ᐊᑐᓂ ᐱᓇᓱᒉᑦ ᐊᓪᓚᓯᒪᔪᐃᑦ ᐊᓪᓚᓯᒪᔪᕐᑕᓖᑦ ᑌᔭᐅᒍᓯᖓᓂᒃ ᐱᓇᓱᒐᐅᑉ, ᖃᓄᐃᑦᑑᓂᖓᓂᒃ ᐱᓇᓱᒐᖅ (ᐅᓪᓗᓕᒫᕐᓯᐅᑎᒃ, ᐅᓪᓘᑉ ᕿᑎᕐᖃᖓᓂ), ᓇᓃᓐᓂᖓ ᐱᓇᓱᒐᐅᑉ, ᓇᒧᑦ ᐊᐅᓪᓚᑎᑦᓯᒋᐊᖃᕐᒪᖔᕐᐱᑦ ᐱᓇᓱᒐᕐᑖᕈᒪᐅᑎᓂᒃ, ᐃᓱᓕᕝᕕᖓᓗ ᐱᓇᓱᒐᕐᑖᕋᓱᓐᓇᐅᑉ. ᑕᑯᓂᐊᕆᕗᑎᑦ ᐊᓪᓚᑕᐅᒪᔪᓂᑦ ᑲᒪᒋᔭᑦᓴᔭᖏᓐᓂᑦ ᐱᓇᓱᒐᕐᒧᓕᖓᔪᒥᒃ, ᐱᔪᓐᓇᕆᐊᓕᑎᓐᓂᑦ. ᐱᕙᓪᓕᖁᑎᖏᓪᓗ ᐱᓇᓱᒐᕐᒨᓕᖓᔪᐃᑦ.

ᐱᓇᓱᒐᕐᑖᕋᓱᒍᒪᒍᑎᑦ ᖃᕆᑕᐅᔭᑎᒍᑦ ᐱᔭᕆᐊᑐᔫᖕᖏᑐᖅ ᑕᑕᕐᓭᓗᑎᑦ ᑭᓇᐅᓂᕐᓂᒃ ᖃᓄᕐᓗ ᖃᐅᔨᒋᐊᕐᕕᐅᒍᓐᓇᓂᕐᓂᒃ ᐊᓪᓚᓗᑎᑦ, ᐊᐅᓪᓚᑎᑕᕐᓄᑦ ᐃᓚᐅᑎᑦᓯᓗᑎᑦ ᐊᓪᓚᓯᒪᔪᒥᒃ, ᐃᓕᓐᓂᐊᓯᒪᔭᑎᓐᓂᑦ ᐱᓇᓱᑦᑎᐅᓂᕆᓯᒪᔭᑎᓐᓂᑦ ᐊᓪᓚᓯᒪᔪᖅ ᐃᓕᓗᒍ.

ᒪᑭᕝᕕᑯᓂ ᐱᓇᓱᒐᓕᒫᑦ ᐃᓘᓐᓇᑎᑦ ᐊᓪᓚᓯᒪᔪᕐᑕᖃᕐᖁᑦ “ᐱᓇᓱᑦᑎᑖᕈᒪᓂᕐᓴᐅᕗᒍᑦ ᐃᓄᓐᓂᑦ ᐃᓚᐅᔪᓂᑦ ᔦᒻᔅ ᐯ ᑯᐯᒃᓗ ᑕᕐᕋᒐᓂ ᐊᖏᖃᑎᒌᓐᓂᖓᓄᑦ.” ᐊᓪᓚᑕᐅᒪᔪᖅ ᐱᒋᐊᕐᓂᖓᓂ ᖁᓪᓕᖓᓃᑦᑐᓂᑦ ᐱᓇᓱᒐᕐᑖᕋᓱᖁᔨᕗᒍᑦ ᐃᓕᓐᓂᑦ ᐱᒍᓐᓇᕆᐊᓕᑎᑦ ᐃᓘᓐᓇᑎᑦ ᐱᑕᖃᖕᖏᑲᓗᐊᕐᐸᑕ. ᖃᐅᔨᒪᖁᔨᕗᒍᑦ ᐃᓕᓐᓂᐊᑎᑕᐅᒍᓐᓇᕋᕕᑦ ᐱᓇᓱᒐᕐᒥ ᐱᓇᓱᓪᓗᑎ, ᐃᓕᓐᓂᐊᕈᓐᓇᓱᑎᑦ ᐃᓕᑕᕆᔭᐅᒍᑎᑖᕐᓗᑎᑦ ᐃᓚᐅᓂᕐᓄᑦ ᐅᕙᑦᑎᓄᑦ.