Makivik Job Opportunity
ᐱᓇᓱᒐᕐᓂᒃ ᐱᕙᓪᓕᐊᑎᑦᓯᓂᕐᓗ ᒪᓕᒐᖃᕐᑎᓯᒍᑎᓂᒃᓗ ᕿᒥᕐᕈᔨ
Job Description:
ᐊᖓᔪᕐᖄᖃᕐᓱᓂ: ᑐᑭᒧᐊᑦᑎᓯᔨᖓᓂᒃ ᐃᓅᑦᔪᓯᓕᕆᓂᐅᓪᓗ-ᒪᑭᑕᒐᓱᒍᑎᓕᕆᓂᐅᓪᓗ ᓄᓇᓕᓐᓂᓗ ᐱᕙᓪᓕᐊᑎᑦᓯᓂᕐᒥᒃ ᒪᑭᑕᒐᓱᒍᑎᓕᕆᓂᕐᒥᒃ ᐱᕙᓪᓕᐊᑎᑦᓯᕕᐅᑉ ᐱᑦᔪᔨᕕᖓᓂ
Responsibilities:
- ᐱᔭᖃᕋᓱᓪᓗᓂ ᐱᐅᓯᒋᐊᕆᒍᑎᑦᓴᓂᒃ ᒪᑭᑕᒐᓱᒍᑎᐅᔪᑦ ᖃᓄᐃᖕᖏᓯᐊᕈᑎᑦᓴᖏᓐᓂᒃ ᐃᓅᓯᐅᔫᓪᓗ ᐱᐅᓂᕐᓴᐅᓂᑦᓴᖓᓂᒃ ᓄᓇᕕᖕᒥ;
- ᓄᐃᑦᓯᒍᑎᖃᕐᓗᓂ ᐊᑑᑎᖃᑦᓯᐊᑐᓂᒃ ᐱᓇᓱᒐᖃᕐᕕᐅᔪᓄᑦ ᓄᓇᕕᒻᒥ ᓯᕗᓂᖃᕈᑎᒋᓗᒋᑦ ᐱᓇᓱᒐᕐᓂᒃ ᓴᕐᕿᑎᑦᓯᒐᔭᕐᓃᓗ ᐃᑲᔪᕐᓯᒍᑎᐅᒐᔭᕐᑐᓗ ᒪᑭᑕᒐᓱᒍᑎᓂᒃ ᖃᓄᐃᓘᕈᑎᐅᓕᕐᑐᓄᑦ;
- ᐱᓇᓱᖃᑎᖃᖃᑦᑕᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᓪᓗ ᒪᑭᑕᒐᓱᒍᑎᑦᓴᓂᒃ ᐱᕙᓪᓕᐊᑎᑦᓯᓂᕐᓄᑦ ᐱᑦᔪᔨᕕᐅᓪᓗ ᐱᓇᓱᖃᑎᒌᑦᑐᖁᑎᖏᓐᓂᒃ ᖃᐅᔨᓴᖃᑎᒋᓗᒋᑦ ᐊᑐᓕᕐᑎᓯᕙᓪᓕᐊᒍᑎᑦᓴᓂᒃ ᓄᑖᖑᑦᓱᑎᒃ ᐱᓇᓱᑦᑕᐅᓕᕐᑐᓂᒃ ᑕᒐᑕᒐ ᐱᓇᓱᒐᖁᑎᒋᐊᓪᓚᐅᓱᑎᒃ ᐱᓇᓱᒐᕐᓂ, ᐱᓇᓱᒍᑎᑦᓴᓕᐊᖑᒪᔪᓂᒃ ᐃᖏᕐᕋᑎᑕᐅᔪᓂᒃᓗ; ᖃᐅᔨᓴᕐᓗᒋᑦ ᓇᖏᐊᕐᓇᓂᖏᓪᓗ ᐱᑐᐃᓐᓇᕆᐊᖃᕐᓂᖏᓪᓗ;
- ᐃᓚᒋᔭᐅᑎᒃᓗᒋᑦ ᒪᑭᕝᕕᐅᑉ ᐱᓇᓱᒐᖁᑎᒋᐊᓪᓚᖏᑕ ᐃᓂᓪᓓᓯᒪᒍᑎᖏᑦ ᑲᒪᓇᓱᒍᑎᑦᓴᕆᑦᓱᒋᑦ ᐊᕙᓗᓕᕐᓯᒪᔪᓂᒃ, ᐱᓇᓱᖃᑎᖃᕐᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂ ᐅᑯᓂᖓ ᐱᓇᓱᖃᑎᒋᓗᒍ:
- ᐊᑕᐅᑦᓯᑯᕐᑎᓯᒍᑎᖃᕐᓗᓂ ᑐᑭᓯᒪᒍᑎᑦᓴᓂᒃ ᐊᑯᕐᖓᓂ ᐱᓇᓱᒐᖃᕐᕕᒋᐊᓪᓛᖑᔪᒃ ᑲᑐᑦᔮᖑᑦᓱᑎᒃᓗ ᐱᓇᓱᒐᖃᕐᕕᐅᔪᑦ, ᐃᓚᐅᑎᓪᓗᒋᑦ ᑐᑭᑕᕈᑎᖃᖃᑦᑕᓃᑦ ᐱᑕᖃᕆᐊᓕᓐᓂᒃ ᑮᓇᐅᔭᕐᑐᕈᑎᓂᒃᓗ ᐃᖏᕐᕋᑎᑦᓯᒍᑎᓂᒃᓗ ᑐᓴᕐᑎᓯᒍᑎᓕᐊᓄᑦ;
- ᐃᑲᔪᕐᓯᒪᖃᑦᑕᓗᓂ ᒥᑭᔪᖑᐊᖑᓂᕐᓴᓂᒃ ᐱᓇᓱᒐᖃᕐᕕᖁᑎᒋᐊᓪᓚᓂᒃᓗ ᑲᑐᑦᔮᖑᑦᓱᑎᒃᓗ ᐱᓇᓱᒐᖃᖃᑎᒌᒍᑎᐅᔪᓂᒃ ᐱᓇᓱᒐᐅᓂᕐᒥᒍᑦ ᐱᒐᓱᑦᑕᒥᓂᒃ ᐱᒍᓐᓇᖁᓪᓗᒋᑦ, ᐃᑲᔪᕐᑕᐅᓂᕐᒥᒍᑦ ᑲᑎᖕᖓᔨᖁᑎᒥᓄᑦ ᑲᒪᔨᒻᒪᕆᒻᒥᓄᓪᓗ;
- ᕿᓂᖃᑦᑕᓗᓂ, ᖃᐅᔨᓴᖃᑦᑕ ᓗᓂ ᓄᐃᑦᓯᒍᑎᖃᖃᑦᑕᓗᓂᓗ ᐱᓇᓱᒐᕐᑎᒍᑦ ᐱᒐᓱᕝᕕᓴᖏᓐᓂᒃ ᒪᑭᕝᕕᐅ, ᐱᓇᓱᑦᑕᐅᒌᑦᑐᓂᑦ ᐊᓯᓄᑦ ᐃᓄᑐᐃᓐᓀᑦ ᓄᓇᖁᑎᖏᓐᓄᑦ ᐃᓕᖓᔪᓂᒃ ᐱᔭᑐᐊᖃᕋᓱᒍᓐᓀᓗᓂ.
- ᐊᑕᐅᑦᓯᑯᕐᑎᓯᖃᑦᑕᓗᓂ ᓴᓇᒻᒪᕆᒋᐊᓕᖏᑎᒍᓪᓗ ᐊᑐᓕᕐᑎᑕᐅᓂᖏᑎᒍᓪᓗ ᓴᓇᕐᕈᑎᓂᒃ ᐊᕙᓗᓕᕐᑐᐃᒍᑎᓂᒃ ᑕᓯᐅᕐᓯᓂᖃᑦᓯᐊᖁᓪᓗᓂ ᐊᑯᓂᕆᔪᒥᒃ ᐱᓇᓱᒐᕐᓂᒃ ᐱᕙᓪᓕᐊᑎᑦᓯᓂᕐᒥᒃ ᑕᐅᑐᕐᖁᕈᑎᖏᓐᓂᒃ ᒪᑭᕝᕕᒃ ᐱᓇᓱᒐᖃᕐᕕᐅᑉ;
- ᖃᐅᔨᓴᖃᑦᑕᓗᓂ ᐱᒐᓱᕝᕕᓴᐅᒍᓇᐅᓕᕐᑐᓂᒃ ᐱᓇᓱᒐᕐᓂᒃ ᑐᑭᓯᓂᐊᖃᑦᑕᓗᒋᑦ ᓂᐅᕐᕈᑎᖃᕐᓂᑎᒍᑦ ᐱᓇᓱᒍᑎᑦᓴᑕᖏᑦ, ᐊᖁᕕᕋᐅᑎᓂᒃᑯᑦ ᐱᑕᖃᕆᐊᓕᓐᓂᒃ, ᒪᑭᑕᒐᓱᒍᑎᑎᒍᓪᓗ ᐱᓇᓱᒐᕐᓂᓗ ᓴᕐᕿᑎᑦᓯᓂᕐᑯᑦ ᐱᒐᓱᒍᑎᐅᒍᓐᓇᑐᓂᒃ, ᑮᓇᐅᔭᕐᑐᕈᑎᑕᖏᓐᓂᒃ, ᓇᐅᑦᓯᑐᕐᑕᐅᒍᓐᓇᐅᑎᖏᓐᓂᓗ, ᐋᕐᕿᒍᑎᑦᓴᑕᕆᖃᑦᑕᓗᓂ ᐃᓕᒃᑯᑦ ᓯᕗᓪᓕᐅᔭᐅᒋᐊᓕᓐᓂᒃ ᐃᒣᓕᖓᔪᓃᒃ ᑮᓇᐅᔭᓕᐅᕈᑎᐅᒐᔭᖕᖏᒪᑖᕐᑎᐅᓗᓂᓗ;
- ᖃᐅᔨᓴᖃᑦᑕᓗᓂ ᐊᑐᐃᓐᓇᕈᐃᖃᑦᑕᓗᓂᓗ ᐱᓇᓱᒐᕐᑎᒍᑦ ᐸᕐᓇᓯᒪᒍᑎᐅᒋᐊᓕᓐᓂᒃ ᐅᕝᕙᓘᓐᓃᑦ ᑐᑭᓯᓂᐊᕈᑎᐅᒋᐊᓕᓐᓂᒃ ᐊᒥᓱᐃᓂ ᐱᓇᓱᒐᖃᕐᕕᐅᔪᓂ ᐃᓚᐅᑎᓪᓗᒋᑦ (ᑖᒃᑯᑐᒍᓐᓀᓗᑎᒃᓗ): ᐅᔭᕋᓐᓂᐊᕖᑦ, ᐆᒻᒪᖁᑎᑦᓴᓕᕆᔩᑦ, ᓂᐅᕐᕈᑐᓕᕆᓃᑦ, ᐃᑲᓗᓐᐊᓃᑦ, ᐃᒃᓗᔪᐊᖁᑎᓕᕆᓃᓪᓗ;
- ᐱᓇᓱᖃᑎᖃᕐᓗᓂ ᐃᓚᐅᓂᖃᓪᓚᕆᒋᐊᓕᓐᓂᒃ ᐱᓇᓱᑦᑎᓂᒃ ᐃᓂᓪᓇᑎᕆᖃᑎᒋᓗᒋᑦ ᓄᑦᑎᓂᕐᑕᓕᓐᓂᒃ (ᐃᓚᐅᒍᓐᓇᑐᑦ ᐊᑕᐅᓯᐅᓕᔪᑦ/ᓂᐅᕕᐊᖃᕐᓃᓗ), ᐃᓚᐅᑎᓪᓗᒋᑦ ᐊᖏᖃᑎᒌᒐᓱᒍᑎᖃᕐᓃᒃᑦ, ᐊᑦᔨᒌᑦᑎᓯᑦᓯᐊᓂᒃᑯᑦ ᐊᖏᖃᑎᖃᕐᓯᒪᓃᑦ, ᐱᓇᓱᑦᑏᑦ ᐱᓇᓱᒍᑦᔨᒍᑎᖏᑦ, ᑮᓇᐅᔭᕐᑐᓃᑦ, ᓯᕗᓂᑦᓴᒥᓗ ᐊᑭᓕᕐᑐᐊᖑᒋᐊᖃᕋᔭᕐᑐᑦ;
- ᐱᑐᑦᓯᒪᖃᑎᖃᕐᓗᓂ ᐊᒥᓱᐃᓂᒃ ᐳᕐᑐᓕᕇᓂᒃ ᑲᕙᒪᒃᑯᓂᒃ ᑭᒡᒐᑐᕐᓗᒍ ᒪᑭᑕᒐᓱᒍᑎᑦᓴᓂᒃ ᐱᕙᓪᓕᐊᑎᑦᓯᓂᕐᓄᑦ ᐱᑦᔪᔨᕕᒃ ᓇᓗᓀᕆᖃᑎᒋᓗᒍᓗ ᓄᑖᓂᒃ ᐱᒐᓱᕝᕕᓴᓂᒃ ᐱᓇᓱᖃᑕᐅᓚᖓᑦᓱᑎᒃ ᓄᑖᓂᓪᓗ ᐃᓂᓪᓚᖓᒌᕐᑐᓂᒃᓗ ᐱᕙᓪᓕᐊᑎᑦᓯᒍᑎᐅᔪᓂᒃ;
- ᑐᑭᓯᓂᐊᕐᓗᓂᓗ ᑐᑭᓕᐅᕆᓗᓂᓗ ᐱᖁᔭᑎᒍᑦ ᐊᕙᓗᓕᕐᓯᒪᐅᑎᐅᒋᐊᓕᓐᓂᒃ ᓯᕗᓂᖃᕐᓗᓂ ᐃᑲᔪᕐᓯᒐᔭᕐᓂᒥᒃ ᓄᓇᓕᓕᒫᑦ ᒪᑭᑕᒐᓱᒍᑎᑎᒍᑦ ᐱᓇᓱᒐᓱᓕᕐᑕᖏᓐᓂᒃ;
- ᐊᑕᓐᓂᐅᕕᐅᓕᕈᓂ ᐊᐅᓪᓚᑲᑕᖁᔭᐅᓗᓂ ᐊᑐᐃᓐᓇᐅᓗᓂ;
- ᐊᓯᖏᓐᓂᑦ ᐱᓇᓱᒍᓐᓇᓗᓂ ᐱᓇᓱᑦᑕᐅᖁᔭᓂᑦ ᐊᖓᔪᕐᖄᒥᓄᑦ.
Qualifications:
- ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᐊᕇᕐᓯᒪᒍᑎᑖᕐᓯᒪᓗᓂ ᓯᕗᓂᖃᕈᑎᐅᓯᒪᔪᒥᒃ ᐱᓇᓱᒐᓕᕆᓂᕐᓄᑦ, ᒪᑭᑕᒐᓱᒍᑎᓕᕆᓂᕐᓄ, ᑭᓯᑦᓯᒍᑎᓐᓂᐅᑎᓄᑦ, ᐅᕝᕙᓘᓐᓃᑦ ᐊᓯᖏᓐᓄ ᐱᔪᓐᓇᐅᑎᖃᕈᑎᐅᒋᐊᖃᕐᓱᑎᒃ ᐱᓇᓱᒐᕐᓴᔭᓄᑦ;
- CPA-ᖃᕐᓗᓂ, CFA-ᒥᓪᓗ, ᐊᓯᖏᓐᓂᓗᓐᓃᑦ ᐊᑑᑎᖃᑦᓯᐊᑐᓂᒃ ᐱᔪᓐᓇᐅᑎᖃᕈᑎᐅᒋᐊᓕᓐᓂᒃ ᓯᕗᓂᖃᕈᑎᐅᔪᓄᑦ (ᑲᔪᓯᖏᓐᓇᑐᓄᑦ ᐱᔭᕇᕐᓯᒪᔪᓄᓪᓗᓃᑦ)
- MBA-ᒥᒃ ᐃᓕᓐᓂᐊᕆᕈᓐᓇᐅᑎᑖᕐᓯᒪᓗᓂ, ᐅᕝᕙᓘᓐᓃᑦ ᐃᓄᓕᒫᓄᑦ ᐃᓕᖓᔪᓂᒃ ᒪᓕᒐᖃᕐᑎᑕᐅᒍᑎᐅᑦᓱᓂ ᐳᕐᑐᓂᕐᓴᒥᒃ ᐱᑖᕐᓯᒪ.ᓂ ᐱᐅᔫᒐᔭᕐᑐᖅ ᑭᓯᐊᓂ ᐱᑕᖃᓪᓗᑐᐊᓗᒋᐊᑐᖕᖏᑐᖅ;
- ᐊᕐᕌᒍᕐᓂ ᐱᖓᓱᓂ (3) ᑎᑭᐅᑎᓗᒋᑦ ᑕᓪᓕᒪᑦ (5) ᐱᓇᓱᓕᓂᐅᓗᓂ ᑕᑉᐱᑯᐊ ᐱᓇᓱᒐᐅᓂᕋᕐᑕᐅᔪᑦ ᐅᖃᕐᑕᖏᓐᓂ ᒪᓕᓪᓗᓂ;
- ᐅᖄᒍᓐᓇᓂᖃᑦᓯᐊᓗᓂ ᑐᑭᓯᐊᑦᓯᐊᓗᓂᓗ ᒪᕐᕉᓂᒃ (2) ᐅᖃᐅᓰᓐᓂᒃ ᐱᖓᓱᑦ (3) ᐅᖃᐅᓰᑦ ᓇᒃᓕᖏᓐᓂᑦ: ᐃᓄᒃᑎᑐᑦ, ᖃᓪᓗᓈᕐᑎᑐᑦ ᐅᕝᕙᓘᓐᓃᑦ ᐅᐃᒍᐃᑎᑐᑦ;
- ᖃᕆᑕᐅᔭᕈᑎᓂᒃ ᐃᓕᓯᒪᑦᓯᐊᓗᓂ: ᐅᑯᓂᖓ Microsoft Suite (Excel, Word, PowerPoint, ᐊᓯᖏᓐᓂᓗ.);
- ᐊᑕᖏᕐᓯᔪᓂᒃ ᑮᓇᐅᔭᓕᕆᒍᑎᓂᒃᓗ ᑮᓇᐅᔭᕐᑐᕈᑎᕕᓂᕐᓂᓗ ᐱᒋᐅᕐᓯᒪᑦᓯᐊᓗᓂ;
- ᖃᕆᑕᐅᔭᕈᑎᓂᒃ ᑐᑭᓯᒪᑦᓯᐊᓗᓂ ᐱᓗᐊᕐᑐᒥᒃ ᑐᓴᕐᑕᐅᑎᑦᓯᒍᑎᐅᓲᓂᒃ ᐅᑯᓂᖓ PowerPoint-ᒥᓪᓗ Excel-ᒥᓪᓗ;
- ᖃᐅᔨᒪᔭᖃᑦᓯᐊᓗᓂ ᖃᐅᔨᓴᕐᓂᒥᒃ ᐱᓇᓱᒍᑎᓂᒃ ᐃᓕᖓᑦᓱᑎᒃ ᐱᓇᓱᒐᖁᑎᐅᔪᓂᒃ ᐱᕙᓪᓕᐊᑎᑦᓯᒍᑎᓄᑦ ᓄᑦᑎᓂᕆᕐᓂᓗ ᓴᐳᑦᔨᒍᑎᓄᑦ; ᓯᕗᓕᕐᑎᐅᒍᓐᓇᓂᖃᑦᓯᐊᓗᓂ, ᑐᓴᖃᑦᑕᐅᑎᓂᖃᕈᓐᓇᓯᐊᕐᓗᓂ, ᖃᐅᔨᓴᕐᓂᓂᓪᓗ ᐱᒍᓐᓇᓂᖃᑦᓯᐊᓗᓂ;
- ᒪᓂᔨᒍᑎᓕᐅᕈᓐᓇᓯᐊᕐᓗᓂ ᑮᓇᐅᔭᕐᓯᐅᕈᑎᓂᒃᓗ ᑐᑦᓯᕋᐅᑎᓕᐅᕈᓐᓇᓂᖃᑦᓯᐊᓗᓂ;
- ᐱᔪᓐᓇᓂᖃᕐᓗᓂ ᐸᕐᓇᓂᕐᒥᒃ ᐊᑕᐅᓯᐅᓕᕐᑎᕆᓂᕐᒥᒃ ᑮᓇᐅᔭᕐᑐᕈᑎᓕᕆᒍᑎᓂᒃ ᐃᓚᐅᑎᓪᓗᒋᑦ ᑮᓇᐅᔭᖁᑎᐅᓕᕐᑐᓂᒃ ᑮᓇᐅᔭᑐᐃᓐᓇᑎᒍᑦ ᐃᖏᕐᕋᑎᑦᓯᒍᑏᑦ ᐊᑭᒋᔭᐅᓕᕐᑐᓂᒃᓗ ᑐᑭᓯᓂᐊᕐᓃᑦ;
- ᑐᑭᓯᒪᔭᖃᑦᓯᐊᓗᓂ ᐱᑐᑦᓯᒪᐅᑎᓂᖏᓐᓂᒃ ᑮᓇᐅᔭᖁᑕᐅᔪᓪᓗ., ᑮᓇᐅᔭᑐᐃᓐᓇᖁᑎᐅᔪᓪᓗ ᐊᒻᒪᓗ ᑮᓇᐅᔭᒻᒪᕆᖁᑎᐅᔪᑦ;
- ᐱᓇᓱᒐᖃᓚᐅᕐᓯᒪᒋᐊᓕᒃ ᑮᓇᐅᔭᒻᒪᕆᓐᓂᒃ ᐊᖁᕕᕋᐅᑎᒍᑎᖃᕐᓂᓂᒃ ᐅᕝᕙᓘᓐᓃᑦ ᐱᓇᓱᒐᕐᓂᒃ ᓂᐅᕕᐊᖃᖃᑦᑕᓂᕐᓂᒃ.
- ᐱᓇᓱᒐᖃᓚᐅᕐᓯᒪᒋᐊᓕᒃ ᐱᓇᓱᒐᕐᓂᒃ ᐱᕙᓪᓕᐊᑎᑦᓯᓂᕐᓂᒃ ᐅᑭᐅᕐᑕᑐᒥ/ᐅᑭᐅᕐᑕᑑᑉ ᐊᓪᓕᖓᓃᑦᑐᓂ ᓄᓇᓂ ᐅᕝᕙᓘᓐᓃᑦ ᓯᓚᕐᔪᐊᓕᒫᒥ;
- ᖃᐅᔨᒪᔭᖃᑦᓯᐊᕆᐊᓕᒃ ᑐᑭᓯᒪᓗᓂᓗ ᖃᓄᐃᓕᖓᓂᐅᔪᓂᒃ ᓯᕗᓪᓕᐅᔭᐅᒋᐊᓕᓐᓂᓗ ᓲᓱᒋᓗᒋᑦ ᒪᑭᑕᒐᓱᒍᑎᓕᕆᓃᓪᓗ ᐃᓅᑦᔪᓯᐅᔪᓂᓪᓗ ᐱᕙᓪᓕᐊᑎᑦᓯᒍᑎᖃᕐᓃᑦ ᓄᓇᕕᖕᒥ;
- ᐱᓇᓱᓚᐅᕐᓯᒪᓪᓚᕆᒋᐊᓕ ᐱᓇᓱᒐᓕᕆᓂᕐᓂᓗ ᒪᑭᑕᒐᓱᒍᑎᓂᒃᓗ ᐱᕙᓪᓕᐊᑎᑦᓯᒍᑎᓂᒃ (ᐃᓚᖃᕈᓐᓇᑐᑦ ᑮᓇᐅᔭᓕᕆᒍᑎᓕᕆᒍᓐᓇᓂᕐᓂᒃ, ᑮᓇᐅᔭᒃᑯᕕᓕᕆᒍᓐᓇᐅᑎᓂᒃ, ᐅᕝᕙᓘᓐᓃᑦ ᑮᓇᐅᔭᓂᒃ ᕿᑐᕐᖏᐅᑎᑦᓯᓂᕐᒥᒃ ᑮᓇᐅᔭᒃᑯᕕᓕᕆᒍᓐᓇᐅᑎᖃᕐᓗᓂ);
- ᐱᓇᓱᓚᐅᕐᓯᒪᓂᖃᕐᓗᓂ ᑮᓇᐅᔭᓕᕆᓂᕐᒥᒃ ᐱᑦᔪᔨᒍᑎᓂᒃ;
- ᐱᒍᓐᓇᓂᖃᑦᓯᐊᓗᓂ ᑲᒪᒋᔭᖃᕐᓂᒥ ᐱᓪᓗᑯᒋᐊᖃᕐᓱᑎᒃ ᐃᓱᒪᑕᖑᓯᒪᔪᓂᒃ;
- ᐅᔨᒪᔭᖃᕐᓗᓂ ᐅᓇᒻᒥᓱᐊᓗᓂᓗ ᑮᓇᐅᔭᕐᑐᕈᑎᑎᒍᑦ ᐊᖁᕕᕋᐅᑎᕕᓐᓂᒃ;
- ᖃᐅᔨᒪᔭᖃᕐᓗᓂ ᓂᐅᕕᕐᓂᐊᓂᑎᒍᑦ ᐱᓇᓱᒍᑎᑭᑦᓴᔭᓂᒃ;(ᐱᐅᔫᒐᔭᕐᑐᖅ ᐱᑕᖃᓪᓗᑯᒋᐊᑐᒐᓂᓗ);
- ᐱᕙᓪᓕᐊᑎᑦᓯᒍᓐᓇᓂᖃᕐᓗᓂ ᐱᓇᓱᑦᑕᐅᔪᓂᒃ, ᐱᓇᓱᒐᕐᓂᒃ ᐸᕐᓇᓂᕐᓂᒃ, ᑮᓇᐅᔭᖃᕐᑎᑕᐅᒍᑎᑦᓴᓂᒃᓗ ᒪᓂᔨᖃᑦᑕᓂᕐᒥᒃ ᐅᓇᒻᒥᒋᔭᐅᔪᓅᓕᖓᓪᓚᕆᑦᑐᓂᒃ.
- ᐱᔪᓐᓇᓂᖃᕐᓗᓂ ᖃᐅᔨᓴᕐᓂᒥᒃ ᓯᓚᕐᔪᐊᒥᐅᓪᓗ ᓄᓇᓕᕐᓚᐅᔪᓪᓗ ᐊᑯᕐᖓᓂ ᐊᖁᕕᕋᐅᑎᓂᕐᓄᑦ ᒪᓕᒐᖁᑎᓂᒃ ᓇᓗᓀᕆᒍᑎᑦᓴᕆᓗᒋᑦ ᓄᑖᓂᒃ ᒪᑭᑕᒐᓱᒍᑎᑎᒍᑦ ᐱᒐᓱᕝᕕᐅᒍᓐᓇᑐᓂᒃ ᓄᓇᕕᐅᑉ ᐱᓇᓱᒐᖁᑎᖏᓐᓄᑦ.
- ᐱᓂᕐᓗᓂᖃᓚᐅᕐᓯᒪᒻᒪᖔᑦ ᑐᑭᓯᓂᐊᕐᑕᐅᒋᐊᓕᒃ.
Benefits:
ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:
| § ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ | § ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500 |
| § ᐊᒥᓱᐃᓄᑦ ᐃᒻᒪᖃᐅᑎᑦ | § ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500 |
| § ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ | § ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000 |
| § ᖃᓂᒪᓂᕐᒧᑦ: 15 ᐅᓪᓗᐃᑦ | § ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000 |
| § ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800ᓂᑦ |
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs