Makivik Job Opportunity
ᐱᓇᓱᑦᑎᓕᕆᔨᒃ
Job Description:
ᐊᖓᔪᕐᖄᖃᕐᓱᓂ: ᐱᓇᓱᑦᑎᓕᕆᕕᐅᑉ ᑲᒪᔨᒻᒪᕆᖓᓂᒃ ᑮᓇᐅᔭᓕᕆᕕᐅᑉ ᐊᓪᓚᕕᖓᓂ
Responsibilities:
- ᐃᑲᔪᕐᓯᓗᓂ ᐱᓇᓱᑦᑎᓴᕐᓯᐅᓂᕐᓂ ᐱᓇᓱᑦᑕᐅᔪᓂᒃ, ᐃᓚᐅᑎᓪᓗᒋᑦ ᐱᓇᓱᒐᕐᓂᒃ ᓂᕕᖕᙰᓃᑦ, ᐋᕐᕿᓱᐃᓂᖅ ᐊᐱᕐᓱᑲᑦᑕᓃᑦ ᖃᖓᐅᓂᑦᓴᖏᓐᓂᒃ, ᖃᐅᔨᒋᐊᕐᕕᖃᕐᓗᓂ ᖃᐅᔨᒋᐊᕐᕕᓴᓕᐊᕕᓂᕐᓂᒃ, ᑲᒪᒋᔭᖃᕐᓗᓂ ᓄᑖᒥᒃ ᐱᓇᓱᑦᑏᑦ ᐱᓇᓱᓯᑎᓪᓗᒋᑦ;
- ᐱᐅᓕᐊᑦᓯᐊᓗᓂ ᓱᓕᑦᓯᐊᑐᓂᒃ ᓄᑖᖑᓂᕐᐹᓂᒃ ᐱᓇᓱᑦᑎᒧᓕᖓᔪᓂᒃ ᐊᓪᓚᖁᑎᖏᓐᓂᑦ ᑕᒪᒋᓐᓂᒃ ᐊᓪᓚᕕᑦᓴᓂᒃ ᖃᕆᑕᐅᔭᑎᒍᓗ HRIS-ᒥᑦᑎᓗᒋᑦ;
- ᑭᐅᖃᑦᑕᓗᓂ ᐱᓇᓱᑦᑏᑦ ᑲᒪᔨᒻᒪᕇᓗ ᖃᐅᔨᒋᐊᕈᑎᖏᓐᓂᒃ ᐱᓇᓱᒐᓕᕆᕕᒻᒥ ᐱᖁᔭᖏᓐᓂᒃ, ᐱᕙᓪᓕᖁᑎᓂᒃ, ᐃᓄᑐᖃᐅᓂᕐᒧᑦ ᕿᑲᕈᓐᓇᐅᑎᓂᒃ, ᕿᑲᕐᓂᓄᓕᖓᔪᓂᓗ ᐅᑦᑑᑎᒋᓗᒋᑦ CNESST, ᑎᒥᒥᒍᑦ ᓱᕐᖃᔦᓐᓂᖅ, ᐱᓇᓱᑦᑎᐅᑉ ᐃᒻᒪᖃᐅᑎᖓᓂᒃ;
- ᐃᑲᔪᕐᓯᓗᓂ ᐱᓇᓱᑦᑕᐅᔪᓂᒃ ᐃᑉᐱᒋᔭᖃᕐᓗᓂᓗ ᐊᕐᕌᒍᑕᒫᑦ ᐱᓇᓱᑦᑏᑦ ᖃᐅᔨᓴᕐᑕᐅᓂᖏᓐᓂᒃ, ᓈᒻᒪᓈᑦᓯᐊᑎᓗᒋᑦ ᐊᓪᓚᖁᑎᖏᑦ ᐱᔭᕆᕐᑕᐅᑎᓗᒋᑦ ᑐᓂᔭᐅᓗᑎᓗ ᖃᖓᐅᓂᖓᓂ ᑐᓂᔭᐅᕕᒋᒋᐊᓕᖓᓂ;
- ᕿᒥᕐᕈᖃᑎᐅᓗᓂ ᐱᓇᓱᒐᐅᑉ ᖃᓄᐃᓕᖓᓂᖏᓐᓂᒃ ᐃᑲᔪᕐᓯᓗᓂᓗ ᓯᕗᓪᓕᖏᓐᓂᒃ ᕿᒥᕐᕈᓂᕐᓂ ᐱᓇᓱᒐᕐᒥᒃ ᐃᑲᔪᕐᓯᓗᓂ ᐱᒍᑦᔨᕕᒻᒥ ᐊᑦᔨᒋᑦᓯᐊᕆᐊᖃᕐᓂᖏᓐᓂᒃ ᐊᒻᒪᓗ ᑮᓇᐅᑦᔭᓵᑦ ᐊᑦᔨᒋᑦᓯᐊᕆᐊᖃᕐᓂᖏᓐᓂᒃ ᐱᒋᐊᕐᑎᑕᐅᔪᓂᒃ;
- ᐃᑲᔪᕐᓯᓗᓂ ᑲᔪᓯᓕᕐᑎᑕᐅᓂᖓᓂᒃ ᑐᓴᐅᒪᔭᐅᑎᑦᓯᓂᕐᒥᓗ ᐱᓇᓱᑦᑎᓕᕆᕕᐅᑉ ᐱᖁᔭᖏᓐᓂᒃ, ᖃᓄᐃᓗᕈᓯᖏᓐᓂᒃ, ᐱᓇᓱᕝᕕᒥᓗ ᐊᑦᔨᒋᑦᓯᐊᓂᒃ ᖃᓄᐃᓘᕈᓯᖃᕐᓗᑎᒃ ᐱᒍᑦᔨᕕᓕᒫᓂ;
- ᐃᑲᔪᕐᓯᓗᓂ ᐊᑐᐃᓐᓇᕈᕐᑎᑕᐅᓂᖏᓐᓂᒃ ᐃᓕᓐᓂᐊᑎᑦᓯᓃᑦ ᐃᑉᐱᒋᔭᖃᕐᓗᓂ ᐃᓕᓐᓂᐊᕆᐊᕐᑐᓂᒃ ᒪᓕᑦᓯᐊᓗᑎᒃ ᐱᖁᔭᖏᓐᓂᒃ ᐊᒻᒪᓗ ᐃᓂᓪᓚᖓᒍᓯᐅᒋᐊᓕᓐᓂᒃ;
- ᐊᑐᐃᓐᓇᕈᕐᑎᓗᓂ ᐱᓇᓱᑦᑎᓕᕆᕕᒻᒧᓕᖓᔪᓂᒃ ᑐᓴᕐᑎᓯᒍᑎᓂᒃ ᑭᓯᑕᐅᒍᑎᖏᓐᓂᓗ ᑭᖕᖒᒪᒋᔭᐅᓕᕐᐸᑕ ᐱᓇᓱᑦᑎᓕᕆᕕᒻᒥ ᐱᓇᓱᑦᑎᖏᓐᓄᑦ ᐊᐅᓚᑦᓯᔨᓄᓗᓐᓃᑦ.
- ᐃᑲᔪᕐᓯᓗᓂ ᐊᑐᐃᓐᓇᕈᕐᑎᓂᖏᓐᓂ ᐊᓪᓚᖁᑎᖏᓐᓂᒃ ᓴᐳᑦᔨᒍᑎᓂᓗ ᐅᓐᓂᑑᑎᓕᐊᖑᔪᓂᓗ ᐃᓕᓐᓂᐊᑎᑦᓯᓂᕐᓄᓕᖓᔪᓂᒃ ᐱᕙᓪᓕᐊᑎᑦᓯᓂᕐᒥᓗ ᑮᓇᐅᔭᖁᑎᖏᓐᓂᒃ;
- ᐊᓪᓚᕕᓕᕆᓂᕐᒥ ᐃᑲᔪᕐᓯᓗᓂ ᐱᓇᓱᑦᑎᓕᕆᓂᕐᓄᓕᖓᔪᓂᒃ, ᐊᓪᓚᖁᑎᖏᑦ ᓈᒻᒪᓇᕐᑎᓯᐊᕐᓗᒋᑦ ᐊᒻᒪᓗ ᑲᒪᒋᔭᐅᒋᐊᓕᓐᓂᒃ ᑲᒪᑦᓴᐅᑎᒋᕙᓪᓗᓂ ᑎᓕᔭᐅᒍᓂ ᐱᓇᓱᑦᑎᓕᕆᕕᒻᒥ ᐃᒫᙰᕐᑎᓄᑦ ᑲᒪᔨᒻᒪᕆᓄᓗᓐᓃᑦ;
- ᐃᑲᔪᕐᓯᓗᓂ ᐱᓇᓱᑦᑕᐅᔪᓂᒃ ᐃᓂᓪᓚᑎᕆᔪᓄᑦ ᐱᓇᓱᑦᑎᓂᓗ ᐃᓚᐅᑎᑦᓯᓂᕐᓄᑦ ᐱᒋᐊᕐᑎᑕᐅᒪᔪᓂᒃ;
- ᑯᐯᒃᑯᓂ ᑲᕙᒪᑐᖃᒃᑯᓂᓗ ᐱᖁᔭᖏᑦ ᐱᓇᓱᑦᑎᓕᕆᓂᕐᓄᓕᖓᔪᐃᑦ ᒪᓕᑦᑕᐅᑎᑦᓯᐊᓗᒋᑦ ᖃᐅᑕᒫᑦ ᐱᓇᓱᑦᑎᓕᕆᕕᒻᒥ ᐃᓂᕐᕋᑎᑦᓯᓂᕐᓂ;
- ᑲᑐᑦᔨᖃᑎᖃᕐᓗᓂ ᐱᓇᓱᑦᑎᓕᕆᓂᕐᒥ ᐱᓇᓱᑦᑎᖏᓐᓂᒃ ᐃᑲᔪᕐᓯᓗᓂ ᐱᒍᑦᔨᕕᐅᑉ ᐱᓇᓱᑦᑕᖏᓐᓂᒃ ᐱᐅᓯᐅᒥᑎᑦᓯᒋᐊᖃᑎᐅᓗᓂᓗ;
- ᐊᐅᓪᓚᕈᓐᓇᓗᓂ, ᖁᔭᐅᓕᕈᓂ;
- ᐊᓯᖏᓐᓂ ᐱᓇᓱᓪᓗᓂ ᐱᓇᓱᒐᕐᒥᓄᓕᖓᔪᓂᒃ ᑎᓕᔭᐅᒍᓂᓘᓐᓃᑦ ᐊᖓᔪᕐᖄᒥᓄᑦ.
Qualifications:
- ᐱᔭᕆᕈᑎᖃᕐᓗᓂ ᐅᕝᕙᓗᓐᓃᑦ ᐃᓕᑕᕆᔭᐅᒍᑎᓂᒃ ᐱᓇᓱᑦᑎᓕᕆᓂᕐᒥ ᐊᐅᓚᑦᓯᔨᐅᓂᕐᒥᒃ, ᐊᑦᔨᐸᓱᖓᓂᓗᓐᓃᑦ ᐱᓇᓱᒐᕐᒥᒃ; ᐅᐊᕈᑎᒋᒃᑯᑎᑦ ᐃᓕᓐᓂᐊᓯᒪᓂᖓ ᐊᑦᔨᐸᓱᖓᓂᓗ ᐱᓇᓱᑦᑎᐅᓯᒪᓂᖓ ᐱᐅᔪᒐᔭᕐᑐᖅ;
- ᐊᑕᐅᓯᕐᒥ (1) ᐱᖓᓱᓄᑦ (3) ᐊᕐᕌᒍᕐᓂᑦ ᐱᓇᓱᑦᓯᒪᓗᓂ ᐱᓇᓱᒐᓕᕆᔨᐅᓂᕐᒥᒃ;
- ᑐᑭᓯᒪᖃᑎᖃᕈᓐᓇᓯᐊᕐᓗᓂ ᒪᕐᕈᔪᐊᓐᓂᒃ ᐅᖃᐅᓰᕐᓂᒃ (2) ᐱᖓᓲᑎᓪᓗᒋᑦ (3) ᐅᖃᐅᓰᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓐᓃᑦ ᒍᐃᒍᐃᑎᑐᑦ;
- ᖃᕆᑕᐅᔭᒥᒃ ᐊᑐᕈᓐᓇᓯᐊᕐᓗᓂ: Microsoft Suite (Excel, Word, PowerPoint, ᐊᓯᖏᓪᓗ.);
- ᐊᑐᓕᓂᐅᓗᓂ HRIS platforms, ᐱᓗᐊᕐᑐᒥᒃ BambooHR; ᖃᐅᔨᒪᓗᓂ Dayforce (Ceridian) ᑮᓇᐅᑦᔭᓵᓕᕆᒍᑎᒥᒃ ᐱᐅᔪᒐᔭᕐᑐᖅ;
- ᑐᑭᓯᒪᑦᓯᐊᓗᓂ ᐱᓇᓱᒐᓕᕆᓂᕐᒥ ᒪᓕᒐᕐᓂᒃ ᐊᒻᒪᓗ ᐱᓇᓱᑦᑎᓕᕆᕕᒻᒥ ᐱᐅᓯᑦᓯᐊᖑᓂᕐᐹᓂᒃ;
- ᖃᐅᔨᒪᒋᐊᓕᒃ ᓄᓇᕕᒻᒥᒃ, ᐃᓄᐃᑦ ᐃᓗᕐᕈᓯᖓᓂᒃ, ᐱᐅᓯᑐᖃᖏᓐᓂᓗ.
- ᐊᓯᒥᓂᒃ ᐃᓅᖃᑎᖃᕈᓐᓇᓯᐊᕐᓗᓂ ᐊᓪᓚᒍᓐᓇᓯᐊᕐᓗᓂᓗ ᑐᓴᐅᒪᑎᑦᓯᓂᕐᒧᑦ.
- ᐃᓂᓪᓚᖓᑎᑦᓯᒍᓐᓇᓯᐊᕐᓗᓂ ᐊᐅᓚᑦᓯᒍᓐᓇᓗᓂᓗ ᐊᒥᓱᓂᒃ ᐱᓇᓱᒋᐊᓕᒻᒥᓂᒃ ᓯᕗᓪᓕᐅᔭᐅᒋᐊᓕᓐᓂᓗ.
- ᐱᓇᓱᖃᑎᖃᕈᓐᓇᓗᓂ ᐃᓗᕐᕈᓯᖃᑎᒌᖕᖏᑐᓂᒃ ᐊᑦᔨᒌᖕᖏᑐᓂᓗ ᐱᓇᓱᑦᑎᓂᒃ.
- ᐱᓇᓱᑦᑎᒪᕆᐅᑦᓯᐊᓗᓂ, ᓱᓕᑦᓯᐊᓗᓂ, ᓲᓱᑦᓴᓯᐊᕐᓗᓂᓗ ᐅᖃᔭᐅᑎᐅᒋᐊᖃᖕᖏᑐᓂᒃ.
- ᐱᐅᔪᒥᒃ ᐱᐅᓯᖃᕐᓗᓂ ᐱᓇᓱᖃᑎᒥᓄᑦ ᐱᓇᓱᑦᑎᓯᐊᖑᓗᓂᓗ.
- ᓄᐃᑕᑎᑦᓯᓗᓂ ᐃᒻᒥᓂᕿᓗᓂ ᐱᓇᓱᒍᓐᓇᓂᕐᒥᓂᒃ ᐊᒻᒪᓗ ᐱᓇᓱᖃᑎᒥᓂᒃ ᐱᓇᓱᖃᑎᖃᕈᓐᓇᓯᐊᕐᓗᓂ;
- ᐱᓂᕐᓗᓂᕐᒪᖔᑦ ᖃᐅᔨᓴᕐᑕᐅᓂᕐᒥᓂ ᐊᓂᒎᑎᓯᒪᒋᐊᓕᒃ.
Benefits:
ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:
| ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕈᑏᑦ: | ᐱᓇᓱᕝᕕᐅᑉ ᐃᑲᔪᕐᓯᒍᑎᖏᑦ 7% |
| ᐅᓪᓗᐃᑦ ᕿᑲᕐᓀᑦ: | ᐱᒋᐊᕐᕕᖃᕐᓱᑎᒃ 20ᓂᒃ ᐅᓪᓗᐃᑦ |
| ᖃᓂᒪᓂᕐᒧᑦ ᐅᓪᓗᐃᑦ: | 15 ᐅᓪᓗᐃᑦ |
| ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: | ᐅᓄᕐᓂᐹᖃᕐᓗᑎᒃ $20,800 |
| ᓂᕿᓂᒃ ᖃᖓᑦᑕᔪᒃᑰᑎᑦᓯᒍᑏᑦ: | ᐅᓄᕐᓂᐹᖃᕐᓗᑎᒃ $6,500 |
| ᐊᒥᓱᐃᖑᑦᓱᑎᑦ ᐃᒻᒪᖃᐅᑎᖏᑦ | ᐃᓅᓯᖓᓂᒃ, LTD, ᐃᓗᓯᓕᕆᔭᐅᒍᑎᒃ ᑮᒍᑎᔭᐅᓕᕆᒍᑎᓂᓗ ᐃᒻᒪᖃᐅᑏᑦ |
| ᐅᕐᓱᐊᓗᒻᒧᑦ ᐃᑲᔪᕐᓯᒍᑏᑦ: | ᐅᓄᕐᓂᐹᖃᕐᓗᑎᒃof $3,500 |
| ᐊᐅᓪᓚᕈᑏᑦ: | ᐅᓄᕐᓂᐹᖃᕐᓗᑎᒃ$25,000 |
| ᐃᓪᓗᒥᒃ ᐃᑲᔪᕐᓯᒍᑏᑦ: | ᐅᓄᕐᓂᐹᖃᕐᓗᑎᒃ $12,000 |
ᐱᓇᓱᒐᖃᕐᕕᒃ ᑐᕌᒐᖃᕐᖁᑦ ᐱᓇᓱᒐᕐᑖᑎᑦᓯᒍᒪᑦᓱᓂ ᐃᓄᑐᐃᓐᓇᓂᒃ ᐃᓚᐅᔪᓂᑦ ᔦᒥᓯ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ.
ᓇᑯᕐᒦᖁᒍᑦ ᐱᓇᓱᒐᕐᑖᕋᓱᑦᑐᓕᒫᓂᒃ ᑖᑦᓱᒥᖓ ᐱᓇᓱᒐᕐᒥᒃ.
ᐊᐱᕐᓱᑲᑦᑕᑕᐅᒐᔭᕐᑐᐃᑦ ᑭᓯᐊᓂ ᐊᓪᓚᕕᐅᓛᕐᖁᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs