Job Description:

ᐊᖓᔪᕐᖄᖃᕐᓱᓂ:                              ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓ ᐱᑦᔪᔨᕕᖓᓂᒃ ᐊᕙᑎᓕᕆᓂᐅᑉ, ᐆᒪᔪᓕᕆᓂᐅᑉ ᖃᐅᔨᓴᕐᓂᐅᓗ.

Responsibilities:

• ᑲᒪᒋᔭᖃᕐᓂᖅ ᑐᑭᒧᐊᑦᑎᓯᓗᓂᓗ ᐊᑦᔨᒌᖕᖏᑐᓂᒃ ᐱᓇᓱᐊᒐᑦᓴᓂᒃ ᐃᑲᔪᕐᓯᔪᓂᒃ ᓄᓇᓕᒻᒥ ᓄᓇᓕᓕᒫᓪᓗ ᐱᓇᓱᐊᒐᑦᓴᖏᓐᓂᒃ ᓄᓇᕕᒻᒥ, ᐱᓗᐊᕐᑐᒥ ᐱᒋᐊᕐᑎᓯᒍᑎᕕᓂᕐᓂᒃ ᐃᑉᐱᒋᔭᓕᓐᓂᒃ ᓯᓚᐅᑉ ᐊᓯᑦᔨᓯᒪᓕᕐᓂᖓᑕ ᐋᕐᕿᒋᐊᕐᓂᒍᑏᑦ ᐊᒻᒪᓗ ᖃᓄᐃᓘᒋᐊᕆᒍᑏᑦ, ᐊᕙᑎᓕᕆᓂᕐᒥᒃ ᖃᐅᔨᓴᕐᓂᖅ  ᐊᒻᒪᓗ ᐱᕕᑦᓴᖃᕐᓂᖅ ᐃᒪᑐᐃᓐᓇᑖᕐᕕᓴᒥᑦ.
• ᐱᕙᓪᓕᐊᑎᓗᒋᑦ, ᐋᕐᕿᓱᕐᓗᒋᑦ, ᐊᒻᒪᓗ ᑐᓂᐅᕐᖃᓗᒋᑦ ᓇᓗᓀᔭᕐᓯᒪᑦᓯᐊᑎᓗᒋᑦ ᐱᔭᐅᑦᓴᐅᑎᒋᒍᓐᓇᑐᓂᒃ ᐱᓇᓱᐊᒐᑦᓴᓄᑦ ᐱᒐᓱᐊᕐᓂᒧᑦ ᑕᑕᕐᓴᒐᐃᑦ, ᒪᓕᒐᑦᓴᐃᓗ, ᐊᒻᒪᓗ ᑐᓴᕐᑎᓯᓂᕐᒧᑦ ᐆᑦᑐᕋᐅᑎᓕᐅᕐᓂᓗᓂ ᓄᓇᓕᓐᓄᑦ ᓄᓇᓖᓪᓗ ᑎᒥᖁᑎᖏᓐᓄᑦ.
• ᐊᐅᓚᓗᒍ ᐃᓘᓐᓇᓯᐊᖓ ᐱᓇᓱᐊᕐᑎᓯᒍᑏᑦ ᐱᔭᐅᒐᓱᐊᕈᑎᖓᑕ ᐊᑐᕐᑕᐅᒍᓯᖓ, ᐃᓚᐅᑎᓪᓗᒋᑦ ᓂᐅᕕᕈᑎᕕᓃᑦ, ᕿᒥᕐᕈᒋᐊᓪᓛᓂᖅ, ᐊᒻᒪᓗ ᐃᓂᓪᓚᑎᕆᓂᖅ ᑐᓂᔭᐅᒍᑎᕕᓂᕐᓂᒃ ᐋᕐᕿᓱᕐᓯᒪᔪᓂ ᑲᑎᕐᓱᐊᑯᕕᒻᒦᑐᓂᒃ.
• ᐱᓇᓱᐊᖃᑦᑕᓗᒋᑦ ᐱᒋᐊᖕᖓᐅᑎᓂᒃ ᖃᐅᔨᓴᕐᓂᒥᒃ ᐊᒻᒪᓗ ᓇᐅᑦᓯᑐᐃᓂᕐᓂᒃ ᐱᓇᓱᐊᒐᑦᓭᑦ ᐱᔭᐅᒐᓱᐊᕈᑎᖏᓐᓂ ᐱᕕᑦᓴᖃᑦᓯᐊᖁᓗᒋᑦ ᓱᓇᒥᓐᓂᖏᑦ ᒪᓕᓐᓂᖏᓪᓗ ᐱᓇᓱᐊᒐᑦᓭᑦ ᒪᓕᒐᐅᑎᑕᐅᓂᖏᓐᓂᑦ.
• ᐊᑐᐃᓐᓇᕈᕐᑎᖃᑦᑕᓗᒋᑦ ᓇᓗᓀᔭᕐᓯᒪᔫᑎᓪᓗᒋᑦ ᓀᓈᕐᑎᓯᒪᔪᑦ, ᐃᒣᓕᖓᒐᔭᕐᖂᒫᕈᑎᓂᒃ ᕿᒥᕐᕈᒋᐊᓪᓛᑏᑦ ᑲᑎᒪᔨᖏᓐᓄᑦ ᑲᑎᒪᔨᖃᕐᓱᑎᑦ ᐃᓗᐊᒍᑦ ᐱᓇᓱᑦᑎᓂᒃ, ᓄᓇᓕᐅᑉ ᑭᒡᒐᑐᕐᑎᖓᓂᒃ, ᓯᓚᑖᒍᓪᓗ ᖃᐅᔨᒪᔪᓪᓚᕆᓐᓄᑦ.
• ᑐᑭᒧᐊᑦᑎᓯᓯᑦᐊᖃᑦᑕᓗᓂ ᓄᐃᑕᑦᓯᐊᑐᓂᒃ ᕿᒥᕐᕈᒋᐊᓪᓛᓂᕐᓂᒃ ᑐᑭᑖᕆᓂᒃᑯᓗ ᖃᓄᐃᓘᕐᑕᐅᒍᓯᖏᓐᓂᒃ ᑮᓇᐅᔭᖃᕐᑎᑕᐅᓂᕐᓄᑦ ᐱᒐᓱᐊᕐᓂᔪᓄᑦ.
• ᑐᓴᐅᒪᑎᑦᓯᒍᓐᓇᓗᓂ ᐱᓇᓱᐊᕐᑎᓯᒍᑏᑦ ᑐᑭᑖᕐᑕᐅᓂᖏᓐᓂᑦ ᐊᒻᒪᓗ ᐅᑎᕐᕕᖃᖃᑦᑕᓂᖅ ᐱᒐᓱᐊᕐᑐᓂᒃ ᓈᒻᒪᓈᒐᓱᐊᕐᑐᑯᑦ, ᓲᓱᒋᔭᓕᒃᑯᑦ, ᐊᒻᒪᓗ ᐱᔪᓐᓇᐅᑎᖃᕐᓂᑯᑦ.
• ᑐᓴᐅᒪᖃᑎᖃᑦᓯᐊᖏᓐᓇᓕᒫᕐᓗᓂ ᓄᓇᕕᐅᑉ ᑎᒥᖁᑎᖏᓐᓂ, ᓄᓇᓕᖏᓐᓂᑦ, ᐊᒻᒪᓗ ᐊᓯᖏᓐᓂ ᐃᓚᐅᔫᔪᓂᒃ ᑐᓂᓯᓂᒃᑯᑦ ᐱᓪᓗᑯᒋᐊᓕᓐᓂᒃ ᐃᑲᔪᕐᓯᓂᕐᒥᒃ ᐊᒻᒪᓗ ᑭᐅᒍᑎᖃᖃᑦᑕᓂᒃᑯᑦ ᐊᐱᕆᐅᑎᐅᓯᒪᔪᓂᒃ.
• ᐃᑲᔪᖃᑦᑕᓗᒋᑦ ᐱᒐᓱᐊᕐᑐᐃᑦ ᐱᓇᓱᐊᒐᑦᓴᐅᑉ ᑲᔪᓯᓂᓕᒫᖓᓂ, ᐃᓚᐅᑎᓪᓗᒍ ᒪᓂᔨᒍᑎᓂᒃ ᐋᕐᕿᓱᐃᓂᖅ, ᐱᒐᓱᐊᕐᑐᓂᒃ ᐱᔭᕇᕐᓂᖅ, ᐊᒻᒪᓗ ᑐᓴᕐᑎᓯᓂᕐᒧᑦ ᐱᖁᔭᐅᔪᑦ.
• ᐃᑲᔪᖃᑎᒌᖃᑎᒋᓗᒋᑦ DEWR-ᑯᑦ ᐱᓇᓱᐊᖃᑎᒌᖏᑦ ᐊᒻᒪᓗ ᑮᓇᐅᔭᓕᕆᓂᕐᒥᒃ ᐱᑦᔪᔨᕕᒃ ᐃᑉᐱᒋᔭᖃᕐᓂᒧᑦ ᐱᓇᓱᐊᕐᑎᓯᒍᑏᑦ ᑐᕌᒐᖏᓐᓂᑦ, ᐃᑉᐱᒋᔭᖃᖏᓐᓇᓂᕐᒧᑦ ᑮᓇᐅᔭᕐᑐᕈᑎᓂᒃ, ᐊᒻᒪᓗ ᐸᓯᔭᑦᓴᖃᕐᑎᓯᑦᑌᓕᑎᑦᓯᓂᕐᓗ ᑮᓇᐅᔭᓕᕆᓂᕐᒨᓕᖓᔪᓂᒃ.
• ᐃᑲᔪᕐᓯᖃᑦᑕᓗᓂ ᑐᓴᕐᑎᓯᒍᑎᓕᐅᕐᓂᒥᒃ ᐊᓪᓚᓯᒪᔪᓕᐅᕐᓂᒥᓪᓗ ᐱᓇᓱᐊᕐᑎᓯᒍᑏᑦ ᖃᓄᐃᓕᖓᐅᓯᕆᔭᕕᓂᖏᓐᓂᒃ, ᐊᑦᓱᕉᑎᐅᓚᐅᕐᑐᓂᒃ, ᐊᒻᒪᓗ ᑲᔪᓯᑦᓯᐊᓂᖃᓚᐅᕐᑐᓂᒃ ᐃᓗᐊᒍᑦ ᓯᓚᑖᒍᓪᓗ ᐱᑦᔪᑎᖃᕐᑐᓄᑦ.
• ᐃᓚᐅᖃᑦᑕᓗᓂ ᐱᑦᔪᔨᕕᐅᑉ ᑲᑎᒪᓂᖏᓐᓂ, ᐸᕐᓇᓂᕐᒧᑦ ᑲᑎᒪᓂᕐᓂᒃ, ᐊᒻᒪᓗ ᓄᓇᓕᒻᒥ ᑲᑎᓯᓂᕐᒧᑦ ᓱᖃᑦᓯᐅᑎᓂᒃ ᓲᖑᓯᒋᐊᕆᒐᓱᐊᕐᓂᒧᑦ ᐱᓇᓱᐊᕐᑎᓯᒍᑏᑦ ᐱᓇᓱᐊᕐᑎᓯᒍᑕᐅᓂᖏᓐᓂᒃ ᐊᒻᒪᓗ ᓇᓪᓕᖁᐊᒌᓕᕐᑎᑕᐅᓂᖏᒍᑦ ᒪᑭᕝᕕᑯᑦ ᖃᓄᕐᑑᓂᕐᒥ ᑐᕌᒐᕆᔭᖏᓐᓄᑦ.
• ᐱᓇᓱᐊᖃᑦᑕᓗᒋᑦ ᐊᓯᖏᑦ ᐱᓇᓱᒐᖓᓄᑦ ᐱᔭᑦᓴᐅᐅᔪᑦ ᖁᔭᐅᓕᕈᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓄᑦ.
• ᐊᐅᓪᓚᒍᓐᓇᓗᓂ, ᖁᔭᐅᓕᕈᓂ.

Qualifications:

• ᐃᑭᓐᓂᐸᐅᑎᓪᓗᒍ ᐃᓕᓐᓂᐊᕕᒻᒪᕆᒻᒥ ᐱᔭᕇᒍᑎᖃᕐᓂᖅ ᐊᐅᓚᑦᓯᓂᓕᕆᓂᕐᒥᒃ, ᐊᕙᑎᓕᕆᓂᕐᒥᒃ ᐃᓕᓐᓂᐊᓯᒪᓂᕐᒥᒃ, ᐅᕝᕙᓘᓐᓃᑦ ᐊᑦᔨᐸᓱᖓᓂᒃ ᐱᓇᓱᒐᕐᒥᒃ.
• ᐃᑭᓐᓂᐸᐅᑎᓪᓗᒋᑦ ᒪᕐᕉᒃ (2) ᐊᕐᕌᒎᒃ ᐱᓇᓱᑦᓯᒪᓂᖓ ᐊᐅᓚᑦᓯᓂᓕᕆᓂᕐᒥᒃ ᐃᑲᔪᕐᓯᒍᓐᓇᓂᕐᒥᒃ, ᐱᓇᓱᐊᒐᑦᓴᓂᒃ ᑐᑭᒧᐊᑦᓯᑎᓂᕐᒥᒃ, ᐅᕝᕙᓘᓐᓃᑦ ᐊᓪᓚᑎᐅᑉ ᐱᓇᓱᐊᒐᖏᓐᓂᒃ ᐱᓇᓱᐊᕈᓐᓇᓗᓂ.
• ᐱᓇᓱᐊᕐᓯᒪᓗᓂ ᐱᓇᓱᐊᒐᑦᓴᐅᔪᓂᒃ ᐊᐅᓚᑦᓯᓂᕐᒥᒃ, ᑮᓇᐅᔭᖃᕐᑎᑕᐅᓂᕐᒧᑦ ᐱᒐᓱᐊᒍᑎᓕᕆᓂᕐᒥᒃ, ᐊᒻᒪᓗ ᑐᓴᕐᑎᓯᒍᑎᓂᒃ ᐊᓪᓚᒍᓐᓇᓯᒪᓂᖅ.
• ᐱᓇᓱᖃᑎᖃᕐᓯᒪᓂᖅ ᑐᕃᓐᓇᑐᒥᒃ ᓄᓇᕕᐅᑉ ᓄᓇᓕᖏᓐᓂᑦ ᐅᕝᕙᓘᓐᓃᑦ ᐊᓯᖏᓐᓂ ᐅᑭᐅᕐᑕᑐᒦᑦᑐᓂᒃ ᓄᓇᓕ ᐱᐅᒋᔭᐅᑦᓴᖑᐊᕋᔭᕐᒥᔪᖅ.
• ᓲᖑᔪᑦᓯᐊᒥᒃ ᖃᕆᑕᐅᔭᓕᕆᒍᓐᓇᓗᓂ, ᐃᓚᐅᑎᓪᓗᒋᑦ ᐅᑯᐊ Microsoft Word, Excel, PowerPoint, Outlook, Teams, and Zoom.
• ᑐᑭᓯᒪᓂᖅ ᐃᓄᐃᑦ ᐃᓕᕐᖁᓯᖓᓂᒃ, ᐃᓪᓕᕆᔭᖏᓐᓂᒃ, ᐊᒻᒪᓗ ᐱᐅᓯᕆᓯᒪᔭᖏᓐᓂᒃ, ᐱᓗᐊᕐᑐᒥ ᓄᓇᕕᒻᒥᐅᑕᓂᕐᓴᓂᒃ.
• ᐅᖃᕈᓐᓇᓯᐊᕆᐊᓕᒃ ᖃᓪᓗᓈᑎᑐᑦ ᐃᓄᑦᑎᑐᓪᓗ; ᐅᐃᒍᐃᑎᑑᕈᓐᓇᕈᓂ ᐱᐅᔫᒐᔭᕐᒥᔪᖅ.
• ᓲᖑᔪᑦᓯᐊᒥᒃ ᐃᓂᓪᓚᑎᕆᒍᓐᓇᕕᖃᕐᓗᓂ ᐅᓪᓗᓯᐅᕈᑎᑦᓴᓂᓪᓗ ᐊᐅᓚᑦᓯᓂᕐᒥᒃ ᐱᒍᓐᓇᓂᖃᑦᓯᐊᓗᓂ, ᐱᒍᓐᓇᓂᖃᕐᓗᓂᓗ ᐊᐅᓚᑦᓯᓂᕐᒥᒃ ᐊᒥᓱᓂᒃ ᐱᓇᓱᐊᒐᑦᓴᓂᒃ ᐃᓱᓕᕝᕕᒋᔭᐅᔪᓂᓪᓗ ᑎᑭᐅᑎᑦᓯᐊᒍᓐᓇᓂᖃᕐᓗᓂ.
• ᐊᓪᓚᓯᑎᒻᒪᕆᐅᓗᓂ ᐅᖃᓕᒪᓂᒃᑯᓗ ᑐᓴᐅᖃᑎᒌᖃᑦᑕᐅᑎᒍᓐᓇᓂᖓ ᐱᐅᔪᒻᒪᕆᐅᓗᑎᒃ, ᐱᒍᓐᓇᓂᖃᑦᓯᐊᓗᓂᓗ ᐅᖃᓕᒪᖃᑎᖃᕈᓐᓇᓂᕐᒥᒃ ᓈᒻᒪᓈᑦᓯᐊᑐᒃᑯᑦ ᓄᓇᓕᒻᒥᐅᖑᔪᓂᒃ, ᑲᕙᒪᒃᑯᑦ ᐱᓇᓱᑦᑎᖁᑎᖏᓐᓂᒃ, ᐊᒻᒪᓗ ᐱᓪᓗᑯᑦᑐᓕᕆᓂᕐᒥᒃ ᖃᐅᔨᒪᔪᓪᓚᕆᓐᓂᒃ.
• ᐃᑉᐱᒋᔭᖃᑦᓯᐊᕈᓐᓇᓗᓂ ᐃᓗᓕᕆᔭᐅᔪᓂᒃ, ᓈᒻᒪᓈᕐᑐᓂᒃ, ᐊᒻᒪᓗ ᐊᔪᐃᓐᓇᓂᖃᕐᓗᓂ ᑐᑭᖃᕐᑎᓯᑦᓯᐊᓂᕐᒥᒃ ᐸᓯᔭᑦᓴᐅᒍᓐᓇᕆᐊᕐᒥᓂᓪᓗ.
• ᐱᒍᓐᓇᓂᖃᑦᓯᐊᓗᓂ ᐱᓇᓱᐊᕈᓐᓇᓂᕐᒥᒃ ᑕᒪᒋᓐᓂᒃ ᐃᒻᒥᒍᑦ ᐃᑲᔪᕐᑎᒌᖃᑕᐅᓂᒃᑯᓗ ᐱᓇᓱᐊᑎᒌᓐᓂᑯᑦ ᐱᓇᓱᕝᕕᖃᕐᑐᓂᒃ.
• ᐋᕐᕿᒋᐊᕐᕈᓐᓇᕕᖃᕐᓗᓂ ᐱᒍᒪᓂᖃᑦᓯᐊᓗᓂᓗ ᐊᐅᓪᓚᑲᑦᑕᕈᓐᓇᓂᕐᒥᓂᒃ ᓄᓇᕕᐅᑉ ᓄᓇᓕᖏᓐᓄᑦ ᖁᔭᐅᓕᑐᐊᕈᓂ.
• ᐊᑦᑕᓀᑦᑐᒦᒋᐊᖃᕐᓂᒧᑦ ᖃᐅᔨᓴᕐᑕᐅᓂᖃᕆᐊᓕᒃ.

Benefits:

ᐱᕙᓪᓕᖁᑎᓕᒫᓂᒃ ᐊᑐᐃᓐᓇᐅᑎᑕᐅᔪᓂᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓇᓗᓀᕐᑕᐅᒪᔪᓂᒃ ᒪᑭᕝᕕᑯᑦ ᐱᓇᓱᑦᑎᓄᑦ ᒪᓕᒐᓕᐊᕆᓯᒪᔭᖏᑦ