Makivik Job Opportunity
ᐃᕐᖃᑐᐃᕕᒻᒥ ᐱᓇᓱᑦᑎ
Job Description:
ᐅᕙᒍᑦ ᒥᑦᓵᓄᑦ: ᒪᑭᕝᕕᐅᑉ ᐃᕐᕐᑲᑐᐃᕕᓕᕆᓂᖓᑕ ᐱᑦᔪᔨᕕᖓ ᐃᑲᔪᓲᖑᕗᖅ ᐊᐅᓚᑦᓯᖃᑕᐅᑦᓱᓂ ᐃᕐᖃᑐᐃᓂᓕᕆᓂᕐᒥᒃ ᐃᓄᐃᑦ ᐃᓕᕐᕈᓯᖓᓅᓕᖓᔪᓄᑦ ᐋᕐᕐᑭᒋᐊᕐᓯᒪᔪᓂᒃ ᐊᑐᕐᓱᑎᒃ ᐊᑐᕆᐊᓕᓐᓂᒃ ᐃᑉᐱᒋᔭᖃᓗᐊᖕᖑᐊᑐᓂᒃ ᐃᓄᑑᓈᕐᑎᓱᑎᒃ, ᐃᓚᒌᓂᒃ, ᐊᒻᒪᓗ ᓄᓇᓕᓐᓂᒃ ᒪᒥᓴᕐᓂᓂᒃ, ᑲᒪᒻᒥᓱᑎᒃ ᐱᑦᔪᑎᐅᓗᐊᖕᖑᐊᓲᓂᒃ ᐱᕋᔭᓐᓂᓄᑦ. ᐃᕐᖃᑐᐃᕕᓕᕆᓂᕐᒥ ᐱᓇᓱᑦᑏᑦ, ᓄᓇᓕᓐᓂ ᐃᕐᕐᑲᑐᐃᕕᓕᕆᔩᑦ ᑲᑎᖕᖓᔨᖏᑦ, ᑎᒍᔭᐅᒪᔪᓂᒃ ᑐᓴᐅᒪᑎᑦᓯᔩᑦ ᐊᒻᒪᓗ ᑲᓛᑑ ᐊᓪᓚᑎᖏᑦ ᑐᕋᐃᓐᓇᑐᒥᒃ ᐱᒍᑦᔨᓲᖑᕗᑦ ᓄᓇᕕᒻᒥᐅᓂᒃ ᐊᑦᔨᒌᖕᖏᑐᓂ ᐳᕐᑐᓂᖏᓐᓂ ᐃᕐᖃᑐᐃᓂᓕᕆᓂᐅᑉ ᐊᒻᒪᓗ ᐱᓂᕐᓗᓯᒪᔪᑦ ᐃᑲᔪᕐᑕᐅᓂᖏᑦᑕ ᐱᕙᓪᓕᐊᔭᐅᓂᖏᓐᓂ. ᐃᕐᖃᑐᐃᕕᓕᕆᓂᐅᑉ ᐱᑦᔪᔨᕕᖓ ᐃᓗᓕᖃᕐᖁᖅ ᐱᖓᓲᔪᕐᑐᓂᒃ (6) ᐱᓇᓱᐊᕋᑦᓴᓂᒃ ᑲᑎᒪᐅᑎᖕᖏᑐᓂᒃ ᐃᕐᖃᑐᐃᓂᐅᑉ ᐊᓯᐊᒎᕐᑎᓯᔪᐃᓐᓇᓕᒫᓂᒃ ᐱᒋᐊᖕᖓᐃᒍᑎᓂᒃ ᓄᓇᕕᒻᒥ, ᐃᓚᓕᓐᓂᒃ ᐃᕐᑲᑐᐃᕕᓕᕆᔩᑦ ᑲᑎᖕᖓᔨᖏᓐᓂᒃ, ᐃᕐᖃᑐᐃᕕᒻᒥ ᐱᓇᓱᑦᑎᓂᒃ, ᐱᓂᕐᓗᓯᒪᔪᑦ ᐃᑲᔪᕐᑕᐅᓂᖏᓐᓅᓕᖓᔪᑦ ᐱᓇᓱᐊᕋᑦᓴᓕᕆᓂᖏᓐᓂᒃ, ᑲᓛᑑ ᑐᓴᕐᑎᓯᒍᑎᓕᐊᕆᓯᒪᔭᖏᓐᓂᒃ, ᐱᓂᕐᓗᕈᑎᕕᓃᑦ ᐊᓪᓚᑕᐅᒪᓂᖏᑦᑕ ᓄᕐᕐᑲᑎᑦᓯᒍᑎᓕᕆᓂᖏᓐᓂᒃ ᐊᒻᒪᓗ ᖁᓪᓕᒃ ᐃᓅᖃᑎᒌᑦᓯᐊᓂᖅ.
ᐃᕐᖃᑐᐃᕕᒻᒥ ᐱᓇᓱᑦᑏᑦ (PJW) ᐱᒻᒪᕆᐊᓗᒻᒥᒃ ᐱᓇᓱᒐᖃᓲᖑᕗᑦ ᐃᑲᔪᕐᑐᐃᓂᕐᒥᒃ ᐊᑐᐃᓐᓇᖃᕐᑎᓯᑦᓱᑎᑦ, ᐸᐸᑦᓯᓂᕐᒥᒃ ᐊᒻᒪᓗ ᑕᑯᔭᐅᔪᑦᓴᓕᐊᖑᓯᒪᔪᓂᒃ ᐱᖁᔭᑎᒍᑦ ᐃᑲᔪᕐᑕᐅᕕᓐᓂᒃ, ᓄᓇᕕᒻᒥᐅᓕᒫᓄᑦ ᐃᓚᐅᔪᓄᑦ ᐅᕕᒃᑲᐃᑦ ᓴᐳᑦᔭᐅᓂᖏᑦᑕ ᐃᓱᐊᕐᓂᓴᒃᑰᑎᑕᐅᒐᓱᐊᕐᓂᖏᓐᓄᑦ ᐊᒻᒪᓗ ᐊᕐᕕᑕᕐᑎᓄᑦ ᐃᕐᖃᑐᐃᕕᓐᓄᑦ.
ᒫᓐᓇ ᕿᓂᕐᖁᒍᑦ ᐃᕐᑲᑐᐃᕕᒻᒥ ᐱᓇᓱᑦᑎᓴᒥᒃ ᑐᓴᕐᑎᓯᖃᑦᑕᓛᕐᑐᒥᒃ ᐃᕐᕐᑲᑐᐃᕕᒻᒥ ᐱᓇᓱᑦᑎᓕᕆᓂᖓᑕ ᐊᐅᓚᑦᓯᔨᖓᓄᑦ ᐃᕐᖃᑐᐃᕕᓕᕆᓂᐅᑉ ᐱᑦᔪᔨᕕᖓᑕ.
ᐃᕐᖃᑐᐃᕕᒻᒥ ᐱᓇᓱᑦᑎ ᑐᕌᕐᓂᖃᖁᖅ:
- ᐱᓇᓱᓪᓗᓂ ᐱᓇᓱᖃᑎᖃᑦᓯᐊᓗᓂ ᐊᕐᕕᑕᕐᑎᓂᒃ ᐃᕐᖃᑐᐃᕕᓐᓂᒃ ᑐᓴᐅᒪᖃᑦᑕᐅᑎᖃᑎᒌᑦᓯᐊᖁᓗᒋᑦ ᐃᕐᖃᑐᕋᑦᓴᐃᑦ ᐊᒻᒪᓗ ᐱᖁᔭᓕᕆᔩᑦ.
ᑲᔪᖏᕐᓴᐃᓚᕆᒃᑯᒍᑦ ᐃᓄᓐᓂᒃ ᐃᓚᐅᔪᓂᒃ ᐱᓇᓱᒐᕐᑖᕋᓱᐊᖁᑦᓱᒋᑦ ᑖᑦᓱᒥᖓ ᐱᓇᓱᒐᕐᒥᒃ. ᐃᓕᓐᓂᐊᑎᑕᐅᕖᖕᖓᓂᖅ ᑲᔪᓯᔪᒥᓪᓗ ᐃᑲᔪᕐᑐᑕᐅᓂᖅ ᐊᑐᐃᓐᓇᐅᑎᑕᐅᓛᕐᖁᖅ ᐱᓇᓱᑦᑎᓄᑦ ᐱᓇᓱᓚᐅᕐᓯᒪᖕᖏᑐᓄᑦ ᐃᕐᕐᑲᑐᐃᕕᓕᕆᓂᕐᒥ. ᐃᓄᓐᓅᓕᖓᔪᓂᓪᓗ ᐃᓗᕐᕈᓯᕐᒨᓕᖓᔪᓂᓪᓗ ᐃᓘᓐᓈᒍᑦ ᖃᐅᔨᒪᓂᖅ ᐱᒻᒪᕆᐅᑎᑕᐅᓛᕐᖁᖅ.
Responsibilities:
- ᐱᔭᕆᐊᑭᓕᑎᕆᓗᓂ ᑐᓴᐅᒪᖃᑎᒌᓐᓂᒥᒃ ᐃᓄᓐᓄᑦ ᐃᓚᐅᔪᓄᑦ ᐃᕐᖃᑐᐃᕕᓕᕆᓂᕐᓄᑦ ᐊᒻᒪᓗ ᐱᖁᔭᓕᕆᔨᓄᑦ;
- ᑐᓴᐅᒪᑎᑦᓯᓗᓂ ᐃᓄᑐᐃᓐᓇᓕᒫᓂᒃ ᐸᓯᔭᑦᓴᐅᓂᕋᕐᑕᐅᒪᔪᓂᒃ ᐱᒍᓐᓇᐅᑎᖏᑦᑕ ᒥᑦ ᓵᓄᑦ ᐊᒻᒪᓗ ᑲᒪᒋᒋᐊᓕᖏᓐᓂᒃ ᐃᕐᖃᑐᐃᕕᒻᒥ ᖃᓄᐃᓘᕈᓰᑦ ᐱᓪᓗᒋᑦ ᐊᒻᒪᓗ ᐃᕐᖃᑐᐃᕕᓕᕆᓂᐅᑉ ᒥᑦᓵᓄᑦ ᐃᑲᔪᕐᑐᑕᐅᓗᓂ ᐃᕐᖃᑐᐃᕕᒻᒥ ᐱᓇᓱᑦᑎᖓᑕ ᐱᓇᓱᐊᕋᑦᓴᓂᒃ ᐊᑕᐅᑦᓯᑰᕐᑎᓯᔨᖓᓄᑦ;
- ᐊᑐᐃᓐᓇᕈᕐᑎᕆᓗᓂ ᐊᒻᒪᓗ ᐊᓪᓚᒋᐊᖕᖓᐅᑎᓕᐅᕐᓗᓂ ᓇᐃᑦᑐᓂᒃ ᐊᓂᑎᑕᐅᒍᑎᑦᓴᖏᑦᑕ ᐸᕐᓇᓯᒪᐅᑎᖏᓐᓂᒃ ᐱᓇᓱᖃᑎᖃᕐᓗᓂ ᐱᖁᔭᓕᕆᔨᒥᒃ ᐊᒻᒪᓗ ᐃᕐᖃᑐᐃᕕᒻᒥ ᐱᓇᓱᑦᑎᖓᑕ ᐱᓇᓱᐊᕋᑦᓴᓂᒃ ᐊᑐᐅᑦᓯᑰᕐᑎᓯᔨᖓᓂᒃ
- ᐊᑦᑕᕆᓗᒍ ᑐᓴᕐᑎᓯᓗᓂ ᓄᓇᓕᐅᑉ ᐃᓚᐅᔪᓕᒫᖏᓐᓂᒃ ᐱᑦᔪᑎᒋᓗᒍ ᐃᕐᑲᑐᐃᕕᓕᕆᓂᖅ;
- ᖃᐅᔨᑎᑕᐅᑎᒐᓱᐊᕐᓗᒋᑦ ᐃᓄᐃᑦ ᐱᐅᓯᖏᑦ ᐊᒻᒪᓗ ᐃᓅᒍᓯᖓ ᐃᕐᑲᑐᐃᕕᒻᒧᑦ ᐃᓚᐅᔪᓄᑦ ᑐᓴᕐᑎᓗᒋᓪᓗ ᐸᓯᔭᑦᓴᐅᑉ ᖃᓄᐃᑦᑑᓂᖓᓂᒃ ᐅᕝᕙᓘᓐᓃᑦ ᐱᓂᐊᕐᓂᒥᒃ ᓄᓇᓕᐅᑉ ᐃᓗᐊᓂ ᓱᕐᕋᐃᑐᐃᓐᓇᕆᐊᓕᒻᒥᒃ ᐃᕐᖃᑐᐃᓂᐅᑉ ᐱᓇᓱᐊᕈᓯᖓᓂ;
- ᐊᐅᓚᑦᓯᓂᕐᒨᓕᖓᔪᓕᒫᓂᒃ ᐊᓯᖏᓐᓂᒃ ᑲᒪᒋᒋᐊᓕᓕᒫᓂᒃ ᐱᓇᓱᓪᓗᓂ ᑎᓕᔭᐅᒪᒍᑎᒥᑕ ᐊᑖᒍᑦ ᓇᓗᓇᐃᕐᑕᐅᒪᔫᑉ ᐃᕐᖃᑐᐃᕕᒻᒥ ᐱᓇᓱᑦᑎᐅᑉ ᐱᓇᓱᐊᕋᑦᓴᓕᕆᓂᖓᑕ ᐊᑕᐅᑦᓯᑰᕐᑎᓯᔨᖓᓄᑦ ᐅᕝᕙᓘᓐᓃᑦ ᑭᒡᒐᑐᕐᑎᖓᓄᑦ ᐱᓇᓱᐊᕐᑕᐅᑉ ᐱᕙᓪᓕᒍᑎᒋᒐᔭᕐᓂᐹᖓᒍᑦ.
Qualifications:
- ᖃᐅᔨᒪᓗᓂ ᓄᓇᕕᒻᒥᐅᑦ ᖃᓄᐃᓕᖓᓂᖏᓐᓂᒃ ᐱᑦᔪᑎᖏᓐᓂᓪᓗ ᐱᓕᕐᓗᕈᑎᒋᓲᖏᑦᑕ;
- ᐃᑲᔪᕐᓯᒍᒪᓂᖃᑦᓯᐊᓚᕆᓪᓗᓂ ᐊᒻᒪᓗ ᐃᑲᔪᕈᒪᓂᖃᕐᓗᓂ ᐃᓅᖃᑎᒥᓂᒃ ᐱᖁᔭᓕᕆᓂᕐᒧᑦ ᐊᑐᐃᓐᓇᖃᕐᑎᓗᒋᑦ ᐊᒻᒪᓗ ᐱᒍᓐᓇᐅᑎᖏᑦ ᓲᓱᒋᔭᐅᑦᓯᐊᑎᓗᒋᑦ;
- ᓈᓚᒍᓐᓇᓗᓂ ᐅᖄᖃᑎᖃᕈᓐᓇᓗᓂᓗ;
- ᐃᓕᓐᓂᐊᓯᒪᓂᖅ: ᐱᔭᕇᕐᓯᒪᓗᓂ ᐳᕐᑐᓂᕐᓴᒥ 5-ᒥᒃ;
- ᐅᖃᐅᓯᖏᑦ: ᐃᓄᒃᑎᑐᑦ ᖃᓪᓗᓈᑎᑐᓪᓗ;
- ᖃᐅᔨᒪᒐᓚᓪᓗᓂ ᐃᓅᖃᑎᒌᓐᓂᒥᒃ, ᐃᕐᖃᑐᐃᕕᓕᕆᓂᕐᒥᒃ ᐅᕝᕙᓘᓐᓃᑦ ᐃᑲᔪᕐᑕᐅᕕᓐᓂᒃ, ᑭᓯᐊᓂ ᐃᓕᓐᓂᐊᑎᑕᐅᒋᐊᓪᓛᓃᑦ ᐊᑐᐃᓐᓇᐅᑎᑕᐅᓛᕐᑐᑦ.
- ᖃᓪᓗᓈᑎᑐᑦ ᐊᓪᓚᒍᓐᓇᓯᐊᕐᓗᓂ;
- ᖃᕆᑕᐅᔭᕈᓐᓇᓂᖓ: Microsoft Word, Excel-ᓕᕆᒍᓐᓇᓗᓂ, ᓄᓇᕐᔪᐊᒧᑦ ᖃᕆᑕᐅᔭᒧᑦ ᐱᑐᑦᓯᒪᐅᑎᓕᕆᒍᓐᓇᓂᖅ, ᐊᓯᖏᓐᓂᓗ…;
- ᐱᓇᓱᒍᓐᓇᓗᓂ ᐱᓇᓱᖃᑎᒌᑦᑐᓂ;
- ᐊᑐᐃᓐᓇᕈᕐᑎᕆᒍᓐᓇᓗᓂ;
- ᑕᑎᑦᓴᓯᐊᖑᓗᓂ ᐃᓄᑑᓗᓂᓗ ᐱᓇᓱᒍᓐᓇᓗᓂ;
- ᐃᓅᖃᑎᒥᓂᒃ ᐱᑦᓯᐊᕈᓐᓇᓗᓂ(ᖃᐅᔨᔭᐅᒋᐊᖃᖕᖏᑐᓂᒃ ᖃᐅᔨᔭᐅᑎᑦᓯᖃᔭᖕᖏᑑᓗᓂ ᐊᓯᒥᓂᓪᓗ ᐃᕐᖃᑐᐃᓲᖑᒍᓐᓇᐃᓗᓂ);
- ᐊᕐᕕᑕᕈᓐᓇᓗᓂ ᐃᓕᓐᓂᐊᓂᕐᓄᑦ, ᑲᑎᖕᖓᓂᕐᓄᑦ, ᐊᒻᒪᓗ ᐃᕐᖃᑐᐃᔨᓄᑦ ᐊᕐᕕᑕᕐᑎᓄᑦ ᐃᓚᐅᓗᓂ ᐊᕐᕕᑕᖁᔭᐅᓕᕈᓂ.
Benefits:
ᐱᕙᓪᓕᖁᑎᑖᕐᑕᐅᑎᓕᒫᑦ ᒥᑭᔪᐃᑦ ᐊᑐᐃᓐᓇᐅᑎᑕᐃᑦ ᐱᓇᓱᑦᑎᖏᓐᓄᑦ ᑎᒥᐅᔫᑉ ᓇᓗᓚᐃᕐᓯᒪᔪᑦ ᒪᑭᕝᕕᐅᑉ ᐱᓇᓱᑦᑎᓕᕆᕕᖓᑕ ᒪᓕᒐᐃᑦ ᒪᓕᒐᖏᓐᓂ.
ᒪᑭᕝᕕᐅᑉ ᑐᕌᒐᕆᕚ ᐊᖏᕐᓗᓂ ᖁᕝᕙᑎᓗᒍᓗ ᐱᓇᓱᑦᑎᖃᕐᓂᖅ ᔦᒥᔅᐯ ᐊᒻᒪᓗ ᑯᐸᐃᒃ ᐊᖏᖃᑎᒌᓐᓂᖓᓄᑦ ᐃᓚᐅᔪᓂᒃ ᐃᓄᓐᓂᒃ.
ᓇᑯᕐᒦᖁᒍᑦ ᐱᓇᓱᒐᕐᑖᕋᓱᐊᕐᑐᓕᒫᓂᒃ ᐱᓇᓱᒐᕐᑖᕋᓱᓐᓂᓯᓐᓄᑦ ᑖᑦᓱᒥᖓ ᐱᓇᓱᒐᕐᒥᒃ
ᑕᐃᒃᑯᐊ ᐱᓇᓱᒐᕐᑖᕋᓱᑦᑐᑦ ᓂᕈᐊᕐᑕᐃᑦ ᑭᓯᐊᓂ ᐊᐱᕐᓱᑕᐅᓂᕐᒧᑦ ᖃᐅᔨᑎᑕᐅᖃᑦᑕᓛᕐᑐᑦ
Are you interested in this position?
You can apply by filling in the form below.
You can apply by visiting our website at www.makivik.org/jobs