Makivik Job Opportunity
ᑲᒪᔨᒻᒪᕆᒃ ᑮᓇᐅᔭᓕᐅᕋᓱᐊᕐᓂᒥᒃ ᐱᕙᓪᓕᐊᓂᕐᒧᑦ
Job Description:
ᐊᖓᔪᕐᖄᖃᕐᓱᓂ: ᐊᖓᔪᕐᖄᑉ ᑐᖓᓂᖓ ᒪᑭᑉᐸᓕᐊᒐᓱᐊᕐᓂᐅᑉ ᐱᕙᓪᓕᐊᓂᕐᒧᑦ ᐱᓇᓱᕝᕕᖓᓂᒃ
Responsibilities:
- ᐱᕙᓪᓕᐊᑎᑦᓯᓗᓂ ᐊᑐᓕᕐᑎᓯᓗᓂᓗ ᓱᓇᒥᑦᑐᒥᒃ ᐊᐅᓚᑦᔦᒋᐊᕐᓂᒧᑦ ᐸᕐᓇᓯᒪᐅᑎᒥᒃ ᐊᐅᓚᑦᔦᒋᐊᕆᓂᕐᒧᑦ ᑮᓇᐅᔦᑦ ᐊᐅᓚᓂᖏᓐᓂᒃ ᑯᐊᐳᕇᓴᒨᓕᖓᔪᐃᑦ, ᕿᒥᕐᕈᒋᐊᓪᓛᖃᑦᑕᓗᓂ ᐋᕐᕿᒋᐊᕆᖃᑦᑕᓗᓂᓗ ᖃᓄᐃᓘᒋᐊᕆᒍᑎᓂᒃ ᖃᖓᓕᒫᒃᑯᑦ ᐊᑐᑦᓯᐊᑎᓗᒋᑦ ᐱᒍᓐᓇᕕᓕᒫᖏᒍᑦ.
- ᐃᑲᔪᖃᑎᒌᖃᑕᐅᓗᓂ ᐳᕐᑐᓂᕐᓭᑦ ᐃᑲᔪᕐᑎᖓᓄᑦ ᐊᒻᒪᓗ ᐊᖓᔪᕐᖄᖓᓄᑦ ᒪᑭᑉᐸᓕᐊᒐᓱᐊᕐᓂᐅᑉ ᐱᕙᓪᓕᐊᔪᓕᕆᔨᖓᑕ ᐱᓇᓱᐊᕈᑎᖃᕐᓗᑎᑦ ᒪᑭᑉᐸᓕᐊᓂᕐᒧᑦ ᐱᕙᓪᓕᐊᔭᐅᒍᑎᖏᑦᑕ ᐱᒋᐊᕐᑎᓯᒍᑎᖏᓐᓂᒃ ᐊᒻᒪᓗ ᑮᓇᐅᔭᓂᒃ ᐱᕈᕐᓭᓂᕐᒧᑦ ᐸᕐᓇᓯᒪᐅᑎᓕᐅᕐᓂᒥᒃ.
- ᐱᕙᓪᓕᐊᑎᓗᒋᑦ, ᐊᑐᓕᕐᑎᓗᒋᑦ, ᐊᒻᒪᓗ ᑲᒪᒋᓗᒋᑦ ᐃᓘᓐᓇᑎᑦ ᑮᓇᐅᔭᓂᒃ ᐱᕈᕐᓭᓂᕐᒨᓕᖓᔪᓕᒫᑦ ᒪᓕᒐᖏᑦ, ᖃᓄᐃᓘᕐᑕᐅᒍᓯᖏᑦ, ᐱᐅᓯᕐᓲᑎᐅᖕᖏᑐᒃᑯᑦ ᑮᓇᐅᔭᓂᒃ ᐱᕈᕐᓭᓂᕐᓄᑦ ᐱᓂᐊᕐᓂᓄᑦ, ᐊᒻᒪᓗ ᑐᓂᕐᕈᓯᐊᓂᒃ ᐱᒐᓱᐊᕈᑏᑦ ᑲᒪᒋᔭᐅᒍᓯᖏᑦ.
- ᓯᕗᓕᕐᓗᒋᑦ ᐱᓇᓱᑦᑎᓴᕐᓯᐅᓃᑦ, ᐱᒋᐅᕐᓭᓃᑦ, ᐊᒻᒪᓗ ᐱᓇᓱᐊᕐᓂᓅᓕᖓᔪᓂᒃ ᐊᐅᓚᑦᓯᓂᖅ ᒪᑭᑉᐸᓕᐊᓂᕐᒧᑦ ᐱᕙᓪᓕᐊᓂᓕᕆᓂᐅᑉ ᐱᓇᓱᑦᑎᖏᓐᓂᒃ; ᑐᑭᒧᐊᑦᑎᓗᒋᑦ ᐊᑭᓕᕐᑐᑕᐅᒐᑎᑦ ᓴᐳᑦᔨᔪᑦ ᒋᐊᖃᓕᕐᐸᑦ.
- ᐊᐅᓚᓗᒋᑦ ᐱᒍᑦᔨᕕᐅᑉ ᑐᕌᒐᖏᑦ, ᐃᑉᐱᒋᓗᒋᑦ ᑮᓇᐅᔭᓕᕆᐅᑏᑦ ᖃᓄᐃᓕᖓᓕᕐᓂᖏᑦ, ᐊᒻᒪᓗ ᑐᓴᕐᑎᓯᐅᑎᒋᖃᑦᑕᓗᒋᑦ ᖃᓄᐃᓕᖓᓂᕆᔭᐅᓕᕐᑐᑦ ᐊᒻᒪᓗ ᐱᔭᐅᓯᒪᓕᕐᑐᑦ ᐊᖓᔪᕐᖄᑉ ᑐᖓᓕᖓᓄᑦ ᑲᑎᒪᔨᖏᓐᓄᓗ.
- ᑭᒡᒐᑐᕐᓗᒍ ᑯᐊᐳᕇᓴᖅ ᓯᓚᑖᒍᑦ ᐅᖃᓕᒪᕕᖃᖃᑦᑕᓂᒃᑯᑦ ᑎᒥᐅᔫᖃᑎᒥᓂᒃ, ᐁᓯᒪᖃᑦᑕᓗᓂ ᐱᓂᐊᕐᓂᐅᔪᓂᒃ, ᐊᒻᒪᓗ ᖁᕝᕙᑎᑦᓯᒋᐊᕆᖃᑦᑕᓗᓂ ᑯᐊᐳᕇᓴᐅᑉ ᑐᕌᒐᖏᓐᓂᒃ.
- ᐱᓇᓱᐊᖃᑦᑕᓗᓂ ᑮᓇᐅᔭᓕᐅᒐᓱᐊᕐᓂᒥᒃ ᖃᐅᔨᓴᖃᑦᑕᓂᕐᒥᒃ ᐊᒻᒪᓗ ᕿᓂᔭᖃᑦᑕᓗᓂ ᓱᖃᑦᓯᐅᑎᑦᓴᓂᒃ ᐱᒐᓱᐊᓚᕿᓗᓂ ᓄᑖᓂᒃ ᑮᓇᐅᔭᓕᐅᕋᓱᐊᕐᑎᓂᒃ ᐱᓇᓱᐊᕐᕕᒪᕆᓐᓂᓗ
- ᕿᒥᕐᕈᒋᐊᓪᓛᖃᑦᑕᓗᒋᑦ ᓄᐃᑕᒌᕐᑐᐃᑦ ᑮᓇᐅᔭᓕᐅᒐᓱᐊᕐᑐᑦ ᐱᓇᓱᕝᕕᒪᕇᓪᓗ ᐃᑲᔪᖃᑎᒋᓗᒋᓗ ᑮᓇᐅᔭᓕᐅᒐᓱᐊᕐᓂᒥᒃ ᓯᕗᓕᕐᑐᑦ ᑎᒍᒥᐊᖏᓐᓇᒐᓱᐊᕐᓂᒧᑦ ᐊᒻᒪᓗ ᐊᖏᓕᒋᐊᕆᓂᕐᒧᑦ ᒪᑭᑉᐸᓕᐊᓂᐅᑉ ᐱᕙᓪᓕᐊᔭᐅᓂᖏᑦᑕ ᐱᕕᑦᓴᖃᕈᑎᒋᒐᔭᕐᑕᖏᓐᓄᑦ.
- ᐱᕈᕐᑎᓗᒋᑦ, ᑲᒪᒋᖏᓐᓇᓗᒋᑦ, ᑲᔪᓯᑎᓗᒋᓗ ᖃᓄᕐᑑᓂᕐᓄᑦ ᑲᑐᑦᔨᖃᑎᒌᖑᔪᑦ ᑲᓇᑕᒥ, ᓄᓇᓕᓕᒪᓂᒃ, ᐊᒻᒪᓗ ᓄᓇᓕᒻᒦᑐᑦ.
- ᑐᓂᓯᖃᑦᑕᓗᓂ ᑐᓴᒐᑦᓴᓂᒃ ᑐᓴᕐᑎᓯᒍᑎᓂᓪᓗ ᐊᖓᔪᕐᖄᑉ ᑐᖓᓕᖓᓄᑦ ᒪᑭᑉᐸᓕᐊᓂᕐᒧᑦ ᐱᕙᓪᓕᐊᕈᑎᐅᔪᓂᒃ, ᑮᓇᐅᔭᓕᐅᒐᓱᐊᕐᓂᒥᒃ ᐊᖏᓕᒋᐊᕆᓃᑦ ᓱᕐᕋᓯᒪᐅᑎᖏᓐᓂᒃ, ᐊᒻᒪᓗ ᐊᑑᑎᓕᓐᓂᒃ ᑮᓇᐅᔭᓕᐅᒐᓱᐊᒃᕐᓂᒨᓕᖓᔪᓂᒃ ᑲᑎᕐᓱᐊᖃᕐᓂᑯᑦ.
- ᐃᓂᓪᓚᑎᖃᑦᑕᓗᒋᑦ, ᐊᐅᓚᓗᒋᑦ, ᐊᒻᒪᓗ ᑲᒪᒋᓗᒋᑦ ᖃᐅᑕᒫᕐᓯᐅᑏᑦ ᐱᓇᓱᐊᕐᑕᐅᒍᑎᖏᑦ ᒪᑭᑉᐸᓕᐊᓂᕐᒧᑦ ᐱᕙᓪᓕᐊᔭᐅᓂᖏᑦᑕ ᐱᓇᓱᐊᕐᑕᐅᒍᑎᖏᑦ.
- ᐊᑐᐃᓐᓇᕈᐃᖃᑦᑕᓗᓂ ᑐᓂᖃᑦᑕᓗᒋᑦ ᐊᓪᓚᓯᒪᔪᑦ ᐊᒻᒪᓗ ᐅᖃᓕᒪᖃᑦᑕᓗᒋᑦ ᑐᓴᕐᑎᓯᐅᑏᑦ ᑲᑎᒪᔨᓄᑦ, ᐳᕐᑐᓂᕐᓭᑦ ᑲᑎᒪᔨᖏᓐᓄᑦ, ᐊᒻᒪᓗ ᐊᓯᖏᓐᓄᑦ ᐊᐅᓚᑦᓯᓂᒪᕆᒻᒧᑦ ᑎᒥᐅᔪᓄᑦ ᒋᐊᖃᑐᐊᕈᓂ.
- ᐋᕐᕿᓱᖃᑦᑕᓗᒋᑦ ᑲᒪᒋᖏᓐᓇᓗᒋᓗ ᐱᓇᓱᖃᑎᑖᕆᓯᒪᔭᐅᔪᑦ ᐃᓚᐅᔫᔪᓂᓗᐊᖕᖑᐊᖅ ᐊᕐᖁᑎᒋᓗᒋᑦ ᐱᓇᓱᕝᕕᒪᕆᖃᕐᓂᐅᑉ ᑲᑐᑦᔨᖃᑎᒌᖏᓐᓄᑦ, ᐱᓇᓱᕝᕕᒪᕇᑦ ᐱᓂᐊᕐᓂᖏᓐᓄᑦ, ᐊᒻᒪᓗ ᐱᓇᓱᐊᕐᕖᑦ-ᐱᓪᓗᑯᑦᑐᑎᒍᑦ ᐱᒋᐊᕐᑎᓯᒍᑏᑦ.
- ᑐᑭᒧᐊᑦᑎᖃᑦᑕᓗᒋᑦ ᒪᑭᑉᐸᓕᐊᓂᕐᒧᑦ ᐱᕙᓪᓕᐊᑎᑦᓯᒍᑏᑦ ᓱᖃᑦᓯᐅᑎᖏᑦ ᑎᒥᐅᔪᖁᑎᒋᔭᕐᓄᑦ, ᑲᕙᒪᐃᑦ ᐱᓇᓱᐊᕐᕕᖏᓐᓄᑦ, ᓇᒻᒥᓂᕆᔭᐅᔪᓄᑦ ᖄᖏᕐᓂᑯᓕᐅᕐᑎᓄᑦ, ᐃᓄᓕᒫᑦ ᑎᒥᖁᑎᖏᓐᓄᑦ, ᐊᒻᒪᓗ ᐃᓄᓕᒫᓄᑦ.
- ᐊᐅᓚᓗᒋᑦ ᐃᑲᔪᖃᑎᒌᓐᓂᖏᑦ ᓄᓇᓕᐅᑉ ᐱᓇᓱᐊᕐᕕᖏᑦ ᑲᒪᒋᔭᖃᓲᑦ ᐱᓇᓱᑦᑎᓂᒃ ᐱᕙᓪᓕᐊᑎᑦᓯᓂᕐᒥᒃ ᐊᒻᒪᓗ ᐱᒋᐅᕐᓭᓃᑦ ᐱᒋᐊᕐᑎᓯᒍᑎᖏᓐᓂᒃ.
- ᐱᕙᓪᓕᐊᑎᓗᒋᑦ, ᐅᖃᐅᓯᖃᕐᕕᒋᓗᒋᑦ, ᐊᒻᒪᓗ ᐊᑐᓕᕐᑎᓗᒋᑦ ᐊᐅᓚᑦᓯᓂᕐᒧᑦ ᒪᓕᒐᐃᑦ, ᖃᓄᐃᓘᕈᓰᑦ, ᐊᒻᒪᓗ ᐱᓇᓱᐊᕐᑎᓯᒍᑏᑦ ᑲᔪᓯᑎᑕᐅᑦᓯᐊᖁᓗᒋᑦ ᐊᑐᕐᓂᖃᑦᓯᐊᑐᓂᓪᓗ ᒪᑭᑉᐸᓕᐊᓂᕐᒧᑦ ᐱᕙᓪᓕᐊᔭᐅᓂᖏᑦ ᓄᐃᑕᐅᑦᓯᐊᖁᓗᒋᑦ.
- ᐊᑐᐃᓐᓇᐅᖃᑦᑕᓗᓂ ᐊᐅᓪᓚᖃᑦᑕᕈᓐᓇᓂᕐᒧᑦ, ᑎᑭᓪᓗᒋᑦ 25 ᐅᓪᓗᐃᑦ ᐊᕐᕌᒍᑕᒫᑦ.
- ᐱᓇᓱᐊᖃᑦᑕᓗᓂ ᐊᓯᖏᓐᓂᒃ ᐱᓇᓱᒐᕐᒥᓅᓕᖓᔪᓂᒃ ᖁᔭᐅᓕᕈᓂᓪᓘᓃᑦ ᐊᖓᔪᕐᖄᒥᓄᑦ.
Qualifications:
- ᐃᓕᓐᓂᐊᕕᕐᔪᐊᒥᑦ ᐃᓕᓐᓂᐊᕇᕐᓯᒪᒍᑎᖃᕐᓗᓂ ᐊᐅᓚᑦᓯᓂᕐᒥᒃ ᐊᑦᔨᐸᓱᖓᓂᓪᓘᓃᑦ.
- ᓇᓪᓕᖁᐊᖏᓐᓂᒃ ᐱᓯᒪᔭᕐᒥᓂᒃ ᐃᓕᓐᓂᐊᓯᒪᓂᒃᑯᑦ, ᐱᔪᓐᓇᐅᑎᖃᕐᓂᕐᒧᑦ ᐃᓕᑕᕐᓯᒪᐅᑎᖃᕐᓂᖅ, ᐊᒻᒪᓗ ᐱᓇᓱᐊᕐᓯᒪᓃᑦ ᐃᓱᒪᒋᔭᐅᒐᔭᕐᒥᔪᑦ ᐱᐅᔫᒋᐊᖏᓐᓂᒃ.
- ᐃᑭᓐᓂᐸᐅᑎᓪᓗᒋᑦ 10 ᐅᑭᐅᑦ ᑲᔪᓯᔪᒥᒃ ᐊᐅᓚᑦᓯᔨᐅᓂᕐᒥᒃ ᐱᓇᓱᑦᓯᒪᓂᖓ, ᒪᑭᑉᐸᓕᐊᓂᕐᒧᑦ ᐱᕙᓪᓕᐊᓂᓕᕆᓂᕐᒥᒃ ᐱᓇᓱᐊᕐᓯᒪᑦᓴᓚᐅᕈᓂ, ᑮᓇᐅᔭᓂᒃ ᐱᕈᕐᓭᓂᖅ, ᐱᓇᓱᐊᒐᑦᓴᓂᒃ ᐊᐅᓚᑦᓯᓂᖅ, ᐅᕝᕙᓘᓐᓃᑦ ᐊᑦᔨᐸᓱᖓᓂᒃ ᐱᓇᓱᐊᒐᕐᒥᑦ.
- ᓄᐃᑕᑎᑦᓯᓯᒪᓗᓂ ᐱᓇᓱᐊᕐᓯᒪᓂᕐᒥᓂᒃ ᓯᕗᓕᕐᓂᕐᒥᒃ ᐱᓇᓱᐊᖃᑎᒌᑦᑐᓂᒃ ᐊᓯᑦᔨᓂᒃᑯᑦ, ᐱᕈᕐᓂᑯᑦ, ᐅᕝᕙᓘᓐᓃᑦ ᑎᒥᐅᔪᒃᑯᑦ ᐱᕙᓪᓕᐊᓂᕐᒥᑦ ᐱᒋᐊᕐᑎᓯᒍᑎᓂᒃ.
- ᓲᖑᔪᒥ ᖃᐅᔨᒪᑦᓯᐊᓗᓂ ᓯᕗᓕᕐᓂᒥᒃ ᐊᐅᓚᑦᓯᓂᐅᓪᓗ ᑐᖕᖓᕕᖏᓐᓂᒃ.
- ᓄᐃᑕᑎᑦᓯᓯᒪᓗᓂ ᖃᐅᔨᒪᓂᕐᒥᓂᒃ ᐱᓇᓱᐊᒐᑦᓭᑦ ᐊᐅᓚᑕᐅᒍᓯᖏᑦᑕ ᖃᓄᐃᓘᕐᑕᐅᒍᓯᖏᓐᓂᒃ.
- ᖃᐅᔨᒪᓂᖃᕐᓗᓂ ᒫᓐᓇᐅᔪᖅ ᓄᓇᕕᐅᑉ ᓯᕗᓪᓕᐸᐅᑦᔨᔭᖏᓐᓂᒃ ᐃᓕᖓᔪᓂᒃ ᒪᑭᑉᐸᓕᐊᓂᕐᒧᑦ ᐃᓅᖃᑎᒌᓐᓂᒧᓪᓗ ᐱᕙᓪᓕᐊᔭᐅᔪᓂᒃ.
- ᓲᖑᔪᑦᓯᐊᒥᒃ ᑮᓇᐅᔭᓕᕆᒍᓐᓇᓗᓂ, ᐃᓚᐅᑎᓪᓗᒍ ᑐᕌᒐᕐᓂᒃ ᐊᐅᓚᑦᓯᓂᖅ, ᑮᓇᐅᔭᓂᒃ ᐱᕈᕐᓭᓂᕐᒥᒃ ᖃᓄᕐᑑᒦᑦᒪ ᐊᒻᒪᓗ ᑐᓂᕐᕈᓯᐊᕕᓂᕐᓂᒃ ᐊᐅᓚᑦᓯᓂᖅ.
- ᐅᖃᓕᒪᑦᓯᐊᒪᕆᒍᓐᓇᓗᓂ ᐊᓪᓚᕈᓐᓇᓯᐊᕐᓗᓂᓗ ᑐᓴᐅᒪᖃᑎᒌᓐᓂᒨᓕᖓᔪᓂᒃ.
- ᓱᕐᖁᐃᑕᐅᓯᒪᔪᓂᒃ ᐱᒍᓐᓇᓂᖃᕐᓗᓂ ᐱᕈᕐᑎᓯᒍᓐᓇᓂᕐᒥᒃ, ᑲᒪᒋᔭᖃᖏᓐᓇᓂᕐᒥᓗ, ᑲᔪᓯᑎᑦᓯᒍᓐᓇᓗᓂᓗ ᖃᓄᕐᑑᓂᕐᒧᑦ ᐱᓇᓱᐊᖃᑎᒋᔭᕐᓄᑦ ᐊᑦᔨᒌᖕᖏᑐᓄᑦ ᐃᓚᐅᔫᔪᓄᑦ.
- ᐃᒻᒥᓂᒃ ᐅᑉᐱᕆᔭᖃᑦᓯᐊᒪᕆᓪᓗᓂ, ᖃᐅᔨᔭᐅᒋᐊᖃᖕᖏᑐᓕᕆᒍᓐᓇᓗᓂ, ᐸᓯᔭᑦᓴᖑᕈᓐᓇᕕᖃᑦᓯᐊᓗᓂ, ᐱᓇᓱᑦᓯᐊᒍᓐᓇᕕᖃᑦᓯᐊᓗᓂᓗ ᐱᔪᓐᓇᐅᑎᖃᕐᓂᑯᑦ.
- ᓲᖑᔪᑦᓯᐊᒥ ᐱᓇᓱᐊᕐᓂᑯᑦ ᐱᐅᓯᖃᑦᓯᐊᓗᓂ ᐃᑲᔪᕐᑎᒌᖃᑕᐅᒍᒪᓂᖃᑦᓯᐊᓗᓂ ᐊᒻᒪᓗ ᓄᐃᑦᓯᒍᒪᓂᖃᕐᓂᒥᒃ ᓯᕗᓕᕐᑎᓴᔭᐅᓗᓂ.
- ᑲᒪᒍᓐᓇᕕᖃᕐᓗᓂ ᐊᑐᕈᓐᓇᓗᒋᑦ ᖃᕆᑕᐅᔭᒃᑯᑦ ᐊᓪᓚᕈᑎᖏᑦ ᐊᒻᒪᓗ ᐱᒍᓐᓇᓂᖃᕐᓗᓂ ᓱᑲᑦᑐᒥ ᐃᓕᑦᓯᒍᓐᓇᓗᓂ ᖃᐅᔨᒪᓗᒋᓪᓗ ᓄᑖᑦ ᐱᓇᓱᒍᑏᑦ ᐊᑐᕆᐊᓖᑦ ᐃᓕᑦᓴᐅᑎᒋᖃᑦᑕᓗᒋᑦ ᖃᕆᑕᐅᔭᓕᕆᐅᑏᓪᓗ ᑐᖕᖓᕕᖏᓐᓂᒃ.
- ᓄᐃᑕᑎᑦᓯᓯᒪᓗᓂ ᐋᕐᕿᒋᐊᕆᒍᓐᓇᓂᕐᒥᓂᒃ ᐅᒃᑯᐃᖔᑦᓯᐊᓂᕐᒥᓂᓪᓗ ᑲᔪᓯᔪᒥᒃ ᐃᓕᓐᓂᐊᕈᒪᓂᕐᒥᒃ, ᐃᓚᐅᑎᓪᓗᒍ ᑎᒍᓯᒋᐊᖃᑦᑕᓂᖅ ᓄᑖᓂᒃ ᖃᕆᑕᐅᔭᓕᕆᐅᑎᓂᒃ ᐊᓯᑦᔨᕙᓪᓕᐊᔪᓄᓪᓗ ᐱᓇᓱᒍᑎᓂᒃ.
- ᐃᓚᒋᔭᐅᖏᓐᓇᕈᒪᓗᓂ ᑲᔪᓯᔪᒥᒃ ᐱᔪᓐᓇᐅᑎᖃᕐᓂᑯᑦ ᐱᕙᓪᓕᐊᓂᕐᒥᒃ, ᐃᓚᐅᑎᓪᓗᒋᑦ AI-ᒥ ᐱᒍᓐᓇᑎᑕᐅᓯᒪᔪᑦ ᑐᖕᖓᕖᑦ, ᑲᑎᕐᓱᐊᕕᓂᕐᓂᒃ-ᑫᓪᓗᑐᐃᒍᑏ ᓴᓇᕐᕈᑏᑦ, ᐊᒻᒪᓗ ᓄᐃᕙᓪᓕᐊᔪᑦ ᖃᕆᑕᐅᔭᓕᕆᐅᑏᑦ ᐃᑲᔪᕐᓯᓂᖏᑦ ᒪᑭᑉᐸᓕᐊᓂᐅᑉ ᐱᕙᓪᓕᐊᔭᐅᒍᑎᖏᓐᓂᒃ ᐊᒻᒪᓗ ᑎᒥᐅᔪᒧᑦ ᐊᑐᕐᓂᖃᕐᓂᖏᑦ.
- ᐱᒍᓐᓇᓂᖃᕐᓗᓂ ᓯᕗᓕᕐᓂᒥᒃ ᐃᑲᔪᕐᓂᒥᓪᓗ ᐱᓇᓱᐊᖃᑎᒌᑦᑐᓂᒃ ᐊᕐᖁᑎᒋᓗᒋᑦ ᖃᕆᑕᐅᔭᓕᕆᐅᑏᑦ ᑲᒪᒋᔭᐅᒍᓯᖏᓪᓗ ᐊᓯᑦᔨᕙᓪᓕᐊᓂᖏᓐᓄᑦ.
- ᖃᐅᔨᒪᓂᖃᕐᓗᓂ ᓲᓱᒋᔭᖃᕐᓗᓂᓗ ᐱᐅᓯᑐᖃᖏᓐᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ, ᐃᓕᕐᖁᓯᖓᓂᒃ, ᐊᒻᒪᓗ ᓄᓇᕕᐅᑉ ᖃᓄᐃᓕᖓᓂᕆᓪᓚᕆᑕᖓᓂᒃ ᖃᐅᔨᒪᑦᓯᐊᕈᓂ ᐱᐅᒋᔭᐅᒐᔭᕐᒥᔪᖅ.
- ᐊᑦᑕᓇᕐᑐᒨᑌᓕᓂᕐᒧᑦ ᑲᒪᒋᔭᐅᒍᑏᑦ ᐊᑐᕐᑕᐅᒋᐊᓖᑦ.
Benefits:
ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:
| ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ ᐱᓇᓱᑦᑎᓯᔨᐅᑉ ᐃᑲᔪᕐᓯᐅᑎᖏᑦ 7% | ᐊᒥᓱᐃᑎᒍᑦ ᐃᒻᒪᖃᐅᑏᑦ:
ᐃᓅᓯᕐᒧᑦ, LTD, ᐃᓗᓯᕐᒧᑦ ᐊᒻᒪᓗ ᑭᒍᑎᓄᑦ |
| ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ | ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500 |
| ᖃᓂᒪᓂᕐᒧᑦ: 15 ᐅᓪᓗᐃᑦ | ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000 |
| ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800ᓂᑦ | ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000 |
| ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500 |
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs