2025

ᐊᓪᓚᑕᖏᑦ ᒣᑯᓪ ᑯᐋᓐ

ᔭᓄ ᐊᕆ 15, 2025 ᐅᓪᓗᖓ ᐱᓇᓱᓱᖓᕐᕕᒋᓚᐅᔪᕙᕋ ᓄᓇᕕᒻᒥ ᖃᐅᔨᓴᕐᓂᒥᒃ ᐱᑦᔪᔨᕕᒻᒥ ᑭᖑᓂ ᐊᒍᑦ ᐱᓇᓱᒐᖃᕐᑎᐅᓂᕐᒥᒃ ᓄᕐᖃᓂᕋᓂᒃ ᐊᑑᑎᒋ-ᐊᓯᓚᐅᔪᕗᖓ. ᐅᐃᒻᒪᓕᕐᑐᖃᕐᑎᓇᒍ, ᐊᒃᓚᕕᒻᒥᓗ ᐱᓇᓱᑦᑎᐅᒍᓐᓀᓯᓂᕋᓄᑦ ᖃᓄᐃᓘᕈᑎᐅᓇᖓ; ᐱᓇᓱᒐᕋᓂ ᑭᖑᓪᓕᐹᕐᓯᐅᕆᕋᒪ ᐊᒃᓚᕕᑦᑎᓂᑦ ᐊᓂᐅᒐᑦᓯ ᐊᑐᐃᓐᓇᓚᐅᔪᔪᖓ. ᑕᒪᓐᓇ ᖁᕕ ᐊᒋᓚᐅᔪᔭᕋ. ᐊᕐᕌᒍᓂ 29-ᓂ ᐱᑦᔪᔨᓂᖃᓚᐅᔪᑦᓱᖓ ᖃᐅᔨᓴᕐᓂᒥᒃ ᐱᑦᔪᔨᕕᒻᒥ ᓄᑖᒥᒃ ᐊᓯ ᐊᓂᒃ ᐃᓅᓯᕐᒥᒃ ᐊᑑᑎᒋ ᐊᓯᓚᐅᔪᕗᖓ ᑕᒫᓂᒃ ᑰᒃᔪ ᐊᒥ, ᐊᓂᕐᕋᑐ ᐊᕋᓂ. 1995-ᖑᑎᓪᓗᒍ ᒪᓐᑐᔨ ᐊᒧᑦ ᑎᑭᓚᐅᕐᓯᒪᕗᖓ ᑕᕆᐅᑉ ᐊᑭ ᐊᓂᑦ ᐃᖕᓚᓐᒥᑦ ᐱᑦᓱᖓ ᑖᕙᓂ ᐃᓕᓐᓂ ᐊᓚᐅᕐᓯᒪᒐᒪ ᐊᕐᕌᒍᕐᓂ 16-ᓂ ᐃᓕᓐᓂ ᐊᓱᖓᓗ ᐱᓇᓱᑦᓱᖓᓗ. ᑌᑦᓱᒪᓂ ᒪᑭᕝᕕᐅᑉ ᖃᐅᔨᓴᕐᓂᓂᒃ ᐱᑦᔪᔨᕕᖓ ᑰᒃᔪ ᐊᒦᑦᑐᖅ ᐊᐅᓪᓚᑎᑦᓯᕕᖃᖃᑦᑕᓯᒪᔪᖅ ᐃᖃᓗᓐᓂᒃ ᖃᐅᔨᓴᕋᑦᓴᓂᒃ ᐊᐅᓪᓚᑎᑦᓯᕕᖃᖃᑦᑕᓱᓂ ᓄᓇᓕᑐᙯᑦ ᐃᓅᖃᑎᒌᑦᑐᑦ ᓂᕿᑦᓯ ᐊᑐᒪᒋ ᐊᖃᕐᓂᓄᑦ ᐱᑦᔪᔭᐅᕕᖓᓄᑦ ᒪᑭᐋᓪ ᐃᓕᓐᓂ ᐊᕕᕐᔪ ᐊᖓᓃᑦᑐᒧᑦ ᖃᐅᔨᓴᕐᑕᐅᑎᑦᓯᒋ ᐊᕐᑐᓱᓂ ᐃᖃᓗᐃᑦ ᐃᒪᕈᔪᑦᑕᖃᕐᒪᖔᑕ ᒨᑯᔨᒥᒃ. ᖃᐅᔨᓴᕐᑎᐅᖃᑕᐅᒐᒪ ᑕᒃᑲᓂ ᐃᓕᓐᓂ ᐊᕕᕐᔪ ᐊᑉ ᖃᐅᔨᓴᕐᕕᖓᓂ ᓄᓇᓕᑐᖃᐅᔪᑦ ᓂᕿᖏᓐᓂᒃ, ᐱᔭᑦᓴᖁᑎᖃᕐᑎᑕᐅᓯᒪᔪᖓ ᖃᐅᔨᓴᖃᑦᑕᓂᕐᒥᒃ. ᑌᑦᓱᒪᓂᑕᒃᒐ ᐱᑐᑦᓯᒪᓂᕐᑕᓚᐅᕐᓯᒪᕗᖓ ᑰᒃᔪ ᐊᒧᓪᓗ ᒪᑭᕝᕕᒧᓪᓗ. ᐊᕐᕋᒎᑉ ᑐᖓᓕᖓᓂ, ᖃᐅᔨᓴᕐᕕᒃ ᐱᒍᓐᓇᓯᓪᓗᑯ ᐊᓗᓚᐅᕐᓯᒪᕗᖅ ᑮᓇᐅᔭᖃᕐᑎᑕᐅᒍᑎᑦᓴᒥᓂᒃ ᑲᕙᒪᑐᖃᒃᑯᓂᑦ, ᓄᓇᓕᕐᓚᐅᓗ ᓄᓇᓕᓕᒫᓪᓗ ᑲᕙᒪᒐᓴᖏᓐᓂᑦ ᓇᑉᐯᒍᑎᒋᓂ-ᐊᓕᕐᑕᒥᓂᒃ ᓯᕗᓪᓕᐹᑦᓯ ᐊᒥᒃ ᖁᐱᕐᕆᓇᕐᓱᑎᒃ ᑐᖁᓐᓇᓯᓲᓂᒃᓗ ᑭᓈᓂᕐᓗᑯᓂᓪᓗ ᐱᔪᓂᒃ ᓱᒃᑯᓇᕐᑐᖃᓕᕐᒪᖔᑦ ᖃᐅᔨᓴᕐᓂᒥᒃ ᐱᓇᓱᕝᕕᐅᕙᓐᓂ ᐊᓕᕐᑐᒥᒃ ᑲᓇᑕᐅᑉ ᐅᑭᐅᕐᑕᑐᖓᓂ ᓯᕿᓂᐅᑉ ᓄᐃᕕ ᐊᓃᑦᓱᓂ ᖃᐅᔨᓴᕐᕕᒥᒃ. ᑌᑦᓱᒪᓂ ᒪᑭᕝᕕᐅᑉ ᖃᐅᔨᓴᕐᓂᓂᒃ ᐱᑦᔪᔨᕕᖓᑕ ᑐᑭᒧ ᐊᑦᑎᓯᔨᒋᓯᒪᔭᖓ ᐃᓅᒍᓐᓀᓯᒪᓕᕐᑐᖅ ᐱᐋᓪ ᑐᐁᑦᔭ ᐊᐱᕆᓚᐅᕐᓯᒪᕚᖓ ᑰᒃᔪ ᐊᒧᑦ ᑎᑭᖁᑦᓱᓂᖓ 1996 ᐊᐅᔭᖓᓂ ᑕᕐᕿᓂ ᐱᖓᓲᔪᕐᑐᓂ ᐱᓇᓱᒍᑦᔨᒍᑎᑎᒍᑦ ᐱᓇᓱᒋ ᐊᕐᑐᖁᑦᓱᓂᖓ ᐃᓂᓪᓚᑎᕆᓂᕐᒥᒃ ᓄᑖᓂᒃ ᐊᑦᑐᐃᑐᓂᒃ ᐱᓇᓱᒍᑎᖃᕐᓗᓂ ᖃᐅᔨᓴᕐᓂᒥᒃ ᐱᓇᓱᕝᕕᐅᕙᓐᓂ ᐊᓕᕐᑐᒥᒃ ᓂᐅᕕ ᐊᖑᑦᓱᑎᒃᓗ ᐱᐅᒃᑯᑎᖁᑎᐅᒋ ᐊᓕᓕᒫᑦ. ᖁᕕ ᐊᓇᕐᑐᒪᕆ ᐊᓗᓯᒪᔪᖅ ᓄᑖᓂᒃ ᐊᑦᑐᐃᑐᓂᒃ ᐃᓂᓪᓚᑎᕆᓕᕆᐊᒥᒃ. ᑭᑭ ᐊᓐᓂᑦ ᓴᓇᒪᔪᓂᒃ ᑲᒪᖏᓐᓇᓱᖑᒐᒪ ᐊᓕ-ᐊᒋᔭᖃᓪᓚᕆᑦᓱᖓᓗ ᖃᐅᔨᓴᕈᑎᑦᓴᔭᓂᒃ ᐱᐅᒃᑯᑎᓕᕆᒋ ᐊᒥᒃ. ᐊᑦᔨᒐᓚᒋᔮᕐᒪᒋᑦ ᓄᓇᒃᑯᔫᓂᒃ ᐊᓕ ᐊᒋᔭᖃᓲᑦ ᑭᓯ ᐊᓂᓕ ᐱᓇᓱᑦᑕᑲ ᖃᐅᔨᓴᕐᕕᐅᑉ ᐱᐅᒃᑯᑎᑦᓴᔭᖏᑦ ᓄᓇᒃᑯᔫᓕᖓᖔᕋᑎᒃ. ᐊᐅᓚᔨᑦᓯ ᐊᕕᖕᖓᖏᓐᓇᑐᖓ ᑰᒃᔪ ᐊᒧᑦ ᑎᑭᒋ-ᐊᖕᖓᓚᐅᕐᓯᒪᓂᕋᓂᒃ, ᑕᕐᕋᒦᑦᓱᓂ ᓄᓇᓕᐅᑎᓪᓗᒍ ᐃᓐᓂ ᐊᕕᒋᒋᐅᓚᐅᕐᓯᒪᔭᕋᓂᒃ, ᑰᒃᔪ ᐊᒥᐅᑦ ᐃᓄᕐᕿᑐᒻᒪᕆ ᐊᓗᐃᑦ ᑐᖕᖓᓇᕐᑑᓱᑎᒃᓗ; ᐊᒥᓱᑦ ᑎᑭᑎᒋᒋᐅᕐᑕᒥᓐᓂᒃ ᖃᐅᔨᒍᒪᑦᓴᖑ ᐊᕐᓯᒪᔪᑦ ᐅᕙᓐᓂᓗ ᓭᒨᕆ ᐊᕐᑐᑲᑕᑦᓱᑎᒃ. ᐊᒥᓱᓄᑦ ᐃᓄᒃᑎᑐᑦ ᓂᓪᓕᐅᔪᕐᑕᐅᖃᑦᑕᓕᕐᑐᖓ ᐃᓄᑐᐃᓐᓇᐅᖏᒋ ᐊᕐᒪ ᐃᑉᐱᒋᔭᐅᓇᖓ. ᐅᓪᓗᒥᒐᓵᓪᓚᑦ ᐃᓱᒪᓱᖑᔪᖓ ᑌᑦᓱᒪᓂ ᓭᓂᓯᒧᑦ ᑎᑭᑕᐅᒋᐅᕐᑐᕕᓂᐅᕐᖁᕆ-ᐊᖏᑦ ᑰᒃᔪ ᐊᒥᐅᖑᓯᑦᓱᓂᓘᕐᑐᒧᑦ. ᐱᓇᓱᒍᑦᔨᒍᑎᒻᒪ ᐃᓱᓕᓂᑦᓴᖓ ᑕᕐᖀᑦ ᐱᖓᓲᔪᕐᑐᑦ ᐊᓂᒍᓕᕐᑎᓗᒋᑦ, ᐱᓇᓱᒐᕐᑖᕈᒪᖕᖏᒪᖔᕐᒪ ᐃᓱᓕᑦᑕᓂᖃᖕᖏᑐᒥᒃ ᖁᐱᕐᕆᓇᕐᑐᓕᕆᔨᐅᓂᕐᒥᒃ ᖃᐅᔨᓴᕐᓂᓂᒃ ᐱᑦᔪᔨᕕᒻᒥ ᐊᐱᕆᔭᐅᓕᓚᐅᕐᓯᒪᔪᖓ ᑌᒪᖕᖓᓂᓪᓗ ᑲᒪᒋᔭᖃᓚᐅᔪᕗᖓ ᐊᒃᓚᖁᑎᓕᒫᓂᒃ ᐃᓕᖓᔪᓂᒃ ᑭᓇᓂᕐᓗᑯᓄᓪᓗ ᖁᐱᕐᕆᓇᕐᑐᓕᕆᓂᕐᓄᓗ. ᑰᒃᔪ ᐊᓗ ᐊᓂᕐᕋᑖᕆᓯᒪᓪᓚᕆᓕᕐᐸᕋ.

ᐱᓇᓱᒐᒻᒪᕆᐅᑎᓪᓗᒍ ᐱᓇᓱᒋ ᐊᖕᖓᓯᓯᒪᕗᖓ ᑲᕙᒪᑐᖃᒃᑯᑦ ᑕᕐᕋᒥ ᑭᓈᓂᕐᓗᑯᓂᒃ ᐱᓇᓱᒍᑎᖏᓐᓂᒃ ᑮᓇᐅᔭᖃᕐᑎᑕᐅᓯᒪᔪᓂᒃ ᖃᐅᔨᓴᕐᓂᒨᓕᖓᑦᓱᑎᒃ ᑭᑭ ᐊᑦᓴᔦᑦ ᖃᓄᐃᓕᑦᑕᓂᖏᓐᓂᒃ ᓄᖑᑐᐃᓐᓇᕈᓐᓇᖏᑦᑐᓗ ᓱᒃᑯᓇᕐᓯᓲᑦ ᓇᑦᓯᓃᑦᑐᑦ ᐃᖃᓗᑉᐱᓂᓗ ᑲᓇᑕᐅᑉ ᐅᑭᐅᕐᑕᑐᖓᓂ. ᑖᒃᑯ ᐊ ᐱᓇᓱᑦᑕᐅᒍᑎᖏᑦ ᐊᑐᑎᔭᐅᓂᖃᓚᐅᔪᑦ 1998-ᒥᑦ ᑎᑭᑦᓱᒍ 2000 ᐊᕐᕌᒍᐃᑦ ᕿᑎᕐᖃᖏᑦ ᓈᑦᓱᒋᑦ, ᐊᐅᓚᑦᔨᓯ ᐊᖏᓐᓇᑐᖓ ᐅᖃᐅᑦᔨᓵᕈᒪᓚᐅᕐᓯᒪᒋᐊᒥᒃ ᖃᐅᔨᓴᕐᓂᓂᒃ ᐱᓇᓱᖃᑎᒋᕙᑦᑕᑎᓐᓂᒃ ᖃᓪᓗᓈᑦ ᓄᓇᖏᓐᓃᑐᓂᒃ ᐅᖃᐅᑎᒍᒪᑦᓱᖏᑦ ᐊᑦᔨᖃᖕᖏᑐᓂᒃ ᑭᑭ ᐊᑦᓴᔭᓂᒃ ᒥᑭᔪᕐᔪ ᐊᕌᓗᓐᓂ ᖃᐅᔨᓴᕈᓐᓇᐅᑎᖃᓕᕆ ᐊᖓ ᑰᒃᔪ ᐊᒥ, ᑖᓐᓇ ᑌᒣᑦᑐᓂᒃ ᖃᐅᔨᓴᕐᕕᐅᓱᓂ ᑕᒫᓂ ᑲᓇᑕᒥ ᓯᕿᓂᐅᑉ ᓄᐃᕕ ᐊᓂᐅᓂᕐᓴᖅ ᐅᓪᓗᒥᒧᑦ ᑌᒣᓘᕐᕕᐅᒍᓐᓇᑐᑐ ᐊᖑᔪᖅ. ᖃᓪᓗᓈᓂᒥᐅᑦ ᖃᐅᔨᓴᕐᑏᑦ ᐊᔪᒉᓪᓕᐅᕖᖕᖓᓕᓚᐅᕐᓯᒪᔪᑦ ᖁᕕ ᐊᓱ ᐊᓕᕐᓱᑎᒃᓗ ᑌᒪᓪᓗᑐ-ᐊᓗᒃ ᖃᐅᔨᓴᕐᓃᑦ ᑌᒣᑦᑐᓗᑐ ᐊᓗᐃᑦ ᐊᑐᑎᔭᐅᖃᑦᑕᓕᕆ ᐊᖏᑦ ᑕᕐᕋᒥ ᐱᐅᔪ ᐊᓗᓐᓂᒃ ᐱᓇᓱᓐᓂᐅᖃᑦᑕᓱᑎᒃ ᐱᐅᔪ ᐊᓗᓐᓂᓗ ᓱᕐᖁᐃᑐᒥᒃ ᐊᓯᓂᒃ ᖃᓪᓗᓈᓂᑦᑐᓂᒃ ᖃᐅᔨᓴᕐᕕᓂᒃ ᓇᓪᓕᖁ ᐊᖃᓕᕐᓱᑎᒃ. ᑌᒫᒃ ᐱᒋ ᐊᕐᐸᓕ ᐊᓂᕐᒥ, ᖃᐅᔨᔭᐅᑎᑦᓯᒐᓱᕕᖕᖓᓯᒪᕗᖓ ᖃᐅᔨᓴᕐᓂᓂᒃ ᐱᔪᓐᓇᓂᖃᓕᕐᓂᑎᓐᓂᒃ ᖃᐅᔨᔭᐅᑎᑦᓯᓇᓱᑦᓱᖓ ᓄᓇᕐᔪ ᐊᒧᑦ – ᓲᕐᓗ ‘ᐁ, ᒫᓂᑉᐳᒎᕈᒪᑦᓱᖓ! ᐅᖃᐅᑎᓗᒋᓪᓗ ᖃᐅᔨᓴᕐᓂᖃᕈᓐᓇᓕᕆ ᐊᑦᑕ ᖃᓪᓗᓈᓂᑦᑐᓂᒃ ᐊᑭᒪᔪᒍᓐᓇᓕᕐᑐᓂᒃ.’ ᐱᓇᓱᑦᑕᐅᔪᓂᒃ ᑕᕐᕋᒥ ᑭᓈᓂᕐᓗᖁᓂᒃ ᐱᓇᓱᒍᑎᑎᒍᑦ ᖃᐅᔨᓴᕐᕕᕗᑦ ᖃᐅᔨᓴᓚᐅᕐᓯᒪᕗᖅ 2 ᑕᐅᓴᓄᑦ ᑎᑭᐅᑎᒌᔭᕐᑐᓂᒃ ᖃᐅᔨᓴᕋᑦᓴᑕᖑᓯᒪᔪᓂᒃ ᓄ ᐊᑕᐅᓯᒪᑦᓱᑎᒃ 24-ᓂᑦ ᓄᓇᓕᓐᓂ ᑲᓇᑕᐅᑉ ᐅᑭᐅᕐᑕᑐᖓᓂ ᐃᓚᐅᑎᓪᓗᒋᑦ 14 ᓄᓇᓖᑦ ᓄᓇᕕᐅᑉ ᓄᓇᓕᖏᑦ ᑭᑭ ᐊᑦᓴᔭᕐᑕᖃᕐᒪᖔᑕ ᖃᐅᔨᓴᕐᑕᐅᓱᑎᒃ. ᐊᖏᓂᕐᐸᖑᑦᓱᓂ ᖃᐅᔨᓴᕐᓂᐅᓯᒪᔪᑦ ᑭᓈᓂᕐᓗᑯᓂᒃ ᓇᑦᓯᓃᑦᑐᓂᒃ ᐃᖃᓗᑉᐱᓃᑦᑐᓂᒃᓗ ᐱᓇᓱᑦᑕᐅᓚᐅᕐᓯᒪᔪᓕᒫᓂ ᑲᓇᑕᐅᑉ ᐅᑭᐅᕐᑕᑐᖓᓂ ᐊᖏᓂᕐᐸᐅᓯᒪᔪᑦ.

ᐊᕐᕌᒍᐃᑦ ᐊᓂᒍ ᐊᑎᓪᓗᒋᑦ ᓇᓗᓀᕆᒍᓐᓇᓯᓯᒪᕗᖓ ᒪᕐᕉᓂᒃ ᐃᓗᓐᓈᒍᑦ ᑐᕌᒐᕆᕙᓐᓂ ᐊᑕᖏᓐᓂᒃ ᖃᐅᔨᓴᕐᓂᒥᒃ ᐱᓇᓱᕝᕕᐅᑉ (1) ᖃᐅᔨᓴᕐᐸᓂ ᐊᕐᓗᓂ ᓂᕐᔪᑎᓕᒫᓂᒃ ᖃᐅᔨᓴᕋᑦᓴᐅᓱᑎᒃ ᐊᓐᓂᑐᕐᑕᐅᓯᒪᔪᓂᒃ ᓂᕿᑦᓴᐅᓚᖓᑦᓱᑎᒃ ᓄᓇᕕᒻᒥᐅᓄᑦ ᖃᐅᔨᓴᕐᓗᒋᑦ ᑭᑭ ᐊᑦᓴᔭᖃᑕᖃᕐᒪᖔᑕ ᐃᓅᑉ ᖃᓄᐃᖕᖏᓯ-ᐊᓂᕐᓴᖓᓂᒃ ᓱᒃᑯᐃᓂ ᐊᕐᑐᓂᒃ ᒪᑯᓂᖓ: ᐃᒪᕈᔪᖅ, ᐅᖁᒣᓗᑕᑦᓴᔭ, ᐃᑯᒪᐅᑎᑦᓴᔭ, arsenic-ᓗ, selenium-ᓗ ᑖᒃᑯ ᐊ ᐊᒃᓚᓯᒪᔪᖕᖑᐃᒍᑎᒋᕙᓪᓗᒋᑦ ᑐᑭᓯᒍᑎᐅᓛᕐᑐᓂᒃ ᐊᑯᓂᕆᔪᒥᒃ ᐱᑕᖃᓗ ᐊᕈᑎᒃ ᓱᒃᑯᓇᕐᓯᒍᓐᓇᓂᖏᓐᓂᒃ ᑮᓇᓂᕐᓗᑯᓂᒥᐅᔦᑦ ᓂᕿᑐᐃᓐᓇᓃᑦᓱᑎᒃ ᖃᐅᔨᓴᕐᓃᑦ ᐊᕐᕌᒍᑦ ᖁᓕᑦ/ᑕᓪᓕᒪᐅᔪᕐᑐᑦ ᐊᓂᒍᕐᓗᒋᑦ (2) ᐱᑕᖃᕐᑎᓯᒍᑎᑦᓴᐅᓱᑎᒃ ᑭᓈᓂᕐᓗᑯᐃᑦ ᐊᒃᓚᓯᒪᔪᓕ ᐊᖑᓯᒪᒍᑎᖏᓐᓂᒃ ᐱᑕᖃᕐᑎᓯᕕᒋᓗᒋᑦ ᓄᓇᕕᒻᒥ ᐃᓗᓯ-ᓕᕆᓂᕐᓄᓗ ᐃᓄᓕᕆᓂᕐᓄᓗ ᐱᑦᔪᔨᕕᒃᑯᑦ ᐊᑐᖃᑦᑕᓂ ᐊᕐᑕᖏᓐᓂᒃ ᐃᓄᓕᒫᓂᒃ ᐃᓗᓯᕐᒨᓕᖓᔪᓂᒃ ᑐᓴᕐᑎᓯᒍᑎᒋᖃᑦᑕᓂ ᐊᕐᑕᖏᓐᓂᒃ ᐃᓕᖓᔪᓂᒃ ᓂᖀᑦ ᖃᓄᐃᖕᖏᓯ ᐊᕐᓂᖏᓐᓂᒃ ᑐᓴᕐᑕᐅᑎᑦᓯᒍᑎᒋᓗᒋᑦ ᓄᓇᓕᓐᓄᑦ. ᖃᓪᓗᓈᑦ ᓄᓇᖏᓐᓃᑐᑦ ᐊᒥᓱᑦ ᖃᐅᔨᓴᕐᑏᓗ ᐃᓕᓐᓂ-ᐊᕕᕐᔪ ᐊᓗ ᐱᓇᓱᑉᐸᑕᖏᑕ ᐊᑦᔨᒋᓇᒋᑦ ᓱᑯᐃᔦᓂᕐᒨᓕᖓᔪᑐᐃᓐᓇᓂᒃ ᖃᐅᔨᓴᕐᐸᒪᑕ ᓯᕗᓂᖃᕈᑎᒋᑦᓱᓂᒋᑦ ᐊᑐ ᐊᖓᖕᖑᐃᓂᑦᓴᒥᒃ ᖃᐅᔨᔭᒥᓐᓂᒃ; ᖃᐅᔨᓴᕐᓃᑦ ᐊᑐᑎᕙᑦᑕᖏᑦ ᓄᓇᕕᒻᒥ ᖃᐅᔨᓴᕐᓂᓂᒃ ᐱᑦᔪᔨᕕᐅᑉ ᓯᕗᓪᓕᐹᖑᑦᓱᑎᒃ ᑲᒪᒋᔭᖃᓪᓚᕆᑦᓯᒪᕗᑦ ᐃᓱᒫᓗᒍᑎ ᐅᔪᓂᒃ ᓂᑦᔮᒍᑎᐅᖃᑦᑕᓯᒪᔪᓂᒃ ᓄᓇᕕᐅᑉ ᓄᓇᓕᖏᓐᓄᑦ ᐊᒻᒪᓗ ᓄᐃᑦᓯᒍᑎᖃᕐᓱᑎᒃ ᖃᐅᔨᔭᒥᓐᓂᒃ ᓄᓇᕕᒻᒥᐅᓄᑦ ᐱᕙᓪᓕᖁᑎᐅᓚᖓᑎᓪᓗᒋᑦ ᐅᖃᕋᔭᕈᒃᑭᑦ ᑎᓕᔭᐅᒪᒍᑎᒋᔭᖏᓐᓂ ᖃᐅᔨᓴᕐᓂᓂᒃ ᐱᑦᔪᔨᕕᐅᑉ. ᑕᒪᒃᑯᑎᒎᓇ ᐊᑦᔨᒋᔭᐅᖕᖏᓂᖃᓪᓚᕆᑉᐳᒍᑦ ᖃᓪᓗᓈᑦ ᖃᐅᔨᓴᕐᑎᖏᓐᓄᑦ. ᑭᓈᓂᕐᓗᑯᓂᒃ ᖃᐅᔨᓴᕐᓂ ᓄᓇᕕᒻᒥ ᖃᐅᔨᓴᕐᓂᓂᒃ ᐱᑦᔪᔨᕕᒻᒥ ᐊᓯᑦᔨᕙᓪᓕ ᐊᓂᖃᕐᓯᒪᒻᒪ ᐊᕐᕌᒍᑦ 30 ᐊᓂᒍᕐᐸᓕ ᐊᑎᓪᓗᒋᑦ ᓄᑖᓂᒃ ᐱᓪᓗᑯᒋ-ᐊᓕᓐᓂᒃ ᐱᓇᓱᒍᑎᑖᕐᐸᓱᓂ ᖃᓄᐃᓘᕆᒍᑎᑦᓴᑖᕐᐸᓱᓂᓗ ᑭᓯ ᐊᓂ ᑌᒣᒃᑲᓗ ᐊᕐᑎᓗᒋᑦ ᑎᓕᔭᐅᒪᒍᑎᖏᑦ ᐊᓯᑦᔨᓚᐅᕐᓯᒪᖕᖏᑐᑦ.

ᖃᐅᔨᓴᕋᑦᓴᑕᖑᓯᒪᔪᓂᒃ ᖃᐅᔨᓴᕐᕕᑎᓐᓂ ᖃᐅᔨ-ᓴᕐᓂᐅᑉ ᐊᓯ ᐊᒍᑦ ᐱᓇᓱᒐᕋᓄᑦ ᓄᓇᕕᒻᒥ ᐊᓯᖏᓐᓄᑦ ᓄᓇᓕᓐᓄ ᐅᐸᐅᑎᖃᑦᑕᓚᐅᔪᒋᕗᖓ ᓄᓇᑐᐃᓐᓇᒥ ᓄ ᐊᑦᓯᒋ ᐊᕐᑐᓱᖓ ᖃᐅᔨᓴᕋᑦᓴᓂᒃ ᑭᓈᓂᕐᓗᑯᑕᖃᕐᒪᖔᑕ ᖃᐅᔨᓴᓚᕐᑕᑲᓂᒃ ᓄᓇᓕᓐᓂᓗ ᐃᒪᖅ ᐃᒥᑦᓯ ᐊᖑᒐᓗ ᐊᕐᒪᒐᑕ ᖃᐅᔨᓴᕐᐸᒥᑦᓱᖓ ᓄᓇᓕᓐᓄᑦ ᐊᑕᓐᓂᐅᕕᐅᒍᑎᕕᓂᕆᓕᑐ ᐊᕋᒃᑭᑦ ᐃᓱᒫᓗᒍᑎᖃᓕᕐᑐᓄᑦ ᐅᔭᕋᓐᓂ-ᐊᓄᓪᓗ ᐊᓯᖏᓐᓄᓗ ᐃᓱ ᐊᖁᑎᑦᓴᓂᒃ ᐱᕙᓪᓕ ᐊᑎᑦᓯᔪᓄᑦ ᓄᓇᓕᒻᒥᓄᑦ ᖃᓂᑦᑐᓂᒃ ᓱᕐᕋᑕᐅᔨ ᐊᖃᕐᓂ ᐊᖑᑦᑐᓂᒃ ᓄᓇᒥᓐᓂᒃ, ᐃᒥᕐᑖᕕᒻᒥᓂᒃ ᓂᕐᔪᑎᓂᒃᓗ.

ᑭᓈᓂᕐᓗᑯᓂᒃ ᖃᐅᔨᓴᕐᓂᕗᑦ ᓱᖏᕐᑐᑎᖃᓪᓚᕆᖃᑦᑕᓚᐅᔪᕗᖅ ᓄᓇᓖᑦ ᐊᖑᓇᓱᑦᑎᖏᑕᓗ, ᐃᖃᓗᓐᓂ ᐊᑎᖏᑕᓗ, ᓂᕐᔪᑏᓪᓗ ᐳᓖᓯᖕᖑ ᐊᖏᑕ, ᓄᓇᓕᐅᓪᓗ ᐃᓕᓐᓂ ᐊᑎᖏᑕ ᐃᓚᐅᓂᖏᓐᓂᒃ ᖃᐅᔨᓴᕋᑦᓴᓂᒃ ᓄ ᐊᑦᓯᓂ-ᖃᓕᕐᑎᓗᒍ ᐊᑐᑎᖃᓪᓚᕆᖃᑦᑕᓚᐅᔪᒻᒥᔪᖅ ᖃᐅᔨᒪᔭᖃᑦᓯ ᐊᒪᕆᓐᓂᖏᑦ ᓄᓇᒥᓐᓂᒃ. ᖃᐅᔨᓴᕐᓂᒥᒃ ᐱᓇᓱᒍᑎᕗᑦ ᐊᒥᓱᑦ ᐱᒍᓐᓇᕋᔭᕐᓯᒪᖕᖏᓚᑦ ᐃᑲᔪᕐᑕᐅᖏᒃᑯᑕ ᓄᓇᕕᒻᒥᐅᓄᑦ ᖃᐅᔨᔭᑦᑎᓂᒃ ᑐᓴᕐᑕᐅᑎᑦᓯᓚᕆᒋ ᐊᖃᓱᖑᔪᒍᑦ ᓄᓇᓕᓐᓄᑦ ᖃᐅᔨᓴᕐᕕᕕᓂᑦᑎᓄᑦ.

ᑌᒪᖕᖔᓗᒃ ᐊᒥᓲᖕᖏᑐᕈᓘᑦᓱᑕ, ᐱᓇᓱᖃᑎᒌᑦᓯ-ᐊᑲᓪᓚᓱᑕ ᐱᓇᓱᖃᑎᒌᑉᐸᐳᒍᑦ ᖃ ᐅᔨᓴᕐᓂᓂᒃ ᐱᑦᔪᔨᕕᒻᒥ, ᖃ ᐅᔨᒪᑦᓯ ᐊᑐᓂᒃ ᐱᑕᖃᕐᓱᑎᒃᓗ ᐱᔪᓐᓇᓂᕐᓂᒃ ᐃᑲᔪᕐᑎᒌᒍᑎᑦᓯ ᐊᑐᓂᒃ ᐊᑐᑎᕙᑦᑐᓂᒃ ᐊᒥᓱᐃᓂ ᐱᓇᓱᒍᑎ ᐅᓕᕐᑐᓂ. ᑭᖑᒧᑦ ᕿᕕ ᐊᓕᕋᒪ ᐱᔪᕆᒪ-ᐅᑎᖃᕐᐳᖓ ᐃᓚ ᐅᖃᑕ ᐅᓯᒪᓂᖃᕆ ᐊᒥᒃ ᑖᒃᑯᓄᖓ ᐱᓇᓱᖃᑎᒋᖃᑦᑕᓚ ᐅᕐᑕᑲᓄᑦ—ᖁᐱᕐᕆᓇᕐᑐᓕᕆᓂᕐᒥᒃ ᖃ ᐅᔨᓴᕐᑎ ᐅᓂᕋᓂ ᐅᑎᕐᕕ ᐅᒍᑎᒋᑦᓯ ᐊᓂᕐᐸᕆᓚ ᐅᕐᑕᕋ. ᐊᕐᕌᒍᑦ ᐊᓂᒍ ᐊᑎᓪᓗᒋᑦ, ᑕᑯᖃᑦᑕᓯᒪᕗᖓ ᐊᒥᓱᓂᒃ ᐱᓇᓱᖃᑎᒃᑲᓂᒃ ᐊᓯᖏᓐᓂᒃ ᐱᒐᓱᕝᕕᓴᓂᒃ ᐱᔭᖃ-ᕋᓱᓯᔪᓂᒃ, ᑭᓯ ᐊᓂᓕ ᖃ ᐅᔨᓴᕐᓂᒥᒃ ᐱᑦᔪᔨᕕᒃ ᐊᒥᓱᓄᑦ ᐃᓄᓐᓄᑦ ᐊᕐᕌᒎᓂ ᐊᒥᓱᓂ ᐱᑦᔪᔨᓂᕐᒥᒃ ᐱᓇᓱᕝᕕ-ᐅᖃᑦᑕᓚ ᐅᕐᖁᖅ ᐱᓇᓱᒐ ᐅᑉ ᐊᓯ ᐊᓄᑦ ᓄᑦᑎᕆ ᐊᕐᓂᒥᒃ ᐊᑑᑎᔭᖃᓚ ᐅᖕᖏᓂᖏᓐᓂ. ᑌᒪᓕ ᐅᖃᕐᖃ ᐅᒐᒪ ᐱᓇᓱᑦᑎ ᐅᒍᓐᓀᓂᕐᒥᒃ ᐱᒋ ᐊᕐᐸᓕ ᐊᓂᖃᓚᖓᓕᕐᓂᕋᓂᒃ ᑲᑎᖕᖑ ᐊᕈᑎᖃᕐᓱᑕ, ᒪᑭᕝᕕᒥ ᐱᓇᓱᖃᑎᒻᒪᑦ ᑐᐃᓐᓇᕈᕐᑕᕕᓂᕆᓚ ᐅᔪᔭᖓᓐᓂᒃ: ᐅᖃᕈᓐᓇᐳᖓ ‘ᐅᓪᓚᓂᖃᑦᓯᐊᒪᕆᓚᐅᕐᐳᖓ.’