ᓕᓕᐅᑉ ᑮᓇᐅᔭᖃᕐᑎᓯᒍᑎᖏᑦ ᓄᐃᑕᐅᓐᓂᖁᖅ ᓴᐳᑦᔨᒍᑎᐅᓂᐊᕐᓱᓂ ᐃᓄᓐᓂᒃ ᐃᓚᒌᓂᒃ ᓄᓇᕕᒻᒥ ᐃᓚᖃᕐᑐᓂᒃ ᐃᓱᒪᒥᒍᑦ ᑎᒥᒥᒍᓗᓐᓃᑦ ᐱᕐᖃᔭᑦᓯᐊᖏᑦᑐᓂᒃ.
ᐊᒥᓱᐃᑦ ᐃᓄᐃᑦ ᐃᓚᒌᑦ ᓄᓇᕕᒻᒥ ᐃᑲᔪᕐᓯᓲᖑᒻᒪᑕ ᐃᓚᒥᓂᒃ ᐱᒻᒪᕆᑦᑐᒥᒃ ᐊᑌᓐᓇᑐᒥᒃ ᑎᒥᒥᒍᑦ ᐃᓱᒪᒥᒍᓗᓐᓃᑦ ᓱᕐᖃᔦᕐᓯᒪᒍᑎᓕᓐᓂᒃ. ᑖᒃᑯᐊ ᐃᓚᒌᑦ ᖃᐅᑕᒫᕐᓯᐅᑎᓂᒃ ᐊᑑᑎᔭᐅᒋᐊᓕᓐᓂᒃ ᑲᒪᒋᔭᖃᕐᓱᑎᑦ ᐃᑲᔪᕐᓯᓱᑎᓗ ᓱᕐᖃᔦᕐᓯᒪᔪᓂᒃ ᖃᓂᑕᒥᓂᒃ. ᑭᓯᐊᓂ, ᐃᑲᔪᕐᓯᒍᑎᖏᑦ ᐃᑲᔪᕐᓯᔭᐅᒍᑎᖏᑦ ᑖᕗᖓᐅᓕᒍᓐᓇᖏᒻᒪᑕ, ᐊᑭᓕᕆᐊᓕᖏᓪᓗ ᐅᓄᕐᑐᒪᕆᐅᑦᓱᑎᑦ.
ᓕᓕᐅᑉ ᑮᓇᐅᔭᖃᕐᑎᓯᒍᑎᖏᑦ ᐃᓕᑕᕆᔭᐅᓐᓂᖁᖅ ᐅᖄᒍᑦᔨᓂᖓ ᐱᓇᓱᐊᕐᓂᖓ ᓕᓕ ᒣᓇ, ᐃᓄᒃᔪᐊᒥᐅᒃ. ᑕᖃᓱᐃᑦᑑᓱᓂ ᑐᑭᓯᒪᔭᐅᑎᑦᓯᒐᓱᓐᓂᖓ ᐅᖁᒣᑦᑐᑰᕈᑎᐅᔪᓂᒃ ᓄᓇᕕᒻᒥᐅᓄᑦ ᐃᓚᒌᓄᑦ ᑲᒪᒋᔭᖃᓲᓂᒃ ᐱᒻᒪᕆᑦᑐᒥᒃ ᓱᕐᖃᔦᕐᓯᒪᔨᐊᓕᓐᓂᒃ ᐃᓚᒥᓂᒃ.
ᓕᓕᐅᑉ ᑮᓇᐅᔭᖃᕐᑎᓯᒍᑎᖏᑦ ᓄᐃᑕᐅᒪᔪᖅ ᐃᑲᔪᕐᓯᒍᑎᑦᓴᐅᓱᓂ ᓄᓇᕕᒻᒥᐅᓂᒃ ᐃᓄᓐᓂᒃ ᑲᒪᒋᔭᓕᓐᓂᒃ ᐱᒻᒪᕆᑦᑐᒥᒃ ᐊᑌᓐᓇᑐᒥᒃ ᓱᕐᖃᔦᕐᓯᒪᔪᓂᒃ, ᐃᓚᐅᒻᒥᑎᓪᓗᒋᑦ ᐊᖓᔪᕐᖄᖏᑦ ᑲᒪᒋᔨᖏᓪᓗᓃᑦ ᐱᐊᕋᐅᖏᓐᓇᐸᑕ.
ᐅᑯᐊ ᑐᖕᖓᕕᒋᔭᐅᔪᐃᑦ ᐱᒍᓐᓇᑎᑕᐅᓂᕐᓂ ᐱᓇᓱᑦᑕᐅᔪᒥ:
· ᐃᓚᐅᔫᓗᓂ ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓᓄᑦ.
· ᑲᒪᒋᔭᖃᕐᓗᓂ ᐱᒻᒪᕆᑦᑐᒥᒃ ᐊᑌᓐᓇᑐᒥᓗ ᑎᒥᒥᒍᑦ ᐃᓱᒪᒥᒍᓗᓐᓃᑦ ᐱᕐᖃᔦᕐᓯᒪᔪᒥᒃ, ᒪᓕᑦᓱᑎᑦ ᐃᓗᓯᓕᕆᓂᕐᒥ ᐱᓇᓱᑦᑎᒪᕆᒻᒧᑦ ᑐᑭᑖᕈᑎᐅᒪᔪᒥᒃ.
· 64ᓂᒃ ᐅᑭᐅᖃᕐᓗᓂ ᓄᑲᕐᓯᐅᓗᓂᓗᓐᓃᑦ.
ᐃᓚᒌᑦ ᑲᒪᒋᔭᓖᑦ ᐊᑕᐅᓯᕐᔪᐊᒥᐅᓐᓃᑦ ᐃᓄᒻᒥᒃ ᐱᒻᒪᕆᑦᑐᒥᒃ ᐊᑌᓐᓇᑐᒥᓗ ᑎᒥᒥᒍᑦ ᐃᓱᒪᒥᒍᓗᓐᓃᑦ ᓱᕐᖃᔦᕐᓯᒪᔪᒥᒃ ᐱᒍᓐᓇᑐᐃᓐᓇᕆᐊᖃᕐᖁᑦ ᐅᑯᓂᖓ ᐅᓄᕐᓂᖏᓐᓂᑦ ᑐᖕᖓᕕᖃᕐᓱᑎᑦ ᐱᓇᓱᑦᑕᐅᔪᒥᒃ ᑐᖕᖓᕕᖏᓐᓂ:
· $12 000 ᐊᑕᐅᓯᕐᒧᑦ ᐃᓄᒻᒧᑦ ᐊᕐᕌᒍᓕᒫᒥ, 2025-2026ᒥ, ᐃᓄᒃ ᓱᕐᖃᔦᕐᓯᒪᔪᖅ ᐊᓂᕐᕋᒥᓂᒥᐅᖑᑉᐸᑦ
· $6 000 ᐊᑕᐅᓯᕐᒧᑦ ᐃᓄᒻᒧᑦ ᐊᕐᕌᒍᓕᒫᒥ ᓱᕐᖃᔦᕐᓯᒪᔪᖅ ᐃᓄᒃ ᐱᒍᑦᔭᐅᕕᒻᒦᐸᑦ
ᑖᒃᑯᐊ ᐅᓄᕐᓂᖏᑦ ᑖᒃᓯᔭᕐᑕᐅᒋᐊᑐᖕᖏᑐᑦ ᑮᓇᐅᔭᕐᑖᕆᔭᐅᔪᐃᑦ. ᑭᓯᐊᓂ, ᓱᕐᕃᑐᐃᓐᓇᕆᐊᕐᖃᖁᑦ ᐊᓯᖏᓐᓂᒃ ᑲᕙᒪᒥ ᐱᓯᒪᔪᓂᒃ ᐃᑲᔪᕐᓯᒍᑎᓂᒃ.
ᐊᑭᓕᕐᑕᐅᒍᑎᖏᑦ ᑮᓇᐅᔭᓂᒃ ᓴᓂᕐᕙᑕᐅᒪᔪᓂᒃ ᐱᓯᒪᓛᕐᑐᐃᑦ ᐊᖓᔪᕐᖄᖏᓐᓄᓗᑎᑦ ᑲᒪᒋᔨᖏᓐᓄᓗᓐᓃᑦ ᐱᐊᕋᐅᑉ 18ᓂᒃ ᐅᑭᐅᖃᕋᑕᖕᖏᑑᑉ. ᐊᖓᔪᕐᖄᑦ ᑲᒪᔨᒋᔭᐅᔪᐃᓪᓗᓃᑦ 64ᓂᒃ ᐅᑭᐅᖃᕆᐊᑐᖕᖏᑐᑦ ᓄᑲᕐᓯᐅᓗᑎᓗᓐᓃᑦ.
ᖃᐅᔨᒪᔭᐅᒋᐊᓕᒃ: ᑐᓴᐅᒪᔭᐅᒍᑎᓕᒫᑦ ᓄᐊᑕᕕᓃᑦ ᓇᐅᓕᒫᓄᑦ ᑐᓴᐅᒪᔭᐅᑎᑦᓯᒍᑎᐅᓂᐊᖕᖏᑐᑦ
ᑐᑭᓯᒋᐊᓪᓚᒍᑎᑦᓴᓄᑦ ᖃᓄᖅ ᐃᑲᔪᕐᑕᐅᒐᔭᕐᒪᖔᕐᐱᑦ ᖃᐅᔨᒋᐊᕐᕕᒋᒍᓐᓇᑌᑦ:
ᑭᑎ ᑯᐊᑕ
ᑐᑭᒧᐊᑦᑎᓯᔨ
ᐊᖕᒐᔪᕐᖄᑉ ᐊᓪᓚᕕᖕᒐ
ᐅᖄᓚᐅᑎ ᐊᑭᖃᖕᖏᑐᖅ:
1-800-361-7052
ᐅᖄᓚᐅᑎᖓ:
(514) 745-8880 ext. 2335
ᓱᑲᑦᑐᑰᕐᑎᓯᒍᑎ:
(514) 745-3700
ᖃᕆᑕᐅᔭᒃᑯᑦ ᑐᕌᒍᑎᖓ: Lillysfund@makivvik.ca
1111 Dr. Frederik-Philips Blvd., 3rd Floor
St. Laurent, Quebec
H4M 2X6