Makivik Job Opportunity
ᐱᓂᐊᕈᑎᒥᒃ ᑲᒪᔨᒻᒪᕆᒃ
Job Description:
ᐊᖓᔪᕐᖄᖓ: ᑐᑭᒧᐊᑦᑎᓯᔨ – ᐊᖓᔪᕐᖄᑉ ᐊᓪᓚᕕᖓᓂ
Responsibilities:
- ᐊᖓᔪᕐᖄᑉ ᐊᓪᓚᕕᖓᓂ ᐃᓚᐅᓪᓚᕆᓪᓗᓂ, ᐱᓂᐊᕈᑎᒥᒃ ᑲᒪᔨᒻᒪᕆᒃ ᐱᓇᓱᖃᑎᖃᓚᖓᔪᖅ ᐊᑦᑐᐊᔪᓂᒃ ᐱᓇᓱᕝᕕᓂᒃ ᑲᔪᓯᓕᕐᑎᓯᓗᓂ ᕿᒻᒦᑦ ᑐᖁᕋᕐᑕᐅᓂᕕᓂᖓᓄᑦ ᑮᓇᐅᔭᕐᑖᖑᓯᒪᔪᓂᒃ ᓄᓇᕕᒻᒥ, ᐃᓚᖃᕐᑎᓗᒍ ᐊᑐᐃᓐᓇᕈᑦᑎᕆᓂᕐᒥᒃ ᓴᑐᕐᕕᐅᑎᑦᓯᒍᑎᓂᒃ ᐊᒻᒪᓗ ᐋᕐᕿᓱᐃᓂᕐᒥᒃ ᐱᓂᐊᕐᓂᖃᕈᑎᑦᓴᓂᒃ ᓄᓇᓖᑦ ᐃᓚᒋᓗᒋᑦ;
- ᐊᐅᓚᑦᓯᓂᖅ, ᐸᕐᓇᓂᖅ ᐊᒻᒪᓗ ᐃᑉᐱᒍᓱᑦᑎᐅᓂᖅ ᓄᓇᓕᓐᓂᒃ ᐃᓱᒪᑦᓴᓯᐅᕐᓂᒍᑎᓂᒃ ᕿᒻᒦᑦ ᑐᖁᕋᕐᑕᐅᓂᕕᓂᖓᓄᑦ ᓴᑐᕈᑏᑦ ᑮᓇᐅᔦᑦ ᐱᑦᔪᑎᒋᓗᒋᑦ, ᑐᓴᕐᑎᓯᒍᐊᕐᑑᕙᓪᓗᓂ ᑐᑭᒧᐊᑦᑎᓯᔨᒥᒃ ᐊᖓᔪᕐᖄᑉ ᐊᓪᓚᕕᖓᓂ;
- ᑲᒪᔨᐅᓂᖅ ᐱᓇᓱᖃᑎᒌᓂᒃ ᒪᑭᕝᕕᐅᑉ ᐃᓗᐊᓂ ᐃᑲᔪᖃᑦᑕᓚᖓᔪᓂᒃ ᓄᓇᓕᓐᓂᒃ ᑲᒪᒍᑎᓂᒃ, ᐃᓚᖃᕐᑎᓗᒍ ᐊᐅᓚᑦᓯᓂᕐᒥᒃ ᐱᓇᓱᑦᑎᓂᒃ ᐊᒻᒪᓗ ᐃᓱᒪᓕᐅᕐᑎᓂᒃ. ᐱᓂᐊᕈᑎᒥᒃ ᑲᒪᔨᒻᒪᕆᒻᒧᑦ ᐊᐅᓚᑕᐅᓗᑎᒃ, ᐱᓇᓱᖃᑎᒌᑦ ᓄᓇᓕᓐᓂᒃ ᐃᓚᐅᑎᑦᓯᓂᕐᒥᒃ ᕿᒻᒦᑦ ᑐᖁᕋᕐᑕᐅᓂᕕᓂᖓᓂᒃ ᑲᒪᓂᕐᒧᑦ ᐃᒣᓘᕐᓂᐊᑐᑦ:
- ᐊᐅᓪᓚᕈᑎᑦᓴᓕᕆᓂᖅ ᐊᒻᒪᓗ ᐊᐅᓪᓚᖃᑦᑕᓂᖅ ᓄᓇᕕᒻᒥ ᓄᓇᓕᓐᓄᑦ ᐊᑯᓓᑦᑐᒥᒃ;
- ᑐᕃᓐᓇᑐᒥᒃ ᑐᑭᒧᐊᑦᑎᓯᔨᐅᓂᖅ ᓄᓇᓖᑦ ᐃᓚᐅᖃᑕᐅᓂᖓᓂᒃ ᑲᔪᓯᑎᑦᓯᒍᑎᓂᒃ;
- ᓴᖑᐊᑦᓯᓂᖅ ᓄᓇᓕᓐᓂ ᓱᕐᖁᐃᓴᕐᓂᐅᑉ ᐱᓇᓱᑦᑕᐅᓂᖓᓂᒃ ᐊᑕᐅᓯᐅᓈᕐᑎᑐᑦ ᕿᒻᒥᖃᕐᓯᒪᔪᑦ ᐱᑦᔪᑎᒋᓗᒋᑦ ᓄᑕᐅᓯᓕᑎᕆᓗᑎᓪᓗ ᕿᒻᒥᖃᕐᓯᒪᔪᓂᒃ ᓈᓭᒪᒍᑎᓂᒃ;
- ᐃᑉᐱᒍᓱᑦᑎᐅᓂᖅ ᓄᓇᓖᑦ ᐃᓚᐅᓂᖓᓂᒃ ᑲᔪᓯᑎᑦᓯᒍᑎᓂᒃ ᑎᒥᐅᑉ ᐃᓗᐊᒍᑦ ᓯᓚᑖᒍᓪᓗ, ᐃᓚᖃᕐᑎᓗᒍ ᐱᓇᓱᖃᑎᒌᓂᒃ ᑲᑎᒪᑎᑦᓯᖃᑦᑕᓂᕐᒥᒃ;
- ᑲᒪᒋᐊᓕᒃ ᓄᓇᓕᓐᓂᒃ ᐃᓱᒪᑦᓴᓯᐅᕈᑎᓂᒃ ᐱᑦᔪᑎᖃᕐᑎᓗᒋᑦ ᐱᓂᐊᕈᑎᓂᒃ ᐋᕐᕿᓱᕐᑕᐅᓚᖓᔪᓂᒃ, ᐊᒻᒪᓗ ᐱᓂᐊᕈᑎᐅᑉ ᑲᔪᓯᑎᑕᐅᓂᖓᑕ ᐸᕐᓇᓯᒪᐅᑎᖓᓂᒃ ᐋᕐᕿᓱᐃᓂᖅ ᓄᓇᓖᑦ ᐃᓚᒋᓗᒋᑦ;
- ᐅᐊᕈᑎᓕᒃ ᓈᓭᒪᒍᑎᓕᐅᕐᓂᒥᒃ ᐱᒍᑦᔨᒍᑎᓂᒃ ᐊᑦᑐᐊᔪᓂᒃ ᐱᓂᐊᕈᑎᐅᑉ ᑲᒪᒋᔭᖏᓐᓄᑦ, ᓄᓇᕕᐅᑉ ᐃᓘᓐᓇᖓᓂ;
- ᐱᓇᓱᖃᑎᖃᑦᓯᐊᓂᖅ, ᐱᓇᓱᒉᑦ ᐊᑦᔨᒌᖕᖏᑐᑦ ᐊᑦᑐᐊᓗᒋᑦ, ᓄᓇᓕᓐᓂᒃ, ᓄᓇᕕᒻᒥ ᓄᓇᓕᓕᒫᓄᑦ ᑎᒥᐅᔪᓂᒃ, ᐊᓯᖏᓐᓂᓗ ᐱᓇᓱᖃᑕᐅᒻᒥᔪᓂᒃ;
- ᐱᓇᓱᖃᑕᐅᓂᖅ ᐊᓯᓄᑦ ᒪᑭᕝᕕᐅᑉ ᐱᓇᓱᕝᕕᖏᓐᓄᑦ, ᑌᒣᒋᐊᖃᕐᓂᖓ ᒪᓕᓪᓗᒍ, ᓴᖑᐊᑦᓯᖃᑎᒋᓗᒋᑦ ᐊᒻᒪᓗ ᓴᓇᖃᑎᒋᓗᒋᑦ ᓇᐅᑐᐃᓐᓇᓄᑦ-ᓯᐊᒻᒪᑎᑦᓯᓂᕐᒥᒃ ᐱᒋᐊᕐᑎᑕᐅᔪᓂᒃ ᐊᒻᒪᓗ ᐱᓂᐊᕈᑎᓂᒃ, ᐃᓚᖃᕐᑎᓗᒍ ᑐᕌᒐᓕᐅᕐᓂᒥᒃ ᐊᒻᒪᓗ ᐸᕐᓇᓯᒪᐅᑎᓕᐅᕐᓂᒥᒃ ᐱᓇᓱᖃᑎᖃᕐᓗᓂ ᑮᓇᐅᔭᓕᕆᕕᒻᒥᒃ, ᐱᖁᔭᓕᕆᕕᒻᒥᒃ, ᓇᑉᐸᑎᕐᓯᒪᔪᓕᐅᕐᓂᒥᒃ ᐱᓇᓱᖃᑎᒌᓂᒃ ᐊᒻᒪᓗ EDD-ᒥᒃ;
- ᐱᕙᓪᓕᐊᓂᖅ ᒪᑭᑕᑦᓯᖏᓐᓇᓗᓂᓗ ᓱᕙᓪᓕᓇᕐᑐᓂᒃ ᑲᒪᒋᐅᑎᒍᑎᓂᒃ ᐃᓚᖃᕐᓗᓂ ᓯᕗᓕᕐᑎᓂᒃ, ᐃᓄᑐᖃᕐᓂᒃ, ᐊᒻᒪᓗ ᓄᓇᓕᓐᓂ ᑎᒥᐅᔪᓂᒃ;
- ᑲᔪᓯᑎᑦᓯᖃᑦᑕᓂᖅ ᑕᑯᑎᑦᓯᒍᑎᓂᒃ, ᐅᖄᖃᑦᑕᓂᖅ ᓄᓇᓖᑦ ᐊᒻᒪᓗ ᓄᓇᓕᓕᒫᑦ ᓈᓚᐅᑎᖏᑎᒍᑦ;
- ᐸᕐᓇᓂᖅ, ᑐᕌᒐᓕᐅᕐᓂᖅ, ᐊᒻᒪᓗ ᐱᓇᓱᑦᑕᐅᔪᓂᒃ ᑐᓴᕐᑕᐅᑎᑦᓯᓂᖅ ᐊᑦᑐᐊᔪᕐᑎᒍᑦ ᕿᒻᒦᑦ ᑐᖁᕋᕐᑕᐅᓂᕕᓂᖓᓄᑦ ᒪᒥᐅᑎᓂᕐᒥᒃ ᐱᓂᐊᕈᑎᒧᑦ;
- ᐱᓇᓱᖃᑕᐅᓂᖅ ᒪᑭᕝᕕᐅᑉ ᑐᓴᕋᑦᓴᓂᒃ ᐱᓇᓱᕝᕕᖓᓄᑦ ᖃᐅᔨᒪᑎᑦᓯᐊᓗᒋᑦ ᙯᔪᓂᒃ ᓇᓪᓕᐅᑎᓛᕐᑐᓂᒃ ᐊᒻᒪᓗ ᖃᖓᐅᓕᕐᐸᑦ ᑲᔪᓯᑎᑦᓯᓛᕐᓂᖏᓐᓂᒃ ᐱᓂᐊᕈᑎᒥᒃ;
- ᑐᓴᕐᑎᓯᖃᑦᑕᓂᖅ ᐊᒻᒪᓗ ᑕᑯᑎᑦᓯᖃᑦᑕᓂᖅ ᒪᑭᕝᕕᐅᑉ ᐳᕐᑐᓂᕐᓴᖏᓐᓂᒃ, ᑲᑎᒪᔨᖏᓐᓂᒃ ᐊᒻᒪᓗ ᑲᑎᒪᓂᒻᒪᕆᒻᒥᒃ;
- ᐊᐅᓪᓚᕈᓐᓇᓗᓂ, ᕆᐊᖃᕈᓂ;
- ᐊᓯᖏᓐᓂᑦ ᐱᓇᓱᒍᓐᓇᓗᓂ ᐱᓇᓱᑦᑕᐅᖁᔭᓂᑦ ᐊᖓᔪᕐᖄᒥᓄᑦ.
Qualifications:
- ᐳᕐᑐᓂᕐᓭᑦ ᑭᖑᓂᐊᓂ ᐃᓕᑦᓯᒪᐅᑎ ᐅᕝᕙᓘᓐᓃᑦ ᐊᑭᑦᓯᔪᒥᒃ ᐱᓇᓱᑦᑎᐅᓯᒪᓂᖅ ᐃᓕᑕᕆᔭᐅᓚᖓᔪᑦ;
- ᓯᑕᒪᑦ (4) ᑎᑭᓪᓗᒍ ᐱᖓᓲᔪᕐᑐᓄᑦ (6) ᐊᕐᕌᒍᓄᑦ ᐱᓇᓱᓕᓂᐅᓂᖅ ᐊᑦᑐᐊᔪᒥ ᐱᓇᓱᒐᕐᒥ;
- ᐅᖄᒍᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᓐᓂᒃ ᐱᖓᓱᐃᖑᔪᓂᑦ (3) ᐅᖃᐅᓯᕐᓂᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᒍᐃᒍᐃᑎᑐᓗ(ᓗᓐᓃᑦ);
- ᖃᕆᑕᐅᔭᕐᓂᒥᒃ ᐱᓯᑎᓪᓚᕆᐅᒋᐊᓕᒃ: Microsoft ᒪᓕᑦᑎᖏᓐᓂᓗ (Excel, Word, PowerPoint, ᐊᓯᖏᓪᓗ);
- ᐃᓄᐃᑦ ᐱᐅᓯᑐᖃᖏᓐᓂᒃ ᐊᒻᒪᓗ ᐃᓗᕐᖁᓯᖓᓂᒃ ᖃᐅᔨᒪᓂᖅ ᐊᒻᒪᓗ ᑐᑭᓯᒪᓂᖅ, ᐱᒻᒪᕆᐅᕗᑦ;
- ᓂᑲᓇᕋᓂ ᐅᖃᖃᑎᖃᕈᓐᓇᓂᖅ, ᐃᓚᖃᕐᑎᓗᒍ ᐃᓄᓕᒫᑦ ᓵᖓᓂ ᐅᖄᓂᕐᒥᒃ;
- ᓂᑲᓇᕋᓂ ᓄᓇᓕᒻᒥᒃ ᐅᐸᓗᙰᔭᕐᑎᓯᒍᓐᓇᓂᖅ;
- ᐃᓂᓪᓚᖓᓯᑎᐅᓂᖅ, ᐊᒥᓱᐃᓕᕐᕿᖓᔪᓂᒃ ᐱᓇᓱᒍᓐᓇᓂᖅ, ᐊᔪᐃᓐᓇᓗᓂ ᐱᓇᓱᓲᖑᓂᖅ;
- ᓂᑲᓇᕋᓂ ᐅᓪᓗᑎᒍᑦ ᐱᕕᑦᓴᖃᕐᓂᒥᒃ ᐊᐅᓚᑦᓯᓲᖑᓂᖅ, ᐅᐃᒪᑎᑕᐅᓗᓂ ᐱᓇᓱᒍᓐᓇᓂᖅ, ᐊᒻᒪᓗ ᐋᕐᕿᒋᐊᕐᑕᕈᓐᓇᓂᖅ;
- ᐱᓇᓱᑦᑎᓂᒃ ᐊᐅᓚᑦᓯᓕᓂᐅᓂᖅ;
- ᐃᑲᔪᕐᑎᖃᓚᖓᔪᖅ ᐱᓇᓱᖃᑎᒌᓂᒃ;
- ᑲᑦᓱᙰᑦᑐᖅ ᐃᓱᒪᖓ, ᐃᓱᐃᓪᓕᕈᑕᐅᒍᓐᓇᑐᓂᒃ ᐅᖄᒍᑎᓂᒃ ᑲᒪᒍᓐᓇᓱᓂ;
- ᐱᓇᓱᓕᓂᐅᓂᖅ ᐱᓇᓱᐊᑦᓴᓂᒃ ᐸᕐᓇᓂᕐᒥᒃ ᐊᒻᒪᓗ ᑲᔪᓯᓕᕐᑎᓯᓂᕐᒥᒃ.
Benefits:
ᐱᕙᓪᓕᖁᑎᓕᒫᓂᒃ ᐊᑐᐃᓐᓇᐅᑎᑕᐅᔪᓂᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓇᓗᓀᕐᑕᐅᒪᔪᓂᒃ ᒪᑭᕝᕕᑯᑦ ᐱᓇᓱᑦᑎᓄᑦ ᒪᓕᒐᓕᐊᕆᓯᒪᔭᖏᑦ
ᐱᓇᓱᒐᖃᕐᕕᒃ ᑐᕌᒐᖃᕐᖁᑦ ᐱᓇᓱᒐᕐᑖᑎᑦᓯᒍᒪᑦᓱᓂ ᐃᓄᑐᐃᓐᓇᓂᒃ ᐃᓚᐅᔪᓂᑦ ᔦᒥᓯ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖏᓐᓄᑦ.
ᓇᑯᕐᒦᖁᒍᑦ ᐱᓇᓱᒐᕐᑖᕋᓱᑦᑐᓕᒫᓂᒃ ᑖᑦᓱᒥᖓ ᐱᓇᓱᒐᕐᒥᒃ.
ᐊᐱᕐᓱᑲᑦᑕᑕᐅᒐᔭᕐᑐᐃᑦ ᑭᓯᐊᓂ ᐊᓪᓚᕕᐅᓛᕐᖁᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs