2025

ᐱᑕ ᑕᔭᕋ 1999-ᒥᓂᑦ ᓂᐅᕐᕈᓯᕐᑎᐅᓲᒍᓕᕐᑐᖅ ᐱᓕᐊᕕᓂᕐᒥᓂᒃ. ᑭᓯᐊᓂᓕ ᑲᑎᒪᓂᐊᕈᓯᓕᐊᕐᓯᒪᔪᕕᓂᐅᑦᓱᓂ ᓴᓪᓗᓂ ᔮᓄᐊᕆᒥ, ᖃᐅᔨᓚᐅᔪᕗᖅ ᐱᓕᐊᕕᓂᕐᒥᓂᒃ ᐊᑭᑭᓗᐊᕐᑎᓯᓲᕕᓂᐅᒋᐊᕐᒥᓂᒃ ᐊᕐᕌᒍᕐᓂ ᐊᓂᒍᕐᑐᓂ.

ᐱᑕ ᐃᓚᐅᓚᐅᔪᕗᖅ ᖁᓕᓪᓗ ᓯᑕᒪᐅᔪᕐᑐᓗᓐᓄᑦ ᑲᑎᒪᓂ ᐊᕈᓯᖃᕐᑎᑕᐅᔪᓄᑦ The Wayfinding Sessions-ᓚᔭᐅᔪᒥᒃ, ᐅᓪᓗᓂ ᐱᖓᓱᓂ ᑕᑯᒥᓇᕐᑐᓕᐅᕐᑏᑦ ᐱᕙᓪᓕ ᐊᕈᑎᑦᓴᒥᓂᒃ ᐱᓇᓱᒍᑎᓕᕆᑎᑕᐅᑎᓪᓗᒋᑦ Lynn Feasey-ᒧᑦ ᐱᓇᓱᒐᓕᒻᒧᑦ Points North Creative Inc.-ᒥᒃ ᑕᑯᒥᓇᕐᑐᓕᐅᕐᑏᑦ ᐃᒻᒥᓂᒃ ᐊᐅᓚᑦᓯᒍᓐᓇᓯᖁᑦᓱᒋᑦ ᓇᒻᒥᓂᕐᒥᓅᓕᖓᔪᓂᒃ ᐱᓇᓱᒐᕐᒥᓅᓕᖓᔪᓂᓪᓗ, ᓱᓇᑐᐃᓐᓇᓂᒃ ᐱᓕᐅᓲᑦ. ᑐᖕᖓᓱᑦᑎᑕᐅᔪᐃᓐᓇᐅᓚᐅᔪᕗᑦ.

ᑲᔪᓯᑎᑦᓯᖃᑎᖃᓚᐅᔪᕗᖅ Feasey ᑕᑯᒥᓇᕐᑐᓕᐅᕐᑎᒥᒃ ᐃᓕᓭᔨᐅᑦᓱᓂᓗ ᐅᓛᔪ ᐱᓗᕐᑑᒥᒃ, ᑕᑯᒥᓇᕐᑐᓕᐅᕐᑎᐅᓂᕐᒥᓂᒃ ᐃᓕᓭᒍᑎᖃᓚᐅᔪᒻᒥᔪᒥᒃ. ᐅᓛᔪᓗ ᑐᓵᔨᒋᔭᐅᖃᑦᑕᓱᓂ ᑲᑎᒪᓂ ᐊᕈᓯᖃᕐᑎᓗᒍ, ᐃᓚᐅᔪᓕᒫᑦ ᓴᐳᑦᔨᓯ ᐊᕈᒪᑦᓱᒋᑦ ᐃᓚᐅᑦᓯ ᐊᖁᒧᓪᓗ.

ᑕᒪᓐᓇ ᐊᑐᐃᓐᓇᕈᕐᑎᑕᐅᓚᐅᔪᕗᖅ ᓕᓐ ᒧ ᐊᖃᐅᔅᒧᑦ ᓈᓇᓯ ᒍᐃᑦᒧᓪᓗ ᒪᑭᕝᕕᐅᑉ ᐱᓇᓱᑦᑎᒋᓐᓄᑦ, ᐊᔪᐃᓐᓇᕈᑎᖃᓲᒍᒐᒥᒃ ᓄᓇᕕᒻᒥᐅᑦ ᑕᑯᒥᓇᕐᑐᓕᐅᕐᑏᑦ ᑫᓪᓚᑐᕐᑕᐅᒍᑎᑦᓴᖏᓐᓂᒃ ᓴᓇᕐᕈᑎᑦᓴᕆᒍᓐᓇᑕᖏᓐᓂᓗ. ᒧ ᐊᖃᐅᔅ ᑲᔪᓯᒃᑫᔨᓂᒃ ᖃᐅᔨᒪᑎᑦᓯᖃᑦᑕᓂᕋᕐᑐᕕᓂᖅ ᐊᕐᕌᓂ ᐃᓅᕕᓕ ᐊᕐᓯᒪᑦᓱᓂ ᑲᑎᖃᑎᒌᒍᑎᖃᕐᑎᓗᒋᑦ Great Northern Arts Festival-ᓚᔭᐅᔪᒥᒃ.

“ᑲᑎᒪᓂ ᐊᕈᓯᖃᕐᑎᓯᒍᒪᓚᐅᔪᒐᑦᑕ ᑕᑯᒥᓇᕐᑐᓕᐅᑏᑦ ᑐᑭᓯᒪᑎᑦᓯ ᐊᕈᒪᑦᓱᒋᑦ ᐊᑭᓕᐅᕈᓯᕐᓂᒃ ᖃᓄᕐᓗ ᓂᐅᕐᕈᑎᖃᖃᑦᑕᕈᓐᓇᒪᖔᑕ ᐱᓕ ᐊᕕᓂᕐᒥᓂᒃ,” ᐅᖃᕐᑐᕕᓂᖅ ᒧ ᐊᖃᐅᔅ.

ᓴᓪᓗᓃᑦᓱᑎᒃ ᑲᑎᒪᓂ ᐊᕈᓯᖓᑦ ᑐᖓᓕᕆᔭᐅᓚᐅᔪᕗᖅ, ᑰᑦᔪ ᐊᒦᓚᐅᔪᒻᒥᓱᑎᒃ ᑌᒣᑦᑐᓭᓐᓇᑲᓵᒥᒃ ᓄᕕᒻᐸᒥ ᑲᑎᒪᓂ ᐊᕈᓯᖃᕐᑎᓯᑦᓱᑎᒃ. ᒧ ᐊᖃᐅᔅ ᓯᕗᓂᕐᒥ ᑲᑎᒪᓂ ᐊᕈᓯᐅᕙᓚᖓᔪᓂᒃ ᑌᓯᓚᐅᔪᒋᕗᖅ, ᓯᑦᑎᒻᐸᒥᓪᓗ ᑲᑎᒪᓂ ᐊᕈᓯᐅᓛᕐᑐᒥᒃ, ᓇᓃᓐᓂᓴᖓ ᖃᐅᔨᒪᓇᕋᑕᕐᑎᓇᒍ ᓯᓂᑦᑕᕖᑦ ᐊᑐᐃᓐᓇᐅᒍᓐᓇᓂᖏᑦ ᒪᓕᑦᓱᒋᑦ, ᑕᑯᒥᓇᕐᑐᓕᐅᕐᑏᑦ ᑎᒻᒥᔫᒃᑰᕆ ᐊᖃᓲᒍᒻᒪᑕ ᓄᓇᓕᒥᓂᑦ ᑲᑎᒪᓂ ᐊᕈᓯᖃᕐᕕᐅᔪᒧᑦ.

Lynn Feasey ᐅᖃᐅᓯᖃᕐᓂᖁᖅ ᐊᑦᔨᒋᔭᐅᖕᖏᑐᒥᒃ ᐱᒐᓱ ᐊᒻᒪᕆᓐᓇᑐᒃᑰᕈ-ᑎᖃᓲᒍᒋ ᐊᖏᓐᓂᒃ ᑕᕐᕋᒥᐅᑦ ᑕᑯᒥᓇᕐᑐᓕᐅᕐᑏᑦ ᐆᒪᑦᓯᒍᑎᑦᓴᕆᒐᓱ ᐊᕈᑎᑦᓴᕆᓂ-ᐊᕐᓗᒍ.

“ᐊ ᒥᓱᑦ ᐃᓄᑑᑦᓱᑎᒃ ᐱᓇᓱᐊ ᓲᑦ, ᐃᓂᑦᓴᖃᑦᓯᐊ ᕋᑎᒃ, ᐱᓇᓲᑎᑦᓴᖃᑦᓯᐊ ᕋᑎᒃ, ᐱᕕᑦᓴᖃᑦᓯ ᐊᕋᑎᓪᓘᓃᑦ ᐱᓕᐊᕕᓂᕐᒥᓂᒃ ᓂᐅᕐᕈᓯᕐᕕᓴᓂᒃ,” ᐅᖃᕐᑐᕕᓂᖅ. “ᖃᐅᔨᒪᔭᐅᕐᖄᕆ ᐊᖃᓲᓂᓪᓗ ᐱᓇᓱᒐᖃᕐᕕᓕᓐᓄᑦ ᖃᐅᔨᒪᑦᓯ ᐊᓂᕋᑎᒃ – ᐱᓗ ᐊᕐᑐᖅ ᐊᑭᓕᐅᕈᓐᓇᓂᕐᒥᒃ, ᑕᒪᓐᓇ ᖃᐅᔨᒪᔭᐅᑦᓯ ᐊᖏᓐᓂᐸᐅᓲᒍᒻᒪᑦ ᐱᔭᕆ ᐊᑐᓂᕐᐸᐅᖃᑕᐅᑦᓱᓂᓗ. ᑕᑯᒥᓇᕐᑐᓕᐅᕐᑏᑦ ᖄᖏᕐᓂᑯᓕᐅᓪᓗ ᐊᓲᒍᖕᖏᒪᑕ ᖄᖏᕐᓂᑯᓕᐅᖕᖏᓗᑐᓲᒍᑦᓱᑎᓪᓘᓃᑦ.”

ᐊᑦᔨᒌᖕᖏᑐᓂᒃ ᐅᖄᔨᖃᖃᑦᑕᓱᑎᒃ, ᐊᒡᒐᒧᓪᓗ ᓱᒐᓱ ᐊᕋᑦᓴᖃᖃᑦᑕᓱᑎᒃ, ᓱᓕᔪᖕᖕᒍ ᐊᒍᓯᖃᑦᑕᓱᑎᓪᓗ, ᑲᑎᒪᓂ ᐊᕈᓯᖃᕐᑎᓯᔪᓄᑦ ᐃᑲᔪᕐᓯᔭᐅᓚᐅᔪᕗᑦ ᓱᒧᑦ ᑕᑯᒥᓇᕐᑐᓕᐅᕐᑎᐅᒪᖔᕐᒥᒃ ᖃᓄᕐᓗ ᐱᓇᓱᒐᖃᕐᕕᒥᓂᒃ ᐊᐅᓚᑦᓯᒍᓐᓇᒪᖔᕐᒥᒃ ᐱᓪᓚᕆᖁᑎᒋᔭᒥᓂᒃ ᑐᖕᖓᕕᖃᕐᓗᑎᒃ ᑐᕌᒐᓕ ᐊᕆᓯᒪᔭᒥᓂᓪᓗ – ᖁᑉᐹᒍᑦᑕᐅᑦ ᐃᓅᒐᓱ ᐊᕈᑎᒋᒍᓐᓇᓂ ᐊᕐᓗᒍ.

ᐱᑕ ᓯᕗᓪᓕᐹᑦᓯ ᐊᒥᒃ ᑌᒣᑦᑐᒧᑦ ᑲᑎᒪᓂ ᐊᕈᓯᓕ ᐊᕆᐅᓚᐅᔪᕗᖅ – ᐱᐅᒋᓪᓚᕆᑦᓱᒍᓗ ᐃᑲᔪᕐᓯᒍᑎᓪᓚᕆᐅᓂᕋᕐᓱᒍᓗ ᑕᑯᒥᓇᕐᑐᓕᐅᕐᑎᐅᒋᐅᕐᓴᑐᓄᑦ ᑕᑯᒥᓇᕐᑐᓕᐅᕐᑎᐅᓕᕇᕐᑐᓄᓪᓗ. ᐊᑭᓕᐅᕆᐅᕐᓴᑎᑕᐅᑦᓱᓂᓗ ᓈᒻᒪᓈᕐᓂᓴᓂᒃ, ᐅᐱᒋᔭᖃᓚᐅᔪᕗᖅ ᑲᑎᓯᖃᑦᑕᕆ ᐊᒥᒃ ᑕᑯᒥᓇᕐᑐᓕᐅᕐᑎᐅᖃᑎᒥᓂᒃ ᐱᓕ ᐊᕕᓂᖏᓐᓂᓗ ᑕᑯᖃᑦᑕᕆ ᐊᒥᒃ. ᓯᕗᓂᕐᒥ, ᑕᑯᒋ ᐊᑦᓯ ᐊᓲᒍᓚᖓᓕᕐᑐᖅ ᐊᑦᔨᒌᖕᖏᑐᓂᒃ ᓂᐅᕐᕈᓭᕕᐅᓲᒍᒻᒥᔪᓂᒃ ᑕᑯᒥᓇᕐᑐᓕᐅᕈᑎᑦᓴᐅᓲᓂᓪᓗ.

“ᐳᐱᒍᕐᑌᓕᓪᓚᕆᒋ ᐊᖃᐳᓯ ᓱᒧᑦ ᑕᑯᒥᓇᕐᑐᓕᐅᓲᒍᒻᒪᖔᑦᓯ. ᐊᓕ ᐊᓇᕐᑑᒪᑦ, ᐃᓄᐃᑦ ᐃᓕᕐᖁᓯᖓ ᐅᐱᒋᔭᐅᒻᒪᑦ, ᓭᒪᓇᕐᑑᒪᑦ, ᖃᓄᐃᖕᖏᓯ ᐊᕐᓇᑑᒻᒪᑦ, ᑮᓇᐅᑦᔭᕈᑎᐅᒍᓐᓇᒪᓪᓘᓃᑦ. ᐱᑦᔪᑏᑦ ᓱᓇᐅᓂ ᐊᕐᐸᑦ, ᐱᓕᐅᖃᑦᑕᕆᑦᓯ ᓂᐅᕐᕈᑎᒋᖃᑦᑕᓗᒋᓪᓗ ᐅᐱᓐᓇᑐᕐᑕᖃᕐᑎᓗᒍ – ᑭᓇᒧᓪᓘᓃᑦ ᐃᒣᑦᑐᒥᒃ ᐱᓕᐅᓚᖓᕗᑎᑦ ᓚᔭᐅᖃᑦᑕᕈᓐᓀᓗᓯ.”