Makivik Job Opportunity
ᑮᓇᐅᔭᓕᐅᒐᓱᐊᕐᓂᒧᑦ ᐱᒋᐊᕐᑎᓯᒍᑎᓂᒃ ᐅᖃᐅᑦᔩᒋᐊᕐᑎ
Job Description:
ᐊᖓᔪᕐᖄᖃᕐᓱᓂ: ᑐᑭᒧᐊᑦᑎᓯᔨ ᐱᓇᓱᒐᑦᓴᓂᒃ ᐱᕙᓐᓕᐊᑎᑦᓯᕕᖓᓂ ᒪᑭᕝᕕᐅᑉ ᑮᓇᐅᔭᑎᒍᑦ ᒪᑭᑕᒐᓱᒍᑎᓂᒃ ᐱᕙᓪᓕᐊᑎᑦᓯᓂᕐᓄᑦ ᐱᑦᔪᔨᕕᖓᓂ
Responsibilities:
- ᐱᓇᓱᒍᑎᒋᓗᒋᑦ ᖃᐅᔨᓴᕐᓃᑦ ᓇᓗᓀᕐᓯᒐᓱᐊᕐᓂᒧᑦ ᐊᑐᑦᓯᐊᕈᓐᓇᕋᔭᕐᑐᓂᒃ ᑮᓇᐅᔭᓕᐅᒐᓱᐊᕐᓂᒧᑦ ᐊᑭᑐᔪᓂᒃ ᐱᕈᕐᑎᓯᒐᓱᐊᕐᓂᒧᑦ ᐱᕕᑦᓴᐅᒐᔭᕐᑐᓂᒃ ᓄᓇᕕᓕᒫᒥ ᐅᖓᑖᓄᓪᓗ.
- ᐱᒋᐊᕐᑎᖃᑦᑕᓗᒋᑦ, ᐱᕙᓪᓕᐊᓗᒋᑦ, ᐊᐅᓚᓗᒋᓪᓗ ᒪᑭᕝᕕᑯᑦ ᓇᒻᒥᓂᖁᑎᒋᒻᒥᔭᖏᑦ ᑲᒪᒋᔭᖃᓲᑦ ᑲᑎᖕᖓᔪᓂᒃ ᐊᑭᑐᔪᓂᒃ ᐱᕈᕐᑎᓯᒐᓱᐊᕐᓂᒧᑦ ᐱᓇᓱᐊᒐᑦᓴᓂᒃ ᐱᑦᔪᔨᒍᑎᓂᒃ ᐃᓄᐃᑦ ᓄᓇᓕᖏᓐᓂ.
- ᐃᑉᐱᒋᓗᒋᑦ ᓄᓇᓕᓕᒫᓂ ᐊᓯᑦᔨᕙᓪᓕᐊᓂᖏᑦ ᐃᓪᓗᓕᕆᓂᑎᒍᑦ, ᑮᓇᐅᔭᓕᐅᒐᓱᐊᕐᓂᒧᑦ ᒪᑭᑕᒍᑏᑦ, ᐊᒻᒪᓗ ᐃᓪᓗᓕᐅᕐᓃᑦ ᓇᓪᓕᖁᐊᒌᓕᕐᑎᓯᓂᒃᑯᑦ ᐱᕈᕐᓂᓄᑦ ᐱᕙᓪᓕᐊᑎᑦᓯᓂᕐᒧᓗ ᑐᕌᒐᕆᔭᐅᔪᓄᑦ.
- ᑐᑦᔭᓗᒋᑦ ᖃᐅᔨᓴᕐᓗᒋᓪᓗ ᐱᕙᓪᓕᐊᓂᖏᑦ ᓴᐳᑎᔭᐅᔪᑦ ᐱᓇᓱᐊᕐᑎᓯᒍᑏᑦ, ᖃᐅᔨᒪᖃᑎᒋᖏᓐᓇᖃᑦᑕᓗᒋᓗ ᐃᒣᓕᖓᒋᐊᖃᕐᖂᒫᓗᒋᓗ ᓯᕗᓕᕐᑎᐅᔪᑦ.
- ᓈᒻᒪᓈᕐᓯᒪᔪᓂᒃ ᐊᓪᓚᓯᒪᔪᙯᓐᓇᑎᑦᓯᓗᓂ ᐱᓇᓱᐊᕐᑕᐅᔪᐃᑦ ᖃᓄᐃᓕᖓᐅᓯᕕᓂᖏᓐᓂ, ᐊᑦᓱᕈᕐᓇᓚᐅᕐᑐᓂᒃ, ᐃᓕᑦᓯᕈᑕᐅᓚᐅᕐᑐᓂᓪᓗ ᓱᓇᐅᓂᖏᓐᓂᑦ.
- ᑕᓯᐅᕐᓯᓗᑎᑦ ᑲᔪᓯᑦᓯᐊᒍᓐᓇᕕᖃᕋᔭᕐᓂᖏᓐᓂᑦ ᖃᐅᔨᓴᖃᑦᑕᓂᒃᑯᑦ, ᐃᓂᑦᓴᓯᐅᕐᓂᒧᑦ, ᐊᒻᒪᓗ ᐱᖁᔭᖏᓐᓂ ᒪᓕᑦᑎᓯᓂᖅ ᐃᒻᒪᖃᐅᑎᓕᐊᖑᓯᒪᔪᓂᒃ ᐱᓇᓱᐊᒐᑦᓴᐅᔪᓂᒃ.
- ᓇᓗᓀᕐᓗᒋᑦ ᐃᓚᓕᐅᑎᑎᓪᓗᒋᓗ ᑮᓇᐅᔭᓕᐅᕐᓂᒧᑦ ᐃᒻᒪᖃᐅᑦᔩᑐᐃᓐᓇᕆᐊᓖᑦ, ᑮᓇᐅᔭᖃᕐᑎᓯᓂᕐᒥᒃ ᐱᓇᓱᐊᕐᑏᑦ, ᐊᒻᒪᓗ ᑲᕙᒪᒃᑯᑦ ᐱᓇᓱᐊᒐᑦᓴᖏᓐᓂ ᐃᑲᔪᕐᓯᒍᑎᐅᑎᓪᓗᒋᑦ ᐱᒋᐊᕐᑎᓯᒍᑎᓂᒃ.
- ᐃᓚᐅᓂᖅ ᐱᑦᔪᔨᕕᐅᑉ ᐸᓐᓇᕈᑎᖏᓐᓄᑦ, ᑐᕌᒐᓕᐅᕐᓂᖏᓐᓄᑦ, ᐊᒻᒪᓗ ᑐᓴᕐᑎᓯᐅᑎᓕᕆᓂᕐᓄᑦ.
- ᐃᑲᔪᕐᑎᒌᖃᑎᐅᓗᓂ ᐃᓄᐃᑦ ᓇᒻᒥᓂᖃᕐᑎᖏᓐᓄᑦC, ᓄᓇᓖᑦ ᓯᕗᓕᕐᑎᖏᓐᓂᑦ, ᐊᒻᒪᓗ ᓄᓇᓕᐅᑉ ᑎᒥᖁᑎᖏᓐᓂᒃ ᑐᑭᓯᒪᒐᓱᐊᕐᓂᑯᑦ ᓯᕗᓪᓕᐸᐅᑦᔭᐅᒋᐊᓕᓐᓂ ᒪᑭᑉᐸᓕᐊᓂᕐᒧᓗ ᑭᖒᒪᓇᕐᓂᖏᓐᓂᑦ.
- ᑐᑭᒧᐊᑦᑎᓗᒋᑦ ᑐᓴᕆᐊᕐᕕᖃᕐᓃᑦ ᑲᔪᓯᑎᑕᐅᑦᓯᐊᖁᓗᒋᑦ ᐱᓇᓱᐊᕐᑕᐅᔪᑦ ᑕᑯᑦᓴᐅᑎᑦᓯᓯᐊᕐᓂᑯᑦ ᐃᓄᐃᑦ ᐃᓪᓕᕆᔭᖏᓐᓂᑦ ᐊᒻᒪᓗ ᐊᑯᓃᕐᑐᒧᑦ ᓄᓇᓕᐅᑉ ᐱᕙᓪᓕᐊᔭᐅᒍᑎᖏᓐᓄᑦ ᑐᕌᒐᓕᐅᕐᓃᑦ.
- ᐊᑐᐃᓐᓇᕈᕐᑎᕆᓂᖅ ᑮᓇᐅᔭᓕᐅᒐᓱᐊᕈᑕᐅᔪᓄᑦ ᑲᑎᕐᓱᓯᒪᔪᓂ, ᐅᖃᓕᒪᒍᑎᑦᓴᓂᒃ, ᐊᒻᒪᓗ ᒪᓂᔨᒍᑎᓂᒃ ᖁᕝᕙᑎᑦᓯᒋᐊᕐᓂᒧᑦ ᐃᓄᓐᓄ-ᓯᕗᓕᕐᑕᐅᔪᑦ ᑮᓇᐅᔭᓕᐅᒐᓱᐊᕐᓂᒧᑦ ᐱᒋᐊᕐᑎᓯᒍᑎᐅᔪᑦ.
- ᑭᒡᒐᑑᑦᔨᓗᓂ ᒪᓕᒐᕐᓂᒃ ᓴᐳᑦᔨᔪᓂᒃ ᐃᓄᓐᓄᑦ ᓇᒻᒥᓂᖃᕐᓂᒧᑦ ᐊᒻᒪᓗ ᐃᓚᐅᖃᑕᐅᓂᖅ ᓂᐅᕐᕈᑎᑦᓴᓕᐅᕐᐸᓕᐊᕐᒧᑦ.
- ᐃᑲᔪᕐᓗᒋᑦ ᐃᓄᐃᑦ ᖄᖏᕐᓂᑯᓕᐅᒐᓱᐊᕐᓂᒥᒃ ᓇᒻᒥᓂᓖᑦ ᐱᕙᓪᓕᐊᑎᑦᓯᓂᖏᓐᓂᒃ ᐊᑭᑐᔫᑎᓂᒃ ᐱᕈᕐᑎᓯᒐᓱᐊᕐᓂᐅᑉ ᒪᓂᔨᒍᑎᑦᓴᖏᓐᓂ ᐊᒻᒪᓗ ᑲᑐᑦᔨᖃᑎᒌᒍᑎᐅᑐᐃᓐᓇᕆᐊᓕᓐᓂᒃ.
- ᕿᓂᖃᑦᑕᓗᓂ ᑮᓇᐅᔭᖃᕐᑎᓯᒍᑎᑦᓴᓂᒃ ᐊᒻᒪᓗ ᐃᑲᔪᕐᓗᒋᑦ ᐱᒋᐅᓐᓭᓃᑦ ᐊᒻᒪᓗ ᑕᓯᐅᕐᓯᓂᕐᒧᑦ ᐱᓇᓱᐊᕐᑎᓯᒍᑏᑦ ᐃᓄᐃᑦ ᓇᒻᒥᓂᖃᕐᑎᖏᓐᓄᑦ.
- ᑐᑭᒧᐊᑦᑎᓗᒋᑦ ᑲᑎᒪᓂᐊᕈᓰᑦ ᐊᒻᒪᓗ ᐱᑦᓴᑖᕐᕖᑦ ᓇᒻᒥᓂᖃᕐᓂᒧᑦ ᐊᐅᓚᑦᓯᓂᕐᒥᒃ, ᑮᓇᐅᔭᓕᕆᓂᖅ, ᐊᒻᒪᓗ ᐱᕙᓪᓕᐊᑎᑦᓯᓂᕐᒧᑦ ᐸᕐᓇᓃᑦ.
- ᐃᑲᔪᕐᓯᓂᖅ ᐱᕈᕐᑎᓯᓂᕐᒧᑦ ᑲᑐᑦᔨᖃᑎᒌᓐᓂᑯᑦ ᑐᖕᖓᕕᑦᓴᓕᐅᕐᓂᒥᒃ ᐊᑐᓕᕐᑎᓯᒐᓱᐊᕐᓂᒧᑦ ᓄᑖᓂᒃ ᐊᑭᑐᔫᑎᓂᒃ ᐱᕈᕐᑎᓯᒐᓱᐊᓂᐅᑉ ᐱᒋᐊᕐᑎᓯᒍᑎᓂᒃ ᓇᓛᒎᕐᑐᓂᒃ ᒪᑭᕝᕕᑯᑦ ᓯᕗᓂᕐᒥ ᑕᑯᓐᓇᑕᖏᓐᓄᑦ.
- ᐊᐅᓪᓚᕈᓐᓇᖃᑦᑕᓗᓂ, ᖁᔭᐅᓕᕈᓂ.
- ᐱᓇᓱᐊᖃᑦᑕᓗᒋᑦ ᐊᓯᖏᑦ ᐱᔭᑦᓭᑦ ᐱᓇᓱᒐᖏᓐᓅᓕᖓᔪᑦ ᐅᕝᕙᓘᓐᓃᑦ ᐱᓇᓱᐊᖁᔭᐅᓕᕈᓂ ᐊᖓᔪᕐᖄᒥᓄᑦ.
Qualifications:
- MBA-ᖃᕐᓗᓂ ᐅᕝᕙᓘᓐᓃᑦ ᓇᓪᓕᖁᐊᖓᓂ ᐊᑦᔨᐸᓱᖓᓂ ᐱᓇᓱᑦᓯᒪᓗᓂ.
- ᐃᑭᓐᓂᐸᐅᑎᓪᓗᒋᑦ ᐱᖓᓱᐃᑦ (3) ᐊᕐᕌᒍᐃᑦ ᐱᓇᓱᑦᓯᒪᓂᖓ ᕿᒥᕐᕈᑎᐅᓕᓂᕆᓂᐅᑉ ᐅᕝᕙᓘᓐᓃᑦ ᑮᓇᐅᔭᓕᕆᓂᐅᑉ ᐃᓂᖏᓐᓂ.
- ᐱᓇᓱᑦᓯᒪᓗᓂ ᓇᒻᒥᓂᕆᔭᐅᔪᓂᒃ ᐊᐅᓚᑦᓯᓯᒪᓂᕐᒥᑦ ᐊᒻᒪᓗ ᑮᓇᐅᔭᓕᐅᒐᓱᐊᕐᓂᒥᒃ ᐱᕙᓪᓕᐊᑎᑦᓯᓂᒥᒃ, ᐱᓗᐊᕐᑐᒥ ᓇᒻᒥᓂᖅ ᐃᓪᓗᖃᕐᓂᒥ ᐱᓇᓱᕝᕕᖃᕐᓯᒪᓂᕐᒥᒃ.
- ᓲᖑᔪᑦᓯᐊᒥ ᑐᑭᓯᒪᓂᖃᕐᓗᓂ ᑮᓇᐅᔭᓕᐅᒐᓱᐊᕐᓃᖅ ᐋᕐᕿᓱᕐᓯᒪᐅᑎᖏᓐᓂ, ᓇᒻᒥᓂᖅ ᐃᓪᓗᖃᕐᓃᑦ ᐊᑭᖏᓐᓂ ᒥᑦᓴᐅᓵᕈᓐᓇᓗᓂ, ᑮᓇᐅᔭᓕᕆᓂᕐᒥᓗ.
- ᐱᒍᓐᓇᓂᖃᑦᓯᐊᓗᓂ ᑮᓇᐅᔭᓕᕆᓯᒪᓂᕐᒥᒃ ᐊᒻᒪᓗ ᖃᕆᑕᐅᔭᓄᐊᖓᔪᓂᒃ-ᑐᖕᖓᕕᓕᕐᓂ ᕿᒥᕐᕈᕈᓐᓇᕕᖃᕐᓗᓂ.
- ᐃᓂᓪᓚᖓᒍᓐᓇᓯᐊᕐᓗᓂ, ᐃᓗᓕᕆᔭᐅᔪᓂ-ᕿᒥᕐᕈᕈᓐᓇᓯᐊᕐᓗᓂ, ᐊᒻᒪᓗ ᐱᒋᐊᕐᑎᓯᒍᓐᓇᕕᖃᑦᓯᐊᓗᓂ ᖃᐅᔨᓴᕈᓐᓇᕕᖃᑦᓯᒪᕆᓪᓗᓂ ᐊᒻᒪᓗ ᕿᒥᕐᕈᒍᓐᓇᓂᕐᒥᒃ ᐱᒍᓐᓇᓂᖃᑦᓯᐊᓗᓂ.
- ᐱᒍᓐᓇᓂᖃᕐᓗᓂ ᖃᐅᔨᓴᕈᓐᓇᓂᕐᒥ ᑮᓇᐅᔭᓕᐅᕋᓱᐊᕐᓂᓂᒃ ᑐᖕᖓᕕᖃᕐᑐᓂᒃ ᑕᒪᒋᓐᓂᒃ ᒪᑭᑉᐸᓕᐊᓂᕐᒧᑦ ᐃᓅᖃᑎᒌᓪᓗ ᐱᒍᓐᓇᑐᐃᓐᓇᒋᐊᖃᕐᓂᖏᓐᓄ.
- ᐱᒍᓐᓇᓂᖃᑦᓯᐊᓗᓂ ᐱᒍᑦᔨᐅᑎᓕᕆᓂᐅᑉ ᖃᐅᔨᓴᕐᑕᐅᒍᑎᖏᓐᓂ ᐊᒻᒪᓗ ᑲᒪᒍᓐᓇᓂᖃᕐᓗᓂ ᐃᓚᐅᔫᔪᐃᑦ ᑐᕌᒐᕆᔭᖏᓐᓂᑦ.
- ᖃᐅᔨᒪᓂᖃᕐᓗᓂ ᑲᓇᑕᒥᐅᑦ ᒪᑭᑕᑦᔪᑎᓕᕆᒍᓯᖏᓐᓂᒃ ᐊᒻᒪᓗ ᑕᕐᕋᑎᓐᓂ ᐱᕙᓪᓕᐊᔪᓕᕆᓂᕐᒥᒃ (ᐱᐅᒋᔭᐅᒐᔭᕐᑐᖅ).
- ᖃᐅᔨᒪᓂᖃᕐᓗᓂ ᐃᓄᐃᑦ ᐃᓕᕐᖁᓯᖓᓂ, ᐱᐅᓯᑐᖃᕐᑎᒍᑦ ᖃᐅᔨᒪᔭᑐᖃᖏᓐᓂ, ᐊᒻᒪᓗ ᐅᑭᐅᕐᑕᑑᑉ ᐊᕙᑎᖓᓂ.
- ᓲᖑᔪᑦᓯᐊᒥ ᐃᓅᖃᑎᒌᓐᓂᒃᑯᑦ, ᐊᓪᓚᓯᒪᔪᒃᑯᑦ, ᐅᖃᓕᒪᒍᓐᓇᓂᒃᑯᓗ ᐱᒍᓐᓇᓂᖃᑦᓯᐊᓂᖅ.
- ᓄᐃᑕᑎᑦᓯᓯᒪᓗᓂ ᐱᒍᓐᓇᓂᕐᒥᓂᒃ ᐃᑲᔪᖃᑎᒌᖃᑕᐅᒍᓐᓇᓂᕐᒥᒃ ᓄᓇᓕᓕᒫᑎᒍᑦ ᑎᒥᖁᑎᒋᔭᐅᔪᕐᑎᒍᓪᓗ.
- ᐱᒍᒪᓂᖃᕐᓗᓂ ᐱᒍᓐᓇᓯᐊᕐᓗᓂᓗ ᐊᐅᓪᓚᒋᐊᖃᕐᓂᒥ ᖁᔭᐅᓕᕈᓂ.
- ᐅᖃᓕᒪᒍᓐᓇᓯᐊᕐᓗᓂ ᐅᑯᓂᖓ ᓇᓪᓕᑐᐃᓐᓇᖏᓐᓂ ᒪᕐᕉᓂᒃ (2) ᐱᖓᓱᓂ (3) ᐅᖃᐅᓯᕐᓂᒃ: ᐃᓄᑦᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᕝᕙᓘᓐᓃᑦ ᐅᐃᒍᐃᑎᑐᑦ.
- ᖃᕆᑕᐅᔭᓕᕆᒍᓐᓇᓯᐊᕐᓗᓂ: Microsoft Suite (Excel, Word, PowerPoint, etc.);
- ᐊᑦᑕᓀᑦᑐᒦᒋᐊᖃᕐᓂᒧᑦ ᖃᐅᔨᓴᕐᑕᐅᓂᖃᕆᐊᓕᒃ.
Benefits:
ᐱᕙᓪᓕᖁᑎᓕᒫᓂᒃ ᐊᑐᐃᓐᓇᐅᑎᑕᐅᔪᓂᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓇᓗᓀᕐᑕᐅᒪᔪᓂᒃ ᒪᑭᕝᕕᑯᑦ ᐱᓇᓱᑦᑎᓄᑦ ᒪᓕᒐᓕᐊᕆᓯᒪᔭᖏᑦ:
| ᐃᑦᑑᒍᑎᑖᕐᑐᕈᑏᑦ:
ᐱᓇᓱᑦᑎᓯᔨᐅᑉ ᐃᑲᔪᕐᓯᐅᑎᖏᑦ 7% |
ᐊᒥᓱᐃᓕᖓᔪᑦ ᐃᒻᒪᖃᐅᑏᑦ:
ᐃᓅᓯᕐᒧᑦ, LTD, ᐃᓗᓯᕐᒧᑦ, ᑭᒍᑎᓕᕆᔭᐅᓂᕐᓗ |
| ᓄᕐᖃᖓᑫᓐᓇᓂᖅ: ᐱᒋᐊᕐᑐᑦ 20-ᓂᒃ ᐅᓪᓗᓂ | ᐅᕐᓱᐊᓗᒻᒧᑦ ᐃᑲᔪᕐᓯᐅᑏᑦ: ᐅᖓᑖᓅᖕᖏᑐᖅ $3,500 |
| ᖃᓂᒪᓂᕐᒧᑦ ᐅᓪᓗᐃᑦ: 15 ᐅᓪᓗᐃᑦ | ᖃᖓᑦᑕᐅᑎᓄᑦ ᐱᕚᓪᓕᖁᑎᒃ: ᐅᖓᑖᓅᖕᖏᑐᖅ $25,000 |
| ᐅᐸᑲᓪᓚᓇᖕᖏᑐᒥᐅᖑᒍᑏᑦ: ᐅᖓᑖᓅᖕᖏᑐᖅ $20,800 | ᐃᓪᓗᖃᕐᓂᒧᑦ ᐃᑲᔪᕐᓯᐅᑏᑦ: ᐅᖓᑖᓅᖕᖏᑐᖅ $12,000 |
| ᐅᓯᔭᐅᒍᑎᓄᑦ ᐃᑲᔪᕐᓯᐅᑏᑦ: ᐅᖓᑖᓅᖕᖏᑐᖅ $6,500 |
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs