᒃ ᐊᐅᓪᓚᑎᑦᓯᕕᐅᓛᕐᑐᑦ ᖃᕆᑕᐅᔭᒃᑯᑦ ᐊᓪᓚᑖᕐᕕᖏᑦᑕ ᑐᕌᒍᑎᖏᑦ ᐱᓯᒪᔭᐅᑐᐊᕐᐸᑕ.
ᐊᐅᓪᓚᕆᐊᓕᓐᓄᑦ ᐊᐅᒡᒍᓯ 6-ᒥ ᐱᒋᐊᕐᓗᒍ, ᓄᑖᓂᒃ ᐃᓂᓕᐅᕈᑎᐅᓂᐊᕐᑐᓕᒫᑦ ᔫᓂ 17-ᖑᓕᕐᑎᓗᒍ ᑭᖑᓂᐊᒍᓪᓘᓃᑦ ᐃᓂᓕᐅᕈᑎᐅᒋᐊᖃᓛᓕᕐᑐᑦ ᐃᓄᐃᑦ ᖃᖓᑦᑕᔫᖏᑦ ᑐᕃᓐᓇᕕᒋᓗᒋᑦ ᐅᕙᓂ airinuit.com ᐅᕝᕙᓘᓐᓃᑦ ᐃᓂᓕᐅᕐᕕᒧᑦ ᐅᖄᓚᓗᑎᒃ ᐅᕗᖓ 1-800-361-2965.
ᒪᑭᕝᕕᒃ ᐃᓄᐃᑦ ᖃᖓᑦᑕᔫᖏᑦᑕ ᐱᕈᕐᐸᓕᐊᓂᕆᖏᓐᓇᑕᖓᓂᒃ ᓴᐳᑦᔨᒋᐊᒥᒃ ᐱᔪᕆᒍᑎᖃᕐᐳᖅ ᓄᓇᕕᒻᒥ ᓄᓇᓕᓐᓂᒃ ᖃᓪᓗᓈᑦ ᓄᓇᖓᓄᑦ ᑎᑭᒍᓐᓇᓂᖏᑦ ᐊᕐᖁᑎᑦᓴᖃᓕᐅᒥᑎᑦᓱᒋᑦ.
ᐃᓂᓕᐅᕐᓂᒧᑦ ᐃᑲᔪᕐᑕᐅᒍᑎᓄᑦ ᑐᑭᓯᒋᐊᓪᓚᕈᑎᑦᓴᓄᓘᓐᓃᑦ ᖃᐅᔨᒋᐊᕐᕕᒋᓗᒍ ᐃᓄᐃᑦ ᖃᖓᑦᑕᔫᖏᑦᑕ Facebook-ᒥ ᑕᑯᑦᓴᐅᕕᖓ ᑖᓐᓇᓗ ᓄᑕᐅᓯᓕᕐᑕᐅᓴᐅᑎᒋᓂᐊᕐᓱᓂ ᓄᑕᐅᓯᓕᕐᑕᐅᓕᐅᒥᔮᕐᐸᓂᐊᕐᓱᓂᓗ.
– 30 –
ᖃᐅᔨᒋᐊᕐᕕᓴᖅ:
| ᒪᑭᕝᕕᒃ ᑳᓴᓐ ᑕᒍᕐᓈ ᑐᑭᒧᐊᑦᑎᓯᔨ ᑐᓴᐅᒪᖃᑎᒌᓐᓂᓕᕆᓂᕐᒥ ctagoona@makivvik.ca | ᐃᓄᐃᑦ ᖃᖓᑦᑕᔫᖏᑦ Tim Duboyce/ᑎᒻ ᑐᐳᐁᔅ Massy Forget Langlois Public Relations 514 604-9282 tduboyce@mflrp.ca | ᑲᓇᐃᑎᐊᓐ ᓄᐊᑦ ᐱᕙᓪᓕᐊᔪᓕᕆᔨᒃᑯᑦ Media@canadiannorth.com |