Makivik Job Opportunity
ᑮᓇᐅᔭᓕᐅᕋᓱᒍᑎᓂᒃ ᐊᒃᓚᖁᑎᓕᕆᓂᕐᒥᒃ ᐱᓇᓱᑦᑎ
Job Description:
ᐊᖓᔪᕐᖄᖃᕐᓱᓂ: ᑮᓇᐅᔭᓕᐅᕋᓱᒍᑎᓂᒃ ᑲᒪᔨᒻᒪᕆᒃ ᑮᓇᐅᔭᓕᕆᔨᒻᒪᕆᐅᑉ ᐱᑦᔪᔨᕕᖓᓂ
Responsibilities:
- ᐊᑐᐃᓐᓇᕈᕐᑎᕆᒐᑦᑕᓗᓂᓗ ᐱᓇᓱᖃᑦᑕᓗᓂᓗ ᐊᑦᑕᑐᐊᓂᒃ ᑮᓇᐅᔭᒃᑯᕕᒻᒨᔦᓂᕐᓂᒃ ᐊᑕᓐᓂᐅᕈᑎᓂᒃᓗ ᑮᓇᐅᔭᓂᒃ ᐊᒧᓯᒍᒪᒍᑎᓂᒃ ᒪᓕᓪᓗᓂ ᐱᓇᓱᕝᕕᐅᑉ ᐱᓇᓱᒍᑎᖏᓐᓂᒃ.
- ᐊᒃᓚᓯᒪᔪᖕᖑᐃᖃᑦᑕᓗᓂ ᑲᒪᒋᔭᖃᕐᓗᓂᓗ ᓇᓛᒍᕐᓂᖃᑦᓯᐊᑐᓂᒃ ᑮᓇᐅᔭᓕᐅᕋᓱᒍᑎᓄᑦ-ᐱᑐᑦᓯᒪᑦᓱᑎᒃ ᐊᒃᓚᖁᑎᑦᓴᓂᒃ ᐊᒃᓚᓯᒪᔪᓕᐅᕐᓂᒥᒃ.
- ᕿᒥᕐᕈᖃᑦᑕᓗᓂ, ᑲᒪᓇᑐᖃᒃᑲᓄᒥ, ᐊᒃᓚᖁᑎᓂᓪᓗ ᑲᒪᔨᐅᓗᓂ ᐃᓕᖓᔪᓂᒃ ᑮᓇᐅᔭᓕᐅᕋᓱᒍᑎᐅᔪᑦ ᑮᓇᐅᔭᒃᑯᕕᒻᒥᔨᐊᖏᓐᓂᓗ ᑮᓇᐅᔭᕐᑐᕈᑎᓂᒃᓗ.
- ᐃᑲᔪᖃᑦᑕᓗᓂ ᐊᑐᐃᓐᓇᕈᕐᑎᑕᐅᓕᕐᐸᑕ ᑭᓯᑦᓯᒍᑎᓐᓂᐅᑎᑎᒍᓪᓗ ᐱᓇᓱᑦᑕᐅᓕᕐᐸᑕ ᑮᓇᐅᔭᓕᐅᕋᓱᒍᑎᑎᒍᑦ ᐅᑎᕐᑕᐅᒍᑎᑕᕈᑏᑦ.
- ᓄᑕᐅᓯᓕᑎᕆᖃᑦᑕᓗᓂᓗ ᑲᒪᔨᒋᔭᐅᓗᓂᓗ ᐊᒃᓚᖁᑎᓄᑦ ᐊᑭᓕᕐᑐᓴᓄᑦ, ᑮᓇᐅᔭᓕᐊᑦ ᕿᑐᕐᖏᕈᑎᖏᓐᓄᑦ, ᓂᐅᕕᕋᐅᑏᑦ ᐊᑭᖏᑎᒍ, ᓴᐳᑦᔨᓯᒪᔪᓂᒃᓗ ᑮᓇᐅᔭᓕᐅᕋᓱᒍᑏᑦ ᐊᒃᓚᖁᑎᖏᓐᓂᒃ.
- ᑲᒪᔨᒋᔭᐅᓗᓂ ᐊᑦᑕᑐᐊᑦ ᐊᑭᓕᕐᑕᐅᒍᑎᖏᓐᓂᒃ ᓱᕐᖁᐃᑐᒥᒃ ᑭᓯᑦᓯᒍᑎᓐᓂᐅᑎᑎᒍᑦ ᐊᐅᓚᑕᐅᓂᖏᑦ ᓈᒻᒪᓇᑦᓯᐊᖃᑦᑕᕋᓗᐊᕐᒪᖔᑕ ᐊᑭᓕᕐᑐᐃᒍᑎᐅᔪᓪᓗ ᑎᑭᕝᕕᒋᒋᐊᓕᖕᒥᓂ ᑎᑭᑦᓯᐊᖃᑦᑕᕋᓗᐊᕐᒪᖔᑕ.
- ᐃᑲᔪᕐᓯᒪᖃᑦᑕᓗᓂ ᐊᑐᐃᓐᓇᕈᕐᑎᑕᐅᓕᕐᐸᑕ, ᐋᕐᕿᓱᕐᑕᐅᓕᕐᐸᑕᓗ, ᐁᑦᑐᑐᑕᐅᓕᕐᐸᑕᓗ ᑲᑎᖕᖓᐅᑎᑦᓭᑦ ᑮᓇᐅᔭᓕᐅᕋᓱᓐᓂᓂᒃ ᕿᒥᕐᕈᓂᕐᒥᒃ ᑲᑎᖕᖓᔩᑦ ᑲᑎᖕᖓᓂᖏᓐᓂ.
- ᑲᒪᔨᒋᔭᐅᓗᓂ ᐃᓂᓪᓚᑕᐅᒪᓂᖏᓐᓂᒃ ᖃᒻᒥᓂᑕᐅᓂᕐᐹᓂᒃ ᑮᓇᐅᔭᓕᐅᕋᓱᒍᑏᑦ ᐊᒃᓚᖁᑎᖏᓐᓂᒃ ᐊᒃᓚᓯᒪᔪᖕᖑᑕᐅᒪᒍᑎᖏᓐᓂᓗ.
- ᐊᑐᐃᓐᓇᐅᓗᓂ ᐊᐅᓪᓚᕆᐊᖃᕐᓂᕈᓂ.
- ᐊᓯᖏᓐᓂᒃ ᐊᖓᔪᕐᖄᒥᓄᑦ ᑎᓕᐅᕐᑕᐅᒍᑎᒥᓂᒃ ᐱᓇᓱᖃᑦᑕᓗᓂ ᐱᓇᓱᒐᕐᒥ ᐃᓗᐊᒎᕐᐸᑕ ᐅᕝᕙᓘᓐᓃᑦ ᐊᖓᔪᕐᖄᒥᓄᑦ ᑎᓕᔭᐅᑐᐊᕈᓂ.
Qualifications:
- ᐃᓕᓐᓂᐊᕆᕈᑎᑖᕐᓯᒪᒋᐊᓕᒃ AEC-ᒥᓪᓗᓃᑦ ᐅᕝᕙᓘᓐᓃᑦ DEP-ᒥᒃ ᑮᓇᐅᔭᓕᕆᒍᓐᓇᐅᑎᓂᒃ, ᑮᓇᐅᔭᓕᕆᕕᒻᒥᓗ, ᐅᕝᕙᓘᓐᓃᑦ ᐊᓯᖏᓐᓂᒃ ᑕᒪᒃᑯᓄᖕᖓᓕᖓᒻᒥᔪᓂᒃ.
- ᐊᕐᕌᒍᓕᒫᒥ (1) ᑎᑭᓪᓗᒋᑦ ᐱᖓᓱᑦ (3) ᐊᕐᕌᒍᐃᑦ ᑮᓇᐅᔭᓕᕆᒍᑎᓂᒃ ᐅᕝᕙᓘᓐᓃᑦ ᑮᓇᐅᔭᕐᑐᑏᑦ ᐊᐅᓚᑕᐅᒍᑎᖏᓐᓂᒃ ᐱᓇᓱᓚᐅᕐᓯᒪᓗᓂ.
- ᐱᓇᓱᒍᑎᖃᓚᐅᕐᓯᒪᓗᓂ Sage 300-ᒥᒃ ᐅᕝᕙᓘᓐᓃᑦ ᐊᑦᔨᐸᓱᖏᓐᓂᒃ ᑮᓇᐅᔭᓕᕆᒍᑎᐅᑦᓱᑎᒃ ᖃᕆᑕᐅᔭᒃᑯᑦ ᐱᓇᓱᒍᑎᓂᒃ ᖃᐅᔨᒪᑐᐊᕈᓂ ᐱᓇᓱᒐᕐᑖᕋᓱᓐᓂᖓ ᐱᕙᓪᓕᑕᐅᒐᔭᕐᑐᖅ.
- ᐃᓕᓯᒪᑦᓯᐊᓗᓂ ᖃᕆᑕᐅᔭᐅᑉ ᐱᓇᓱᒍᑎᖏᓐᓂᒃ ᐅᑯᓂᖓ Microsoft Office (Excel, Word, Outlook); ᐱᔪᓐᓇᓂᖃᑦᓯᐊᓗᓂ ᐃᓕᓐᓂᐊᕆᐊᖃᕈᓂᓗ ᐊᓯᖏᓐᓂᒃ ᐱᓇᓱᒍᑎᓂᒃ ᐊᑐᐃᓐᓇᐅᓂᖃᑦᓯᐊᓗᓂ.
- ᖃᐅᔨᒪᓗᓂ, ᐅᕝᕙᓘᓐᓃᑦ ᐅᓇᒻᒥᓱᐊᓗᓂ, ᑮᓇᐅᔭᓕᐅᕋᓱᒍᑎᓕᕆᓂᕐᓂᒃ ᐊᒃᓚᖁᑎᖏᓐᓂᓗ ᑮᓇᐅᔭᓕᕆᒍᑏᑦ, ᑌᒣᒍᓂ ᐱᓇᓱᒐᕐᑖᕋᓱᓐᓂᖓ ᐱᕙᓪᓕᑕᐅᒐᔭᕐᑐᖅ.
- ᐊᒃᓚᓯᒪᔪᓂᒃ ᐃᑉᐱᒋᑦᓯᐊᓗᒋᑦ ᐊᑐᐊᕐᓯᓯᐊᖏᓐᓇᕈᓐᓇᓗᓂ ᑲᒪᒋᔭᖃᕈᓐᓇᓗᓂᓗ ᐊᒥᓱᐃᓂᒃ ᐱᔭᑦᓴᖁᑕᐅᔪᓂᒃ ᐊᑕᐅᑦᓯᑯᑦ ᐱᔭᕇᕐᓯᒪᕕᒋᒋᐊᓕᒻᒥᓂᒃ ᖄᖏᐅᑎᑦᑌᓕᒍᓐᓇᓗᓂ.
- ᐱᔪᓐᓇᓯᐊᕐᓗᓂ ᐃᓄᑐᓗᓂ ᐱᓇᓱᓐᓂᒥᒃ ᐊᓯᒥᓂᓪᓗ ᐱᓇᓱᖃᑎᖃᕈᓐᓇᓗᓂ ᐱᓇᓱᖃᑎᒌᑦᑐᑦ ᐊᑯᕐᖓᖏᓐᓂ.
- ᐅᖄᒍᓐᓇᓯᐊᕆᐊᓕᒃ ᐃᓄᒃᑎᑐᓪᓗ ᖃᓪᓗᓈᕐᑎᑕᓪᓗ (ᐅᖄᒍᓐᓇᓗᓂ ᐊᒃᓚᒍᓐᓇᓗᓂᓗ); ᒍᐃᒍᐃᑎᑑᕈᓐᓇᑐᐊᕈᓂ ᐱᕙᓪᓕᑕᐅᒪᒐᔭᕐᒥᔪᖅ.
- ᐱᓂᕐᓗᓚᐅᕐᓯᒪᒻᒪᖔᑦ ᖃᐅᔨᓴᕐᑕᐅᒐᔭᕐᒥᔪᖅ.
Benefits:
ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:
| § ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ | § ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500 |
| § ᐊᒥᓱᐃᓄᑦ ᐃᒻᒪᖃᐅᑎᑦ | § ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500 |
| § ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ | § ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000 |
| § ᖃᓂᒪᓂᕐᒧᑦ: 15 ᐅᓪᓗᐃᑦ | § ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000 |
| § ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800ᓂᑦ |
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs