Job Description:

ᐊᖓᔪᕐᖄᖃᕐᓱᓂ:                                     ᑐᑭᒧᐊᑦᑎᓯᔨᖓ ᐱᓇᓱᑦᑎᓕᕆᕕᒻᒥ ᐊᒻᒪᓗ ᐊᑭᓕᕐᑕᐅᔪᓕᕆᕕᒻᒥ ᑮᓇᐅᔭᓕᕆᔨᐅᑉ ᐊᓪᓚᕕᖓᓂ

Responsibilities:

ᐱᓇᓱᑦᑎᓕᕆᔩᑦ ᑲᒪᔨᒻᒪᕆᖓ ᑲᒪᒋᔭᖃᕐᓂᐊᑐᖅ ᐱᓇᓱᑦᑎᓕᕆᓂᕐᒧᓕᖓᔪᓕᒫᓂᑦ ᖃᓄᐃᓗᕈᓯᐅᓲᓂᑦ ᐊᒻᒪᓗ ᖃᓄᐃᓗᕈᑎᐅᔪᓂᑦ. ᑲᒪᒋᔭᑦᓴᖃᕐᓂᐊᖁᑎᑦ ᑲᒪᒋᔭᖃᕐᓗᑎᑦ ᐱᓇᓱᑦᑎᓂᑦ ᐱᓇᓱᖃᑎᖃᕐᓗᑎᑦ, ᐱᓇᓱᑦᑎᓴᕐᓯᐅᓂᕐᒥᒃ, ᐱᓇᓱᑦᑎᐅᑉ ᑲᒪᒋᔭᐅᓂᖓᓂᒃ ᐱᓇᓱᐊᕐᓂᖓᓂᒃ, ᑎᒥᐅᔪᒥ ᐃᓂᓪᓚᖓᒍᓯᖓᓂᒃ ᐱᕙᓪᓕᐊᑎᑦᓯᓗᑎᑦ. ᑐᕌᒐᖓ ᑲᒻᐸᓂᐅᑉ ᐱᓇᓱᑦᑎᓕᕆᕕᒻᒥ ᓴᐳᑦᔨᒍᑎᖏᑦ ᐊᒻᒪᓗ ᒪᑭᑕᒐᓱᐊᕈᑎᒥᒃ ᐱᐅᓯᐅᒥᑎᑦᓯᓂᕐᒧᑦ ᑐᕌᒐᖏᓐᓂᑦ ᐱᐅᓂᕐᓴᓂᑦ ᒪᓕᑦᓯᐊᑐᓂᑦ ᐱᓇᓱᕝᕕᖓᕐᓗᓂ. ᑲᒪᒋᔭᖃᕐᓗᓂ ᐱᓇᓱᖃᑎᖃᕐᓂᒥᒃ ᐱᓇᓱᖃᑎᑦᓴᔭᒥᓂᒃ ᓄᐃᑦᓯᓗᑎᑦ ᑲᔪᓯᓕᕐᑎᓯᓗᑎᓗ ᒪᑭᕝᕕᑯᑦ ᐃᓄᐃᑦ ᐃᓗᕐᕈᓯᖓᓂᒃ ᐅᖃᐅᓯᖓᓂᓗ ᐱᖁᔭᖏᓐᓂᑦ, ᖃᓄᐃᓗᕈᑎᑦᓴᓕᐅᕐᓂᒧᑦ ᐸᕐᓀᕈᑎᓂᑦ, ᐃᓚᐅᓪᓚᕆᓗᓂ ᓴᐳᑦᔨᓂᒃᑯᑦ ᐃᓄᒃᑎᑑᕐᓂᒥᒃ;

• ᐱᓇᓱᑦᑎᓴᕐᓯᐅᓂᖅ ᐱᓇᓱᑦᑎᖃᕐᓂᓗ:
  • ᐊᐅᓚᑦᓯᓗᓂ ᐱᓇᓱᑦᑎᓴᕐᓯᐅᓂᕐᒥᒃ ᐱᓇᓱᑦᑎᓴᕐᑖᕋᓱᓐᓂᒥᓗ, ᓂᕕᖕᙰᓂᒃᑯᑦ ᐱᓇᓱᒐᕐᓂᑦ ᐅᒃᑯᐃᖓᕐᑐᓂᑦ, ᐊᐱᕐᓱᑲᑦᑕᓂᖅ, ᐱᓇᓱᑦᑎᑖᕐᓂᒥᓗ;
  • ᐱᓇᓱᖃᑎᖃᕐᓗᓂ ᐱᒍᑦᔨᕕᐅᑉ ᐊᖓᔪᕐᖄᖏᓐᓂᑦ ᓱᕐᖁᐃᓯᓗᑎᑦ ᖃᓄᐃᑦᑐᓂᑦ ᑭᖕᖒᒪᑦᓯᒪᖔᑕ ᐱᓇᓱᒐᕐᒧᓕᖓᔪᓂᑦ ᐱᓇᓱᒉᓪᓗ ᖃᓄᐃᓕᖓᒋᐊᖃᕐᓂᖏᓐᓂᑦ;
  • ᓄᐃᑦᓯᓗᓂ ᑲᔪᓯᓕᕐᑎᓯᓗᓂᓗ ᑲᔪᓯᒍᓐᓇᓯᐊᕐᑐᓂᑦ ᐱᓇᓱᒐᕐᑖᓂᕐᒧᑦ ᖃᓄᐃᓗᕈᓯᕐᓂᑦ ᐱᓇᓱᑦᑎᑖᕆᔭᐅᕐᖃᒥᓄᑦ;
• ᐱᓇᓱᑦᑎᓂᑦ ᐱᓇᓱᖃᑎᖃᕈᓐᓇᓂᖅ:
  • ᖃᐅᔨᒋᐊᕐᕕᐅᕙᓪᓗᓂ ᐱᓇᓱᑦᑎᓄᓕᖓᔪᓂᑦ ᐱᓀᓗᑕᓂᑦ, ᑲᒪᒋᔭᖃᕐᓗᓂ ᐃᓱᒫᓗᑎᐅᔪᓂᑦ ᐊᖏᖃᑎᒌᖕᖏᓂᓂᓗᓐᓃᑦ ᐱᓇᓱᑦᑎᒪᕆᐅᓂᕐᒧᑦ ᐊᑦᔨᒌᑦᑎᓯᓯᐊᓂᕐᒧᓗ;
  • ᐱᐅᔪᒥᒃ ᐱᐅᓯᕐᑖᑎᑦᓯᓗᓂ ᐱᓇᓱᕝᕕᓯᖓᒥᒃ ᑐᑭᓯᒪᖃᑎᒌᓐᓂᑯᑦ ᐱᓇᓱᖃᑎᒌᓐᓂᑯᓗ;
  • ᖃᓄᐃᓗᕈᑎᑦᓴᓕᐅᕐᓗᓂ ᑲᔪᓯᓕᕐᑎᓯᓗᓂᓗ ᐱᐅᓯᐅᒥᑎᑦᓯᓂᕐᒧᑦ ᐱᓇᓱᑦᑏᑦ ᐱᓇᓱᒐᕐᒥᓂᒃ ᓈᒻᒪᓴᕐᓂᖏᓐᓂᑦ ᐱᓇᓱᑦᑎᐅᑯᑖᕈᓐᓇᓯᑎᑦᓯᓂᕐᒧᓗ;
• ᐱᓇᓱᑦᑎᐅᑉ ᐱᓇᓱᓐᓂᖏᓐᓂᑦ ᑲᒪᒋᔭᖃᕐᓂᖅ:
  • ᑲᒪᒋᔭᖃᕐᓗᓂ ᐱᓇᓱᑦᑎᐅᑉ ᐱᓇᓱᓐᓂᖓᑕ ᑲᒪᒋᔭᖃᕈᓯᕐᒥᒃ ᐊᑐᕐᓗᓂ, ᐃᓚᐅᑎᓪᓗᒍ ᑐᕌᒐᓕᐅᕐᓂᖅ, ᐅᖃᐅᓯᑦᓴᖃᕐᕕᖃᕐᓗᓂ, ᕿᒥᕐᕈᓗᓂᓗ ᐱᓇᓱᓐᓂᖓᓂᒃ;
  • ᐃᒫᙰᕐᑎᐅᓗᓂ ᑲᒪᔨᒻᒪᕆᓄᑦ ᐱᓇᓱᑦᑎᓄᓗ ᐱᓇᓱᓐᓂᖓᓂᒃ ᐱᓀᓗᑕᖃᕐᐸᑦ ᐋᕐᕿᒋᐊᕆᓂᕐᒧᓗ ᖃᓄᐃᓗᕈᑎᐅᔪᓂᑦ;

• ᑲᔪᓯᓕᕐᑎᓯᓗᓂ ᐃᓕᓐᓂᐊᓂᕐᓂᑦ ᐱᕙᓪᓕᐊᑎᑦᓯᓂᕐᒥᓗ ᐱᓇᓱᑦᑕᐅᔪᓂᑦ ᐱᓇᓱᑦᑏᑦ ᐱᓇᓱᑦᓯᐊᕈᓐᓇᓯᓗᑎᑦ ᐱᓇᓱᒐᕐᒥᓂᓗ ᐱᕙᓪᓕᐊᓗᑎᑦ;

• ᐊᑭᓕᕐᑕᐅᒍᑎᖏᑦ ᐱᕙᓪᓕᖁᑏᓪᓗ:
  • ᐊᐅᓚᑦᓯᓗᓂ ᐱᓇᓱᑦᑏᑦ ᐊᑭᓕᕐᑕᐅᒍᑎᖏᑦᑕ ᐃᓂᓪᓚᖓᒍᓯᖏᓐᓂᑦ, ᐱᔭᐅᔪᐃᑦ ᐊᑦᔨᐅᑎᓗᒋᑦ ᐊᓯᖏᓐᓂᑦ ᐱᓯᒪᔪᓄᑦ ᒪᓕᑦᓯᐊᑎᓗᒋᓗ ᐱᓇᓱᒐᓕᕆᓂᕐᓄᑦ ᑐᖕᖓᕕᐅᔪᓂᑦ;
  • ᐊᐅᓚᑦᓯᓗᓂ ᐱᕙᓪᓕᖁᑎᓂᑦ ᐱᓇᓱᑦᑕᐅᔪᓂᑦ, ᐃᓚᐅᑎᓪᓗᒋᑦ ᐃᓗᓯᓕᕆᔭᐅᓂᕐᒧᑦ ᐃᒻᒪᖃᐅᑎᓂᑦ, ᐅᑭᐅᖏᑦ ᓈᒻᒪᓯᑉᐸᑕ ᕿᑲᕈᑎᑖᕐᑕᕈᑎᓂᑦ ᐸᕐᓀᕈᑎᓂᑦ, ᐊᓯᖏᓐᓂᓗ ᐱᓇᓱᑦᑎᓄᑦ ᐱᔭᐅᒍᓐᓇᑐᑦᓴᔭᓂᑦ;
  • ᒪᓕᑦᑕᐅᑎᑦᓯᓯᐊᕐᓗᓂ ᑮᓇᐅᑦᔭᓵᓄᓕᖓᔪᓂᑦ ᐱᖁᔭᕐᓂᑦ ᒪᓕᒐᕐᓂᓗ;
• ᒪᓕᑦᑕᐅᑎᑦᓯᓯᐊᕐᓂᖅ ᐱᖁᔦᓗ:
  • ᐱᓇᓱᑦᑎᓕᕆᕕᒻᒨᓕᖓᔪᓕᒫᑦ ᒪᓕᑦᓯᐊᑎᓗᒋᑦ ᓄᓇᓕᐅᑉ, ᓄᓇᖁᑎᖓᓂ ᑲᕙᒪᑐᖃᒃᑯᓗ ᐱᓇᓱᑦᑎᓄᓕᖓᔪᓂᑦ ᐱᖁᔭᓂᑦ ᒪᓕᒐᕐᓂᓗ;
  • ᐊᑐᐃᓐᓇᕈᕐᑎᕆᓗᓂ ᐱᐅᓕᐊᕐᑕᐅᑎᑦᓯᓗᓂᓗ ᐱᓇᓱᑦᑎᐅᑉ ᐊᓪᓚᖁᑎᖏᓐᓂᑦ, ᓄᑕᐅᓯᓕᕐᓯᒪᑦᓯᐊᑎᓗᒋᑦ ᐊᑦᑕᓀᑦᑐᒥᑎᓗᒋᓗ;
  • ᑕᒻᒪᓯᒪᔪᕐᓂᐊᕙᓪᓗᓂ ᐱᓇᓱᑦᑎᓕᕆᓂᕐᒥ ᖃᓄᐃᓗᕈᓰᑦ ᒪᓕᑦᓯᐊᒪᖔᑕ ᐱᒍᑦᔨᕕᐅᑉ ᐃᓗᐊᓂ ᐱᖁᔭᕐᓂᑦ ᒪᓕᒐᕐᓂᓗ;
• ᐃᓕᓐᓂᐊᓂᖅ ᐱᕙᓪᓕᐊᑎᑦᓯᓂᕐᓗ:
  • ᓇᓗᓀᕐᓯᓗᓂ ᐃᓕᓐᓂᐊᑕᐅᒋᐊᓕᓐᓂᑦ ᐃᓂᓪᓚᑎᕆᓗᓂᓗ ᐱᓇᓱᑦᑎᒪᕇᑦ ᐱᕙᓪᓕᐊᑎᑕᐅᓂᑦᓴᖏᑦᓂᑦ ᐱᓇᓱᑦᑕᐅᔪᓂᑦ ᓴᐳᑦᔨᓗᓂ ᐱᓇᓱᑦᑏᑦ ᐱᕈᕐᐊᓕᐊᓂᖏᓐᓂᑦ;
  • ᓯᕗᓕᕈᓐᓇᓂᕐᒧᑦ ᐃᓕᓐᓂᐊᕈᑎᓂᑦ ᓄᐃᑦᓯᖃᑎᐅᓗᓂ ᐊᒻᒪᓗ ᐃᓇᖏᕐᑕᐅᒋᐊᓕᒻᒥᒃ ᐸᕐᓀᕈᑎᓕᐅᕐᓗᓂ ᐱᒋᐊᕐᑎᑕᐅᔪᑦᓴᓂᑦ;
  • ᐃᑉᐱᒋᔭᖃᕐᓗᓂ ᓇᐅᑦᓯᑐᕐᓗᓂᓗ ᐃᓕᓐᓂᐊᑎᑕᐅᔪᐃᑦ ᑲᔪᓯᑦᓯᐊᓂᖓᓂᒃ ᐱᓇᑦᓱᑕᐅᔪᓂᑦ ᐊᒻᒪᓗ ᐱᐅᓯᐅᒥᑎᓗᒋᑦ ᕆᐊᖃᕐᐸᑕ;
• ᐱᓇᓱᑦᑎᓕᕆᓂᕐᒥ ᖃᓄᐃᓗᕈᑎᑦᓴᓕᐅᕐᓂᖅ ᑐᓴᕐᑎᓯᒍᑎᓕᐅᕐᓂᓗ:
  • ᐱᕙᓪᓕᐊᑎᑦᓯᖃᑎᐅᓗᓂ ᑲᔪᓯᑎᑦᓯᓗᓂᓗ ᐱᓇᓱᑦᑎᓕᕆᓂᕐᒧᑦ ᖃᓄᐃᓗᕈᑎᑦᓴᓕᐅᕐᓂᓂᑦ ᓴᐳᑦᔨᓗᓂ ᑎᒥᐅᔫᑉ ᑐᕌᒐᖏᓐᓂᑦ;
  • ᐊᑐᐃᓐᓇᕈᕐᑎᓗᓂ ᐱᓇᓱᑦᑎᓕᕆᓂᕐᒥ ᑐᓴᕐᑎᓯᒍᑎᓂᑦ ᓇᐅᑦᓯᑐᕐᓂᓂᑦ ᐅᑦᑑᑎᒋᓗᒋᑦ ᐱᓇᓱᑦᑏᑦ ᓄᕐᖃᐸᓐᓂᖏᓐᑕ, ᐃᓚᐅᑎᑦᓯᓂᕐᒥᓗ ᖃᓄᓪᓗᐊᑎᒋᕐᓂᖏᓐᓂᑦ;
  • ᐃᓱᒪᒋᔭᒥᓂᑦ ᐅᓐᓂᑐᑎᓕᐊᒥᓂᓗ ᐅᖃᕐᓗᓂ ᐳᕐᑐᓂᕐᓴᓂ ᑲᒪᔨᒻᒪᕆᓄᑦ ᐱᐅᓯᐅᒥᑎᑦᓯᒋᐊᕐᓂᒧᑦ ᐱᓇᓱᑦᑎᓕᕆᕕᒻᒥ ᐃᓂᕐᕋᑎᑕᐅᔪᓂᑦ;
• ᐃᓗᓯᕐᓱᓯᐊᕐᓂᖅ ᐊᑦᑕᓀᑦᑐᒥᓐᓂᓗ:
  • ᐱᓇᓱᕝᕕᒥᒃ ᖃᓄᐃᖕᖏᓯᐊᕐᑎᓯᓗᓂ ᐊᑦᑕᓀᑦᑐᒥᒋᐊᖃᕐᓂᒧᓗ ᑐᖕᖓᕕᐅᔪᓂᑦ ᐊᑑᑎᔭᐅᑎᑦᓯᓯᐊᕐᓗᓂ ᐊᒻᒪᓗ ᐱᓇᓱᑦᑎᓂᑦ ᑐᑭᓯᒪᑎᑦᓯᓗᓂ ᒪᓕᑦᑕᐅᑎᑦᓯᓗᓂᓗ ᑲᑉᐸᓂᐅᑉ ᐊᑦᑕᓀᑦᑐᒥᒋᐊᖃᕐᓂᖓᑕ ᖃᓄᐃᓗᕈᓯᖏᓐᓂᑦ;
  • ᐊᐅᓚᑦᓯᓗᓂ ᐱᓇᓱᕝᕕᒥ ᐊᕐᖁᓇᕐᑐᓂᑦ ᐊᒻᒪᓗ ᐊᕐᖁᓇᕐᓂᓕᒫᓂᑦ ᑐᓴᕐᑎᓯᒍᑎᓕᐅᕐᓗᓂ ᐊᐅᓚᑕᐅᓗᑎᓗ ᒪᓕᑦᓯᐊᓗᓂᑦ ᒪᓕᒐᕐᓂᑦ;

• ᐊᐅᓪᓚᕈᓐᓇᓗᓂ, ᕆᐊᖃᕈᓂ;
• ᐊᓯᖏᓐᓂᑦ ᐱᓇᓱᒍᓐᓇᓗᓂ ᐱᓇᓱᑦᑕᐅᖁᔭᓂᑦ ᐊᖓᔪᕐᖄᒥᓄᑦ.

Qualifications:

• ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᕐᔪᐊᒥ ᐱᔭᕆᕈᑎᖃᕐᓯᒪᓗᓂ ᐱᓇᓱᑦᑎᓕᕆᓂᕐᒥᒃ ᐊᑦᔨᐸᓱᖓᓂᓗᓐᓃᑦ;
• ᐃᑭᓐᓂᐸᐅᓗᑎᑦ ᑕᓪᓕᒣᑦ (5) ᐊᕐᕌᒍᐃᑦ ᐱᓇᓱᑦᑎᐅᓂᕆᓯᒪᔭᖏᑦ ᐊᑦᔨᐸᓱᖓᓂ ᐱᓇᓱᒐᕐᒥ;
• ᐅᖄᒍᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᓐᓂᒃ ᐱᖓᓱᐃᖑᔪᓂᑦ (3) ᐅᖃᐅᓯᕐᓂᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᒍᐃᒍᐃᑎᑐᓗ(ᓗᓐᓃᑦ);
• ᖃᕆᑕᐅᔭᕐᓂᒥᒃ ᐱᓯᑎᓪᓚᕆᐅᒋᐊᓕᒃ: Microsoft ᒪᓕᑦᑎᖏᓐᓂᓗ (Excel, Word, PowerPoint, ᐊᓯᖏᓪᓗ);
• ᐃᓄᐃᑦ, ᐱᐅᓯᑐᖃᖏᓐᓂᑦ ᐃᓗᕐᕈᓯᖓᓂᓗ ᖃᐅᔨᒪᒍᓂ ᑐᑭᓯᒪᓗᓂᓗ ᕆᐊᓕᒃ;
• ᖃᐅᔨᒪᑦᓯᐊᓗᓂ ᐱᓇᓱᑦᑎᓕᕆᕕᒻᒥ ᖃᓄᐃᓗᕈᓯᐅᓲᓂᑦ, ᐱᖁᔭᓂ, ᒪᓕᒐᕐᓂᓗ;
• ᐊᓯᒥᓂᒃ ᑐᑭᓯᒪᖃᑎᖃᕉᓐᓇᓯᐊᕐᓗᓂ, ᐃᓅᖃᑎᖃᕈᓐᓇᓯᐊᕐᓗᓂ, ᓯᕗᓕᕈᓐᓇᓯᐊᕐᓗᓂᓗ;
• ᖃᐅᔨᒪᑦᓯᐊᓗᓂ ᐱᓇᓱᑦᑎᓕᕆᓂᕐᒥ ᖃᕆᑕᐅᔭᑎᖑᑦ ᐱᓇᓱᒍᑎᓂᑦ (ᐅᑦᑑᑎᒋᓗᒋᑦ, BambooHR, Dayforce, etc.);
• ᐊᐅᓚᑦᓯᒍᓐᓇᓗᓂ ᐱᒻᒪᕆᑲᓪᓚᓂᑦ ᓇᐅᓕᒫᓄᓗ ᑐᓴᐅᒪᔭᐅᒋᐊᖃᖕᖏᑐᓂᑦ;
• ᐹᕐᓯᖓᐅᑎᓂᕐᓂ ᐱᓀᓗᑕᓂᓗ ᐋᕐᕿᒍᓐᓇᓗᓂ;
• ᐃᓂᓪᓚᑎᕆᑦᓯᐊᕈᓐᓇᓗᓂ ᐊᒥᓱᓂᓗ ᐱᓇᓱᐊᕈᓐᓇᓗᓂ.

Benefits:

ᐱᕙᓪᓕᖁᑎᖏᑦ:                   ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:

•  ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ
• ᐊᒥᓱᐃᓄᑦ ᐃᒻᒪᖃᐅᑎᑦ
• ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ
• ᖃᓂᒪᓂᕐᒧᑦ: 15 ᐅᓪᓗᐃᑦ
• ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800ᓂᑦ
• ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500
• ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500
• ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000
• ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000